رواية غرور زوجه والتزام زوج الفصل الاول1بقلم الاء محمد
هي بصوت عالي .. ياخي خنقتني كل حاجه تتناقش فيها دي صح و دي حرام متعيش
وانت ساكت هو انت اللي هتتحاسب بدالي
كنت واقف مكاني مصدوم من ردها عليا أو من عدم تقبل النصيحه مني للدرجه دي انا مبقتش افرق معاها من غير كلام اخت مفاتيحي وراحت نازل
اصل هقول ايه مع واحد كل كلامها بالشكل ده معندهاش استعداد أن هي تتغير بس هقول ايه انا السبب انا اللي فضلت متمسك بيها رغم تحزير الكل بس هقول ايه مراية الحب عاميه
زي ما بيقولوا وصلت عند العماره اللي امي قاعده فيها ست كبيره مش بتقدر تخدم نفسها وملهاش حد غيري و بسبب مراتي بعت عنها وسكنت في منطقه تانيه بعيد عنها قال
ايه عشان نكون قريبين من مدرسة العيال نزلت من العربيه بتاعتي و طلعت وقبل ما ادخل رنيت الحرس وده مش عشان انا مش معايا مفتاح لا عشان في واحده انا جبتها تاخد بالها من امي
بعد ما رنيت الجرس لقيت الباب فتح رحت غاضض بصري عشان حرام أن ابص علي اي واحده مدام متحلش ليا ولا انا من محرمها رحت رامي السلام
.. السلام عليكم
هي بصوت واطي .. وعليكم السلام يا استاذ يوسف اتفضل
يوسف .. الحاجه صاحيه ولا نايمه
هي .. الحاجه صاحيه بتتفرج علي التلفزيون جوا
قالت كلامها وراحت باعده عن طريقي رحت داخل و انا عارف هلاقي امي فين و اول ما دخلت بصت في وشي بقيت اهرب من نظرتها زي العيل الصغير
ام يوسف .. تعالي يا يوسف واقف لي
يوسف .. عامله ايه يا ام يوسف يارب تكوني بخير
ام يوسف .. بخير طول ما حسك فالدنيا يا حبيبي
يوسف .. ربنا يديكي الصحة و يطول في عمرك
ام يوسف .. معلش يا خديجه اعملي شاي
خديجه .. حاضر يا حاجه
اول ما خديجه دخلت المطبخ لقيت امي حطت ادها علي رجلي و بصت في عيوني
ام يوسف .. اتخنقتو تاني يا ابني
يوسف بتنهيده .. انا تعبت معاها يا امي بجد مش عارف هي لي مصممه علي كدا كل حاجه لازم تبقا زي صحابتها فلانه و تروح تعمل كذا لحد اخر مره مصممه تعمل تاتو واللي هيعمله ليها راجل غريب حاولت اتكلم معاها بالحسنه بس مفيش فايده لازم تقلد و خلاص مش عارفه أن هي كدا بتغضب ربنا وان هتعمل حاجه ربنا محرمها و مش بس كدا لا دي معندهاش مانع أن هي تكشف جسمها لراجل غريب كل ما اقولها حاجه تقولي انت معقد ومش اوبن ماين بجد تعبت يارتني سمعت كلامك مكنتش وصلت لكل ده
ام يوسف .. ده نصيب يا يوسف وهي نصيبك أن انت تتحوزها و يحصل بنكو كل ده واكيد ربنا لي سبب في كل ده بس قولي انت هتعمل ايه
يوسف .. انا مش عارف انا جيت ليكي عشان اتكلم معاكي ما انتي عارفه أن انا مش برتاح غير معاكي في الكلام
ام يوسف .. ربنا يريح قلبك يا ابني
امي خلصت كلامها وبقت تطبطب علي كتفي وانا بالبصه في وشها نسيت كل خنقتي اول ما خديجه دخلت رحت غاضض بصري راحت امي عرفت أن هي دخلت لقتها قالت ليها
ام يوسف .. حطي الشاي علي التربيزه و معلش هتعبك معايا جهزي اوضة يوسف عشان وحشني و هيبات معايا النهارده
