رواية المجنونه والعنيد
الفصل الرابع 4
بقلم اش
نبدا روايتنا عند حلا وهي داخله شقه اسر
________________________________
كانت داخله وهي ميته من الخوف ولقت حاجه صدمتها لقيته عمال بيضرب نفسه وبيكسر في كل حاجه حواليه لمحه وراحه عليها وهو وشه احمر وعينيه كانت بتطق شرار من صدمتي ما قدرتش اتحرك من مكاني
حلا: يا لهوس طب اجري ده الجري الجدعنه كلها....... بس ما قدرتش حاسه ان انا متسمره مكاني شدني حوتني في الحيطه
اسر: انتي ايه اللي دخلك هنا
حلا: انا اسفه
اسر بزعيق: مش قلتلك سيبيني في حالي
حلا :خلاص اسفه اسفه اسفه والله سيبني امشي
اسر :لازم تتعاقبي على اللي انتي عملتيه ده
وقرب مني اكتر زقيته وطلعت اجري وطلع يجري ورايا من خوفي مش عارفه الحق افتح الباب شايفه انه جاي ورايا وهيمسكني وشكله كده ما كانش في وعيه فتحت الباب بسرعه وقفلت ورايا
حلا: يا لهوي ده انا كنت هروح فيها بس ليه بيضرب في نفسه كده وبيكسر في كل حاجه مع انه كان الصبح طبيعي ليه دلوقتي شكله مش طبيعي ليكون عنده انفصام في الشخصيه ولا يكون مجنون ده انا وقعت واقعه........ رحت نمت على السرير والدربكه اختفت...... يا ترى انت رحت فين وانا مالي............ ورحت في النوم بعد يوم طويل
في المستشفى..........
عامر: ايه يا امي مش هتفوقي بقى انتي عارفه اللي انا من غيرك وحيد وحلا سابتني وانتي كمان سبتيني الحياه من غيركم ملهاش طعم ملهاش لازمه انا خلاص الياس اتملك مني انا تعبت
عند حلا كانت صحيت من النوم ثاني يوم ولبست ونزلت تجري شويه ولقيته هو كمان بيجري
حلا: طب انا هعمل ايه اكمل جري ولا اروح لان فعلا خايفه منه خايفه من ايه ده انا بضحك في وش المخاطر....... وكملت جري واتجاهلته وكان كاننا بنتسابق لو سبقني بسبق ولو سبقته بيسبقني انا حاسه اللي هو عاوز يمسكني ويطلع عليا القديم والجديد وقفتني بنوته صغيره اول مره اشوفها
حلا :ايه يا قمر
مريم: انا اسمي مريم
حلا :وعاوزه ايه يا مريم
مريم :ده صندوق تبرعات ممكن تتبرعي فيه
حلا :صندوق تبرعات لايه
مريم: عشان انا تعبانه
حلا :طب ممكن تيجي معايا نقعد على الاستراحه وتحكي لي كل حاجه
مريم: ماشي
حلا: ها عندك كم سنه يا مريومه
مريم: عندي تسع سنين
حلا: العمر كله ليكي يا حبيبتي تعبانه مالك بقى
مريم :كنت في يوم في المدرسه اغمى عليا ومن يومها وانا شعري بيقع وكل شويه بيغم عليا وماما وبابا ودوني للدكتور وقعت اللي انا عاوزه اعمل عمليه وبفلوس كتيره اوي وماما وبابا مش معاهم فلوس وعملت الصندوق ده عشان اساعدهم
قمت وطلعت لها الفلوس اللي كانت معايا وادتها لها ما كنتش اعرف ان بدايه قصتي هتبقى من مريم اللي هتغير حياتي ورحت البيت وجبت فلوس ونزلت وجبت الاجهزه الكهربائيه اللي انا هحتاجها واشتريت شويه حاجات كانت ناقصه الشقه جبتهم وحطيتهم في الشقه كنا بعد العصر وقفلت الشقه ونزلت اقعد على البحر ومعايا كتاب كنا بعد العصر بس الشمس مش حره الشمس كانت دافيه وكنت قاعده ومستنيه اشوف الغروب لقيت مريم ومعاها تقريبا باباها ومامتها وعملتلي باي وانا كمان عملتلها باي كان الهم باين على وشهم وراحوا قعدوا لوحدهم زي ما يكونوا بيشتكوا للبحر قمت ولسه هدخل من باب العماره لقيت اسر في وشي وبص لي ببرود كالعاده استاذ قموصه ما عندهوش غير البرود
وبعد مرور سنه في مركز الشرطه........
