رواية جوسكا (الجزء الثاني)
الفصل السادس عشر 16 الأخير
بقلم نجلاء فتحي عاشقة الكلمات
بعد خروج عبدالله من شقة فاطمة وإبراهيم
قالت مالك بتبصلى كدة لية
إبراهيم/ شايفك مبسوطة وفرحانة
فاطمة/ جدا
أبراهيم/ لو قالك حاجة تدايقك فضفضى ليا أنا سترك
فاطمة بتوتر/ مقلش حاجة عادى يعنى
إبراهيم/ شكلك هتقولى لرعد وأنا لا
فاطمة بصدق / من يوم دخولى البيت هنا مفيش رعد
إبراهيم/ بجد
فاطمة بتوتر/ بجد
إبراهيم/ عايز فرحتى تكمل عايزك مراتى أدام ربنا لازم أكسر خوفك
فاطمة/ خايفة
طرق إبراهيم الحديد وهو ساخن وحضنها وقال بحنان الدنيا ،،،،
معايا مفيش خوف أنا إبراهيم إللى بحميكى مش مصطفى ولا رعد وحين وجدها مغمضة عيونها ومستكنة فى حضنة تجرأ لأول مرة وقبلها من شيفاها برفق وعيونها على ملامح وشها فهو يتعامل مع أنثى مجروحة وكاره الموضوع ومع الوقت يتمادى وهى من الحين تبعد وهو يطمنها حتى أصبحوا جسد واحد أنفاسهم أختلطت ورفعت الراية البيضا لحبها وأنتصر إبراهيم كانت معاة كأنها تجرب هذا لأول مرة وهو أستحمل أى رد فعل حتى جعل نفسة هو المسيطر لا يوجد رعد ولا مصطفى إبراهيم وبس،،،،نتركهم لوحدهم عيب كدة لازم البت تدلع علشان تجهز للهم إللى جاى. لولولولولوى شاطر يا هيما يا واد يا جامد
إبراهيم/ غورى يا بت من هنا مش وقتك
الكاتبه/ عنيا يا كبير خف فى سناجل
إبراهيم/ أغلق باب غرفة النوم بغل
الكاتبه/ قال يفرق معايا باب ومفتاح دة انا موجودة بينكم بس الرقابة منعانى يلا أدلع يا واد براحتك برضو جامد يا هيما هههههههه
بقلم نجلاء فتحى عاشقةالكلمات
_______
[فى المساء]
يجلس عبدالله على الكنبة براحة ويأكل ترمس ولب و يرمى القشر فى الأرض ،،،أتى عمرو من شغلة قرفان وقال مش كفاية قاعد فى بيتى هو بيتك قوم نظف الزباله دى
عبدالله/ بثق قشر اللب فى الأرض،،،مستغرب يا جدع الناس البجحة وسع أشوف الفيلم
عمرو/ لما أكلمك تسمعنى دة بيتى وكتر خيرى مقعدك فية
عبدالله ببرود/ صح كتر خيرى مقعدك فية
عمرو/ ها
عبدالله/ شوف رايح فين ,,لولا أختى الخايبة إللى متجوزاك كنت ولا بلاش خلينى محترم أنا تربية أبلة فاطمة
عمرو/ الفا،جرة بتاعة الرجالة
وهنا أتنفض عبدالله وبسبب طولة رغم سنة الصغير لية هيبة قال بهدوء ،،لو نطقت حرف على أبلة فاطمة هقتلك ودة وعد منى مش تهويش ولا فاكر علشان أبوها مات وباعها قبل كدة تتهان لا أنا راجلها وفى مفاجأة ومش عايز أعلن عليها خليها بوقتها
عمرو بصدمة أزاى عبدالله المسالم الأهطل بنظرة أصبح كدة،،فقال برا بيتى يا كلب
عبدالله/ هههههههههه اولا دة بيت أبلة فاطمة إللى شارياة بفلوسها وأنا قاعد فى بيت أختى لحد متظهر
عمرو بتوتر/ قولت قبل كدة هى أتنازلت عن الشقة دى لأختك خديجة مراتى
عبدالله/ أشوف التنازل غير كدة أنت عندى ضيف وبس وفى بيتى
