رواية مأمني وأماني
الفصل الثاني عشر 12
بقلم توسل محمد طه
*وتأتي المصايب على قدر حبه لك، فالله يبتلي العبد الذي يحب، ويجب علينا الصبر للبلاء، فهو اعلم بحالنا منا، لن يبتلينا بحزن؛ وهو يعلم اننا لن نستطيع تحمله، فصبراً جميلاً والله المستعاان*🥀🤍
مع صرخه الطفل التالت شهقت شهقه زي خرااج الروح💔 الدكاتره لحقوها وركبوا ليها اكسجيين وتوسل من الصدمه بقت في عالم تاني حست انها تايهه بالجد م كانت عارفه الطفل التالت عارفه اتنين وواحد فيهم ميت كمان لم عينها كانت على الطفل الحي وكانت بتنظر ليهو بنظره كلها امل سمعت صوت طفل تاني ببكي وهي شايفه د قدامها ساكت عشان كدا دخلت في عالم تاني
الدكتور خلص العمليه وخيط البطن
وطبعا ك معلومه طبيه انو البطن فيها سبعه طبقات عند الولاده العمليه
كل طبقه بخيطوها مع بعض براها💔 عشان كدا *حبيبنا محمد صلى الله عليه وسلم اوصانا بالأم*😔 لو كل واحد فينا سأل امو انت لم ولدتيني ولدتي طبيعي ولا عمليه؟ وسألها عن تفاصيل ولادتو ح تقول ليه انها شافت الموت وهي بتنجبو💔 ربنا خلا انو المرا البتتوفا في الولاده شهيده ليه؟ لانو الولاده صعبه شديد وممكن الروح تطلع فيها💔 عشان كدا *أمك ثم أمك ثم أمك*
المهم الدكتور بعد خلص وتوسل استعادت وعيها من الصدمه ونفسها استقر جاها الدكتور مبسوط
د. ربنا عوضك ي توسل جبتي تاني ولد🤍
شوفيهم قبل يسقوهم لانو ح يقعدو في الحضانه شهر كامل حتى يطلعو لانو بأعتبراهم لسه ناقصين
توسل شافتهم الأول كان صحتو كويسه شديدد وظاهر انو كويس اما التاني في كان صغييير شديد كان حته عديل كداا توسل عاينت ليهم وابتسمت والممرضه شالت الأطفال وطلعت بيهم
ونقلو توسل غرفه تانيه وجوها امها وابوها يبكو باركو ليها الأولاد ودموعهم في عيونهم وحمدو الله انها كويسه
ابوها دموعو خالص م وقفت قرب على توسل وباسها في رأسها بوسه طويله لحد م دموعو نزلت في وشها
توسل بصوت تعبان قالت ليه م تبكي وحاولت تحرك يدها عشان تمسح ليهو دموعو💔 بس م قدرت لانو هي اصلا كانت تعبانه شديد مع الحمل واسي العمليه تعبتها زيااده وموت طفلها جواها وكونوا بدا يتحلل قاعد ليها غصه في قلبها م قادره تتجاوزها💔
ابوها مسك يدها وباسها وهي ابتسمت ليهو وهو اتقوى لم شاف ابتسامتها المنكسره وقال ليها جبتي ليك اخوان ي بتي محاوله منو انو يلطف الجوو
توسل اكتفت انها تبتسم ليهو بس
وكان قاعد جنبها وماسك يدها وجات امها باركت ليها وبكت معاها وقعدت جنبها بالحته التانيه
وجو ام علاء وابوه باركو ليها واتكلمو معاها شويه وطلعو وسوما ومشكاه نفس الشي
وشيماء ويامن ويزن ويلدز دخلو عليها باركو ليها ويزن حاول يسألها من اثيل بس ابوهو اتدارك الموقف وشالو وطلع قبل توسل تنتبه هو بقول في شنوو لانو اصلا م عندها طاقه تترجم كلامو شيماء قعدت معاهم شويه ولحقت يامن
