الفصل العاشر10
بقلم سحر حسين
وقررت أن هفضل وراه لحد ما يحبني ولزم يكون حبي ده حب من طرفين مش طرف واحد انا مش هحبه في السر تاني بس لزم يحبني الاول وبعد كده هقوله اني بحبه .....
قومت ولبست عشان انزل الشغل كالعادة . ...
روحت الشغل واول ما روحت الشغل دخلت عنده المكتب وجهزت كل حاجه هو بيحبها وبيحب يعملها كاني بقوله إن انا حفظه كل حاجه بتحبها وانا كنت بجهز كل حاجه دخلت قمر وقالتلي ........
***************
قمر : اده هو زين لسه مجاش .
ريم : لا يا استاذه قمر لسه مجاش .
قمر : وانتي بقي بتعملي ايه هنا .
ريم : بشوف شغلي يا استاذه قمر .
قمر : وهو شغلك بقي انك تفضلي في غرفته طوله الوقت .
ريم : ايوه انا السكرتيرة الخاصة بتاعته ممكن اعرف بقي حضرتك بتعملي ايه هنا .
قمر : انا حد مهم في الشركه هنا .
ريم : اه طبعا بس مكتب الاستاذ زين ده خاص ومينفعش اي حد يدخله اتفضلي في مكتبك لحد ما استاذ زين يجي .
قمر : انتي اكيد اتجننتي انتي بتطرديني من هنا .
ريم : انا مش هرد على حضرتك عشان دي مش أخلاقي بس بعد ازنك لزم اقفل المكتب .
قمر : طيب بس لزم زين يشوف معاكي حل وصدقيني مش هطولي معانا هنا انا اصلا عارفه ايه هو غرضك من الشغل هنا .
ريم : وايه هو بقي غرضي من شغلي في الشركه هنا .
قمر : انتي عايزه تاخدي مكاني في قلب زين بس ده مستحيل .
ريم : انا فعلا مقدرش اخد مكانك في قلبه عارفه ليه .
قمر : عشان مكاني كبير قوي عليكي انك توصليله .
ريم : لا عشان انتي دلوقتي مبقاش ليكي اي قيمه عند زين .
قمر : زين كده من غير استاذ ... طيب لما نشوف زين هيختار مين فينا .
ريم : انا مش عايزه ادخل معاكي في أي حاجه تافهة زاي دي ولو الاستاذ زين اختارك انتي صدقيني انا هطلع من حياتكو تماما .
قمر : تمام اتفقنا .
ريم : طيب لو اخترني انا هتعملي ايه .
قمر : مش هعمل حاجه انا كمان هنسحب من حاتكو .
ريم : طيب يارب تعملي بكلمتك .
قمر : تمام سلام يا سكرتيره .
********************
اول ما قمر سابتني ومشيت مش عارفه ليه كنت خايفه جدا اني ادخل معاها التحدي ده بس في نفس الوقت في حاجه وهي بتقول لي ما تخافيش زين مش بيحبها ومش هيكون معاها ثاني زي ما قال لي بس في حاجه تاني من جوايا بتقول لي بلاش الثقه الزياده دي في زين هو كمان ما حبكيش وما قالش انه بيحبك كنت واقفه وسرحانه وبفكر في كلامها وفجاه دخل عليا زين المكتب وقال لي .
*************
زين : ريم يا ريم ريم .
ريم : استاذ زين ازي حضرتك يا استاذ زين معلش انا اسفه ما خدتش بالي والله .
زين : مالك في ايه انت سرحانه قوي ليه كده .
ريم : معلش انا اسفه كانت في حاجه كده شغلاني معلش .
زين : خير ايه اللي حصل معاكي .
ريم : لا ما فيش حاجه انا تمام الحمد لله .
زين : اوعي تقولي لي مشكله صاحبتك لسه ما اتحلتش .
ريم : ايه يعني مش عارفه توصل معايا لحد فين ربنا يستر .
زين : ليه احكي لي ايه اللي حصل تاني اعترفت لحبيبها ولا لسه .
ريم : لا لسه بعدين حصل معايا حاجه كده خليتها تتراجع عن ان هي تعترف له عن حبها دلوقتي .
زين : ليه خير ايه اللي حصل احكي لي يمكن اعرف انصحك .
ريم : تنصحني انا وانا مالي .
زين : انا قصدي يعني هقول لك تقولي لصاحبتك تعمل ايه .
ريم : تمام بص هي حبيبته القديمه جت واتكلمت معاها وقالت لها ان هي عايزه تعمل تحدي معاها ونشوف مين فيهم اللي هيكسب .
