رواية غرام الفارس الفصل الخامس5والسادس6بقلم فاطمة محمد
في صباح يوم جديد
استيقظ فارس من نومه علي صوت هاتفه فامسك هاتفه وجده مراد صديقه
مراد : ايه يا فارس كل ده نوم عمال اتصل من بدري
فارس و هو ينهض من علي الاريكه فوجد غرام ما زالت غارقه بالنوم لينظر لها عده ثواني و بعدها يفق لنفسه و يبعد نظره عنهاا
مراد : فااااارس بكلمك
فارس و هو يخرج من الغرفه : في ايه يا مراد عامل قلق ليه علي الصبح
مراد : انا بره في العربيه قدام الدوار يلا اخرجلي بسرعه
فارس باستغراب : انت جيت امتي
مراد : لسه واصل
فارس : طب و مالك مستعجل كدا ليه هي حبيبه القلب وحشتك و لا ايه
مراد : ايوه يا سيدي وحشتني عندك مانع يلا بقاا انزل عاوزك في موضوع
فارس : طب ما تطلبها من اهلها و تخلص يا بني انت بقالك كام سنه بتحب فيهاا
مراد بتنهيده : شكله هو ده اللي هيحصل
و يلا بقاا خلصني هافضل متزنب كدا كتير
فارس : خلاص انا نازل يلا اقفل
مراد : سلام
ليغلق فارس الهاتف و يدخل الغرفه مره اخري ليجد غرام ما زالت نائمه ليتافف و يقترب منهاا
فارس : غرام
فلم يجد رد
ليقوم برفع صوته
فارس ببحه رجوليه و صوت عالي : غراااام
لتفق غرام من نومهاا و هي تنظر له
غرام بنوم : ايه في ايه
فارس : الساعه ١٠ يلا اصحي عشان ننزل نفطر معاهم تحت
غرام و هي تتاوب : حاضر انزل انت و انا هحصلك
فارس : ماشي
لياخذ ملابسه و يدخل الحمام
بعد مرور بعد الوقت خرج من الحمام ليجدهاا تغط في النوم مره اخري
فارس بغيظ : انتي نمتي تاني
ليقترب منها و يقوم بهزهاا
غرام هو انا هفضل اصحي فيكي كتير
غرام و هي تنهض من علي سريرها بتافف : يعني حضرتك المفروض تراعي ان انا نمت واخري امبارح
فارس : و انتي ايه اللي ينمك واخري احنا نايمين من بدري
غرام بتنهيده : اصلي مكنتش عارفه انام المكان غريب عليا و انا متعوده علي اوضتي
فارس بهدوء : طب يلا انزلي افطري معانا و بعدين اطلعي نامي تاني
غرام بخجل : طب ممكن تستناني ادخل اغير و اخرج علطول و ننزل سوا اصلي بصراحه هكسف انزل لوحدس
ليهز فارس راسه لهاا : ماشي يلا قومي
لتنهض غرام و تاخذ معها ملابس لهاا و تدخل الحمام
و بعد عده دقائق قليله خرجت من الحمام و هي ترتدي ملابسهاا
فارس : يلا بينا
كادوا يخرجوا من الغرفه ليسمعوا صوت طرقات علي باب الغرفه
ليفتح فارس باب الغرفه ليجد والدته امامه و معها هنيه تحمل صينيه الافطار
فارس باستغراب : تعبتي نفسك ليه يا امي احنا كنا هننزل نفطر معاكو
فاطمه و هي تآمر الخادمه : لا طبعا ايه اللي ينزلكو انتو لسه عرسان
في نفس الوقت كانت وفاء قد علمت من بقيه الخدم صعود فاطمه بصينيه الافطار لفارس و عروسته فصعدت هي الاخري فهي حتي بعد ان علمت سبب الزواج الحقيقي من ابنتها لن تقبل ان تتهني غرام بتلك الزيجه
وفاء بسخريه : طبعا يا حبيبي انتو لسه عرسان جداد مينفعش تنزلوا المفروض تجضوا وقت مع بعض
لتنظر لفارس : ها يا فارس فين المنديل
لتنظر لها غرام باستغراب و هي تقول
غرام : منديل ايه
وفاء بسخريه : المنديل اللي هيثبت شرفك يا حبيبتي
لتفهم غرام و تبتلع ريقهاا و تقترب من فارس و تمسكه من ذراعيه بخوف
