رواية ذئاب لا تعرف الحب الجزء الثاني2الفصل الاربعون40والحادي والاربعون41بقلم نجمه براقه
هاجر
كان الكلام في محادثتي مع بشر عن المشاعر اللي بيني وبينه قليل جداً وكمان كان ممزوج بالمشاكل لأن لا انا ولا هو اتكلمنا عن مشاعرنا غير بعد بداية المشاكل ومع كدة كان الموضوع محرج قوي ومكنتش عارفة ارد ب أية ف كررت سؤالها تاني وقالت
_ بسألك إيه ده
تحمحمت وقولت بحرج
_ إيه؟ كلام عادي
_ دة كلام عادي ده ، من امتي ، وازاي تخبي عني ، مش هو دة بشر اخوكي وعمك ازاي علاقتكم تتحول بشكل دة واحنا منعرفش
_ ملحقتش تتحول يا ماما وبعدين مانتي كنتي عارفة اني بحبه
_ بس مكنتش عارفه ان هو كمان بيحبك وان الكلام بينكم كدة
_ كلام ايه يا ماما انتي شايفة ان في حاجه عيب في الكلام مازي مانتي شايفة كلها زعل
_ ايوه واخدة بالي.. في مشكله حصلت انا معرفهاش وكمان في تحول في علاقتكم انا محسش بيه كدة يا هاجر دي اخرت الثقة اللي ادتهالك
_ يا ماما انا كنت هقولك بس معرفتش اقول ايه مكنش في حاجه محددة احكيها.. كنت هقولك علي المشكلة اللي بينا ولا علي انه طلع بيحبني
_ لا انتي تيجي كدة وتحكيلي كله مع بعضه ، اقعدي
مسكت ايدي قعدتني قدامها وقالت
_ احكي
حكتلها اللي حصل من وقت ما ضربني بالقلم لغيت مشكلته بسبب اسراء ف قالت
_ كل ده حصل وانا معرفش
_ ما انا قولتلك مكنتش عارفه اقولك ايه بس كنت هقولك لما ارتاح
_ وكنتي هترتاح ازاي ، بعد ما تصتلحوا وتحبوا في بعض من ورانا
_ لا مش باين ان ده هيحصل احنا من ساعتها واحنا بنبعد وبس
_ وبتبعدوا ليه ان شاءلله
_ زي ما قولتلك وزاد عليه الخطبة اللي ادهاني ف اني لازم انسي اي زعل وارضيه هو
_ يعني ايه
حكتلها كلامه اللي قاله ف قالت
_ بعيد عن اني زعلانه منك بس هو عنده حق ، لو هتفضلي بالتفاهه دي انسحبي احسن
#بيجاد ❤❤❤❤
بعد ما اتكلمت مع ماما في رغبتي اننا نكتب الكتاب وطلبت منها تتكلم مع بابا جت بعدين تقولي
_ ابوك عاوزك
_ في حاجه؟
_ عاوز يتكلم معاك في موضوع كتب الكتاب
_ معترض ولا ايه
_ لا عايز يتكلم معاكي عادي تعاله شوفه
روحت وراها لقيت بابا في الصالون قعدت عنده وقولت
_ نعم يا بابا
_ نعم الله عليك ياولد المخوته
_ لية بس يا بابا
_ مش عارف ليه ، مش هي دي اللي زعلت لما قولتلك تجوزها وكسفتنا عندهم لما روحنا ، فجأة كدة عايز تكتب كتاب مرة واحدة
_ مكنش قصدي اكسفكم انا تفاجأت بشكلها مش أكتر وبعدين حضرتك شايف انها منتقبة ف ازاي هخطبها ونتكلم وهي بنقاب دة
_ ليكون ناوي تقل ادبك
_ لا طبعاً حضرتك مش عارفني يعني ، بس مش هكون مرتاح وهحس اني بعمل حاجه غلط
بصوا لبعض هو وماما وهمسلها بحاجة وكأنه بيستعيد ذكرياته معاها وبعدين رجع بصلي وقال
_ لا لو هتحس انك بتغلط ف لازم تكتب علشان متحسش الاحساس ده وانت بتبربشلها في عينيك
_ هههههههه ابربش ايه يابابا انا وش بربشه بردو
_ لا انا اللي وش بربشه ومقدرتش اصبر لما شوفت البت
قولت باحراج
_ حضرتك فاهم غلط مفيش الكلام ده
_ طيب ياخوي.. روح بس انت الاول صلح اللي هببته المرة اللي فاتت وخد معاد وبعدين نبقي نروح
_ حاضر يابابا
بعد ما نهينا الكلام سيبتهم وروحت علي طول وفي الطريق اتصلت بخالي قولتله اني جاي ولما وصلت هو فتحلي وبعد دقايق نده عليها ساعتها حسيت قلبي بينبض بسرعه وعندي لهفة شديدة لأني اشوفها تاني كنت متخيل انها هتخرج من غير النقاب وان الامر اصبح عادي مش محتاج انها تداري وشها تاني بس ده محصلش وطلعت قدامي بشكلها المتعود عليه وبعد ما قعدت استنيت خالي يقوم شويه زي ما بيعمل كل مرة ولكن مقامش والحقيقة مكنتش طايقة لحظة واحدة
# فاطمة
طلبت من بابا قبل ما يجي بيجاد انه ميسبناش لوحدنا وطول الوقت كان قاعد بيرسم ابتسامه ظاهرية علي وشه ولأنه مبيعرفش يبين عكس اللي جواه كان باين قوي انها غصب عنه وانا مش طايق وجود بابا ف قال بابا بهدؤ قاصد استفزازه
_ منور بيتكم ياحبيبي
_ههههه حبيبي منور بيك ، ازاي صحتك ، احسن
_ الحمدلله بقيت احسن لما شوفتك
_ اه... كويس قوي
كمل موجه كلامه ليه بوش عابس
_ وانتي عامله ايه ، شكلك تمام
_ الحمدلله ههههههه وانت
_ انا تمام.. بس بتضحكي ليه
_ مفيش .. هقوم اعمل شاي
_ لا شارب انا بس كنت جاي علشان اتكلم معاكم في موضوع وهمشي
قال بابا
_ طبعاً ياحبيبي اتفضل
_ انا وبابا وماما كنا بنقول ان يعني بدال ما نعمل خطوبة نخليها كتب كتاب علي طول و....
قال بمقاطعة
_ مفيش جواز دلوقتي
_ لا انا بقول كتب كتاب لسة شويه علي الجواز.. في ايه حضرتك اتخضيت ليه
_ متخضتش بس بقول نستني شويه لغيت ما ربنا يأذن
مفهمتش مال بابا وليه اتفزع لما حس ان ممكن يكون في جواز علي طول ولما خلص بيجاد كلامه وقال انه هيجي هو وباباه يتفقوا علي التفاصيل ومشي قعدت جنبه وقولت
_ في حاجه يا بابا
_ حاجة إيه
_ اتخضيت لية لما حسيت ان ممكن يحصل جواز علي طول
_ وانا ايه يخضني ، انا بس مش عاوزك تجوزي بدري كده وتسبيني عاوزك تفضلي معايا شويه
_ بس كده
_ ايوه
_ دة انا قولت في حاجة كبيرة حصلت.. بس متخافش انا لسه قاعدة معاك مفيش جواز قبل ما اخلص الكلية
ابتسم ابتسامة ظاهرية وقال
_ احسن
_ في ايه يابابا شغلتني.. انت كويس
_ كويس.. بس انا قولتلك عايزك تفضلي معايا شوية
_ يعني مفيش حاجه مخبيها عني
_ لا ياحبيبتي مفيش اي حاجة
#جويرية
بعد ما قعدت شوية مع بابا وماما قدام التلفزيون رجعت اوضتي ولأني مش متعلقة قوي بالتليفون ف ما مسكتهوش غير بعد ساعتين ويمكن اكتر ولما فتحته لقيت رساله من بدر ، استغربت هي اية الحاجه المهم اللي خلته يشيل البلوك ويبعتلي وهو زعلان مني قوي كدة ولما فتحت لقيت رساله بصور متصورة لكتابة بخط الايد والمفاجأة اللي خلتني افزع من مكاني انها كانت بتتكلم عن اللي حصل في عيد ميلادي.. ريان
ايوة هو ده خطه ودي كتابته ، يعني القصة مع بدر دلوقتي وباعتلي دي بذات علشان يثبتلي اني صح خدعته وان كان في بيني وبينه حاجه ف بعتله وقولت
_ انا قولتلك ان مفيش حاجه حصلت بيني وبينه انت ليه مش مصدق
جاني ردة بعد دقايق يقولي
_ مكنش في حاجه صريحة بس كان في مشاعر اهو
_ بس انا مقولتش ومش مسؤؤلة عن اللي هو فهمه
_ بردو هتقاوحي
_ انا مش بقاوح.. مفيش حاجه حصلت اكتر من الكلام عن القصة وحتي لو هو حس بأني معجبه بيه ف دي مش مشكلتي
_ اوكي انا كنت باعتلك قولت يمكن يهمك تشوفي القصة وكنت هجبهالك بس طالما الموضوع كده ف خلاص
بقيت ساكته ومردتش يمكن لساعة مرة في التردد والقلق والخوف من اني اقوله عاوزاها.
