رواية احتواء القاسي
الفصل الاول1
بقلم سوسو تويكس
سليمان:معتصم بكرة ح تجيب بت عمك لينة من المطار_معتصم:بس انا ما.. _سليمان :لالا ماف نقاش الموضوع اتحسم ماف غيرك، واخوك بكرة شغال جامعه_معتصم:حاضر يا ابوي_ساميه:اقعد اخت ليك تتغدا يا ولدي_معتصم:تسلمي يا ست الكل بس انا ما جعان اتغديت في الشغل_وانا طالع السلم سامعهم بقولو:الولد ده عنيد لحسي رافض يتقدم خطوة ويواصل حياتو_ساميه:انت عارف من بعد موت امنيه هو رافض يتزوج تاني_ده قدر ربنا كده وبكره بلقا بت الحلال البتقدر تغير رايو، حسي انتي جهزي لي بت المرحوم دي غرفتها والله يجيب باكر_وصلتا طلوع السلم وصلتا لي غرفتي وعيني وقعت على صورة امنيه، شلتا الصوره وانا بقول:وعدي ليك في محلو ح اقعد كده لمن احصلك_انا معتصم عمري ٢٦، مهندس بترول ووضعي ممتاز، كنت متزوج من حب الطفوله وشاء القدر اتوفت بعد ٩ شهور من زواجنا، ومن الوقت داك بحاولو معاي عشان اتزوج تاني بس انا رافض، بطبعي زول قاسي وصريح جدا،عندي بيتي الخاص بس بعد موت امنيه رجعتا لي بيت العيله بطلب من امي، نحنا ٣ اولاد وبت، مجاهد وده أكبر مني متزوج بس مستقر باسرتو في قطر، وانا حتى ماجد ٢٣سنه طب خريج وأخر واحده ملاذ ٢٠ سنه في تالت جامعه،ضبتا المنبه على ٢ص عشان امشي للمطار، جا الوقت واتجهزتا لقيت ابوي منتظرني تحت ركبنا العربيه وماف زول اتكلم لحدي ما هو قال :معتصم حاول انك ما تتناقش مع لينه ما ناسي المشكله الكان عملتها قبل ٤ سنوات ومن الوقت داك بقت ما بتجي بيتنا وقت تنزل السودان_معتصم:حاضر يا ابوي_متزكر المشكله، انا وهي ما بنطبق بعض من زمان معان نادر نتلاقى لأنها عايشه في أمريكا وبتجي السودان للدراسه بس، وانا ك(معتصم) شايف تصرفاتها جت غلط، وصلنا المطار انتظرنا ربع ساعه حتى طيارتها وصلت وظهرت من بين الزحمة بت لابسه بنطلون وبلوفر اسود مع الكمر وكمامه وخاله شعرها كاشف، وجاره شنطتها، عشان كده انا ما بطيقها، ابوي عاين لي نظام:خشمك ما تفتحو...
يتبع