رواية مأمني وأماني
الفصل الخامس عشر 15
بقلم توسل محمد طه
*وتهدينا الحياة أضواءً في آخر النفق تدعونا كي ننسى ألماً عشناه* ✨♥️
في يوم توسل كانت قاعده في بيتهم اتصلو عليها من المستشفى وقالو ليها تجي ضروري جهزت هي وعلاء واتحركت على المستشفى وخايفه تكون حصلت حاجه لسند قلبها خايف شديد على سند مشت المستشفى وقلبها في يدها اول م وصلت استقبلتهم الممرضه وهي مبتسمه توسل اطمنت لمن شافت ابتسامتها ومشت هي وعلاء دخلو جوا الحضانه بعد م خلوهم يعقمو يديهم ورجليهم وتوسل خلوها تعقم جسمها كلو ودخلت ادوها سند وقالو ليها تخليه يرضع لأول مره توسل تشيلو وتشربو الشراب الطبيعي للطفل لمن عيونها دمعت
سند صحتو كويسه شديدد وباقي ليه اسبوعين بس ويطلع من الحضانه
مرت الأسبوعين وتوسل كل يوم بنادوها عشان سند لحد م تم الشهر في الحضانه وصحتو بقت كويسه شديدد والليله كرامة سند
كانو كل الناس فرحانين ومبسوطين شديد بالذات يزن😹
توسل رغم الحزن الفي قلبها بس وقفت علاء معاها بكلامو كل مره كان بقويها ورضت بالواقع واتعوضت فيهم ربنا عشان يدخلوها الجنه بعدين
يوم الكرامه ياهو يوم السمايه😹 خلصو اليوم كان مليان بالضيوف والقصص والضحك واللعب علاء جا لي توسل يلا قومي ي ام سند
ردت امها تقوم وين ان شاء الله 😹
تقوم بيتها ي خالتي
انت ي ولد جنيت
كيييف😹
في مرا والده يدااب بتمش بيتها؟ يلا من هنا توسل تكمل أربعين يوم حتى ترجع بيتها
كمممم
أربعين يوم م سمعتها
م كتيره ي خالتي🥺
شفقان مالك انت😹
خلاص باقي ١٠ يوم د شهر كمل من بعد الولاده
الأربعين بدت الليله😒
م عصرتي علي ي خالتي😹
توسل قعدت تضحك وشيماء تشاغل فيها😹 نط يامن قال ليه
اتحمل ي ابو سند انا عملوها لي شهرين اخير انت أربعين يوم😹
ام توسل قعدت تضحك والله انا عرست بناتي لي اولاد م بستحو في وشي يقولوها😹 يحليل زمن الواحد يخجل م نسيبتو
ي: ي خالتي زمن الدسدسه والغتغيت انتها😹
ع: ااي الناس تحاول تكون واضحه😹
علاء جا ماشي شال سند سلم عليهو وسند بال فيهو🤣
ع: توسل قومي اديني غيار ان شاءالله جلابيه من ابوك م بقدر اطلع كدا😑😉
ام توسل قالت ليه انا بديك تعال😑
عاين ليها عين بعنوان م تقدي الشغل ي خالتي😹 مشا معاها وهو صاري وتوسل ماتت من الضحك😹
علاء غير وطلع مشا البيت
وبقا كل يوم يتصل يتكلم معاها الليل كلو وبالنهار يجيها بحجه اشتاق لسند او جايب فواكه او داير يديها حاجات 😹 وامها شايلاها معاهو شيله تقيله م بتديهو فرصه مع توسل نهاي وهو خلاص م قادر يتحمل😹 وتوسل امها وقعت فيها نشأ وحاجات الحبس ديك عادتها ليها من الاول😹 لحد م تمت شهر في بيتهم ويوم الخميس جا نازل فيها من الشغل عايز يبيت معاهم😹