فارس بغضب : ايه الكلام ده يا مرت عمي
وفاء ببراءه مزيفه : كلام ايه عاد احنا بس عاوزين نطمنوا و نشوف المنديل
فاطمه : يلا يا وفاء و بلاش الكلام الماسخ ده دلوقت
وفاء : هو لما نبقا عاوزين نطمنوا علي السنيوره يبقاا كلام ماسخ
لتخرج فرح من غرفتها لتجد باب غرفه فارس و غرام مفتوح و تخرج اصوات عاليه بعض الشئ
لتتجه و تدخل الغرفه و تسمع ما تطلبه والدتهاا
كان فارس ينظر لخالته وفاء بغضب شديد ليري فرح واقفه خلفهم
فارس بغضب جحيمي و صوت عالي : اظن ان غرام مرتي و انا حر معاهاا و محدش ليه انه يدخل في حاجه زي اكده
كادت تتكلم وفاء مره اخري ليقاطعها فارس باشاره من يده
فارس : اظن ان لما اتجوزت بنتك مجتيش طلبتي انك تشوفي شرف بنتك و اظن ان بنتك تهمك اكتر من غرام و يلا اتفضلي بقاا من هنااا
وفاء بغل : انت بتقارن دي لتشاور علي غرام المنكمشه في نفسها و مازالت تتمسك بفارس
ببنتي بحفيده عيله العمري يا بن فاطمه
لينظر لهاا فارس بغضب حجيمي لتعرف والدته تلك النظره
فاطمه : فارس خد غرام و انزل فرجها علي اسطبل الخيل دلوجت (رات فاطمه ان انسب حل ان يبتعد فارس في الوقت الحالي فهي تعرف ابنها حق المعرفه فهو لم يتهاون مع اي احد من قبل فلم تكن تريد ان تحدث مشاجره بينه و بين اختهاا فهي مهما فعلت تظل شقيقته )
كاد فارس ان يرفض : يلا يا فارس اسمع كلامي يا بني
فهم فارس رغبه والدته في ابعاده هو و غرام فاومأ لها و امسك غرام من يديهاا وخرج بها من الغرفه تحت انظار فرح المشتعله فها هو من اليوم الاول يدافع عنها و ما زادها غيظا هي يديهم المتشابكه
.................................................................
كان مراد في سيارته ينتظر فارس بتافف و ظل يتصل عليه و لكنه لم يجيب عليه
ليراه يخرج من الدوار و لكن ليس بمفرده فظنها اميمه اخته
فنزل من السياره و هو ينادي علي صديقه
مراد : فارس
فانتبه فارس له
ليجد مراد امامه و يقترب منه
مراد : ايه يا اخي كل ده لطعني حرام عليك و بعدين مش بترد علي موبايلك ليه
كل هذا و غرام خلف فارس لم يراها مراد بعد ففارس ببنيته العريضه كان يغطي عليهاا
فارس : مراد معلش امشي انت دلوقتي و انا هقابلك بليل
مراد و هو يلاحظ انزعاج صديقه : مالك يا فارس ايه اللي حصل
فارس : هحكيلك بعدين سلام دلوقتي
مراد : استني طيب انت رايح فين
فارس : رايح اسطبل الخيل
مراد : طب تعالو اوصلكو
لينظر فارس لغرام و بعدها مراد : توصلنا اليه ده هي ١٠ دقايق مشي
ليري مراد غرام ليبتلع ريقه و هو يسئل فارس
مراد : مين دي يا فارس
فارس : دي غرام مراتي
مراد بصدمه : مراتك ازاي يعني و فرح
فارس : هحكيلك بليل يا مراد قولت يلا سلام
ليؤما له مراد و يبتسم له ليتحرك فارس و غرام من امامه
لتتحول ملامح مراد الي الغضب و الغل
مراد : اتجوزتها يا فارس اتجوزت البني الادمه الوحيده اللي انا حبيبتهاا بس انا مش هسبهالك يا فارس مش هسيبها غرام دي ملكي انا
ليتكأ علي اسنانه : ملكي انا لوحدي
.................................................................
