رواية مهمه بنات وشباب المخابرات
الفصل السابع 7
بقلم اش
وقبل ما نبدا اي حاجه لازم نصلي على النبي اللهم صل وسلم عليك يا حبيبي يا رسول الله ❤️
_________________________________________
يبدا اول روايتنا عند حازم واسماء ومعاذ لما كان رايح ينقذ ياسمين وكارما
______________________
حازم :احنا لازم نحوط البيت عشان ما حدش يهرب
وزع على كل واحد دوره وبداوا فعلا بالتنفيذ وما عدتش دقائق عليهم غير لما كان الرصاص مالي المكان
اسماء: حازم روح شوف على ياسمين وكارما فين
حازم كان بيدور على ياسمين كارما لحد ما سمع صوت زي سويت جاي من اوضه بس بعيده شويه وكسر الباب حازم ودخل
حازم: انتي كويسه فين ياسمين
كارما: ياسمين فقطت الوعي بعد ما ضربوها بالنار وبتنزف من نص ساعه
حازم :طب هي فين
كارما: هناك واقعه في الارض
حازم: طب انا هفكك دلوقتي وبعد ما افكك تفضلي ماشيه ورايا
كارما: ماشي بس فكني بسرعه عشان الحق ياسمين
حازم: ليه هو انتي دكتوره
كارما: ايوه يلا بسرعه قبل ما تدخل في غيبوبه
فك حازم كارما وراحوا جري لياسمين ولقوها واقفه على الارض وكانت شبه الميته
كارما: احنا لازم نوقف النزيف
حازم: لا احنا لازم ناخدها للمستشفى بسرعه
كارما :بس.....
وقطع كلامها دخول اسماء ومعاذ.
معاذ: ياسمين هي مالها عامله كده ليه
حازم: احنا لازم نروح مستشفى بسرعه
معاذ: بسرعه طيب شيلها معايا على العربيه
* *** وشالها حازم وطلع يجري على العربيه وحطي ياسمين في الكرسي اللي وركب جنبها * ***
اسماء :اطلع انت يا معاذ معاهم وانا هجيب كارما واجي وراكم
~{{معاذ وحازم راحوا بياسمين على المستشفى وكانت ماشيه وراهم اسماء وكارما}} ~ وما تاخرش كتير وصل المستشفى وحازم شال ياسمين وطلع يجري على المستشفى جوه
حازم: انتم يا اللي هنا حد يجي يشوفها بسرعه
دكتوره: في اي يا استاذ مالك بتزعق كده ليه دي مستشفى وفيها مرضى
حازم: انقذوها بسرعه
وخدوا ياسمين ودخلوها اوضه العمليات عشان يطلعوا لها الرصاصه وبعديها بخمس دقائق وصلت اسماء وكارما
اسماء :ياسمين فين هي كويسه
حازم: لسه داخله اوضه العمليات حالا
_______وبعد مرور ساعه خرج الدكتور وقالهم بحزن______
الدكتور: انا اسف بس هي حالتها خطيره وفي خطر دلوقتي عشان هي نزفت كتير واحنا طلعنا الرصاصه من جسمها بس محتاجين متبرع لان فصيله دمها نادره مش موجوده عندنا
اسماء: ايه هي اللي عندها نفس فصيله دمها
حازم: هي فصيله دمها ايه يا دكتور
الدكتور: فصيله دمها A+
حازم :اي ده نفس فصيله دمي
دكتور: طب انا هبعت لك ممرضه تسحب منك الدم
وبعد مرور نص ساعه خرج حازم وهو دايخ وسالهم اذا كان الدكتور طمنهم بحاجه ولا لا
معاذ: حازم انت ليه قمت من مكانك انت لسه مسحوب منك كيس دم المفروض ترتاح عشان خاطر ما تقعش من طولك
حازم: انا مش هرتاح الا لما ياسمين تطلع واطمن عليها
معاذ :وانت مالك يا حازم مهتم بها كده ليه
حازم :لان نزلت مصر عشان انقسها من غير ما يحصل لها اي حاجه بس
_______________وبعد مرور ساعتين________________
كارما :هم اتاخروا جوه كده ليه
معاذ :مش عارف بس انا مش مطمن
وفجاه سمعوا صوت عالي طالع من اوضه العمليات وبعد الممرضين خرجوا بسرعه وما حدش كان فاهم اي حاجه
حازم :هم بيجري بسرعه كده ليه
كارما :كله بسببي انا سبب اللي بيحصل ده
اسماء: ياسمين مش هيحصل لها حاجه انا متاكده يا كارما
___________وشويه وخرج الدكتور______________
الدكتور: انا اسف يا جماعه بس هي دخلت في غيبوبه
اسماء: طب هي هتفوق امتى
الدكتور: مش عارف والله بس هي ممكن تقعد ايام شهور او ممكن حتى سنين على حسب المريض لو هو عايز يرجع للواقع ممكن يرجع اقل من ساعه
حازم: يعني هي ممكن تصحى
الدكتور: ممكن بس احنا هنسيبها في العنايه لحد 48 ساعه لحد ما حالتها تستقر ونشوف احنا هنعمل اي
حازم :شكرا يا دكتور تعبناك معانا
الدكتور: تعب اي بس ده شغلي الف سلامه عليها
كارما: يا ريتني كنت مكانها انا السبب انا لو كنت سمعت كلامها ما كانش حصل كل ده
معاذ: خلاص يا حبيبتي اهدي ما تعيطيش ان شاء الله ياسمين هتقوم بالسلامه وهتبقى كويسه ان شاء الله ويلا انتي كمان عشان تروحي انتي تعبت النهارده لازم ترتاحي وانتي كمان يا اسماء لازم تروحي معها
اسماء : لا طبعا انا هفضل هنا مع ياسمين مش هسيبها ابدا
معاذ: لا انتي لازم تروحي وانا هفضل هنا مع ياسمين
كارما: معاذ انا......
