*
رواية مأمني وأماني
الفصل الثالث 3
بقلم توسل محمد طه
*دائما م تكون اختيارات الله هي الأجمل لأن الله يحرمنا مما نريد ليُعطينا م نحتاج*♥️🤍
عايني ي توسل انا ح اتكلم معاك بكل صراحه وح اكون واضح شديد انا نزلت السودان قبل فتره م شويه وشفتك صدفه بس في الجامعه مع انو انا م بقرا هنا ولا عشت هنا وجيت الجامعه صدفه بس جيت عشان اوصل بنت خالتي مشكاة وانتي كنتي صحبتها وجيتي سلمتي عليها م عارف اذا كان ركزتي وانتبهتي لوجودي او لا لانو م سلمتي علي بس تعالي هنا ليه م سلمتي علي😒
-عشان م بصافح🤣
-كدا معليش المهم يستي
-🥺🥺🥺🥺قلت شنوو
قلت المهم
لا بعدها
يستي!!
يااااااه😔❤
مالك😹😹
بحب الكلمه جدااا😔❤
طيب تاني م ح اقول غيرها♥️ نكمل يستي♥️ بعد م سلمتي على مشكاه وم سلمتي علي وقلبي اتجرح عشان م كنت عارفك م بتصافحي😹 ومشيتي وشيلتي قلبي معاك ي السمحه♥️ بجدد ي توسل انا حبيتك من اول نظره م كنت عارفو د حب كنت فاكر انو دا مجرد إعجاب ببت قصيره عشان اصلا انا بحب السنافر😹
نينينيييي😒 (وعملت حركه بوشها اتخيلوها براكم😹)
اسف اسف😹😹😹 المهم يستي رجعت اليوم داك وانا بفكر فيك وم قدرت انوم لأول مره تشغل بالي بنت وتحميني النوم وكنتي انتي البنت دي
اصلا انا غييييييييير😌
ظريفه😹😹نكمل؟
اوك كمل
صحيت تاني يوم وانتي لسه شاغله تفكيري وم كنت عارف السبب وحاولت اجي الجامعه لمشكاة تاني بس عشان اشوفك واتكلم معاك بس م لقيت فرصه اتكلم معاك
لحد م يوم شفت مشكاة عامله ليك مشاركه في بوست في الفيس وقلت خلاص ي علاء الفرصه جاتك في طبق من دهب والكلام د كان بعد شهر من شفتك وانتي خلال الشهر م غبتي عن بالي ولا لحظه🙂
قلت ليك انا اصلا مميزه😌 كمل يعم القصه حماسيه😹
انتي المفروض تخجلي ي بتنا😹
كمل كمل م شغلتك😹
طيب ي ستي♥️ دخلت ليك ماسنجر وحاولت اتكلم معاك بس م لقيت قبول منك🙂 صراحه زعلت بس في البداية بس تاني حمدت الله انك م اديتيني فرصه اتكلم معاك
وتاني م حاولت اتكلم معاك م عشان بطلت احبك او افكر فيك بس عشان م عايز أعصي ربنا فيك خفت ربنا يعاقبني ببعدك عني خلال السنتين كنت مراقبك بس م كنت بقرب منك لحد م كونت نفسي من جميع م يلزم وصراحه من قبل السنتين كنت بقدر اتزوجك وكان ح يكون افخم عرس بس انا م كنت عايز اتزوجك بقروش ابوي م كان نفسي اجيب ليك حاجه بقروش انا م تعبان فيها كان نفسي اتعب واتعب عشان اجيب ليك نجوم السماء وتكون من تعبي برااي عشان كدا ربنا وقف معااي وفتحها علي ورزقني لم اخترت الطريق الحلال قررت اصبر لحد م اجيك بالحلال لانو انتي أنقى من اعصي ربنا معاك صبرت ونلت وجيت واتعرفت على ابوك وخليتو يعرفني كويس لحد م كسبت محبتو حتى طلبتك منوو
رغم محبه ابوك لي بس كنت خاايف يقطع أملي برفضو ولم طلبتك قبل شهر من اليوم ورفضتي م يئست وجيت تاني وتاني لحد م ابوك جاب لي احلا بشاره في الكون انك موافقه بس م وراني انك وافقتي بضغط منهم واسي ي توسل انتي اذا م حابه الفكره لا انا ولا امك او ابوك ح نضغطك وانا مستعد انتظرك العمر كلوو صبرت سنتين وانا بحبك م ح اقدر اصبر لحد م انتي تحبيني
انا م ح اجبرك على حاجه ولا ح اعمل حاجه م بترضيك وصراحه انا الخطوبه م عاجباني ولا كنت مقتنع بيها بس عشانك كلو يهون ويحلا ولو انتي موافقه انا خلال شهر ممكن اكمل العرس وامك وابوك م عندهم مشكله د اذا انتي موافقه أما لو مضايقه زي م قلت ليك اموت وانا منتظرك♥️ عمري كلو فدااك♥️ ود كل العندي يستي شوفي انتي عايزه شنو وانا معااك
