رواية مهمه بنات وشباب المخابرات الفصل التاسع 9بقلم اش

الفصل التاسع 9

بقلم اش

وقبل ما نبدا اي حاجه لازم نصلي على النبي اللهم صل وسلم عليك يا حبيبي يا رسول الله ❤️

_________________________________________

نبدا روايتنا عند فاطمه لما وصلت شقتها وراحت لمامتها 

مامتها كان اسمها فريدة 

___________________

فريده :كل ده تاخير يا فاطمه انا كنت لسه هرن عليكي يا بنتي

فاطمه :معلش يا ماما كان ورايا بس شويه حاجات بخلصهم في المستشفى وعشان كده اتاخرت

فريده : هتفضلي كده لحد امتى يا فاطمه كل يوم من الشغل للبيت ومن البيت للشغل ومش شايفه شكلك بقى عامل ازاي يا بنتي انا نفسي افرح بيكي عايزه اطمن عليكي قبل ما اموت

فاطمه: بعد الشر عليكي يا ماما اي الكلام اللي انتي بتقوليه ده بس ربنا يطولك في عمرك

فريده: يا بنتي انتي عارفه ان ايامي بقت معدوده وانا عايزه امشي من الدنيا دي وانا مطمنه عليكي

فاطمه: ارجوكي يا ماما بلاش الكلام ده واعملي حسابك ان العمليه هتتعمل اخر الاسبوع ده

فريده: وانتي جبتي الفلوس دي منين

***فاطمه كانت خايفه تقول لمامتها هي جابت الفلوس ده منين كانت خايفه ان يحصل حاجه من وراء الموضوع ده***

فاطمه: انا اخذت مرتبي مقدما لمده سنه عشان اقدر اعملك العمليه يا ماما

فريده: ليه يا بنتي ليه كده هو انتي ضامنه ان انا اطلع من العمليه ديت عايشه ولا لا

فاطمه :ان شاء الله هتطلعي كويسه وزي الفل ودلوقتي خشي ريحي شويه على ما اعملك الاكل

فريده: بس يا بنتي..... 

فاطمه: مفيش بس يا ماما

**وبعد شويه وقت كانت فاطمه جهزت الاكل واكلت هي ومامتها ودخلت نامت وقعدت تفكر في اللي حصل في اليوم كله واللحظه كده جه في تفكيرها معتز وقد ايه اتجذبت ناحيته من اول ما شافته وقد ايه هو كان لطيف معاها وقعدت تفكر فيه لحد ما نامت.............. وفي وقت متاخر من الليل فاطمه قامت على صوت خط جامد على باب شقتهم

فاطمه: في ايه ويا ترى مين جاي في الوقت المتاخر ده........ انا هجيب السكينه لا لا انا هرن على معتز الاول يا رب انا خايفه ومش عارفه اعمل اي........ وبعد التفكير مش طويل رنت على معتز وعرفته كل حاجه

معتز: ما تخافيش ثواني وهكون عندك وحاولي تستخبي على ما اجي

فاطمه: ماما معايا في البيت وانا خايفه عليها اوي

معتز: ما تقلقيش ما تخافيش عليها انا ثواني وهكون عندك

قفلت فاطمه مع معتز بس لقت خط الباب بيزيد فقررت ان هي تفتح الباب وخدت السكينه وخبيتها ورا ضهرها وراحت فاطمه فتحت الباب

فاطمه: حضرتك مين

الشاب: انا اللي هقبض روحك

فاطمه: انت عاوز مني اي

وحاوله اللي هي تقفل الباب بس الشخص ده سباقها وقفل الباب عليهم فاطمه كانت عايزه تجري على اوضه مامتها بس افتكرت اللي هي نايمه من اثر الدواء ومش هتصحى الا تاني يوم الصبح فاطمه كانت بتحاول ليها تهرب من الراجل ده باي طريقه وجاءت على اوضتها واستخبت فيها ومن خوفها وقعت السكينه بره وكانت بتدعي ربنا ان معتز يوصل قبل ما الراجل ده يكسر الباب عليها وشاب كان بيحاول ان هو يفتح الباب عليها وبدا اللي هو يخبط في الباب وفعلا الراجل ده نجح اللي هو يكسر الباب ويدخل بفاطمه ومسك فاطمه وكتم بقها بايده حاولت اللي هي تفلت منه بس ما قدرتش

