رواية الاخ الاكبر الفصل الثاني والخمسون52بقلم حبيبه
حل الليل المنتظر
اسلام: يادبلة الخطوبه عقبالنا كلنا لولي لولي لولي لولي افتحوا ياجدعان
روح: اهو الصداع وصل
محمد: الصبر يارب اموت واعرف وافقتي على الذفت ده ازاي
ناديه: هههههه قوم افتحله ليجرسنا
محمد: حاضر ياماما جاي ياض اصبر
اسلام: اييييييييييه ساعه علشان تفتح
محمد: انا هادي خالص انا هادي انا مش هاتعصب خاااااااالص
اسلام: ايه يامحمد ايه ياحبيبي انت كويس يابابا
محمد: اه كويس وذي الفل
اسلام: اومال ليه حاسك لس عت يابابا
محمد: انا يااسلام يااببننن خالتي للاسف مضطر استحملك النهارده
اسلام: حبيبي يامحاميحوا
محمد: ادخل ياض واسكت لارزعك بوكس يعدلك
اسلام: اهدى ياشبح الخطوبه هاتبوظ يخربيتك
محمد: خش خش عليك......
اسلام: رمضان كريم احج يخربيتك انا لسه داخل علي خطوبه عاوز اخش دنيا يامنيل
محمد: لسه فاضل شهر ياعسل واطمن اطمن هاتخش دنيا هاتخليك تحلف بيها
اسلام بغناء: قلبي مش مرتحلك
محمد: اااااااااه
اسلام: نفسي اصرحلك
روح: خلص ياعم ايهاب توفيق انت في خطوبه وتقديم وعروسه
عماد: ابت سبيه يكمل صوته حلو وليه مستقبل كمل يافنان كمل
اسلام: يارافع معنوياتي ها صفيه ماجتش لسه صح
ناديه: لاء ياحبيبي لسه
محمد: جايه ياجماعه ان شاءلله يلا اتفضلوا
صفيه من خلفهم: انا جيييت
ناديه: اهلاً ياق. ل. ب... حمدي
حمدي بأبتسامه سمجه: اهلاً
روح بصوت هادئ: يادي النيله دا جه ياض
عماد: احيه احيه قابلي دمه اللي يلطش بقى
محمد: اهلاً يااستاذ حمدي نورت
حمدي: دا نورك
محمد: اتفضل
حمدي بنظرات جريئه: اذيك ياناديه
ناديه بأشمئزاز: اهلاً ياحمدي
حمدي: لسه ذي ماانتي صغيره مابتكبريش ياناديه
ناديه: اتفضل ياحمدي منور
حمدي في سره: كل ما تكبري بتحلوي ياناديه يابختك يااحمد خدت بطل مش انا اللي خدت صفيه
محمد: استاذ حمدي
حمدي: ايوه
محمد: في حاجه
حمدي: لاء
محمد: تمام اتفضل
صفيه: اسلام حبيبي وحشتني
#ابتعد اسلام عن صفيه بهدوء: وانتي كمان وحشتيني ياماما
#اعادت صفيه يدها بحزن شديد والتزمت الصمت
روان من خلفهم: وحشتوني ياعيال
ركضت روح واحتضنتها: وحشتيني اوي اوي اويييييي ايه يابنتي ماصدقتي تسبينا ولا ايه
روان: روحي انتي اللي وحشتيني اوي اوي وبعدين يابت دا انا بقالي كام يوم بس متجوزه مش سنين ياذكيه هههههه
روح: تصدقي انك رخمه طب ماوحشتيناش يلا هش
روان: هههههه بس انتي اللي وحشتيني اوي انتي والبت ندى ومحمد والواد عماد حبيب قلبي هو فين صحيح
عماد: هنا ياقلب القلب خش في حضن اخوك يافواز
روان: هههههه حبيبي ياناس اللي وحشني اوي
عز: احم لاء انا كده هاغير من الاحضان دي خلاص ياروان
عماد: تغير مني انا يازوزو
عز: اه ياخويا اغير منك ابعد عن مراتي ياض
عماد: دي اختي اعم يعني ليا فيها حق اكتر منك
عز: كان زمان دلوقتي هي مراتي ومش مسموح لها تحضن اي حد غيري
عماد وهو يذيد من احتضان روان: طب اهو بالعند فيك بقى
عز بغيظ: ياماما ناديه خلي الواد ده يسيب مراتي
