رواية غرام الفارس الفصل الثالث3والرابع4بقلم فاطمة محمد
فارس باستغراب : انت بتقول ايه يا جدي ازاي عاوزني اجوزهاا انت ناسي اني متجوز ليكمل بسخريه لا و مش اي واحده دي بنت ابنك يعني حفيدتك
نبيل بمكر فهو يفكر بشئ ما : مقدمناش حل تاني غيره لو مجوزتهاش عمها مش هيسكت و انت سمعت بودنك انه عاوز يجتلهاا يا بني و مدام ساعدتهاا من البدايه يبجاا تكمل جميلك بجاا و تفضل معهاا للاخر
فارس و هو يفكر فكلام جده مضبوط فهو لن يترك مساعده اي حد من قبل لذلك سينهي معها ما بدءه و سيظل بجانبهااا
فارس بموافقه : ماشي يا جدي هتجوزهاا
ليهز نبيل له راسه : كنت متاكد انك هتوافج مفضلش دلوقتي الا مرتك لازم تعرفهاا
لينظر لجده و يؤما له و يستأذنه للذهاب لمباشره اعماله
بعد رحيل فارس دخل نبيل الدوار لينادي هنيه
هنيه : ايوه يا جنابك انا جيت اهوو
نبيل : اطلعي لفرح جوليلها اني عايزها باوضه المكتب
هنيه : حاضر جنابك
ليدخل نبيل المكتب و جلس علي مكتبه يفكر في شئ ما ليطرق الباب
نبيل : تعالي يا فرح
لتدخل فرح : البت هنيه جالتلي انك طلبتني يا جدي
نبيل : جربي يا فرح عاوز اكلم معاكي في موضوع مهم
لتغلق فرح الباب و تقترب منه بتوجس فجدها لاول مره يطلبهاا لامر هام
فرح بقلق ظاهر : خير يا جدي جلجتني
نبيل و هو ينظر لهاا : انتي بجالك قد ايه متجوزه انتي و فارس
لتبتلع فرح ريقهاا فهي الان تشك فيما يريد الجد الحديث عنه
ليقول الجد : هجولك انا بقالكو قد ايه بقالكو سنتين و نص يا فرح
سنتين و نص و انا نفسي في حفيد من صلبي انتي بتعرفي زين اني ولادي كلهم جابو بنات مفيش الا مصطفي الا جاب فارس
فرح بتوتر : ان شاء الله يا جدي هنفرحك جريب انا و فارس بالولد اللي نفسك فيه
ليضحك الجد بسخريه : عم تضحكي علي مين يا بنت حامد ليكمل كلامه الذي صدمهاا
اوعي تكوني فاكره اني نايم علي وداني و مش عارف انك عندك مشكله و متابعه مع دكتور عشان تعرفي تحملي
فرح بتلعثم : جدي انا
نبيل : انا طول السنتين و نص صابر عليكي يا فرح و مش عاوز اجرحك بس انا يا بنتي مش ضامن عمري و عاوز اشوف حفيدي جبل ما مموت
فرح بخوف : يعني ايه يا جدي
لينهض الجد من علي مكتبه و يتجه ناحيتهاا
نبيل : يعني فارس لازمن يجوز عشان يجبلي الحفيد اللي هيشيل اسم عيلتناا و انتي اتعالجي علي جل من مهلك (علم نبيل منذ اسبوعين من الطبيب المتابع لحاله فرح ان نسبه الحمل مازالت ضعيفه جدا ) و متقلقيش فارس مش هيعرف حاجه عن الموضوع ده
فرح بصدمه : يعني ايه يا جدي الكلام ده انت عاوز فارس يجوز عليا يجوز علي حفيدتك اللي شيله اسمك انت يا جدي اللي عاوز تعمل فيا اجده
نبيل : افهمي يا فرح هو هيجوز بس لحد ميجي الحفيد.و بعدين انا هتصرف مع ام الواد و نمشيهاا و انتي اللي هتربي الولد
فرح بصريخ : عيله صغيره انا اياك بتضحك عليا بكلمتين مين دي اللي هتقبل انها تمشي و تسيب ابنهاا هاا يا جدي
نبيل : موجوده و اهدي عشان نعرف نتفاهم
.................................................................
