رواية صدفه
الفصل الثالث عشر13والرابع عشر14
بقلم مريم اشرف
في اليوم التالي:
جيه أنس وسلم على بسمه عشان هيرجع اسكندرية..بعدما اتفقوا كلهم إن حفلة الخطوبة هتكون الأسبوع الجاي بحضور كل العيله والفرح بعد ما تخلص كليتها..
بعد يومين:
راحت سهام مع زياد المستشفى عشان كانت مريضه و بسمه ومامتها فضلو بالبيت مع البيبي اللي بعد معاناة سموه على اقتراح بسمه..
بسمه بابتسامه:
- يا حبيب عمتو انت!!..ماما شوفي بيضحك ازاي!!
رقيه وبتغيرلو هدومو:
- بتتكلمي ولا كإن عمرك ما شفتي طفل بيضحك!
بسمه بهزار:
- ماما!!..انتي عامله كده ليه؟
رقيه:
- كده ازاي يعني؟
بسمه بحزن:
- دايما بتحسسيني اني مش بنتك وبحس انك بتفضلي سهام عليا ودي مش أول مره!
رقيه اتنهدت:
- ايه اللي بتقوليه ده؟..انتو عندي زي بعض..
بسمه دمعت:
- لأ مش زي بعض..أنا عارفه انها مرات ابنك الوحيد وكده..عشان كده بتعزيها بس انتي بتعامليني وحش من زمان..من لما..بابا اتوفى!!
رقيه بصوت مبحوح:
- خلاص يا بسمه..
بسمه بإصرار:
- مش خلاص..أنا متأكده انك لسا متشبته بكلامهم..ان أنا السبب في موتو..ان أنا قلتلو ياخدني الأهرامات..مش ذنبي اننا عملنا حادثه..والله ده قدرو!
رقيه وهي بتفتكر الواقعه اللي بقالها أكثر من 4 سنين:
- مقدرتش يا بنتي..والله ما كان قصدي أعاملك كده..بس صعب..صعب والله..لو مكنتيش زنيتي عليه وقتها..ربما كان هيكون وسطينا دلوقتي ومبسوطين..
بسمه بعياط:
- والله ده قدر من ربنا..ربنا كتبلي أعيش بعد الحادثه وهو كتبلو يموت..هنعترض..هه؟..آسفه يا ماما لو كنت جرحتك بس مش ذنبي..انا عاوزاكي ترجعي تحبيني زي الأول..عاوزه نرجع بسمه ورقيه اللي الكل بيشهد بعلاقة الصداقه اللي بينهم..ممكن؟
رقيه حضنتها:
- آه يا بنتي..كل ده جواكي..آسفه يا نور عيني..أنا بجد كنت غلطانه ومعرفش اتعميت ليه..سامحيني يا بنتي..
بسمه ابتسمت:
- مسامحاكي يا ماما..
رقيه:
- يلا امسحي دموعك..انتي عروسه لازم تفرحي..
بسمه ضحكت:
- عروسة ايه أنا لسا حتى ما اتخطبتش رسمي!!
رقيه بمشاكسه:
- يا ربي بدأنا استعباط
_________________________
رجعت سهام وزياد..
رقيه بقلق:
- في ايه يا ابني..الدكتور قالكم ايه؟
بسمه شالت البيبي وقربت منهم..
زياد بإرهاق:
- لسا متوضحش..قالولنا نعمل أشعة وتحاليل..
رقيه:
- إن شاء الله خير يلا اغسلو ايديكم عشان نتغدى..
_______________________
بسمه بابتسامه هاديه:
- متقلقيش يا سهام كل حاجه هتكون كويسه صدقيني..قوليلي حاسه بايه دلوقتي؟..لسا دايخه؟!
سهام بحزن:
- ملكيش دعوه بيا..وشالت براء ودخلت اوضتها..
زياد:
- الدكتور بيقول ان ممكن يكون كانسر..
بشهقه قالت:
- ايه؟!..كانسر!!
زياد بخضه:
- اسكتي ماما هتسمعك!!
حطت ايدها على بقها وفضلت تردد:
- كانسر؟..كانسر؟..آه ه ه
رقيه:
- ايه مالكم يا ولاد؟
زياد باس راسها:
- مفيش يا ست الكل..أنا هنادي على سهام عشان ناكل سوا..
