رواية جوسكا
الفصل الرابع 4
بقلم نجلاء فتحى عاشقة الكلمات
_____
الأب/ كتر الفلوس فى إيد البت غلط
الأم/ منظرك وحش أدامهم
الأب/ ملكيش فية دول بناتى وأنت ومالك لأبيك
الأم/ فاهم غلط أوووف الأقصد عمرو عايز يتجوز بت من بناتك
الأب بصدمة/ أجيب منين ها ،، قوليله طلبك مرفوض
الأم/ بناتك كبروا مش كفاية فاطمة فضلت ترفض لحد لما كبرت وبقت فى أخر سنة جامعة ومش مرتبطة
الأب/ عادى
الأم بحنق/ مش عادى سندس بنت خالتها مكتوب كتابها على أبن عمها ويدوب تخلص أمتحانات وتتجوز
الأب/ بلاش الكلام الخايب دة بناتك صغار
الأم بهجوم/ لا فاطمة كبيرة وفرصتها قلت ،،وخديجة أولى جامعة ولا يمكن نغلط غلطة أختها يا أبو البنات ربنا يرزقك برزقهم والنبى توافق خلى الفرحة تنور قلوبنا وبعدين دة عمرو أبن أختى ممرض قدددد الدنيا وعارف ظروفنا التقيلة عليهم والخفيفة علينا
الأب/ ماشى خليهم يجوا بكرة بعد صلاه العشاء
الأم بتوتر/ أية رأيك نعزمهم على العشاء
الأب/ لا قولت لا مش كفاية أشترى فاكهة وعصير وتعدى
الأم بحزن /إللى تشوفة
بقلم نجلاء فتحى عاشقةالكلمات
مرت ساعات الليل وفاطمة فرحانة فالأم لم تعلن عن الزيارة هى سعيدة من الحوار الذى دار بينها وبين عمرو فى المطبخ وقالت يارب تكون من نصيبى يا عمرو وبابا مش يرفضك ذى إللى قبلك معقول هكون عروسة وضعت إيدها على فمها حتى لا تخرج صوت ضحكها وأختها نايمة بجوارها على السرير نعم فهم يشتركتان فى نفس السرير
رعد/ أممم فرحانة كدة وأنا
فاطمة/ أنت مالك
رعد بزعل/ متجهلانى كام يوم
فاطمة/ أحتمال الفترة الجاية أسيبك شوية هتجوز
رعد/ هتقدرى تستغني عنى ،،،، أنا بريحك
فاطمة/ أرضيك أزاى
رعد/ مش أعمل مشاكل بوجودى عيشى حياتك وخلى جزء من اليوم ملكى أنا معاكى فى أى وقت وبسمعك وبحققلك إللى عايزاة
فاطمة/ تحققلى !!!!
رعد/ أممم بتجسد فى أى شخصية أنتى عايزاها يلا نسهر على أية اليوم
فاطمة بفرحة وقدر رعد يسحبها لعالمة/ أنت عمرو
رعد بخبث/ لا وحش الأسم حبيت رعد أوى
فاطمة/ رعد أخترتة ليك علشان مميز ودلوقتى أنت عمرو أبن خالتى ثم غمضت عيونها وأسترجعت موقف المطبخ لكن بدون قيود نفس كلامة أما كلامها هى تكلمت الكلام إللى خبتة جواة داخلى وأتسكفت تقولة له
بقلم نجلاء فتحى عاشقةالكلمات
عزيزى القارى مين هو رعد
وأية حكايتة !!! 🤔🤔
_____
فى صباح يوم جديد أستيقظ البيت كلة وقت الفجر وخرج الأب والأبن لصلاة الفجر فى المسجد حاضر ،،ثم أحضروا الفول والعيش والأم والبنات جهزوا الفطار بعد ما صلوا الفجر فى المنزل ،،،،،،،
الأب / مفيش كلية النهاردة يا بنات خالتك وجوزها وسندس وعمرو جايين عمرو عايز يتجوز واحدة فيكم ٠
خديجة مش مهتمية ولم ترد
،،،،،،فاطمة فرحت ولم تبين
عبدالله/ معترض
الأم بضيق/ لية يا فيلسوف عصرك
عبدالله/ لازج ومش بحبة
الأم بضيق/ أخرص يلاااا عشنا وشفنا العيال ليهم رأى خليك فى مذاكرتك يا فاشل
عبدالله بأعتراض/ أنا راجل فى ٦ إبتدائي
الأم/ لسة شنبك مخططش فى وشك يا معفن عارف لو نطقت أدامهم بحرف بالشبشب يا عبدالله سامع قولت أية بالشبشب
عبدالله/ والله ما أنا واكل ثم ترك الأكل
الأم بصوت عالى / عنك مطفحط يا فاشل ومفيش سندوتشات معاك فى المدرسة عقاب ليك تروح وتجي من غير أكل ومايه علشان تتربى وأبقا أنطح بالكلام معايا تانى
الأب/ الواد مغلطش براحة علية
الأم/ الواد ذى البت فى المعاملة لا كدة لابلاش
الأب/ سكت
مر اليوم وتم تنظيف المنزل بأكمالة وطبعا فاطمة بكل نشاط تجرى وتنظف هنا وهناك حالة البيت مش أحسن حاجة والرطوبة واكلاه والعفش قديم لكن محاولة لتنظيفه لا بأس بيها
فاطمة وهى تنهج وتمسح عرقها ،،،،،نظفت الشقة والمطبخ والسلم والبلكونة جومى نظفى الأوضة دى
خديجة/ محدش هيدخلها
فاطمة/ ممكن سندس ولا خالتك
خديجة/ مليش فية
فاطمة/ حرام عليكى طالع عينى طول اليوم
خديجة/ وأنا مالى دة عريسك أنتى مش أنا
فاطمة فرحت وكالعادة أتكسفت ودارت فرحتها وقالت ،،،طب أطلعى برا وأنا أنظفها بالمرة لسة جدامى اليوم كتير
خديجة أعتدلت فى وقفتها/ هتلبسى أية
فاطمة بحزن/ أى حاجة
خديجة/ شهقت،،،هتقبلية بالنقاب والأسود
فاطمة/ أمال أقلعة
خديجة/ شوفى اللبس أللى خالتى أدتهولنا أمبارح فى درسات طويلة وخدى علية طرحة طويلة من ماما وعلية نقابك وخلاص
فاطمة/ مش عايزاة يشوفني بلبس أختة
خديجة/ وأية يعنى أنا كمان ألبس كدة
فاطمة/ سبيها على الله
خديجة/ شكل موضوع عمرو هيلبس المرادى 🤣🤣🤣 مش ذى كل مرة براااااا
فاطمة/لسة لحد دلوقتى ماما مقلتش عمرو عايز مين فينا
خديجة / أنتى الكبيرة الدور عليكى يا بختك حماتك بتحبك وبنتها ،،،،،عارفة لما تكبروا أنتى وسندس عيالكم هيكونوا قريبين من بعض وتقولوا كنا مع بعض فى الجامعة والدراسة مع بعض أممممم شعور حلو
أبتسمت فاطمة بفرحة شديدة
[أتت موعد العريس ]