كانت غرام بغرفتهاا تبكي علي حالهاا فهي كانت الفتاه المدلله و المحبه لدي والديها و كانت تعيش في سعاده مع عائلتهاا حتي جاء اليوم الذي توفي فيها والداهاا في حادثه سياره و بقيت وحيده لياتي عمهاا و ياخذها معه الصعيد لتعيش معه و مع ابنه فعمها زوجته متوفاه و لا يوجد لديه اي ابناء سوي بلال و كان ايمن طوال تلك السنوات يعاملها بقسوه فهو كان لا يعدي يوم الا و يقوم بضربهاا فهو كان يكرهاا بشده و لم تشتكي ابدا من معاملته لها و كان يجعلها تعمل مع الخدم في المنزل و لم تشتكي ايضاا حتي اليوم الذي جعلها توقع علي اوراق التنازل عن ميراثها له و اليوم الذي هربت فيه منه و من جحيمه
ليقطع شرودهاا صوت طرقات علي الباب
غرام : اتفضل
لتدخل فاطمه والده فارس
فاطمه بابتسامه : ازيك يا بنتي عامله ايه دلوقت
غرام و هي تبادلها الابتسامه : الحمد لله احسن
فاطمه : طب يلا قومي عشان هنتغدا كلاتنا مع بعض
غرام برفض فهي لا تريد ان تري فرح بعد ما فعلته معها : لا معلش مش هقدر والله كفايه اوي انكو فتحين بيتكو لياا مش عارفه اردلكو الجميل ده ازاي
فاطمه : مينفعش متاكليش معانا عمي هو اللي آمر انك لازمن تطلعي تاكلي ويانا يلا بجاا
لتوافق غرام مضطره فهي لا تريد ان تخجل هذه السيده الجميله
.................................................................
رجع فارس من عمله و هو غاضب بشده فكلامه جده كان صحيح فجميع اهل البلد يتحدثون عنه و عن غرام و عن كيف يفعل الحفيد الوحيد لعيله العمري فعله شنيعه مثل هذه ليدخل الدوار و هو ينوي ان يبلغ غرام قرار زواجه منهاا فهم ليس لديهم حل اخر و لكن العقبه الكبيره ستكون فرح فخي لن تسكت ابدا علي قرار كهذا
ليدخل فارس الدوار : ليجد فرح في استقباله
فرح : حمدالله علي سلامتك يا حبيبي
ليتجاهلها فارس فهو لم ينس ما فعلته امس بغرام و يتجه ناحيه غرقته حتي يبدل ملابسه و ينزل لتناول الطعام مع عائلته
لتغتاظ فرح من تجاهله لهاا و لكنه لم تبين ذلك بتصعد خلفه و بمجرد ان دخل الغرفه اقتربت منه بدلال و هي تقول
فرح : حبيبي انت لسه زعلان مني اني اسفه بجد علي اللي حصل و كمان هتاسف لغرام انا غلطتها في حجها و مديت يدي عليها
لينظر فارس بترقب : ايه اللي حصل خلاكي غيرتي كلامك مش امبارح كانت عشيجتي و روحتي ضربيتها انتي و خالتي
لتبتبع ريقهاا و هي تقول : اصل جدي عرف باللي حصل و بعتلي و غلطني و حكالي علي اللي حصل مع غرام و بجد صعبت عليا معقول خالها عاوز يجتلها وهي معملتش حاجه واصل
فارس : طب كويس انك فتحتي الموضوع انا
كاد يكمل لتقاطعه فرح و هي بداخلها يغلي و لكنها مجبره علي ذلك : متجولش حاجه جدي قالي كل حاجه و اللي انت شايفه صح اعمله
فارس و هو لا يصدق ما تسمعه اذنيه : انتي واعيه للي بتجوليه ده
فرح : اكيد طبعا و يلا بجاا غير خلاجتك عشان تنزل تاكل لقمه
.................................................................