امها قالت ليه تنوم في الصالون عاين ليها نظره بعنوان ليه ي خالتي انتي قاسيه كدا😹
قال ليها خير وقال لتوسل جيبي لي غيار في الصالون 😹 امها كانت مشغوله لو انتبهت كان شالت الغيار هي😹
مشت شالت غيار ومشت الصالون دقت الباب ودخلت لقت علاء قاعد في الكنبه جات ادتو الغيار مسك يدها وجراها عليهو حضنا شديددد وقال ليها يااخ اشتقت ليك اقسم بالله امك دي انا سويت ليها شنو حارماني منك كدا توسل زحت منو علاء اسي بجي زول قرب منها وقال ليها
الداير يجي يجي مش مرتي😉
علاء بطل يااخ وهي تتكلم وترجع لوراء لحد م وصلت الحيطه وعلاء محاوطها بي يديهو الاتنين😹
وقرب منها و💋🙈🤣
وأثناء م علاء مقرب منها ابوها جا داخل🙆🏻♀️
من سمعو صوت الباب فتح علاء زح منها وقبل لقا ابوها م عرف يعمل شنوو زاتو بقا يتمتم😹😹
وتوسل دي بقت قدر السمسميه
ابوها من غير م يقول كلمه طلع وقفل وراهو الباب😹
توسل قربت تبكي وعلاء قعد يضحك بسس😹
ي زوله بتبكي مالك م انتي مرتي
علاء اسكت مني يااخ😭
خلاص تعالي نمش نقعد معاهم
امش برااك م بقدر اعاين ليه في وشو تاني😭
ي زوله م تخافي تعالي م بسألك على ضمانتي😹ومسك يدها وطلع سمع ابوها يتكلم مع ام توسل قال ليها ي مره هويي امشي جهزي للبت دي شنطتها خليها تمش مع راجلها باقي الليل دا
علاء جا داخل اااي والله ي عمي فكره كويسه😹
ام توسل حاولت تعترض بس راجلها وقف ليها قال ليها تمش
خلاص خليني احننا ويمشوا بكره الصباح أن شاءالله
ع: والله ماف داعي م دايرين نتعبك
ابو توسل قعد يضحك ي مرا قومي بتتحنن في بيتها امشي جهزي شنطتها مشت وهي صاره وشها😹
علاء والفرحه دايره تقتلو شال الشنط رفعهم العربيه وشال سند وودعو امها وابوها ومشو😹
ياااخ على الطلاق اشتقت ليك😭😹
حتى انا والله
ي الله متيييين نصل البيت😹
علاء سوق براحه وخلي بالك في الطريق 😹
وصلو البيت لقو قدام العماره في دفار استغربو منو لمن نزلو علاء سأل الراجل الواقف جنب الباب قال ليه ديل ناس جو يسكنو هنا في الشقه الفاتحه فيكم
قال ليه تمام ودخل
توسل دخلت البيت ودخلت استحمت وجات تسرح سند قعد يبكي شالتو وبقت حايمه بيهو في الغرفه تنوم فيهو وشعرها مفكوك ولابسه ليها بجامه رماديه حلوه شديد مع الصحه الجابتها كانت مكنه بس🤣.
علاء جا داخل لقاها تنوم في سند وهو يبكي لسه شالو منها وبقا يقرا ليه في سوره الإنسان طوالي سند سكت لمن خلص وفتح عيونو لقا سند نام😹🤍 وتوسل قاعده تعاين فيهو ابتسم ليها ومشا خت سند في سريرو وجا على توسل من غير ااي مقدمات حضنها😹...
