رواية ظلام قلبي
الفصل السابع 7
بقلم زينب احمد
زهدى: سليييم
سليم يقف مكانه ويذهب اليه
اي جدى اي الي جابك
زهدى بحده: انت هاتمنعني اجي شركتي ولا اي
سليم: لا مقصدش اتفضل
زهدى يذهب ناحيه أميره
لتقوم أميره لتسلم عليه
أميره: اهلا بيك يازهدى بيه اتشرفت ان شوفت حضرتك
زهدى: الشرف ليا ياميرا... تسمحيلي اقولك ميرا طبعا
أميره: اه أكيد
أميره: أقدملك عمر عمي وعضو مجلس الاداره
زهدى: اه طبعا ع طول مصطفي جايب في سيرته
عمر: يارب ميكنش بيشتكي مني
زهدى بمزاح: عيب عليك اكيد بيشتكي طبعا
عمر: ههههههه
أميره: مستر جاسر المحامي ودراع مستر محمد اليمين
زهدى: اه محمد بيشكر فيه
جاسر برسميه: اتشرفت بمعرفتك مستر زهدى
أميره: استاذ ياسر مدير اعمالي
ياسر: اهلا بحضرتك
زهدى: اهلا بيك يابني
اتفضلوا اقعدوا
يجلس زهدى في منتصف الطاوله من ناحيه وامامه أميره من الناحيه الاخرى وبجانب زهدى من كلا الجانبين سليم ورامي... والناحيه الاخرى ع الجانبين يجلس بجانب أميره كل من عمر وياسر وبجانب ياسر جاسر
زهدى: ها وصلتو لحد فين
أميره: لسه موصلناش لحاجه زى مانت شايف
زهدى: ليه
أميره بهدوء : اسال مستر سليم
سليم: رقم واحد عاوزانا ننفذ المخطط الي هي راسماه لشكل البنا.. رقم 2 عاوزه النسبه 40 لينا و 60 ليها
زهدى: اكيد ميرا ليها وجهه نظر ولا اي
أميره: أكيد يازهدى بيه ثم تكمل بشرح.. دلوقتي المخطط الي بيتكلم عليه مستر سليم قائم علي عدد المحلات مش المساحه وانا عندى المساحه أهم من العدد... لان الي هايشترى او هاياجر محل بالحجم ده هايكون في بدايه مشروع ولو احتاج يوسع يااما هاياجر محل تاني او هاينقل خالص.. طيب افرض المحل الي جنبه مش فاضي هاينقل خالص من المكان لان عاوز مكان اوسع .. فالبتالي المساحه اهم من العدد لانها هاتكون ميزه تضاف للمرفقات الي هاتكون موجوده
زهدى باقتناع: كلام مظبوط
أميره: بالاضافه ان مستر سليم لاغي غرفه العاملين
وشايفها مش مهمه.. بالعكس هي مهمه جداا لانهم الي هايكونوا شايلين المكان سواء نظافه او امن فلازم يكون ليهم مكان للتغير للراحه للغدا
اكيد مش هايبقي واحد واقف امن وواقف بيتغدى في نفس المكان عشان مالوش مكان... المنظر العام غير لائق بالاضافه انو كده مش مرتاح وده هاياثر ع شغله
زهدى وهو ينظر للورق: انا موافق علي المخطط بتاعك ياأميره
سليم: بس ياجدى كان في تعديلات انا عاوز اتكلم فيها
زهدى: انا شوفته مش محتاج تعديلات ولا حاجه
سليم بضيق: طب والنسبه.. اي وجهه نظر حضرتك يااستاذه اميره
أميره بابتسامه: حضرتك انتو الجهه الي هاتقوم بعمليه البنا.. لكن انا الجهه الي عندى الارض والمخطط الي اخد مننا وقت ومجهود برده.. بالاضافه ان احنا الي هانكون مسئولين مسئوليه كامله علي التسويق... يعني اعتقد ان النسبه دى عادله جدا
سليم: هو انتي فاكره البنا والاشراف علي البنا لحد التشطيب ده سهل
أميره ببرود: اسمها حضرتك.. وبعدين انا مقولتش خالص انو سهل انا قولت ان ع اساس الوظائف المتقسمه علينا فاحنا علينا الجزء الاكبر وخاصه ان ارض في المكان ده معتقدش حضرتك عارف سعرها كام ولا اي يازهدى بيه
زهدى: ايوا ياميرا بس نسبه 40 برده شويه
سليم ابتسم بانتصار ولكن لم تكتمل عندما اكمل زهدى كلامه
زهدى: ممكن يبقوا 55 ل 45
أميره بابتسامه انتصار: وانا مش هانزلك كلمه يازهدى بيه
أميره وهي توجه كلامها لجاسر: ظبط الكلام ده في عقود
سليم: لا احنا الي هانحط بنود العقود
أميره بهدوء: مفيش مشكله يامستر سليم طالما الكلام الي قولناه هو الي هايتحط في العقد مش حاجه تانيه ولا اي
رامي: لا طبعا.. هانظبط العقود ونكلم حضرتك علشان الامضاء
أميره: اكيد تنوروني في شركه المصطفي حتي استضفكوا كويس بدل المره الي فاتت معرفتش استقبلكوا لان مكنتش موجوده تقول ذلك وهي تنظر لسليم