اول ما امي خلصت كلامها راحت قايم باعتراض
يوسف .. سامحيني يا امي مش هقدر ابات معاكي
ام يوسف .. لي يا حبيبي
يوسف .. معلش يا امي عشان تاخدو راحتكم في البيت
قولت كلامي وانا ببص لـ امي اللي فهمت أن مش هبات عشان خاطر خديجه
ام يوسف .. ماشي يا حبيبي بس هتروح فين
يوسف .. انتي ناسيه أن انا ليا شقه في الدور اللي فوقك هنا ولا ايه يا أم يوسف هروح ابات فيها و الصبح ابقي هنزل افطر معاكى
بعد ما خلصت كلامي راحت وموطي بايس علي ايد امي ورحت رامي السلام و خرجت من الشقه و بقيت اطلع السلم ابات في الشقه اللي كنت ساكن فيها أنا و مراتي و العيال
تاني يوم نزلت فطرت مع امي و راحت قايم رايح الشغل و بقيت اطمن علي العيال من تلفون بتاعهم
قومت من النوم وانا عارفه أن هلاقي زي كل يوم مهو كدا كدا بيرجع تاني اصل هيروح فين وهو اصلا بيحبني و بيسمع كلامي هو اه معقد شويا و دقه قديمه بس اعمل ايه المثل قال ايه خد اللي بيحبك و متاخدش اللي بتحبه و فعلا من وقت ما اتجوزنا و انا عايشه مرتاحه من كله فلوس و عيال و راجل بيحبني وكل صحابي بيحسدوني عليه اول ما طلعت من الاوضه كنت متوقعه أن هلاقي قاعد برا نفس قاعدة ابو الهول قاعد ساكت و مش بيتكلم ولا بيتحرك استغربت لما ما لقتوش ولقيت بنتي الكبيره طالعه من اوضتها
.. صباح الخير يا ماما
هي .. صباح النور صاحيه بدري يعني مش العاده
البنت .. اصل قلقت لما بابا كلمني الصبح
هي .. كلمك لي هو مش بايت في البيت
البنت .. لا بابا راح عند نانا و كان بايت هناك
هي بصدمه .. ايه راح عند أمه ماشي يا يوسف انا هوريك انا هعمل ايه مبقاش نهال اما وريتك
دخلت أوضتي وانا مش شايفه قدامي بقيت البس هدومي وانا بغلي من جوا
نهال بجنون .. بقا كدا يا يوسف رايح تبات عند امك و رايح تشتكي هناك اكيد دلوقتي
عماله تعبي في راسك و تقولك أن انا مكنتش انفع ليك ماشي يا يوسف لليلتك سوده النهارده
نزلت وانا بهري وركبت عربيتي اللي هو جابها ليا في عيد ميلادي وبقيت اسوق وانا خلاص شويا وهعمل ميت حدثه بعد وقت نزلت من العربيه وبقيت بطلع علي السلم وانا بهري لحد ما من ضقتي بقيت اخبط جامد علي الباب واول ما الباب فتح لقيت حماتي
ام يوسف .. نهال خير يا بنتي جايه بدري كدا لي حد من الولاد جراله حاجه
نهال بجنون .. هو فين يوسف يا طنط
ام يوسف .. وهو في واحده متجوزه متعرفش جوزها فين
نهال بصوت عالي .. ااااه هو جي هنا عشان يشتكي مني طبعا وانا هستنا منه ايه طول ما هو قاعد جنبك قولتيله ايه بقا انتي قولتيله أن انا كخه و منفعش لي مش كدا ولا قولتي ايه عليا اصل انا عارفاكي واحده سوسه و دور الطيبه ده مش لايق عليكي
ام يوسف .. كل مره بتثبتي أن نظرتي فيكي كانت صح من الاول بس هقول ايه ربنا
يسامح ابني اللي اتجوز واحده زيك و خلها في يوم تفكر أن هي تقف قصادي بالشكل ده
نهال لسه هتتكلم لقيت اللي دخل الشقه وراح ساحبها برا الشقه
نهال .. انتي مين وازاي اصلا تزقيني كدا
خديجه بقوه .. انا ابقي مرات يوسف