وسكت حتى لا يقول لة أن فاطمة كتبت لة الشقة بأسمة وأن عمرو ولا أى شخص لة حق فى الشقة لكنة أراد اللعب على أصولة بمكر حتى يعرف مين الشخص إللى أتصل علية وبلغة عنوان أختة
_______
فى غرفة نوم إبراهيم التى جمعتة هو وفاطمة لأول مرة كزوج و زوجة أمام الله ,
إبراهيم / ههههههه كل دة كسوف ههههههه
فاطمة/ باس بقا مش عارفة طوعتك أزاى
إبراهيم نظر لعيونها بحنان/ علشان بتحبينى ،،ثم أمسك إيدها وقبل باطن كفها وقال بعد أللى حصل حاسس فى أقرب وقت هكون أب خلى بالك الفترة الجاية
فاطمة بخجل / هو سحر
أبراهيم بغرور/ تؤتؤ ثقة يا بطتى هو أنا أى حد ولا أى
فاطمة/ قليل الأدب وضربتة بخفة فى صدرة
ضحك إبراهيم من قلبة ودفنها بين ضلوعة وهو سعيد وقال جعان أوووى
فاطمة / نصف ساعة والأكل يجهز ثم قامت من جوارة بخفة وأرتدى عبايتها البيتى بسرعة وخرجت للخارج وهى مش مصدقة إللى حدث بينهم ،،،أما هو أخذ سيجارة وأشعلها وهو مش مصدق أنة جعلها زوجتة والموضوع سار طبيعى رغم صعوبتة فى الأول ،،،
هل يستمر هذا النعيم !!!!
بقلم نجلاء فتحى عاشقةالكلمات
_______
(فى المكتبة )
أتى لة عبدالله وسلم على إبراهيم وطلب أن يجد لة شغل يصرف على نفسة لان فاطمة رافضة الموضوع دة أقترح علية يعمل فى المكتبة معاة ووافق مرت أيام وعلمت فاطمة وأعترضت لانة هذا يؤثر على كليتة لكن أبراهيم أقنعها ربما العمل حافز لية دة شاب لابد من عمل هو مش عيل صغير لازم يعتمد على نفسة حتى يستطيع يفتح بيت ويتجوز ونجح فى اقناعها ومازال عبدالله فى شقتة وعمرو فاكرة مقعدة معاة شفقة.
_____
[فى بيت فاطمة وإبراهيم ]
إبراهيم/ أختى دايقتك دى أول مقابلة بينكم
فاطمة بكذب/ لا
إبراهيم بضيق/ أختى وأنا عارفها لو دايقتك عارفينى بالله أقطع علاقتى بيها
فاطمة / حضنت وشه بكفوف إيدها وقالت ،،مهما كان دى أختك حقها تتكلم جوازنا غريب حتى لو دايقتنى يكفينى أنها أختك يعنى تكرم علشانك
إبراهيم/ حضنها ربنا يبارك فيكى بس برضو عارف لسانها
فاطمة/ متشغلش بالك بحاجة خد صنية الفاكهة دى طلعها لحد مأعمل عصير
أبراهيم بحنق/ كفاية الفاكهة طول اليوم واقفة على رجلك ليها
فاطمة/ لا دى داخلة بيت راجل وخير ربنا وخيرك كتير وسع بقا لما أحضر العصير
أبراهيم/ فاطمة ،،،،وحين لفت لة خطف بوسة سريعة من فمها وقفز للخارج ،،مما جعلها كأنها تمسك النجوم بأيدها أما أختة العقربة تريد أن تغور من بيتها فهى تقلل من شأنها وتحاول تعرف تفاصيل عن حياتها وفاطمة عاملة عبيطة
بقلم نجلاء فتحى عاشقةالكلمات
______
فى يوم قررت فاطمة تذهب لشقتها التى أستولى عليها عمرو بالكذب لكى تأخذ أورقها الشخصية ورفضت جوزها يأتى معها الوحيد الذى يعلم بالزيارة أخوها عبدالله
رنت الجرس فعمرو غير المفتاح ،،وعبدالله كان بالداخل وأختها وجوزها فهو قايل لها على الميعاد حتى تحضر