انا فعلاً عاوزة القصة وكل اللي اتقال صح بس هقول كده لبدر ازاي هثبت علي نفسي حاجه متخطتش حدود الاحساس
_ عاوزاها ولا ارجعها ل إسراء
دي كانت رسالته وصلتني في عز قلقي وترددي ولما حسيت انه مش قاصد يعمل مشكلة بكلامه ده قولت
_ ماشي
_ ماشي إيه
_ اشوف كاتب ايه عني.. عندي فضول بس
_ فضول اه
_ ايوه فضول
_ طيب شوفي هتيجي تاخديها ازاي ولما تخلصيها رجعهالي علشان اديها لصحبتها
_ هو انت عاوز تدهاني ليه ، خلاص مش زعلان؟
_ ولا تهميني ، انا قولتلك همسحك من جوايا باستيكة وعاوز ادهالك عشان تعرفي ان الموضوع مبقاش يفرق معايا شوفي هتاخديها ازاي
_ طيب انا هشوف لو هقدر اطلع وبعدين هكلمك
قفلت معاه وطلعت اشوف لو موجودين في المكان وللاسف لقيتهم ف رجعت وبعتله تاني وقولت
_ مش هقدر اطلع
حسيت بسخرية في رده وهو بيقول
_ابوكي موجود طبعاً ومش هتقدري تطلعي قدامه
مردتش ف قال
_ ساهله خلي صحبتك اللي محدش بيقولها رايحة فين وجاية منين تيجي السوبر ماركت تاخدها او تيجي البيت حتي
_ طيب
قفلت معاه وكلمت مليكة وقولتلها قالتلي هتكلمه وتشوف هتقابله فين
#مليكة
بعد ما قفلت معاها اتصلت ب بدر وطلبت منه نتقابل علشان اخدها منه ف قالي انه رايح السوبر ماركت دلوقتي واقدر اقابله هناك وبعد ما قفلت جهزت وقبل ما اطلع لقيت ماما في وشي بتقولي
_ علي فين
_ رايحة ل.. اه رايحة ل ابتسام صحبتي الدراسة قربت بقا وبنظبط مع بعض
قالت بشك
_ ابتسام بردو؟
_ اه ابتسام بردو
_ ابتسام ولا جويرية يا مليكة
_ طيب واقسم بالله ما رايحة لجويرية شوفتي القسم دة واقسم بالله ما ريحالها
_ اممم ماشي روحي بس متتأخريش خالتك هتيجي وهتجيب أيسل تقعد معانا اسبوع قبل الدراسة
_ هي الولية دي من كتر عيالها امال لو ربنا رزقها بزفت تاني غير ايسل كانت خلتها تعيش معانا ، اختك كسلانه وبتحب تريح الجمجمة يا ماما
_ انتي بنت قليلة الادب ايسل بتيجي لخالتها مش ليكي
_ طيب يا خالتها ربنا يهني سعيد بسعيدة
قولت كده ومشيت وانا مش فاهمه ايه كمية حب ماما لايسل دي دي بتحبها ولا كأنها بنتها
#بدر
بقيت مستنيها قدام السوبر ماركت لغيت ما زهقت وكنت هدخل ف لقيتها جاية ب اوبر وبتنزل منه وبتجيني جري تقولي
_ سوري اتأخرت عليك
_ كنت داخل
_ انا اسفة زحمة قوي.. إيه الاخبار
_ تمام
كملت وانا بديها الاجندة
_ خدي
مسكتها مني وقالت بإبتسامة
_ ماشي.. ومتشكرة علي تفهمك
_ انا لا متفهم ولا نيله ، قوليلها بس اني كان عندي حق في اللي قولته
_ انت معندكش حق في اي حاجة ، انت سلبي علي فكره
_ افندم
_ سوري
_ لا افهم سلبي ليه ان شاءلله
_ اقولك ومتزعلش
_ قولي
_ انت كل حاجة واضحة قدامك من الاول بس حابب تعيش دور الضحية ، بقا يا راجل في انسان طبيعي يحب واحده زي جويرية وهي ساكته ومعقدة حبيتها ليه نفسي افهم
_ وده ايه ده بقا ، ده كره ده ولا ايه امال عاملة صحبتها وبتحبيها وبتساعديها ليه ولا كنتي مخططة ان كل دة يحصل وتوقعيها في مشكلة او يمكن تتقتل
_ اييييه الافوره دي.. انا بتكلم عليك انت ك راجل ايه يخلي راجل يحب ويفكر يتجوز واحده صنم هتعمل بيها ايه... انت كنت حشري ونفسك تستكشف مش اكتر خد بالك ، متعش الدور علية
_ لا لا انتي مجنونه ، انا مسمحلكش تتكلمي معايا بالطريقة دي
_ تسمح ولا متسمحش بقا ، باي انا ماشية
قالتها ومشيت خطوات ف قولت
_ لحظة
قالت بعد ما رجعت تبصلي
_ نعم
_ مين كان سبب الضجة اللي حصلت علي رواية ريان
_ ارادة ربنا
_ ونعم بالله بس ارادة ربنا حصلت بمعجزة يعني ولا بعت الملايكة تنفذها
قالت بغرور مصطنع
_ ايوه انا الملاك
_ واضح قووي... طيب وانتي هتستفيدي ايه من اللي بتعملية دة
رجعت عندي وقالت
_ اممم مع انك قليت ذوقك علية بس هقولك ، مش هستفيد بأي حاجه ، بس انا حاسه إني لو استنيت شويه وفهمت كان المشكلة اتحلت من غير كل اللي حصل ده.. انا السبب في كل اللي حصله في اخر فترة ، سؤاء في الضرب اللي اتضربه او حرق القصص بتاعته ، ودي اقل حاجة اعملها عشانه
_ وانتي مقتنعه انه مغلطش
_ طبعاً غلط بس غلطه انه مشي في سكة المخدرات وبس انما اللي حصل بعد كده الكل مشارك فيه واولهم اهلها واهلك
_ ولما وافقت عليه علشان تعرف اخباره كان إيه
_ متصدقش نفسك قوي كده وحياة خالتك ، هي كتير قالتلك مش هتجوز انت بقا اللي حبيت تلعلع عينيها بقصصه علشان تعمل نفسك المنقذ اللي انتشالها من الصياع ، وهي ياروحي لقيتها فرصة تفهم اللي مش فهماه ف وافقت
_ يااااااسلام .. انتي بتحكي ومش فاهمة اي حاجة ، الا انا بتكلم مع مين مانتي طبيعي هتدافعي عنها مانتي زيها.. انتي ازاي محدش بيقولك رايحه فين وجاية منين
_ افندم...
_ افندم انتي ، غلطان انا يعني
قالت بتحذير وهي بترفع صوباعها في وشي
_ لا عندك!!! انا مش ماشية علي حل شعري ، لعلمك انا مش بخرج غير علشان حاجة مهمة ومشاويري لبنات وبس
_ ما اديكي خرجتي علشان راجل اهو
_ ايوه فعلاً وعشان تعرف اني مش ساهله وأني مش متعودة اخرج اقابل شباب لغير الضرورة القسوة والشغل ، ف انا قولت لماما اني رايحه اقابل ابتسام صحبتي ، عليك انت
_ انا ابتسام!!!
_ ايووووة انا قولتلها عليك ابتسام وهتلبخ هلبخ
قالت كدة ومشيت وانا ورجعت السوبر ماركت وطول ما انا هناك وانا في صراع بيني وبين نفسي ، هل ينفع ادور عليه ، هل اللي حصل يعتبر خيانه منه ليه ، هل هقدر انسا اللي حصل وانا بتكلم معاه ، هل هل هل ، ومبقتش عارف ايه الصح وايه اللي مفروض عليه اعمله ، ساعات عدت وانا مش قادر اخد قراري ف روحت ل حسام وحكيتله قالي
_ غلطه انه حاول يتكلم معاها وهي خطيبتك بس ممكن نقول عمل كده علشان خايف يخسرك
_ يعني رأيك ينفع ادور عليه بعد اللي حصل ، ينفع نرجع صحاب
_ حتي لو دورت عليه ولقيته مفتكرش انكم هترجعوا صحاب دائما هيكون في مشكلة ما بينكم بسبب جويرية وبسبب ضربك ليه ، يعني انت لو نسيت ان بيحب خطيبتك وزي ما بتقول هي كمان حباه ف هو مش هينسي الضرب اللي اتضربه علي ايدك
_ يعني مدورش
_ متدورش... ريح نفسك يعني هيفيدك بأية لو رجعتوا زي الاول غير القلق.. والثقة كمان عمرها ما هترجع فكك
كلامه لخبطني اكتر ومريحنيش ف رجعت البيت لقيت زيد في الصالون قعدت جنبه وانا لسة دماغي مشغوله بالموضوع دة ف قالي بعد ما طالت قعدتي من غير كلام
_ مالك
_ مفيش
_ شكلك بتفكر في حاجة ، في ايه قول
_...
_ جويرية؟
هزيت دماغي بنفي ف قال
_ امال مين
_ ريان
_ ماله
حكتله اللي حصل ف قال
_ طيب انت عايز ايه
_ مش عارف ، ادور عليه ولا ميستاهلش ، محتار
_ لا انت مش محتار ، انت عايز تدور عليه والا اصلا مكنتش احترت
_ يعني ايه
_ يعني انت عرفت انه مكنش في حسباته انه يخونك وانا بيحبك وده خلاك تحس انك تسرعت في اللي عملته ، وفي نفس الوقت شايف ان الخيانه تمت حتي لو خيانه بالمشاعر بس .. وكمان مضايقك انها محبتكش انت وفضلت مشغوله بصاحبك حتي بعد اللي عمله فيها ومش بس كده ، كمان العادات اللي انت شايفها تمنع جوازهم ليها دور
_ زيد مش ناقصة لخبطة هي اتكلم كلام افهمه
_ مش بلخبطك انا بقولك علي اللي انت حاسه ، انا عاوزك تقعد مع نفسك وتفكر في صداقتك معاه وفي تربيته ، وفي الظروف اللي حصلتله لو كل ده هيخليك تهدي شوية وتنسي ان كان في خيانه هتقدر تحدد انت المفروض تعمل ايه
_...
