رواية حب الماضي
الفصل الثاني عشر12
بقلم مارينا علي
انا زهق*ت من اختك المشل*لة دى هفضل لحد امتى مستحملاها
كامل: وطى صوتك شوية يارهف لتسمعنا
رهف: تسمع ولا متسمع*ش انا جبت اخ*رى منك انت واختك
كامل: يعنى عايزانى اعمل ايه يعنى؟ اط*رد اختى من البيت وبعدين مانتى عارفة ماما تعبانة شوية وفى المستشفى نستحمل شوية لحد ماامى تقوم بالسلامة ياحبيبتي
رهف بعصبية: امك بقالها شهر على الوضع ده وانا مش قادرة اتحمل مسئولية اختك.... انا بقالى شهر مش عارفة اخرج ولا اعمل اى حاجه غير العيال الل مطلعي*ن روحى
كامل: معلش ياحبيبتي ماهو مفيش غيرك الل يقدر يهتم بااختى هنسيبها يعنى نرمي*ها فى الشارع فترة وهتعدى عشان خاطرى
رهف: تمام اما نشوف اخرتها
كانت قاعدة على الكرسى المتحرك بتاعها ودموعها نازلة بغزارة وده بعد ماسمعت كلام مرات اخوها اتمنت انها لو مكنتش عاج*زة وحست أد ايه هيا فعلا محتاجة لامها جمبها هيا اكتر واحدة مستحملة ومستحيل ييجى يوم وتزه*ق منها
كامل: سارة انتى.. انتى لسة صاحية؟
اكتفت سارة انها تهز راسها فحس كامل انها سمعت مراته وهيا بتشتك*ى منها
كامل: سارة انتى فى حاجة مزعلاكى ياحبيبتي؟
سارة: لا مفيش بس كنت قلقان*ة على ماما
كامل بحنية: هتبقى بخير ان شاءلله ياحبيبتي مش عايزك تقلقى ولا تشيلى هم اى حاجة
سارة بدموع: لو ماما حصلها حاجة انت فعلا هترمين*ى فى الشارع؟
رد كامل بسرعة وقال: لا طبعا انتى اختى حبيبتى مستحيل اعمل كدة
سارة بحزن: بس رهف..
كامل بمقاطعة: سيبك من رهف انا مستحيل افرط فيكى ومش عايز اسمعك بتقولى كدة تانى تمام؟
سارة بابتسامة بسيطة: تمام
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹
منال بتعب: مجبتش سارة معاك ليه ياكامل؟
كامل: هجيبها معايا المرة الجاية ياماما
منال: هيا عاملة ايه؟ طمنى على بنتى كويسة عايشة ازاى؟
كامل: اطمنى ياماما هيا كويسة رهف بتهتم بيها على ماتقومى بالسلامة
منال: كتر خيرك يارهف يابنتى مش عارفة اتشكرك ازاى
رهف باابتسامة مصطنعة: بتشكرينى على ايه ياطنط ده واجبى
فى الوقت ده دخلت حور اخت كامل ومعاها زوجها خالد
حور: ماما حبيبتي اخبارك ايه؟
منال: انا كويسة ياحبيبتي متقلقيش عليا
خالد بمزاح:اومال بيقولوا انك تعبانه ليه مانتى زى العسل اهو
منال باابتسامة: مش فارقة يابنى انا هعيش قد الل عيشته المهم عندى سارة بنتى
حور: متقلقيش ياماما سارة اختى فى عنيا ان شاءلله ناوية اخدها تقعد معايا لحد ماتقومى بالسلامة
بصلها خالد جوزها اول ماقالت كدة
خالد: همشى انا عشان متأخرش على الشغل وهبقى اجيلك تانى ياطنط اطمن عليكى
منال: تروح بالسلامة يابنى
فى الخارج
خالد: انت اتجنن*تى ياحور ازاى تقولى لامك انك عايزة تجيبى اختك تعيش معانا
حور: وفيها ايه ياخالد؟
خالد بعصبية: فيها كتير يامدام ياريت تعقلى كلامك قبل ماتقوليه
حور بعصبي*ة: انت بتعلى صوتك عليا ياخالد!
خالد: انا مش بعلى صوتى انا بفهمك الوضع
حور بعند: وانا هجيب اختى تقعدى معايا سواء عجبك ولا لا
خالد بعصب*ية: تقصدى ايه يعنى يامدام؟
كامل: مالكم فى ايه صوتكم عالى ليه؟
خالد بغض*ب: تعالى شوف اختك بتقول ايه
حور بصوت عال*ى : ده كله عشان قولتلك اجيب اختى تعيش معايا... مكنتش اتصور ان معندكش رحم*مة فى قلبك كدة
خالد بنرف*زة: كلمة زيادة وهض....
كامل: انت هتزعق*لها قدامى ولا ايه!
رهف بتوتر شديد: كامل...
كامل: فى ايه يارهف جاية تجرى ليه ووشك اصفر كدة ليه؟
رهف بخوف: كامل امك...
حور برعب: مالها ماما
رهف: مات*ت