فتحت أختها وجدتها أمامها صرخت بأسم جوزها الذى حضر واتسعت عينة حين وجد فاطمة من غير نقاب وترتدى جيب بيج غامق وعلية بلوزة مشجرة ستان وطرحة بيج طويلة وشنطة كلاسك ونظارة شمسية فوق رأسها وترتدى دبلة وخاتمين وسلسلة من الذهب و٤ غوايش ،،ست هانم صحيح
عمرو/ أنتى مين شكل حضرتك مش غريب عليا
خديجة/ دى فاطمة أيوة أختى الفا"جرةة وهنا فاطمة زقتها للداخل وضربتها علقة موت ليس فى نيتها الضرب لكن أختها من بدأت ونسيت أنها الصغرى كيف تعمل ذلك وإللى سلك بينهم عبدالله أما عمرو لم يدافع لم يسلك كأنة مستمتع بالحدث ،،
فاطمة بغضب/ الفا،جرة دى مش تربيتنا لو أنا كدة أنتى كمان كدة أنا متجوزة على سنة الله ورسوله وعبدالله أخوكى شغال مع جوزى فى المكتبة وبيزورنى وعارف أخباركى أول بأول
خديجة/ أنتى ٠٠٠
فاطمة/ أخرسى مش عايزة نفس عبدالله حكالى كل حاجة فى غيابى بقا أغيب شوية تسرقوا الشقة أفرد هبت فى دماغى وطفشت بجد بدل م تدوروا عليا تسرقونى أقول أي ما أنتى تربية جوزك شكل مستشفى المجانين إللى شغال فيها طبعت علية
عمرو/ أنا مجنون يا مجنونه ولسة هيضربها ذى ما هو متعود ،،أتسعت عينة لما وجد إيدة مرفوعة لأعلى وهى مسكها بجراءة،وقالت لو القلم دة كان نزل على وشى لتاخدة تانى على وشك فاطمة بتاعة زمان ماتت دلوقتى فاطمة واحدة جديدة أطلعوا برا الشقة
خديجة/ أنتى أتنازلتى عنها ليا
فاطمة/ هههههههه بجد أمتى الشقة من يوم ما أشترتها مكتوبة بأسم عبدالله وهو عارف كدة ورغم كدة سايبك قاعدة فيها أنتى والنطع دة ،،،رغم بهدلتكم فية كل شوية بجد أنتى مش أختى
خديجة/ لا مش دى فاطمة أختى أنتى واحدة غربية
فاطمة/ طبعا واحدة غربية عليكى أنا متجوزة صاحب المكتبة إللى فى يوم قولتى لفى علية وخلية يتجوزك سبحان الله عمل المستحيل ودافع عنى ملك روحى وقلبى قبل جسمى هو السبب فى إللى أنتم شايفانها دلوقتى براااااااا
خديجة نظرت لعمرو/ أنت ضحكت عليا الشقة بتاعة عبدالله
عمرو بصدق/ معرفش افتكرتها هربت ذى أشرف لما قالى وعيشت فيها
عبدالله/ يبقا هو أشرف الشخص إللى أتصل عليا وأدانى عنوان بيتك
عمرو/ أيوة هو وكنت عارف أنها عايشة معاة لكن متجوزة دى معرفش
فاطمة بسخرية/ ذى ما ضحكت عليا وعلى أختى ربنا خلى أختك الوحيدة جوزها كلب زيك أشرف جالى المكتبة وصورنى وأنا واقفة على الكرسى مش واخدة بالى ولولا جوزى دافع عنى وسترنى عارف يعني أي ستر يا أبن خالتى ولا نسيتة عايزة افكرك يوم ما أبويا وافق تتجوز أختى على أتفاق تتجوز فى بيت امك وخلال سنة تجيب شقة وأنت مكبر دماغك ابنك فى المدرسة وكبرت دماغك الشقة عليك يا عريس وبعدين امك طيبة أزاى مش مريحة فجأة كدة ،،،،
خديجة ، ببكاء/ سامحنى
