رواية مأمني وأماني
الفصل الثامن عشر 18
بقلم توسل محمد طه
*نحن الفقراء إلى عطائه، وهو الغني عنا، توبو واستغفرو، فما كان معذبهم وهم يستغفرون* 🥀🤍
جوري قعدت في السلم وبقت تبكي بحرقه تبكي بي وجع تبكي بي ندم وأثناء م قاعده تبكي تحس بي يد في كتفها
السلام علیکم ورحمة الله
جوري استغربت ديل منوو؟؟ ردت عليهم
عليكم السلام ورحمة الله
ت: ان شاءالله خير ي اختي بتبكي مالك انتي كويسه؟
ج: كويسه شكراً
وجات تقوم علاء قال ليها اتفضلي على البيت
ج: لالا شكرا
ع: ساكنه هنا انتي؟
ج: ايوه الشقه الفاتحه فيكم دي
ت: نورتو والله
جوري اكتفت انها تبتسم ليها بسس ودخلت
علاء قال لي توسل يلا يلا مواعيد الصلاه جاات ادخلو
طيب م تتأخر
حاااضر
نزل عشان يمشي المسجد لقا خالد في وشو
خالد!!!
خ: اوووو علاء!
كيفك ي زول
والله تمام الحمدلله انت كيفك
والله كلوو تمام الحمدلله
اتفضل على البيت
لالا شكراا شديد مره تانيه ان شاءالله
خيير ان شاءالله
يديك العافيه
عندك شي في الحي هنا؟
ااي والله جيت مع أهل صحبي ديل سكنو هنا جديد
اااا الناس الفاتحين فينا؟
ااي خلو بالكم منهم والله ناس طيبين شديد
ان شاءالله والله
بستأذن منك مواعيد الصلاه جات تمشي المسجد؟
خالد اتفاجأه من السؤال لانو م بتذكر اخر مره صلى فيها متين كان داير يتهرب بس خجل هو فاضي وقاعد سااي وزول عزمو المسجد يقول شنوو؟ قال ليه طيب ارح🤍
ومشا معاهو المسجد اول م دخل حسا بهواء وريحه حلووه شديد شال شهيييق كبيييير وابتسم علاء انتبه بس عمل رايح ومشا على المنبر وخالد اتصدم😹
اقامو الصلاه وعلاء صلى بيهم🤍
صلى بيهم الركعه الاولى سوره القيامه🤍 كان ببكي وهو برتل القرآن ولم الإمام يكون صوتو بالجمال دا وقلبو بالرقه دي كل المسجد ببكي🤍
خالد كان ببكي وحاسي روحو هو المقصود بالآيات دي كان ببكي بحرقه شديده
علاء الركعه التانيه صلاها بسوره الإنسان🤍
كمل صلاتو وبدا يدعي وخالد سجد سجده طويله بعد الصلاه راجع فيها حياتو كلها وعرف قدر شنوو هو ظالم نفسو واذا مات ح يقول لي ربو شنو بقا يسأل نفسو ويبكي والمسجد فضا الا من علاء وخالد ولسه هو ساجد وببكي
بعد رفع راسو لقا علاء منتظرو
خ: معليش نسيت نفسي
م يهمك بس عايز اقول ليك مهما بعدت ربنا كررريم دائما بحب العبد التواب وبحب العبد البرجع ليه مهما كان غلطك وتبت منو اعرف *ان الله غفور رحيم*
خ: *ولكنه شديد العقاب* 😔
نعم هو شديد العقاب لكن رحمن رحيم هو لم تبدأ تقرأ ااي آيات م بتقول انو شديد العقاب او العذاب انت بتسمي عليه وتصفو *بالرحمن الرحيم* كيييف يعذب عبد وصفو بالرحمن الرحيم؟ واهم شي ظنك بالله لو كان خيرا حتى لو كان غلطك كبير شديد وتبت ربنا بقول *انا عند حسن ظن عبدي بي* 🤍 الإنسان معرض للخطأ دائما و *باب التوبه دائما مفتوح فهنيئاً لمن ادركه قبل موته*😔🤍
خ: ح يقبلني؟
ح يقبلك
ح يغفر لي؟
انه الغفور الرحيم
ح يتقبل توبتي؟
انه التواب الرحيم
ح يسمع مني كل شي مضايقني؟🥺
انه السميع العليم
*اللهم إني أشهدك أني تبتُ إليك توبه نصوحا* 🥺🤍
تقبل الله توبتك وثبتك ياااارب🤍
اللهم آمين يارب
طيب اتفضل اتعشا معانا
لا مره تانيه ان شاءالله
ان شاءالله
علاء
احكي
عندي كم سؤال إذا ممكن
اتفضل
متين بقيت امام ماشاءالله؟
من زمان الحمدلله بس في المسجد دا م طولت
ماشاءالله.... كيف قدرت تحفظ؟
ساهله خت الرغبه بسس ومع الرغبه كل شي بتسهل
ان شاءالله
ع: هي كويسه وابتسم ليه☺
عرفت كيف عايز أسألك منها؟
حسيت بيك
طيب هيي كويسه🥺 واسي وين وعامله كيف واخبارها شنو ووصلت وين في الجامعه وبتقرا شنوو وحياتها ماشه كيف🥺 انا ظلمتها كتييير ربنا يغفر لي
ع: اطمن والله هي اختنا والله ويوم واحد م فرزنا بينها وبين احمد وسوما في المعامله
خ: واثق والله بسسس هي بتحبني؟