ناديه: هههههه ابعد عن روان ياواد ياعماد
روان وهي تذهب تحتضن ناديه ت: ماما حبيبتي وحشتيني اوي
ناديه: انتي اكتر ياقلب امك
عز: طب وانا ياجماعه ماوحشتش حد هنا ولا ايه
ولا انا قلقاسه
عماد: قلقاسه
عز: بس ياض انا واثق اني وحشت ماما ناديه صح
ناديه: طبعاً ياحبيبي وحشتني يلا اتفضلوا
روان: الله خالتي صفيه القمر منورانا
صفيه: روان حبيبتي الف مبروك ياروح خالتك الف الف مبروك
روان: الله يبارك فيكي ياخالتي
محمد: طب هو انا اخر حد هاتحضنيه وتسلمي عليه ولا ايه
روان: هههههه دا علشان احضنك براحتي بس
محمد: حبيبت اخوكي وقلبه من جوه وحشتيني ياحتة من قلبي مش متعود على البيت وانتي مش فيه
روان: انت اكتر ياقلب اختك وحشتني اوي ياحبيبي
حمدي: اذيك يابنت احمد
روان: اهلاً
حمدي: اهلاً بيكي ياقمر
عز: انت مين وايه قمر دي حضرتك مين
صفيه: دا جوزي يابني
عز: اه تمام اتشرفت بحضرتك
محمد: اتفضلوا ياجماعه بدل وقفتنا دي
#دقائق وامتلاء البيت والزغاريط والتهاني ثواني ورن هاتف محمد
محمد: السلام عليكم ياحاج محمود
مريم: م ممم محمد الحقني
محمد: مين معايا
مريم بدموع: انا مريم الحقني ارجوك
محمد: مالك يامريم في ايه
مريم: ابوس ايدك الحقني بابا يامحمد بابا
محمد: طب اهدي انتي فين
مريم: في الشقه فوق
محمد: تمام ... روح
روح: نعم
محمد: تعالي معايا
روح: فين
محمد: عند مريم فوق
روح: اشمعنا
محمد بغضب: روح اخلصي
روح: حاضر حاضر
#ذهب محمد بهدوء وخلفه روح دون ان يلاحظهم احد وصل محمد لشقة مريم وجدها مفتوحه وصوت مريم. يأتي من الداخل وهي تبكي دخل محمد وصدم مما راءه وجد مريم تجلس ارضآ الحاج محمود ملقى ارضآ بين احضانها
محمد بصدمه: مريم في ايه الحاج ماله
مريم ببكاء: محمد محمد الحق بابا الله يخليك بابا مريض قلب الحقه ارجوك
محمد بصدمه اكبر: طب اهدى اهدي
مريم بهيستيريا: الحق بابا بسرعه الله يخليك الحق بابا
محمد: حاضر وسعي يامريم
مريم: واخد بابا فين
محمد: على المستشفى الراجل قاطع النفس لازم الحقه بسرعه....
♡♕♕♕♕♕♕♕♕♕♕♕♕♕♕♕&
*إشتياقكم للجنة لا تجعلوه حروف تستطر فقط! جسِّدوه واقعاً ،اقيموا صلاتكم ،أنفقوا، عودوا مريضاً، برٍّوا أباً وأماً، أحسنوا، قوموا، صوموا، تصدقوا. ,,💗💗🌸""*
ﮩ•┈┈••✾•◆❀◆•✾••┈┈•ﮩ
*• حاطة مانكير أتوضي بيه ❎*
*• حاطة مانكير إسلامي أتوضي بيه ❎*
*• لابسة أظافر صناعية أتوضي بيها ❎*
*• حاطة مقوي اظافر اتوضى بيه ❎*
*• أشيل أي شئ علي ضوافري وبعدين أتوضي ✅*
*• لأن من شروط صحة الوضوء الماء يوصل لجميع الأطراف ومقوي الاظافر شفاف لكن بيكون طبقة عازلة علي الظُفر بيحول بينه وبين وصول الماء له فلو كُنتي متوضية وحطيتي مانكير او غيره وبعدين وضوءك اتنقض لازم تشيلي المانكير وترجعي تتوضي ، حتي لو إسلامي حتى لو مقوي اظافر!!*
*حتي لو إسلامي لأنه ميفرقش حاجة عن العادي ..🥺💙💙💙💙💙💙💙💙💙💙💙💙💙💙💙💙💙💙💙💙💙💙🌧️.*
♡♕♕♕♕♕♕♕♕♕♕♕♕♕♕♕♕♡
مر بعض البعض ومحمد ومريم امام غرفة العمليات بأنتظار خروج الطبيب ليطمأنهم...
