رواية مهمه بنات وشباب المخابرات
الفصل السابع عشر 17
بقلم اش
وقبل ما نبدا اي حاجه لازم نصلي على النبي اللهم صل وسلم عليك يا حبيبي يا رسول الله ❤️❤️❤️❤️❤️
_________________________________________
نبدا روايتنا في فيلا طارق ابو ليث
"""""""""""""""""""""""""""""""""""""""""""""""""""""
طارق : اختفت فين يعني
مصطفى: يا باشا الحارس اللي كان هيوديها اوضتها اختفى هو كمان ومش لاقيين ليه ولا ليها اي اثر وفضلنا ندور عليهم في كل مكان بس بردك مش لاقيين لهم اي اثر
طارق: ازي يعني ازي
مصطفى: اهدى يا باشا اهدى
طارق: اخرج بره امشي من قدامي............ وهرب مصطفى من قدام طارق اللي كان عامل شكل الطور الهايج
وبعدين راح وقف في مكان تاني ما كانش في اي حراس وبعدين طلعت تليفونه ورن على........
مصطفى : ايوه يا ايه لميس هانم هربت وهو مش طايق نفسه وعمال يكسر في الفيلا والصفقه اللي كانت هتتسلم اخر الاسبوع هتستسلم بكره عشان الناس مستعجله
ايه: كويس اوي يا مصطفى كلمني لما يحدد ميعاد التسليم بكره عشان احضر نفسي وانا هبعت حد يعرف لميس هانم فين سلام دلوقتي........ ايه قفلت المكالمه وهي طايره من السعاده خلاص حلمها قرب يتحقق حلم الا نـ ـتـ ـقـ ـام باقي عليه خطوه غيرت هدومها ونزلت للشباب وهي مبسوطه وطايره من الفرحه
ايه: صباح الخير يا شباب
اسماء :اي الفرحه اللي هتنط من عينيكي دي انتي هتتجوزوا ولا اي
ايه: يا خفيفه بعد الشر عليا طبعا.... وبعدين حكيتلهم اللي مصطفى قالهولها
اسماء :اخيرا ده انا قلت ان انا هـ ـمـ ـو9ت وانتي لسه
ما انتـ ـقـ ـمـ ـتـ يـش
ياسمين :واحنا بقى هنرجع الشغل ازاي وهما عارفين ان احنا
مـ ـوتـ ـنا
ايه كانت لسه هترد عليها بس قطع كلامها دخول يزيد....
يزيد :والله عال متجمعين عند النبي ان شاء الله بقى انتو قاعدين هنا وفرحانين وانا طالع عيني في الشغل انتم نزلتوا مصر وسبتوا الشركات تولع المفروض كان في اجتماع النهارده بس انتم نسيتوا خالص واوراق الصفقه ما ترجعتش والدنيا بايظه احنا السنه دي هنعلن افلاسنا باللي انتم بتعملوه ده
ايه :طب يلا يا بنات كل واحده تطلع تجهز نفسها عشان عندنا شغل احنا فعلا اهملنا الشغل اليومين دول...... وبعدين واجهه كلامها للشباب....... احنا هنتجمع كلنا بالليل عشان نتفق على كل حاجه وانت يا يزيد كلم ليث وخليه يجيب اخته عشان هنحتاجها
الشباب كانوا مظلومين ازاي البنات دول بقى ليهم شركات اما طائف فما كانش مستغرب لان ايه قايله له الكلام ده امبارح...... البنات طلعوا لبسوا هدومهم ونزلوا....