نزل فارس من غرفته برفقه فرح ليجد غرام امامه برفقه والدته لينادي عليهاا
فارس : غرام
لتنظر له فرح بغيظ : فل ماذا ينادي عليهاا الان
اما عن غرام فنظرت له و لفرح الذي بجانبه
غرام برقه : نعم
ليبتلع فارس ريقه ففرح ليست بهذه الرقه فهو لم يري واحده بهذه الرقه من قبل
فارس : احم كنت عاوز اكلمك معاكي شويه قبل الغدا
والدته و هي تنظر لفرح : تعالي يا فرح احنا نروح نشوف حطو الوكل و لا لسه
لتنظر فرح لخالتها بغيظ : حاضر يا خالتي
لتنظر لغرام
كنت بس عاوز اعتذر الاول لفرح عن اللي حصل مني
غرام باندهاش فمن يراها و هي تضربها لا يصدق بانها ستعتذر لهاا
فرح : انا اسفه يا غرام بس لما عرفت ان الناس كلها بتجول انك عشيجت جوزي مقدرتش استحمل
لتتجمع الدمرع بعين غرام ليلاحظ فارس دموعها لينظر لفرح بغيظ
فترس : روحي يلة فرح مع امي عقبال مكلم مع غرام في موضوع
لتؤما له فرح و تذهب مع والدته
ليقترب فارس من فرح و هو يقول : تعالي اوضه المكتب نتكلم
لتهز له راسها و تذهب معه ليدخل هو اولا المكتب و يجلس علي الكرسي المواجه للمكتب لتدخل بعده و تترك الباب مفتوح و تقترب من الكرسي الاخر و تجلس عليه
غرام بتوتر : خير ايه هو الموضوع اللي حضرتك عاوزني فيه
فارس بجديه شديده : غرام دلوقتي البلد كلهاا بتكلم عني انا و انتي و بيقولو اني انا اللي هربتك يوم الفرح و انه فيه حاجه بينا عشان كدا جبتك هنا الدوار
لتنزل دموع غرام و تظل صامته
ليكمل فارس : و عمك دلوقتي عاوز يقتلك عشان الكلام اللي بيتقال و في نفس الوقت انتي عارفه ان عيلتنا اكبر عائله في الصعيد و اللي حصل ده هيهز صورتنا قدام اهل البلد عشان كدا مقدمناش حل غير ان احنا نتجوز
لتنظر له غرام بصدمه : لا طبعا مينفعش
فارس بغضب : هو ايه اللي مينفعش بقولك مقدمناش حل غير ده و مينفعش ترفضي و بكره هكتب عليكي
غرام : بس انا مش موافقه و اذا كان علي الفضيحه فانا همشي من هنا و مش هقعد هنا و كام يوم و الناس هتنسا اللي حصل
فارس و هو يقترب منها ليقول بصوت كفحيح الافاعي : لا يا غرام محدش هينسا حاجه و انتي مش هتتنقلي من هنا و بكره هجوزك
ليبتعد عنهاا و هو ينظر في عيونها لتبادله النظر و يبقو علي هذا الوضع عده الثواني حتي رفع فارس انامله و اوشك ان يضعها حتي يمسح لها دموعها ليتقوم غرام بزق يديه و الابتعاد عنه و تخرج من الغرفه
ليقف مكانه مصدوم لا يصدق ما فعلته معه اقامت بزق يديه و ابتعدت عنه ليغمض عينيه بغضب و هو يحاول تهدئه نفسه ليجد الباب يفتح مره اخري لينظر للباب ليجدها فرح
فرح باستغراب : يلا يا فارس الوكل اتحط قاعد لحالك ليه
ليتجاهلها فارس مره اخري و يخرج من الغرفه باتجاه طاوله الطعام