#كانت مريم تقف غرفة العمليات ولا تتوقف دموعها عن النزول
محمد بحزن على حالها: هايبقى بخير ان شاءلله
مريم وهي تنظر اتجاه الغرفه: لو سابني هاموت مش هاقدر اعيش من غيره
محمد: ماتقوليش كده يامريم ان شاءلله هايبقى بخير
مريم: والله هاموت يامحمد لو بعد عني بابا دا حياتي كلها هو اهلي وناسي هو ه هو كل ماليا هو ابويا وامي واخويا وصحبتي او اللي ليا يامحمد
محمد: عارفه انا جربت وجعك ده لما بابا بعد. عني بس انا كنت لقيت فجأه عليا مسؤليات كتير ملقيتش وقت احزن وازعل كان لازم افوق واقوى واقف على رجلي علشان في ناس كتير هاتتسند على وقفتي دي ويوم ورا يوم والحياه مكمله ههه ماوقفتش على موت بابا ولا حاجه مشينا معاها واتخطينا وجعنا انا واهلي وبقيت انا الاب والاخ والسند لاخوتي بقيت ضهر العيله وعمود البيت بعيد لقيت الحياه دوقتني حلوها وظهرت في حياتي اجمل واحلى بنوته نور حسستني اني موجود خليتني احب الحياه اكتر حبتني حب كبير اوي كانت هي الضحكه الحلوه اللي في حياتي وقولة أخيراً الدنيا ضحكتلي تاني بعدين جت الدنيا قالتلي بس كفايه عليك. كده ودوقتني مرها لاء دي شربتهولي كله
مريم: حصل ايه
نزلت دمعه من عين محمد: ماتت ومات قلبي معاها حسيت اني خلاص انتهيت بعدها عني كسرني بقيت اتمنى الموت بقيت بدعي ربنا اروحلها كل يوم بس برضو الحياه استخسرت عليا الحزن حتى لقيت اهلي اتكسروا ووقعوا بسبب سقوطي كان لازم اقف تاني وبرضوا اقفل على حزني وانساه واقف على رجلي واهو لحد الان وانا قافل على زعلي وحزني وواقف علشان اهلي
مريم: انا غيرك يامحمد انا رغم القوه اللي بظهرها جوايا خوف بخاف بخاف اوي ماما سابتني وانا صغيره وبابا حضني وبقى هو كل حياتي بقيت مش قادره ابعد عنه ومش هاقدر اتصور انه يبعد عني او اعيش من غيره مش هاقدر يامحمد مش هاقدر
محمد بهدوء: هايبقى بخير يامريم صدقيني
#جاءت عائلة محمد الى المشفى
ناديه: محمد محمد يابني
محمد: ماما ايه جابكم
ناديه: ايه جابنا ازاي يابني الحاج محمود جارنا ومريم ذيها ذي ولادي ان مكانش احنا نبقى جنبها مين هايقف جنبها احنا اهلها وناسها
#ركضت مريم واحتضنت ناديه واخذت تبكي
ناديه: اهدي ياحبيبتي خير ان شاءلله خير
مريم ببكاء: بابا هايبعد عني ياماما ناديه بابا هايسبني
ناديه: بس ياحبيبتي ان شاءلله هايبقى كويس اتفائلي وادعيله ادعيله ياحبيبتي
مريم: يارب يارب يارب انت الشافي المعافي يارب انت الرحمن الرحيم يارب يارب اشفي بابا يارب
#دقايق وخرج الطبيب
محمد: طمنا يادكتور عم محمود عامل ايه
الطبيب: هو حاليآ حاليآ حالته منتظمه
مريم: يعني ايه مش فاهمه
الطبيب: بصوا علشان انا مش هاكدب ولا هالف وادور عليكم