ايه: يلا بجد بقى عشان احنا اتاخرنا ها يا كارما جبت ورق الصفقه معاكي
كارما :ايوه جبته ويلا بينا بقى عشان الاجتماع
خرجوا البنات وكان وراهم الشباب الشباب كانوا ماشيين ولسه مش مستوعبين اي حاجه بتحصل
طائف: انا عارف اللي انتم مصدومين بس انتم لازم تتعودوا على المجانين دول.......... وركبوا عربياتهم وراحوا الشركه
*اما عند فاطمه ومعتز فكانوا صحيوا بدري وراحوا يتمشوا على البحر زي ما فاطمه ما كانت عايزه
معتز :الله البحر والحب متجمعين سوا
فاطمه: اي خدمه
معتز: بس تصدقي انا مش قادر انسى ليله امبارح وما كنتش اعرف ان صوتك حلو اوي كده
فاطمه: شكرا شكرا بس انا عاوزاك تعرف حاجه واحده ان انا مش زي اي حد انا فاطمه يعني جوهره غاليه اوي
معتز :همو9ت من كتر التواضع بتاعك................ وهما ماشيين على البحر جه لمعتز تليفون اضطر اللي هو يرد على التليفون بس في نفس اللحظه دي في بنت قربت منهم وخبطت فيه وكانت هتقع بس هو مسكها عشان يساعدها قبل ما تقع وفضلت البنت دي في حضن معتز وما اتحركتش
فاطمه: اي عجبك حضن اوي
البنت: انا اسفه بس انا اتكعبلت وكنت هقع بس هو لحقني
فاطمه: اه قلتيلي وقعتي يا ريت تحترمي نفسك شويه مش جايه تترمي على واحد متجوز وتقوليلي اسفه كنت هقع لا يا حبيبتي فوقي كده انا بنت زيي زيك وعارفه انا شغل البنات اليومين دول تيجي تقع وتقول انا اسفه انا اتكعبلت وبعد كده تفضل ماشيه ورا وكل لما يروح في حته تقول اي ده اي الصدفه الحلوه دي لحد ما يصدق اللي هي فعلا صدف وفي الاخر تضحك عليه قد اي انت واحده زباله............ اتحرجت البنت من كلام فاطمه وسابتهم ومشيت...... اي انت كمان كان عاجبك اوي حضنها
معتز ابتسم وما ردش عليها اما هي قربت منه ومسكته من هدومه وقالت له
فاطمه: بص بقى يا معتز انا واحده بتغير ولما بحب...... بحب يكون الشخص اللي بحبه ليا لوحدي يعني ملكي انا حتى تصرفاته كلها تبقى ليا وانا لما بغير ممكن اعمل اي حاجه عشان تبقى عارف انا مستحيل اسيبك لغيري....... وبعدين سابته وراحت العربيه وهي متضايقه اما هو فكان عمال يضحك عليها وعلى تصرفاتها عشان هو بيغير عليها واكتر كمان
نرجع مع بعض تاني في فيلا طارق:................
مصطفى: رايح فين يا باشا
طارق: رايح الشركه في صفقه مهمه النهارده ولازم نوقع العقود
مصطفى تمام يا باشا انا هحصلك على هناك
وسابوا مصطفى وراح لايه في الشركه وعرفها ان الصفقه هتكون بينها وبين شركه عمها....... اما هي بقى هتصرفت بذكاء وقالت لهم ان هي هتوقع الاوراق بس هتكون اوراق مزيفه عشان ما يحصلش اي ضرر للشركه وفي نفس الوقت يكون عمها تحت نظرها واتفقت مصطفى انه يقول لعمها ان الاوراق كلها سليمه وما فيهاش ولا غلطه وبالفعل بدا الاجتماع وتجمع رؤساء الشركه وايه كانت قاعده في المقعد الرئيسي والبنات جنبها اما يزيد كان قاعد جنب ياسمين ومعدتش دقائق وكان طارق وصل ودخل اوضه الاجتماعات بغرور وايه حاولت انها تسيطر على نفسها ويزيد كان ملاحظ ملامح ايه اللي هي اتغيرت للغضب وقال ياسمين تهديها قبل ما تكشفوا وبدا الاجتماع وكان طارق بيبص لايه كتير.. ايه كانت شبه مامتها اوي اما فاطمه فكانت شبه باباها كانت واخده منه شبه كبير
طارق: انا شفتك فين قبل كده
ايه: انا ما اعرفكش وكمان انا كنت عايشه بره يعني انت عمرك ما شفتني اصلا ويا ريت بقى نخلص الاجتماع ورانا شغل كتير........... وبالفعل طارق وقع على الاوراق اما ايه ابتسمت ابتسامه نصر خلاص كده بقى خطتها اكتملت وبكره هتبقى نهايه عمها الظالم..... مصطفى فضل مع البنات بحجه اللي هو هيراجع الاوراق
ايه: كده نكون خلصنا منه... اه صحيح يا مصطفى نسيت اقولك انا لقيت لميس وهي سافرت بره عشان تتعالج من الادمان واتجوزت من الحارس اللي هربها
مصطفى: انتي عرفتي كل ده ازاي
البنات كلهم ضحكوا وقالوا بصوت واحد احنا مش اي بنات احنا بنات المخابرات
يزيد: ها يا بنات احنا بدانا نرجع للجنان ولا اي لا بقولكم ايه انا مش حمل ان انا اتهبل زيكم انا عاوز اتجوز وانا عاقل
مصطفى: طب انا همشي بقى قبل ما اتجنن منكم انا كمان..... طلع مصطفى وهو بيضحك عليهم
الكل اتجمع زي ما ايه ما طلبت حتى ايمان كانت موجوده:...
