رواية غرام الفارس الفصل الاول1والثاني2بقلم فاطمة محمد
كانت بغرفتهاا تتجهز فاليوم زفافها علي بلال ابن عمهاا لتسمع صوت طرق علي الباب
غرام : ادخل
لتدخل الخادمه عليهاا
الخادمه : سيدي ايمن بيسئلك خلصتي و لا لا لسه
غرام : عشر دقايق و اخلص اطلعي انتي
لتؤما لها الخادمه و تخرج من الغرفه لتظل غرام بغرفتهاا تفكر اتطيع عمهاا فهو من اخذها بعد وفاه والداها و والداتها فهي بقيت تحت جناحه لمده ٥ سنوات
لتتذكر ما حدث معها امس عندما طلبها خالهاا في مجلسه
Flashback...
دخلت غرام المجلس لتجده جالس هو و بلال ابنه لتنزل راسها ارضا و هي تقول
غرام : نعم يا عمي حضرتلك طلبتني
ايمن بصوت غليظ و بلهجته الصعيديه : انتي طبعاا عارفه اني انا اللي خدتك بعد موت اخوي و امك و جعدت اصرف عليكي فلوس ياما و دلوجتي انتي خلاص تميتي السن القانوني و انا عاوزك تمضيلي علي الورج دون
غرام و هي تنظر له : ورق ايه عمي
ليتحدث بلال بدلا من ابيه : دوق ورج تنازل منك عن املاكك لعمك اللي ربتكي
لتبتلع غرام ريقهاا : ايوه بس ده حقي انا و اكيد اللي عمه صرفه عليا السنين دي متجيش حاجه في الاملاك دي
بلال بغضب : يعني ايه يا بنت عمي هتعصي كلام ابوي
غرام : لا والله مش قصدي
بلال : اومال جصدك ايه هااا
ليضرب ايمن بعصاه علي الارض و يأمر ابنه بالسكوت و ينهض من مجلسه و يقترب من ابنه اخيه و بنظرات غامضه قال لها :
هتمضي و لا لا يا بنت اخوي
غرام بجراءه : لا يا عمي انتو كدا عاوزين تاخدو كل اللي ورايا و قدامي و
ليقاطع حديثها الكف الذي نزل علي وجهها
لتضع يدها مكان الصفعه و تتجمع الموع بعينيهاا : يا عمي انا
ايمن بمقاطعه لها : هتمضي علي الورج و لا لا سمعيني اجده جوابك
غرام و هي تشهق : يا عمي اسمعني
لينزل الكف الاخر علي وجهها لينزل الدماء من فمهاا
ايمن ببرود : ها يا بنت اخوي جولتي ايه مستني جرارك
غرام و هي تهز راسهاا فهي ليست المرة الاولي الذي يمد فيهاا يده عليها و هي تعلم بانها اذا رفضت الرضوخ له ماذا سيحدث لهاا
غرام : حاضر يا عمي
و بالفعل قامت غرام بالتنازل عن املاكهاا لعمهااا
Back.....
هي وافقت ليله امس علي التنازل عن املاكها فهي كانت تعلم بانه لن يتركها حتي يحصل علي ما يريد و لكنه فاجاءهاا عندما اخبرها بان عرسها علي ابنه بلال سيقام في الغد لتنصدم غرام من حديثه فهي لا تطيق ابن عمهاا بالمره فهو قاسي الطباع مثل والده
و عندما تذكرهاا جاءت عينيها علي الشباك المتواجد بغرفتها ففكرت بحل حتي تتخلص من هذه الزواجه و هو الهروب
لتبدل ملابسها سريعاا و تقوم بتغيير ملابسها فهي كانت ترتدي فستان الزفاف
لتتجه ناحيه الشباك و تقوم بفتحه و القفز خارجه و لحسن حظهاا لم يكن يتواجد اي من رجال عمهاا لتجري سريعا مبتعده عن المنزل و صوت طلقات النار الذي تضرب في الهواء احتفالا بزفافهاا
اما عن ايمن فنادي للخادمه لتنادي غرام حتي تذهب لمجلس الحريم و يحتلفوا بهاا
فذهبت الخادمه و طرقت الباب عده مرات و لكنها لم تتلقي جوابا لتفتح الباب فلم تجدها بغرفتهاا لتلطم علي وجهاا و هي تقول : يا مري يا مري