محمد: في ايه يادكتور قلقتنا
الطبيب: هو في اواخر ايامه
#صدمه وهبطت على الجميع الجمتهم
مريم بصدمه: ه هو ه هو ب بي بيقول ايه هو اك اكيد بيكدب صص ص صح..... ساكتين ليه ردوا عليا حد يرد م م ماما ناديه مش م مش انتي قولتي ااا ان انه خير وان بابا مم م مش هايسبني صح ياماما ناديه
ناديه ببكاء وحزن: صح يابنتي صح
مريم بصريخ وبكاء: طيب فين فين ياماما ناديه فييين بابا اهو هايبعد عني هايسبني هايسبني ياماما ناديه هايسبني
#ارتمت مريم ارضآ بصدمه:ه ه هو اكيد زعلان مني علشان رفضت العريس اللي جابه اه اه هو بس زعلان مني طيب ااا ا انا موافقه عليه موافقه اتجوزه بس هو يرجعلي انا موافقه على كل اللي يطلبه بس هو يرجعلي
روان بحزن على حالتها: اهدي يامريم اهدي ياحبيبتي
واجمدي
مريم: عاوزه ابويا ياروان عاوزه ابويا عاوزه ضهري وسندي ياروان عاوزه حياتي عاوزه عكازي اللي بتسند عليه عاوزه ابويا عاوزه ابويا ياروان
#كان محمد ينظر لمريم بحزن ولوهله عادت اليه ذكريات نور وان مريم كانت حاليآ في مثل حالته خانته دموع عينيه ونزلت بحزن على حال تلك المسكينه التي اصبحت يتيمة الاب والام
مريم: عاوز اشوف بابا عاوزه بابا ارجوكم عاوزه اشوف
روان: طب اهدي ارجوكي علشان ماينفعش تدخلي عليه بحالتك دي
مريم وهي تزيل دموعها: حاضر حاضر اهو اهو هاخش لبابا بقى
ناديه: هاتخشي ياحبيبتي ادخليله
دخلت مريم بقدم ترتعش وخوف راءت والدها على فراشه غائب في دنيا تانيه لت حول له ولا قوه جلست بجانبه بهدوء قبلت يده
مريم: انا عارفه انك زعلان اني رفضت العريس بس والله رفضته علشان مش عاوزه ابعد عنك ماكنتش عاوزه ابعد عنك ياحبيبي صعب عليا يابابا اسيبك صعب انا ماليش غيرك ياحبيبي انت اللي ليا
عاد الحاج محمود لوعيه وفتح عينيه بهدوء
الحاج محمود: مريم
مريم: جنبك ياحبيبي جنبك
الحاج محمود بتعب: مالك ياحبيبتي بتعيطي ليه
مريم: لاء ياحبيبي دا د دا دا حاجه بس دخلت في عيني
الحاج محمود: ماتقلقيش يابنتي انا كويس ياحبيبتي انا ذي الفل اهو
مريم: يارب دايما ياحبيبي يارب
الحاج محمود: مريم ه هو محمد معاكي
مريم: اه اهله كلهم بره
الحاج محمود: ممكن ياحبيبتي تخليه يجيلي عاوزه
مريم: خير يابابا في حاجه حاسس بحاجه اطلب الدكتور
الحاج محمود بتعب: انا كويس ياحبيبتي انا بس ع عا عاوزه
مريم: حاضر ياحبيبي حاضر
#ثواني ودخل محمد
محمد: سلامتك ياحاج محمود الف سلامه عليك بقى كده تخوفنا عليك ياراجل وانت بسم الله ماشاء الله بقيت كويس اهو
الحاج محمود: اقعد يامحمد
محمد: حاضر... خير ياحاج طلبتني
الحاج محمود: ليا طلب عندك وارجوك ماترفضش
محمد: ااتفضل ياحاج وانا عنيا ليك
الحاج محمود: تتجوز مريم بنتي