رواية حبيب امه
الفصل الاول1
بقلم مروةحسين
: تعرف يابابا أن أول وسيله مواصلات كانت العجله
: عارف
: وعارف كمان انها بتساعد على تنشيط عضلات الجسم وأنها تعتبر رياضه يوميه للى بيركبها
: عارف
: تعرف بئا أنها بتساعد على تنشيط الدوره الدمويه في الجسم وده بيخلى الواحد يقدر يذاكر كويس
: تعرف أن دى المره التلاتين على التوالى اللى بتكلمنى فيها على العجله وقولتلك مش وقته
: بس انت متعرفش هى مهمه اد بلنسبالى دى الحاجه الوحيده اللى هتخلى نفسي تتفتح على المذاكره
: انا جبتلك قبل كده علبه الوان وبلاي ستيشن وسبوره ونفسك متفتحتش
: منا كبرت علي الحاجات دي يابابا واكيد محتاج حاجات اكبر تفتح النفس
: معلش ياحبيبي ابقى كل مخلل قبل المذاكرة وانت نفسك هتتفتح
: يابابا ونبي بقالى أسبوعين بتحايل عليك وانت مش راضي والله هسمع الكلام واعمل الواجب وهبقي شاطر في الانجليزى
: برضه لا قلت مش وقته
: طب هقول لماما على البت السكرتيرة اللى كنت بتكلمها في الفون وتقولها كنتى زى القمر انهارده. وشعرك كان زي ال.. .
: هششش خلاص هجبهالك وطى صوتك
: لا خلاص مش عايزها
: على فكره العجله بتساعد على تنشيط عضلات الجسم
: برضه لا
: طب تعرف أنها هتفتح نفسك على المذاكره
: هبقى اكل مخلل
: طيب هجبلك العجله وهفسحك انت وأمك
: وترفد السكرتيرة
: لا السكرتيره لا
: يامامااا
: خلاص خلاص هرفدها داهيه تاخدك انت وأمك انا نازل
وبعد ما ماشي ..
: ماما تعالى خلاص بابا هيرفد السكرتيره وهيفسحنا
: تسلملى حبيب أمك امواااه
: ماما تعرفي أن النضاره الشمس كل مابقت اصليه كل ماكانت احسن للعين
: نعم ياروح أمك! !