رواية لأنها توسل
الفصل السادس 6
بقلم سوسو تويكس
غيث:شايفه الشقه دي 5دقايق اجي القاها بتلمع،، توسل: اتفاقنا ما كان كده وريتك ما خدامة ابوك انا،، هو اصلا كان غضبان وبعد كلامي ده غضب زياده وفي لمح البصر لقيت نفسي محاصره عندو لاوي لي يدي وجيراني من شعري بحيث مواجهة فيس تو فيس وقال لي غضب :انتي قصتك شنو مع اهلي ورب الكعبه لو تاني جبتي سيرتهم بمحيك من وجه الأرض،،، حسيت شعري ح يتقطع ده تعب 19سنه الحيوان عايز يقطعو لي في ثواني توسل:وريتك تهديداتك الوهميه دي بلها واشرب مويتهاونضافه ما بنضف كان تقتلني،، غيث: انا أفعال ما كلام بس،، وبدون ما استوعب طبعها بي عنف بقيت اضرب فيهو عشان يبعد بس بعد مسافه بعد طوالي لقصقتا فيهو كف ودموعي شلال وشفايفي البنزفو أثر فعلتو،، توسل:انت حيوان مش قلتا ليك ما تقرب علي،، ردة لي بي برود: الحصل ده ما معنى اني خلاص حبيتك والسيناريو الأهبل ده، تؤتؤ غيث عز الدين ما بعاين للخدم الزيك وعملتا كده عشان اوريك اني قدر كلمتي وقت اقولها، وبالنسبه للشقه (وابتسم بي خبث وبقى يقرب تلقائي بلعت ريقي بي خوف ورجعتها لي ورا ودموعي وغمتا عيوني واتصنمتا وقت همس لي :الشقه لو ما نضفتيها عقابك ح يكون اسوء، صدقيني ما تلعبي معاي عشان انا متعود اكسر العابي من كنت صغير،، وطلع من الشقه بقيت ابكي بس اصلا ما عندي شي غير البكا، قمتا نضفتا الشقه والله خفتا من تهديدو خاصه اني عارفه تافه قدر شنو بنضف و بسب ليهو اصلي ما بتوب، جيت الدولاب اشيل لي غيار اتذكرتا انو ملابسي ما خلاني اشيلهم فتحتا الدولاب وكانت ملابس أعوذ بالله بقيت اقول في نفسي اكيد دي ملابس البنات البجو الله اعلم هو منحرف ووسخ قدر شنو،،، غايتو الله يخلصني منو بي سرعه بس،، استحميت ولبستا توبي الجيت مضى وقت لحدي ما اليل جا وتلفوني كان نازل شحن قصيتو نوم بس، سمعتا صوت الشقه فتح عرفتو ده هو طلعتا بي توبي داك لقيت معاهو البت الكان شفتها راكبه معاهو العربيه،، ابتسمتا للضرس الاخير واخيرا لقيت زول تفشي فيهو غضبي اليله بربيك تربيه امك ما ربتك ليها