رواية مواجهة القدر كاملة الجزء الثاني2 ترويض ملوك العشق جميع الفصول مكتملة حتي الاخير الخاتمه بقلم لادو غنيم

 رواية يومين في الحرام الفصل الثامن8بقلم حنان حسن

بعدما روحت العزاء ...

وصدموني بالخبر الاسود..

وعرفت ان هيما الخواجة

 مصاب بالايدز

اسودت الدنيا في عيني

و ملقتش حل للمصايب الي انا فيها 

غير اني ادفن عاري

وقررت اني ...

( انت..حر) 

قبل الفضايح دي كلها ما تبان....

وبالعافية... اتحاملت علي نفسي

 وفضلت اتسند

 لغاية ما وصلت للتوكتوك.. وركبتة 

وفضلت طول الطريق افكر

 في الطريقة

 الي هخلص بيها من حياتي  ...

وبعدما وصلت ..عند بيتي

جيت انزل من التوكتوك ...

لقيت رجليا مش شايلاني..

فا وقعت علي الارض...

 والنسوان اتلموا عليا...

عشان يقوموني...

وسمعتهم وهما بيتصعبوا عليا..

وبيقولوا..

ياعيني عليها وعلي شبابها

...

دي باين عليها تعبانة اوي

 ..ازاي فرغلي  جوزها سايبها..

وهي تعبانة ....

وبتموت كده؟

في اللحظة دي

سمعت صوت (مراة ابويا)

جاي من بين الحريم

ومعرفش جت منين فجاءة كده

وسمعتها وهي بتقولهم...

مين قالكم؟

 ان انا.... وفرغلي ابني 

هينسيبها كده ؟..

دي بردوا مهما عملت فينا

 تبقي مراة الغالي ...ابني

وبنت الغالي الله يرحمة جوزي

برضوا 

 وحياتكم عندي 

 لا اخدها ...وارجعها لبيت جوزها معايا

ودلوقتي حالا

 كمان

بعدما سمعت كلام مراة ابويا

استجمعت ما تبقي ليا من قوة..  

 وصرخت فيها ...

وفي كل النسوان الي كانوا ملمومين عليا

وقلت...

سيبوني في حالي 

محدش له دعوة بيا

وكنت عايزاهم يسيبوني

لسبب واحد

وهو..

 عشان لما ادخل وانفرد بنفسي 

 واحاول اني  (انت..حر)

محدش منهم  يمنعني

لاني كنت خلاص مصممة علي الي في دماغي

لكن...

 بمجرد ما قمت من جنبهم... ومشيت شوية....

 ووصلت ادام البيت 

حصلت حاجة حاجة غريبة

 خلتني ارجع عن الي في دماغي

وهي...

اني لما وقفت ادام بابي.. 

 ودخلت ايدي في شنطتي 

عشان اجيب المفاتيح...

جه في ايدي بالصدفة...

 الوصل بتاع التحاليل

 الي كنت عملاها وانا بعمل تحليل الحمل...

ولما افتكرت التحاليل...

قولت لنفسي...

هي مش نتيجة  التحاليل زمانها 

ظهرت ؟

امال محدش من المعمل كلمني ليه؟

ولا يمكن لسة النتيجة مظهرتش؟

ايوه...اكيد لسة النتيجة مظهرتش 

لان ...لو كان ظهر في التحليل...

 اني عندي 

الهباب الاسود

 الي اسمة الايدز ده...

كان زمان الدنيا اتقلبت...  اوعلي الاقل

 كانت  الممرضة ولا... الدكتور كلموني

 ما رقمي معاهم ...

وفكرت في اللحظة دي

 اني... روح علي معمل التحاليل

 لكن ....اترددت 

او بمعني اصح( خوفت)

 لاني مكنتش فاهمة حاجة عن المرض

وكمان خوفت لا الفت نظرهم ليا

وافضح نفسي بنفسي

 ده غير اني مكنتش متاكدة اصلا

 ان  كانت التحاليل ممكن تبين المرض ده ولا لا؟

وكان لازم اسال حد متعلم.. وفاهم

ولقيتني بقول لنفسي

  انا لازم اسال حد فاهم...

عشان اشوف هعمل ايه

 متا لازم اتاكد ان كنت مريضة فعلا ولا لا؟

فا رجعت تاني علي العزاء...