ليصل للطاوله ليبحث بعينيه عن غرام ليجدها جالسه بجانب شقيقته اميمه وشهد تتحدث معهم فمن الواضح انها تعرفت عليهم (فاميمه و شهد يستيقظون متاخر لذلك كانت هذه المره الاولي الذي يرون فيها غرام فقامت فاطمه بتعريف غرام اليهم فاحبوهاا لتقاربهم في السن)
ليتجه فارس لكرسيه و خلفه فرح
و ظل يراقب غرام اثناء تناولها الطعام فلاحظ انها شارده فظن انها تفكر في كلامه و لكنه لم يعلم بانهاا تفكر كيف يمكنها الخروج من هذا الدوار و الهروب من هذا الفارس
اما عن وفاء و فرح فكانو ينظرون لغرام بكره شديد و لكنها لم تلاحظ هذا لعدم تركيزها معهم و لكن من لاحظت نظراتهم لها كانت اميمه و شهد فنظروا لبعض باستغراب فهم لا يعلمو لما ينظرون لها تلك النظرات
بعد ان انتهي الجميع من تناول الطعام طلب منهم الجد ان يظلو مكانهم فهو يريد ان يخبرهم بموضوع هام
و بمجرد ان قال الجد هذا نظرت غرام لفارس لتجدهظينظر لها لتبتلع ريقهاا
نبيل : في موضوع لازمن كلكو تعرفوه لانه هيتم بكره
مصطفي : خير يا بوي
وفاء و هي تنظر لغرام بكره : خير يا عمي ايه هو الموضوع (فهي لم تكن تعلم بعد)
نبيل و هو ينظر للجميع : فارس بكره هيتجوز غرام
لينظر الجميع له بصدمه ثم حولو انظارهم لفارس و غرام
لتقول وفاء بغضب : يبجا الكلام اللي بيتجال مضبوط و بنت *** تبجاا عشيجتك
لتنهض من مكانها و هي تحاول الوصول لغرام
وفاء : سبوني عليها عاوزني اشوفها بتاخد جوز بنتي منها و اجعد اتفرج عليهاا
فرح بتمثيل : ايه ياما اللي بتعمليه ده و بعدين انا موافقه علي الجوازه
لتنظر وفاء لابنتها : انتي اتجننتي عاوزه تخلي واحده تشاركك في جوزك
نبيل بغضب : وفاء اطلعي اوضتك
وفاء : بس يا عمي
نبيل بغضب شديد : وفاء
لتسمع كلامه غصبا و تصعد لغرفتها ليوجهه كلامه للكل
نبيل : الجوازه دي هتم يعني هتم سواء رضيتو او لا هتم مفهوم
.................................................................
دخلت غرام غرفتها بعد ان قال الجد للجميع بانها ستتزوج بفارس غداا لتتجه للسرير و تجلس عليه و هي تبكي فهي لا تريد ان تتزوج بتلك الطريقه و لا تريد ان تكون زوجه ثانيه و لا تريد الكثير و الكثير و لكن ليس باليد حيله لتظل تبكي و هي تفكر ماذا تفعل
لتمسح دموعها و تنهض من علي السرير و هي تقرر الهروب من هذا المنزل فهذه الزيجه لن تتم
.................................................................
في صباح يوم جديد
كان فارس نائما ليشعر بثقل علي جسده ليفتح عينيه ليجد فرح تنام علي صدره و تحتضنه بشده ليفك ذراعيها من عليه و ينهض من سريره ليدخل الحمام و يغسل وجهه ليجد نفسه يتذكر غرام و يفكر بهاا فهو لا يعلم لما يشعر بسعاده لانه سيتزوج بهاا ليفق لنفسه و ينفض هذه الافكار و يتجاهل هذا الشعور الذي يشعر به لاول مره
.................................................................
