CMP: AIE: رواية نور الليل الفصل الرابع4بقلم مريم اشرف
أخر الاخبار

رواية نور الليل الفصل الرابع4بقلم مريم اشرف


 رواية نور الليل الفصل الرابع4بقلم مريم اشرف

مهيمن: عايز أعرف إزاي وقعتيه في حبك يا مدام نور..ده وحش مبيحبش ومبيتحبش..عالعموم مبروك!!

ليل باستمتاع: الله يبارك فيك..وانت بقى مش هتفرحنا؟

مُهين وبيفتكر وش رنا: قُريب أوي أنا كمان...قال كده وراح على مكتبه..

نور في نفسها: والله لربيك يا ليل الك*لب!!

قامت بسرعة من مكانها ووجهت سبابتها ناحيته: على فكره أنا هقول لبابا عاللي عملته ده!!

ضحك عليها: هههه..هتقولي ايه؟..امم..سمعيني!!..وانتي فاكره اني هخاف من باباكي نادر ؟..وأصلاً انتي مراتي يا مرااتي..

نور رفعت حواجبها بصدمه: هو انت عملت كذبه وهتصدقها ولا ايه؟

هز كتافه ببرود: مين قال كده؟..مانا هتجوزك عند المأذون!!

شهقت: انت بتقول ايه؟!!..تتجوز مين يا عنيا؟!!..شكلك اتجننت عالآخر..ومين قال اني موافقه عليك؟!!

ليل بعصبيه: أنا مباخدش رأي حد..أنا بعمل اللي أنا عايزه وبس..ومداك قلت هتجوزك يبقى هعملها يا..يا طفله!!

نور وماسكه بدلته من ايديها: هو انت فاكرني لعبه تتحكم فيها؟!!!

بص لإيديها بغضب: ايدك يا طفله متخلنيش أثور عليكي وأوريكي الوش الثاني!!

شالت ايديها وهي هتتجنن من بروده وثقته الزايده فنفسه..فراح قعد على كرسيه وحط رجل على رجل:

- روحي يا حبيبتي جيبيلي قهوتي من الكافيتيريا تحت..

جزت على اسنانها: حاضر يا حبيبي على راسي وعيني..هو انا عندي أهم وأغلى منك؟!!

قالت كلامها و نزلت بعدما قفلت الباب بقوه..

ضحك باستفزاز: مش قلتلك هجننك يا دكتوره واخليكي عبره لأي دكتور عاوز يعالجني...

استعملت نور السلم بتاع الطوارئ ونزلت تدور على الكافيتيريا وأثناء دخولها خبطت فواحد بيشتغل في الشركه..

اتكلمت بأسف: آسفه جدا مخدتش بالي.

علاء في نفسه: الله يخرب بيت جمالك يا شيخه..كل ده جمال؟!!...احم..ولا يهمك يا آنسه..شكلك جديده هنا صح؟

دورت عينيها بعصبيه: آه..أنا مرات..اتأففت وكملت: المدير وهشتغل معاه بالشركه وده أول يوم ليا..

علاء بحزن: خساره طلعتي متجوزه..

نور: بتقول حاجه حضرتك؟

علاء: بقول اتشرفت بيكي يا هانم..

نور: وأنا كمان..عن إذنك..

علاء في نفسه: ليه..ليه دايما بخسر...ليه اي حاجه بحبها وبعوزها بياخدها مني!!

وقف الموظفون احتراما لنور..فباتوا يعلمون الآن أنها زوجة المُلقب بالوحش!!

نور بابتسامه: حليب بالشوكولاطه لو سمحت..

ناولها الشاف طلبها وطلعت تاني على مكتب ليل..وقفت كام ثانيه قدام الباب متردده تدخل ولا لأ..بس اتشجعت ودخلت..

لقته سرحان في اللابتول اللي قدامه ولابس نظارة القرايه بتاعته..

هز راسه ليها وكشر: متعلمتيش تخبطي قبل ما تخشي؟!

ردت: آسفه نسيت..احم..اتفضل..

مسك الكوب وبص عليه: ايه ده؟..شوكولاطه تاني..مش قلتلك قبل كده مبحبش البتاع ده!!

قربت من الشباك وقفلته: الإجراء ده عشان مترميش الكوب زي المره اللي فاتت يا وحش!!

قام من مكانه وقرب عليها: عاوزاني أشربه؟

هزت راسها بنعم..

مسك الكوب ودلقه على هدومها وقال: اوبس..سوري مقصدتش وقعد تاني يكمل شغله كإن ولا حاجه حصلت!

أما هي ففضلت واقفه مكانها بجمود مش مصدقه عملته..كادت تعيط من الألم اللي سببهولها سخونة الشوكولاطه بس اتماسكت ودخلت حمام المكتب تغسلها..

طلعت بعد شويه: أنا هروح..

ليل باندهاش: هتروحي على فين..مش نروح للمأذون الأول؟

قربت منه وصفعته: مأذون؟!!!..مأذون ايه..مش ممكن أتجوز واحد حيو*ان زيك!!...قالت كلامها وخرجت والدموع في عينيها..

فضل متسمر مكانه للحظات فجأه رمى كل حاجه قدامه ومشي وراها..
________________________________________________

عند رنا..وصلت المستشفى اللي بتشتغل فيها ودخلت مكتبها..

شهقت بصدمه: بسم قول من رب رحيم..انت؟!!..انت بتعمل ايه هنا؟..وعرفت مكاني إزاي؟!!!

فضل يدور بالكرسي بمرح واتكلم ده مهيمن): انتي اللي بتعملي ايه هنا ده مكتبي يا دكتوره..روحي شوفي مكتبك فين..بنات آخر زمن!!

خبطت المكتب بعصبيه: انت بتقول ايه يا زفت انت..بقولك قوم ولا أنادي على المدير يخرجك!!

مهيمن: مش تعرفي ان المدير ده  عمي؟

رنا بدهشه: ايه؟!!..دكتور نادر يبقى عمك؟!!

هز راسه بتأكيد..

رنا: وانت عايز مني ايه؟..آه..عاوز ال2000 جنيه..ماشي اتفضل..فتحت شنطتها وألقت الفلوس عليه..

ضحك: ههههه..ايه يا بنتي دماغك فيها رمله؟..بقولك أنا ابن أخ المدير هحتاج فلوس من شحاته زيك؟

عصبت: أنا شحاته يا زفت انت يا وش الخميره؟!!

مهيمن: آه شحاته..يا شحاته..يا شحاته!!..كمل بجديه: اطلعي بره ومتدخليش هنا تاني ولا هضطر أرفدك يا انسه رنا!!

رنا بصدمه:....

تعليقات



حجم الخط
+
16
-
تباعد السطور
+
2
-