رواية جوسكا
الفصل الأول 1
بقلم نجلاء فتحى عاشقة الكلمات
فى منطقة لا بأس بيها توجد شقة لا بأس بيها إيضا تسكنها أسرة بسيطة ربت أبنائها على القيم والمبادئ وأن البنت لا يعلو صوتها أسرة شبه أسر كثيرة بمجتمعنا حياة أبنائهم أهم منهم سوف نعيش مع هذة القصة حياتهم اليومية والخاصة يوم بيوم
____
[ وقت الفجر ]
البيت كلة أستيقظ من نومة بأكلمة حيثُ أتوضى الأب والأبن وذهبوا للصلاة فى المسجد ،،،أما الأم هى وبناتها الأثنين صلوا الفجر فى البيت ثم أنشغلوا فى تجهيز الفطار ٠
___
دخل الأب البيت بعد الصلاة وأعطى كيس الفول لزوجتة والأبن أعطى العيش السخن الطازج لأختة لخديجة
وبعد وقت أتجمع أفراد الأسرة على الطبلية الأب والأم والأولاد الثلاث فاطمة وخديجة وعبدالله ،،،،،و يوجد على الطبلية
طبق الفول الشهى الزيت والليمون والكمون وطبق مخلل لافت وخيار بيتى وطبق مربى مشمش بيتى ،،،،والعيش السخن بجوارهم ،،،،،وصنية تحتوى على كوبين من الشاى للأب والأم فقط فالشاى غلط على البنات 🤣🤣
الأب بحزم/ عندك محاضرات النهاردة
فاطمة بلعت ما تبقى من طعام بفمها / أيوة
الأب/ لحد الساعة كام
فاطمة بتوجس/ ٤ العصر بأذن الله
الأب بحزم/ لية كل دة يعنى تكونى فى البيت ٤ ونصف
فاطمة وعيونها تتلاشى النظر لأبيها / أول محاضرة من ١٠ ل١٢ بعديها محاضرة من ١ إلى ٣ وبعديها أمتحان لنفس الدكتور الساعة ٣ بعد المحاضرة على طول أخلص ٤ العصر ،، أحم ،،المسافة بين الكلية للبيت ساعة أو ساعة ونصف حسب المواصلات مش نصف ساعة يا بابا
الأب بحزم/ كمان بتردى عليا بقيتى لسانك طويل عليا الكلية غيرتك خلاص أستحمل أخر الترم دة أوووووف
نظرت لها الأم فسكتت فهى لم تخطأ
الأب/ وأنتى عندك محاضرة النهاردة
خديجة بتوجس/ لا
الأب/ لية النهاردة المفروض فيه
خديجة بكذب / أجازة
الأب بحزم وأمر / تذاكري خلينى أخلص لسة مشوارك طويل أنتى أول ترم فى الجامعة فاطمة أختك من أولى جامعة وهى مش مكلفانى حاجة وأهى فى رابعة وأخر سنة وأهم حاجة مش سقطت
خديجة بخوف / حاضر
الأب بحنان / وأنت عامل أية فى دروسك
عبدالله/ عايز تمن الملزمة الأستاذ نزلها أمبارح فى الدرس
الأب بحزم / عايز عايز أيه،،، خلاص ثانوية عامة دة أنتى لسة ٦ أبتدائى ،،،،ذاكر من كتب المدرسة
عبدالله بأعتراض/ مش فاهم حاجة ،، محدش بيذاكر منها وعايز فلوس الملزمة
الأب/ أستغفر الله العظيم،،، بكام
عبدالله بفرحة/ ٢٠٠ جنية
أتسعت عين الأب / ب٠ب٠بكام ٢٠٠ جنية مرة واحدة لييييية ،،، مفيش،،،،، قال ٢٠٠ جنية قال
عبدالله/ يبقا مفيش درس الأستاذ قال كدة
الأب/ الأستاذ دة بياخد فى الشهر ١٥٠ جنية وبيديك مادة واحدة بس وكل أسبوعين ملزمة فى الشهر ٤٠٠جنية ثم ضيق عينة وأخذ يحسب الفلوس وقال