في الدوار
فاطمه : هو انتي ايه مفيش فايده فيكي هتفضلي غلاويه اكده علطول
وفاء : لمي لسانك يا فاطمه و هي بتكلمي معايا
فاطمه بغضب : لا ده انتي اللي تحترمي نفسك و متنسيش اني خيتك الكبيره ايه فاكره انك هتفضلي تضايجي في ابني و انا هسكتلك
ليخرج كل من بالمنزل علي اصواتهم
اميمه : في ايه يا ماما مالك
وفاء بغل : لا متسكتيش يا فاطمه و انا كمان مش هسكت انا مش موافجه علي المسخره اللي بتحصل دي يعني هو يبجا متجوز بنت عمه اللي هي في نفس الوقت بنت خاله و يروح يتجوز واحده غريبه و من مين من عيله المنشاويه اللي البلد كلاتها عارفين العيله دي كانت بتشتغل في ايه
فاطمه : غرام بجت من العيله يا وفاء خلاص و لازم تتقبلي الموضوع
فرح ببكاء و حزن مزيف : حرام عليكي يا ماما اللي انتي بتعمليه ده حرام
لتقترب كلا من شهد و اميمه من فرح و يطبطبون عليها
فاطمه : شهد اميمه خدو فرح اوضتهاا
شهد و اميمه : حاضر
لتقترب فاطمه من وفاء : وفاء لاخر مره هحذرك ملكيش دعوه بفارس و مرته فاهمه و لا لا
.................................................................
وصل كلا من فارس و غرام اسطبل الخيل المنفصل عن منزلهم فعائله العمري معروفين بحبهم للخيل لذلك كان هذا الاسطبل كبير و ملئ بالاحصنه بجميع انواعهاا لذلك هو منفصل عن منزلهم
اخذ فارس يسير مع غرام و هو صامت فهو مازال غاضباا و لكنه يعلم بانه سيهدء بعد قليل فهذا المكان يريحه كثيراا ففارس عندما يكون متضايق او غاضب ياتي الي هنا لذلك طلبت منه والدته ان ياتي الي هنا بصحبه غرام
لتقطع غرام هذا الصمت
غرام : انت هتفضل ساكت كتير
فارس : هكلم اققول ايه يعني
غرام و هي تقف : متقولش حاجه انا اللي المفروض اققول
ليقف فارس بجانبها و ينظر لعيونها : تقولي ايه
غرام : المفروض اشكرك يا فارس انت بتعمل معايا حاجات انت مش المفروض تعملهاا اولهم لما ساعدتني و انقذتني من رجال عمي و خدتني الدوار عندكم و قعدتني مع عايلتك وفوق كل ده وافقت تتجوزني و انهارده وقفت قدام خالتك عشاني انا بجد مش عارفه اققولك ايه بس انت شهم اووي يا فارس
كل هذا و فارس ينظر لعينيها و لحركه شفتيها و هي تتحدث
لاحظت غرام صمته لترفع عينيها لتجده ينظر اليهاا بطريقه لبكتهاا كثيراا
لتنظر حاولها تحاول ان تلهي نفسها باي شئ لتلاحظ حصان ابيض شديد الجمال لتتجهه ناحيته و تلمس علي راسه
غرام بانبهار من جماله : الله يا فارس حلو اووي الحصان ده
فارس و هو ينظر لها : عجبك
غرام بتلقائيه و سعاده : اوووي
فارس و هو يحرر الحصان و يخرجه من مكانه : طب يلا
غرام : يلا ايه انت فكيته ليه
فارس : عشان تركبيه يلا
غرام بخوف : بس انا اخاف اركبه انا مركبتش احثنه قبل كدا و بعظين اخاف اققع
فارس بنبره هادئه : متخافيش انا معاكي
لتسرح غرام في عينيه
ليمد فارس يديه لغرام : يلا
لتبتلع ريقها و تضع يديها بيده ليمسكها فارس و يساعدها علي ركوب الفرس
غرام بخوف طفولي : لا لا لا نزلني انا خايفه نزلني يا فارس الله يخليك
فارس : هششش اهدي خالص و متخافيش قولتلك
و بالفعل استمعت غرام لحديثه و بعد مرور القليل من الوقت وجدت نفسهاا اخذت عليه و احبته كثيراا و لاحظ فترس اختفاء الخوف و حل محله السعاده و الانسجام مع الفرس
غرام و هي فوق الفرس و يمشي بها و فارس بجانبهم : هو اسمه ايه الفرس ده