لتخرج من الغرفه لتجد ايمن في وجهها
ايمن للخادمه : هي فين بنت المركوب دي اتاخرت ليه
الخادمه بخوف : ستي غرام مش في اوضتها
ايمن و هو يبرق : انتي بتجولي ايه
الخادمه : باينها هربت من الشباك يا سيدي
ليزيحها من طريقه و يدخل غرفتهاا ليجد كلامها صحيح ليخرج من الغرفه و هو يصرخ علي رجاله
ايمن : بنت المركوب دي تروح تشوفوا هي فين و تجبوها اهنا تاني اكيد ملحجتش تبعد من اهنيه يلا اتحركوا و انتو ملكوش عازه اكده
ليخرج الرجال للبحث عنها تنفيذا لاوامر سيدهم لياتي له ابنه و هو يسئله : في ايه يا بوي
ايمن بغضب جحيمي : بنت المركوب هربت فاكره انها ممكن تخلص مني لسه متعرفنيش
بلال : هو مش خلاص خدنا منيهاا اللي احنا عاوزينو سيبها تغور
ايمن : لااا مش هسيبهاا كل ما بشوفها جدامي بتفكرني بابوهاا عشان اجده بحب اذل فيهاا
بلال : مخلاص يا بوي بقاا انسي و بعدين ده كان اخوك برضو
ايمن : بس ابن الخدامه في الجول و الاخر اللي ضحكت علي بوي و بسببها امي شافت المر الوان و جفل علي السيره بجاا كفايه هروب بنت المحروجه
.................................................................
كانت تجري مسرعه تحاول الفرار من رجال عمهاا الذين يلاحقونهاا بعد هروبهاا من زفافهاا علي ابن عمهاا و لكنهم علموا بهروبهاا و استطاعوا اللحاق بهاا و ها هي تحاول ان تفر منهم فهي لا تريد ان ترجع لجحيم عمهاا و خرجت علي الطريق بنفس الوقت الذي كان سياره فارس تمر من هذا الطريق للرجوع لمنزله بعد ان انهي كل اعماله وقام بتصفيه شركته المتواجده بالقاهره فهو يريد التفرغ لاعمال جده فكان يشعر بارهاق شديد و فجاءه ظهرت امام السياره فتاه يقوم بسحبها بعض الرجال و من الواضح انها لا تريد الذهاب معهم فقام بالضغط علي فرامل السياره لينزل من السياره و يتجهه ناحيتهم
فارس : ايه اللي بيحصل اهنه ممكن افهم
لينظر الرجال بخوف لفارس فمن في الصعيد لا يعرف فارس العمري كبير الصعايده
احد الرجال : مفيش يا بيه دي بنت اخو الحاج ايمن و انهارده دخلتها علي ابنه ايمن و هربت منينا و الحاج امرنا نجبهاا
فارس بملامح متهجمه و هو ينظر لهم : تجوموا سحبنها بالمنظر ده ليه بهيمه هي اياك
لتنظر له الفتاه بلهفه فهي لاحظت مدي خوفهم منه
لتقول له : الحقني ارجوك عاوزين يجوزوني غصب ارجوك ساعدني
لينظر للرجال و يامرهم ان يتركوها ليطيعوا اوامره
لتجري الفتاه عليه و تقوم بتخبئه نفسها خلفه و تقوم بمسك ذراعيه
ليقوم للرجال : روحو جولوا لايمن ان بنت اخوه حدانا في دوار العمري
ليبتلعو ريقهم و يغادرو
ليلتفت للفتاه و ينظر لها : انتي كويسه
لتهز راسها له و تقول : هو انا فعلا هروح الدوار
فارس و هو يؤما لها و يتجه للسياره : ايوه هتقعدي عندينا في الدوار لحد ما عمك يجي و نشوف ايه المشكله بيناتكو
لتهز راسها له و تركب بجانبه
لينظر لها فارس : انتي اسمك ايه
لتنظر له و هي تجيبه : غرام ......
.................................................................
