أخر الاخبار

رواية مزاولة حب الفصل الثالث عشر13والرابع عشر14بقلم دودو محمد


 رواية مزاولة حب الفصل الثالث عشر13والرابع عشر14بقلم دودو محمد


فى الاسكندريه 

فى شاليه انس 

كانت قاعده ندي وامها وانس ماسك الجريده وبيقراه فيها 

ندي :- وهى بتبص لانس قالت شوفتى يارا يا ماما 
ام ندي :- مالها يا بنتى 
ندي :- مش جالها عريس وقالتها بصوت عالى وهى بتبص على انس 
ام ندي :- بجد ربنا يسعدها يارب 
ندي :- بس هى رافضه 
ام ندي :- ليه كده 
ندي :- بتقول مش هو فتاه أحلامها اصل هى بتحلم تتجوز ظابط فى الجيش واخده بالك انتى يا ماما ظابط فى الجيش 
ام ندي :- يا بنتى الجواز قسمه ونصيب يعنى اللى ليها نصيب معاه هو ده هيكون جوزها ابو ولادها 
ندي :- بصت على انس لاقته بيقراه فى الجريده ومش منتبه لكلامها خالص وقفت بغيظ وقالت انا رايحه عند البنات 
ام ندي :- ماشي يا بنتى 
ندي :- بصوت عالى اااااانس 
انس :- ايه صوتك عالى كده ليه
ندي :- بقولك هروح اقعد مع البنات 
انس :- روحى ومتتأخريش وبص تانى فى الجريده 
ندي :- بصت بغيظ ونفخت وراحت عند شاليه تمارا ودخلت قعدت على السرير من غير ولا كلمه 
يارا :- ها عملتى ايه 
ندي :- لا حياة لمن تنادي خالص عملت زى ما قولتوا وهو فى الباى باى مش هنا 
يارا :- بزعل طيب وبعدين 
تمارا :- أجمدى يا بت انا وراه والزمن طويل هخليه يعرف يعنى يعرف 
رحمه :- ها قولى يا ام العروف هنعمل ايه تانى 
تمارا :- هقولكم 
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
عند ارين

دخلت ارين الاوضه لاقت يوسف مش موجود اتنهدت وخرجت سألت سميحه عليه قالت 

ارين :- طنط مشوفتيش يوسف 
سميحه :- لاء يا بنتى تلاقيه عند مالك ولا حاجه 
ارين :- اوك عن اذنك وخرجت تدور عليه لاقته قاعد قصاد البحر راحت عنده وقعدت جنبه وقالت بتعمل ايه يا حبيبى 
يوسف :- ولا حاجه قاعد قصاد البحر 
ارين :- حطت راسها على كتفه ومسكت فى دراعه وقالت طيب مش هتدخل ننام 
يوسف :- مش عايز انام لو عايزه تنامى انتى ادخلى 
ارين :- لاء هقعد معاك 
وفى الوقت ده خرجت تمارا تتمشى على البحر وشافت ارين ويوسف قاعدين اتنهدت بوجع وراحت تتمشي 
يوسف :- تمارا يا تمارا 
تمارا :- وقفت وقالت نعم 
يوسف :- راح عندها وقال رايحه فين 
تمارا :- هتمشى شويه 
يوسف :- استنى اجى معاكى علشان محدش يضيقك 
تمارا :- تيجى معايا ؟ طيب ومراتك هتسيبها لوحدها مينفعش برضه ما يمكن حد يجى يضيقها هى كمان هى محتاجك تدافع عنها اكتر منى عن اذنك وسابته ومشيت 
يوسف :- بص ليها وهى ماشيه وبص لارين لاقها بتبص ليه والدموع فى عينيها وقامت وقفت وطلعت تجرى على اوضتها بص اتجاه ما تمارا مشيت ورجع بص على الشاليه بتاعهم واتنهد وراح وراه ارين ودخل الاوضه وقعد جنبها على السرير وقال ممكن اعرف انتى بتعيطى ليه دلوقتى 
ارين :- بدموع والله مش عارف انا بعيط ليه جوزى بيجرى وراه حبيبته قدامى وسابنى وراح وراها ولا كأنى قاعده جنبه وجاى تسألنى بعيط ليه 
يوسف :- اتنهد وقال انا عارف ان قولتلك أن بحب تمارا بس فى الاخر اختارتك انتى ولما روحت ليها مش قصدى حاجه كل الحكايه أن هى لوحدها وهى مسؤوله منى زى رحمه بالظبط 
ارين :- ومسؤوله منك ليه بقى أن شاءالله كانت اختك ولا مراتك 
يوسف :- ها بنت الجيران اللى عيشت طفولتى معاها وأهلها زى اهلى بالظبط 
ارين:- بعدم اقتناع ماشى يا يوسف تصبح على خير 
يوسف :- اتنهد وقال وانتى من أهله 
ارين :- مش هتنام 
يوسف :- ها ا.ا.اه هنام ونام جمبها واخدها فى حضنه وغمض عينه 
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
عند تمارا 

غمضت عينيها بوجع واتنهدت بحزن وقعدت فى الارض وضمت رجليها عند صدرها وحطت اسكتش الرسم  عليها وقعدت ترسم وسمعت صوت ياسين بيقولها 

ياسين :- بتعملى ايه 
تمارا :- رفعت راسها وبصت ليه وقالت ياسين كنت فين طول النهار مشوفتكش 
ياسين :- روحت شوفت امى ولسه واصل 
تمارا :- انا فاكره انت قولت بتيجى تانى يوم 
ياسين :- ايوه بس المرادى اطمنت عليها ورجعت علطول 
تمارا :- غريبه واشمعنا المرادى يعنى 
ياسين :- ها ع.ع.عادى جيت وقولت اكيد انك مش هتنامى الليل علشان مش هتشوفينى 
تمارا :- ضحكت وقالت والله 
ياسين :- بضحك ايوه كده اضحكى وقعد جمبها وقال ها عملتى ايه النهارده 
تمارا :- ولا حاجه نزلت البحر مع البنات هبقى اعرفك عليهم وقعدنا شويه مع بعض وكل واحده راحت تنام 
ياسين :- وانتى منمتيش ليه 
تمارا :- مش عارفه مش عايزه انام بحب الهدوء 
ياسين :- ايه ده انتى بترسمى
تمارا :- يعنى بحب الرسم وفى اوقات معينه 
ياسين :- تعرفى أن انا كمان بحب الرسم 
تمارا :- بجد 
ياسين :- اه والله وعندى رسومات كتير كنت بشتغل فيهم وقت فراغى
تمارا :- يبقى بصره يا معلم انا كمان كده 
ياسين :- امى بتسلم عليكى 
تمارا :- بأستغراب عليا انا 
ياسين :- ايوه كلمتها عليكى كتير وهى حبتك اوى وطلبت منى ابلغك السلام 
تمارا :- ابتسمت وقالت الله يسلمك ويسلمها 
ياسين :- ورينى بقى هترسمى ايه 
تمارا :- شكل القمر وهو مكتمل فى سماء صافيه مع انعكاسه فى الميه شئ خرافى 
ياسين :- فعلا منظر تحفه تحبى اساعدك 
تمارا :- مفيش مشكله اتفضل 
ياسين :- اخد الاسكتش وقعد يرسم وتمارا تتفرج عليه وتضيف ليه شويه ملاحظات وبعد وقت سمعوا صوت يوسف 
يوسف :- تحبوا اجيب ليكم شجره واتنين ليمون 
ياسين :- نعم ؟!
يوسف :- زى ما سمعت يا ظريف 
تمارا :- وقفت وقالت عايز ايه يا يوسف جاى ورايا ليه
يوسف :- جيت علشان اشوف الهانم اللى قاعده مع واحد غريب فى وقت متأخر 
تمارا :- وده يخصك فى ايه انا حره ملكش دعوه بيا واياك تفكر تعمل واصى عليا فاهم 
يوسف :- مسكها من دراعها وقال امشى قدامى 
ياسين :- مسك أيده وسحب دراع تمارا وقال حسك عينك تفكر تمد ايدك عليها وانا واقف 
يوسف :- والله وهتعمل ايه وانت بتدخل ليه اصلا شئ ميخصكش 
تمارا :- لاء يخصه هو وميخصكش انت يا يوسف ولاخر مره اقولها ليك ملكش دعوه بيا وابعد عن طريق فاهم وبصت لياسين وقالت تعال نقعد فى مكان تانى غير ده وبصت ليوسف من فوق لتحت بقرف ومشيت مع ياسين 
يوسف :- بص عليهم وهما ماشين وداس على أسنانه بغيظ وقال ماشي يا تمارا ورجع تانى على الشاليه بتاعهم
ياسين وتمارا مشوا بعيد عن يوسف وقال ياسين
ياسين :- هو انا ممكن أسألك سؤال 
تمارا :- اه طبعآ أسأل 
ياسين :- هو فيه حاجه ما بينك وبين يوسف ده 
تمارا :- بتوتر ها ل.ل.لاء بتسأل ليه 
ياسين :- لأنها واضحه يا تمارا وغيرته عليكى واضحه اوى 
تمارا :- لاء خالص انت عارف أنه لسه عريس جديد بس انت عارف صداقتنا من واحنا صغيرين علشان كده بيعتبرنى زى أخته بالظبط 
ياسين :- بس غيرت يوسف عليكى مش غيرت اخ على أخته دى غيرت حبيب على حبيبته 
تمارا :- اتنهدت بوجع وقالت تصبح على خير 
ياسين :- مش هتردى على كلامى 
تمارا :- يلا روح ريح تلاقيك تعبان من السكه 
ياسين :- بس 
تمارا :- قطعته وقالت يلا بقى الوقت أتأخر باى وسابته ومشيت 
ياسين :- بص عليها وهى ماشيه وراح على الشاليه الخاص بتاعه 
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
اشرقت شمس صباح يوم جديد بنورها الساطع فى سماء الاسكندريه لتبدء ندي بفتح عيونها على صوت يارا قامت قعدت بغيظ وقالت 