فارس : اولا ده مش فرس ده فرسه
ثانيا ملهوش اسم
غرام : يعني ايه ملهوش اسم
فارس : يعني فيه كام حصان مسمتهوش و دي واحده منهم
غرام بتسئاول : طب و مسمتهاش ليه
فارس : ملقتش اسم يليق عليهاا
لتؤما له غرام
فارس : يلا بقا نرجع كفايه كدا
غرام : ماشي
رجع فارس و غرام لنفس المكان الذي تحركوا منه مره اخري ليقوم فارس بامساك غرام من خصرها و انزالهاا من علي الفرس
لتتوتر غرام كثيرا من لمسه لها و اقترابه منهاا
غرام بعد ان نزلت من علي الفرس : شكرا يا فارس الييوم كان جميل اوووي
ليؤما لها فارس و يبتسم لها ابتسامه جانبيه و يتحركو للذهاب للدوار مره اخري
وبعد مرور بعض الوقت وصل فارس و غرام الدوار فدخل فارس معها من البوابه
فاؤس : ادخلي يلا يا غرام
غرام باستغراب : و انت
فارس : هروح اشوف واحد صاحبي
لتهز له راسها و تدخل المنزل اما هو فاتجه لسيارته و اتصل علي صديق عمره
فارس : ايوه يا مراد انت فين
مراد : في البيت
فارس : طب يلا انزل انا جايلك حصلني علي المكان اللي بنقعد فيه
مراد : تمام انا اصلا عاوزك في موضوع مهم
.................................................................
تقابل كلا من فارس و مراد في مكانهم المعتاد و هو مكان منعزل بعض الشئ امام بحيره
فارس بعد ان قص علي مراد كل شئ
بس يا سيدي هو ده اللي حصل
مراد بغل : بس ازاي فرح وافقت انك تجوز غيرها دي بتعشقك
فارس : اهي وافقت و معملتش مشاكل و دهواللي انا استغربته كنت متوقع انها هتقلب الدنياا بس جدي اقنعها و مش عارف اقنعها ازاي
مراد : جدك ده مش سهل برضو دماغو تتوزن
فارس بضحك : انت هتقر علي جدي و لا ايه
مراد : ابدا والله انا بحسد بس
المهم كنت عاوزك في موضوع مهم
فارس و هو ينتبه له : قول يا مراد ايه هو الموضزع المهم ده
مراد بخبث : فاكر البت اللي كنت قولتلك عليهاا.
فارس : اكيد طبعا البت اللي انت بتحبها
مراد : اهاا انا بقاا فكرت اتقدملها ايه رائيك
فارس : عين العقل طبعا مدام بتحبها يبقا لازم تاخد خطوه جد
مراد : و ده اللي انا ناوي عليه
ليكمل : عشان كدا انا بطلب منك ايد اميمه اختك يا فارس ...........
Part 6
نظر فارس لمراد بحده
فارس : انت بتقول ايه يا مراد
مراد بتنهيده : بقولك ان انا بحب اميمه يا فارس و كنت ساكت كل ده عشان هي اختك و عشان فرق السن اللي بيني انا و هي انا عارف يا فارس انا اميمه اصغر مني بكتير و بصراحه هو ده اللي كان مخليني ساكت كل ده بس خلاص فاض بياا انا عاوز اجوزها يا فارس
فارس بعتاب لصديقه : و مقولتش من الاول ليه مراد
مراد بسخريه : اققولك ايه يا فارس هو انت كنت عاوزني اجي اققولك انا بحب اختك فتقوم انت بقا واخدني بالحضن مش كداا
فارس بغضب : ايوه يا مراد المفروض كنت تيجي تقولي مش تعذب نفسك كل ده و بعدين انا ايه اللي هيخليني ارفض
مراد بكذب : يووه يا فارس هو انا بحكيلك عشان تعاتبني و بعدين اللي حصل حصل خلاص
فارس : ماشي يا مراد انا هكلملك جدي
مراد ببراءه مصطنعه : هو يعني ممكن يرفض يا فارس و يحرمني منها
ليطبطب فارس بيده علي كتفه : لا متقلقش جدي بيحبك
مراد : طمنتني الله يطمنك يا شيخ
ليكمل في سره : هانت يا حبيبتي هانت و هبقا علطول جمبك
.................................................................