وما كملتش كارما كلامها وفقدت الوعي على طول
معاذ: كارما اصحي فوقي يا حبيبتي فوقي
اسماء: انا هروح اجيب دكتور مش عارفه اي النصايب دي بس يا ربي
وبعد مرور 10 دقائق كانت فاقت كارما وكانت حاسه بصداع جامد
كارما: اه يا دماغي
معاذ: حمد لله على سلامتك يا حبيبتي
كارما: انا دماغي بتوجعني اوي هو اي اللي حصل
الدكتور: وجع الدماغ ده حاجه عاديه اوي عشان انتي عندك ارهاق وكمان شكلك ما اكلتيش حاجه من الصبح عشان كده فقدتي الوعي وتعلقلك محلول وبعد ما يخلص ممكن تروحي والف سلامه عليكي وياريت ترتاحي شويه
_____تعالوا بقى نروح في اسبانيا عند ايه وطائف وايان____
ايه: انا مش مرتاحه انا حاسه ان في حاجه حصلت
طائف: اهدي يا ايه اكيد مفيش اي حاجه حصلت وكمان حازم معاهم
ايه :لا انا لازم اكلم اسماء انا حاسه ان في حد فيهم وجرى له حاجه
_______وايه مسكت التليفون ورنت على اسماء_________
اسماء: الو مين معايا
ايه: مالك يا اسماء انا ايه هو في اي
اسماء: انا اسفه يا ايه انا ما شفتش الاسم قبل ما ارد
ايه: هو انتي مالوا صوتك في اي....... في اي يا اسماء حد حصل له حاجه انتي بتعيطي ليه كارما....
اسماء : لا كارما كويسه بس اي...
ايه: في اي يا اسماء ما تخوفنيش ارجوكي ياسمين حصل لها اي
اسماء: ياسمين دخلت في غيبوبه وهي دلوقتي في العنايه المركزه
ايه: انتي بتقولي اي
طائف: في اي يا ايه
ايه: ياسمين..... ياسمين دخلت في غيبوبه
اسماء :ما تقلقيش يا ايه احنا معاها كلنا
ايه: انا..... انا لازم انزل مصر انا لازم اكون جنب ياسمين
طائف :طب وليث هتعملي معاه اي وكمان المهمه انتي لو نزلت مصر هتعرضي الكل حياته الخطر وكمان اسماء بتطمنك اللي هم كلهم معاها وكمان حازم معاهم يعني ما تخافيش......... يا ايه انتي لازم تهدي وكمان العياط مش هو الحل وكمان ياسمين هتفوق ولازم تبقي قويه عشان اسماء ولازم تكوني قويه قدامها وما تنهريش
ايه :اسماء انتي مهمتك انك تحمي كارما ومعاذ عشان زي ما انتي عارفه ان حياتهم في خطر وفي اي وقت ممكن يحصل اي حاجه فلازم تخلي بالك من كل اللي حواليكي سمعاني يا اسماء انا معتمده على ربنا ثم عليكي
اسماء: ما تقلقيش يا ايه انا هحميهم واخلي بالي منهم سلام دلوقتي عشان احنا مروحين
ايه: امال مين هيفضل مع ياسمين
اسماء: حازم عشان كارما تعبت وانا ومعاذ هنروحها وهو قال انا هفضل معاه هنا
ايه: طب خلي بالك من نفسك يا حبيبتي مع الف سلامه............. معلش يا شباب انا هطلع فوق عشان انا حاسه اني تعبانه شويه
طائف :طب اجيبلك دكتور طيب
ايه: لا انا هبقى كويسه لما انام تصبحي على خير
____________نرجع تاني للمكان المهجور___________
الحارس: نفذنا يا باشا بس في واحده منهم اتصابت ودخلت في غيبوبه وهي دلوقتي في المستشفى
الباشا: طب خلص عليها انا لازم انتقم منهم كلهم وشكلي كده اللعبه بدات انا عاوز اسمع خبر موتها النهارده انت فاهم
الحارس: حاضر يا باشا
__________________________________
اما بقى في المستشفى عند حازم وكان قاعد بيفكر بحزن على اللي كان عايز يعمله في ياسمين
حازم: انا مش عارف انا كنت هعمل فيك كده ازاي
**بس قطع تفكيره دخول ممرضه عليه وكان باين عليها التوتر*
حازم :هي مالها الممرضه دي شكلها عامل كده ليه هي متوتره كده ليه