ندي :- فيه ايه على الصبح يا يارا 
يارا :- يلا يا ندوش علشان نعمل اللى اتفقنا عليه 
ندي :- الله يحرقك انتى وهو فى ساعه واحده عايزه انام يا خلق 
يارا :- بعد الشر عليه 
ندي :- يا محننننننى 
يارا :- يلا يا حبيبتى قومى ربنا يهديكى
ندي :- هوف حاضر وقامت وقفت وقالت اتزفتى قدامى 
يارا :- مش هتغسلى وشك طيب
ندي :- لاء هو كده عجبك ولا اروح اكمل نوم 
يارا :- لاء خلاص حلو كده امشى يلا وخرجوا الاتنين بره وكان قاعد انس مع أمه بيشرب القهوه وبيقراه فى الجريده 
يارا :- بصت عليه بحب واتنهدت وقالت صباح الخير يا خالتى 
ام ندي :- صباح النور يا بنتى تعالى افطرى 
يارا :- شكرآ يا خالتى مش عايزه وبصت على ندي لاقتها نايمه وهى قاعده خبطتها بكوعها فى بطنها صحيت ندى من نوم وقالت بألم 
ندي :- ااااه
ام ندي :- فيه ايه يا بنتى 
ندي :- وهى بتبص بغيظ ليارا قالت مفيش
ام ندى :- خدى طيب أدى ليارا كوباية الشاى بلبن دى 
ندى :- ما تقوم تخدها هى اتشلت 
يارا :- شكرآ يا خالتى مش عايزه وبصت لندى وقالت بصوت واطى ده انا هنفخك بس لما نمشى من هنا 
ندى :-احم ما تحاولى يا ماما تكلمى يارا توافق على العريس ده بدل ما هى منشفه دماغها ومش عايزاه 
ام ندى :- ليه يا بنتى مش موافقه عليه 
يارا :- مش هو اللى بحلم بيه يا خالتى انا ليا مواصفات خاصه لشريك حياتى 
ندى :- ايه هى بقى 
يارا :- يكون طول بعرض شخصيه كده وعنده هيبه فى نفسه ويكون تقيل واخده بالك يا ندى تقيل واهم حاجه يكون ظابط فى الجيش حلم عمرى اتجوز ظابط فى الجيش 
ندى :- وطنيه وكده ما انتى عارفه يا ماما الناس كلها بقت وطنيه 
يارا :- بصت على انس لاقته بيقراه فى الجريده بصت لندى بغيظ 
ندي :- انس يا ااااانس 
انس :- ايه عايزه ايه 
ندى :- تشرب شاى بلبن 
انس :- لاء شكرآ وطبق الجريده وقام وسابهم 
يارا :- بصت لندى وقالت احيه 
ندى :- لا حياة لمن تنادى 
يارا :- مفيش فايده 
ام ندى :- تشربوا شاى بلبن 
ندى :- بصت ليارا وقالت ليمون ساقع ساقع يا ماما 
يارا :- خرجت تجرى 
ندى :- بت يا يارا استنى يا زفته
يارا :- بعصبيه اخوكى ده ايه جبله مش بيحس حمار مش بيفهم بجم مش بيتكلم ايه برود الأعصاب اللى هو فيها دى تقيل لاء ده مش تقيل ده حجره لاء مش حجره ده جبل مبيتهزش انتى ساكته ليه وبتبصى على ايه وبصت وراها مكان ما هى بتبص لاقت انس واقف وراهم بصت لندى وهزت راسها وقالت ايه ها الدنيا باظت صح 
ندي :- هزت راسها بمعنى ايوه 
انس :- ادخلى جوه يا ندى 
ندى :- ها 
انس :- ادخلى جوه 
ندى :- ح.ح.حاضر ولسه هتدخل 
يارا :- مسكت فيها وقالت ا.ا انا جايه معاكى 
ندى :- م.م.ماشي يلا 
انس :-قال بصوت عالى ليارا استنى انتى هنا وانتى ادخلى جوه زى ما قولتلك  
يارا :- بخوف متدخليش 
ندى :- بصت ليها بقلة حيله وسابتها ومشيت 
يارا :- بصوت متقطع ن.ن.ندى يا ن.ن.ندى 
انس :- قولى بقى كنتى بتقولى عليا ايه 
يارا :- ها م.م.مقولتش حاجه 
انس :- بزعيق متكذبيش
يارا :- انتفضت من مكانها ودموعها نزلت منها وقالت م.م.م 
انس :- هتمأمأى كتير كده انطقى كنتى بتقولى ايه عليا
يارا :- بدموع انا عايزه امشى ولسه هتمشى 
انس :- مسكها من دراعها 
يارا :- اتصدمت وبصت ليه بتوتر 
انس :- قرب من ودنها وقال متخلقتش على الأرض لسه اللى تفكر تغلط فيا فاهمه وداس على دراعها جامد 
يارا :- بألم ودموع قالت ف.ف.فاهمه 
انس :- ساب دراعها ودخل الشاليه 
ندى :- خرجت تجرى واخدت يارا فى حضنها 
يارا :- مسكت فى ندى وقعدت تعيط 
ندي :- متزعليش يا يارا انس اخويه مش بيحب حد يغلط فيه وهو للاسف سمع كلامك من أوله وانتى بتشتمى فيه 
يارا :- بدموع انا بكرهوا بكرهوا 
ندى :- لا شيخه ولما انتى بتكرهيه قرفانه ليه بيه 
يارا :- مسكت فيها اكتر وعيطت وقالت علشان بحبه اوى 
ندى :- ضحكت عليها وقالت مجنونه يلا امسحى دموعك وتعالى لما اشوف اخرة صبرى فين 
يارا :- مين 
ندى :- هيييييح مالك 
يارا :- طيب هو احنا كده خلاص فشلنا فى الخطط كلها مع اخوكى 
ندى :- نهار اسوح عليا انتى محرمتيش امشى قدامى يا يارا امشى وهزت راسها يمين وشمال 
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
عند شاليه تمارا 