كانت غرام بالغرفه شارده تتذكر الوقت الذي قضته برفقه فارس ليقطع تفكيرها فتح الباب بقوه
غرام و هي تضع يدها علي صدرهاا : بسم الله
لتنظر لمن فتح الباب فهي اعتقدت بانه فارس و لكنها لم تجده هو بل وجدتها فرح
غرام و هي تنهض من علي السرير : خير يا فرح في حاجه
فرح باستهزاء و هي تتفحص ملابسهاا : لا مفيش جيت اشوفك اصلك وحشتيني جوي
غرام بدهشه : انتي بتتريقي صح
فرح بضحكه خالعه : اكيد طبعا
انا جايه عشان اجولك كلمتين تسمعيهم و تحطيهم حلجه في ودانك
غرام : اتفضلي
لتقترب فرح منها لتتحدث بفحيح كالافاعي : فارس ده بتاعي لوحدي و لو كنت سمحت لوحده زيك انها تشاركني فيه فده عشان مصلحه العيله (كانت فرح تتحدث عن الحفيد الذي ستنجبه غرام و لكن غرام ظنت بمصلحه العيله هو سمعتهاا)
غرام بحزن شديد : متقلقيش انا مخدتش فارس منك و لا ناويه اني اخده فارس ليكي لوحدك يا فرح اطمني
فرح و هر ترفع يدها و تمسد علي شعرها : ايوه اكده شاطره خليكي اكده بقاا مطيعه علطول و انا هحبك جوووي
لتؤما لها غرام لتبتسم لها فرح بخبث و تحركت ناحيه الباب
فقالت قبل ان تخرج : صحيح فارس لما يجي انهارده عشان يبات عندك اطلبي منه يجي يبات عندي جوليلو اني كنت تعبانه انهارده اتفقناا
غرام : اتفقناا
لتخرج فرح من الغرفه لتتغير ملامح غرام من الحزن الي المكر و تبتسم ابتسامه جانبيه فهي تفكي بشئ ما عزمت علي تنفيذه
.................................................................
كان فارس ما زال جالس مع صديقه لياتي اليه احد الغفر لينادي علي فارس
الغفير : يا فارس بيه يا فارس بيه
لينهض فارس من مكانه : في ايه يا مسعود
مسعود و هو ينهج : ايمن المنشاوي جاعد علي القهوه و بيقلب اهل البلد عليك جنابك و بيجول انك هربت بنت اخوه يوم دخلتها و مقعدها عنديك في الدوار و انه هي يعني الصراحه
فارس بغضب : انت هتقعد تتهته كتير جول بيقول ايه كمان
مسعود بتلعثم : لمؤاخذه يعني انها عشيجتك
ليغضب فارس بشده و يتحرك ناحيه سيارته و ركب السياره ليركب بجانبه مراد
مراد بتمثيل : في ايه يا فارس و مين ايمن المنشاوي ده و مين دي اللي بيقول عليها عشيقتك
(كان مراد يعلم بان المقصوده غرام فهو يعرف عنها كل شئ و عندما سمع الغفير و يتحدث عن ايمن فهم بأن باقي الحديث عن غرام)
فارس بغضب : مش وقت اسئله يا مراد هتيجي معايا تبقاا تسكت خالص
.................................................................