_ لسة متلخبط
_ انت قولتلها الخيانه حصلت حتي لو من غير قصد.. وانا عارف ريان وعارف ظروفه وتربيته عارف كل ده وده اللي مخليني مشغول عليه وبصراحة خايف يكون مات وفي نفس الوقت اللي حصل مخليني مش قادر اصفي وانوي بشكل كامل اني ادور عليه.. حاسس ان في سد اتبنا بيني وبينه ، فاهمني
_ فاهمك.. عاوز رأيي؟
_ ياريت
_ انتوا طبعاً متعتبتوش صح
_ لا
_ هي دي المشكله ، انت مش هترتاح غير لو قابلته وعاتبته وقالك اللي عنده كله هو بس اللي هيقدر يريحك مش حد تاني.. ف انا من رايي انك تدور لسببين السبب الاول انك تحس انك رضيت ضميرك من ناحيته والسبب التاني علشان تسمع منه وتقوله الكلام اللي جواك وقتها بس هتكون راضي سؤاء كملت في صداقتكم او كل واحد راح في طريق
#جويرية
استنيتها وقت كبير لغيت ما جت وجابت القصة معاها ف خطفتها منها وقولت وانا بفتحها
_ هي صح
_ اه هي
مررت عيني علي الاسطر ومن اول لحظة ودموعي بقت تسيل وتشق طريقها علي خدي لما شوفت اول الكلام اللي بيحكي فيه عن الوقت اللي قبل ما نتكلم واستعير منه القصص ، كان بيوصف اللي انا حسيته واللي هو مكنش قادر يقوله في الوقت ده
_ إيه يا جويرية
قفلت الاجندة وقولت وانا بمسح دموعي
_ مفيش.. انا متشكرة قوي يا مليكة مش عارفة اشكرك ازاي
_ علي ايه حبيبتي انا معملتش حاجة
_ طيب ممكن طلب
_ اكيد حبيبتي
_ عاوزة ريان يرجع
نزلت دموعي تاني وانا بكمل واقول
_ انا عارفة ان احتمال كبير يكون ميت بس من فضلك حاولي تلاقيه
_ حاضر هحاول.. بس ليه اظن مش هيكون بينكم مستقبل مع بعض
_ عارفة انا بس عاوزة اطمن انه بخير حتي لو مش هشوفه تاني.. لقية ونبي يا مليكة
_ والله هحاول هعمل كل اللي اقدر عليه
_ تسلميلي
قالت وهي بتحضني
_ الله يسلمك ياقلبي.. متزعليش ان شاءلله هنلاقية
#خلود
طول اليوم قاعد في الصالون وانا مش قادره اطلع ولا عاوزة اطلع قدامه واستنيته يمشي علشان اروح العيادة بس مطلعش وكأنه قاصدني ولكن لما حسيت ان الوقت بيروح مني وهتأخر ويمكن دي تكون حجة علشان يضايقني بيها طلعت وعملت اني مش شيفاه ومشيت علي طول علي العيادة وبعد مسافة إسلام طلعلي مش عارف منين وقف جمبي بالموتسيكل وقالي وهو بينزل عنه
_ ازيك يا فنانة
قولت بزهق
_ ايه هو دة ، انت بتراقبني ولا ايه
_ ايوه انا المرة دي جايلك قاصد
_ اهلاً ، انت كمان عارف ساكنه فين
_ ايوه
_...
_ متفهمنيش غلط انا كنت معدي بالصدفة وشوفتك داخلة عمارة ف عرفت
_ طيب وعاوز إيه
_ عايز اعرف حظرتيني ليه
_ علشان اسلوبك في التعليقات والفيديو اللي نشرته شكلي ايه قدام الناس لما انت تتصرف معايا كده
_ حقك عليه ياست البنات انا عملت كده من حبي فيكي مكنتش أبداً احب ازعلك
_ مينفعش يا استاذ إسلام ، انت اكيد فاهم وميرضيكش الناس تتكلم عليه
_ حقك طبعاً... انا اسف يا فنانة اخر مره
_ ولا يهمك خلاص
_ طيب طلب وحيات اغلي حاجة عندك ما ترفضية
_ هو إيه
_ تشيلي البلوك ومتزعليش مني
_ حاضر هشيل البلوك
_ ربنا يكرمك ياست البنات والله والله انا بحبك
_ متشكرة يا إسلام
_ علي ايه انا مش بجاملك انا فعلاً بحبك
ابتسمت بمجاملة وقولت
_ متشكرة.. همشي علشان اتاخرت
هميت اني امشي ف قال
_ دقيقة بس يا فنانة
_ نعم
_ انتي بتشتغلي ايه
_ بتسأل ليه
_ سؤال عادي
_ سكرتيره في عيادة
_ حلو ولو ان تعب عليكي بس انتي قدها... خلي بالك من نفسك ولو الدكتور ضايقك قوليلي وانا اتاويه
_ ههههههه تتاوية ، ماشي يا إسلام متشكرة قوي.. مع السلامه
قولت كده ومشيت وفي طريقي شيلت عنه البلوك
وبعد ما وصلت شغلت التليفزيون وقلبت في القنوات لغيت ما لقيت العشق الممنوع بيبدء ف سيبته وبقيت اسمعه وانا بستقبل الاتصالات وارتب المواعيد وبعد وقت وانا قاعدة ومركزة في المسلسل جه زيد فجأة وبقا يبصلي مره وللمسلسل مره وبعدين مسك الريموت غير القناة وقال
_ بتحبي في ايه نفسي افهم
_ عادي
_ لا مش عادي ان بنت تحب القرف ده ، استنضفي الحاجة اللي تحبيها
ركزت نظري عليه وانا اول مره اشوف ان عنده حق وقولت
_ تصدق عندك حق انا فعلاً مبستنضفش
_ اممم ماشي
قولت وانا بقوم
_ عاوز قهوة؟
_ اه
_ حاضر
دخلت المطبخ عملت القهوة ورجعت لقيته قاعد علي الأنترية اللي في مكتبي وسارح وكأن في حاجة شغلاه ف تجاهلت ده وحطيت قدامه القهوة ورجعت قعدت مكاني فتحت التليفون الهي نفسي بيه علشان مركزش معاه ف قال وكأنه بيدور علي كلام يقوله
_ كام جلسة النهاردة
_ سبعة
_ كتير الغي اتنين
_ ليه
_ هقعد سبع ساعات اسمع ، كتير قوي
_ يعني هي دي اول مره
_ مليش نفس النهاردة
_ حاضر
اتنهد وقال بتردد
_ باقي قد ايه علي اول جلسة
_ ساعة الا ربع
_ تمام..
سكت شوية وبعدين قال بتردد
_ طيب انا مخنوق و...
_ ايوووه؟
_ معرفش عندك ايه نتسلي فيه
_ عاوزني انا اسليك
_ بقول نتسلي مش تسليني
_ اوكي.. افتح البلوتوث
_ هتبعتي إيه
_ لعبة بتتلعب بالبلوتوث
_ لا مليش نفس شوفي حاجة تانية
_ طيب اعمل ايه يعني
_ معرفش شوفي
طالت نظرتي ليه بتعجب ف قال
_ إيه مالك
_ اول مره تطلب مني حاجة زي دي
_ عادي.. عندك ولا لا حاجة
_ مش عارفه بفكر اهو
كملت بعد تفكير
_ لقيتها تعاله العبك لعبة
_ لعبة ايه
_ الارقام
_ ازاي
_ هقولك... خد رقم ليك ونفس الرقم لصديقك
_ لا لا لا بايخة شوفي حاجة تانية
_ لعبة ايه تاني انا مش عارفه حاجة دلوقتي
قال بتردد
_ فاكرة
_ فاكرة إيه
_ لعبة الورد
_ إيه لعب الورد دي
سكت شوية وجاهد علشان يقدر يقولها
_ اللعبة اللي... اللي لعبناها قبل كده انا وانتي لما....
_ لما إيه ... اه.. قصدك الوان الورد
أومأ ايجاباً وعم الصمت بيني وبينه مكنتش فاهمه في ايه ولا يقصد ايه بطلبه ده ومع اني كنت حابه افهم في ايه بس قولت بتهرب
_ مليش نفس ليها... القهوة بتاعتي بردت هعمل غيرها
قولتها ودخلت المطبخ علشان اتهرب من اي كلام ممكن يتقال عن اللي حصل
#زيد
مش عارف ازاي بفكر كدة ، بس انا اسيل وحشتني قوي وبقيت بحن للوقت اللي كنا بنتكلم فية واذواقنا المتشابهه ورقتها في الكلام وهدؤئها.
ومش عارف مالي مش مظبط ولا عارف انا عايز إيه بقيت زي المراهق الغير متزن بيعمل حاجات ويقول كلام ممكن يتفهم غلط زي طلبي منها انها تلعب معايا وتخرجني من حالة الملل والخنقة اللي عندي رغم كل اللي بيحصل بيني وبينها من خناق وخلافات ، وزي رغبتي في اني اروح وراها واحاول افهم هي ليه بتتهرب مني بشك دة
_ هاي دكتور زيد
قالتهالي سالي اثناء دخولها فوقتني من شرودي ف قومت استقبلتها وقولت
_ اهلا وسهلا نورتي ، اتفضلي
قالت وهي بتمرر عينها في المكان
_ مفيش حد هنا ولا ايه
_ لا في السكرتيـ.... في خلود السكرتيرة الجديدة
كملت وانا بتجه بعيني ناحية المطبخ
_ هي في المطبخ
استقرت عيني علي هناك في انتظار ظهورها متجاهل كلام سالي ولما اتأخرت استاذنت وروحت هناك لقيتها بتغسل وشها ولما خلصت وبصتلي شوفت احمرار عينيها كان باين انها بتعيط قربت منها وقلت
_ مالك.. انتي بتعيطي
قالت وهي بتفرك عينيها عشان تداريهم مني
_ لا عيني اطرفت بس
_ بقولك مالك
مردتش ف مسكت ايدها نزلتها وقولت
_ ايه مخليكي تعيطي
تراجعت خطوة وقالت
_ مفيش.. كنت سامعة صوت حد جه اتفضل مينفعش نسيبه
_ بسألك مالك ردي وملكيش دعوة باللي بره
حدت نظرتها وقالت
_ وانا بقولك مفيش... راجعه المكتب
مشيت خطوات في مسكت ايدها شديتها ليه ف ارتطمت بجسمي وسندت بأديها علي اكتافي وبقيت بالقرب اللي خلاني حاسس بحرارة انفاسها بتلامسني وسامع ضربات قلبها ولحظات مرة وهي بين ايدية ساكنه وعينها في عيني قبل ما تفوق وتزقتني عنها وتقول بربكة
_ اوعي كدة.. لو الحركة دي اتكررت انا مش جايه هنا تاني
قالتها ورجعت المكتب وانا وقفت مكاني شارد لثواني ولما فوقت لاحظت ابتسامتي اللي بدات تتلاشا لما خدت بالي من سببها وهو نفس السبب اللي خلاها ترتبك وتمشي بخطوات مبعثرة خلاتها كانت هتخبط في الحيط
#خلود
رجعت المكتب وانا حاسه بالارتباك والتوتر الشديد بسبب القرب اللي حصل ونظراته ليه واحاطت جسمي بأيديه بشيء من التملك.
