رواية مهمه بنات وشباب المخابرات
الفصل الثالث 3
بقلم اش
وقبل ما نبدا اي حاجه لازم نصلي على النبي اللهم صل وسلم عليك يا حبيبي يا رسول الله ❤️
هنبدا روايتنا في مكان تاني خالص في احد المخازن المهجوره
الحارس: هنعمل ايه يا باشا كده بقينا في خطر احنا لازم نخلص عليهم
الباشا :لا احنا مش هنعمل حاجه احنا هنقريهم في لعبتهم لحد ما نشوف اخرتهم ايه وبلغهم اللي في تغيير في ميعاد الصفقه وانه هيكون بعد شهر مش اسبوعين
الحارس: تمام يا باشا
تعالوا بقى نروح الفيلا عند الشباب لما كان طائف بيتكلم مع ايه بعد ما اتعاركت هي وحازم وطلع للجنينه ورا حازم
طائف: انت مستحيل تعمل كده في ياسمين انا مش هسمحلك تعمل فيها كده انت فاهم ولا لا
حازم: طائف ما تدخلش انت
طائف: حازم بلاش عبط انت عايز تدمر حياه البنت عشان ضربتك بالقلم فين حازم صاحبي اللي كان عنده قلب ولعلمك انت لو عملت حاجه لياسمين انت ولا هتكون صاحبي ولا اعرفك
ومش طائف وهو متعصب من كل اللي بيحصل وازاي
صاحبه بيفكر ان هو ينتقم من ياسمين وكان بيفتكر الكلام
اللي حازم قاله. فلاش باك
طائف كان رايح لحازم اوضته وكان لسه رايح يفتح باب الاوضه بس سامع حازم وهو بيتكلم في التليفون فوقف عشان يسمع هو بيقول اي
حازم: انت تنفذ اللي انا هقولك عليه بالحرف انا عاوز اول ما اوصل مصر يكون في ماذون في شقتي انت فاهم وتقفل كل المخارج في الشقه واتغير طبله الباب
*****وفي الوقت ده طائف خبط ودخل*****
طائف: انت كنت بتكلم مين وليه عاوز ماذون فهمني انت هتعمل اي يا حازم
حازم: هتجوز مش تباركلي
طائف: اوعى تقول العروسه هي ياسمين
حازم: فعلا ياسمين هي العروسه
طائف: انت اتجننت ولا اي
حازم: اتجننت ليه عشان حبيتها يبقى كده اتجننت
طائف: وانا مش واحد اهبل عشان تضحك عليا انت عايز تتجوز عشان تتقن منها مش عشان بتحبها
حازم: ايوه يا طائف هتجوزها عشان انتقم منها ولا حبيتها ولا هحبها
طائف: هتندم اوي يا صاحبي
وايه جت على صوت الزعيق وما سمعتش اي حاجه
********* باك***********
اما عند ياسمين افتكرت مره واحده كارما صديقه طفولتها ومش عارفه هي جت في بالها ليه ومره واحده دمعه نزلت من عينيها ودخلت عليها ايه واسماء
اسماء: يا اهل الدار في حد هنا اي ده انتي كنت بتعيطي يا ياسمين
ياسمين: مين انا اللي انا كنت بعيط ده في حاجه دخلت في عيني
اسماء: طب هي الحاجه دي دخلت في عينيك الاثنين
ياسمين: لا يا اسماء هي دخلت في عين واحده والعين الثانيه زعلت عشان كده دمعت
ايه: يا بنات تعالوا كلنا في حضن بعض انا حاسه ان انا محتاجه الحضن ده اوي. بالراحه عضمه هيتكسر
وعدوا كلهم على السرير من كتر الضحك
ايه :انا بحبكم اوي يا بنات ربنا يخليكم ليا
البنات واحنا كمان بنحبك يا يويو
ايه: اسمعوني
اسماء: في اي يا ايه
ايه: انا بعثت واحد يراقب بيتر وعرفت انه معاذ اسمه معاذ الصياد
ياسمين :بتقولي اي بتقولي معاذ اي