في سياره فارس
كانت غرام تختلس النظرات له بين الحين و الاخر فكم سمعت عنه و عن شهامته و لكنها تراه للمره الاولي فعندما راته لم تعرفه لانها لم تراه من قبل و لكنها علمت هويته عندما اخبر رجال عمهاا ان يخبروه بانها بداره
لينظر لها فارس فيجدها شارده
فلزم الصمت حتي وصلو للدوار
لم تفق من شرودهاا الا عندما قام بهزها في كتفها
فارس : بقالي ساعه بنادي يلا وصلناا
لتهز له راسها بموافقه و تهبط معه من السياره ليسير امامها و يفتح الباب له ليدخل و يشاور لهاا ان تدخل و بمجرد ان دخلت غرام الدوار
سمعت صوت انثوي يقول بغل
مين دي يا فارس
لينظر لها فارس نظره اخرستهاا : اطلعي جوضتك يا فرح
لينظر ل غرام مره اخري و يشاور لها ان تتبعه فسار امامهاا و هي خلفه لتلتفت غرام حتي تنظر لفرح لتجدها تبادلها النظر و لكن بغيظ و غيره لتنظر امامها مره اخري و تسير خلف فارس لتتسئال غرام مع نفسهاا : اهذه زوجته فهي تعلم بانه متزوج احد بنات اعمامه
لتجد فارس يقف امام احدي الغرف ليفتحها و يشاور لها بالدخول للغرفه و بالفعل دخلت غرام الغرفه ليقول لها فارس و هو يقف علي الباب
فارس : هتباتي اهنه الليله لحد منشوف عمك هيعمل ايه
لتؤما له و كاد يغادر لتنادي عليه
غرام : فارس
ليقف فارس مكانه بعد ان سمعها تنادي باسمه ليلتفت لها و يقترب من الباب مره اخري
غرام بخجل : هو يعني الصراحه انا
فارس : عاوزه ايه متنطقي
غرام : انا مكلتش حاجه من الصبح و عصافير بطني يتصوصو
كادت ان تفلت ضحكه فارس و لكنه رسم الجديه علي وجهه
فارس : هقولهم يبعتولك وكل
لتبتسم له غرام : انا متشكره جدا لو مكنتش وقفت بعربيتك كان زماني متجوزه غصب بجد شكرا ليك جدا
فارس ببرود و هو يغادر : العفو
لتظل غرام واقفه مكانهاا تنظر عليه حتي اختفي و بعدخا دخلت الغرفه و اغلقت علي نفسها
.................................................................
انت بتجول ايه يا بن المركوبه انت
احد الرجال : يا حاج احنا مكناش نجدر نجوله لا ده كان ممكن يجتلنا فيهاا
ايمن بغضب بعد ان علم بوقوع غرام في يد فارس : و بعدين وياك يا بن العمري هتجعد تجفلي زي اللجمه في الزور كدا كتيرر
لياتي بلال : صحيح يا بوي ان ابن العمري خد غرام عنديه في الدوار
ايمن بغل : ايووه بس مش هسيبهاا حداه يلا بينا يا ولد
.................................................................
في غرفه فارس و فرح
فرح : مين دي يا فارس و جايبه اهنا ليه
فلم تجد رد منه
لتردد سؤالها مره اخري
و لكن هذه المره يغضب فارس بشده
اخرسي بجاا مش عاوز اسمع صوتك فاهمه و لا لا
فرح و هي تحاول امتصاص غضبه : انا مش جصدي حاجه والله انا بس عندي فضول اعرف مين دي اللي جبتها معاك و انت جاي من مصر
فارس و هو يغادر الغرفه : ملكيش صالح يا بنت عمي
.................................................................