الشاب: بصي انا هشيل ايدي من على بقك بس لو حاولت انك تصوتي انا هقتلك فاهمه ولا لا

فاطمه كانت بتهز دماغها من كتر الخوف والشاب شال ايده من على بقها

الشاب :ودلوقتي بقى قوليلي انت لوحدك ولا معاكي حد

فاطمه: هو انت عاوز مني اي

الشاب: ردي على قد السؤال وبس

فاطمه :ايوه لوحدي

الشاب: حلو ده

فاطمه كانت بتحاول اللي هي تهرب منه بس معرفتش

الشاب: تعالي هنا رايحه فين يا حلوه الباب مقفول بالمفتاح والمفتاح معايا

فاطمه كانت بتحاول لسه اللي هي تفلت منه عشان تروح تجيب السكينه اللي وقعت منها بره الراجل ده حاول اللي هو يقرب منها ويعتدى عليها بس فاطمه كانت وصلت للسكينه ومسكتها وغرزتها في كتفه

الشاب: اه...... اه يا بنت ال********

فاطمه قامت تجري وتهرب بس سامع الصوت معتز وهو بينادي عليها

فاطمه: معتز... معتز انا هنا انا هنا يا معتز الحقني

الشاب: انا مستحيل اسيبك عايشه.........................ومسك السكينه بايده اني مش متصابه واحاول اللي هو يضرب بيها فاطمه

_________بس كان معتز كسر الباب ودخل__________

معتز: سيبها واتكلم معايا انا

الشاب: انا مش جاي عشانك انت انا جاي عشانها هي وانا مش هسيبها تطلع من هنا غير وهي ميته

فاطمه: انا عملتلك اي عشان تقتلني

الشاب: انتي ما عملتيش اللي الطلب منك عشان كده لازم تموتي

معتز :سيبها انت مش عارف انا مين ولا اي سيبها لاخليك تعفن في السجن ومش هتطلع غير بموتي

الشاب: ليه وانا واقف قدام سياده الرئيس وانا ما اعرفش

معتز: لا يا روح امك واقف قدام الرائد معتز الخولي

الشاب: بقولك اي انا ما يهمنيش الحبتين دول احسنلك تبعد بدل ما اموتهالك

معتز كان بيقرب من الراجل ده بس هو ايه فجاه******

وفي اسبانيا عند ايه كانت بتتكلم في التليفون وفجاه جالها خبر ما كانتش مصدقاه

ايه نفذت اللي انا قلت لك عليه يا *****

      ايوه بس في حاجه انتي لازم تعرفيها

ايه: اي هي

       ابوكي لسه عايش

ايه ساعتها حست ان في حد تاب عليها جردل ميه ساقعه ما كانتش مصدقه للراجل ده بيقوله وازاي باباها لسه عايش قولي سابها لوحدها في الدنيا دي طول السنين اللي فاتت بس الكلام ده ما كانش بيهمها اللي كان يهمها اكثر ان ازاي ما سالش عليها طول السنين اللي فاتت ولا حاول اللي هو يدور عليها وفضلت متربيه جوه الملجا الملجا اللي عاشت فيه اسود سنين حياتها بس هي قررت اللي هي اللي تدور عليه عشان تسالوا هو ليه سابها كل السنين دي لوحدها ............... كل الافكار دي كانت في دماغ ايه وكان لسه الشخص معها على التليفون

    انتي كويسه يا ايه

ايه :ايوه كويسه...... اسمع انا عاوزاك تنفذ ان انا هقولك عليه ده

انا سامعك يا ايه بس قبل ما تقوليلي اي حاجه انت هتعرفي    البنات على اللي انتي هتعمليه ده

ايه: مش عارفه والله بس اكيد هيجي وقت وهم يعرفهم بس مش عارفه هم هيقدروا يسامحوني ولا لا بس المهم اسمعني انت هتعمل******

انتي متاكده من اللي انتي هتعمليه ده

ايه :ايوه ولما اكلمك تنفذ على طول انت فاهم 

ماشي يا ايه وسلميلي على البنات سلام

ايه قفلت المكالمه وكانت بتقول لنفسها...... هتفضلي لحد امتى يا ايه كده وهتفضلي مخبيه عليهم لحد امتى انا بحبهم بس خايفه اقول لهم خايفه اقول لهم ويروحوا مني زي ما راحت....... وقطع تفكيرها صوت طائف وهو داخل عليها

طائف: مالك يا ايه بنادي عليكي بقيلي ساعه يا بنتي

ايه: في اي يا طائف هو انت مش شايف انك خدت عليا اوي

طائف: مالك يا ايه انتي تغيرت كده ليه

ايه: انا ليه حاسه ان انا كنت خطيبتك قبل كده

طائف :ايه انتي عارفه ان انا بحبك مش كده احكيلي مالك ممكن اعرف اساعدك ولا حاجه

ايه: كان غيرك اشطر

طائف: انا مش فاهم انتي تقصدي اي

ايه: يا طائف انا مش بحبك انا بكرهك عارف يعني اي انا بكرهك

طائف: انتي بتقولي اي يا ايه هو انتي اي اللي حصلك فجاه كده اتغيرتي وبقيتي بارده انتي مستحيل تكوني ايه اللي حبيتها