ايه :دلوقتي الكل يركز معايا انتي يا ايمان تخترقي اي مكالمه تيجي لطارق مش انت بردك تخصص تكنولوجيا
ايمان: ايوه ما تقلقيش هخترقها واخليكي تسمعيها
ايه: تمام انتي كده بقى شغلتك خلصت انتم بقى يا شباب... انت تروح بكره المقر عند اللواء عادل وهتفهمه كل حاجه وتقول له ان احنا لازم نهجم بكره يعني بكره انت لازم تروح له بدري لازم تروح له بدري قبل التسليم اما انت بقى يا طائف فهتيجي معايا لما اختفي
طائف :تختفي وتختفي ليه
كارما: عشان طارق طلب اللي هما يـ ـقـ ـتـ ـلـ ـوهـ ـا بكره قبل ميعاد التسليم عشان الشرطه تنشغل عنهم
ايه: بس هو ما يعرفش ان حد يعرف ان انا عايشه غيركم وده اللي انا كنت عاوزاه عشان الخطه تكمل...... اما انت بقى يا ايان فهتروح بكره لفاطمه وتاخد منها شعرايه عشان نعمل تحليل dna عشان بعد المهمه دي فلازم اخلص حاجات كان لازم اخلصها من زمان....... وبعدين بصه لطائف بحزن...... اما انت بقى يا ليث مهمتك انك تعطل الصفقه او توقفها لانك عارف كل حاجه عنها... اما بقى اسماء وياسمين هم اللي هيبقوا مسؤولين على الهجوم اللي هيحصل ها يا كارما جه الوقت اللي هتطبقي فيه تدريبك عاوزه اشوف انتي كنتي بتضربي فعلا ولا كنتي بتلعبي
كارما :كل ده وكنت بلعب ده انا كنت شبه الاموات يا مفتريه انا كنت بنام ساعتين بس في اليوم
اما بقي ليث كان سرحان في كارما وحركاتها وكل حاجه فيها حتى ضحكتها وايه لحظه كل ده وضحكه وكانت فرحانه من قلبها على ابن عمها وكانت ملاحظه يزيد كان باصص لايمان وما شالش عينه من عليها ضحكت ايه على منظر يزيد وليث وكانت بتضحك بصوت عالي والكل كان مستغرب على ضحكها
كارما: ها يا ايه بتضحكي على اي ما تضحكينا معاكي
ايه: لا ما فيش اصل انا شايفه ناس تاهت مننا خالص ما كانتش مركزه معانا.......... ليث ويزيد اخذوا بالهم وردوا في نفس واحد
.. يا فضحانه انت على طول.... وبعدين بصوا لبعض وضحكوا والكل ضحك عليهم
ثاني يوم الصبح صحيوا كل الشباب ونزلوا كلهم تحت وليث ويزيد وايمان كانوا تحت اما البنات فما كانوش موجودين
ايان: امال فين....
بس قطع كلام ايان نزول البنات وفضل يبصلهم بصدمه
ايان: هو انتم لابسين كده ليه يا بنات
ايه: هو اي لابسين كده ليه
حازم :اصل كلنا مستغربين انتوا ليه كلكم لابسين اسود كده
ايه: عشان النهارده هتكون الليله سوداء على دماغ طارق وكمان احنا بدانا في الجد يعني ما عادش في هزار ويلا بقى كل واحد يعمل مهمته ونتقابل بالليل قبل المهمه....
وتفرقوا كلهم كل واحد في مكان عشان ينفذوا الخطه اللي تكلفوا بيهم وكل واحد خلص اللي وراه وجه الليل والكل كان موجود حتى معتز وفاطمه....
ايه: ها عملتوا اي
ايان :النتيجه كانت هتطلع بكره بس عشان الدكتور صاحبي طلعها النهارده والتحاليل بتقول ان فاطمه تبقى اختك بنسبه 99%
ايه :والله بجد قلبي كان حاسس........ جريت ايه على فاطمه وحضنتها فضلوا يعيطوا هم الاثنين فضلوا يعيطوا على الايام اللي ما كانوش فيها سوا......... خلصت ايه وفاطمه اللحظات العاطفيه دي وبعد كده رجعت تاني للمهمه
ايه: وانت يا حازم عملت اي
حازم: فهمت كل حاجه اللواء عادل وقال لي هو هيتصرف وهيظبط كل حاجه
اما ايمان عرفتها ان باباها ما قالهوش اي اتصال من امبارح حتى ما خرجش من الاوضه بتاعته اما الباقي فكانوا نفذوا كل حاجه بالحرف الواحد وهما دلوقتي مستنيين مكالمه مصطفى...
ايان :انا زهقت يا جماعه ما تكلميه يا ايه شوفي اتاخر كده ليه............ ايه رنت على مصطفى وقالها اللي هما هيتحركم دلوقتي وهو كان لسه هيكلمها
ايه: طب يلا يا شباب يلا جهزي نفسكم وقت اللعب بدا.... وبعد كده خرجوا الشباب عشان ينفذوا المهمه
عايزه اوضح ملحوظه صغيره بس :... لميس تبقى عمه ليث ولما طارق قتل اخوه هي كانت حاضره كل ده بس هو هديتها اللي هو هيحرمها من الفلوس عشان كده سكتت طول الفتره دي