صحيت تمارا من نومها دخلت اخدت شاور وخرجت أدت فرضها وخرجت من اوضتها لاقت كلهم قاعدين قالت 

تمارا :- صباح الخير 
الكل :- صباح النور 
سميه :- تعالى يا حبيبتى افطرى
تمارا :- معلش يا ماما مليش نفس وقعدت جمب ابوها وحطت راسها على كتفه 
عماد :- باس راسها وقال عامله ايه دلوقتى يا حبيبتى 
تمارا :- الحمدالله كويسه 
وفى الوقت ده دخل يوسف وهو متعصب وقال 
يوسف :- عم عماد كنت عايز اقولك على حاجه 
عماد :- قول يا ابنى 
يوسف :- ينفع كده بنتك تقعد مع واحد غريب لنص الليل 
تمارا :- كانت لسه هترد ابوها بص ليها تسكت 
عماد :- فيها ايه مدام بنتى بتعمل كل حاجه بعلمى يبقى مفيش مشكله 
يوسف :- بعلمك 
عماد :- ايوه بنتى مش بتعمل حاجه من ورايا وهى استأذنت منى وانا وافقت 
يوسف :- بس يا عمى كده غلط ازاى تسمح لبنتك تقعد مع شاب بليل لوحدهم
عماد :- اولا هما كانوا قاعدين على البحر يعنى فى مكان مفتوح ثانيآ انا واثق فى بنتى جدآ وعارف انا مربيها ازاى ثالثآ بقى وده الاهم طول ما انا عايش محدش ليه حاجه عند بنتى تعمل اللى هى عايزاه 
يوسف :- كده يا عمى براحتك عن اذنك وخرج وهو متعصب 
تمارا :- حضنت ابوها وقالت ربنا يخليك ليا يا بابا 
عماد :- طبطب عليها وقال ويخليكى ليا يا حبيبتى 
تمارا :- وقفت وقالت هدخل اغير هدومى
عماد :- انا جاى معاكى عايزك 
تمارا :- تعال يا بابا ودخلوا الاتنين مع بعض الأوضه 
كريم :- تفتكرى بابا عايز تمارا فى ايه 
سميه :- مش عارفه الله اعلم وبعدين بصت لكريم وقالت انت ليه بطلت تعمل فيديوهات على التيك توك 
كريم :- ها م.م.مفيش بس مش فاضى 
سميه :- ده انت كنت بتبقى عسل فى الفيديوهات 
كريم :- اكتفى بأبتسامه لامه ومردش عليها 

فى الأوضه 

دخلت تمارا مع ابوها الاوضه وقفلت الباب وراها وقالت 

تمارا :- خير يا بابا 
عماد :- طبعآ انتى عارفه أن اللى انتى عملتيه ده غلط مش معنى ان دافعت عليكى قصاده يبقى انا موافق على الغلط ده انا واثق فيكى يا بنتى بس مش واثق فى الشاب ده وبعدين مينفعش بنت تقعد مع شاب متعرفهوش لنص الليل على البحر 
تمارا :- اسفه يا بابا مش هتحصل تانى 
عماد :- مشى أيده على شعرها وقال يا حبيبتى انا خايف عليكى مش عايز حد يجيب سيرتك بكلمه كده ولا كده 
تمارا :- حاضر اوعدك مش هتتكرر تانى الغلطه دى يا بابا 
عماد :- ربنا يكملك بعقلك يا حبيبتى مين بقى الشاب اللى كنتى قاعده معاه ده 
تمارا :- ده ياسين كان معايا انا ورحمه فى المدرسه هو محترم جدآ وخلوق اول ما جيت هنا حصلت ما بينا كلام وبعد كده انقذ كريم اخويه من الغرق هو اصلا شغال فى فريق الانقاذ على الشط هنا وبس بعد كده عرفت أنه كان معايا فى المدرسه وقعدنا مع بعض كذا مره بيحكى ليا عن حياته ولما بكون مضايقه واتكلم معاه بنسى الزعل ده واضحك 
عماد :- انا مش هقولك خلينى أقابله ؛وقت ما تحبى أقابله واتعرف عليه قوليلى ماشى 
تمارا :- ابتسمت ليه وقالت ماشى 
عماد :- باس راسها وقال هروح اشوف عمك حسام فين العب معاه دور شطرنج واغلبه زى كل مره وسابها وخرج 
تمارا :- بصت على ابوها وهو ماشى وابتسمت وبعدين قالت ماشى يا يوسف أنا هعرفك تدخل فى حياتى ازاى وقامت غيرت هدومها وخرجت من الشاليه 
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
عند رحمه 

كانت حاسه بشوية مغص فى بطنها دخلت الحمام وخرجت وهى متعصبه وقالت 

رحمه :- يوووووه بقى مش وقتك خالص هنزل البحر ازاى انا دلوقتى هوف اهى نص الاجازه كده راحت وغيرت هدومها وخرجت وقالت ماما انا هخرج اتمشى شويه على البحر 
سميحه :- ماشى يا بنتى 
رحمه :- خرجت وراحت عند الشط ومشيت على المايه وقابلت بدر هو كمان واقف على الشط قالت انت واقف كده ليه 
بدر :- ها اصل زهقت من نزولى المايه قولت اقف على الشط شويه 
رحمه :- بصت على هدومه وقالت بس انت هدومك مش مبلوله 
بدر :- ها ا.ا.اه ما انا روحت غيرت هدومى وجيت وانتى بقى منزلتيش المايه ليه شكلك من البنات اللى بتخاف من البحر 
رحمه :- لاء خالص انا بحب انزل البحر جدآ بس احم تعبانه شويه
بدر :-لاء الف سلامه عليكى 
رحمه :- الله يسلمك عن اذنك ولسه هتمشى 
بدر :- لاء استنى رايحه فين 
رحمه :- هتمشى شويه 
بدر :- تمام موافق اتمشى معاكى 
رحمه :- نعم !
بدر :- اقصد يعنى همشى معاكى علشان محدش يعاكسك لازم يكون معاكى رجل قوي زى 
رحمه:- احلف بأمارة ما ايد اخويه يوسف لسه سايبه اثر على وشك 
بدر :- هو انتى بتعتبرى اخوكى ده انسان عادى زينا كده 
رحمه :- امال ايه 
بدر :- لاء غلطانه اخوكى من الوحوش اللى بتطلع فى افلام الخيال ده ودانه بطلع نار كف أيده مرزبه 
رحمه :- ضحكت على كلامه وقالت انت مشكله 
بدر :- استنى كده 
رحمه :- بأستغراب ايه فيه ايه 
بدر :- الضحكه دى بجد
رحمه :- لاء كده وكده 
بدر :-أصلها حلوه اوى 
رحمه :- بصت ليه بأستغراب وقالت تعرف انك شخصيه غريبه تحس انك مجنون ودمك خفيف طيب اوى بس مش عارفه بقى خلطه كده مش راكبه على بعض الصراحه 
بدر :- اوقات كتير الناس بتقول على اللى بيحب الضحك والهزار عبيط واهبل مع أن انا بشوف اوقات الضحك والهزار الكتير دول بيبقى وراهم دمعه مستخبيه ساعات بنحاول نهرب من واقع مر بالضحك والهزار يا رحمه 
رحمه :- مين قال كده باللعكس عمر الضحك والهزار ما كانوا عيب يا بدر وعلى فكره انا اخد بالى أن رغم ضحكك وهزارك فيه حزن فى عينك لو حابب تتكلم انا ممكن اسمعك
بدر :- ابتسم ليها وقال مأخدش اشارك حد فى مشاكلى
رحمه :- ليه 
بدر :- سيبك انتى من مشاكلى المهم مردتيش عليا هى ضحكتك دى بجد 
رحمه :- بصت ليه بأعجاب وقعدت تضحك 
بدر :- بضحك امووووت انا وكملوا مشى مع بعض  
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
عند ندي