زين : يكسب يكسب ايه هي لعبه ده قلب انسان انتوا ازاي بتلعبوا بمشاعر الناس بالطريقه دي .
ريم : هو انت بتزعقلي ليه انا مالي انا بقول لك اللي حصل وبعدين هي حبيبته القديمه هي اللي قررت تعمل ده .
زين : حبيبتي القديمه دي واحده ما عندهاش قلب اوعي تخلي صاحبتك تسمع كلامها لو عرف ان ده حصل من صاحبتك صدقيني عمره ما يبص في وشها تاني الحب مش لعبه يا ريم الحب حاجه جميله جدا محتاج اللي يقدرها صح مش اللي يلعب عليها حوالين يا كيكه وتعالى نشوف مين فينا اللي يكسب قلبه لو بتحبي صح بلاش تلعب على اللعبه دي قصدي يعني لو صاحبتك بتحبه .
ريم : اولا قلت لك ان الولد ما يخصنيش ثانيا تمام ماشي هي كده كده ما رضيتش يعني باللي حصل بس هي خايفه خايفه قوي كمان .
زين : وخايفه من ايه بقى يا ست ريم .
ريم : هي خايفه ان هو يرجع لحبيبته القديمه او حتى يكون لسه بيحبها وخايفه انه انها تكون مش ليه او حتى ما لهاش مكان في قلبه مش عارفه .
زين : بصي بصي يا ريم اهم شيء في الحب هي الثقه لازم تكون واثقه من نفسها ولازم تكون صريحه معاه مش مهمه حتى لو هو ما حبهاش او هي مش في قلبه دلوقتي بس المهم ان هي تكون صريحه الحب اللي بجد بيكون مبني على الثقه والصراحه والصدق يعني سواء كنت انت او حتى صاحبتك لازم تكوني صريحه يعني خليكي صريحه مع نفسك الاول وبعدين هتكوني صريحه معاه صدقيني هو اكيد هيقدر صراحه صاحبتك .
ريم : يعني ايه لازم تكون صريحه معاه حتى لو هو مش بيحبها .
زين : هههههههههه طيب تقدري تقولي لي بقى هي لو ما اعترفت بحبها وقالت لي ان هي بتحبه هيعرف منين ان هي بتحبه اصلا .
ريم : طيب مفترض هي راحت تعترف له وهو رفضها ساعتها يبقى ايه الحل بقى .
زين : ما فيش حاجه عادي ساعتها هتبقى عارفه ان هي بالنسبه له حد عادي وساعتها مش هتتعب نفسها في التفكير ومش هتضيع مشاعرها على الفاضي مش هتقعد تفكر في حد هو اصلا مش شايفها او حتى مش بيحبها ساعتها هتعرف بالظبط هي هتعمل ايه انما معلش الجو ان انا احبه من بعيد او حب من طرف واحد ده مش حب حقيقي ده اسمه حب خفي .
ريم : حب خفي يعني ايه حب خفي .
زين : يعني حب في السر يعني ده العن كمان من الحب من طرف واحد بص يا ريم الحب من طرف واحد بيبقوا الاثنين عارفين ان في حد فيهم بيحب الثاني بس الثاني مش بيحبه انما الحب الخفي هو الحب اللي بيبقى واحد بس عارف ان هو بيحب انما الثاني ما يعرفش ان في حد بيحبه اصلا هو ده اللي بيتسمى الحب الخفي وللاسف لصاحبتك فيه ده اسمه حب خفي صاحبتك لازم تعترف بيحبها عشان على الاقل تعرف ان الشخص اللي بتحبه ده مستعد انه يحب حد تاني ولا لا دي نصيحتي ليكي ولازم تنصحي بيها صاحبتك علشان ما تضيعش وقتها في تفكير وفي الاخر يطلع التفكير ده كله فشوش.
ريم : تصدق معاك حق يا استاذ زين هي فعلا لازم تعترف بحبها بس لو هي اعترفت بحبها وهو على الاقل ما ردش عليها في رد هتضطر انها تبعد .
زين : بصي يا ريم انا نصحت التنصيحه وانت حره عايزه تعملي بيها او تقولي صاحبتك تعمل بيها براحتك بس حتى لو صاحبتك مشيت مش احسن ما تفضل قاعده وتضيع وقتها مع واحد مش حاسس بيها اصلا مش شايفها حبيبته ولا شايفها حتى قدام .