خرجت وانا متوترة وبحاول اظبط نفسي واستعيد قوتي قدامه من تاني ولما وصلت لقيت سالي قاعدة علي الكرسي وحاطة رجل علي رجل وركبها باينين بقيت واقفة وبصالها عينيه بتتفحص شكلها لغيت ما لقيت زيد جمبي وبيقولي
_ في ايه
_ هه لا مفيش
قولتها وقعدت علي المكتب وهو اتقدم ناحيتها وقال بإبتسامة
_ نورتي مدام سالي
_ ميرسي يا دكتور وسوري اني جايه بدري بس حسيت اني متوتره قوي النهاردة وحاسة بدوشة في دماغي مش مخلياني قادرة انام وكنت محتاجة اتكلم مع حضرتك
_ الف سلامة عليكي وتنوري في اي وقت بس الأول نشرب عصير وبعدين ندخل
بصلي وقال ببرود
_ اتنين عصير يا خلود
قولت وانا بحاول اخفي غيظي
_ اه ، حاضر حالا
طلعت من ورا المكتب ودخلت صبيت العصير ورجعت وهنا كانت الصدمة اللي وقفتني مكاني عينيه جاحظة لما لقيته واقف ورا الكرسي بتاعها بيعملها تدليك لراسها وهي مغمضة ومستجمه تماماً وهو لما شافني لاحت ابتسامة خفيفة علي شفايفه وحركة دماغه بيطلب مني احط العصير قدامها واتقدمت وانا حاسه دمي بيغلي ، وبعيد اي حاجه بس المنظر ده ميصحش ولازم يتوقف هنا وناويت انهيه واللي يحصل يحصل ف قربت منها حطيت العصير علي االتربيزة ومسكت كباية منهم وجيت جمبها وقولت اتفضلي العصير همسلي علشان اسكت وهي فتحت عينيها ومدت ايدها وفي حركة سريعة وقعت عليها العصير ف قامت في لمح البصر وقالت بعصبية
_ انتي عمية
وقفت ساكته مردتش ف قال
_ متأسف جداً ، هاتي المناديل يا خلود
قالت بانفعال
_ دي غبية محدش علمها ازاي تتصرف مع الناس
وجهت نظري ليه برفعة حاجب ف قال
_ مفيش داعي للكلام ده انا اعتذرت لحضرتك ، اتفضلي
سحبت شنطتها وقالت بعصبية
_ مش متفضلة انا مش جايه المكان ده تاني مدام الاشكال دي فيه
قالت كده ومشيت وهو محاولش يوقفها ورجع يبصلي ويقول
_ كنتي قصداها
_ لا هي اللي مش عارفه تمسك الكباية
_ خلود!!
_ نعم
_ كنتي قصداها
_ اه كنت قصداها علشان تعرف بعد كده تتصرف ازاي إيه قلت الادب دي
_ انتي هتعرفي المرضي بتوعي ازاي يتصرفوا.. انتي ازاي تعملي حاجة زي دي
_ انا بعمل اللي مفروض انت تعمله ازاي بتدخل الاشكال دي عندك ولا جاية علي مزاجك وعاوز تدلكلها دماغها
قال ببرود
_ وانتي مالك ، بتحاسبيني علي ايه ، ما ادلكلها دماغها وتنامي علي الشزلونج براحتها
قرب مني خطوة وقال
_ ايه مضايقك منها قوي كدة
انتقل بنظراته بين عينيه وقال
_ علشان احلي منك يعني
قولت بربكة
_ ولا احلي ولا شافته وانا مش متضايقة منها ولا تفرقلي
_ متضايقة قوي باين عليكي ، هو انتي بتغيري ولا ايه
قولت بربكة وانا ببعثر نظراتي
_اغير!!! انا اغير عليك
قال بإبتسامة
_ انا قصدي بتغيري منها
_ لا.. اغير منها ليه دي قد امي
_ قد امك ايه دي عندها 28 سنه بس ، دي شكلها أصغر منك
حسيت بنار بتغلي جوايا قدام بروده وهو بيكمل ويقول
_ وحلوة ودمها خفيف وشيك
_ وشيك برصيد ولا بدون رصيد ، ذوقك بلدي.. و وحشة علي فكرة مفهاش ريحة الانوثة بعرقوبها الناشفة ده ابقي استنضف
قال ببرود
_ انتي اللي منفسنه منها ، هي كده البنات بتغير من اللي احلي منها
_ ولا احلي ولا شافته ، انا الحمدلله عاجبه نفسي وبشهادة الكل جميلة ودمي خفيف مش محتاجه رايك في حاجة.. ادينا عرفنا ذوقك
_ الكل بيخدوعكي انتي مش حلوة ولا شوفتيه
_ حلوة
_ مش حلوة
_ ماشي ، رايك ميهمنيش انا عاجبة نفسي
قال بإبتسامة
_ إيه الحلو فيكي هاتيلي حاجة واحدة
_ يعني قصدك انا وحشه
_ عادية
_ اها.. بردو رايك ميفرقش
قولت كده ومشيت من جمبة قعدت علي المكتب وهو فضل مكانه عينه عليه وابتسامه خفيفه علي شفايفة من كتر غيظي مفهمتش غير انه قاصد يستفزني بيها
#زيد
بعد ما استفزيتها ورجعت المكتب فتحت الكاميرات وشوفتها وهي متعصبة وبتمسك التليفون وتفتح الكاميرا تبص لشكلها وتعدل شعرها وبعدين بتلمس وشها بأديها كان باين عليها انا بتشوف اذا حلوة ولا وحشة زي ما انا قولتلها لكن الحقيقه هي حلوة ورقيقة ، شعرها لوحده حكاية وشفايفها حكاية تانية عيبها بس القرف اللي بتعمله علي النت
#عاصم
صحيت متأخر ولما نزلت لقيت ريان واقف عند البوابة بلبس الامن روحت عنده وقولت
_ إيه ده
_ إيه
_ لسة بدري علشان تشتغل
_ هقعد لامتي من غير شغل
_ لا مش لايق عليك.. انت دلوقتي كاتب الناس بتسأل عنك واكيد كسبت كتير ما ترجع او كلم دار النشر وعرفهم
_ مش عايز
_ ليه ما انت تقريباً حققت حلمك انت مش قولتلي كان حلمك انك تتعرف وتنجح اديك نجحت واتعرفت
_ نجاح متأخر
_ بس اهو جه ، حرام عليك تضيع فرصة زي دي انت اتعرفت يعني مجرد ما تقول ان نزلك قصة جديدة هتلاقي الناس كلها بتجري عليك
_ بجد مش مهم مبقتش عاوز
_ ده بدل ما تفرح ان ربنا عوضك
_ مش هقدر يا عاصم انا مرتاح كدة ، ولا انت زهقت مني وعاوزني امشي
_ لا طبعاً انا مبسوط بوجودك معانا بس يعني...
_ مبسش وانا كمان مبسوط هنا ، ومبسوط ان ليه صحاب زيك
قولت بإبتسامة
_ وانا ، انت عارف اني مليش صحاب انت اول صاحب ليه
_ طيب ليه ملكش صحاب
_ مليش في رغي الصحاب
تلاشت ابتسامته وهو بيقول
_ احسن، الحياة بلا صديق لا بأس بها
_ علي كده مكنش ليك صحاب
_ كان ليه
_ مكنوش تمام ولا ايه
_ حتي اللي كانوا تمام وجودهم في حياتي كان نقمة كبيرة
_ عملوا إيه
_ عملوا اللي عملوه بقا
اتنهد وقال
_ عندك فيس بوك
_ عندي
_ طيب ممكن ابحث عن حاجة
_ اه طبعاً اتفضل
ادتله التليفون بحث عن حاجة وبعدين بقا باصص لشاشة ومسهم ف قولت وانا ببص معاه
_ في ايه
_ صاحبي
بصيت للأسم لقيت اسمه بدر عبيدة العربي ف قولت
_ طيب ما تكلمه
_ لا
_ ليه مش بتقول صاحبك
قال بتلبد
_ اه
بصلي وقال
_ وهو اللي عمل فيه اللي انت شوفته لما شوفتني اول مره
قولت بصدمة
_ هو اللي ضربك
_ اه
_ وبتقول صاحبك
_ اه
_ بعد اللي عمله
_ اه
_ لييه
_ علشان انا اللي خونته
بعدت عنه وقولت
_ خنته يعني اية
_....