بقو قاعدين في الغرفه توسل وامها وابوها
بصووت هزيل سألتهم علاء وين؟
جاوبها ابوها
لم عرف انو جبتي طفلين كويسين غير الميت قعد يبكي بطريقه هيستيريه وقال الا يشكر ربو على العوض والنعمه الأداكم ليها🤍 وأثناء م بتكلم علاء جا داخل
ام توسل وابوها طلعو وخلوهم براهم
علاء كان بعاين لي توسل من غير م يقول شي بس عيونو حكت كل شي كانت مورمه من البكا💔 ابتسم ليها ابتسامه مكسوره وفيها قوه عشانها بنفس الوقت وقال ليها مبروك علينا أولادنا
توسل دموعها نزلت
علاء فهمها واصلا ماف زول بفهمها غيرو😔
ربنا كاتب كدا ي توسل م تبكي ي روحي وفي الأخير ربنا عوضنا صح وادانا عوض م كنا متوقعنو اصلا
نحن نتقوى عشانهم لانو هم حياتنا كلها بعد كدا وهم عوضنا ي قلبي م تبكي عشان خاطري وكان ماسك يدها بي يدينو الاتنين
قام عليها وباسها في رأسها وقال ليها م تبكي ي روحي خلاص م تبكي
وعايني لي الاتنين الحياتهم بقت مرتبطه بيك ديل وهم حاليا في اشد الحوجه لينا ي توسل
توسل ضغطت على يدو في حزن وهزت ليه رأسها😔
اها ح نسميهم منوو🤔
الصغير سندد
ليه الصغير؟
م عارفه بس قلبي قال كدا
تحت أوامر قلبك نحن🤍 طوالي يتسمى سند بس والتاني؟
سميهو انت
طيب رايك شنو في سامي؟
سند وسامي حلوين🤍
طيب خليني امشي اسجلهم عشان يطلعو ليهم الشهاده
خليك شويه😔
حاااضر ي روحي انا جنبك
وقعد جنبها وماسك يدها وهي ضاغطه على يدو عشان تطمئن انو جنبها م مشا وبقا قاعد معاها ويقرا ليها قران لحد م نامت وطلع منها
مشا على الأطفال شافهم من براا بس وروحو كانت مشحتفه عليهم وح تطلع عشان يضمهم لي صدرو🥺
ناداهو الدكتور واتكلم معاهو بخصوص حاله توسل وخصوص الأطفال وقال انو عندهم حقنه كل يوم لازم ياخدوها والحقنه دي غاليه شديد شديد علاء قال ليه ااي شي ناقصهم ي دكتور انا جاهز مهما كان السعر وقال ليه انو ح يخرجو توسل بعد تلاته يوم اما الأطفال ح يكونو تحت المراقبه في الحضانه لحد م يكملو الشهر التاسع حتى يطلعو
علاء وافق ليه وابتسم وطلع
ومرت التلاته يوم وتوسل حالتها اتحسنت شويه لانها كانت بتدخل الحضانه تشوف اولادها وتلمسهم لكن م كانت بتشيلهم او بالأصح شالت سامي بس اما سندد لانو كان ضعيف وصغير م خلوها تشيلو💔
شالت سامي وجاها احساس الأمومه ودموعها نزلت وبعد شافت سندد رجعت انهارت وقالت انو سند ح يموت لانو صغير شديد وبقت تبكي علاء حضنها عليهو وهداها وقال ليها م تقولي كدا كل شي في يد ربنا💔
والليله يوم طلعتها من المستشفى قالت لي علاء عايزه تمشي الحضانه قبل يمشو وعلاء قال ليها تمام ومشا معاها
وطبعا عشان يدخلوهم بلبسوهم جزم عديل وجونتيات ومريله كامله وبعد دا يتعقمو حتى يدخلو