زهدى: اه مصطفي بلغني.. صح مراد عامل اي الوقتي
أميره: كويس الحمد لله
زهدى: يعني مفيش حاجه خطر
أميره: لا مفيش متقلقش هو مش موجود معانا النهارده عشان اجازه.. ان شاء الله يكون موجود معانا في امضاء العقد
زهدى: ان شاء الله انا عارف هو عزيز عليكي اد اي
أميره: أكيد... وهي تقوم من ع الكرسي استاذنك يازهدى بيه كان نفسي اقعد مع حضرتك اكتر من كده بس عندى مواعيد تانيه
زهدى: لا انا عارف مصطفي رامي الحمل كله عليكي اهو صديق جاي وهايشتال معاكي شويه
أميره ببرود: عن اذنكوا... وغادرت المكتب وغادر وراها عمر وجاسر وياسر
علي باب الشركه
أميره: ياسر اجل مواعيد بكرا لبعد بكرا لان مش هاكون موجوده
ياسر: تمام
أميره: جاسر تابع معاهم بنود العقد وعرفني لما يخلص
جاسر: تمام
أميره: يلا روحوا الوقتي وبكرا اعملوا الي قولت عليه
استاذن كل من جاسر وياسر وغادرا
عمر: أميره
أميره: يلا نركب عشان نلحق نوصل
عمر: يلا بس عاوز اتكلم معاكي
أميره: بعدين
........................................
في مكتب زهدى
زهدى بحده وهو يوجه كلامه لسليم: امتا هاتتعلم تسمع غيرك امتا هاتتعلم تشوف الي حاوليك زى مانت شايف نفسك
سليم: انت مكنتش شايف طريقتها عامله ازاى
زهدى: مالها طريقتها مقالتش حاجه غلط ولو علي اسلوبها ده هي كده بتكلمنا كويس
رامي: ياجدى سليم يقصد انها فاكره ان الراى الاول والاخير ليها
سليم بتاييد: بالظبط
زهدى: لو فاكره ان الراي الاول والاخير ليها مكنتش شرحت وجهه نظرها واستنت راينا
سليم: انا عاوز اعرف ازاى توافق علي الكلام ده
زهدى: كان لازم اوافق طبعا وهي عارفه ان هاوافق طبعا
سليم: ليه ضامنه موافقتك كده
زهدى: لان عارفه المشروع ده مهم عندى ازاى بس مش مهم عندها..لان شركتها بتقوم بمشروعات كتير
لكن انا مبعملش غير الانشاءات... وان اعمل المشروع ده في المكان ده وبالنسبه دى فهو انجاز
سليم: يعني اي.. تقصد لو كانت موافقتش ع زياده النسبه كنت هاتوافق ع كلامها
زهدى: اه طبعا
سليم: انا مش فاهم ليه توافق
زهدى: لان كفايه ان هاعمل الانشاءات في المكان ده كفايه بس تسويق ان شركتنا الي عاملاه ده سمعه لوحدها بس وهي عارفه كده
رامي: صحيح ياجدى انت عرفت معاد الاجتماع ازاى
ده انا في الشركه واتفاجات بوجودهم
زهدى: من أميره نفسها
رامي وسليم في نفس الوقت: اي
زهدى: أميره دى عقلها الماظ بس لو كان واحد من احفادى عنده دماغها
رامي: انا مش فاهم حاجه
زهدى: هافهمك.. هي من اسلوب اخوك الاجتماع الي فات وهي عارفه انها هاتيجي النهارده هاتماطل معاه ومش هاتوصل لنتيجه لانها عارفه ان مبيسمعش غير نفسه فاكلمتني وقالت بطريقه غير مباشره ان اجي واحضر الاجتماع عشان الاتفاق يتم وانا جيت وطلع عندها حق
رامي: كنت غلطان ان خليت عبير تقابلهم ياسليم وكمان اتاخرت عما جيت وكانك قاصد
زهدى: كمان عملت كده ياسليم
سليم ليتدارك موقفه: مش انت قابلتهم يارامي ووصلتهم
رامي: بس مين الي قابلهم في الاول وكانت باينه اووى وهي وضحت بطريقه غير مباشره انها مكنتش في الشركه يومها
زهدى: هي كانت قاصده عشان تصلح سوء التفاهم وتنهي الموضوع... اه بجد قعدتها ميتشبعش منها
سليم: انت هاتقعد تحب فيها كتير... عااديه يعني
زهدى: لا مش عاديه جمال وحلاوه وشياكه وعقل كبير ودماغ بتفهم في الشغل
رامي: من ناحيه حلاوه فهي حلوه
سليم: انت كمان يارامي
زهدى وهو يوجه كلامه لسليم: النهارده اتضحلي ان طول مانت مبتسمعش غير رايك ياسليم مش هاتعرف تمسك الشركه صح وكان عندى حق ان لحد النهارده الامضاء وزمام الامور لسه في ايدى انا
سليم بضيق: انا رايح مكتبي عن اذنكوا
.................................