بالاسفل وصل ايمن و ابنه بلال لدوار عائله العمري و طلب مقابله فارس
ليدخل الغفير الدوار و يدخل المجلس ليجد فارس جالسا بهيبته المعتاده
الغفير : الحاج ايمن بره يا كبير و طالب يجابل سعادتك
فارس : خليه يدخل
و بالفعل خرج الغفير و اصطحب معه ايمن و بلال
و بمجرد ان دخل ايمن المجلس ظل يتبادل النظرات مع فارس
فارس بصوت غليظ : هتفضل واقف عنديك كتير و لا ايه
ايمن بنظرات غامضه : ينفع يا كبير تاخد بنت اخوي و عروس ابني اكده
فارس : اولا انا مخدتش حد هي اللي هربت منيكو
بلال بانفعال : و رجالتنا لاحقوها و مسكوهاا و لولاك كانت زمانها مرتي دلوجت
فارس و هو يضرب بعصاه علي الارض بغضب : رجاله فين الرجاله دول عاد اللي كانو بيتشطرو علي حرمه و بيسحبوها كيف البقره
ايمن و هو يحاول تهدئه الجو المشحون : طيب يا كبير حجك عليناا ناديلي بنت اخوي بجاا عشان ترجع وياناا
فارس : هترجع وياكو بس بشرط تلغي جوازه ابنك منيها
ايمن : ازاي يعني الحديث ده لا طبعا مينفعش انت عاوز اهل البلد يجولوا ان مقصوفه الرقبه دي هربت من ابني يوم دخلتهم
فارس : و ده اللي عندي تلغي الجوازه تاخد بنت اخوك مش هتلغيهاا مش هتاخدهاا
ليغضب ايمن من تحكمه : لا انت زودتها جووي انا همشي دلوجت و هاجي بكره للحاج نبيل نشوف ايه الحكايه بالضبط
و يغادر ايمن و بلال تحت نظرات فارس البارده
.................................................................
بعد ان غادر ايمن القصر تبدلت ملامحه من الغضب للخبث ليستغرب بلال من تبدل والده
بلال : ممكن افهم في ايه بالضبط و انت ناوي علي ايه
ايمن بخبث : هجولك بعدين المهم دلوجتي عاوزك تنشر في البلد خبر ان غرام بنت اخوي هربت يوم دخلتها و اللي ساعدها علي اكده فارس العمري و مخليها في الدوار حداه خلينا نشوف ابن العمري هيعمل ايه في الفضيحه ديه و هيلمهاا كيف
Part 2
في صباح يوم جديد
استيقظ فارس من نومه ليجد فرح ما زالت تغط في النوم لينهض من علي السرير و يمسك هاتفه ليجدهاا التاسعه صباحاا فدخل الحمام حتي يستعد للنزول و الفطار مع العائله و بالفعل استعد فارس و لبس جلبابه الصعيدي و عندما انتهي قام بايقاظ فرح من نومهاا
فارس : فرح فرح يلا جومي الساعه ٩
فرح و هي تستيقظ : خلاص صحيت
فارس : جومي البسي و حصليني علي تحت و متتاخريش زي كل يوم
فرح بتافف : مش هتاخر حاضر
لينزل فارس بالاسفل ليجد الجميع يفطرون
فارس بصوت غليظ : صباح الخير
الجميع : صباح النور
ليجلس فارس بمكانه بجانب جده و بدا بتناول طعامه حتي سئله جده عن زوجته
فارس : نازله يا جدي و بعدين انت عارفيها عادتها و لا هتشتريها
ليتذكر فارس غرام : لينادي فارس علي هنيه الخادمه
فارس بصوت عالي : يا هنيه
لتاتي الخادمه مسرعه : ايوه يا بيه
فارس : روحي جوضه الضيوف و بلغي الضيفه تيجي تفطر ويانا
هنيه : حاضر يا بيه
لينظر له الجميع باستفهام
نبيل الجد : مين الضيفه دي يا ولدي
فارس : دي تبقاا بنت راشد المنشاوي جابلتها امبارح و انا راجع علي الطريق كانت بتجري من رجاله عمها ايمن كان عاوز يجوزها غضب من ابنه بلال
ليرما نبيل له براسه و هو ينظر نظرات غامضه لفارس
لتاتي غرام اثناء حديثهم لينظر لها الجميع
فارس : تعالي اجعدي افطري يلا
لتقترب غرام من الطاوله
غرام : صباح الخير
ليرد عليها الجميع ما عدا الجد فظل ينظر لها نظرات غير مفهومه لتلاحظ غرام نظرات الجد فتتوتر بشده
ليشاور لها بفارس حتي تجلس لتقترب و تجلس معهم و تبدء في تناول الافطار معهم حتي دخل عليهم احد الغفر ليقترب من الجد و يهمس له ببعض الكلمات الذي جعلت الغضب يسيطر عليه
لينهض نبيل العمري من علي الطاوله و يضرب بعصاه علي الاوض و يقول بلهجه حاده و غاضبه : فارس جوم ورايا علي المكتب
لينهض فارس باستغراب و اندهاش من لهجه جده ليدخل خلفه المكتب
الجد : انت متاكد ان انت ساعدتهاا للحرمه اللي جاعده بره دي
فارس : انت بتشكك في كلامك و لا ايه يا جدي
الجد بغضب : البلد كلاتها بتتحدث عنك انت و ياها بيجولو ان فارس العمري هو اللي هرب بنت المنشاوي يوم دخلتها و جابها الدوار حداه و بيجولوا عليها انها عشيجتك
فارس بغضب : ايه الحديث الماسخ ده عاد ده هجطع لسان كل اللي اجرء يجيب سيرتي علي لسانه
و كاد فارس ان يخرج ليوقفه الجد
الجد بغضب : انت رايح فين دلوج
فارس بغضب اشد : رايح اجطع لسان كل واحد جاب سيرتي مش فارس العمري اللي يحصل معاه اجده
ليخرج من غرفه جده و هو ينوي ان ينهي هذا الموضوع
.................................................................