المهم دخلو وشافوهم بس م خلوهم يشيلوهم لانو ادوهم الحقنه قبل يدخلو عليهم بشويه بس بقت تعاين ليهم وقالت لي علاء
م ممكن اقعد معاهم ي علاء😭
توسل الدكتور قال لازم ترتاحي انتي ابقي تمام وانا كل يوم بجيبك هنا
وجو يطلعو سامي مسك طرف طرحتها بي اصابعو الصغيره😔💔
توسل قبلت عليهو وقالت الا تشيلو بس الممرضه حلفت م تخليها بقت تبكي والممرضه قالت لي علاء يطلعها برا
علاء مسكها وطلعها برا وحضنها عليهو شديددد لحد م هدت شويه وطلعو مشو على البيت
وهناك ابو توسل ضبح ليها كرامه والناس اتلمت عشان حمدلله ع السلامه لحد م خلص اليوم وكان صعب شديد على توسل ونامت بالليل بصوت علاء وهو بقرا ليها قران
توسل جاتها صحيه الساعه تلاته لقت علاء م جنبها وطلعت لقت شيماء وامها قاعدين لكن يامن وابوها برضو مااف
صحت وقلبها مقبوض شديددد
امي علاء مشا وين؟
ووين بابا؟
امها سكتت م ردت ليها
امي وريني في شنوو وبدت تبكي😭
اتصلو على علاء من المستشفى ي بتي ومشو معاهو يامن وابوك يشوفو الحاصل شنو🥺
اتصلو عليهو لشنو في شنو أولادي كويسين ي امي😭
والله ي بتي م عارفين لسه لكن اطمني ح يكونو كويسين بإذن الله💔
وأثناء م امها بتتكلم معاها جا علاء داخل والحزن واضح شديددد في وشو رفع راسو عاين لتوسل بعيون مالياها الدموع
توسل جرت عليهو
علاء في شنوو😭 أولادي كويسين صح؟ م جاتهم حاجه ي علاء قول لي م جاتهم حاجه ي علاء😭 وبقت ماسكه في علاء وتبكي وعلاء يبكي معاها💔 قعدت في الأرض وعلاء مسكها وقعدت جنبها حاضنها وهي تبكي💔 لحد م جا ابو توسل شايل طفل مكفن في يدوو😭💔
جرت عليهو وشالتو منوو
وفتحت وشو لقتو...
______________
فياض ابتسمت وقرب منها شديد المره دي و💋
جوري بس اكتفت انها تنزل عيونها وفياض زاد في البعمل فيهو💔 لحد م اتحرك ووصلها البيت وقال ليها انا بحبك ي جوري
وانا كمان ي فياض
وجات تنزل وقفها
جوري
نعم
انتي بتثقي فيني؟
اكتر من نفسي
طيب م عايزك تخافي مني وانا في النهايه ح اكون راجلك صح
ااي
يبقا م تخجلي مني برضو والبحصل بينا خليهو بينا تمام ي مرتي😉
تماام
ونزلت منو جرت على غرفتها عاينت لنفسها في المرايه وهبشت شفايفها وابتسمت بخجل وقالت كنت عارفه انو بحبني🙈
اتصل عليها فياض مكالمه فيديو غير العاده كان بتصل مكالمه صوتيه بس
ردت ليهو بدون تردد وهي م لابسه طرحه
ف: اشتقت ليك ياااخ
وانا كمان
شنو الحلاوه دي كلهااا
عيونك الحلوه🙈
كدي فكي شعرك السمح دا يااخ انا بحبو😘😔
جوري ابتسمت وفكت شعرها
جيبيو لقدام
جابتو
رجعيهو لي ورا يلا🤤
رجعتو
مرتي الحلوه ياااخ🤤😘
بقت تضحك
انتي حقت منو ي جوجو😉
حقتك انت بس🙈
احيييييينناااا ي لطييييف🤤😔
معليش حبيبي
انتي لسه م غيرتي ملابس المدرسه؟
اااي
قومي قومي غيري
طيب حبيبي برجع ليك بعدين
لا
لا شنو😹
خلي الخط فاتح😘