سابت يارا وراحت تشوف مالك فين بس ملاقتهوش اتنهدت ولسه بتلف سمعة صوت مالك بيتكلم مع حد فى التليفون بالانجلش مشيت براحه وراحت تسمع المكالمه لاقته بيقول (الترجمه علطول)

مالك:- واحشتينى اوى عامله ايه 
المتصل :-............
مالك :- انا كويس يا زوزو بس نقصنى وجودك معايا 
المتصل :- ...............
مالك :- دى كانت احلى واجمل ايام مع بعض 
المتصل :-...............
مالك :- اكيد هاجى اشوفك واحشنى هزارك وضحكك معايا انتى كنتى اقرب واحده لقلبى  بعد يوسف احلى ايامى قضيتها فى شقتك 
ندى :- سمعت الكلام ده دموعها نزلت منها وطلعت تجرى تدور على البنات 
مالك :- مش ناويه تيجى مصر علشان اعرفك على البنت اللى خطفت قلبى 
المتصل :-...............
مالك :- هستناكى بوسى ليا اولادك جاك وجيسي باى وقفل السكه وراح يشوف فين ندى 
ندى :- شافت تمارا لسه خارجه من الشاليه بتاعها راحت تجرى عليها واترمت فى حضنها وقعدت تعيط 
تمارا :- بأستغراب مالك فيه ايه وفى الوقت ده جات يارا وقالت 
يارا :- ايه ده مالها 
تمارا :- معرفش لاقتها بتعيط ومقالتش حاجه 
يارا:- مالك يا ندي 
ندى :- بعصبيه متجبوش اسم الزفت ده قدامى 
تمارا :- اسم مين 
ندى :- مالك 
تمارا :- ليه ايه اللى حصل 
ندى :- بدموع طلع يعرف واحده وكان بيتكلم معاها وبيقولها واحشتينى 
يارا :- طيب ما يمكن أمه ولا أخته وبيكلمهم عادى 
ندى :- لاء بيقولها انتى اقرب حد لقلبى واجمل ايام قضتها فى شقتك فيه حد هيقول لأمه ولا لأخته كده 
تمارا :- بصوت واطى كلهم و****
يارا :- طيب أهدى 
ندى :- انا عمرى ما كنت أتوقع أن مالك يطلع كده 
تمارا :- عمرك ايه انتى كمان هتنخعى ده انتى لسه عارفه قريب 
يارا :- صح يا ندى عمرك ايه يا حبيبتى امال لو كنتى زينا انا وتمارا كنتى عملتى ايه ها احنا اللى نقول عمرنا علشان ضيعنا على وهم 
ندي :- انا مصدومه فيه اوى يا بنات طلع بيحب واحده وقلبه مشغول بواحده تانيه 
مالك :- انا قلبى مشغول بواحده لسه عارفها من  قريب اوى دمها خفيف ومجنونه؛ عندها تلت اربع مخها ضارب بس خطفت قلبى؛ منين ما تروح اروح وراها ومقدرش استحمل دمعه واحده من اللى نازلين من عيونها دول 
ندى :- بصت لتمارا وقالت هو صح 
تمارا :- ابتسمت وهزت راسها وقالت اه 
ندى :- وبيكلمنى انا صح 
يارا :- بأبتسامه اه 
ندى :- مين هى دى بقى اللى بيقول عليها 
تمارا :- الحدق يفهم بقى 
ندى :- لفت ليه وقالت انت تقصد مين 
مالك :- اقصد واحده علطول فاضحه الدنيا بحبها ليا واحلى كلام بسمعه منها عليا 
ندي :- ايوه تقصد مين يعنى 
مالك :- ابتسم وقال ومن أهم صفاتها أنها غبيه اوى 
تمارا ويارا :- ضحكوا على كلمة مالك 
ندى :- خلاص روح ليها خليها تنفعك 
مالك :- بأستغراب هى مين دى 
ندي :- اللى انت بتحبها وعمال تقول عليها جاى لينا احنا ليه
مالك :- حط أيده على وشه وقال غبيه غبيه يعنى 
ندي :- لسه هتمشى 
مالك :- بحبك انتى يا غبيه 
ندى :- وقفت مكانها بأستغراب وبصت ليه وقالت بتحب تمارا صحبتى
تمارا بصت ليارا وقعدوا يضحكوا 
يارا :- بضحك شكل الغباء عندهم بالوراثه 
مالك :- بحبك انتى يا غبيه بحبك يا ندي 
ندي :- احلف 
مالك :- والله العظيم خطفتى قلبى من اول مره شوفتك فيها ؛فكرى علطول مشغول بيكى مبقتش شايف حد فى الدنيا غيرك انتى 
ندي :- يا بنات
تمارا ويارا :- نعم 
ندى :- اسندونى علشان هيغمى عليا 
مالك :- ضحك عليها وقال والله العظيم مجنونه 
ندي :- امشى 
مالك :- نعم 
ندي :- امشى بسرعه اخويه جاى 
مالك :- طيب ما يجى 
ندى :- لاء مش وقت استعباط خالص امشى بقولك 
يارا :- تعال معايا واخدت مالك ومشيت 
انس :- مين ده وواقف بيعمل ايه معاكم 
ندي :- ها د.د.ده اللى متقدم ليارا صديقنا فى الشغل 
انس :- بص عليهم وهما ماشين وقال ده اللى اللى رفضته ما هى موافقه عليه اهو وماشيه معاه عادى 
ندى :- ها م.م.ما هو بيحاول يخليها توافق وسكتت وقالت ما انت كنت سامع الكلام اهو 
انس :- محدش قالك أن انا اطرش وسابهم ومشى 
ندى :- بصت لتمارا وقالت اخدى بالك من اللى انا اخد بالى منه 
تمارا :- ابتسمت وقالت اخد بالى اوى وغمزت ليها وبعدين قالت صحيح ايه اللى انتى هببتيه ده ازاى تقولى أن مالك هيخطب يارا 
ندي :- معرفش بقى من خوفى قولت كده بس اهى جات فى مصلحة يارا تعالى نروح عندهم 
تمارا :- مجنونه ورايحه منك والله وراحوا عند يارا ومالك 
يارا :- زعق ليكى ولا حاجه 
ندي :- لاء خالص
تمارا :- بضحك مبروك يا عروسه 
يارا :- مبروك على ايه 
تمارا :- ندى قالت لاخوها أن مالك هيخطبك 
يارا :- نااااااعم انتى ازاى تعملى كده 
ندى :- معرفش بقى من خوفى قولت كده 
مالك :- على البركه 
ندي :- استنوا بس مش كان قاعد وعامل نفسه مش منتبه لينا واحنا بنتكلم 
يارا :- ايوه 
ندي :- اول ما قولت أن مالك متقدم ليكى رد بتلقائيه وقال مش ده اللى مش موافقه عليه يبقى معناه ايه 
يارا :- معرفش 
ندي :- وحياة امك هتستعبطى يا حيلتها  
تمارا :- ايه يا معزا مالك لسه واقف بلاش تظهرى قدامه كده 
مالك :- لاء خد راحتك يا برنس ده انا هشوف أيام عسل معاكى اخرتها مستشفى المجانين 
التلاته قعدوا يضحكوا على كلام مالك 