اما فرح فبعد نزول فارس للافطار مع العائله نامت مره اخري لتسمع صوت طرق علي الباب لتنهض فرح و تفتح الباب لتجد امامها والدتها وفاء
فرح بغيظ : في ايه ياما علي الصبح لتتجه ناحيه السرير مره اخري
وفاء بغيظ من تصرفات ابنتها : انتي نايمه اهنا و مش دريانه باللي بيحصل من ورا دهرك
فرح و هي تنخض من علي السرير مره اخري و تركز في كلام والدتها : ايه اللي حوصل ياما
وفاء بكره : ابنه فاطمه جايب واحده الدوار و مجعدها في اوضه الضيوف و البلد كلاتها بتحكي عليهم بيجولو انها من عيله المنشاوي و طان فرحها علي ابن عمها و انه جوزك هربهاا يوم الفرح و جابها اهنا و بيجولو كمان انها عشيقته
فرح بصدمه : انتي بتجولي ايه ياما لتكمل بغيظ و غل انتي متاكده من اللي بتحكيه ده
وفاء : انتي ايه مبتفهميش بجولك البلد كلاتها بيكلموا عليهم
.................................................................
خرج فارس من الدوار و اتجه ناحيه الغفر ليراه الغفر فيقومون من مجلسهم احتراما له
فارس بلهجه حاده و صوت غاضب : عاوز اللي مسئول عن اللي حصل يبجا عندي اهناا و تحت رجلي مفهوم و لا لا
الغفر : مفهوم جنابك
ليرحل فارس من امامهم راجعا للدوار مره اخري
.................................................................
بعد ان سمعت فرح هذا الحديث من والدتها غضبت كثيرا فقامت بفتح باب غرفتهاا و نزلت لغرفه الضيوف لتنزل وفاء خلفها و طرقت الباب بعنف و هي تقول
فرح : افتحي الباب
لتفزع غرام من هذا الطرق العنيف
فرح : بجولك افتحي يا و**
لتفتح لها غرام و تنصدم مما فعلته فرح بها فهي بمجرد ان فتحت لها الباب قامت بجذبها من شعرهاا و ظلت تكل لها الصفعات و الضربات هي و والدتهاا
وفاء : اه يا فاجره عاوزه تخربي علي بنتي وتخدي منيها جوزهاا
فرح : مش هسمحلها ياما سامعه مش هسمحلك تاخديه مني
كل هذا تحت صراخ غرام من عنفهم و ضربهم لها ليتجمع كل من بالمنزل ناحيه الصوت ليجدو وفاء و فرح يضربان الضيفه
فاطمه بغضب : في ايه يا وفاء بتضربوها ليه اجده
فرح : الهانم الحلوه تبجاا عشيجه جوزي و البلد كلاتها عرفت و بيكلمه عنيهم عرفتي بنضربها ليه يا خالتي
في نفس الوقت كان فارس يدخل للدوار ليستمع لصوت صريخ و اصوات عاليه قادمه من ناحيه غرفه الضيوف ليتجه بسرعه ناحيه الغرفه ليجد زوجته و والدتها يضربون غرام بعنف و هي علي الارض و تصرخ و كل من بالمنزل شاهدوا خذا ووالدته تحاول النزاع بينهم اما غرام فهي كانت مستسلمه تماما لهم
فارس بصوت عالي و غضب شديد : فرح بعدي عنيهااا
لتبعد فرح عنهاا و تقترب منه لتقول بغل : خايف عليها ليه هااا يبجاا الكلام مضبوط و بنت الكلب دي عشيجتك
ليصفعها فارس علي وجهاا و ينظر لخالته وفاء : خالتي طلعي بنتك جوضتهاا و خليها تخاف علي نفسهاا
لتبتلع وفاء ريقها بخوف منه فهي تعلم انه لن يمرء الامر مرور الكرام لتاخذ ابنتها من يديها و تصعد بهاا و هي تلعن تسرع ابنتها و تلعن نفسهاا لانها لم توقفها و تمادت معهاا
اما فارس فاتجه هو و والدته ناحيه غرام التي كانت اعتدلت في جلستها و ضمت ركبتيهاا و كانت تبكي بشده
لينظر لوالدته و هو يقول
فارس : امي لو سمحتي دخليها جوضتهاا و انا هبعتلك البت هنيه خليها تمسحلها وشهاا و تدهنو
لتؤما له والدته
فاطمه : جومي يا بنتي جومي
لتقوم معها غرام و يدخلون الغرفه
.................................................................