_ سكت ليه؟ يعني ايه خونته
_ حطيت عيني علي خطيبته .. دخلت عندها.. وكنت هموتها.. وجرحتها في دراعها.. وكنت هعتدي عليها.. بيقولوا انا مشوفتش ههههه
تلاشت ابتسامته وهو بيكمل بحزن
_ مش فاكر حاجه من ده كله غير اني حبيتها من زمان من قبل ما هو يفكر فيها بسنين ، الباقي ده انا مش فاكره
_ انا مش فاهم حاجه.. ايه اللي انت بتقوله ده
#بشر
رجعت البيت لقيت عمي بدر وعمي شبل عندنا ودي من النوادر قليل قوي لما بتحصل سلمت عليهم وبعد ما قعدت كملوا كلامهم ف ان بيجاد هيكتب كتابه علي بنت خاله باركت ليه ف قال ابوي شد حيلك علشان نجوزكم مع بعض
قولت بسخرية بعد ما افتكرت اللي عمله عمي
_ ههههه تاني يابوي.. علشان تفسخولي خطوبتي من غير ما تسألوني زي المرة اللي فاتت
الفصل الحادي والاربعون 41
بشر
كلامي اثار غضب ابويا وهم انه يتكلم ويفرغ غضبه فيه زي عادته مؤخراً ولكن عمه بدر وقفه برفع ايده وقال
_ خلاص يا عبيدة مفيش حاجة
كمل موجه كلامه ليه
_ تقصد ايه يا بشر؟ ، انت زعلان علشان لغيت خطوبتك من اخت اللي اعتدي علي حرمة بيتك ولا مش معتبر جويرية تقربلك
_ انا مقولتش حاجه ياعمي انا برد علي كلام ابوي وبس
قال ابوي
_ كنت بلعت كلامك دة ومقلتهوش من الاول
قال عمي بدر
_ براحه يا عبيدة هو عنده حق كان المفروض اقدره قبل ما اتصرف بس سامحني ياولدي من زعلي يومها مركزتش في حاجة بس لو عاوزها تقدر تكلم اهلها تاني وتطلبها
_ الموضوع مش....
قال ابوي مقاطع كلامي
_ طيب يحاول بس يرجعلها وانا هتبري منه ولا هو ولدي ولا اعرفه
قولت وانا بقوم
_ لا كدة انا ادخل احسن عن اذنكم
دخلت وسيبتهم يتكلموا وبعد ما مشيوا عمامي ابويا جه عندي متعصب وقفت احترام ليه ف وقف قدامي وقال
_ جرا إيه ياد محدش مالي عينك ولا ايه
_ ليه يابوي انا عملت ايه يعني
_ماعرفش عملت ايه ، قليت ادبك علينا كلنا ومش مستعر علي بت عمك
_ يابوي ورحمة الغالين ما تقول الكلام ده.. عار ايه يابوي ، ماهو متجوز اخت اللي كان بيكلم عمتي ودلوقتي هيجوز ابنه لبنته
قبض علي ياقتي وقال
_ كلمة تاني وهقطع لسانك.. بتعدل علينا يا *** تعدل علي عمك
_ ايوه اعدل اذا كان مقدرنيش و..
قاطع كلامي بلطمة علي وشي ورجع يقبض علي ياقتي ويقول
_ بردك هتقل ادبك ، ده انا ادبحك واتويك خلاص هتتنفخ علينا ولا تكون فاكر نفسك راجل
_...
_ كلمة زيادة في الموضوع ده هدبحك دبح فاهم ياد
_ بقيت كل ما تضايق تضربني يابوي ، ده انت معملتهاش وانا صغير
كان باين ان كلمتي فرقت معاه وخلته ياخد باله ويمكن حس شويه بندم بس معتذرش ولا قال كلمة تعالج اللي حصل بالعكس ده احكم قبضته علي ياقتي بيد مهزوزة وقال
_ واضربك بالـ......
بتر كلمته ودفعني ومشي من عندي
#هاجر
جه بابا من برة قعد معانا واتكلم عن كتب كتاب بيجاد والمشوار اللي هيروحوه بكرة عند ابو العروسة وفي وسط الكلام قالت ماما
_ طيب ومالك مش مبسوط كدة
_ مبسوط بس شكلها هتقلب غم
_ ليه كفالله الشر
_ بشر شكله لسة زعلان ان عمه فسخ خطوبته من اسراء
بصتلي ماما ف بعثرت نظراتي هروب منها وبعدين رجعت تبص لبابا وتقول
_ يعني هو زعلان علشان متجوزهاش
_ لا هو زعلان عشان قرروا عنه
_ طيب وهو ليه ميحسبهاش بطريقة تانية انه رفعوا عنه الحرج
_ دي تقليل منه مش رفع حرج ، متنسيش ان هو وافق يتجوز بعد ضغط من الكل ف لما يوافق يفسخوله خطوبته كدة ومن غير ما يتكلموا معاه حتي عنده حق يزعل
كلام بابا اقنعني ولقيت ان هي دي فرصتي علشان اصلح علاقتي بيه وبالفعل سيبتهم ودخلت اوضتي وبعتله ولكن مردش ف قولت لبابا اني هطلع لخلود وطلعت فوراً ، كان الكل في الاوض الا دادة امينه اللي فتحتلي وزيد اللي عامل زي حارس المعبد مبيفارقش الصالون ف اتجهت ناحيته وقولت
_ انت مبتزهقش من القعدة دي
قال وهو بيتابع شغله ومن غير ما يبصلي
_ والله انا ماقعدش في بيتكم
_ ياباي ما رخم
_ انت ايه جابك.. اخفي من وشي مش فضيلك بشتغل
_ اممم طيب.. بشر فين
_ في اوضته
_ طيب ما تندهله
_ مش شايفك مشلولة قومي اندهيه لوحدك
_ طيب يا رزل
قولت كده وقومت ف بصلي وقال
_ بقولك يا هاجر
_ ناااعم.. قوول
_ اعدلي خلقتك... كنت عاوز اقولك ان الحزن لما بيتداوا لوحده مبيبقاش وجود اللي حولينا مهم وسهل نستغني عنهم ومبنحسش اننا خسرنا
_ والمعني
_ دي هتقولي المعني ، لا مش ناقصة غباء هي امشي مش فضيلك
قال كدة ورجع يكتب علي الاب توب وانا وقفت لثواني افكر في كلمته لقيت انه عنده حق ولقيت ان حياتي من غير بشر ناقصة كتير ، لا دي ناقصة كل حاجة ف روحت لاوضته خبطت الباب ولكن مجنيش رد ولما فتحت لقيته نايم سيبت الباب مفتوح ودخلت وقفت جمبه وبقيت بصاله وهو نايم وحاطط دراعه علي عينيه ف بصيت حوليه لغيت ما لقيت دفتر وقلم مسكتهم وكتبت وابتسامتي علي وشي
_ حياتي ناقصة حياة من غير وجودك فيها كفاية زعل بقا ... عزماك علي شيبسي بالشطة لما تصحي يمكن ترضا عني
بعد ما كتبتها سيبت الدفتر جمبة علي السرير و وقفت للحظات ابصله وكان نفسي ابوس جبينه بس احرجت ف واتجهت ناحية الباب وقبل ما اوصل جاني صوته وهو بيقول
_ مبحبش الشيبسي بالشطة وانتي عارفة
ابتسامتي غزت وشي وانا برجع ابص ليه واقول
_ خلاص اكله انا
_ وكدة هتعزميني؟
_ عاجبك ولا اسحبها
_ مش عاجبني لا تعزميني علي حاجه انا بحبها لا بلاش
_ اوكي بس لما تخرج بقا
_ مليش نفس اخرج النهاردة انا هنام اقفلي الباب وراكي
_ هتنام دلوقتي
_ اه
_ مش بعادة
_ لا ما انا اتعودت بقا
_ واتعودت علي ايه تاني
_ اتعودت علي الهدؤ.. اقفلي الباب وراكي
_ مش لايق في الدلع ومتزيدش فيها علشان انا عارفه ديتك ف متختبرش جناني
تجاهل كلامي وحط المخده علي راسة ونام ف قولت
_ بقا كده طييييب طيب
#جويرية
طول ما انا بقرا القصة وسيل دموع بينساب من عيني وقلبي بينفطر بسبب اللي هو كاتبه واللي مر بيه واكتر حاجة وجعتني انه كان راسملنا قصة وردية حتي مع الصعوبات اللي فيها بردو في النهاية هنكون لبعض وناسي ان دي قصة ملهاش علاقة بالوقع وعمرنا ما هنتجمع النهاية الوحيدة اللي هتحصل هي نجاحه واهو حصل.. ونجاحي انا.. ايوة نجاحي ، انا من اول ما بدءت اقرا رحلة نجاحي اللي هو كاتبها وانا مقررة اني فعلاً هنجح.. هرجع لتعليم وهحضر الدروس مع العيال هعمل زي ما كان متنبألي بالظبط .. وبعد ما خلصت القصة وصورت كل الصفحات اللي كاتب فيه شعوره نحيتي وحفظتهم في حافظة مخفية روحت لبابا في اوضته وبعد ما اذنلي بالدخول دخلت وانا بستجمع شجاعتي علشان اقوله قراري ولكن كان في صعوبة في الكلام لأني خوفت يسألني لية غيرتي رايك وقتها كنت هتوتر وبعد ما طال سكوتي قالي
_ في حاجه يا جويرية
قولت بتوتر
_ كنت عايزة..