***شك حازم في الممرضه دي ومشي وراها عشان يشوف مالها ولاقاها داخله عند ياسمين الاوضه وراحت اديها حاجه في الكانولا***
حازم: انتي بتعملي اي واي اللي انتي بتديه لها ده
الممرضه :انا.... انا
حازم: هو انتي هتفضلي تيانايني كده كتير بتعملي اي هنا ردي
الممرضه :والله غصب عني انا بعمل بس كده عشان انقذ امي
حازم :طب ممكن تفهميني بس قصدك اي بغصب عنك
الممرضه: انا هفهمك انا ممرضه هنا في المستشفى وكنت بتكلم في التليفون مع الدكتور بتاع ماما وقالي اللي هي لازم تعمل العمليه في اسرع وقت لان عندها القلب واول ما خلصت المكالمه لقيت واحد شكله غريب وقالي اللي هو ممكن يساعدني ورحمه ديني الدوا ده وقالي ان لازم احطه للمريضه دي في الكانول فسالت هو اي قالي هو { poison } قلتله انا مستحيل اعمل كده بس هو قال لي اترحم على مامتك وانا من خوف على ماما عملت كده بس والله انا اسفه اسفه اوي
حازم: طب انتي اسمك اي
الممرضه: اسمي فاطمه
حازم: طب انتي لسه فاكره وش الراجل ده
فاطمه: ايوه فاكره
حازم :طب اعملي حسابك انك هتيجي معايا بكره عشان توصفي لي شكله
فاطمه: انا اصلا هفضل هنا للصبح يعني ممكن بعد ما اخلص شغل اروح معاك
حازم: ماشي وانا هستناكي
اما بقى عند ايه في اسبانيا فكانت ايه نامت من الضغط العصبي اللي كان عليها طول النهار وهي نايمه حلمت بحلم غريب حلم اشبه بالكابوس ما تيجي نشوف هي حلمت باي
ايه: انا فين وانت مين
مش لازم تعرفي انا مين بس لازم تعرفي ان نهايتك على ايدي وكل اللي حواليكي هيموتوا انتي فاهمه
ايه: لا لا ده مستحيل مستحيل ومستحيل يحصل
طائف :ايه.... ايه اصحي يا ايه ده مجرد حلم اصحي ده مجرد كابوس اصحي يا ايه
ايه: لا مستحيل يحصلهم حاجه
طائف: مالك يا ايه
ايه :قالي....... قالي اللي هو هيموتهم كلهم انا خايفه اوي
طائف :ده كان مجرد كابوس ما تخافيش
ايه: ارجوك خليك جنبي ما تسيبنيش ما تسيبنيش ابدا
طائف :ما تخافيش انا جنبك ومش هسيبك ابدا
__________وبعد كده ايه نامت تاني______
طائف: اوعدك ان هنعدي الفتره دي سوا وهخليكي تحبيني زي ما انا بحبك
وفضل نايم طول الليل قدامي السرير على الكرسي وماسك ايديها لغايه ما النهار ما طلع وثاني يوم صحيت ايه واتفاجئت ان طائف كان نايم جنبها على الكرسي طول الليل
ايه: انت بتعمل اي هنا يا طائف
طائف :هو في حد بيصحى حد كده
ايه: امال انت عاوزني اصحيك ازاي يعني اصحى من النوم الاقيك في اوضتي وكمان ماسك ايدي عايزني اعملك اي بقى
طائف: صباح الخير يا قمر يا عسل
ايه: والله انت قليل الادب وما شفتش خمس دقائق تربيه
طائف: ولا دقيقه وحياتك يلا باي باي يا حلوه
ايه: بارد ومستفز بس والله لاوريك ويانا يا انت
نزل طائف تحت عند ايان ونازل على غير عادته متاخر وكان متعود ان هو يكون اول الحاضرين
ايان: اول مره تعملها وتتاخر دي معجزه يا راجل
طائف: لا ولسه في معجزات كتير جايه بس انت اهدي واستني هتشوف
ايان : انا كل خوفي بقي من معجزات دي
ايه : صباح الخير يا شباب
ايان : اللهم صلي على النبي طب اخلع انا بقي
***ايه كنت لبسه فستان الأبيض قصير كان عليها زي القمر***
طائف: اي قمر ده يا قطتي
ايه : ارجوك بس ما تعطلنيش لاني رايحه لبيتر
طائف: هو انتي هتروحي كده
ايه : ايوه طبعا عندك مانع ولا اي
طائف: انتي.....
**وقطع كلام طائف دخلوا شخص ما كانش متوقعينه خالص**