توسل عيونها دمعت وحست انو علاء صادق في مشاعرو وكل كلمه قالها نابعه عن حب طاهر وحست براحه شديده معاه وقررت انها تخوض التجربه بس بالحلال
طيب ي علاء انا قررت اني اعرفك ك زوج مش ك خطيب🙂
انتي متأكدة ي توسل😍
بإذن الله وثقت فيك وبتمنى م تخذلني
انا م عايز اضغط عليك ولا عايزك تتسرعي عشان م تندمي على قرار اخدتيهو في لحظه عاطفيه من غير تفكير واوعدك عمري م اخزلك
يعني اغير رأيي ولا شنوو😒
لالا خلاص يستي انا ح اوري امك وابوك وانتي اخجلي🤣
وطلع علاء فرح امها وابوها وم كان عندهم مشكله في انو الزواج يكمل خلال شهر وعلاء كان الكون كلو م شايلو من الفرح
*تسريع في الأحداث*
مرت اسبوعين من الموعد المحدد وتوسل امها واقعه فيها نشأ وشعيريه وبتاع عشان تسمن😹 وكانت معاه رفيقه دربها شيماء ودي بت خالتها لتوسل كانت متزوجه وعندها تيمان♥️ وفي الاسبوع د عيله علاء نزلو السودان عشان عرس علاء الدین
(اعرفكم بي أهل علاء)
ام علاء جيهان مره طيبه شديد وعلى نياتها بس جنها فلسفه
ابو علاء عبدالرزاق راجل فاهم وراقي شديددد اللهم باارك وكان اهم حاجه عندو فيى الدنيا سعادة اولادو
اخوان علاء ام كلثوم وبقولو ليها سوما بت كيوته شديد وبتحب الرسم يدااب دخلت الجامعه وبتقرا هندسه معماريه واحمد اخو علاء الصغير وكان يداب في الثانوي أصغر زول في البيت وراسو قوي شديد وعنيد عكس علاء الدین انسان جادي ورسمي بس احمد كان بتاع ضحك وبحب يضحك ويضحك المعاه اما سوما فكانت أميرة اخوانها رغم انهم بتشاكلو معاها احيانا بس م بحملو زعلها وكانت كل طلباتها مجابه دي عيله علاء الدین البسيطه بس مميزه🤍 اما بت خالتهم مشكاة كانت عايشه معاهم لانو امها وابوها اتوفو لم كانت صغيره وربتها خالتها وحتى بقت اخت اولادها بالرضاعه كانت اختهم بحق وحقيقه وم بفرقو بينهم بس قررت انها تقرأ الجامعه في السودان عشان كدا نزلت وعلاء نزل معاها عشان جامعتها وكانت بتقرا مع توسل نفس المجال طب الخرطوم
طبعا نزلو في البيت الكبير بتاع العيله وكان العرس هناك والأجواء بتاعت العرس الظابطه ديك بتعرفوها
*تسريع في الأحداث*
مر الشهر بسرعه شديده وتوسل ومعاها شيماء والتيمان يلدز ويزن ومعاها سوما ومشكاه وهم بجهزو فيها قالت عايزه تاكل😹
شيماء: ي بت انتي عروس
م عشان انا عروس عايزه اكل م ممكن يبقو علي عرسه وعدم طقه😹
والبنات الشغالات في الكوفير يضحكو وجابو ليها اكلت
وجهزوها وكانت بجد طالعه نجفه🥺
لابسه زفاف سندريلا ضيق من الخصر وواسع من تحت واكمامو نص ولبست معاهو اسبورت😹 قالت اهم شي راحتها وفكو ليها شعرها الطويل مع ميكب خفيف جهزت وقالت الا يجيبو ليها قهوه جابوها ليها😹 وقعدت تشرب وتاكل في بسكويت البنات كلهم طلعو وفجاءه الباب دق قالت اتفضلي على اساس انها شيماء😹بس دخل علاء اللهم بااارك كان يخطف القلب من اول نظره😔♥️
توسل من قعدتها م قامت وعلاء لمن لقاها تاكل بقا عامل كداا😳😹
اتفضل ومدت ليه بسكويت
لالا شكرا جيتك جااهز مليان فلل😹
والله انت عريس ممتاز😹
اصلااا😌 بس خلاص كفاك اكل قومي ارح
ارح
د شنو انتي لي م خايفه او خجلانه😹
اخاف لشنو كمان😹 ووقفت على حيلها جات تطلع علاء ضحك وجراها مسكها من خصرها وبقت قريبه منو خت يدو التانيه في رأسها وبقا يقرا ليها قران يحصن فيها وهي سرحت في جمال صوتو😔♥️
لحد م خلص وفتح عيونو لقاها سرحانه فيهو قعد يضحك وقال ليها مشيتي وين ي السمحه😹♥️
وهي ولا حياة لمن تنادي قام طبع بوسه💋 في خدها هي استوعبت الحاصل ودنقرت راسها قال ليها مبروك علينا وربنا يقدرني واسعدك
سكتت م ردت جراها عليه وقال ليها اعيدها😉
طوالي زحت منوو ومشت قدامو لحقها ومسك يدها وطلعو