ريم : انت صح معاك حق احسن برده من تضيع الوقت في حب وكلام فاضي .
زين : عمر الحب يا ريم ما كان كلام فاضي الفكره كلها ان لازم عشان يبقى حب بجد لازم يكون من الطرفين ولازم يكون في العالم ولازم على الاقل الشخص ده يعرف ان في حد بيحبه ومتعلق بيه كده على اي اساس بتقولي عليه ان هو حب وهو اصلا مش من الطرفين .
ريم : فعلا معك حق هي فعلا لازم تقول له على الاقل عشان هي كمان تحس بطعامه الحب بجد انا هقول لها تقول له هو من حقه انه يعرف ان في حد بيحبه .
زين : برافو عليك هو ده اللي انا قصدي عليه هو من حقه اللي يعرف ان في حد بيحبه بس قولي لي يا ريم هي اسمها ايه صاحبتك دي .
ريم : اسمها ريم.
زين : معقوله الصدف سبحان الله هي اسمها ريم ويا ترى بقى اللي بتحبه بقى اسمه ايه .
ريم : لا الحقيقه مش عارفه .
زين : معقوله مش عارفه اسمه ايه .
ريم : ايوه ما اعرفش بس بكره انا هعرف هو اسمه ايه .
زين : تمام ماشي كفايه بقى كلام في الحب وخلينا في شغلنا يلا روح هاتي الورق من المكتب بتاعك .
ريم : تمام حاضر حالا والاوراق كلها تكون عندك .
******************
بعد ما سبته وخرجت من المكتب بتاعه كنت مبسوطه جدا من كلامه كلامه حلو قوي اول مره اشوف حد بيتكلم عن الحب بالطريقه دي وبيدافع عنه كده كنت مبسوطه جدا يمكن اكثر وقت كنت مبسوطه فيه لما لما وقفت واتكلمت معاه عن الحب وفعلا ساعتها قررت اعترف بحبي وكفايه تعذيب لحد كده اه تعذيب ما هو لما احس ان عرف أن كل الكلام ده علينا احنا وهو بيعمل كل ده عشان اعترف بحبي ليه يبقى عزاب وفي نفس الوقت بقول لنفسي طيب لو هو حاسس بكده طيب ميعترف بقي ويخلص هو مش معقول مفهمش من كل الكلام والحركات دي كلها شكله مش غبي كده .
ياربي علي الحيره دي اعمل ايه اقوله ولا لا طيب استني لما هو اللي يعترف الاول .
طيب نفترض ما اعترفش ساعتها اعمل ايه بقى لا انا هعترف وخلاص واللي يحصل يحصل بقى واكيد اي حاجه هتحصل هتبقى في مصلحتي سواء كنت معاه او لا بس يا رب اكون معايا انا عايزه اكون معايا .
خدت الاوراق والحاجات ورحت المكتب عند زين واول ما دخلت لقيت قمر قاعده جوه لقيتها بتتكلم بطريقه غريبه جدا اتكلم بدلع كده ومياعه مش عارفه لما بشوفها بحس اني عايزه اخدها من ايديها وطلعها بره الشركه وقولها زين ده ليا انا بس بسكت عشان عارفه أني مش من حقي اعمل اي حاجه دلوقتي خالص .
*********************
ريم : استاذ زين دي الاوراق اللي حضرتك طلبتها كلها اتفضل .
زين : ماشي يا ريم شكرا .
ريم : العفوا بعد ازن حضرتك .
قمر : اه معلش يا ريم ممكن كوبايه قهوه .
ريم : نعم .
زين : استاذه قمر الاستاذه ريم السكرتيره الخاصه بتاعتي مش بتاعت شاي وقهوه لو حضرتك عايزه قهوه او شاي ممكن حضرتك تروحي اي كافيتريا براحتك .
قمر : انا مش قصدي حاجه يعني انا قصدي أنها تطلبلي قهوه .
زين : استاذه قمر اتفضلي انتي اطلبي لنفسك اللي انتي عايزاه بعد ازنك .
قمر : تمام بعد ازنك ... تخرج قمر من المكتب وهي خارجه تخبطني في كتفي ...
ريم : شكرا يا استاذ زين علي .
زين : انا معملتش حاجه ده واجب عليا يلا روحي علي مكتبك .
ريم : تمام حاضر عايز مني حاجه قبل ما امشي .
زين : لا شكر يلا اتفضلي بقي مش عارف اشتغل منك .
ريم : تمام حاضر .
****************
خرجت من المكتب ولقيت قمر وقفه قدام الباب وقالتلي .......