ايمن : عفارم عليكو يا رجاله هو ده الكلام الصوح
ليدخل بلال مجلس والده ليجده مجتمع برجالته
بلال بغضب : اطلعو برا
لينظرو لايمن ليؤما لهم براسه
بعد ان خرج الرجال تكلم بلال بانفعال
بلال : البلد كلاتها بتحكي عن غرام و فارس يا بوي بيجولو انها عشيجته
ليضحك والده بصوت عالي
ايمن : طب و انت ايه اللي مضايجك
بلال : ازاي يعني يا بوي دي بنت عمي في الاول و الاخر يعني من لحمنا و دمنا و احنا متفجناش علي اكده انت جولتلي انهم هيحكو انها هربت و اللي ساعدها فارس لكن عشيجته دي لا يا بوي كده سمعتها بجت علي كل لسان في البلد
ايمن : متتحمأجش اووي بس اكده و بعدين هو ده اللي انا عاوزه يحصل
بلال باستغراب : عاوز سمعتها تبجاا علي كل لسان ليه يا بوي
ايمن بخبث : عشان انضف شرفي بيدي و اجتلهم محدش يجولي تلت التلاته كام فهمت بجااا
بلال بانفعال : بس احنا مكناش متفجين علي اننا نموتهاا و بعدين عاوز تموتها ليه ما انت خدت اللي انت عاوزه
ايمن بغل : صحيح حدت اللي انا عاوزه بس انا مش هسيبها عايشه لازمن تحصل ابوهاا مش هطيج حاجه من ريحته تبجاا عايشه و فيها نفس لازمن تحصل ابوها و امها
.................................................................
دخل فارس الغرفه و قام برزع الباب خلفه ليجد خالته ما زالت مع زوجته بالغرفه و تحاول تهدئتها فهي ما زالت غاضبه
فارس : اطلعي بره يا خالتي
لتنظر لابنتها و تهز له راسها و تخرج من الغرفه
ليقترب فارس من فرح : انا عاوز افهم بجاا ايه اللي انتي عملتيه ده
فرح بغل : تفهم !
هو انت عاوزني اشوفك جايب عشيجتك لحد اهنا و اسكت و اسيبها اجدا في حالهاا
فارس بسخريه : لا اضربيها و بهدليهاا
ليقترب منها و يقوم بجذب شعرها
فارس بصوت كفحيح الافاعي : انتي عارفه كويس اني مبحبش امد يدي علي حرمه بس انتي زودتيها جوووي انهارده
فرح بوجع : اه يا فارس شعري
ليجذبه بقوه اكبر : عارفه يا فرح لو اللي حوصل ده اتكرر تاني
فرح بتوجع : خلاص بجاا سيب شعري يا فارس
ليفلتها فارس من يديه و يقوم برفع سبابته لهاا
فارس: انا جولتلك و انتي حره يا بنت عمي
ليخرج من الغرفه و يرزع الباب خلفه
.................................................................