________________________
باسكندريه..
شروق بفرحه: بتتكلم جد يا أنس..هتتجوزها؟؟!..ازاي ده حصل وليه مقلتليش؟!
أنس حكالها كل حاجه..
شروق ابتسمت:
- أنا كان نفسي تتجوز البنت الغلبانه دي أوي..وكنت بدعي ربنا يقدملك اللي فيه الخير و آدي النتيجه..ربنا بيستجيب دعائي..
أنس ابتسم:
- ربنا يعينني بقى..شكلي هتتجن زيها..أصل بيقولو من عاشر قوما صار منهم..وبسمه دي جيش كامل مش بس قوم!!
شروق ضحكت:
- بكرا ان شاء الله هروح أنا وندى نجيب فساتين ونشتري ذهب و كام هدايا كده عشان الخطوبه..
أنس:
- اللي تشوفيه يا ماما..
شروق:
- وطبعا هتروح معانا..
أنس باستسلام:
- اتدبست أنا!!
الفصل الرابع عشر
وفي يوم الخطوبة:
بسمه وبتجري ناحية مامتها:
- ماما جوم!!!
مامتها وبتعدل فستانها:
- مبروك يا حبيبتي..طول عمري بستنى اللحظه دي اللي أشوفك فيها مع الشخص اللي هيسعدك..الشخص اللي قلبك هيختارو و جه أهو..
بسمه بتأثر: ربنا يخليكي ليا يا أحلى أم..
رقيه: ويخليكي ليا يا نور عيني..
زياد بابتسامه: تصدقو اتأثرت؟؟!..يلا بقى الناس وصلت!!
سهام من المطبخ:
- حماتي!..أطلع الشربات من الثلاجه ولا استنى شويه؟
رقيه: طلعيهم يا بنتي كفايه عليهم!
"صوت رن جرس"
زياد فتح وقال بترحيب:
- مساء الخير نورتونا اتفضلو ادخلوا..
شروق بابتسامه:
- ربنا يبارك فيك يا ابني..يلا يا ندى..
أنس من وراهم وشايل الهدايا والورد:
- الحق يا عم زياد كتافي سابت عالآخر..
زياد ضحك عليه وشال منو..
الكل سلم على بعض وقعدو بالصاله..
مر وقت وبسمه حطت وشها بين كفوفها لما شروق بدإت تحكي عنها لما قعدت عندهم وعن جنانها وتصرفاتها الغريبه..
أما أنس ففضل يبصلهم ويضحك..
رقيه بابتسامه:
- روحي يا آخرة صبري جيبي الصواني اللي بالمطبخ وبصت على سهام وكملت: روحي معاها يا سهام دي غبيه ومتعرفش تعمل حاجه..
__________________________
بالمطبخ..
سهام بلوية بق:
- شايفه يا ختي البيه خطيبك بيلعب وراكي ازاي؟..أنا والله كنت عاوزه اقولك بس خفت ابوظ فرحتك..
بسمه وشها قلب مية لون وقالت:
- ايه مالو أنس يا سهام؟..بيلعب ورايا ازاي؟!
سهام غسلت ايديها وكملت:
- مشفتيش السنيوره اللي جات معاهم بتبصلو ازاي وكمان هو؟..بس الحق يتقال..كملت بهمس: سمعتو لما قعدو قالها اصبري والله غصب عني فقالتلو مستحمله عشانك بس يا حبيبي..شايفه اكيد امو اللي غصبت عليه يتقدملك وهو بيحبها هي..
بسمه بلعت ريقها وقالت بتوهان:
- بس لأ..أكيد لأ..أنس بيحبني أنا..مش ممكن..أكيد كانو بيتكلمو عن حاجه تانيه غير اللي جه على بالك..وبعدين هي مساعدتو في الشغل وب..
قاطعتها:
- وبنت عمتو كمان متنسيش!
بسمه شالت الصواني وطلعت بيها على الصاله وبصت على أنس لقتو بيتكلم مع ندى وبيضحكو..
بلعت ريقها بقلق وقعدت جمب مامتها..
