رواية احتواء القاسي الفصل السابع والعشرون27بقلم سوسو تويكس
بلعن نفسي كل ما اتذكر الموقف البيش وانو معتصم شافني حاضنه قميصو داك متذكرنو؟ للان محتفظة بيهو _جا وقت السفر معتصم جا صحاني صلينا وتخلينا الورد اليومي وطوالي اتجخزنا عشان نمشي المطار، وعشان ما عايزه كلام كتير لبستا لي عبايه راقيه كده _وصلنا المطار اتذكرت امي المفروض ارجع اجازة السمستر ده القاها بس قدر الله وما شاء فعل _مسافة موعد الطياره تجي فتحتا تلفوني وانا بتفرج على صورها وبمسح دموعي، معتصم انتبه لي، مسك يدي وهو بقول:مصيرنا كلنا نرجع للخالق وما تبكي لانو بكاك ده ما بفيدها بشي، انا معاك كلو ما تحسي نفسك عايزه تبكي ح اذكرك انو الدعا افضل من البكا_شفتو الاحتواء ده ما كان في يدي الهو محتويها بيدو ولا في كلماتو وجملة '' انا معاك ''، الاحتواء ده حسيت بيهو في كل أوصال جسمي _جا موعد الطياره وركبنا ولاني كنت لسه نعسانه نمتا في مقعدي، صحيت من النوم بصوت بنات بضحكو وبتوسوسو وبعاينو لينا احترتا فيهم، معتصم حسا بي صحيت قالي:يدي لو عجبتك شيلها دي القميص عادي _وعيت اني كنت مرقده راسي في كتفو وحاضنه يدو، طوالي فكيتوواناعايزه انشق من الخجل، معتصم:بي نومك الشين ده بقيت كلو مره أصلح ليك الطرحه، ده غير انك فضحتينا مع الناس عارف ما بتقدري تقاوميني، لكن ما للدرجه دي_قلعتا لي شعرة من الفي يدو وجعت قالي:يا زفت اقعدي ساي_ لينه:براك البديت_قمتا من المقعد ومشيت على الحمام وطبعا صف كان قدامي في كم نفر، بعد شويه جو وراي ال٣ بنات ديلك الكان بضحكو وقفو وراي، واحده منهم سالتني:عروس صح؟ _لينه:ايي_***:باين من شكلك _واحده تانيه سالت:راجلك قرضه لكن اكيد زواج عن حب من طريقة نومتك_قعدو يضحكو، جوا نفسي قلت :ده كلو زواج على الورق ساي وكلها سنه وحاجه ويطلقني_وقت شافنو سكتا واحده قالت ليهم:حسي خجلتو البت لمن ما عرفت تتكلم_ردت ليها التانيه:الله يدينا عااد نحنا لينا الكريم والقعاد تحت النيم🥲_ظريفات خلاص بقو يسألوني كيف اتقابلتو وببقا ليك شنو و نازلين يوغندا ولا وين .... الخ _اتعرفنا وشالنا أرقام بعض، وحده منهم قالت لي:يا بختك بيهو واضح من عيونو بحبك قدر شنو وبغير عليك شديد لدرجه وقت طرحتك تقع وانتي نايمه بصلحها بسرعه وبعاين اذا في راجل شافك ولا لأ_، رجعتا وانا بتبسم براي وكنت مركزه مع ملامحو....
يتبع