ع: م بتكرهك انا متأكد بتكون زعلانه منك بس لكن اكيد هي بتحبك شديد لانو الرابط بينكم م علاقه عابره دا رابط بالدم والدم م ببقا مويه ي خالد
خ: بتمنى والله🥺
وصلو العماره وخالد قال لي علاء يلا بستأذن منك
ع: اذنك معاك اتفضل
مشا وعلاء طلع فوق لقا توسل جنب الباب😹
على وين ي ستهم
الجيران الجداد ديل😹
طييب م تتأخري جيبي سند
لا خليه يمشي معاي😹
حاااضر طيب
ودقت الباب فتحت ليها جمانه سلمت على علاء وعلاء سلم على امها من برا وبارك ليهم البيت وقال ليهم لو احتجتو حاجه م تستحو نحن جنبكم هنا بهيسه قالت ليه ان شاءالله وعلاء دخل وقفل الباب وقالو لي توسل اتفضلي دخلت وقعدت وطوالي خشت فيهم😹
جمانه شالت سند وقالت يااارب اجيب شافع يشبهو بس😹
ت: ليك كم ماشاءالله
الخامس يدااب والله😹
ربنا يحلك بالسلامه ان شاءالله
اللهم آمين يارب العالمين خايفه والله طمنيني الولاده صعبه🥺
هي م صعبه بس حقتي كانت صعبه😹
ممكن تحكي لينا
توسل ابتسمت وبدت تحكي ليهم التفاصيل كلها بعد خلصت قشت دموعها لقت جمانه وبهيسه ببكو معاها😹
قامت قشت لي بهيسه دموعها بي يدها🤍 وبقو يتونسو وهم حكو ليها ااي حاجه عنهم الا السبب الخلاهم يجو هنا😹
وتوسل م صدقت لقت ليها جيران تحكي معاهم حكت ليهم عن علاء من اول مره دخل ليها لحد اسي😹
جمانه دي لمن اتأثرت بقصتهم وقالت ليها احييي ياريت لو كل الرجال علاء😹
وبقو يتونسو ويضحكو وارتاحو لبعض ودخلو في بعض من اول يوم كأنهم اهل بس توسل كانت عايزه جوري تجي وتقعد بس القعده كلها جوري م جات طالعه لحد الساعه وحده توسل قاعده معاهم لمن الباب دق اتصدمو لمن لقو د علاء😹
ع: معليش للإزعاج ي جماعه بس توسل دي لو قعدت م بتقوم الا يجوها😑
ب: لا والله ماف ااي ازعاج توسل عسسل بس حسيتها بتي والله😹
ج: وانا حسيت سند ولدي😔
علاء ضحك😹 وقال ليهم جزاكم الله خير ان شاءالله🤍 وعاين لي توسل نمشي؟😒
اااي نمشي وودعتهم وطلعت😹
جمانه قالت لي امها الاتنين ديل حلوين شديد مع بعض😭
ب: وطيبين كمان ماشاءالله تبارك الله
ج: ربنا يحفظهم ان شاءالله
ب: اللهم آمين يارب ويسعدهم🤍
بهناك علاء قال لتوسل اها الجيران لقيتيهم كيف؟
حلويين شديد بس البت الكانت بتبكي في السلم م جات قعدت معانا خاالص
البت دي مكسوره شديد حسيتها
اااي والله حتى انا حسيت كدا ي علاء
ح تساعديها صح😹
حنساعدها**😹
كوويس.... بالمناسبه لاقيت خالد الليله
خالد منوو؟
اخو مشكاة🙂
جاادي لاقيتو وين
تحت
تحت؟
ااي قبل امشي المسجد قال انو الجيران ديل اهل صحبو ووصاني عليهم ومشا معاي المسجد واتكلمنا....الخ
حكا ليها القصه كلها
يسلااام شكلو داير يلتزم ياااخ
اااي ربنا يثبتو
علاء
عيون علاء
اسي مشكاة ح تقبلو؟
اكيدد ح تقبلو
بتمنى والله
قولي ان شاءالله بس
ان شاءالله
*عند فياض*
فياض اسعفو وبطريقه كدا نجو من اورنيق8 وطلعو من المستشفى
قاعدين في شقه عروه وطبعا فياض مفهم اهلو انو عندو امتحانات وم بقدر يرجع البيت لانو م قاري داير يكون قريب للجامعه مع اصحابو واهلو وروهو بمصيبة جوري وعمل فيها م عارف الكلب التافه
المهم قاعد هو وعروه وجاسر كانو يتكلمو
ج: يعني خلاص الفريسه دي راحت مننا لا وكمان بتطعن قويه والله
ع: ماف شي اسمها راحت والله من سما لي واطه نجيبها
ج: نجيبها كيف يعني عارفين محلها وين نحن
ف: نعرف المشكله وين والمره دي ح تشوف شعاع
ع: اسمعو انا عندي طريقه نعرف بيها
ج: اها شنوو
ع: نمشي المدرسه بتاعتها ونشوف نقل الترحيل
ج: م ضروري تمشو مكالمه بس بعرف ليكم اناا
ف: وراجي شنووو يلا سرعه اعرف
جاسر عمل مكالمتو وانتظرو مسافه بتاعت ساعه ونص كدا وتلفون جاسر رنن
الووو
اااي ي ماان ادينا الزيت
بديك زيت الزيت زااتو😹
اهااااا عرفت مكانها؟
م اعرفو الا انا
اهااا وين