فاطمة/ ملهاش طعم منك سامعتها كتير وبرضو بتسمعى كلام العقرب جوزك وبتمشى وراة. أخوكى الصغير مش صدق ولا حرف عليا فعلا ونعمة الرجولة ربنا يحمية أنا ظهرت ومش. عايزة حاجة منكم ربنا كرمني بجوزى وأبنى محمد وبس إللى عايز يشوفني بيت الأستاذ إبراهيم مفتوح
عبدالله/ رايحة فين مقدرش استغني عنك
فاطمة/ رايحة لجوزى ولبيتى،،نظرت لعبدالله وقالت دة بيتك يا حبيبك وأبقا زرنى ثم نظرت لخديجة المنهارة وقالت بيتى مفتوح ملناش غير بعض ودى أخر مرة بينا بعد كدة مش اسامحك أبدآ
خديجة/ طلقنى يا عمرو
فاطمة/ لا مش دة الحل أعطى لية فرصة وهو يعطى لنفسة فرصة للتغير بينكم طفل حرام يتبهدل ومن اللحظة دى يا عمرو ملكش دعوة بيا سامع وبلغ جوز أختك جوزى شرانى ومش هيسكت لو عرف بيجرى ورايا مستغربة أشرف وأنت كل واحد واخد مراتة على حب أي طلع فشنك ولا أي سلام
نظرت خديجة بأستحقار لزوجها ودخلت تلم شنطتها بدون نقاش وترجع معاة بيت حماتها,,لكن عبدالله حن لأختة فقال خليكى ذى ما أنتى ماهما كان أنى أختى بيتى بيتك لحد ما ربنا يفرجها من عندة
فرح عمرو وحكم تفرغ الشنطة تانى
____
وأول لما نزلت فاطمة من على السلم تجرى وخرجت للشارع وجدت إبراهيم منتظرها وقال سبتك تجى لواحدك وكنت ماشى وراكى خفت حد يعاكسك لواحدك وأستنيتك هنا وأحترمت مواجهتك مع أهلك أخوكى قالى ،، خفت تنهارى ورعد ياخد مكانى تانى
فاطمة أبتسمت/ تبقا عيبة فى حقك يا هيما ولا رعد ولا غيرة خلصت
إبراهيم/ هيما أخيرا دلعتينى بقولك تعالى نروح البيت عايز بعد ٩ شهور نونو حلو ثم غمز ليها
ضحكت بخجل وقالت مينفعش أنا حامل فى شهرين يا هيما
،،من فرحتة شالها ولف بيها متجاهل أنة فى مكان عام
فاطمة/ هههههه يالهوووى النااااااس وبعد وقت روحوا بيتهم وهما فرحانين
وبكدة فاطمة أتجوزت و مبسوطة مع حياتها وعمرو مراتة عارفت أنة مخادع وأكيد سندس هتعرف نية جوزها لفاطمة وعبدالله الصغير أصبح راجل وسند لأخواتة البنات وكدة خلصنا قصتنا ونودع أبطالنا. فاطمة لاقت إللى أخذ بأيدها لبر الأمان وقبلها بعيوبها قبل مميزاتها ولسة فى مننا رعد معاة ومحدش حاسس بية ياريت نقدر لو بأدينا نرسم نهاية حياتنا ذى حياة فاطمة لكن أنا أريد وأنت تريد والله يفعل ما يريد ربما فى حياتنا رعد رحمة عن شئ أخر ومازلت أقول رعد لصاحبة أوجوسكا ليس مرض نفسى ولا مس شيطانى،، هى من أرادت دخولة فى حياتها وخرجتة بكامل أرادتها
♥️تمت بحمد الله ♥️
🌹 🌹🌹🌹🌹🌹🌹🌹🌹🌹🌹🌹🌹🌹🌹 💚 مرحبا بكم ضيوفنا الكرام 💚هنا في كرنفال الروايات ستجد كل ما هوا جديد حصري ورومانسى وشيق فقط ابحث من جوجل باسم بكل ما هوه جديد من اللينك الظاهر امامك
🌹🌹🌹🌹 🌹🌹🌹🌹🌹🌹🌹🌹🌹🌹🌹
بكل ما هوه جديد من اللينك الظاهر امامك
🌹🌹🌹🌹 🌹🌹🌹🌹🌹🌹🌹🌹🌹🌹🌹
لقراءة باقي الفصول الجزء الثاني من هنا
لقراءة الجزء الاول جميع الفصول كاملة من هنا