الفصل الرابع عشر14 
فى شاليه عماد 

فى اوضت تمارا 

كانت قاعده هى والبنات التلاته على السرير وكل واحده ماسكه تليفونها نفخت تمارا وقالت 

تمارا :- بنات انا زهقانه هو احنا جاين نقضيها على السرير ولا ايه 
رحمه :- وانا كمان عايزه اقول كده من بدرى
ندي :- وانا كمان زهقانه 
يارا :- وانا كمان زهقانه 
تمارا :- لا والله كلكم دلوقتى جات ليكم الفؤقه 
ندي :- طيب هنعمل ايه انا زهقت من قعدتى على البحر مفيش اى مكان تانى نرحوا
تمارا :- فيه كافيه هنا تحفه وبيعمل حفلات وفيه مكان لرقص تيجوا
يارا :- اشطا موافقه 
رحمه :- وانا كمان موافقه 
ندي :- انا مش عارفه هروح اقول لانس 
رحمه :- اخوكى ده خنيق اوى يا ندى بجد بارد 
يارا :- قطع لسانك متقوليش عليه كده انس راجل وبيخاف على أخته 
رحمه :- والله معنى كده أن اخوكى بدر مش راجل علشان سيبك على راحتك 
يارا :- فيه فرق ما بين بدر وبين انس بدر اخويه طيب شويه ومش بيحب يزعلنى ومن طبيعته بيحب الضحك والهزار إنما انس لظروف عملوا جد زياده عن اللزوم وبيتعامل بشده مع أخته زى ما متعود يعامل العساكر اللى معاه إنما هو طيب اوى وحنين اوى والله 
البنات التلاته بصوا لبعض وقعدوا يضحكوا 
ندي :- اقسم بالله ده انا حبيت اخويه من كلامك عليه قومى يا اختى اجهزى وانا هروح اتحايل عليه شويه 
رحمه :- وانا هروح اجهز 
تمارا :- اوك وانا كمان هجهز 
والبنات الاربعه كل واحد راح يجهز نفسه 
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
عند انس 

راحت تدور عليه ملاقتهوش فى الشاليه خرجت بره لاقته قاعد على الكرسى قصاد البحر راحت عنده وقالت 

ندي :- انس 
انس :- نعم 
ندي :- عايزه اطلب منك طلب 
انس :- اطلبى 
ندي :- البنات رايحين يقعدوا على كافيه عايزه اروح معاهم 
انس :- ماشى 
ندي :- علشان خاطرى وافق وسكتت وقالت بصدمه انت وافقت كده علطول ها بجد يعنى اللى انا سمعته ده صح وحطت ايديها على دماغه وقالت انت مش سخن صح حرارتك مش عاليه امال ايه اللى حصل 
انس :- امشى يا ندى احسن احلف ما انتى رايحه 
ندي :- لاء تحلف ايه اعتبرنى طيرتى من قدامك وطلعت تجرى على اوضتها غيرت هدومها وراحت عند تمارا 
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
فى شاليه حسام 

دخلت رحمه الشاليه لاقت ابوها وارين ويوسف وامها قاعدين قالت لابوها 

رحمه :- بابا انا رايحه مع البنات نقعد فى كافيه 
حسام :- بص فى الساعه وقال دلوقتى يا رحمه الوقت متأخر 
رحمه :- يا بابا متقلقش علينا مش هيحصل حاجه 
سميحه :- سابها يا حسام تروح مع البنات 
حسام :- ماشى روحى بس حاولوا متتأخروش 
رحمه :- حاضر ودخلت اوضتها تغير هدومها وبعد وقت خرجت وقالت انا ماشيه وخرجت من الشاليه 
يوسف :- خرج يجرى وراها وقال رحمه يا رحمه 
رحمه :- وقفت وقالت نعم 
يوسف :- هو انتوا رايحين كافيه فين 
رحمه :- معرفش تمارا هى اللى تعرفه 
يوسف :- طيب هطلب منك طلب 
رحمه :- ايه هو 
يوسف :- اول ما تروحى هناك اقرى اسم الكافيه وابعتيه ليا 
رحمه :- بأستغراب ليه 
يوسف :- كده علشان خاطرى يا رحمه 
رحمه :- اتنهدت وقالت حاضر باى ومشيت وسابته
يوسف :- دخل قعد تانى جمب ارين 
ارين :- خير كان فيه حاجه 
يوسف :- ها ل.ل لاء كنت بشوفها محتاجه فلوس ولا لاء 
ارين :- والله 
يوسف :- ايوه مش لازم كل حاجه تحصل بينى وبين اختى تدخلى فيها ماشى 
ارين :- نفخت وقالت ماشى 
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
الاربع بنات اتجمعوا وركبوا تاكسى وراحوا على عنوان الكافيه اللى قالت عليه تمارا وبعد وقت نزلوا ودفعوا الحساب ودخلوا الكافيه ورحمه بعتت اسم الكافيه لاخوها يوسف وطلبوا الاربعه حاجه يشربوها وكانوا فرحانين بالمكان 

