رواية لأنها توسل
الفصل الثامن 8
بقلم سوسو تويكس
ما عرفتا انحشر وين وانا شايفه بعاين لي بي نظرة ما مفهومة لا حظودي اول مرة يشوفني كده عايزة البس توبي قال لي بي برود وهو داخل الغرفه:ماف داعي لاني اصلا ما بعاين للزيك سواء بي توبك اولا لاء،، توسل:انت لي بتعمل معاي كده كرهك ده مستحيل يكون عشان كف بس،،، قال لي بي نفس برودو:كفايه اسمك المن اسمعو بكون عايزة امحيك من الوجود،، ودخل الحمام بقيت افكر انا علقتا مع شنو يا اما اسمي ده وراو قصه يا اما الزول ده متخل بس في الحالتين انا ذنبي شنو،، قطع تفكيري صوت تلفوني ضرب رقم غريب رديت لقيتو ده أحمد 😍 انفصمتا فيهو مسافه وانا ببكي دموع شوق دام 3سنه،، احمد: جعفرتي انا جاي عليكم في الطريق،، توسل:يعني نزلتا السودان،، احمد: اي في الطريق عايز اول واحدة اشوفك انتي، لحدي ما اصلك اوكي باي يا حووب♥️،، وقفل الخط والله اسمو ساي بصلح لي مزاجي بقيت اتبسم براي بس تاني اتذكرتا اني ما ح اقدر اشوفو واقابلوبي سبب الزفت ده لاننا لحسي في نظر ناس امي مسافرين،، واحمد لو عرف ح تكون ردة فعل شنو ما قادرة افكر فيها زاتو،، طلع من الحمام عاري الصدر بالترينك فقط، طوالي غمضتا عيوني وانا بقول:في ناس معاك في الغرفه يعني تلبس محترم على الاقل قميص بي كم طويل،، غيث:لا بلاااي، ما تقولي اتحجب والبس نقاب،، هنا فتحت عيوني وانا ميته من الضحك وبقول:والله النقاب ده على حسب إيمانك😂،، سكتا وقت صرخ فيني:بت اتلمي عشان ما اجي المك،، وقعد في السرير وهو ماسك راسو بي تعب وعروق راسو ظاهرين وكان برجف، احترتا قربتا منو سالتو:انت كويس،، مارده لي كنت قايله سفهني بس وقفتا وقت قال:صداااع مصدع شديد،، توسل:تشرب قهوة او بتبلع حبوب،، اتلكم وهو برجف زياده: ما بعملو لي شي،، سألتو بي تردد:ل.. لو عايز ممكن اعمل ليك مساد،، لانو عارفه نوع الصداع ده عند ابوي وما بزح الا بالطريقه دي، مسااافه ما رده علي افتكرتو ما عايز وكنتا عايزة اطلع بس مسكني من يدي وقال بي هدوء وصت متعب:ممكن،، وقت مسك يدي في كهربا مشت في جسمي جت، قعدتا في طرف السرير بي توتر وقلبي عايز يطل من مكانو وقت ختا راسو على رجليني رفعتا يدي البترجف وبديت انسد ليهو وانا بلعن نفسي القال لي اتكلم منو كان اخلي يتفلق بي صداع ده، وكلو مرة توتري بزيد وقت حسيتو مركز معاي بعاين لي اي شي في الغرفة عدا عيونو، اتلبشتا وقت قال:...