رواية احتواء القاسي الفصل الرابع والثلاثون34بقلم سوسو تويكس
وبأي حرفٍ قد اصُوغ جمَالكَ
وبأي شِعرٍ أحتَوي عِيناكَ🤍
جا وقت الغدا وقعدنا في السفره رفعت كده لقيت معتصم بعاين لي طوالي قام غمز لي، انا اتشرقت وبقيت اكح لمن كلهم ركزو معاي وهو بهناك كاتم ضحكتو بالجلاله،و ملاذ تمت الناقصه همست لي :غمزات ونظرات لكن_قرصتها عشان تسكت بقت تضحك، المهم مضى اليوم الوقت الونسه والضحك و مشاغلات معتصم البتحت تحت، ملاذ كاميرة مراقبه بس😂 تلقط بالثانيه_لحدي ما جات الساعه ٩ قال نتحرك بعده طلعنا ولقيتو طلع عربيتو لانو ايام مسافر كان مكرشه عند ناس عمي سليمان، ركبنا وهو كان بسالني عن الايام الفاتت كنت مواصله في الأذكار والورد ولا وقفتهم؟، وكيف مع الجامعه... الخ،لحدي ما قالي بصرامه:الله قال بقولك لو بتطلعي الجامعه ببناطلين او اسكيرتات والله تشوفي شي ما بعجبك_طبعا خفتا، لانو مره واحده بس طلعتا باسكيرت، لكن كذبتا الله يسامحني غايتو_وصلنا البيت وبعد ما دخلنا اتصدمتا وقت جراني على حضنو وهو بقول:عاد لقيتك جافيه يا ننتي لكن وربي شوق كميات_بعد شويه لقاني صنم بس بعاين في اي حته الا عيونو، قعد يضحك فيني ضربني في راسي بخفه وهو بقول:زوله فصيله خلاص لامشتاقين ولا حتى تردي بالاكتر،فرقت معاي بالكذب ساي انشالله، لكن بعدتا فرقتي معاي فرقه شينه يا ننتي الجافيه_طبعا الاسم ده بجيب قراري غصباََ عني بقيت متلشه وبتبسم ابتسامه عريضه زي الهبلة_المهم بعد استحميت وغيرتا لقيتو راقد في السرير وشغال باللابتوب، وقت شافني ختاهو و سالني: اها وصلتي وين في الحفظ في سورة البقره_لينه:محل ما خليتني ما لقيت زول يشجعني وانت كنت ماف_قالي بزعل:حتى لو انا ماف ده ما عذر ليك، بكره تاني نبداها سوا من الاول لانك بتكوني نسيتي الفات_طبعا قالها بصرامه حسيت انو هو الاستاذ وانا الطالبه🐸_طبعا عرفتا انو هو خاتم القرآن لكن بيعمل كده بس عشان يشجعني في الحفظ ما بتعرفو كبر في نظري قدر شنو وحبيتو زياده🤍_شال اللابتوب قالي:في فليم ظابط نحضرو فليم '' pride & prejudice''_لينه:ايي بعرفو وفي منو روايه قريتها برضو_المهم الفليم بدا قالي:اقفلي النور عشان يكون جو سنيمائي_قفلتا النور وجيت قعدتا جمبو في السرير الغرفه كلها مظلمه الا النور الخافت الطالع من شاشة اللابتوب _الفليم بدا واثناء ما مندمجين مع الفليم
#♡ واثناء ما مندمجين مع الفليم، مسك يدي وبرسم لي اشكال وهميه بأصبعو في كفة يدي، الحركة دي خلتني استرخي، ميلت راسي في كتفو وانا مندمجه مع الفليم ولسه برسم لي باصبعو في كفة يدي، قالي بهدؤ:ننتي_لينه :هممم _معتصم:قولك في حاجه أكبر من الحب _رديت وانا ما زلتا في نفس موقعي خاته راسي في كتفو باسترخاء ومتابعه الفليم:ما اظن، لانو حتى العشق بجي بعد الحب_معتصم:ما بتفق معاك، لانو في حاجه أكبر منو_لينه:طيب هي شنو_كتب لي بأصبعو في كفة يدي '' الاحتواء''،وجهت تركيزي على يدي عشان اتهجا هو كتب شنو، رفقتا راسي من كتفو لقيتو بعاين لي سألتو باستغراب:الاحتواء؟!_معتصم:ايي_رجعتا تاني راسي في كتفو وانا بعاين للفليم وقلتا:عرفتا كيف _شبك يدينا مع بعض وقال بنبرة حنينه كده اول مره اسمعو بتكلم بيها:لأني جربت، ايي صاح الحب مهم في الحياة، بس الاحتواء اهم منو تحسيهو عبارة عن حب وقسوة الاب ممزوج باهتمام وحنية الام، بخليك تحس اول شي بالمسؤوليه تحس انك مسؤول من شخص معين ولا بتدخل في كل حاجه تخصو لو بعملها حتى لو غصب عن انت بتدخل، وده بولد شعور الامتلاك والسيطرة، ننتي منتبهة معاي صاح؟ _قلتا وانا بعاين لي يدي المحتويها بي يدو وانا مركزه مع كل كلمة قالها:ايي معاك كمل_شال نفس طويل وقال:حتى لو جيتي تتعمقي في معناها من الاسم'' #احتواء'' بتحسي بيهو عميق حاجه كده كبيره، بتحسي انك عايزه تحتوي شخص معيين من غيرتك وغضبك من نفسك وحتى من نفسو هو زاتو، والغريبه انو لو غلط بتلقى نفسك اتقمصتا دور الاب وبتعاقبو بقسوه، بس كلها ثواني وتلقا تلقا نفسك بتعاتبو بحنيه على غلطو، الاحتواء عميق في معناهو وأفعالو اكتر من كلامو بعكس الحب الممكن تطلعي منو شعر كامل بتاع غزل بس ما برضو ما بلحق نفس عمق الاحتواء واهميتو_الضلام والهدوء، يدي المحتويها بي يدو ونبرة صوتو الجنينه الهاديه وهو بشرح لي عن الاحتواء، الحاجات دي كلها خلت افعل ديك كلها تجي في راسي واقدر افهمها وافسرها، سيطرتو، تملكو، غيرت، حتى عقابات القاسيه الممزوجه بحنيه، يادوب قدرتا افهمها_وجهت نظري على كفة يدي وهو رجع كتب فيها باصبعو'' #بحتويك❤🔥'' _رفعتا راسي من كتفو بصدمه وانا بعاين في عيونو وبقول:بحتويك؟!!، يعني الكلام الفي الدفتر عن السيطرة والتملك والغيره ولانجذاب والاحتواء داك كلو لي انا؟؟ _عاين لي استغراب وقال وهو جايني من اضاني:يعني فتشتي دفتري صاح؟ _قلتا وانا لا عارفه ابكي من الألم ولا عارفه اضحك واطير من الفرح:ايي، لقيت الدفتر بالغلط وقريت لكن ما فهمتا شي والله الا حسي، حرام عليك فكني عليك الله _فا لي اضاني وهو بقول:ما عشان راسك فاضي ومخك دكوة الا يشرحو ليك_بقيت اضحك وانا ماسكة اضاني البتالمني بسببو_رجعت رقدتا راسي في كتفو وانا بشبك يدينا مع بعض قلتا:يمكن الحب البحسو اتجاهك دي حاجه بسيطه شديد قصاد احتوائك، بس يشهد الله ان حقيقيين وما حاجه بسيطه او هينه و.... _ما تميت كلامي وقت رفع لي راسي من كتفو وهنا يدو على خدي و في لحظة ضعف مننا الاتنين حصل ما حصل _تاني يوم الصباح صحيت بصوت معتصم صحيني للصلاة قمتا استحميت واصلين ورجعنا طوالي نمتا، حتى الورد ما قلتو_بعد كم ساعه صحيت بصوت كركبه في الباب فتحتا عيوني لقيت ده معتصم، شايل صينيه جا خالها في السرير وقال لي بكل ذرة الافتخار العندو:شوفي راجلك الشيف عمل ليك شنو🙂↔😌_عاينتا الصينيه لقيتها كورتين فيهم إندومي 🐸_عاينت ليهو وانا لسه نعسانه:انجاز والله شيف عالمي انت لكن_جضمني وهو بقول :هو كويس كاتبين طريقة التحضير والا كان بجيبو تاكلي نيي من كيسو، انا علاقتي بالمطبخ معدومه خالص فشنو كوني عملتا نجضتا اندومي ده انجاز عالمي عديل🙂_عايزه ارجع انوم قلتا لي:انا نعسانه ما عايزه اكل_معتصم:كفايه نمتي كتير، اجازتي ال٣ يوم دي اقضيها مع منو يا سجم _لينه:يخ عايزه انوم ما كفايه امبارح ما نم... _سكتا وقت شفتا انا قلتا شنو لقيتو بعاين لي بي ابتسامه خبيثه وقال:كملي كملي لي سكتي _انا عايزه انشق من الاحراج تاني قدر ما حاول يتكلم معاي عيني من الصحن ما رفعتها، هو لاحظ، 5دقايق لقيت نفسي كملت الاندومي حقي عاينت ليهو وطوالي شلتا حقو بديت اكل في_معتصم:عدم زوق كان استءذني ساي أنشأ الله 🙂_ابيت ارد انا لسه محرجه، قام حاول يطلعني من جو الاحراج ده قالي:تتذكري زمان كلو ما نتلاقى اي واحد يحمر للتاني😂_نسيت الاحراج وبقيت اتذكر معاهو موقفنا مع بعض زمان وطبعا موتو من الضحك وقت وريت كنت بقول شنو حوه نفسي وقت اشوفو ومضى اليوم على كده الونسه والضحك...
يتبع