تمارا :- ايه رأيكم يا بنات فى المكان 
رحمه :- تحفه عرفتيه منين يا اروبه 
تمارا :- السنه اللى فاتت جيت فيه وعجبنى اوى وقولت كل مصيف هاجى اقعد فيه 
يارا :- حلو اوى المكان ده كان ناقصوا انس حبيبى 
ندى :- وكان ناقصوا مالك حبيبى 
تمارا :- حبك برص منك ليها دى قعدت بنات مش ناقصين قرف الرجاله وقعدوا يشربوا العصير اللى طلبوه وبعد وقت اتفاجئوا بيوسف وارين داخلين المكان اتصدمت ندي وقالت 
ندي :- شوفوا مين هنا يا بنات وشاورت على يوسف وارين 
يارا :- ايه ده بقى احنا ناقصين نكد وبصت لتمارا 
تمارا :- وهى بتشرب العصير قالت متخدوش فى بالكم انا مش طالبه معايا نكد كأنه مش موجود 
رحمه :- قالت بصوت واطى كده يا يوسف يعنى انت بتسأل على الاسم علشان تيجى ورانا ماشى لما نروح 
يوسف :- قعد هو وارين على الترابيزه اللى قصادهم علطول وقعد يبص علي تمارا 
ارين :- بزعل انت كنت عارف انهم هنا علشان كده قولت ليا انك مخنوق وطلبت منى اجى معاك 
يوسف :- ها و.و وانا اعرف منين دى صدفه 
ارين :- صدفه ماشى يا يوسف 
يوسف :- مسك ايد ارين وقال وحياتك عندى دى صدفه مكنتش اعرف انهم هنا 
ارين :- فرحت وقالت بجد يا يوسف 
يوسف :- بص بعينه على تمارا وقال بجد يا روح يوسف 
تمارا :- بصت ليهم وضحكت 
ندي :- بتضحكى على ايه 
تمارا :- هو فيه كده انا مشوفتش فى حياتى ناس كده الصراحه 
رحمه :- على مين 
تمارا :- على اخوكى ممثل محترف اقسم بالله 
يارا :- متركزيش معاه علشان متتعبيش يا تمارا 
تمارا :- ضحكت وقالت انا زى الفل ومفيش اى حاجه تعبانى وقعدت تضحك 
البنات التلاته بصوا لبعض وبعدين بصوا لتمارا اللى كانت بتضحك بطريقه غريبه
تمارا :- وقفت وهى بتضحك وقالت انا رايحه الحمام يا بنات وهى ماشيه طلبت واحد عصير  
يوسف :- سمع صوت ضحك تمارا اتغاظ اكتر وداس على أسنانه 
ارين :- مسكت أيده وقالت مالك يا حبيبى 
يوسف :- ها م.م.مفيش يا حبيبتى ووقف وقال انا رايح الحمام و سابها ومشى 
ارين :- اتغاظت وشافت العصير وهو رايح على ترابيزة تمارا راحت كلمة الجرسون فى ودنه ودفعت ليه فلوس كتير 
الجرسون ضحك ليها بشر ورجع تانى بالعصير وبعد شويه راح حطوه على الترابيزه
تمارا :- دخلت تجرى على الحمام وقفلت الباب وراها وسندت ضهرها على الباب وحطت ايديها على بؤقها وقعدت تعيط وبعد وقت اخدت نفس عميق ومسحت دموعها وغسلت وشها وخرجت من الحمام اتفاجئت بيوسف واقف ليها عملت نفسها مش شايفه ومشيت علطول 
يوسف :- طلع يجرى وراها ومسكها من دراعها وقفها وقال تمارا استنى 
تمارا :- شيل ايدك يا يوسف من عليا 
يوسف :-سابها وقال طيب اسمعينى 
تمارا :- ربعت ايديها على صدرها وقالت اتفضل اتكلم 
يوسف :- انا عارف انك زعلانه منى وده من حقك انك تزعلى بس انا جيت لحد عندك وطلبت منك انك تسامحينى احنا بشر وكلنا بنغلط انتى اللى رفضى تدينى فرصه اكفر بيها عن ذنبى اللى ارتكبته فى حقك يا تمارا انا بحبك وعمرى ما حبيت غيرك ومستعد اعمل اى حاجه علشان تسامحينى 
تمارا :- خلصت كلامك 
يوسف :- ايوه 
تمارا :- روح لمراتك بدل ما انت سايبها قاعده لوحدها فى مكان متعرفهوش ميصحش برضه يا استاذ يوسف عن اذنك وسابته ومشيت 
يوسف :- اتنهد وقال عناديه بس  مش هييأس وهفضل وراكى لحد ما تسامحينى يا تمارا وراح تانى عند ارين وقعد جمبها من غير ولا كلمه 
تمارا :- قعدت وقالت اوعى حد يكون شرب العصير بتاعى اشرحه 
يارا :- عصيرك اهو يا تيمو خدى 
تمارا :- اخدته من ايديها وقالت اممم عصير الفراوله اللى بموت فيه 
ندي :- انتى اتأخرتى كده ليه فى الحمام 
تمارا :- كنت بظبط الميكب وهدومى وقربت العصير من شفايفها ولسه هتشرب تليفونها رن بصت فيه لاقته ياسين قالت ده ياسين هخرج بره ارد عليه وخرجت بره وقالت ايوه يا ياسين خير 
ياسين :- فينك مش باينه النهارده يعنى 
تمارا :- سهرانه مع البنات فى كافيه حلو اوى ما تيجى أسهر معانا 
ياسين :- لاء مليش فى الجو ده انا بحب القاعده على البحر 
تمارا :- اوك براحتك 
ياسين :- تمام المهم أن انا اطمنت عليكى باى 
تمارا :- باي وقفلت السكه ودخلت قعدت تانى على الترابيزه ومسكت العصير وشربت منه شويه وقالت مش عارفه المكان هنا بقى خنيق كده ليه 
رحمه :- بالعكس أنا شايفه أن المكان جميل اوى 
ندى :- فعلا يا تمارا المكان حلو اوى 
تمارا :- مش عارفه بقى وشربت بقيت العصير وشويه وقعدت تضحك بطريقه غريبه 
يارا :- تمارا انتى كويسه 
تمارا :- وهى بتضحك مالى ما انا كويسه اهو وقعدت تضحك اكتر 
البنات التلاته بصوا لبعض بأستغراب وفى الوقت ده اشتغل مهرجان بنت الجيران 
تمارا :- بصوت عالى قالت اووووووه انا بعشقها اوووووى الاغنيه دى وقامت وقفت 
ندي :- انتى رايحه فين كده 
تمارا :- بضحك هرقص 
رحمه :- بصدمه هترقصى 
تمارا :- ايوه فيها ايه وراحت ترقص 
يارا :- بنات تصرفات تمارا غريبه 
رحمه :- ايوه فعلا من امته تمارا بترقص قدام حد 
ندي :- وضحكها غريب كأنها مش هى اللى بتضحك 
تمارا :- بصوت عالى من هناك يا بنااااااا تعالوا ارقصوا وقالت بهوايا انتى قاعده معايا عنيكى ليا مرايا يا جمال مراية العين خليكى لو هتمشى اناديكى انتى ليا انا ليكى احنا الاتنين قاطعين 
التلاته بصوا لبعض 
يوسف :- كان قاعد متغاظ من اللى بتعملوا تمارا 
ارين :- ضحكت بلؤم وقالت هى دى اللى عامله نفسها مؤدبه وكلامها كله بالدين 
يوسف :- بص ليها بغيظ وقال تعرفى تسكتى
ارين :- هوف حاضر 
البنات التلاته راحوا عند تمارا وحاولوا يقعدوها لكن هى رفضت 
ندى :- تمارا انتى مالك مش طبيعيه 
تمارا :- وهى بترقص ضحكت وقالت مالى ما انا كويسه اهو 
رحمه :- وقفتها وقالت لاء مش كويسه يا تمارا 
تمارا :- بضحك انتوا اللى بنات نكدين ورقصت تانى 
يارا :- تمارا انتى مش كنتى مخنوقه من المكان يلا بينا نمشى 
تمارا :- بضحك انا حبيت المكان ده اوووووى وقعدت ترقص وتصرخ مع الاغنيه 
ندى :- والعمل دلوقتى ايه 
رحمه :- مش عارفه 
يارا :- احنا لازم نتصرف حركاتها مش طبيعيه وفى الوقت ده يوسف مقدرش يستحمل اللى تمارا بتعمله قام يجرى وراح مساكها من ايديها وقال 
يوسف :- امشى معايا يا تمارا 
تمارا :- بضحك لاء خليك انت هنا معايا 
يوسف :- انتى فيكى ايه شكلك مش طبيعى 
تمارا :- بضحك مالى يا جماعه انا كويسه اووووى اهو واترمت فى حضن يوسف وقالت ارقص معايا 
رحمه :- يوسف تمارا مش فى وعيها مش عارفه مالها 
تمارا :- وهى فى حضن يوسف قالت بضحك انت معايا انا مش معاها هى صح قول انك بتحبنى انا وهى لاء 
يارا :- بخوف تمارا فؤقى يا تمارا علشان خاطرى بلاش تقولى اللى بتقوليه ده 
تمارا :- ا.ا.اهو يوسف حبيبى معايا انا وبس يا بنات ومشيت ايديها على وشه وقالت مش انت هتبقى معايا انا يا يوسف 
يوسف :- اتنهد بوجع وقال ايوه بس امشى معايا 
تمارا :- انت مش بتحب حد غيرى صح وهتتجوزنى انا وكل اللى فات ده كان كابوس محصلش فى الحقيقه صح انت ساكت ليه مش بترد عليا 
ندى :- تمارا تمارا بس ارجوكى بلاش تقولى كلام تندمى عليه تمارا وحيات اغلى حاجه عندك فؤقى انتى ايه جرارك بس ما انتى كنتى كويسه ودموعها نزلت منها وقالت تمارا حبيبتى بلاش اللى انتى بتعمليه ده 
رحمه :- تمارا مالك فيكى ايه 
يارا :- تعالوا يا بنات نخدوها البيت مينفعش كده الناس بتتفرج عليها 
ندي :- امشى معانا يا تمارا ومسكت ايديها
تمارا :- شدت ايديها وقالت لاء مش همشى ومسكت ايد يوسف وقالت هقعد هنا مع يوسف حبيبى 
يوسف :- رحمه خدى ارين والبنات وانا هجيب تمارا وجاى وراكم 
رحمه :- حاضر يلا يا بنات
ندي :- لاء انا مش هسيب تمارا روحوا انتوا وانا هاجى معاهم 
يوسف :- خلاص روحى انتوا وسيبوها مع تمارا 
رحمه :- اوك يلا يا يارا وراحت لارين وقالت يلا معانا يا ارين 
ارين :- لاء هاجى مع يوسف 
رحمه :- يوسف هو اللى قال اخدك اروحك 
ارين :- ماشى ومشيت وهى متغاظه مع رحمه ويارا 
يوسف :- شال تمارا وقال لندى تعالى ورايا 
تمارا :- لفت دراعها حاولين رقبة يوسف وباسته فى خده 
ندى :- تمارا فؤقى بقى 
يوسف :- هى شكلها شربت خمره 
ندى :- لاء طبعآ تمارا مستحيل تعمل كده وهى كانت قاعده معانا ومشربتش اكتر من العصير 
يوسف :- امال مالها بس 
ندى :- منعرفش ايه اللى حصلها ده 
تمارا :- يوسف انا بحبك انت بتحبنى انا صح 
يوسف :- اتنهد وقال ايوه بحبك يا تمارا وربنا يعلم أن قلبى محبش حد غيرك 
ندى :- لو سمحت هى دلوقتى مش فى وعيها ياريت متخدش على كلامها لان هى مش عارفه بتقول ايه وممكن نروح بقى 
يوسف :- ماشى ووقف تاكسى وركبوا التلاته وراه 
تمارا :- حطت راسها على كتف يوسف ونامت 
يوسف :- بص عليها وهى نايمه واتنهد بحب 
ندى :- بصت على تمارا بدموع ومسكت ايديها وقعدت تدعك فيها وبعد وقت وصل التاكسى نزل يوسف وشال تمارا تانى ودخل بيها الشاليه 
عماد :- بخوف ولهفه بنتى مالها 
سميه :- ايه اللى حصل لبنتى
ندى :- مش عارفين مره واحده أسلوبها اتغير وبقت تعمل حاجات غريبه وبقت زى ما انتوا شايفين كده 
يوسف :- متقلقش يا عمى هى نايمه دلوقتى
كريم :- طيب وسعوا خليه يدخلها اوضتها
عماد :- هات بنتى انا هدخلها وحاول يخدها من يوسف بس تمارا كانت ماسكه فى يوسف جامد 
ندى :- خلاص يا عمى سيبوا يحطها على السرير 
عماد :- بعدم رضا دخلها 
يوسف :- دخل حطها على السرير ولسه هيمشى مسكت فيه تمارا وقالت 
تمارا :- متسبنيش يا يوسف خليك معايا ونامت تانى 
عماد :- ممكن بقى تطلع من الاوضه 
يوسف :- حاضر وحاول يقوم من جمب تمارا وبصعوبه قام وقف وقال عن اذنك 
عماد :- اتفضل 
يوسف :- بص ليها وهى نايمه وخرج من عندها 
ندي :- قعدت جمبها ومسحت على وشها وقالت مالك يا تمارا بس ايه اللى حصلك 
عماد :- معلش يا بنتى خليكى جمبها
ندي :- انا مش هسيبها يا عمو والبنات كمان جاين يقعدوا معاها لحد ما نطمن عليها بس حضرتك كلم انس اخويه عرفوا 
عماد :- هكلمه يا بنتى متشغليش بالك 
سميه :- بدموع ايه اللى حصلك يا ضنايا ما كنتى كويسه وزى الفل 
ندى :- اطمنى يا طنط متخافيش على تمارا أهدى بس 
عماد :- تعالى معايا يا سميه
سميه :- لاء انا هقعد جمب بنتى مش هسيبها 
عماد :- البنات هتقعد معاها تعالى انتى معايا 
سميه :- بصت على بنتها ودموعها نزلت منها وخرجت مع عماد 
وشويه ورحمه ويارا وصلوا والتلاته قعدوا مع تمارا فى الاوضه لحد ما عينيهم راحت فى النوم 
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
اشرقت شمس صباح يوم جديد بنورها الساطع فى سماء عروس البحر لتبدء تمارا بفتح عيونها حست انها مش قادره تفتح عينيها ودماغها تقيله حطت ايديها على دماغها بألم شديد وقامت قعدت بصت لاقت البنات التلاته نايمين معاها فى الاوضه استغربت من وجودهم وقالت

