رواية احتواء القاسي
الفصل الاربعون 40
بقلم سوسو تويكس
بديت افتح عيوني وسامعه اصوات نقاش حاده، اتلفت حولي عشان استوعب انا وين، شكلو جابوني غرفتي القديمه الكنت قاعده فيها اول ما نزلتا السودان_سكتو وقت شافوني وعيت وقاعده في نص السرير، اخدتا لي صنه عشان اتذكر الحصل شنو، وفعلاََ اتذكرتا الكلام الكنت عايزه يكون كابرس واصحا منو _ملاذ جات تقرب علي اشرتا ليها تقيف في مكانها_قلتا وانا بحاول قدر الإمكان ما انفعل وانفجر ليهم هنا:ممكن تخلوني براي _ساميه:كيف نخليك براك وانتي في الحاله دي يا بتي _قلتا بسخريه وانا بمسح دموعي:ههه بتك الدسيتي عنها خبر انو ولدك عرس ولمن مرتو حامل، ايي بتك فعلا بتك_ساميه:والله يا بتي كنت عايزه اوريك بس معتصم قال انو الدكتوره منعت انو تنفعلي وعشان الخبر اكيد ح يأثر على صحتك_ملاذ:ايي صاح منعنا كلنا والله _عابنتا لي ملاذ وقلت ليها :ههه حتى انتي، والله كويس يعني امة محمد كلها عارفه الا انا الزي الأطرش في الزفه طول الفتره دي_كلهم نزلو راسهم تحت حتى خالتو سعاد وساره _قلتا ليهم بهدؤ :اطلعو خلوني براي_ملاذ:يا لين... _انفعلتا فيهم كلهم وصرختا:قلتا اطلعو خلوني براي، ولا اقول ليكم انا الطالعه_ساره وقفتني قالت:خلاص خلاص بنمرق انتي بس اهدي وما تنفعلي، معتصم ضربنا ليهو جاي في الطريق_شلتا تلفوني وانا بقول:ايي خلي يجي عندنا كلام كتير _طلعو كلهم طوالي مسكنا تلفوني بحاول اضرب لي بكري بس ما برد_اخر شي رسلتا ليهو ريكورد وانا منفقعه في البكا:بكري لازم تجي انا محتاجاك شديد يا بكري، مش مسافر أمريكا في الأسبوع الجاي اقطع لي معاك تذكره انا راجعه معاك، ما عندي شي بقعدني تاني في السودان فاهمني يا بكري نفذ البقولو ليك بسرعه عليك الله_جدعتا التلفون في السرير، وانا ببكي بحرقه، حرقة الايام الكنت مخدوعه فيها، حرقة الطعن والخيانه الجوني من اقرب الناس لي، بكيت لمن حاسه نفسي بقا ضيق _باب الغرفه فتح وكان ده معتصم الباين في ملامحو الخوف وقت شاف منظري _وقت شفتو قلتا بسخريه وانا بمسح دموعي:اهليين ب معتصم افندي، ولا اقول راجل اماني احلا صاح؟ _معتصم:ممكن نمشي البيت وهناك قولي العايزاهو لو سمحتي_لينه:هه قصدك اي بيت، بيتك انت ومرتك اماني، ولا ياتو؟ حدد لان بيوتك كترت_معتصم:لينه لو سمحتي انفعالي صرخي قولي العايزاهو بس ما هنا لو سمحتي_نزلتا من السرير وانا بلبس توبي وبقول: ومالو، نشوف السناريو الحتألفو..{#تكملة_ال40}
: ومالو، نشوف السناريو الحتألفو ولا اقول قصة الحب الجمعات بينك وبين مرتك التانيه _ما رده علي نزل، نزلتا وراهو كلهم من شافوني نزلو راسهم تحت الا خالتو مريم قعدت تعاين لي بشماته_كنت فاقده توازن من كترتا البكا بمشي والا مثبته في الحيطه بتاعة الممر_ركبتا العربيه وانا بمسح دموعي الما عايزه تقيف كلو ما اتذكر الموضوع بقيت اكل في اضافري عشان اهدا شويه وما انفعل انا ما رجعتا عشان اسمع تبريرات لانو بقا اخر همي، انارجعتا عشان الم حاجاتي الهناك _اول ما وصلنا البيت ودخلنا قالي :قبلي ما تقولي اي شي انا ما عملتا كده برضاي وصدقيني مستحيل اعاين لو وحده غيرك، لازم تعرفي انو الظروف مرات بتبقا أقوى مننا لكن يشهد الله انا ما عملتا كده بدون سبب_ضحكتا بالم وانا بقول:اها سببك شنو الخلاك تعمل كده_سكت رفض يرد_قلتا بانفعال َانا بصرخ فيهو:مالك سكتا، ولا اقول ليك السبب، انو انت ما عندك زرة ضمير وواحد مخادع وخاين ما اكتر من كده، و وقت تخون ما لقيت الا اماني، يااخ دي ياها زاتها اماني الانت كذبتا و بتعاين في عيوني وقلتا بخداع انو هي اختك، وانا زي الغبيه صدقتك_ وقت شافني منهارة جا يقرب علي رجعتا لي ورا وانا بصرخ فيهو:ما تقرب علي إياااك، كيف هنتا عليك الايام ديك كلها تكذب علي وانت بتعاين في عيوني، ما عارف بي سببك انا عشنا في حالة اكتئاب ولسه كنت بخت ليك أعذار وبقول لنفسي معليش يا لينه بكون مضغوط، ما تزيديها عليهو، وانت الوقت داك عايش احلا لحظات مع مرتك_معتصم:يا لينه لو سمح.. _لينه:ما تقول لي لينه ما تنطق اسمي بلسانك، كرهتني اليوم القابلتك فيهو ياااخ، والله ندمانه واشد الندم اني ما اخترت بكري في اليوم داك، على الاقل بحري راجل ووقت يعمل شي بعملو بالواضح ما بالدس زي الجبانين الزيك_كلامي الاخير حرقو قالي بهدؤ وهو بحاول يكتم غضب الظاهر من عيونو:لينه الزمي حدك في الكلام معاي، ما عشان سكتا ليك تزيدي في الكلام، عايزني اعمل شنو وانتي سمعتي بنفسك الدكتوره قالت تبعدي عن الانفعال، اوريك واعرض حياتك انتي التوأم في خطر يعني_لينه:كاااان توريني، على الاقل كان اتفهمتا انو الفات كلو خداع وما كان ح اسالك اصلا عن السبب ولا ح الومك، لكن ما اجي اعرف من ام بكري وهي بتقولها لي شماته واعرف ان امة محمد كلها عارفه الا انا، لكن تصدق فعلاََ كلامها صاح لو كان اخترتا بكري ما كان عانيت المعاناة دي كلها ولا اتعرضتا للقدرمن الوجع....