ذهب ايمن مع رجاله بعد ان رفض بلال ان يذهب معه فهو لا يوافق علي ما يريد ابيه فعله بابنه عمه الي دوار العمري و طلب ان يقابل نبيل العمري
ليبلغ الغفير نبيل العمري بمجئ ايمن المنشاوي
فيقوم الغفير باصطحاب ايمن و لكن دون رجاله لحديقه الدوار ليمثل ايمن الغضب و هو يقترب من نبيل العمري
نبيل : تعال يا ايمن
ليقترب ايمن منه : انا عاوز بنت خوي يا حاج
ليؤما له نبيل : حجك طبعاا دي بنت اخوك
لياتي فارس من خلفهم
فارس : لا مش حجه لما يبقا عاوز يجوزها ابنه غصب يبجا لا مش حقه
ايمن بغل و غضب مصطنع : انت بذات متتكلمش بعد عملتلك السوده بجا اجيلك امبارح عشان اخدها من اهناا تجولي ياما الجوازه تتلغي ياما مش هاخدها و في الاخر تطلع بتعمل كله ده عشان الهانم نبجا عشيجتك
ليقترب فارس منه و هو يقوم بضربه : لما تتكلم مع فارس العمري تتكلم بادب فاهم و لا
ليضرب نبيل بعصاه علي الارض : كلام فارس مضبوط يا ايمن من امتي بتتكلم ويانا بالطريجه دي
ايمن : معاك حج يا حاج حجك عليا بس انا عاوز بنت اخوي لازمن ترجع معايا
فارس : مش هترجع و مش هتجوز غصب
ايمن بسخريه : هو انت فاكرني لسه عاوز اجوزها ابني و لا ايه
ليكمل بغل : لا انا عاوز اغسل عاري بايدياا
فارس : عار ايه اللي بتكلم عنيه يا راجل انت انا بنت اخوك اول مره اشوفها كانت امبارح
ايمن : اه و انا المفروض اصدق الكلام ده صوح
لينظر لنبيل : انت يا حاج كبير البلد دي و معروف بانك بتحكم بالعدل و انتو دلوجتي واخدين بنت اخوي و انا عاوزهاا لازمن اغسل عاري اللي اتلوث بسبب حفيدكم
نبيل و هو يقف من مكانه : لم لسانك يا ايمن و اعرف انت بتكلم عن مين و عند بعند بجاا بنت اخوك مش هتتحرك من اهنا
ايمن : يعني ايه الكلام ده هتتستر علي جريمه حفيدك و هتخليلو عشيقتجت اهناا
فارس بغضب و يمسكه من قميصه : بجولك ايه متستعبطش علينا و جول انك بتلكك عشان تجتل بنت اخوك و لقيتهاا حجه عشان تتخلص منيهاا
نبيل : ايه اللي انت بتجوله ده يا فارس
فارس : اصل بالعجل كده يا جدي رجالته كانو مسكينها يوم الفرح و بيرجعوها معاهم بالعافيه و انا شفتهم و انا راجع و خدتها منيهم و رجالته شاهده يبجا منين مصدق اني انا اللي هربتهاا و مش بعيد يكون هو اللي مطلع الاشاعه دي عشان عاوز يجتلها
لينظر لايمن : قولي بجا عاوز تجتلها ليه هاا
ايمن بكدب : ايه التخاريف اللي بتجولها دي انا رجالتي ممسكوش حد و محصلش اي حاجه من اللي انت بتجولها دي و بنت خوي هاخدها يعني هاخدهاا
فارس بغضب : و انا جولت كلمتي ووريني هتاخدها ازاي
لينادي فارس علي الغفر ليامرهم باخد ايمن و رجاله و طردهم من الدوار ليخرج ايمن من الدوار و هو يتوعد لهبانه سيعود و سياخذها المره القادمه فهو لن يعود الا بهاا
.................................................................
بعد رحيل ايمن جلس فارس مع جده حتي يجده حل لهذه المسئله
نبيل : ايمن مش هيسكت و الفضيحه دي لازمن تتلم
فارس : طب يبجا يوريني هيعمل ايه
نبيل بتفكير : مش هو اللي هيعمل اهل البلد هما اللي هيكلمو اكتر و اكتر و هيجولو انك طمعت في بنت اخوه و خدتها من ابنه و بعدين سمعه البت انضرت خلاص بعد ما جالو عليها عشيجتك و اسم عيله العمري هينضر من اللي حوصل ده
ليسكت فارس بغضب من ايمن و من اهل البلد اهذا جزاءه لمساعدته لهذه الفتاه اليتيمه
فارس : طب و بعدين يا جدي ايه الحل
نبيل بتفكير : مفيش حل غير انك تتجوزها.......
يتبع