رواية المجنونه والعنيد
الفصل التاني 2
بقلم اش
ما تيجوا بقى نتعرف على اسر بطلنا
اسر المهدي شاب عنيد لاقصى درجه قوي جدا عنده عضلات ايه شاب قمحاوي شعره اسود سواد الليل عيونه سوداء حاده جدا زي الصقر جامد من الاخر مز المزز انا بكرش عليه
حلا :استاذ قموصه ده هتحلوي اوي
اسر :استاذ ايه وبعدين انتي ورايا ورايا ما تسيبيني في حالي
حلا :ليه يعني تنكروز عشان اجري وراك ولا حاجه انا كنت جايه اجر الشقه اللي فاضيه هنا ما كنتش اعرف انك صاحبها لو كنت اعرف كنت مشيت على طول وبعدين انا مش بشم على ظهر ايدي
اسر :مرفوض
حلا: هو ايه اللي مرفوض
اسر :بقولك مرفوض
حلا: ايه بقى
اسر: طلبك انك تاجري الشقه مرفوض ودلوقتي تقدري تمشي...... وسابني ومشي وبعدين انا رحت وراه
حلا: تصدق انك قليل الذوق
اسر: بتقولي ايه
حلا: لا تكون فاكر ان انا من النوعيه اللي هتعيط عشان جنبك تحن ولا حاجه اوعى تفتكر اني ضعيفه
اسر :ده انتي قلبك جامد بقى................ قرب مني وحاصرني في الحيطه
حلا: لا خوفتني جدا هههه هههه............... قمت نازله من تحت ايده دي حركه انا متعلماها ويا عيني اسر اتصدم يا عين امه
اسر: لا جامده بس اللي انت ما تعرفوش الا انا اسر المهدي بطل المصارعه........... وحركه منه اتقلب السحر على الساحر وكنت نايمه على الارض ومش حاسه بجسمي يا عيني عليكي يا حلا هتتاكلي يا اختي........... اهم حاجه في اي لعبه التركيز وانك ما تستقليش بقدره اللي قدامك
حلا :ايه ده انت اخذتني على اخوانه مش اكتر انت رايح فين
اسر: انتي لسه عاوزه ايه قلتلك طلبك مرفوض
حلا: انا استحاله بقى اتنازل عن الشقه دي
اسر: هتعملي ايه يعني
حلا:مش هخلي حد ياخدها غيري بقى
اسر :هتعملي ايه يعني هتضربيهم الشقه دي هتسكن النهارده بس اكيد مش انتي...
وبعد كده سابني ومشي رحت وقعدت على الاستراحه قدام البيت وجسمي وجعني اوي لحد ما نمت على الاستراحه وصحيت على ايد حد بيصحيني
اسر :مش عاوز اي حد يقعد قدام بيتي ممكن تمشي
حلا: انا قاعده في الشارع في شارع الحكومه قدام البحر اللي مش ملك حد
اسر :طيب خليكي قاعده هنا المستاجر كده كده جاي بعد ساعه
حلا: محدش هياخد الشقه غيري ومش هاجرها هشتريها
اسر: واثقه اوي
حلا :ايوه ودلوقتي تشوف
اسر: ماشي............... اسر مشى وراح قال للبواب...... يا عم عبده لما المستاجر يجي ابقى رن عليا
عبده :حاضر يا بيه
حلا :ماشي يا استاذ قموصه
في بيت عامر مامت عامر اللي كان اسمها ناهد كانت بتقول له
ناهد :انت رايح فين بس يا ابني
عامر: رايح ادور عليها يا ماما حب اكتر من 18 سنه يروح كده واقعد ساكت صدقيني مش هعرف اعيش حياتي من غيرها
ناهد: هتدور عليها بس فين بالظبط مصر كبيره
عامر: هدور عليها في كل حته ولو وصلت هدور عليها في بيت بيت انا اللي ضيعتها من ايدي ولازم ارجعها
ناهد: هتمشي وتسيب امك اللي ما لهاش حد غيرك بعد ما اخوك سابني وسافر طب وانا عايشه ليه ما امو9ت بقى احسنلي........ ومره واحده اغمى عليها
عامر: ماما فوقي يا ماما ارجوكي خلاص انا اسف اصحي يا ماما ارجوكي انا اسف......... وطلع التليفون ورن على الدكتور.... الحقني يا دكتور
عند اسر فكان المستاجر جاء وكان اسمه مدحت
اسر: ايوه حضرتك عاوز تاجر الشقه
مدحت: الصراحه يا استاذ اسر انا
اسر :انت ايه
مدحت: انا مش عاوز الشقه دي
اسر بشك: ليه
مدحت: اعفيني من الجواب انا اسف اني ازعجتك بس حابب اقولك اتقي الله الواحد مش ضامن نفسه
اسر :قصدك ايه
مدحت: انا اسف انا لازم امشي فرصه ما يعلم بها الا ربنا....مشى الراجل واسر كان واقف مستغرب
حلا :هههه هههههههه...... اسر لف وشه..... اجرت الشقه يا هندسه
اسر بشك: انتي ليكي دخل بقى
حلا :انا خالص
اسر :تعاليلي دغري كده وقوليلي عملتي ايه
حلا :طب انا هقولك عشان بس تتعظ واتقي الله عشان الواحد مش ضامن نفسه
_________________فلاش باك_______________
كنت قاعده على الاستراحه زي ما انا ولقيت واحد بيتكلم في التليفون وبيقول
مدحت: انا قدام الشقه اهوت وعلى البحر الفيو بتاعها ممتاز جدا لا هتعجبكم اوي
عملت نفسي بعيط ومشيت ناحيه البحر وداخله فيه وشافني الراجل وجرا ورايا