وقعدت تاني جنب جارتي المدرسة 

وقلت احاول اسالها..  وافهم منها

  اعرف ازاي؟  ان كنت مريضة

 ولا لا؟

بس بطريق غير مباشر

فا  بدات كلامي معاها 

كالتالي

قلت..

موضوع الواد ابن المقاول ده فكرني  بواحده

 صحبتي 

كانت اتجوزت واحد راجع من بره

 وكان مشية بطال برضوا

بس صاحبتي يا قلب امها سافرت معاه بره

 وبعدما بهدلها في الغربة

 رجعت تاني بلدها

بس هي بعافية شوية اليومين دول

فا سالتها

وقلت

تفتكري ممكن يكون جوزها كمان عنده المرض ده؟

وممكن تعبها ده يكون من كده؟

فا ردت المدرسة

 وقالت..

وارد جدا ليه لا؟

وممكن يكون سليم ومفيهوش حاجة

وهي تعبانة عادي

اقولك ....

خليها تكشف وتطمن افضل

قلت..

هي كانت عملت تحاليل بعدما رجعت من السفر ..

ياتري  المرض ده ممكن يبان 

من التحاليل ؟

ردت المدرسة

وقالت..

بيبان من تحليل الدم فقط

بعدما سمعت كلام المدرسة

هزيت راسي

وانا ببتسم

وقلت...

خلاص هقولها تحلل دم

واهو علي رايك

لما ميجراش حاجة لما تطمن 

علي نفسها

وبعدما قمت من جنب المدرسة....

و خرجت من العزاء

ركبت توكتوك بسرعة 

 واخدت الوصل بتاع التحاليل ....

وروحت علي معمل التحاليل..

وطلبت اقابل الدكتور

ولما قابلت الدكتور

استلمت منه التحاليل

 وبعدها.. 

سالتة

قلت..

 لو سمحت يا دكتور

هو انا ممكن اعرف

 ايه الي في التحاليل بالظبط؟

فا اخد الدكتور مني التحاليل

 وبعد ما قراء الي مكتوب فيهم

لقيتة بيقولي ...

علي فكرة انتي عندك مشكلة 

في اللحظة دي

 شعرت ان دمي نشف...

 وبدات اتنفس بصعوبة

 وحسيت اني خلاص هيغمي عليا 

فا ابتلعت ريقي

 وسالتة

قلت...مشكلة ايه ؟

قال..

عندك ( فقر دم )

وده غلط جدا علي الحمل الي في بطنك

لما سمعت اجابتة

 رجعت اتنفس تاني

وبعدها...

سالتة بلهفة

وقلت...

يعني انا معنديش حاجة ؟

 غير فقر الدم بس يا دكتور؟

بالله عليك بص كويس؟

وفي اللحظة دي

راجع الدكتور التحاليل كلها  تاني

وبعدين

 قالي..

تحليل  البول فيه شوية املاح 

فسالتة تاني

وقلت..طيب وتحليل الدم؟؟؟

رد الدكتور

وقال..تحليل الدم كويس

وفي اللحظة دي

 اتشجعت...

 وسالت الدكتور

قلت...

بص يا دكتور

 انا في حاجة حصلت معايا...

 وكنت قلقانة منها اوي

 وبصراحة بقي

 انا عايزاك تساعدني ...وتطمني

فا رد الدكتور

وسالني

وقالي..

حاجة ايه؟

قلت...

انا من فترة

 عملت عملية ....

واحتجت نقل دم

 وفي شخص اتبرع ليا بدمة

 واكتشفت بعد كده....

 ان الشخص الي اتبرعلي بدمة ده 

جاي من بلاد بره

 والناس بيقولوا ان مشية بطال..

وانت عارف بقي يا دكتور

 بلاد الارياف...

 والاشاعات الي بيطلعوها..

مره يقولوا...

 عنده امراض وحشة

 ومره يقولوا

 عنده ايدز

وبصراحة... الكلام ده قلقني

وكنت عايزة اطمن

وسالتة وانا ببصلة بخجل

وقلت..

اطمن ازاي؟

رد الدكتور ..

وقالي.. بسيطة 

من تحليل الدم 

 قلت..خلاص ...

ارجوك يا دكتور

 اعملي تحليل تاني...

 عشان نتاكد

وانا علي استعداد ادفع اي مبلغ 

انا معايا فلوس

ابتسم الدكتور

وقالي...

باين عليكي موسوسة

بس انا هريحك عشان تطمني

ونادي الدكتور علي الممرضة

وقالها ...