اللواء: يعني ازاي يا حضره الظابط مش عارف تمسكها 10 شهور وما انتاش عارف......... بيرد الظابط اللي طلع
اسر: يا فندم هي على طول سبقانه في خطوه وبتقول لنا هي هتسرق ايه وبعدين هي تهرب مننا وبتسيب حرف A بس
اللواء: يعني بتبعتلك المعلومات وما بتعرفش تمسكها وبتهرب منك لا بجد برافو يا حضره الظابط
اسر: همسكها يا فندم مفيش مجرم ما بيغلطش همسكها
وراح اسر الكافيه اللي بيقعد فيه على طول وهو متعصب
يوسف: في ايه يا اسر مالك
اسر: اقعد يا يوسف
يوسف: قعد مالك بقى ايه اللي مضايقك
اسر: بقى انا الرائد اسر المهدي اللي الملف بتاعي ما فيهوش ولا غلطه البت دي تعمل فيا كده
يوسف: بت مين
اسر :اللي سرقت الوزير المدام A
يوسف: اكيد هتقع يا اسر انت اشطر ظابط في الداخليه يعني مفيش ولا قضيه وقفت في ايدك
اسر: هرميها في السجن زي باقي المجرمين قريب ومش هرحمها...... تليفون اسر كان بيرن وبعديها جاب له رساله وفتح الرساله لقاها بتقول.........رجل الاعمال اياد القاسم ده بقى اغتلاس اموال وغسيل اموال وتجاره غير شرعيه تلاقي يعني تقريبا كل الوساخه فيه هخلصه من كل الذنب ده يوم اليتيم قبل نص الليل هتلاقيني هناك.......
يوسف: فيها ايه الرساله دي يا اسر
اسر: بتقول لي هتسرق مين بس وديني لمسكها المره دي
يوسف: يوم اليتيم ده بكره
اسر: ايوه هجهز ليها كويس وبكره هتشرف في السجن
يوسف: ربنا معاك يا كابتن
عامر واقف قدام المرايه وكان بيحلق دقنه لانه دخل في حاله اكتئاب بقى له ثلاث شهور بعد وفاه امه اللي كانت ميته اكلينيكيا.....
عامر: خلاص يا حلا ما عادش ليا غيرك انتي اللي اديتيني الامل في الحياه انا صبرت نفسي بيكي خلاص هدور عليكي وهتبقي ليا وهسعدك وعمري ما هضيعك من ايدي تاني
في مكتب اسر٠٠٠٠٠٠٠٠٠٠٠٠٠٠٠٠٠٠٠٠
اسر: ها يا رجاله كده تمام عرفتوا هتعملوا ايه
الكل تمام يا فندم
اسر: التوفيق من ربنا ثم مجهودكم ان شاء الله عايزين نمسكها المره دي
الكل ان شاء الله يا فندم
وروح اسر البيت وبص على الشقه حلا المقفوله وكان حاسس بالذنب اللي هو خلاها تمشي وبيفتكر اسر كل اللي حصل من سنه
_______________ فلاش باك_____________
حلا دخلت من باب العماره وهو بصلها ببرود كالعاده ونظره غضب كانت هتمشي بس هو مسك ايديها
اسر: رايحه فين
حلا: رايحه شقتي
اسر :لا خلاص ما عدتش شقتك
حلا: مش فاهمه حاجه مش المفروض الشقه باسمي ومعايا العقد بتاعها
اسر: خلاص رجعت في البيعه ما اقدرش اعيش مع حد متطفل زيك عندي في بيتي
حلا: بس احنا كان ما بينا اتفاق والعقد يثبت ملكيتي للشقه
اسر: بالليل واشربي ميته هو مش عقد صحيح كان لازم يتسجل ده عقد سوري الا اذا
حلا: الا اذا ايه بقى يا استاذ اسر
اسر: الا اذا تقضي معايا لـ ـيلـ ـه.......