هبط فارس السلالم ليقابل والدته
فارس و هو يقبل جبهتها : صباح الخير يا امي
فاطمه : صباح النور يا جلب امك
فارس : الفطار جاهز
فاطمه : اه يا حبيبي يلا اومال مراتك فين
فارس بسخريه : كالعاده يعني لسه نايمه
ليكمل : عديتي علي غرام انهارده
فاطمه : فاكرتني انا كنت رايحه اصحيهاا عشان تفطر معانا
و بالفعل ذهبت فاطمه و ظلت تطرق علي باب الغرفه و لكنها لم تجد استجابه لتفتح الباب
فاطمه : انتي نومك تقيل ليه انهارده يا
كادت تكمل لتجد الغرفه فارغه لتخرج من الغرفه و نسئل الخادمه لتخبرها بانهم لم يروهاا
لتخبرها فاطمه ان يبحثوا عنها و بالفعل ذهبو ا للبحث عنها في الدوار و في حديقته و لكنهم لم يجدوها فاخبرو فاطمه بذلك لتدخل فاطمه غرفه الطعام سريعا
فاطمه : فارس الحق غرام مش في اوضتها و مش في البيت كله .......
Part 4
كانت غرام تجلس علي الطريق المؤدي لخارج الصعيد تنتظر مرور سياره فهي تريد الهروب من هذا المكان و البدايه من جديد و اثناء جلوسها لمحت سياره قادمه لتسعد غرام كثيرا و تنهض من مكانهاا و ظلت تشاور للسياره حتي يقف سائقهااا و عند اقتراب السياره رائت غرام من داخلهاا لتنزل يديهاا و تبتلع ريقهاا بخوف ف بلال هو من يتواجد في السياره
.................................................................
عند فارس
عندما علم فارس من والدته غياب غرام آمر الخدم بالبحث مره اخري عنهاا و آمر الغفر بالبحث عنها بحديقه الدوار و بعد مرور بعض الوقت اخبروه الخدم بانها فعلا غير موجوده بالدوار ليخرج فارس من الدوار بغضب و يتجه ناحيه الغفر
فارس : لقيتوها
الغفر : لا جنابك مش موجوده شكلها اجده خرجت بره الدوار
فارس بغضب جحيمي و هو يمسك كبير الغفر من ملابسه : انا عاوز افهم انتو لازمتكو ايه هنا ها ازاي متهرفوش هي خرجت و لا لا انا عاوز افهم
احد الغفر بتلعثم : اكيد خرجت بليل و احنا نايمين جنابك
فارس بصوت عالي و غاضب : و هو احنا جايبنكو عشان تحرسونا و لا عشان تنامو يا بهايم
ليصمت الغفر بخذلان فهو معه كامل الحق فهم لم يقوموا بعملهم
فارس بحده و هو يتجه لسيارته : كلكم مطرودين عاوز ارجع ملقيكومش
.................................................................
عند فرح في غرفتهاا
كادت تطير من السعاده فغريمتهاا و من كانت ستشاركها زوجها لم تعد موجوده فظلت تضحك بصوت عالي فهي حتي الان لا تصدق بانها تخلصت من غرام بتلك السرعه و السهوله
ليقاطع تفكيرها فتح الباب بغضب و دخول وفاء
فرح و هي تضع يدها علي صدرها : ايه يا ماما فزعتيني
وفاء و هي تجذبها من ذراعيهاا : انا عاوزه افهم بجاا انتي اواي موافجه ان فارس يتجوز غيرك
فرح بضحكه خبيثه : يجوز ايه بجاا مخلاص العروسه هربت
وفاء بسخريه : و انتي فاكره ان فارس مش هيعرف يلجيهاا شويه و هتلاجيه داخل الدوار و هي في يده
لتتكأ فرح بغيظ علي اسنانهاا : هو انتي ليه بتحبي تضايجيني كل ما تشوفيني مبسوطه و لا فرحانه تنكدي عليا ليه ياما
وفاء بغيظ من تصرفات ابنتها : متجلجيش كدا كدا هيتنكد عليكي و انتي شايفاه داخل بيهاا و بيكتب عليها بليل
فرح بغل : مش هيلاجيها ياما ان شاء الله تكون غارت في داهيه
وفاء بتمثيل : جوليلي يا بنتي انا امك و محدش هيخاف علي مصلحتك غيري مين اللي لاعب في دماغك عششان توافجي فارس يتجوز فاطمه مش اجده
فرح و هي تتجه ناحيه السرير : معنديش حاجه اجولها ياما و بعدين سبيني انام بجاا
لتنظر لها وفاء بغيظ و تخرج من الغرفه و ترزع الباب خلفهاا
.................................................................