خدي منها عينة

 وبعدما قال كام كلمة بالانجليزي كده 

مفهمتش منهم حاجة

بصلي بعدها 

وقالي ...

 الممرضة هتاخد منك العينة...

ابقي  تعالي بكره

 خدي النتيجة ....

ورجع في كلامة تاني

ولقيتة بيقولي..

ولا اقولك...

متجيش ولا تتعبي نفسك

 هاتي رقمك 

وبمجرد ما النتيجة هتظهر...

 هكلمك في التليفون

 واقولك عليها بنفسي

فا هزيت راسي

وقلت..حاضر..

اتفضل الرقم

وبعدما ما اديتة رقمي...

 رجعت علي البيت

 وبدات احسب الوقت بالدقيقة

 والثانية

 لغاية ما يجي بكره 

عشان اعرف نتيجة التحليل

المهم..

بعدما دخلت البيت

حاولت اضيع الوقت

 في اي حاجة ...

فا دخلت المطبخ اعمل اكل

لكن....

 لقيت نفسي مسدودة 

عن الاكل... والتليفزيون وكل حاجة...

وحاولت... ابعد عن راسي

 الافكار الوحشة

 لكن برضوا...مقدرتش 

وغصب عني 

فضلت طول النهار

افكر في مرض الايدز ...

وفي الموت..والفضيحة

والي ممكن يحصلي

 انا.... وابني

 لو طلعت مصابة بيه فعلا؟

ولما الليل جه

فضلت برضوا افكر في نفس الموضوع

 لغاية ما روحت في النوم

والصبح...صحيت علي صوت الجرس بتاع الباب

فا قلت مين؟

لكن...

 محدش رد

فا بصيت من العين السحرية

 وبرضوا مشوفتش حد

والغريبة ان الجرس كان مستمر في الرن

 ومفيش حد باين ادامي في العين السحرية

فا فتحت بسرعة 

عشان اعرف مين الي بره 

 

واول ما فتحت الباب

لقيت ناس كتير لبسين لبس ممرضين ...

ومعاهم اهل البلد كلهم

وفجاءة...

لقيتهم بيهجموا عليا...

ولما مسكوني كتفوني

 فا سالتهم 

 وانا في منتهي الفزع

وقلت...

 انتوا مين؟ و عايزين مني ايه؟

في اللحظة دي

ظهر دكتور التحاليل

وقال...

التحليل الي عملتية ...

وانتي بتعملي تحليل الحمل

 اثبت انك مصابة بال ايدز

ولازم نحجزك ...

في حجر صحي

وفضلو اهل البلد يتغمزوا ويتامزوا

ويقولوا...

شوفتوا  فضيحة البت فاطنة ؟

مش طلعت 

حامل في الحرام...

وكمان عندها ايدز

وصرخوا اهل البلد في نفس واحد

وقالوا...

خدوها احرقوها بعيد عن بلدنا

 لا تعدينا

فا بص الدكتور للمرضين

وقالهم...

هاتوها بسرعه..

بس خلوا بالكم

لا تكون مجروحة وتعدي حد فيكم

فا اتفزعت من كلامة

وسالتة..

وقلت..هو انت يا دكتور مش قلتلي ...

ان تحليل الدم بتاعي 

 طلع كويس؟

رد الدكتور

وقالي..

التحليل الي عملتهولك طلع فيه ايدز يا فاجرة

واحنا لازم نعملك حجر صحي

 لغاية ما تموتي

قلت..اموت؟

في اللحظة دي

صرخ الدكتور في الممرضين الي كانوا مكتفني 

وقال..يلا هاتوها مستنين ايه؟

وبالفعل اخدوني الممرضين

 وهما مكتفيني

ورموني في اوضة قذرة...

 مليانة فيران

وسمعتهم بيقالوا لبعض

 الدكتور امر با اعدامها 

بدل ما تعدي حد

والدكتور هيجي بنفسة عشان يضربها بالنار

وبعدها...

 رموني بين الفيران في الضلمة

وسابوني ومشيوا

..

 وانا فضلت اعيط 

وانا حاسة اني خايفة

... و مرعوبة

وفضلت اترعش

 وانا بنادي عليهم

 واقولهم ...

متسيبونيش لوحدي

 ...انا خايفة 

وفضلت اصرخ...اصرخ

لغاية ما لقيت الدكتور فتح الباب عليا

وهو ماسك في ايدة مسدس

وبدون ما يتكلم

 ولا كلمة..