وسابها ومشي وسابها في وسط تفكيرها وندمها جرحت اللي بتحبه ايوه بتحبه واخيرا اعترفت لنفسها اللي هي بتحبه بس اكتشفت ده بعد فوات الاوان بعد ما ضاع من ايديها وقعدت تعيط وفضلت تعيط وخرجت كل اللي في قلبها في الليله دي لغايه  ما نامت في الجنينه ودموعها على خدودها

اما بقى عند طائف كان رايح جاي في اوضه وكان مجروح من كلامها هي قالت اللي هي بتكرهه ومش بتحبه وقلبي بيقول له روح لها وشوفها مالها بس عقل وقفه وقال له يبعد عنها ما هي دي اللي كسرت كبريائه بس طائف ما سمعش كلام عقله وسمع كلام قلبه عشان كان كل همه اللي هو يعرف اي اللي حصل لها طلع طائف وراح لاوضه ايه بس ما لقيهاش وفضل يدور عليها في كل الفيلا بس ملقاهاش وطلع بره يدور عليها في الجنينه بس لقاها مرميه على الارض فخاف عليها وافتكر اللي هي فقدت الوعي بس لما قرب منها اعرف اللي هي نايمه وكان باين عليها اثار العياط

طائف: اي ده دي كانت بتعيط اكيد انت فيكي حاجه يا ايه وحاجه كبيره كمان انا كنت ناوي اربيك على اللي انت قلتيه بس بعد اللي انا شفت دلوقتي انا هقف جنبك وهفضل وراكي لحد ما اعرف انت فيكي اي......... وشالها ودخلها اوضتها ونايمها على السرير

ما تيجي نروح بقى عند ياسمين كانت طلعت من المستشفى وحازم كان بيهتم بيها اوي وده كان محسسها بشعور حلو بس في نفس الوقت كانت متضايقه اللي هو بيهتم بيها بطريقه هي مش متعوده عليها محسسها اللي هي طفله

ياسمين: انا قلت 100 مره اللي انا مش هشرب اللبن

حازم: وانا قلت هتشربيه ويلا بقى علشان انا بدات اللي انا ازهق وكمان انتي لو ما شربتيش اللبن ده انا هشربهلك بس بطريقتي فهماني ولا لا

ياسمين: والله انت واحد قليل الادب

حازم: على فكره انتي تفكيرك طلع وحش اوي انا قصدي اللي انا كنت هغصبك اللي انتي بتشربيه بس هنقول اي بقى دماغ بتروح  لبعيد

ياسمين: حازم انا هموتك تعالى لي هنا................. وكانت عاوزه ياسمين اللي هي تقوم وتجري ورا حازم بس هي كانت لسه تعبانه

حازم: اهدي يا بنتي هو انا عملتلك اي انا كنت بتكلم عادي والله

ياسمين: انت مش هتسكت غير لما تموتني بساقطه قلبيه..... ولسه هتكمل كلامها اتفاجئت بحازم بيقرب منها وبيبص لها بكل غضب.......... انت بتبصلي كده ليه

حازم: انتي عارفه لو سمعتك بتتكلمي عن الموت تاني انا هعمل فيكي اي

ياسمين كانت حاسه حب من ناحيه حازم وكانت خايفه ليكون ده الحقيقه وكان الخوف متملكها

ياسمين: خلاص اهدى انت مالك اتفعلت كده ليه............... صحيح يا حازم معاذ فين هو والبنات

حازم: مش عارف هم قالوا اللي هم هينزلوا يجيبوا شويه حاجات من تحت بس اسماء جوه في المطبخ

ياسمين: طب بقي  ابعد من قصادي عشان خاطر اشوفها هي بتعمل اي

حازم : شكلي كده هنفذ بدري يا حبيبتي........ هو اي اللي انا بقوله ده حبيبتي هو انا شكلي حبيتها ولا اي

اما بقى في اسبانيا عند ايه فكانت صحيت من النوم ولقت طائف نايم على الارض قصادها

ايه :طائف اصحى انت اي اللي نيمك هنا

طائف :صباح الخير نمتي كويس

ايه: هو انت هتهزر انا بقول لك اي اللي ينيمك هنا وانت تقولي صباح الخير

طائف: كنت قلقان عليكي يا بنتي

ايه: طائف اخرج بره اطلع من حياتي بقى

طائف: في احلامك وخليكي فاكره الكلام اللي انا هقولهلك كويس اوي انا لو هموت انا مستحيل هبعد عنك وهعرف قريب اوي انتي اي اللي مغيرك كده بس لحد ما اعرف انا هبقى زي ضلك انتي فاهمه يا حبيبتي