اما بقى طائف كان قاعد في اوضته وكان بيفكر ازاي اعترف ل ايه بحبه ليها وقام وقف وقرر اللي هو يعترف لها بحبه. بس راجعه تاني حوار بين عقله وقلبه
العقل: انت اتجننت انت هتروح تقول لها اي هتقول لها ان انت بتحبها فين كبريائك يا راجل حبيت واحده من اول نظره هو انت مش طول عمرك مش معترف ان مفيش حب من اول نظره
القلب :بس انا بحبها وفعلا حبيتها من اول نظره ولو فضلت ساكت هتروح مني
العقل: وانا مش موافق على الكلام ده وازاي حبيتها وانت بقيلك يومين بس عارفها
القلب: انا هروح لها انا مش هستنى لما تروح من ايدي
وخرج طائف من الاوضه وفضل يدور على ايه وفجاه لقاها طالعه من اوضه ياسمين
طائف: ايه
ايه :ايوه يا طائف اتفضل
طائف :ممكن نتكلم شويه بره
ايه: اوكي ماشي مفيش اي مشكله
_________________________________________
طائف: بصي يا ايه بدون اي مقدمات انا بحبك
ايه :بس انا مش بحبك ولا بفكر خالص اني احب او اتجوز
طائف :وعد مني يا ايه اللي اخليكي تيجي وتعترفي بحبك ليا
ايه: ده في احلامك يا طائف باي باي
وتاني يوم الصبح اسماء وياسمين جهزوا ونزلوا وكانوا
ماسكين شنطهم عشان هيسافروا
ايه: بنات ما تنسوش اتفاقنا
سرحت ياسمين في كلام اي بتاع امبارح. فلاش باك
ياسمين: ايه انتي بتقولي اي اسمه معاذ الصياد يعني
ايه: يعني طلع هو معاذ صديق طفولتنا وطلعت اخته كارما
ياسمين: انا مش مصدقه مش مصدقه اللي احنا عرفنا مكان معاذ و كارما احنا قعدنا ندور عليهم من ساعه ما تفرقنا بس ما كانش ليهم اي اثر لازم نروح لهم
ايه: دلوقتي لازم تركزوا معايا يا بنات معاذ دلوقتي هو وكارما حياتهم في خطر فلازم تنزلوا مصر عشان تحموهم
اسماء: طب انتي هتعملي اي وهتعملي اي مع بيتر
ايه: ولا حاجه انا هكلم معاذ بعد ما تنزلوا مصر عشان اكمل الخطه واهم حاجه لازم تحمي كارما لان معاذ هيختفي فتره ويا ريت ما حدش يقول لي كارما اي حاجه
*****************باك******************
ياسمين مسحت دمعتها وخدت ايه في حضنها وهي بتعيط
ياسمين: خدي بالك من نفسك يا ايه
اسماء: ابعدي بقى شويه كده يا ياسمين انا كمان عاوزه احضنها
ياسمين: سبتها لك اهي اشبعي بيها
ايه: والله انت وهي عاملين زي الاطفال
___________________________________
اما بقى في مطار القاهره كان معاذ مستني اسماء وياسمين وفجاه خبطت فيه بنت
البنت: مش تفتح يا اخ
معاذ :انتي بتكلميني انا هو انا اللي خبطتك
البنت: بص لو سمحت انا مش طايقه نفسي فابعد عني احسنلك
وفي مكان تاني في المطار
ياسمين: يلا يا اسماء
اسماء :بس هدخل بس التواليت لحظه
ياسمين: طب يلا بسرعه انا هستناكي في الصاله الانتظار
_______________________________
معاذ كان شاف ياسمين وهي داخله صاله الانتظار فطلع يجري عليها عشان يوقفها
البنت :اي المتخلف ده
ياسمين سمعت صوت حد بينادي عليها وبتبص وراها لقت شاب بيجري ناحيتها
ياسمين :حضرتك تعرفني
معاذ: قطعتي نفسي الله يخرب بيتك
ياسمين: انا حاسه ان انا شفتك قبل كده
معاذ :حاسه مش متاكده انا معاذ مش فاكراني ولا اي