تحركت غرام من امام السياره لتبتعد و كادت تجري من امام السياره لينزل بلال بنفس الوقت و هو ينادي عليهاا
بلال : غرام
ليجري خلفها و يمسكها من ذراعها
غرام بخوف و تكاد تبكي : بلال بلال بالله عليك سيبني مش عاوزه ارجع عند عمي ارجوك
بلال و هو يحاول تهدئتها : غرام اهدي خلاص مش هرجعك عاد اهدي
لتنظر له و هي لا تستوعب كلماته فوجدها بلال هدئت لينزل يده من عليها
لتنظر له غرام بعدم تصديق و تمسح دموعها التي نزلت من عينيهاا : انت بتكلم جد يعني انت مش هترجعني عند عمي
ليؤما لها بلال بموافقه : ايوه يا غرام مش هرجعك متجلجيش بس انتي وجفتك دي خطر افرضي حد من رجاله ابوي هو اللي كان شافك مكنوش هيسيبوكي الا لما يرجعوكي و بعدين انتي بتعملي ايه اهنا في الوقت ده انتي مش كنتي في دوار العمري
غرام : انا هربت من الدوار
بلال باستغراب : هربتي ليه
غرام : عاوزين يجوزوني لفارس انهارده
بلال بصدمه : فارس هيتجوزك انتي
بس ده متجوز من بنت عمه
غرام بترجي : ارجوك يا بلال اقف جمبي و لو لمره واحده و ساعدني اهرب من هناا ارجوك
بلال : بس فارس الوحيد اللي هيعرف يحميكي من ابوكي يا غرام ابوي عاوز يجتلك
غرام ببكاء : انا مش عارفه عمي بيكرهني كده ليه انا معملتلوش حاجه والله
بلال بخجل من تصرفاته السابقه معهاا فهو كان يظن ان والده يفعل ما هو صحيح و لكن عندما اخبره والده بانه يريد قتل غرام لا يعلم لما شعر بان ما فعله مسبقا كان غير صحيح : بصي يا غرام انا جولتلك اللي عندي انا فارس الوحيد اللي هيحميكي من ابوي اتجوزيه يا غرام
في نفس الوقت كان فارس يسير بسيارته علي الطريق و عينيه تبحث عنهاا ليري من بعيد سياره واقفه في منتصف الطريق و عند اقترابه راي غرام واقفه مع بلال ليسرع من سرعه لسياره ليقف بجانبهم و ينزل من سيارته
فارس بغضب و هو يرفع سلاحهضد بلال و يوجهه كلامه له : عاوز منها ايه يا بلال
بلال بهدوء : مش عاوز حاجه يا بن العمري و ياريت تاخدها معاك دلوقت قبل محد يشوفها من رجاله ابوي
لينظر لغرام وهو يقول لهاا
بلال : ارجعي معاه الدوار يا غرام
غرام : فارس نزل سلاحك بلال معمليش حاجه متقلقش
لينزل فارس سلاحه و هو ينظر لبلال نظرات متفحصه
لينظر لفارس : خلي بالك منها يا بن العمري عشان لو ضايقتها مش هتلاقي غيري يوجفلك
فارس بسخريه : انت اللي هتوقفلي نسيت اللي عملته فيها انت و ابوك
بلال : اديك جولت عملته يعني ماضي يا بن العمري
ليتجه بلال لسيارته و يركبها و يغادر
ليلتفت فارس لغرام و يجذبها من ذراعها و يركبها سيارته
.................................................................