_________________________
خلصت الخطوبه و الناس كانت هتمشي لولا ان بسمه قالت:
- أنس ممكن دقيقه..عاوزه اتكلم معاك..لوحدنا..
بص عليها أنس باستغراب ومشي وراها على البلكونه..
فيما ابتسمت سهام بانتصار
بسمه بعياط:
- هو بجد انت بتحب ندى؟؟
أنس ضحك:
- بسمه يا حبيبتي ذماغك اتشلت ثاني ولا ايه؟
بسمه وبتمسح دموعها:
- مبهزرش يا أنس..جاوب لو سمحت!
أنس بهدوء:
- اي ده انتي بتعيطي؟..بسمه انتي عبيطه..جبتي الكلام ده منين؟
بسمه:
- سهام..سهام مرات اخويا سمعتك بتقولها.." الكلام.."..
أنس ضحك بشده لدرجة انو كان هيوقع على الأرض:
- وانتي بسذاجتك صدقتي الكلام ده؟؟
ضربتو على كتفو بغيظ:
- طب ايه التفسير للكلام ده يا سي أنس؟؟!
أنس:
- كل اللي فيها انها شمت ريحة بخور بالبيت..أظن مامتك عملتو و لما دخلنا كانت لسا ريحتو جوا..فهي اختنقت منها..هي دي كل الحكايه وبعدين ندى دي بعتبرها أختي..أختي الكبيره..دي بتكبرني ب3 سنين!!
بسمه برّقت وبصت على تحت من غير كلام..
أنس عبس:
- انتي عبيطه اوي على فكره واي حد بقولك حاجه بتصدقيه على طول..حتى لو كان..عدوك..انتي حكيتيلي قبل كده عن مرات ابوكي بس مصدقتش انها هتكون بالسوء ده وهتكرهلك الخير وتشوفك فرحانه فحياتك!!
بسمه قالت:
- أنس أنا آسفه..
أنس بجمود:
- متعتذريش على حاجه شايفاها صح..مادام قلبك ومشاعرك صدقو يبقى خلاص..
شروق من برا:
- يلا يا عريس المغرب أذن وورانا طريق طويله..
أنس طلع وبسمه وراه..
مسكت ذراعو وقالت:
- أنس اسمعني!!
بعّد ايدها و طلع على الصاله وقال بابتسامه عكس اللي كان عليه من شويا:
- يلا..ومشيو..
بسمه بحزن:
- أنا هدخل أنام..تعبانه أوي..تصبحوا على خير..
الكل:
- وانتي من أهلو يا عروسه..
دخلت اوضتها وقفلت الباب بالمفتاح وغيرت فستانها ومسكت تيليفونها..
في نفسها:
- يارب ايه الغباء اللي انا هببتو ده..أكيد فهم ان انا بشك فيه..
اترمت على سريرها وراحت في النوم..
_______________________
فاقت بسمه على صوت مامتها اللي بتناديها:
- بسمه..يلا بقى اصحي..ورانا تنظيف كتير ولازم نخلص بسرعه..
بسمه قامت:
- حاضر هغير هدومي وجايه..
مسكت تيليفونها وبصت على الرسايل وملقتش اي وحده من أنس فقررت تتصل بيه بس مردش عليها..
بسمه بقلق: رد بقى!!
ولما زقهت رمت التيليفون على سريرها وطلعت برا الأوضه..
_______________________
عند أنس باسكندريه وجوا مكتبو دخلت عندو ندى واتكلمت بعتاب:
- وفاكر انو اللي بتعملو ده صح؟
لمّس على خاتمو واتكلم بابتسامه:
- صح الصح كمان..بسمه بنت ساذجه وعبيطه اوي..لازم تفوق..عارف ان اللي مرت بيه مش سهل بس لازم تتعلم تدافع عن نفسها..
ابتسمت هي كمان:
- بتغير عليك هتعمل اي؟
أنس ضحك:
- عارف بس..لازم ازعل شويه ولا اي؟..
ندى بصتلو بغباء وقالت بصوت خافت:
- انتو الاثنين زي بعض والله..عبيط واخوه..
أنس مشي وراها وقال بهزار:
- سمعتك على فكره!