CMP: AIE: رواية نور الليل الفصل الاول1بقلم مريم اشرف
أخر الاخبار

رواية نور الليل الفصل الاول1بقلم مريم اشرف


 رواية نور الليل الفصل الاول1بقلم مريم اشرف

نادر بتوتر: احم..


بصله ليل باستغراب بعدها بص للبنت اللي معاه وقام من مكانه ناحيتهم..


كمل: أعرفكم ببعض..دي نور يا ليل..الدكتوره النفسيه اللي قلتلك عليها..وده ابني ليل يا نور..


ليل ضحك باستهزاء وغرور: ايه يا نادر بيه..جايبلي الطفله دي تعالجني وانت عارف اني مش هتعالج..ومش محتاج علاج أصلا!!


أضاف وهو بيبصلها بتفحص: عالعموم..خليها هتتعب زي اللي قبلها وترجع بيتها..او أقول حضانتها..


نادر بضيق من تصرفات ابنه: ايه الأسلوب اللي بتتكلم بيه ده؟!..مش تحترم نفسك؟!


ليل بدهشه: أحترم مين يا حج..ده انا لو اتجوزت لكون مخلف واحده قدها دلوقتي..وكمان بتقول عليها دكتوره شاطره..امتى درست دي؟!


نور بابتسامه مريبه..قربت منه وشالت ايده من جيبه: كده أحسن!!..الغرور مبيناسبكش..


بصلها بتقليل واتكلم: هنشوف مين اللي هيكسب الجوله..أنا ولا انتي يا..يا طفله نور..قال كده وطلع على اوضته..


نادر بخجل: آسف جدا يا بنتي..امسحيها فيا بقى..


نور بتحدي: هنشوف يا اما أنا يا انت يا ليل...متتأسفش يا نادر بيه..انت معملتش حاجه لكل ده..


نادر بابتسامه: خدي راحتك يا بنتي..البيت بيتك..وناديني بابا على طول..اصل طول عمري نفسي فبنت زيك كده..اعتبريني ابوكي لو حبيتي طبعا..


ابتسمت بفرحه: حاضر يا بابا..ممكن تدلني على المطبخ؟


نادر: انتي جيعانه يا بنتي..أنا هقولهم يحضرولك أكل..


نور: لأ لأ..أنا بس كنت عاوزه أحضر شوكولاطه سخنه أوديها لليل عشان أبدأ مرحلة العلاج..


نادر بابتسامه: ماشي يا بنتي..دقايق بس وتجيبه الخدامه..


أضافت بتردد: و...ممكن حضرتك توريني فين اوضته؟

________________________________________________


بعد دقايق..كانت نور طالعه على السلم..والكوب بين ايديها..


خبطت على باب اوضته..فأذن لها تدخل..


دخلت واتكلمت بضحكه مميزه أظهرت غمازتها: جبتلك شوكولاطه سخنه..تهدي أعصابك..


قالت كده وشهقت من الصدمه لما لقته عاري الصدر وقاعد في البلكونه بينفث سيجارته..


لفلها بصدمه: انتي ثاني..عايزه ايه يا طفله؟!


نور بخجل وعينيها فالأرض: أولا مسميش طفله..


قربت من المنضده وحطت عليها الكوبايه..بعدها قربت منه فيما كان هو مش مديلها أي اهتمام..


خطفت السيجاره منه بخفه ورمتها من البلكونه..


تحدث بعصبيه: انتي إزاي تتجرإي؟!!


ربعت ايديها: السيجار والتدخين بيدمروا الصحه والرئه وبيجيبوا الحزن والكآبه..


اتأفف: ويعني الشوكولاطه بتجيب السعاده؟


ابتسمت: ايوه طبعا..


مسك الكوبايه فايده واتوجه ناحية البلكونه تاني ورماها كلها..


نطق بعصبيه خلتها تترعب: ها؟..كده أحسن..مش كده؟!!


نور واقفه مكانها بصدمه مش مصدقه اللي عمله دلوقتي..في نفسها: معقول في حد بيكره الشوكولاطه؟


ردت بتحدي: كنت عارفه انك مش هتشربها يا العلاوي!!..بس قسما بالله لغيرك من الليل اللي جواك للنور اللي جواي أنا!!


قرب منها بعصبيه وتوعد: انتي بتتحديني انا؟!!!


نور بجمود: آه بتحداك..هتعمل ايه يعني..هتضربني؟!..فاكر انك هتخوفني بعضلاتك دي..


هز راسه بثقه: هتشوفي أنا هعمل ايه..


اتوجه ناحية الباب وقفله بسرعه ورجع لها..


كان بيمشي ناحيتها ببطئ مخيف وعيونه السوده على عيونها العسليه الواسعه..كانت بتبصله بتحدي وقوه عشان تبينله انها مبتخافوش..


فجأه التصق جسدها بالحيطه من شدة قربه..حط ايديه على الحيطه بيحكمها بينهم..


بهمس شيطاني: أحسنلك تلعبي مع اللي قدك يا شاطره..أنا مش قدك خالص..فاهمه؟!


بصت فعيونه..بعدها للأوضه اللي كلها سواد: انت بتعيش هنا في الظلمه ازاي؟!..اووف..بكره اللون ده بيجبلي توتر..


حاول يتحكم في قبضته..نعم هي تلعب على أعصابه الآن..


كلمها بحده: لو مش عاجباكي اطلعي..الباب قدامك ولا اوريهولك؟


فتحت خزانة هدومه: ايه ده حتى هدومك سوده.؟!.ايه الحياة دي..بكره هجيبلك هدوم ملونه..


قاطعها بصراخ: بتقولي ايه؟!!..سمعيني كده تاني يا شاطره؟!!..لو فكرتي بس فكده هتشوفي اللي مش هيعجبك..


ردت بابتسامه: وايه اللي مش هيعجبني بقى؟


مسح وشه بايده ولبس تيشرته وهو بيكلمها: بقولك يا اسمك ايه..احسنلك تروحي ياماما..اصلي مش فاضيلك..


قال كده وقام زقها بره الأوضه بعنف..وقفل الباب وراه..


قامت من على الأرض ومسحت هدومها: أما انت وقح بصحيح..


أما هو فضحك بشر: لو مجننتكيش يا دكتوره متسماش ليل العلاوي!!

يتبع

                        الفصل الثاني من هنا

لقراءة باقي الفصول من هنا


تعليقات



حجم الخط
+
16
-
تباعد السطور
+
2
-