في سياره فارس
كان يقود و هو غاضب بشده من تصرف غرام و هروبها من الدوار
فارس بغضب : انا عاوز افهم انتي ازاي تهربي كداا و كلنا نايمين افرضي قابلك رجاله عمك عارفه كانو هيعملو فيكي ايه عارفه و لا لا
لتظل غرام تبكي بصمت
لينظر فارس فيجدها تبكي
فارس بهدوء بعض الشئ : هربتي ليه يا غرام
فلم ترد عليه ليتتافف فارس و يغضب مره اخري و لكنه هذه المره يفضل الصمت و ظل يفكر حتي توصل لاجابه سؤاله
فارس : هربتي عشان مش عاوزه تتجوزيني صح يا غرام
لتنظر له غرام
فارس : صح و لا لا
غرام : صح
فارس : طيب مدام ده السبب اللي خلاكي تهربي يبقا مفيش جواز مش هجوزك يا غرام خلاص حلو كده
غرام بطريقه طفوليه جعلت فارس ينسي غضبه منها : لا مش حلو عمي هيقتلني لو انت مجوزتنيش و غير كدا عشان اسم عيلتكو برضو
لتكمل غرام
انا موافقه اتجوزك بس ليا شروط
ليرفع فارس حاجبه بسخريه : شروط !
ايه هي بقا شروط جنابك
غرام بتلعثم و توتر : انت هتفضل في اوضتك مع مراتك و انا افضل في اوضتي يعني جوازنا هيكون صوري
فارس و هو ينظر للطريق : ماشي
غرام و هي تخرج تنهيده : تمام
فارس بضحكه جانبيه : في شروط تاني و لا خلاص كدا
غرام و هي تنظر من شباك السياره : لا خلاص كدا
.................................................................
دخل فارس الدوار برفقه غرام لتقابلهم فاطمه بلهفه
فاطمه : كنتي فين يا بنتي كده تجلجينا عليكي
غرام بخجل من هذه المراه الحنونه التي تذكرها بوالدتها : انا اسفه يا طنط
لتاتي وفاء : و انتي بجاا يا بنت المنشاويه متعوده تخرجي من الدوار اجده في نص الليالي و لا ايه
لينظر فارس لخالته نظره اسكتتهاا
لتصمت غرام بخجل من فعلتها و لن تلومها فهي من اعطتهم الفرصه لكي يتحدثو في حقهاا
فارس : غرام روحي اوضتك و هبعتلك هنيه بالفطار
غرام : بس انا مش جعانه انا هنام و
ليقاطعها فارس : روحي اوضتك يا غرام و هبعتلك الفطار
لتنظر له غرام بغيظ من تحكمه و تذهب من امامهم متجهه لغرفتهاا
فارس لوالدته : امي خلي هنيه تحضر الاوضه اللي فوج لغرام
وفاء برفعه حاجب : ليه بجاا ان شاء الله
فارس : عشان غرام هتجعد فيهاا اكيد مش هتفضل في اوضه الضيوف
فاطمه : ماشي يا بني روح شوف اشغالك و انت هعملك كل اللي انت عاوزه
ليقبل فارس جبينها و يغادر الدوار
و كادت فاطمه ان تذهب لتوجفها وفاء
وفاء : انتي بجاا اللي لاعبه في دماغ بنتي و مخلياهاا موافجه علي المسخره دي
فاطمه بحده : وفاء احترمي نفسك و انتي بتتحدثي معاي متنسيش اني اختك الكبيره
وفاء بغل : منستش يا فاطمه بس الظاهر انك انتي اللي نسيتي و موافجه ان ابنك يجيب ضره لبنتي
فاطمه : ربنا يهديكي يا وفاء ربنا يهديكي يا اختي
و تغادر من امامهاا لتظل وفاء مكانهاا تسب و تلعن و تصعد لغرفه ابنتهاا
.................................................................