١٥٠ + ٤٠٠= ٠٠٠ على الطالب الواحد كل شهر لا مَعلم صح ،،أنتم كام واحد فى المجموعة
عبدالله هرش فى رأسة / ٣٠ غير المجموعات التانية والخاصة
الأب بحقد / كل دى فلوس داخلة جيبة فى الشهر بص يا حبيب أبوك الشهر إللى فات دافع ليك للجشع دة ٥٥٠ جنية ودة مدرس واحد فى مادة واحدة ،، وشكلة نظام عملة لا مينفعش أدورك على مدرس رخيص،،،،، راعى أبوك ،،، وراعى باقى دروسك أجيب منين وأخواتك فى الجامعة ،،،،،أنت الوحيد إللى سمحت تاخد دوس خصوصية أخواتك البنات لا وأهو قدامك دخلوا الجامعة أنت راجل وأعتمد على نفسك
عبدالله بزعل/ دة مدرس مشهور
الأب مط شيفاة بملل/ بصراحة مش شايف نتيجة وطول اليوم مدرسة و دروس وجوا البيت ذاكر ،، لع تعبان وعايز أنام ثم قال بشدة ،،،،مفيش دروس عايز تذاكر أخواتك موجودة خلص الكلام وأهى واحدة كلية تربية والتانية كلية أداب يعنى مدرسين
نظرت خديجة وفاطمة لبعض وسكتوا فأخوهم فهمة صعب ومتعب وغبى 🤪🤣
بقلم نجلاء فتحى عاشقةالكلمات
وبعد الإفطار أعطى الأب ٢٠ جنية لفاطمة مصروف ثم باست إيدة ،،،،وأعطى ٥ جنية لعبدالله وباس إيدة وهو زعلان فمصروف صغير للغاية ،،،،،، ولم يعطى خديجة فهى لم تخرج من البيت ،،،،،ثم أعطى للأم مصروف البيت اليوم وإيضا قليل ٥٠ جنية وخرج
عبدالله بزعل/ ٥ جنية تعمل آية أصحابى بيشتروا وأنا لا مش كفاية مش معايا تليفون زيهم ولا بلبس زيهم كمان أقل واحد
الأم بحزن / أعمل أية يا ضنايا أبوك مش بيسيب معايا فلوس أقولك حوش المصروف دة ولما يكبر أصرفة مرة واحدة
عبدالله/ ي سلام وأبص بقا لصحابى لحد محوش
الأم/ وله مش عايزه وجع دماغ مش قدرت على أبوك تقدر عليا مشكلة كل يوم إللهى يقطع المدارس وسنينها خلينا نخلص من أم المصروف دة والنزناز أوعا من وشى أبوك عايز محشى أهو عايز غلبة راخر أوعااااااا
عبدالله/ فى أية يا جدعان أمال بتخلفونا ليييية ،،لم يجد رد من أحد أخذ شنطتة ونزل المدرسة وهو غضبان ومعترض على المصروف ثم وضعة على جبينة ولاصقة من ريقة [ أخذ من ريقة على الخمسة جنية ولازقها على جبينة 🤪 ]
دخلت خديجة غرفة النوم التى تشاركها فيها أختها وجدتها تبكى جلست جنبها وقالت ، لية كدبتى على بابا وقولتى مفيش جامعة ليكى النهاردة
بقلم نجلاء فتحى عاشقةالكلمات
خديجة بحزن/ أروح أزاى بهدومى دى أنا أول ترم فى الجامعة ولسة قدامى ٤ سنين بصى،،،، ثم فتحت الدولاب وأخرجت شماعة عليها طقم وقالت ،،بصى واحد نظيف والتانى فى الغسيل طقمين ببدل فيهم فى بنت عندها طقمين بس،،، والشنطة والجزمة واحدة بس وأصلا مش هدومى دى بتاعتك إللى صغرت عليكى يعنى موضة قديمة وماما مضبطاها عليا عمرى مأنسى منظر البنات أول يوم حاجة كدة حلوة ريحة الحاجة الجديدة تفوح منهم ،،، أهى أهى 😭