اسماء: طب احنا هنصدقك ازاي دلوقتي طب بص اديني اماره خليني اصدقك
معاذ: ايه هترن عليا دلوقتي وهخليها تكلمكم
وبعد دقيقه بالظبط ايه رنت على معاذ والبنات كلموها
واتاكدوا اللي هو معاذ
___________________________________
نروح مع بعض تاني مكان المخزن المهجور كان في شخص بيتكلم في التليفون والشخص اللي بيكلموا في التليفون بيقول له
الشخص: وصلوا يا باشا مصر ورايحين بيت معاذ
الباشا: تمام خليك مراقبهم لحد ما اقولك تعمل اي
الشخص: تحت امرك يا باشا
____________________________
اما بقى في بيت معاذ كانت كارما قاعده وخايفه على معاذ وفجاه الباب انفتح
كارما: معاذ انت كنت فين
معاذ: انتي مش كان نفسك تشوفي اسماء وياسمين
كارما :ايوه
اسماء وهي بتدخل من الباب :واحنا بقى حققنا اللي كان نفسك فيه
وجريت اسماء على صديقه طفولتها اما ياسمين فكانت
واقفه بتعيط وراحت لكارما وحضنتها جامد
ياسمين: وحشتيني يا كوكا
كارما كانت بتعيط وافتكرت الاسم لياسمين دايما كانت
بتناديه لها بس كانت بتقولوا غلط
كارما :اخيرا اخيرا قلتي الاسم صح
اسماء تعالى في حضن اخوك يا فواز
معاذ كان فرحان جدا اللي هو شاف ضحكه اخته من تاني
معاذ: بعد ما كان عند مصيبه واحده بقى عندي ثلاثه
ياسمين: اربع مصايب ما تقلقش
كارما: صحيح هي فين ايه
ياسمين: ايه مسافره بره عشان عندها شغل بس هتيجي كمان اسبوعين
كارما: كان نفسي اشوفها اوي
ياسمين: واحنا هواء بقى ولا اي
كارما: لا طبعا ما تقوليش كده على نفسك ده انتي حبيبتي وروح قلبي
اسماء :طب يلا بينا على جوه يا بنات
*********وفجاه تليفون ياسمين رن*******
ياسمين: بنات انا هطلع اتكلم في البلكونه وجايه
كارما: ماشي يا حبيبتي براحتك
------------------------
ايه: الو ياسمين في حد جنبك
ياسمين: لا انا في البلكونه
ايه: ها طمنيني سالتي معاذ عن الصفقه ولا لا واي علاقته ببيتر
ياسمين: والله لسه ما سالتوش كارما على طول قاعده معانا بس انا كنت النهارده هساله عن الصفقه وبيتر
معاذ كان داخل البلكونه في الوقت ده ومعاه كوبايه شاي
وفجاه وقعت من ايده
ياسمين: معاذ
ايه :في اي يا ياسمين طمنيني يا بنتي حصل اي عندك
وفجاه لقت ايه الخط فصل
______________________________________
معاذ: انتي تعرفي بيتر منين انا عاوز اعرف كل حاجه دلوقتي
ياسمين: انا كنت لسه هسالك انت ازاي قابلت بيتر واي علاقتك بيه
معاذ: انتي ازاي عرفتي بيتر وازاي وصلت ليه هو انتي والبنات بتشتغلوا اي بالظبط
ياسمين :ماشي يا معاذ انا هجاوبك على كل حاجه بس ما تقولش لاي حد بس المقابل لده تقولي اي علاقتك ببيتر وازاي تعرفت عليه
معاذ: وانا موافق
ياسمين: احنا شغالين في المخابرات واحنا دلوقتي في مهمه فلازم محدش يعرف اي حاجه
معاذ : طب وانتي وايه واسماء عرفته بيتر منين
ياسمين: بيتر جزء من المهمه دي او يعتبر المهمه كلها بس وعد انك ما تقولش لحد ودلوقتي بقى قول تعرف بيتر منين
معاذ: هقولك هقولك يا ياسمين