تمارا:- رحمه يا ندي يا يارا يا بنات ردوا عليا 
رحمه :- فتحت عينيها وقالت صباح الخير يا تيمو عامله ايه دلوقتى 
تمارا :- عامله ايه فى ايه هو ايه اللى حصل انا اخر حاجه فكراها كنا فى الكافيه وبس انا جيت هنا ازاى وانتوا نايمين كده ليه 
ندى :- انتى مش فاكره اى حاجه خالص 
تمارا :- لاء ايه اللى حصل 
يارا :- انتى مكنتيش طبيعيه خالص امبارح يا تمارا وعملتى حاجات كتير غريبه 
تمارا :- انا قولوا يا بنات ايه اللى حصل منى انا مش فاكره اى حاجه خالص 
ندي :- هقولك وقالت ليها كل اللى حصل 
تمارا :- بدموع وصدمه حصل منى كل ده طيب ازاى انا هتجنن ازاى ده كله حصلى 
رحمه :- انتى خرجتى اتكلمتى فى الفون ورجعتى شربتى العصير وبعد كده حصل منك كل ده يبقى ايه 
تمارا :- قصدك ايه مش فاهمه 
يارا :- انتى تقصدى أن العصير ده كان فيه حاجه 
رحمه :- ايوه لان اللى حصل ده بعد العصير علطول 
ندى:- بصت ليهم وقالت بنات جهزوا نفسكم ورانا مهمه هنقوم بيها 
يارا :- بتحدى معاكى 
رحمه :- اشطا وانا معاكى 
تمارا :- بدموع انا مش هروح فى اى مكان 
ندى :- خليكى انتى متشغليش بالك واحنا هنجيب ليكى كل المعلومات لحد عندك يلا يا بنات 
رحمه :- بس احنا لازم يكون معانا راجل 
يارا :- استنى اخلى بدر يجى معانا 
ندى :- ابوس ايدك بلاش بدر 
رحمه :- خلاص هنتصل بمالك 
ندى :-حلو مالك ماله مالك بسرعه اتصلى بمالك 
يارا :- فرصه ليكى انتى 
تمارا :- بصت ليهم بدموع وقالت انا مخنوقه هخرج اتمشى شويه وسابتهم ومشيت 
البنات بصوا لبعض وخرجوا راحوا على الكافيه 
تمارا :- اتنهدت بوجع ومشيت على الشط ودموعها نزلت منها وحاولت تفتكر اللى حصل مقدرتش تفتكر وفى الوقت ده حسيت بأيد على كتفها بصت لاقته يوسف اتنهدت وقالت نعم عايز ايه 
يوسف :- عامله ايه دلوقتى 
تمارا :- كويسه الحمدالله 
يوسف :- ليه عملتى فى نفسك كده امبارح 
تمارا :- انا معملتش حاجه فى نفسى ولا فاكره حاجه من اللى حصلت دى وياريت اى كلمه قولتها ليك تنساها لأن واضح كده مكنتش فى وعى واللى قولته ليك ده تهيس مش اكتر 
يوسف :- لاء مش تهيس يا تمارا الكلام كان طالع بكل صدق ومن قلبك وانا حسيته 
تمارا :- اديته ضهرها وقالت لاء مش بصدق يا يوسف ولاخر مره اقولك شيلنى من دماغك بقى وبصت ليه بتحدى وقالت انت بالنسبه ليا ولا حاجه حتى الصداقه اللى كانت ما بينا اعتبرها انتهت دى كمان انت بقيت شخص غريب يا يوسف وشافت ياسين  قاعد بصت ليوسف وسابته وراحت عند ياسين وقعدت جمبه من غير ولا كلمه 
ياسين :- بص لتمارا وبص على يوسف ورجع بص على البحر 
يوسف :- بص على تمارا وهى قاعده جمب ياسين واتنهد بوجع ومشى وسابهم 
ياسين :- انا طبعآ مش هسألك مالك لأن واضح اوى السبب لكن اللى هسألوا ليكى ليه بتعملى فى نفسك كده مدام بتحبيه اوى كده 
تمارا :- بصت ليه بأستغراب وقالت ومين قالك أن انا بحبه 
ياسين :- عيونك يا تمارا باين فيها كل حاجه 
تمارا :- بصت ليه بوجع وقالت ايوه يا ياسين بحبه بس نفسى اعرف أنساه مبقاش ينفع يا ياسين بقى من حق واحده تانيه غيرى انا لازم أنساه لازم 
ياسين :- طيب لما انتى بتحبيه وهو من الواضح أنه بيحبك ليه بقى كل اللى حصل ده 
تمارا :- هقولك اللى حصل وحكت ليه كل حاجه ودموعها كانت نازله منها وهى بتحكى 
ياسين :- ياااااه ده طلع حيوان اوى غبى فيه حد يعمل كده مع قلب حبه بصدق وبأخلاص كده الصراحه من بعد ما عرفت حكايتكم انتى خساره فيه يا تمارا 
تمارا :- انا نفسى اعرف أنساه نفسى قلبى يرتاح بقى 
ياسين :- انا معاكى يا تمارا ولو محتاجه منى اى حاجه انا تحت امرك 
تمارا :- ابتسمت ليه وقالت انت جدع اوى يا ياسين وفرحانه أن ربنا عوض عليا بصديق زيك 
ياسين :- ابتسم وقال اللى سعيد جدآ أن معايا صديقه حلوه ورقيقه وجدعه زيك يا تمارا 
تمارا :- ابتسمت ليه وبصت لبحر 
ياسين :- بص هو كمان للبحر وقعدوا الاتنين ساكتين من غير ولا كلمه
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
فى شاليه انس 