______
صباح اليوم التاني جوري جهزت وفهمت امها انو عيد ميلاد صحبتها ولبست الفستان ومن فوق ليه العبايه وطلعت وقفت بعيد من بيتهم منتظرا فياض شافت عربيه مظلله جاايه عليها ابتسمت وبقت منتظره العربية
وقفت قدامها ودق ليها بوري مشت عليه فتحت الباب وركبت لقتو خالد
اتهجمت وخافت شديد
خاالد😳😨
ااي خالد وطوالي دور العربيه قبل يتكلم معاها
نزلني انت ماش وين خالد ساكت م رد ليها
خالد انا بتكلم معاك😭
بس عاين ليها وسكت م رد
خالد نزلني قلت ليك انت ماشي بي وين😭
خ: ماش بيك مكان احسن من الانتي ماشه ليهو
م فهمت
شويه وح تفهمي كل شي في وقتو سمح
جوري بقت تبكي وساكته خالد وقف العربيه على جنب وقال ليها:
بتبكي ليه؟
م ردت ليه
جوري بتكلم معاك؟
م عارفه ياااخ
طيب ي استاذه اسكتي عشان اشرح ليك🙂
جوري عاينت ليه تشرح لي شنوو ؟
اشرح ليك انو انتي غاشنك وفياض م بحبك ي جوري
واصلا الليله ماف عيد ميلاد واحد صاحبنا او حاجه
فياض غشاك عشان يجيبك الشقه ويغتصبك وم براهو كمان كنا معاهو انا وعروه وجاسر
واسي عروه وجاسر في الشقه وفياض جاييك عشان يسوقك ليهم وانا والله خوة جواد م قدرت انساها وم قدرت اطعنو في ضهرو واكسر عرضو دا السبب الأول السبب التاني اني حبيتك ي جوري بحبك من زمان انا بس انتي كنتي بتحبي فياض وم شايفه غيرو م عاينتي للبحبك صح والبحبك عشان يلعب بيك وفياض م ح يعرسك يااخ انتي لو عارفه هو بقول عنك شنو ح تكريهو عمرك كلوو وانا عارفك نضيفه وبريئه وم زي م قال فيك فياض ومستعد اتقبلك واتزوجك بعد القالو فياض فيك لو انتي موافقه
جوري بقت مصدومه من كلام خالد وقالت ليه:
كذااب انت كذااب فياض بحبني وبحترمني شديد وانا عمري كلو م ح احب زول غيرو يكون في علمك وانا عارفه حبيبي شنو وعارفه كل كلمه قلتها كذب ودا كلو من تأليفك عشان اخلي فياض وارتبط بيك صح
خ: دا كل القدرتي تفهميهو انو انا ألفت كل الكلام دا عشان اخليك تخلي فياض وتحبيني؟
ج: ااي لانو انت م عندك كرامه ولو عندك كرامه انا من زماان قلت ليك اني بحب فياض وم ح احب غيرو وفياض زي اخوك وانا باعتباري مرت اخوك مفترض اصلا م تفكر فيني لو انت عندك خوه ولو كنت صادق وعايزني اصدقك كيف وانت وفياض دائما مع بعض انت م ختيت اعتبار لي خوتك معاهو وحبيت البحبها فياض ح تخت اعتبار لي علاقتي معاك اصدقك كيف وانت العاملو اخوك بتخون فيهو اسي؟
خ: ي بت الحلال افهمي انو فياض اصلا م حباك ولا يوم انتي بالنسبه ليهو ومع اعتذاري ليك شهوه م اكتر انتي علاقه جسديه بس مع فياض وهو م عايز منك غير جسدك واول م يحصل عليه ح يرميك زيك وزي الكلاب وتكوني انتي الخاينه وقتها م انا تخوني ربك وامك وابوك واخوانك وأهلك وجواد اخوك المابشوف زول زيك تكوني كسرتي ضهرو ومع منو كمان مع اكتر زول بكره جواد اخوك في الدنيا دي وداير يكسر ضهرو قدام الناس عشان كدا عامل فيها بحبك بس غلطان انا والله وبعتذر على غلطتي دي واسي م ح انزلك هنا ح انزلك في بيتكم عشان انتي اخت جواد بسس م اكتر من كدا وبعداك انتي حره تحافظي على نفسك أو تكسري ضهر اخوك وابوك وسكت منها ورجعها مكان ركبت معاهو
جوري نزلت منو وبقت تبكي وافكارها جايطه عايزه ترجع البيت يجي فياض منزل قزاز العربيه يقول ليها اركبي