 صوب المسدس ناحيتي عشان يعدمني

فا فضلت اصرخ

واقولة ...

ارجوك بلاش 

مش عايزة

 اموت...

مش عايزة اموت

لكن الدكتور مسمعش

 لتوسلاتي

 واستعد عشان يدوس علي الزيناد...

لكن الي وقفة

 انة يدوس عليه...

انه سمع صوت التليفون

والغريبة...

 ان الدكتور  مردش علي التليفون...

 وفضل يبصلي

وكأنة كان منتظرني

  اني ارد انا

فا استغربت 

وفضلت اصطنت علي صوت التليفون

وبدء صوت التليفون يوضح اكتر 

ويعلي اكتر 

وهو بيرن..ويرن ويرن

لغاية ما نبهني

و فتحت عنيا..

واكتشفت في اللحظة دي ...

 اني كنت بحلم بكابوس

مزعج

و صوت التليفون كان الحقيقة الوحيدة في كل الي حصل

لان الي صحاني هو صوت التليفون

فا بلعت ريقي ...

ومسحت عرقي ...

وفضلت اتشاهد

وبعدها...

 رفعت السماعة

وقلت...الووه

وفي اللحظة دي

سمعت صوت راجل

بيقولي...

مدام فاطمة؟

قلت..ايوه انا 

مين معايا؟

رد الرجل..

وقال..

انا دكتور عزت 

صاحب معمل التحاليل

الي انتي كنتي فيه امبارح

انتفض جسمي

 بمجرد ما عرفت ان دكتور التحاليل بيكلمني

ولقيتني بسالة

و بقولة..

عايز حاجة يا دكتور؟

رد الدكتور

وقالي...

ايوه 

عايز اطمنك يا ستي

واقولك ...

ان نتيجة التحليل ظهرت

وانتي سليمة ...

وعينة الدم حللناها 

والنتيجة ...ان تحليلك زي الفل 

ومفيش لا ايدز 

ولا اي حاجة

بعدما استمعت لكلامة

فضلت اعيط من الفرحة

سالتة تاني..

وقلت..

بالله عليك بتتكلم جد

 يا دكتور؟

يعني انت حللت كويس؟

 اقصد يعني ...اتاكدت؟

رد الدكتور

وقالي...

ايوه طبعا متاكد

والنتيجة في ايدي اهيه

فا رديت وانا بعيط

وقلت..شاللة يخليك يارب

الف شكر يا دكتور

وبعدما قفلت

فضلت قاعدة مش عارفة ابكي من الخضة؟

 الي شوفتها في الكابوس

ولا ارقص من الفرحة؟

 لما اتاكدت اني سليمة

 الحمد لله؟

لكن الغريبة...

 اني في اللحظة دي

  لا بكيت و....لا رقصت

لاني كنت مشغولة 

بحاجة تاني خالص

وهي ..

(هيما الخواجة)

ولقيتني بكلم نفسي

وبقول..

طالما انا سليمة ومعنديش ايدز...

 يبقي اكيد هيما الخواجة سليم هو كمان

امال ليه الناس طلعوا عليه الاشاعة دي؟

 طالما هو سليم؟

وياتري هو بجد ممكن يصدق في كلامة؟

 ويجي يتجوزني؟

 بعدما المحكمة تحكم واخلع نفسي من فرغلي؟

ياااااه  يا فاطنة؟

يعني ممكن الدنيا تعدل كفتها المايلة ؟

وتنصفك في يوم م الايام؟

وزي ما خلصتي من مصيبة الايدز؟

تخلصي من الفضيحة؟

وتعيشي معززة مكرمة زي اي ست في البلد؟

وفضلت احلم بخيالي

واقول...

حقة يا بت يا فاطنة؟

 لو اتجوزتي هيما الخواجة...

 ونسب الي في بطني لنفسة زي ما قال فعلا؟

دنا كده مشاكلي كلها تبقي انتهت؟

لكن هو فين؟

 هيما الخواجة؟

مهو اختفي اهو بقالة فترة

ومسالش فيا 

ورجعت ارد علي نفسي

واقول..

مش انتي يا فاطنة الي زعقتي فيه ؟

وقولتيلة.... امشي من وشي

 مش عايزة اشوفك ادامي؟

يلهوي بالللللي

يعني ممكن يرجع في كلامة؟؟؟

وانا  لما هتطلق من فرغلي

 هبقي حامل... وانا مش علي زمة راجل؟

وفي اللحظة دي

فزيت علي حيلي وقمت

وقررت.... اني اروح لهيما الخواجة

 عشان...