كان قاعد بيقراه فى الجريده وبيشرب القهوه بتاعته وأمه قالت 

ام ندي :- بقولك ايه يا ابنى 
انس :- طبق الجريده وقال خير يا امى 
ام ندي :- نفسى افرح بيك يا ابنى مش ناوى تشوف بنت الحلال واروح اخطبها ليك  
انس :- مش بفكر فى الجواز دلوقتى يا ماما 
ام ندي :- ليه بس يا ابنى انا مش هعيش قد ما عيشت ونفسى اطمن عليك انت واختك 
انس :- ربنا يخليكى يا امى بس لسه ملاقتش واحده تنفع تكون مراتى 
ام ندي :- طيب ايه رأيك فى البت يارا متربيه عندنا وعارفين اخلاقها وجميله زى القمر 
انس :- ها ل.ل لاء يارا ايه بس يا امى متنفعش وبعدين ما هى خلاص هتتخطب لواحد شغال معاها فى الشغل 
ام ندي :- ما هى مش موافقه عليه وبعدين البت بتحلم تتجوز ظابط فى الجيش وانت الحمدالله ظابط قد الدنيا يبقى ايه المانع 
انس :- مفيش مانع بس يعنى 
ام ندي :- بس ايه يا ابنى 
انس :- بعدين يا امى بعدين 
ام ندي :- هو انا كل ما اكلمك على موضوع الجواز ده تنهى الكلام ببعدين انا هكلم يارا وبعد ما نمشى من هنا نروح نخطبها 
انس :- متتكلميش مع حد يا امى قولتلك بعدين 
ام ندي :- بصت ليه بقلة حيله وقالت ربنا يهديك يا ابنى وتريح قلبى
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
فى الكافيه 

دخلوا البنات التلاته الكافيه ومعاهم مالك وراحوا عند العمال وقالوا 

ندى :- انتوا غير بتوع بليل صح 
الجرسون :- ايوه 
يارا :- تمام احنا عايزين نشوف الكاميرات بتاعة بليل 
الجرسون :- ممنوع يا فندم لازم إذن من النيابه 
رحمه :- معلش اصل فيه فلوس وقعت مننا بليل وعايزين نشوف مين اخدها
الجرسون :- تقدرى تبلغوا الشرطه وهما يتصرفوا 
ندي :- ما احنا عايزين تكون ودى علشان مندخلش فى سين وجيم 
جرسون :- والله انا مجرد جرسون هنا عندكم المدير عن اذنكم وسابهم ومشى 
رحمه :- ايه يا اخ مالك انت جاى تسكت هنا مش ناوى تنطق 
مالك :- بقولكم ايه مش عايز اسمع نفس حد فيكم مش كفايه مصحينى بدرى كده 
ندي :- علشان خاطرى يا مالك اتصرف 
مالك :- انا علشان خاطرك امشى على النار يا قلبى 
يارا :- مرارة حظرتنا هتتفقع 
رحمه :- الله يحرقكم مش وقتكم خالص امشوا
ودخلوا الاربعه عند المدير 
مالك :- حضرتك المدير
المدير :- ايوه انا اتفضل 
مالك :- معاك انس نادر ظابط فى الجيش وحط  الكارنيه قصاده وشاله بسرعه
المدير :- ها اهلا حضرتك اتفضل اقعد 
مالك :- البنات دول كانوا هنا امبارح ووقع منهم مبلغ كبير وعايزين نشوف الكاميرات علشان نشوف مين اخدهم 
المدير :- ها م.م.مش هينفع حضرتك 
مالك :- وبعدين بقى تحب تبقى قانونى وسمعة الكافيه تضرر
المدير :- ها ل.ل لاء طبعآ اللى حضرتك تشوفه اتفضل معايا
البنات بصوا لبعض وضحكوا وراحوا وراه المدير ومالك 
مالك :- الوقت كان امته بالظبط يا بنات 
رحمه :- على عشره عشره ونص 
المدير :- اتفضل الكاميرات عند حضرتك 
مالك :- جاب الوقت اللى قالت عليه رحمه 
ندي :- بفرحه الله احنا اهو يا بنات يا اختى علينا اربع قمرات 
يارا ورحمه :- بصوا ليها بغيظ علشان تسكت 
مالك :- ابتسم وقال مجنونه وكمل اللى كان بيعملوا 
يارا :- يا بنات شايفين مين راح عند الجرسون اللى جاب العصير لتمارا 
رحمه :- بصدمه ارين 
مالك :- استنوا للآخر 
ندى :- دى دفعت ليه فلوس يا بنت ال 
يارا :- بصوا فى الكاميرا التانيه بيحط حاجه فى العصير اهو 
مالك :- فين 
رحمه :- اهو 
ندي :- يبقى وضحت كده ارين دفعت فلوس لجرسون وحط حاجه لتمارا فى العصير 
مالك :- يوسف لازم يعرف 
ندي :- صح علشان يعرف اللى فضلها على تمارا تبقى ايه 
يارا :- يلا يا بنات نروح نقول ليوسف 
رحمه :- استنوا دى حيه وممكن تنكر كل اللى احنا هنقولوه احنا لازم نمسك عليها حاجه 
مالك :- ازاى يعنى 
رحمه :- يعنى نخلى يوسف يشوف ارين على حقيقتها  بعينه هو علشان يصدق 
يارا :- صح بس هنعمل كده ازاى 
رحمه :- هقولكم 



تعليقات



حجم الخط
+
16
-
تباعد السطور
+
2
-
close