احنا مش لازم نسكت يا رجاله ابن العمري لازم يلاجينا في وشه عشان ميتعداش حدوده و مش هنمش من قدام الدوار غير لما يسلمونا الفاجره اللي مقعدها عنديه
كان هذا كلام احد رجال ايمن المنشاوي
اما تيمن فكان يجلس و سعيد مما يسمعه من ردود افعال الناس حولهم
الرجال الذي تجمعوا حولهم وجده كلامه مضبوط ليقول احدهم
يلا يا رجاله بينا نطلع نطلع علي دوار العمري و مش هنمشي غير لما يشوفو طلبات ايمن بيه
فارس بغضب : و حفيد العمري هناا جالكم بنفسه
لينهض ايمن من مكانه : انا عاوز بنت اخوي يا بن العمري عاوز اغسل شرفي بيدي شرفي اللي انت لوثته
ليتهامسون الرجال بان ايمن كلامه مضبوط
فارس بغضب و صوت عالي ارعبهم : طب انا هحكمكو يا رجاله اللي يتكلم عن شرف و احده و يتهمها فيه المفروض اعمل فيه ايه
احد الرجال : تعمل فيه اللي تشوفه مدام غلطان يا كبير بس مش ده موضوعنا
فارس : لا موضوعنا اللي بتكلمه عليها دي و بتتهموها في شرفها تبجااا مرتي
ايمن بصدمه : انت بتجول ايه
فارس : اللي سمعته يا بن المنشاوي غرام المنشاوي تبجاا مرات فارس العمري يعني انتو غلطو في واحده من هايله العمري من غير اي وجه حق
ليخجل الرجال مما فعلوه
ايمن و هو يري صمتهم : انت هتصدقوه ده اكيد بيكدب ازاي يتجوزها و هو متجوز و بعدين دي عشقيجته في حد يتجوز عشيجته
فارس و هو يمسكه من ملابسه : بجولك مرتي انت ايه مبتفهمش ليقوم فارس بزقه و يتجه لسيارته و يقوم باخراج صوره من عقد الزواج
فارس بصوت عالي غاضب : دي قسيمه الجواز شفوهاا كويس ليقوم بحدفها لهم ليلتقطها احدهم و يقوم بتاكد مما يقوله فارس
ليقول : كلامه مضبوط يا رجاله غرام تبجاا مرته
ليقوم ايمن بشد الورقه منه و يقراهاا : اتجوزتها يا بن العمري طبعا تلاجيها حامل عشان اكده عاوزين
لم يكمل جملته بسبب هجوم فارس عليه و تسديد له الضربات ليقوم مراد بشد فارس عنه
مراد : خلاص بيا فارس هيموت في ايدك خلاص
فارس و هو يقوم بزق مراد ليقول بغضب جحيمي : اللي هيجيب سيره مراتي علي لسانه مره تانيه هقطعلو لسانه فاهمين و لا لا
.................................................................
وصل فارس الدوار و صعد لغرفته و كاد يدخل غرفته هو و فرح و لكنه تراجع و ذهب باتجاه غرفه غرام ليفتح الباب ليجدها جالسه علي السرير تقرء كتاب و عندما لاحظت قدومه نهضت من مكانهاا و اعتدلت فورا
غرام : حمدالله علي السلامه اتاخرت ليه كده
لينظر لهاا و يصمت
لتغتاظ غرام من صمته و تجاهله لهاا
غرام بغيظ : علي فكره بقاا من الذوق ان لما حد يكلمك ترد عليه مش تبصله و تسكت
فارس بارهاق : غرام ابعدي عني دلوقتي عشان انا مش طايق نفسي
و لا اققولك انا هروح اوضه فرح و نهض من مكانه ليخرج من الغرفه لتسرع غرام خلفه
غرام بلهفه : انا مش قصدي حاجه والله ارجوك خليك مش هعرف انام و انا لوحدي في الاوضه
لتكمل بصدق اكبر : و بعدين انا ببقا مطمنه و انت معايا
لترفع عينيها لتري تاثير كلماتها عليه لتلتقي عينيهم فتخجل غرام و تتوتر كثيرا فتنزل عينيها مره اخري و تسير مبتعده ناحيه الفراش
غرام بتوتر : علي العموم براحتك برضو انا مش هضغط عليك
فارس و هو يتجهه للاريكه مره اخري : طب هتعملي ايه في الايام اللي مش هبقا فيها معاكي هتنامي ازاي
