رواية لأنها توسل
الفصل الرابع والعشرون 24
بقلم سوسو تويكس
*
صحيت الصباح ولقيت نفسي في السرير فتحتا عيوني لقيت غيث راقد بعاين لي اتذكرتا الحصل امبارح ودموعي نزلو قبلتا وجهي منو، مسح لي دموعي وهو بقول:قومي نتوضى نصلي،، بعدي ما انتهينا من الصلاة قعدني في السرير وهو ومحتوي يديني و قال بهدوء :انا عارف انو الحصل صعب عليك وشديد كمان،، بس انتي عارفه دي امي ما بقدر اتحمل خسارتها وحتى انتي نفس الشي ما بقدر اتحمل خسارتك (ضغط على يديني وكانو عارف اني ح انفعل بعد الحيقولو)ح اتزوجها بس حيكون زواج عالورق لي فترة مؤقته لحدي ما امي تروق واقدر اقنعها تتقبلك وبعداك بطلقها،، نزلت راسي وانا ما شايفه من الدموع قلبي ما متحمل وما مطمن في نفس الوقت خايفه يحبها ويتعلق بيها ويرفض يطلقها،، رفع لي راسي بيدو وبقول بصوت حنين :انتي ما واثقه فيني ولا شنو ال بتفكري فيهو ما ح يحصل ابدا صدقيني قلبي ليك انتي وبس +انا اسيل لو كنت عايزها كان عرستها من زمان صاح ولا لأ؟،، قمتا من السرير وانا بقول :ما معروف الناس بتتغير ومشاعرها بتتغير مع الزمن، انا محتاجه اكون براي عشان اقدر افكر وأخد قراري،، ما حب يطغط على قالي :تمام،، وطلع من الجناح لقيت نفسي بفكر لمن نمتا تاني، صحيت بصوت جرس الباب فتحتو طلعت دي غزل:جيت اطمن عليك بعد الحصل إمبارح،، طوالي بقيت ابكي جات حضنتني وهي بتهدي فيني بعد ما هديت حبه قالت لي:انا اسفه عالحصل بسبب امي رغم انو اعتذاري ما بفيد، وامي دي طبعها كده من زمان بتتحكم بينا ولو ما نفذتا اوامرها بتزعل وتتعب،، توسل:انا ماعارفه هي لي مصرة ما تتقبلني لكن البعرفو انو انا وغيث ما ممكن نكمل مع بعض،، غزل:عارفه انو الموضوع صعب عليك بس، بس والله غيث متعذب اكتر مشتت وحيران بين طرفين والاتنين ما بقدر يخسركم، ولو سمع بقرارك ده ح يتدمر اكتر من وقت توسل ديك، انا ما بقول كده عشان هو اخوي لأ، عشان دي الحقيقه ختي نفسك مكانو وح تفهمي قصدي، ما تتسرعي في القرار عشان الندم ما بفيد،، بس سمعنا صوت زغاريت عاليه عاينا لي بعض بخلعه ونزلنا، ياااوجعتي، لقيت اسيل وامها وام غيث شغاله تبارك ليها سااي...