رواية مأمني وأماني
الفصل الاول 1
بقلم توسل محمد طه
*ساقك القدر لتكون اختياري رغماً عني*✨🤍
(ازيكم يحلوين والله العظيم اشتقنا عديل كداا طولت عديل منكم انا لكن رجعنا ورجعت الأيام الحلوه خلونا نخش في الجديد من غير كلام كتيير)
-امكن د العوض ي توسل انتي فيها شنو لو جربتي
-اجرب شنو ي ماما انتي قايله الزواج د لعبه او فستان عشان اجربها؟!
-ي بتي انا الزول د عاجبني وموافقه عليه مره بس ي بتي اسمعي كلامي من غير عنااد
-هو العناد يفوتني يمشي وين ي ماما🤭
-ااي عشان وارثاهو من ابوك
-ابوي بسس🌚
-انا م زيكم كدا بريي بتنازل شويه لمن الحاجه تكون في مصلحتي
-قصدك شنوو😑
-قصدي انو لو عايزه مصلحتك م ترفضي
-ي ماما انا كيف اعرس لي زول م بعرفو حتى معرفه زي الناس
-انتي صغيره ي بتي وانا عارفه مصلحتك🥺
-عشان انا صغيره ي ماما م عايزه اتزوج😭 ولا انا بقيت تقيله عليكم عشان كدا انتي وبابا عايزين تتخلصو مني بالسرعه دي😔
-معقوله ي بتي تفكري فينا كدا ونحن البنريدك أشد من عيونا😥
-طيب ي ماما ليه عايزين تعرسو لي الإنسان د😭
-عشان الإنسان د رايدك وشاريك وانا وابوك شفنا الحاجه دي في عيونو ونحن عارفين الراجل وقت يكون رايد المره وشاريها بعمل المستحيل في سبيل انو يسعدها والعمر م معروف ي بتي القدر م في يدنا والموت م بستأذن زول وانا وابوك عايزين نأمن ليك مستقبلك ونفرح بيك قبل الموت يدق بابنا عايزه تحرمينا من فرحه شوفه بتنا عروس😔 وتمنعينا نشيل اولادها قبل نموت😔
- ي ماما انتِ ليه دايماً بتجيبي سيره الموت😭 انا م قلت ليك م عايزه اسمع السيره دي ي ماما😭 انتو لو فتو انا اعيش لمنو قولي لي😭 ح الحقكم والله م ح اقدر اتنفس وانتو م جنبي ولا ح اقدر اعيش في عالم انتو م فيهو😭انتي عارفه انا بحبكم قدر شنو😭 انتو اهلي واخواني واصحابي وكل اهلي😭 ليه تقولي كدا ي امي ليه😭عايزين تكسرو ضهري وتخلو الذئاب تنهش فيهو؟😔
-م عشان نحن م عايزين نفوتك وضهرك مكسور ي توسل عايزين نديك للبصونك ويفتش سعادتك قبل سعادتو انا وابوك بنحبك بحجم الكون ي توسل ونحن نحب منو غيرك اصلا م انتي سندنا وعكازنا في الدنيا دي نحن لم نميل بنلقا ياتو كتف غير كتفك ولم نقع منو البمسكنا غيرك منو البسندنا وانتي جيتي في اشد حوجتنا ليك عشان تبقي لينا السندد ولو انا او ابوك من يوم م نورتي حياتنا ونحن بنحمد ربنا عليك كل ليلة، عرفنا ليه ربنا حرمنا سنين من الذريه عشان في الاخر يكرمنا بيك، وم ادانا ولد بعدك عشان انتي جيتي وكفيتي ووفيتي ومليتي حياتنا وم خليتينا نحتاج لي ولد غيرك، م انتي بعد طيبه قلبك وبعد حجمك الصغير دا وبعد صحتك الضعيفه دي، كنتي لينا الولد والبنت م كنتي عكازي وكنتي عيون ابوك م حوجتينا ولا ح تحوجينا لي زول غيرك، م من حقنا نسعى في سعادتك زي م انتي اسعدتينا م من حقنا نشوفك عروس ونفرح بيك ولا م نفسك نشيل اولادك ي توسل🥺
-نفسي ي امي ود كلو ح يحصل بإذن الله وانتو ح تحضرو عرسي وح تشيلو أولادي ي ماما
-لو عايزنا نحضر عرسك ونلحق نشيل اولادك وافقي بي علاء الدین ي توسل🙂
-الا علاء الدين ي ماما؟ اشمعنا هو م كتار أتقدمو لي وانتو رفضتو الجديد شنو ي ماما عشان تضغطو علي كدا😔ه
-الجديد انو علاء الدین م زي كل الاتقدمو ليك علاء الدین شاريك ورايدك وانا شفت الحاجه دي في عيونو ي بتي والجديد قلبي وقلب ابوك مطمئن ليه شديد واول مره نطمئن لي زول بالطريقه دي الجديد ي توسل انو انا وابوك صلينا استخاره قبل نضغط عليك بالطريقه دي ولو م عارفين مصلحتك اكتر منك عارفنا م بنضغط عليك ولا في يوم جبرناك ي توسل بس المره دي ح نجبرك ي توسل عشان مصلحتك واعفي لينا من حقك بس عايزين نطمن عليك قبل نفووت😔
-تاني ي ماما تاني جبتي سيره الموت😭
-لو عايزه رضانا وسعادتنا وافقي ولو م عايزاني اجيب سيره الموت وافقي🥺
-ليه ي ماما😭
-عايزاني اموت زعلانه منك ي توسل؟
-الا دي ارجووك🥺
-طيب وافقي
-طيب موافقه😔