 افكرة... بوعده ليا

واشوف ان كان لسة عند عهدة؟

....

 ولا هيتملص مني؟

وفعلا 

لبست عبايتي ...

وطرحتي

والنقاب بالمره 

عشان محدش يعرفني

 لما اروح بيت هيما الخواجة

وكنت خارجة اجري

 من بيتي

 وانا حاسة ان صحتي وقوتي رجعتلي تاني

وبالفعل 

ركبت توكتوك 

..وروحت لبيت المقاول

 او بالاصح..

بيت هيما الخواجة

وعند بيتة 

نزلني التوكتوك

وكانو النسوان مازلوا 

خارجين و دخلين للعزاء ..

يعني وجودي عند بيتة كان عادي 

ومكنش ملفت للنظر

فا دخلت للبيت 

وبدل ما ادخل للمندرة...

 الي الحريم  بيعزوا فيها 

طلعت علي السلالم

 الي بتوصل لاوض النوم 

فوق 

وكان كل تفكيري

 اني استخبي في اي اوضة

 لغاية ما هيما يفض العزاء...

 ويطلع

 عشان اقدر اكلمة 

علي انفراد

وعشان كنت متلهوجة 

وعايزة استخبي بسرعة

 قبل ما اي حد يشوفني

دخلت علي اول اوضة

 قابلتني 

بعدما ما اتاكدت

 ان الاوضة مفيهاش حد

المهم..

فضلت مستخبية في الاوضة...

 وبعدما فاتت ساعات كتير

وفي اثناء ما كنت بنتظر هيما

 سمعت صوت رجلين جاية علي الاوضة الي انا فيها

واتاكدت ...

ان الشخص الي بره 

جاي علي الاوضة فعلا

 لما شوفت خيال رجلين ادام باب الاوضة 

فا خوفت ....

لا ميكنش هيما هو الي هيدخل عندي الاوضة

فا اتداريت بسرعة

 تحت السرير

لغاية ما اتاكد 

ان الي هيدخل  الاوضة

 هو هيما

وبمجرد ما دخلت تحت السرير 

سمعت الباب بيتفتح

وشوفت رجلين 

دخلت من الباب

بس الي لفت نظري..

ان الرجلين كانت رجلين حريمي..

يعني واحدة ست 

هي الي معايا في الاوضة

وشوية...

وشوفت هدوم بتنزل ع الارض....

 وعرفت انها  بتقلع هدومها

وشوية كمان....

و سمعتها بتتكلم في التليفون..

وبتقول..

لا مش هقدر انزل تاني دلوقتي انا تعبت 

خلص وتعالي...

 انا  مستنياك هنا

بعدما سمعت صوتها...

 شكيت اني اكون اعرف الست دي

لان الصوت ده ...

انا سمعتة قبل كده

وسالت نفسي

وقلت..

لكن يا تري؟

 تطلع مين الست دي؟

وبتقول لمين تعالي مستنياك؟

وفضلت نايمة علي بطني 

تحت السرير  ..

وانا هتجنن ...واعرف

 مين الست صاحبة الصوت....

 الي حاسة اني سمعتة كتير قبل كده؟

و بعد شوية

لقيت باب الاوضة بيتفتح تاني

وشوفت رجلين  شخص 

لكن المرة دي

الرجلين كانوا لراجل...

داخل للاوضة

وبعدها...

سمعت شخص بيتكلم بعصبية

وقال...

انا عارف انك تعبتي

لكن معلش

انزلي بسرعة ...

عشان في اتنين نسوان عايزينك تحت

فا ردت الست الي علي السرير

وقالت..

من عنيا هنزل عشان خاطرك

فا رد وقالها...

طيب يلا انا هسبقك وحصليني..

وخرج الراجل من الباب

وطبعا انا عرفت صوت الراجل...

 لان الصوت الي انا سمعتة 

 كان صوت...

( هيما الخواجة)

وبصراحة...

 مقدرتش امنع نفسي

اني اعرف شكل الست صاحبة الصوت كمان

فا انتهزت فرصة ...انها ادتني ظهرها..

وخرجت راسي من تحت السرير

 عشان اشوف وشها

وفعلا شوفتها

وده كان سبب صدمتي

ومش هتصدقوا 

طلعت مين........؟

يتبع 

                   الفصل التاسع من هنا

لقراءة باقي الفصول من هنا

تعديل المقال