وقام من على الارض وسابها وخرج بره الاوضه

ايه: يا ريت اقدر اقولك بس انا كده هبقى برميك في النار بايدي ومستحيل اخليك تعرف حاجه كفايه اللي هيحصل مش هقدر اخسر اعزي اتنين في وقت واحد

وقامت ودخلت الحمام وطلعت لبست فستان جميل اوي وكان مخليها زي القمر

وكان نزل طائف تحت عند ايان وكان قاعد يتكلم معاه شويه

ايان: هو احنا هنخلص المهمه دي امتى ده اطول مهمه احنا طلعناها في حياتنا

      ولسه طائف هيرد عليه قطع كلامه نزول ايه

ايه: جهزوا نفسكم يا شباب احنا هننزلوا مصر النهارده 

ايان: ازاي يعني النهارده واحنا لسه ما خلصناش المهمه ولا قبضنا حتى على اللي اسمه ليث

ايه: مهمه مهمه اي احنا اتضحك علينا عارف يعني ايه تضحك علينا مفيش اي مهمه المهمه دي كانت مجرد فخ وللاسف احنا وقعنا فيه بس ورحمه امي لاندمهم كلهم على اللي بيحصل ده ودلوقتي لازم تفطروا تطلعوا تجهزوا نفسكم عشان هنسافر عاوزه لما ارجع الاقيكم خلصتم

ايان: استني بس يا ايه انتي تقصدي اي بكلامك ده

ايه: لما توصل مصر هتفهم كل حاجه يا ايان

طائف: طب انتي رايحه فين دلوقتي وازاي هتخرجي باللبس اللي انتي لابساه ده

ايه: الزم حدودك معايا يا طائف عشان اللي جاي غير اللي راح واعرف اللي انا اتغيرت عن الاول بكثير يعني شويه العصبيه اللي انت بتعملهم دول ما لهمش لازمه انت فاهم

ومشيت وسابت طائف وهو كان واقف حيران ازاي تشقلبت كده

نرجع تاني عند معتز كان واقف في المستشفى قدام غرفه الطوارئ وافتكر كل اللي حصل معاه

_______________ فلاش باك______________

كان لسه رايح يقرب من الشخص ده بس فجاه وقف مكانه

معتز: لا نزلها من ايدك انت كده هتموتنا وهتموت معانا

الشاب: لو ما بعدتش عني انا هفجر القنبله دي وهنموت كلنا وانا عن نفسي مستغنى عن حياتي

معتز ما كانش عارف يعمل اي خايف يتحرك الراجل يفجر القنبله وفجاه جت في دماغه فكره

معتز :طب خلاص انا هسيبك تقتلها بس تنفذ اللي انا هقولك عليه

فاطمه: معتز انت هتسيبه يقتلني............  معتز بس لفاطمه بصه والبصه دي فهمتها هو هيعمل اي

معتز :ها قلت اي هتنفذ اللي انا هقولك عليه

الشاب: اخلص انت عاوز تقول اي خلينا نخلص من القرف ده

معتز: عايزك تسيب القنبله دي وتقتلها باي حاجه ثانيه لان كده حياتي هتبقى في خطر ولو قتلتها باي حاجه ثانيه نقدر نداري الجريمه دي ومحدش هيعرف مين اللي قتلها

الشاب: طب ما انا ممكن ما اقتلهاش بسلاح انا ممكن احرق الجثه دي وما حدش هيعرف عنها حاجه برده

معتز :بس سيب بس القنبله وابقى اعمل اللي انت عاوزه

وفعلا الراجل ادى القنبله المعتز وبعد ما معتز خدها فاطمه عدت ايد الراجل وطلعت تجري وتستخبت ورا معتز والراجل حاول اللي هو يهجم على فاطمه بس معتز منعه وفضل يضرب فيه جامد لحد ما غاب عن الوعي

معتز :فاطمه انتي كويسه

فاطمه بصت ليه بس ما ردتش وفقدت الوعي هي كمان

معتز :فاطمه فوقي.... وتفاجئ معتز بالجرح اللي في رقبتها

طلع معتز تليفونه عشان يتصل على القوات وبعد ما جم وخدوا الشخص ده اخذ فاطمه وطلع على المستشفى 

            ____________باك___________

الدكتور: احنا وقفنا النزيف وانقذناها بس.... 

معتز :بس اي

دكتور: الجرح كان قريب من الاحبال الصوتيه بس هي ممكن ما تتكلمش ومش هنتاكد غير لما تفوق

                 الفصل العاشر من هنا

لقراءة باقي الفصول من هنا