صعدت وفاء غرفه ابنتها لتفتح الباب و تدخل الغرفه بعصبيه لتجد ابنتها نائمه لتتجهه ناحيته و تقوم بزقها اثناء نومها و هي تقول لهاا
وفاء : نفسي افهم انتي موراكيش حاجه غير النوم جومي شوفي اللي بيحصل من وراكي
لتستيقظ فرح من نومها و هي تقول : في ايه ياما انا بعد اجده هقفل باب اوضتي عليا
وفاء : جومي شوفي اللي بيحصل تحت
فرح بتذمر : اديني جومت اهوو في ايه بقاا ايه اللي حاصل يخليكي تصحيني بالمنظر ده
لتقترب وفاء و تجلس بجانبهاا : انا مش قولتلك ان المحروس هيرجعها
لتفتح فرح عينيها علي اخرهاا و هي تقول : انتي بتقولي ايه
وفاء : اللي سمعتيه فارس رجع غرام و هيجوزها بليل و كمان خلي هنيه توضبلها الاوضه اللي في الدور هناا
فرح بغضب : كمان ياربي و انا اللي افتكرت اني خلصت منهاا
وفاء : احكيلي يا بنتي اللي في دماغك و بدل متفكري لوحدك نفكر سواا
لتنظر فرح لها و تفكر فلما لا تخبر والدتها باتفاقهاا مع جدهاا فهي ايضاا والدتها و ستخاف علي مصلحتها
فرح بتافف : ماشي هحكيلك بس الموضوع ده هيبجاا سر يبنا
وفاء : سرك في بير يا حبيبتي جولي بجاا في ايه
.................................................................
في المساء
كان الجميع يجتمعون لحضور كتب كتاب فارس و غرام بامر من الجد فهم لم يستطيعو ان يرفضه ما امر به
و بالفعل بعد مرور بعد الوقت نفذ ما اراده الجد و تم جواز فارس بغرام
لتنهض شهد و اميمه و يباركو لفارس و غرام و كذلك فعلت فاطمه و مصطفي و احمد و زوجته
اما عن وفاء فهي لم تتحرك من مكانهاا كانت تنظر لهم نظرات غامضه اما عن فرح فكانت تشتعل من داخلهاا و لكنها ارادت عدم اظهار
نبيل : يلا يا ولدي خد مرتك و اطلعو اوضتكو
لتنصدم غرام مما سمعته و تنظر لفارس فهذا ليس ما اتفقو عليه
لينظر لها فارس : يلا يا غرام
غرام بغضب طفيف : يلا ايه
فارس بحده : بقولك يلا دلوقتي
لتصعد معه الغرفه مجبره و بمجرد ان دخلو الغرفه
غرام : ممكن افهم ايه اللي بيحصل ده مش انا متفقه معاك انك هتفضل مع اوضتك مع مراتك
فارس بزهق : عدي الليله يا غرام و بعدين متقلقيش مش هقربلك
غرام وهي تبتلع ريقها : ايوه بس انت وافقت علي
ليقاطعها فارس
غرام كفايه كلام قولتلك مش هقربلك عايزه اكتر من كده
غرام بتوتر : و انا ايه اللي يضمنلي انك كش هتقربلي
فارس بكذب : اللي يضمنلك اني بحب مراتي و استحاله ابص لغيرها ارتحتي بقاا
غرام بتريقه : بتحبها !
انت لو بتحبها مكنتش فكرت تجوز عليهاا
لينظر فارس لهاا و يقترب منها و هو يقول : هو انتي مفكره ان دي تتسمي جوازه
لتبتلع غرام ريقها : اومال تتسمي ايه
فارس و هو يبتعد مره اخري : دي مصلحه متبادله
غرام : يعني ؟
فارس و هو يتجه ناحيه الاريكه لينام عليها : يعني انتي اتجوزتيني عشان احميكي من خالك و انا اتجوزتك عشان اسم العيله
لينظر لهاا : فهمتي بقاا يعني ايه مصلحه متبادله
لتؤما له غرام : اهاا فهمت ........
يتبع