_ ايوه قولي
جت ماما وقفت جمبي وقالت
_ إيه ياحبيبتي قولي
قولت بعد ما استجمعت شجاعتي
_ كنت عاوزه اقول اني فكرت في كلامك اللي قولته وموافقة يابابا
_ كلام ايه... ايوووه قصدك التعليم
_ ايوه
السعادة كست وشوشهم قالت ماما بإبتسامة واسعة
_ ياريت ياقلبي.. ايوة كدة فرحينا
قال بابا
_ زين انك وافقتي انتي مش اقل من اي واحد فينا.. بس يعني ايه اللي جد
_ مفيش حاجه غير اني فكرت في كلام حضرتك واقتنعت
_ جدعة.. وانا الصبح هروح اقدملك ورق.. هو معاد التقديم عدا بس هتصرف علشان يقبلوكي
قالت ماما
_ سيبلي انا الموضوع ده هقدر اعمله
_ طيب شوفي هتعملي ايه وبلغيني
بعد ما نهيت الكلام معاهم دخلت اوضتي وبعت رساله ل مليكة قولتلها فيها
_ فاضيه الصبح تيجيني
جاني ردها بعد ربع ساعه
_ ايوة ان شاءلله فاضيه في حاجه ولا ايه
_ كنت عاوزه اقولك حاجه وكنت عاوزاكي ترجعي القصة ل بدر
_ قريتيها
_ ايوة
_ تمام حبيبتي الصبح هكون عندك
_ ماشي حبيبتي متشكرة قوي
#فاطمة
بعد ما خلصت صلاة وقريت الورد بتاع قبل النوم رجعت علي سريري ومسكت التليفون فتحته ف لقيت رسالة من بيجاد فتحتها وانا ابتسامتي علي وشي لقيته كاتبلي
_ بكرة العيلة كلها هتكون عندكم عشان نتفق
_ تنوروا في اي وقت
_ ده انتي لسة صاحية
_ ايوة
_ بتعملي ايه
_ كنت بصلي قيام الليل
_ ربنا يتقبل
_ منا ومنكم.. وانت بتصلي ولا مقصر
_ طبعا بصلي
_ ادام الله سجودك وركوعك
_ امين يارب.. قوليلي ؟ ٠
_ ايه
_ إيه رأيك نستعجل كتب الكتاب قبل الدراسة
رديت بإبتسامة
_ مفيش مشكلة
_ موافقه يعني
_ اه عادي مفيش مشاكل
_ يعني عاوزه كده ولا موافقه وخلاص
_ ههههه اللي تشوفوه
_ اللي نشوفه يبقي موافقه
_ ههههه موافقه
_ اقولك حاجه
_ قول
_ انا عايز نكتب الكتاب علشان في كلام كتير عايز اقولهولك .. ومش كلام عيب علشان دماغك متروحش بعيد
رديت بإبتسامة
_ وانا كمان
_ وانتي كمان إيه
_ في كلام كتير عاوزه اقولهولك
_ وانا معنديش صبر لاني اسمعه... يلا تصبحي علي خير
عملت اضحكني ف قال
_ بقصر في الكلام لغيت كتب الكتاب متفتكريش اني غشيم
_ هههههههه اوكي تصبح علي خير
_ وانتي من اهله
#مليكة
جه تاني وروحت لجويرية وبعد ما سلمت عليهم كلهم دخلتلها اوضتها والمفاجأة اني لقيتها لابسه لبس مختلف عن اللي دائما بشوفها بيه كانت زي الزهور في الربيع متفتحه وكلها حياة ولكن لسة في حزن غالب علي تعبير وشها رغم الإبتسامة اللي بتجاهد علشان تبان حقيقية ف قربت منها وقولت
_ إيه الحلاوة دي اول مره اشوفك بلبس ملون
_ قولت اغير شويه
_ حلو بجد ايوة كدة احسن من الالوان التانية يا شيخة
_ اها
_ بس إيه السبب حاسه ان في حاجه ورا التغيير ده
_ في
_ طيب هتقوليلي ولا سر
_ انا قولتلك تيجي عشان اقولك
_ قولي حبيبتي
_ اول حاجه اللبس ده لبساه عشان رايحين بيت خالي كمان شوية وتاني حاجة لاني قررت ابدء صفحة جديدة و قررت ارجع اكمل تعليم
_ طيب ده حلو قوي ، قصة ريان حمستك صح
لمعت دموعها وهي بتقول
_ ايوة
_ طيب في ايه ، انتي مش عاوزه يعني
نزلت دموعها وهي بتقول
_ عاوزه.. بس انا مش عارفه هو فين دلوقتي خايفه يكون مات
_ اكيد لا.. هو لو مات كنا عرفنا.. لو لاقدر الله عمل حادثة كان اتبلغ عنه وكان وصلنا الخبر ، عدم وجود خبر سيء بيعني انه هو لسه عايش
_ امال مرجعش ليه لغيت دلوقتي
_ يمكن عايز يبعد مفتكرش انه ممكن يرجع بسهولة كدة بعد اللي حصله ، متنسيش انه اتضرب وقصصه اتحرقت مفيش حاجه تخليه يرجع
_ طيب وانا
_ انتي اول سبب هيخليه ميرجعش
_ ليه .. يكون كرهني بعد الضرب اللي اتضربه بسببي
_ لا مش كرهك بس هو اتهان قدامك ، مش سهل علي الراجل يحط عينه في عين اللي بيحبها لما يحس انه كان ضعيف ومقدرش يدافع عن نفسه قدامها.. ده غير العادات وغير صداقته مع بدر مليون حاجه هتمنعه يرجع علشانك انتي
قالت بدموع
_ مش مهم ، المهم اعرف انه بخير.. مليكة انتي وعدتيني تلاقيه
_ حبيبتي والله انا قولتلك هعمل اللي اقدر عليه ، وبصراحة انا اخري إني انزل صوره وبس ونزلتهم في كذا صفحة وان شاءلله حد هيكون شافه ويبلغنا
لدقايق بقيت احاول اطمنها انه هيكون بخير ورغم محاولاتي بس مقدرتش ف خدت منها القصة وخرجت وبره العمارة اتصلت ب بدر وبعد ثواني رد وقالي
_ نعم عاوزة إيه
_ اية الاسلوب ده ، هعوز منك ايه يعني.. تعاله خد القصة انا تحت بيتكم
_ وانا مش في بيتنا مشي رجليكي وتعالي عند السوبر ماركت
_ يا رخامتك انا هفضل رايحة جاية عشان جانبك
_ انتي اللي محتجاني.. انا في السوبر ماركت
قالها وقفل في وشي ف روحت وانا ناوية اهزئه علي قلت ذوقه
#بدر
كنت في المكتب لوحدي والباقين بيجهزوا عشان يروحوا مع الاستاذ بيجاد في بيت خطيبته وفجاة المكتب اتفتح ودخلت عليه مليكة رزعت القصة علي المكتب وقالت
_ من الذوق يا محترم انك متقفلش السكة في وشي
قولت وانا بقف
_ ذوق اية ، وانتي تعرفي ذوق لما تفتحي عليه المكتب كدة
_ انت اللي بدأت.. ادي قصتك ومش عاوزه اشوف خلقتك تاني.. ياااارب تموت
_ شالله انتي وكل عيلتك اللي تموتوا
فتحت بوقها بذهول وقالت
_ انت ، انسان مريض وانا مش هرد علي واحد زيك
قالت كده ومشيت وهي متعصبة وانا بقيت واقف شويه اسبها وبعدين رجعت قعدت علي المكتب وفتحت الاب توب مش عارف ابدء منين انشر صورته ولا اعمل ايه ف جت علي بالي فكرة اني ابحث عن اسمه واشوف الخبر اللي نزله بشر عنه يمكن الاقيه
وبالفعل بحثت لقيت منشورات شويه باسم ريان السبع متخصهوش وكملت بحث لغيت ما لقيت اخيراً صوره وخبر اختفائه ف دخلت التعليقات لقيت ناس بتدعي انه يكون بخير ومحدش قال معلومة ف طلعت دورت في باقي المنشورات لقيت تعليق لمليكة بتقول فيه انه غاب وملحقش يشوف نجاحه ياريت اللي يشوفه يبلغنا ضروري ف فهمت ان هي اللي منزله الاعلان ده وفوراً اتصلت بيها ف ردت قالت
_ عاوز إيه
_ وهعوز ايه منك ، فينك دلوقتي
_ مالك بيه فيني
_ انا شوفت الاعلان اللي عملاه عن ريان
_ ويخصك في أيه
_ ممكن تتكلمي عدل
_ وانت مين عشان اتكلم معاك عدل مش كفاية قلت ادبك
_ بت انتي والله انزل اتاويكي زيه
_ زييييه ، والله ما بعيد تكون انت اللي قتلته يا مجرم
_ يابنتي اهمدي انا مش طايق نفسي بعدتي ولا لسة في المنطقة
_ عاوز ايه
_ عاوز الاقي ريان
_...
_ خرستي ليه
_ عاوز تلاقيه ليه
_ وعدت اخته الاقيه
_ ووووعدت اخته اه
_ مش ناقصه فكاكة اهلك هتساعديني ولا لأ
_ اساعدك ازاي انا نزلت اعلان اعمل ايه تاني
_ معرفش مانتي طول النهار ماشية بمزاجك ومحدش بيقولك رايحة فين وجاية منين اكيد هتلاقي طريقة
_ انتي بني ادم زباله
قالت كده وقفلت السكة في وشي
#ريان
كنت عند البوابة لما شوفت عصام واقف بعيد عند الفيلا وبيبصلي بحذر وهو في وضع الاستعداد لجري ولما قومت واتجهت ناحيته دخل جوه يجري وقفت مكاني اضحك عليه وفجأة لقيت خديجة واقفة جنبي وبتقولي
_ بتضحك علي ايه
تلاشت ضحكتي لما شوفتها وقولت
_ مفيش حاجه
قولتها ورجعت مكاني ف جت ورايا وقالت
_ انت ليه حابب تعيش حالة الحزن اللي انت فيها دي ، عاجبك قوي تعيش ميت .. علي فكرة الانسان هو اللي بيختار يكون سعيد او حزين ، بيخلق اسباب تصنع سعادته لو عاوز ، ويخلق اسباب يدفن فيها نفسه في الحزن بردو لو عاوز.. وانت عندك السبب اللي يخليك اسعد انسان في الدنيا وينسيك اللي حصل ليه مصمم تدفن نفسك في الضلمة دي.. هو انت هتعيش كام مره لما تضيع حياتك في الزعل
_...