غرام : مش عارفه بقاا ربنا يسهل ساعتهاا
ليؤما لها فارس و يدخل الحمام ليبدل ملابسه للنوم
بعد مرور بعض الوقت خرج فارس من الحمام ليجدها تغط في النوم
ليتجه ناحيه الاريكه و ينام عليها و ظل يحاول بعض الوقت ان ينام فالنوم جفاه فظل يتقلب علي الاريكه ليستقر بالنوم علي ظهره و ظل شارداً يتذكر يومه لتظهر الابتسامه علي وجهه عند تذكره للوقت الذي قضاه برفقه غرام باسطبل الخيل لينهض من علي الاريكه و ينظر عليها ليجدها غارقه في النوم ليقوم من مكانه و يقترب منهاا و يجلس بجانبها علي الفراش ليشرد بمعالم وجهاا فغرام تتميز بالملامح الطفوليه البريئه عكس زوجته فرح صارخه الانوثه فالفرق بين غرام و فرح كبير فهو لا ينكر بان فرح ذات انوثه و جمال عن غرام و لكنه هناك شيئا ما بهاا يجذبه اليها لا يعلم ما هو حتي الان
ليمد يده و يمسد علي وجهاا ثم ارتفعت يداه ليمسد علي شعرهاا و ظل يمسد علس شعرها بضعه ثواني ليجد عينيه تتزل ناحيه شفتيهاا ليمد يده و كاد يلمسهم
ليفق لنفسه و ينهض من مكانه و يخرج من الغرفه فهو كاد يفقد السيطره علي نفسه
ليدخل غرفه فرح ليجدها نائمه ليتجه ناحيه السرير و يزيح الغطاا و ينام بجوارها و لكن عقله مازال مع غرام فاراد ان يلهي نفسه عن التفكير فيها فاقترب من فرح و ضمهاا اليه لتستيقظ فرح من نومهاا
فرح بنوم : حبيبي انت جيت امتي
فارس : لسه جاي
لتقترب فرح من احضانه اكثر و تدفن وجهها بين حنايا عنقه ليظل فارس يمسد علي شعرهاا يريد ان يبعد غرام عن تفكيره و لكنه لم ينجح فحتي و فرح في احضانه كان يتذكر غرام
.................................................................
في صباح يوم جديد
استيقظت فرح من نومهاا فوجدت فارس يخرج من الحمام
فرح بدلع : صباح الخير يا حبيبي
فارس ببرود : صباح النور
لتنهض من مكانها و تدخل في احضانه
فرح : فارس انت وحشتني اووي
ليخرجهاا فارس من احضانه و هو يقول
فارس : عندي شغل يا فرح و مش فاضيلك
ليخرج من الغرفه لتغتاظ فرح من بروده معها فهو امس عندما اخذها في احضانه كانت تطير من السعاده فهي لاول مره تشعر بان فارس يبادلها نفس شعورهاا
.................................................................
نزل فارس من السلالم ليجد غرام جالسه مع كلا من شهد و اميمه تتساير معهم ليظل ينظر لهاا و هي تضحك معهم فكم ضحكتهاا جميله و طفوليه مثلهاا
لتلمح اميمه اخيهاا لتتجهه ناحيته و تحتضنه : صباح الخير يا حبيبي
فارس بابتسامه : صباح النور يا حبيبتي
لتصبح عليه شهد ايضاا
لينظر الغرام التي تغيرت ملامحهاا و يظهر عليها انها غاضبه منه لتركه لهاا بمفردها ليله امس
لتلاحظ اميمه و شهد الوضع ليتغامزوا فيما بينهم
فارس : غرام تعالي ورايا علي المكتب عشان عاوزك
غرام و هي تغتصب ابتسامه : حاضر عن إذنكو يا بنات
ليدخل فارس مكتبه و من بعده غرام لتذهب غرام و تجلس علي الكرسي المتواجد بالغرفه انا فارس فهو اتجه ناحيه الباب و اغلقه ليقترب منها و هي جالسه و يحاصرها بين ذراعيه
لتبتلع غرام ريقهاا من حركته المفاجئه التي وترتها كثيرا و شلت حركتهاا
فارس : مالك
غرام و هي تتفادي ان تتلاقي عينيهم
غرام بتلعثم : مالي يعني مش فهمالك و بعدين ممكن تبعد شويه مينفعش كداا