فاطمة / بلاش عياط، بابا ظروفة صعبة برضو وكتر خيرة علمنا ،،،،،،،
يجيب منين أحمدي ربنا عندك طقمين أنا بقا كان طقم واحد وبنت خالتك أدتهولى ورضيت يعنى الناس تقول مش لابسها كلة بيعدى يا عبيطة
خديجة/ بس برضو الشكل و٠٠
فاطمة/ إللى زينا تعليم بس أوعى تغرك المظاهر الكدابة فى بنات معاهم فلوس وعشيتهم حلوة وي
تتمنى أب ذى أبونا وعشيتنا المهم يحسوا بالأمان
نظرت ليها خديجة وقالت بسخرية / أمان ممزوج بالفقر والحرمان
نفخت فاطمة/ لا لا كدة كتير فعلا الجامعة غيرتك أرضى بعيشتك
خديجة/ راضية لما أشوف أخرتها وبرضو مش رايحة الجامعة
فاطمة/ أنتى حرة ،،،يلا أطلعى برا بقا عايزة ألبس
وبعد وقت أرتدت فاطمة أسدال أسود والنقاب والحذاء والشنطة باللون الأسود وتنهدت فهى قررت ترتدى النقاب حتى لا يلاحظ أحد عدم أمتلكها الملابس لم تحزن من أختها فهو مرت بنفس الموقف وصلحتة بسرعة ولم تبوح لأحد ثم أمسكت ال٢٠ جنية مصروفها وقالت مواصلات ١٥ جنية ويتبقا ٥ جنية على أخواتها يبقا حوشت ٥٠ جنية حلو كدة بقالى أزيد من شهر بحوش فيهم أجيب بقا منهم قلم جاف أزرق بدل كل شوية أكذب وأقول نسيتة فى البيت وأشترى أسكتش وعلبة عصير مانجو نفسى فيها تؤ تؤ تلاقيها غالية وسعرها زاد خلاص تمن العصير أزود علية و خديجة تاخدة لازم أعلمها تحوش وتلبس النقاب علشان تتفادى حكاية اللبس الملون والكتير،، تؤتؤ لا مش عايزها تبقا زى عايزها قوية وأحسن منى ثم نظرت لسريرها وأبتسمت وأمسكت المخدة وحدفتها وضحكت وقالت ،،هوووش خلينى أمشى ثم لابست شنطتها وخرجت للشارع وعقلها مشتت لشئ آخر
وصلت الجامعة عيونها وجعتها من النظر للبنات وملابسهم الزاهية الجميلة
أتت سندس/ أهلا بست الشيخة
فاطمة/ وعليكم السلام ورحمة الله وبركاته ،،بلاش تريقة من فضلك
سندس/ بهزر معاكى يا بطة
فاطمة/ الهزار مش كدة
سندس/ سورى ،،،خلاص بقا قلبك أبيض
فاطمة / حاضر
سندس/ فاضل نصف ساعة على المحاضرة الثانية والظهر أذن تعالى نشترى أكل
فاطمة/ لع شبعانة
سندس/ أحنا أصحاب من أولى جامعة وكلها شهور ونتخرج عمرى م شوفتك بتشترى ولا بتشربى حاجة يا بنت خالتى
فاطمة بأحراج/ بفطر قبل ما أنزل ومش بحب أكل برا البيت
سندس/ بتفطرى بدرى كدة
فاطمة/ بعد الفجر
سندس/ من الفجر لحد بعد العصر أو المغرب كتير أسمعى أنا أعزمك وأياكى تعترضى
فاطمة بتسرع/ لا لا شكرا
سندس/ هههههه ياستي أبقا رديها وأنطلقت جرى
فاطمة لنفسها/ أردها أزاى ومنين هو أنا ناقصاكى يا سندس
ثم أبتسمت ونظرت بجوارها
_/ زعلانة لية
فاطمة / ٠٠٠٠