_ بكلمك بجد.. انت لازم تخرج من المود ده الزعل بيعجز بدري ليه متعيش سنك .. هو انت عندك كام سنة
_26
_ 26 يعني لسه مبدأتش علشان تنتهي بسرعه دي
_ انتي بتتفلسفي وبس مجربتيش اللي انا جربته
_ مين قالك اني مجربتش.. لا انا جربت كتير ولو هحكيلك هقعد لساعات احكي
_ جربتي مجهود سنين يضيع منك
_ جربت الاوحش من كدة ويمكن اجرب الاوحش والاوحش.. شايف النضارة دي انا مش لبساها عياقة انا من غيرها مبشوفش وكمان محتاجه عملية يمكن بعدها مقدرش اشوف تاني حتي بالنضارة .. وجاني كانسر مرتين ويمكن يجيني مرة تالتة .. ماما ماتت وانا صغيرة.. مليش اخوات.. مليش صحاب .. عيشت عمري كله في تنمر وعااادي ، انا حابه الدنيا ومش مخليه حاجة تزعلني
_ جالك كانسر وهتتعمي ، بتتكلمي جد
_ ايوه جد طبعاً ودي فيها هزار ، وهفاجئك واقولك اني متعفتش تماماً منه و ماشية بالعلاج علشان امنع رجوعه ليه تاني
_ علشان كده شعرك قصير
_ ايوه بس انا حباه كدة ، هو طول بس انا رجعت اقصرة
_ اه.. حلو
_ طيب ايه كل ده ولسة مش مستهون بمصيبتك
_ مش عارف.. يمكن لو كان مرض كان اهون من ان تعب سنين يتحرق قدام عيني
_ مش سهل انا عارفة ، بس مع الوقت تقدر تتجاوز.. بس انت بلاش تستلم للحالة دي ، انت بأيدك تقدر تكتب احسن من اللي اتحرق مليون مره ، اعتبر اللي كتبته كان تمرين علشان تتحسن واكيد الافكار موجوده ممكن تعيد كتابتها علي جهاز لوحي اسهل بكتير من الكتابه علي الورق
_....
_ فكر ، اية الاحسن عندك تستسمر نجاحك وتكمل وترجع اقوي ولا حياتك توقف هنا
_...
_يابني افهم ، انت تخلي سيرتك تفضل من بعدك زي اي شخصية مشهورة .. انا طول عمري مقتنعه بحاجه ان مينفعش الانسان يتولد ويعيش كام سنة وبعدين يموت لازم يسيب اثر وراه .. وانت اهو علي اول الطريق ليه تضيع كل حاجة علشان غاوي تدفن نفسك بالحيا
_ اه
_ اه أيه ياااا غم ، انا بكلم حيطة ما تتعدل وتفرد بوزك جبتيلنا الفقر من اول ما جيت وربنا الشركة بدات تخسر ومحدش عارف السبب بس اهو طلع من بوزك ده
_ مش واخدة بالك انك بتغلطي فيه
_ اه ما انا قاصدة لو مش واخد بالك اقولك تاني... يااااغم روووح مش ناقصه تعديني بغمك ياغم
مشيت وهي بتردد الكلمة والحقيقة عندها حق انا غم فعلاً
#خلود
قبل معاد العيادة بساعة تقريباً بقيت واقفة قدام الدولاب بمكياج كامل ببص للهدوم واشوف ايه اللي ينفع يتلبس كان جوايا رغبة اني البس حاجه تبيني حلوة علشان اثبت لزيد اني احلي منها وبقيت اقلب في الهدوم واجرب كذا حاجة لغيت ما زهقت ، زهقت من تفكيري بأني اثبتله اني حلوة ، زهقت اني شاغلة نفسي بيه اساساً ، اثبتله ليه وهو اصلا ولا في باله ، اثبتله واقلل من نفسي؟ وهنا قولت لأ مش هعمل حاجة علشانه وفورا دخلت الحمام غسلت وشي ومسحته بس كان لسة في اثر للمكياج وكان شكلي حلو بيه ف قولت مش هنضف اكتر من كدة وبعد ماطلعت لقيته قاعد في الصالون بلبس الخروج ف تجاهلته ومشيت وبعد ما قفلت الباب نزلت جري علشان كان باين انه متجهز للخروج ومكنتش عاوزاه يلحقني وكملت جري في الشارع منها رياضة ومنها هروب منه وبعد مسافة طويلة تعبت ف وقفت وقعدت علي مقعد علي الرصيف وسندت عليه وغضمت عنيه بتعب وانا لسة بلهث ونفسي مقطوع وبعد وقت مش طويل قوي حسيت بحد جمبي فتحت عنيه بفزع ولما بصيت عليه لقيته إسلام ف خدت نفس وقولت بزهق
_ مش ممكن ، انت قاصدني ولا ايه
_ اه قاصدك
_ يعني بتراقبني
_ لا اراقبك ايه بس
_ امال عرفت ازاي اني هنا
_ انا شوفتك مرتين رايحة من نفس الطريق ده ف وقفت استناكي
_ ومستنيني ليه بقا
_ علشان اشوفك
_ اهااا..
كملت وانا بقوم
_ طيب شوف يا اسلام انا مقدرة طبعا انك متابعني وبتحبني والكلام ده كله بس اسلوبك ده مينفعش معايا
وقف قدامي وقال
_ انا مش بتسلي ولا بجري وراكي زي المعجبين اللي حوليكي في كل مكان... وانا من الاخر كده بحبك وعاوز اتجوزك علي سنة الله ورسوله
_ نعم
_ عاوز اتجوزك ومعايا شقة جاهزة وملك كمان وكل اللي تطلبية انا رقبتي سدادة
_ ايوة بس انا مبفكرش في الجواز
_ مبتفكريش ليه علشان شغال ديليفري يعني
_ اكيد لا ، ما انا كمان سكرتيرة في عيادة هشوف نفسي عليك ليه بس انا مبفكرش في الجواز دلوقتي خالص
_ طيب ما تفكري او اديني فرصة تعرفيني كويس واحلفلك هتحبيني وهتوافقي
_ انا اسفة مش هينفع
_ فكري بس... انا مستبيع ومش سايبك غير لما توافقي
_ انا...
بترت كلامي لما شوفت عربية زيد بتقرب ف قولت
_ طيب هفكر وارد عليك باي
قولت كده ومشيت بسرعة متجاهلة كلامه وبعد مسافة صغيرة زيد زنق عليه و وقف جنبي بالعربية وقالي بجدية
_ اطلعي
_ هكمل مشي
قال بحدة
_ بقولك اطلعي
اومأت ايجاباً ودخلت وبعدين مشي وفضل طول الطريق ساكت ولما وصلنا نزل قبلي ودخل العيادة وعلي طول راح لمكتبه وسابني مش عارفه ماله وخلاني لوقت كبير متوترة من سكوته دة ف قومت اعمل قهوة علشان اهدا شويه ورجعت اقعد علي مكتبي وفجأة الباب اتفتح واترزع تاني وبعد ثواني لقيته قدامي بيقولي
_ مش هو ده إسلام
وقفت وقولت بارتباك
_ ليه
_ هو ولا لا
_ هو.. بس في ايه
_ وايه خلاكم تتقابلوا
كمل بعصبية
_ معرفاه انك خارجة قبل ما تطلعي
_ انا مسمحلكش تكلمني بطريقة دي
زعق بغضب وقال
_ خلود انا مش عايز اتعصب عليكي ، اتعدلي وانتي...
قولت بمقاطعة
_ بلا خلود بلا زفّت انت زودتها قوي
كملت بانفعال وانا برمي الفنجان من قدامي
_ انا مش رخيصة علشان تكلمني كدة ولا تكون فاكر علشان كلمتك خلاص بقيت ساهله ، انت كنت بتتكلم وانا كنت اسمع ومقولتش ازيد من اني بتنيل بحبك ولو فاكر انك هتزلني علشان بتشغلني عندك ف انا مستغنية عنه الشغل ده
قولت كده وطلعت من ورا المكتب واتجهت للخروج وفجأة لقيته قدامي وبيقفل الباب ويقف في طريقي ف قولت بعصبية
_ افتحلي!!