في العربيه كانت تسوق.. جمله واحده تتردد في عقلها بكرا صديق يجي ويشتال معاكي شويه
صديق يجي ويشتال معاكي شويه
صديق يجي ويشتال معاكي شويه
عمر: أميره حااسبي... اميرررره حاااسبي
لتيفق أميره من شرودها ع اخر لحظه وتوجه العربيه للناحيه الاخرى ع اخر لحظه وتقف تشغيلها
أميره بقلق: انت كويس
عمر: اه انا كويس انتي كويسه
أميره: مالك فيكي اي
أميره بتعب : مفيش انا كويسه
عمر: لا شكلك تعبانه .. تعالي مكاني هاسوق انا
أميره باستسلام: طيب
عمر: انتي راحه الفيلا ليه مش قولتي هانمشي ع طول
أميره: هاخد جيكوب
عمر: ايه.. ليه كده
أميره : مقصره في حقه وممشتهوش من زمان
عمر: طيب ربنا يستر
أميره: ليه قلقان منه ده حتي بيحبك
عمر: مهو بيلحسني حلو لكن لو فتح فكه ده عليا بقا
أميره: بتعب: متقلقش هو نظره ضعيف وطول مشمش فيك خطر عليا او عليه مش هايقربلك
عمر: نظره ضعيف!
أميره دون ان تنظر اليه: اها
عمر: طب موديتهوش ملجا بتاع كلاب ليه
أميره: عمرك شوفتيني اتخليت عن بني ادم عما اتخلي عن حيوان لا حول ليه ولا قوه.. غير ان بحبه وعشره معايا بقاله عشر سنين ازاى اتخلي عنه
عمر: طيب انتي تعبانه اجبلك ميه او اي حااجه
أميره: لا انا هانام ولما نوصل صحيني
عمر: طيب... ارتاحي باين عليكي التعب
................................
صديق: أميره ياأميره
أميره: ايوه يابابا
صديق: ساعه بنده
أميره: حضرتك لسه مناديني من عشر دقايق عشان اعملك شاي وعملته
صديق: ايوه طيب روحي هاتيلي كوبايه مياه
أميره: ليه بتعمل كده
صديق وهو ينظر ليها بعمل اي
أميره: دى رابع مره تندهلي في نص ساعه وانت عارف ان عندى امتحان بكرا وبذاكر
صديق: ايوه يعني هاتجيبي الديب من ديله امشي شوفي انا قولتلك اعملي اي بلاش قرف
أميره بجراه لم تعلم من اين اتت: حضرتك مجاوبتش ع سؤالي ليه بتعمل كده ليه بتعاملني وحش
صديق باستغراب من جراتها: انا بعاملك وحش فين ده ماانا سايبك تذاكرى اهو
أميره: مهوا واضح..ممكن تجاوبني... ليه مطبطبش عليا ليه مبتوصلنيش المدرسه زى زمايلي.. ليه لما انا بتعب او ماما بتتعب مبتكنش موجود جمبنا.. ليه مبتاخدنيش في حضنك انا محتاجه حضنك يابابا
ثم اكملت بياس وحزن: ليه مبتقعدش تتكلم معايا وتسالني عامله اي ولو عاوزه حاجه هو مش انت بابا والمفروض تعمل معايا الحاجات دى انا اصحابي بيحكولي كده
صديق يقف وينزع حزامه: انتي كمان هاتحاسبيني ياقليله الادب انتي... مانتي صحيح تربيه امك
وينزل بالحزام ع ضهرها
أميره: ااه
صديق: انتي مبتعيطيش ليه
أميره: مش هاعيط
صديق: عيطي
أميره: ااه.. لا
...
عمر: ميرا.. ميرا
أميره: لا لا لا
عمر: ميرا
أميره: في اي
عمر: انتي كويسه
اميره: اه كويسه... انت وقفت بالعربيه ليه
عمر: وصلنا
أميره: الفيلا
عمر: فيلا اي حمد لله ع السلامه احنا وصلنا المزرعه
أميره وهي تبحث عن شي: وجيكوب فين
عمر : دخلته جوا وفكرتك صحيتي لانك نومك خفيف وهاتيجي ورايا لقيتك بتقولي لا لا واكنك بتحلمي
أميره: اه طب يلا ندخل
عمر: انت متاكده انك كويسه
أميره: اه
مشوا خطوتين ثم قالت
أميره: عمي
عمر: وقف عن المشي: نعم
أميره بتوتر وتخفض بصرها لاسفل: ممكن تحضني؟