مدحت: استهدي بالله بس كده يا انسه هتمو9تي كافره
حلا: انا عاوزه امو9ت ما عادش للحياه سيبني
مدحت: استهدي بالله بس واحكيلي انا زي ابوكي
حلا: انا هحكيلك عشان انا ارتحتلك......... وعدت انا وهو على الشاطئ ........ الشقه الشقه اللي بياخد من اي بنت حيائها منها اللي بيستدرج البنات منها الشقه اللي دمرت حياه بنات كتير اوي
مدحت :شقه ايه انا مش فاهم حاجه
حلا: شقه فاضيه عنده في العماره دي بياجرها كل فتره وبعد ما يستدرج احلى بنت فيها ويسرق منها اعز ما تملك يمشي الناس ويجيب ناس غيرهم
مدحت: ايوه احكيلي ايه اللي حصل من البدايه
حلا :استاذ اسر انا حبيته جدا واخلصت ليه وضحك عليا بمظهره البريء ولاني فقيره انبهرت بيه وبجماله بعربيته وبعمارته اللي قدام البحر
مدحت : اهدي بس وكملي
حلا: اوهمني انه بيحبني وان الحب لازم يكمل اظن حضرتك فهمني وان احنا كده كده هنتجوز وفضل فتره معايا لحد ما بقيت حامل فقلت له خرج ابويا وامي من الشقه وطردنا ولما ابويا عارف جات له سـ ـاقـ ـطه قلبيه ومـ ـاااات وامي اتشـ ـلت وانا حامل ومش راضي يعترف بابنه
مدحت: لا اله الا الله اعوذ بالله هو في ناس كده
حلا :الناس بقت وحشه اوي يا حاج
مدحت: توبي لربنا يا بنتي وحاولي جايز يعترف بالطفل ده حرام يطلع بابن حرام واوعي تحاولي تمو9تي نفسك تبقى عشتي خطيه وتموتي كافره.......... قام وسابني بعيط وبندب يا عيني في حظي اللي خلاني اجري ورا المظاهر والحب الكذاب
_________________باك________________
حلا: ها ايه رايك
اسر :استاذه
حلا: هتديني الشقه بقى
اسر: لا وهاجرها لحد ثاني
حلا: هطفشه
اسر: نبقى نشوف يا شاطره
في المستشفى عامر كان ماسك ايد امه وهي نايمه على السرير
عامر :انا اسف يا امي ارجوكي اصحي اوعدك اني مش هسيبك...... الدكتور دخل....... لسه ما فقتش يا دكتور
دكتور: احنا عملنا اللي علينا والباقي على ربنا لو ما فاقتش هتدخل في غيبوبه السكر
عامر: ليه بس ما هي كانت كويسه
الدكتور :ممكن ما تكونش خدت علاجها او الانسولين بتاعها
عامر: مش عارف
الدكتور: ربنا يقومها بالسلامه
عامر: يا رب يا دكتور......... وبيخرج الدكتور......... اوعي تسيبيني انا ما ليش غيرك يا امي
وجاه الليل:....................
اسر: هو انتي لسه قاعده
حلا :انا مش همشي غير لما تاجرلي الشقه
اسر: انا قلت لا
حلا: انا بقى قتـ ـيله الشقه دي
اسر: وانتي مصممه عليها اول الدرجه دي ليه
حلا :ايوه وهاخدها ايه رايك لما نلعب ماتش ملاكمه وان فوست هاخد الشقه بس هتبقى بيع وشراء ولو انت اللي فزت انا همشي ومش هتشوف وشي
اسر: وانا ايه اللي هيجبرني
حلا: هههههه ما كنتش اعرف انك بتخاف يا هندسه...... اسر وقف ولف وشه
اسر: بخاف
حلا: ايوه بتخاف خايف تخش معايا الماتش تخسر ويبقى شكلك وحش
اسر: انتي اللي المفروض تخاف على نفسك لانك هتلعبي بطل اكيد البطل هيكسب
حلا: بطل غرور ما تستقلش بقوه اللي قدامك......... اسر مشي وسابني تاني........ يلا يا خواف خايف من بنت ما كنتش اعرف ان انت منفوخ على الفاضي عارف انت لو واثق انك هتفوز كنت وافقت على طول انما انت خايف
اسر انا اخاف منك انتي لا ده انتي واخده مقلب في نفسك بقى
حلا: اثبتلي العكس ووافق على الماتش واوعدك انك هتخسر
اسر: هو انتي فاكره انك كده هتستفزيني عشان اوافق ماشي هوافق بس مش عشان استفزازك لا عشان انتس عصبتيني ولازم اربيكي بكره الساعه 2:00........ ومشي وسابني
حلا: استاذ قموصه استاذ قموصه
اسر: استاذ ايه
حلا: انت رايح فين وسايبني
اسر: انتي مراتي
حلا: لا
اسر: خطيبتي
حلا :لا
اسر: اختي
حلا: لا
اسر وشه احمر: يبقى انتي مالك
حلا :مش القصد يعني بس احنا بالليل وكده هبات في الشارع
اسر: وانا مالي
حلا :يعني جنتل مان زيك كده وهتسيبني نايمه في الشارع
اسر: ايوه
ومشي وطلع العماره وسابني في الشارع والدنيا كانت تلج اوي انا كنت كده كده حاجزه ليلتين بس انا كنت بستعطفه بس مفيش فايده استاذ قموصه ده دايما متضايق وعلى طول متعصب وما طلعش جنتل مان طلعه جركن مان هروح انام في الاوضه اللي في الفندق وامري لله بقى منك لله يا استاذ قموصه استنى عليا بس ده انا هطلع عينك....