_ لا.. واهدي انا بسألك سؤال عادي مش قصدي اللي انتي فهمتيه
_ لا تقصد ومش اول مره تقولها
كملت ودموعي في عيني
_ انت ازاي شايفني بشكل ده؟ ايه اللي انا عملته علشان تحسسني طول الوقت اني ماشية علي حل شعري
_ معملتيش حاجة ، بس انا بقول كده خوف عليكي انتي مش فاهمه الناس بتفكر ازاي ولا عارف إسلام ده عايز يوصل ل إيه
_ ده مش خوف انت بتقضي عليه كل يوم بكلامك ده .. متخافش لو الخوف كدة متخافش وسيبني اتعلم من نتيجة غلطي واروح في داهيه احسن ما تكلمني كدة
كملت بانغعال
_ انا مش عارفه انت بكل هدؤئك ده مع الكل بتتعامل معايا انا بذات خصم وخصيم ليه.. ولا مستغل اني مش هقدر امشي
_ وطي صوتك ، انتي حتي لو هتقدري انا مش هخليكي تمشي.. يابنتي انا بس ضايقني المنظر.. يعني ايه متابع ليكي يقابلك وتقفي معاه كدة.. غلط سمعتك هتتبهدل
_ وانا راضيه انها تتبهدل بس تبطل تعاملني كدة.. انا تعبت بسببك
_ خلاص انا اسف
_ بلا اسف بقا كل مره تقولي مش هضايقك وترجع في كلامك.. عديني مش هشتغل
قولتها واتقدمت ناحية الباب ولكن هو متحركش ف قولت بعصبية
_ بقولك عديني
_ لا
_ براحتك خليك
قولتها ورجعت جري علشان اعدي من الباب الخلفي ومجرد ما فتحت الباب لقيته بيمسك فيه ويقفل الباب ويحاصرني عنده حاولت امنعه وانا بقول بعصبية
_ اووعي ، قولتلك متقربليش كدة تاني.. اوعي بقولك
زاد في اقترابه ف قولت بربكة وانا بدفعه بايديه
_ بقولك ابعد.. من فضلك وسع بقا .. يا دكتور مينفعش اللي انت بتعمله ده
قولتها وانا مستمرة في دفعه ف مسك ايدي عجز حركتي حاولت ادفعه بالتانية ولكن مسكها وضمها لتاني مسكهم بايد واحده قدامي وقال بتنهيدة
_ خلاص اهدي
_ طيب سيبني ماسكني كدة ليه
_ اهدي وهسيبك
قولت بربكة
_ ماشي هديت سيب بقا.. من فضلك
_ خلود اسمعيني هقولك حاجة ، انا مش بكرهك ولا بقصد اضايقك.. و مش عارف افهمك ازاي انك تخصينا وانك واحده مننا وتصرفاتي معاكي علشان انا مش عايز حد يقول عليكي كلمة او يبصلك بصه مش تمام.. ميصحش بنت زيك توقف في الشارع مع ولد غريبة الكل هيقول ان بينكم حاجة صح ولا لا
_....
_ صح ولا لا
_ طيب سيبني
_ لما تقولي صح ولا ل
_ صح بس ابعد ونبي
_ طيب بس مش هتمشي
_ ماشي
_ مش هتحاولي تجري.. هجيبك
_ مش هجري بس ابعد
_ ماشي
قال كده وبعد وانا لملمت نفسي ومشيت خطوات ناحية المكتب وهميت اني اجري ويدوب خطيت خطوتين لقيته بيمسك في ايدي ويشدني ليه بقيت اقاوم علشان افلت نفسي منه وانا بزعق فيه واقول
_ ياعم سيبني انا مش عاوزه اشتغل
كملت وانا بنزل بجسمي علي الارض
_ بقولك سيييييبني
_ لو سيبتك هتوقعي ، اتعدلي
_ ملكش دعوة بيه سيبني بقاااا
_ انتي حرة
قال كدة وسابني وقعت علي الارض راسي اتخبطت بقيت ابكي واقول
_ ياشيخ ربنا ينتقم انت هتعمل فيه ايه تاني
قال بضحك وهو بيوطي علشان يرفعني
_ هههههههه انا قولتلك انتي دماغك ناشفة ، قومي
قعد جمبي حط ايده تحت رقبتي رفعني عن الارض وقال
_ انتي اللي بتعملي في نفسك كده
قولت وانا بضربه
_ طيب ايدك عني لا اقطعهالك
مكنتش لسة قعدت كويس ولا اتزنت وفجأة سابني و وقعت تاني وراسي اتخبطت مره تانيه صرخت بعلو صوتي وفجأة لقيته جمبي بيحط ايده علي بوقي وانا لسة نايمه علي الارض ويقول
_ بس بس الناس يقولو ايه... اااهدي
حاولت ازق ايده عني بعصبية وانا بحاول اقوم لغيت ما قدرت ارتفع عن الارض وقتها زقيته بأيدي بعزم ما فيه ف وقع وبسبب مسكته لدراعي وقعت فوقيه وشي لامس خده وشعري غطاه
#زيد
وقعت في حضني وبين ايديه وشعرها غطا وشي حسيت بلمست خدها لخدي ولما حاولت تبعد شفايفها لمست وشي ومع انها لمسه غير مقصودة بس بهدلت كياني وبذات لما بعدت شويه وبقت للحظات قدامي وقريبة مني لدرجة حسيت بحرارة انفاسها بتلامسني وعينيها في عينيه ، عينيها ، ونعومتها ، شفايفها ، رسمت حواجبها اللي بتزيدها جمال سحروني خلوني مش حاسس بنفسي ولا عارف انا بعمل ايه بنجذب ليها وبس وكأن في مغنطيس بيشدني ليها ورغبة جوايا بزيادة قربي منها ولقيت نفسي بحط بضمها بأيد وأيدي التانية خلف راسها وصوابعي بتتخلل بين خصلات شعرها وبقربها مني في طريقي لتقبيل شفايفها وقبل ما المسها فجأة وسعت عينيها وضغطت بكل تقلها علي صدري حسيت نفسي اتكتم وقلبي وقف وفورا قامت وقالت بتوتر
_ انت انسان مش محترم
قالتها ودخلت المطبخ وسابتني متسطح علي الارض عاوز اللي يفوقني من الحالة اللي انا فيها وبعد ما استجمعت نفسي اعتدلت وبقيت قاعد مكاني مش عارف اقوم ولا عارف المفروض اعاملها ازاي بعد كده ولا عارف ايه اللي بقيت بعمله ده انا الدكتور اللي بيقول لناس محتاجين ايه واشرحلهم اللي هما عاوزينه مش عارف اشرح لنفسي.. لكن اي ان كان اللي انا عاوزه واللي انا حاسة خلود متنفعش ، تنفع ازاي وهي صورتها محفوظة في تليفونات الشباب
#خلود
بعد وقت كبير وانا جوة المطبخ طلعت علي صوت احدي المرضي رحبت بيه وبعد جهد قدرت اتجه لمكتب زيد خبطت علي الباب ف قال ادخل فتحت الباب وقولت
_ استاذ سليمان جه اخليه يدخل
_ خدي يا خلود عاوزك
_ لا .. اقوله يدخل
_ بقولك خدي .. تعالي اقعدي دقيقة
اومات ايجاباً واتقدمت ناحيته ف قالي بجدية
_ اقعدي يا خلود
قعدت وانا خافضة جفوني وبفرك صوابعي بتوتر ف قال بعد ما اتنهد بعمق
_ اللي حصل ده ميتكررش
رفعت وشي وقولت باستفهام
_ إيه
_ اللي حصل ده ميتكررش
_ نعم... هو ايه اللي حصل
_ جريك هنا وهناك، ده مكان شغل مش تراك
قولت ببلاهه
_ إيه
_ وبعد كدة متبرقليش بعنيكي بتوتر ومبعرفش بعمل ايه ، بتخوفيني يا خلود
_ نااااااعم
_ اه بتخوفيني شكلك وحش
_ انت اهبل
_ هتغلطي هخصملك شهرين
_ انت بتقول ايه.. مش كفاية كنت هتقل ا....
قال بمقاطعة
_ قولتلك ميتكررش.. اتفضلي
_ انت مجنون
_ امشي يا خلود امشي... خلي الحالة تدخل ، هنا مكان اكل عيش
_...
_ قومي بخاف منك قولتلك قووومي... دخلي الاستاذ اللي بره ، اه ولو حسيت انك شغلتي سمر ومهند هكسر الشاشة علشان انا حذرتك
#بيجاد
روحنا بيت خالي انا وعمامي وماما وجويرية وقعدنا كلنا الا فاطمة وجويرية وبابا اتكلم في التفاصيل والاتفاق تم من غير مناهدة ولما قال بابا
_ الاسبوع الجاي نكتب الكتاب
قولت باعتراض
_ لا الاسبوع الجاي مش هينفع علشان الدراسه انا بقول بكرة
كلهم وجهوا انظارهم ليه ف قولت بحرج
_ انا بقول يعني لزمتها ايه التأجيل احنا نجيب الماذون هنا ونكتب
قال عمي عبيدة
_ مستعجل قوي
قولت بخجل
_ لا بس هكون مشغول بين الكلية والمذاكرة ف مش هلحق الاسبوع الجاي هيكون مزحوم جداً معايا
ضحك عمي شبل وقال
_ عنده حق يا جماعة فعلاً الاسبوع الجاي زحمة ، نخليها بكرة مفهاش حاجة
قال خالي بإبتسامة
_ طيب حتي بعده يكون رتبنا نفسنا
قال بابا
_ خلوها بعده يكون حجزنا قاعة حتي وجبنا الدهب
الكل وافقوا علي الراي ده وحطوني قدام الامر الواقع ف وافقت وبقيت طول القعدة مستنيها تيجي تسلم ومجتش ف طلعت التليفون وبعتلها اثناء انشغالهم
_ مش عيب لما متجيش تسلمي علي ضيوفك
جاني ردها بعد دقيقتين
_ متقولش كدة البيت بيتكم انتوا احنا اللي ضيوف
_ ايوه اجي عندك اسلم ولا ايه
مردتش عليه ف قولت
_ طيب سمعتي قولنا ايه ولا مش بتتسنطي
_ سمعت
_ وايه رايك
_ الكل وافق انا ارفض ليه
_ طيب وجاهزة لمشوار بكرة
_ مشوار ايه
_ هنروح نجيب الشبكة وبالمرة نجيب فستان
_ ونقاب ولا نسيته
_ نسيته إيه طبعاً منستهوش ، ده انتي هتلبسية في كتب الكتاب وفي الفرح كمان
_ هههههه اقتنعت بيه دلوقتي
_ ايوة ، مش من حق حد يشوف جمالك غيري ولا نسيتي عملتي في ايه سبب جمالك ده
عملت اضحكني ومردتش ف قولت
_ ما تعملي بلوك يكون كتبنا الكتاب
مردتش وعملت بلوك فورا ف ضحكت والكل وجهوا انظارهم ليه مطيت بوقي بعبس وقولت
_ واحد صاحبي.. باعتلي نكته
قال عمي شبل
_ طيب ما تحكهالنا
_ نكتة قبيحة وعيب ماما قاعده