فارس بنبره ماكره : هو ايه اللي مينفعش بالضبط
غرام و هي تنهض لتقوم بزقه : اللي كنت عمله ده مينفعش و بعدين انا مش عاوزاك تقربلي كده تاني ممكن
فارس و هو ينظر نظرات غامضه لم تفهم غرام معناها و لكنها وترتها كثيراا
غرام : و بعدين هو انت جايبني هنا عشان تقولي مالك
فارس و هو يقترب منهاا : لا يا غرام
لتلاحظ غرام اقترابه منها لتظل ترجع بظهرها للخلف و هو يتقدم منهاا
غرام و هي تتراجع : طب بص انا هطلع بقاا و انت شوف شغلك
و كادت تفتح الباب ليمنعها فارس بامسكاها من يديها و جذبها من خصرهاا ليجد نفسه يقبلهاا بنهم
ظلت غرام مصدومه من فعلته هذه و لم تعرف ماذا تفعل و لكنها فاقت لنفسها عندما وجدته يتمادي معهاا و يتعمق في قبلته اكثر
لتقوم غرام بدفعه عنهاا و تصفعه علي وجهه
غرام بغضب : اوعي تفكر تلمسني تاني يا فارس انت سامع و لا لا
فارس و هو يحاول ان يهدء من نفسه : غرام انا اسف بجد
لتنظر له بغضب و تفتح باب المكتب و تخرج من غرفه المكتب لتصعد لغرفتهاا و بمجرد ان دخلت ظلت تسب و تلعن في فارس لتطاوله معهاا
.................................................................
اما فارس فلم يعرف كيف فعل هذا معها و كانه كان في غيبوبه و لم يفق منهاا الا عندما صفعته
فاغمض عينيه بغضب من نفسه و خرج من الغرفه المكتب ليري جده
في مجلس الدوار
كان الجد جالس و امامه الغفر يطلي عليهم اوآمره
لياتي فارس عليه
فارس بجديه شديده : جدي عاوزك في موضوع مهم
الجد.و هو يشاور للغفر حتي يرحلو
نبيل : تعالي يا ولدي اجعد و جول اللي انت عاوز تجوله
فارس : في عريس متقدم لاميمه و الصراحه انا مش هلاقي احسن منه لاميمه
نبيل : و مين هو بجاا العريس اللي عجبك ده
فارس : مراد صاحبي
نبيل : مراد !
بس مراد اكبر منيهاا بكتير يا فارس
فارس : و ايه يعني يا جدي مش دي المشكله اللي تخلينا نرفض شخص في اخلاق مراد
نبيل : انت شايف اكده
ليؤما له فارس
نبيل : علي خير الله خليه يجي مع اهله يتقدملها
.................................................................
في المساء
اراد فارس ان يدخل غرفه غرام فهو يريد ان يراها و ظل يقاوم رغبته الملحه في روئيتهاا
و لكنه قرر في النهايه ان يدخل اليهاا
كانت غرام بالحمام تبدل ملابسهاا و عند خروجها فوجئت بفارس يقف امامهاا
غرام بهدوء : انت ايه اللي دخلك هنا
فارس : غرام غاوز اكلم معاكي
لتقاطعه غرام و لم تعطيه فرصه لاكمال حديثه
غرام : انا مش عاوزاك تدخل الاوضه دي تاني يا فارس عندك اوضتك التانيه اشبع بيهاا
فارس برفعه حاجب : و كلام امبارح و مبعرفش انام لوحدي
لتقاطعه مره ثانيه : اديك قولت امبارح لما كنت مطمنالك لكن انا دلوقتي اطمنلك ازاي بعد اللي عملته معايا انهارده
فارس : كانت غلطه يا غرام و مش هكررها تاني
غرام : و انا ايه اللي يضمنلي انك متقررهاش تاني هاا
ليغضب فارس منهاا
فارس بغضب طفيف : و لو كررتها تاني ايه المشكله يعني انتي ناسيه انك مراتي و لياا حقوق عليكي
لتنظر له غرام بغضب و تضربه علي صدره : لا مش مراتك يا فارس و مش هكررها تاني و اطلع بره
ليتكأ فارس علي اسنانه و يخرج من الغرفه فهو قد قرر بانه سيلغي معاملته معها فهي قد تمادت معه كثيرا هو يعلم بانه اخطأ و لكنهاا قد زادت فيها كثيراا........
يتبع