رواية سلطان زمانه
الفصل الثالث3
بقلم مريم اليوسف
واقفة مصدومة او فينا مصعوقة ... واقفة وقدامها نور وجنبها ولادها .. وجنبها المربية حاملة بنتوتة صغيرة ... راحت حلا ووقفت جنبهن
نطقت الاء بهمس : انتو مين
حلا : انا ضرتك حلا .. 💁♀️وضرتك نور .. والولاد .. شبك حبيبتي مصدومة شو هشام ماخبرك انو متزوج وانك التالتة
هزت براسها بعدم تصديق وقالت : لا مستحيل
حلا : ييي .. شكلو ماخبرك
الاء عم تنقل نظرها بيناتن غير انها انبهرت بجمالهن الا انها شاكة انها شايفتن
نور شفقت عليها وقالت : تعي اقعدي ارتاحي مبين عليكي مصدومة .. اقعدي وخدي نفس
الاء : انا بعرفكن شي
نور : مابظن
الاء : انا شايفتكن
حلا : انت كنت بعرس ملك ؟
الاء (ملللككككك)
صارت تتردد على مسامعها صوت اسماء وهية عم تحكي عن خال ملك وعن نسوانو ... مظبوط شافتن هنن نفسن .. بس هشام ماكان معو ...(لاااااااا) مظبوط شفتوو عند باب الصالة ... هووووو؟؟؟
قربت نور لعندها لانو مبين عليها مو بوعيها وبغير عالم نهائيا
مسكتها وقالتلا تعي اقعدي
الاء : انتو نسوان خالها لملك ؟؟
حلا : شكلك عرفتينا
الاء ؛ وهشام؟؟
حلا : خالها .. وجوزنا وجوزك
نور : حلاااا بكفيي... شوفي وضع البنت
حلا : عم خبرها الحقيقة شكلها مابتعرف شيي
نور : ليكي مبينة انو مو متحملة حاج تزيدها عليها
الاء بعدت عن نور وراحت لعند حلا وقالت : وينو هشام
حلا : ايي صح .. لأسأل عنو
اخدت موبايلها واتصلت برياض يلي كان بالمطار وناطر
حلا : كيفك رياض
رياض : اهلا اختي
حلا: شو اخبار هشام
رياض : مابعرف انا بالمطار
حلا ؛ شو عم تعمل بالمطار
رياض : ناطر مرتو هو خبرني انها رح تجي .. بس اتأخرت وانا ماعم لاقي حدا
حلا ؛ بس انا جبتها ..
رياض : شووو .. وهية وينها
حلا:عنا بالبيت
رياض : مين خبرك
حلا ؛ خبروني من الشركة انو الشرطة اخدت هشام وانا فورا خطر عبالي مرتو انها جاي ومافي حدا يستقبلها فرحت وجبتها
رياض : طيب انا راجع لعند هشام وشوف شو وضعو
حلا : اي زكاتك وخبرنا شو بصير نحنا هون قاعدين على نار
سكرت وحكت نور : شو صار مع هشام
حلا : ان شاء الله هلق بيطلع
ورجعوا اتطلعوا بالاء يلي بغير عالم ... عم تراجع كلشي صار معها هالفترة .. لما اختها قالتلا انو شافها وطلب ايدها وهية رفضت .. وكيف اجا هشام اتقدمها وهنن قبلو .. عرفت ليش كان مايحكي معها كتير .. فهمت سبب اسرافو ... فهمت سبب جيتها على قطر .... بس لييش ... شوبدو مني ... رفعت عيونها على نور وحلا كانو واقفين جنب بعض .. مافي اي حدا بشوفهن بيقدر ينكر جمالهن .. وهية ولا شي بتطلع جنبن ... شو بدو مني .. وفوق كل هاد حبيتو
نور قلقانة عليها لأنو مبينة مصدومة بشكل كبير ... قربت لعندها
نور : انت منيحة ... الاء عم تسمعيني ...
الااء
فجأة وقعت من طولها وغابت عن الوعي
نور : الاااااء ...
حلا بخوف ركضت لعندها
~~~~~~~~~~~~~~•
طالع هشام من باب مركز الشرطة وعم يكبس بموبايلو بشكل سريع وبعدها حطو على ادنو
اجاه الرد صوت رياض :الو
هشام : وينك
رياض : جاي لعندك .. وينك انت طالعوك
هشام: اي .. قلي مشي الحال
رياض : للأسف لأ
هشام : مالقيتها
رياض : مرتك حلا سبقتي واخدتها ع بيت
هشام :شوووووو
رياض : ليك انا رح اوصل لعندك
هشام : مافي داااعي انا ماشي
طلع يركض على الشارع ووقف تاكسي وركب فيها
~~~~~~~~~~~~~•
كان عم ينيمها على تختو .. بس فتحت عيونها وشافتو ..صفنت فيه شوي بدون ماينتبهلا ... سطحها ورجع خطوة لورا شافها صاحية
هشام : الاء انت منيحة
ماحس الا وكف طبع على خدو ورن بكل الغرفة
وتجلست بسرعة ووقفت قدامو وقالت بعصبية وانفعال : حقييير ... واااطي ... حشرة ... كذاب... هلق وبهل اللحظة بدك تطلقني وترجعني من مكان ماجبتني ... يا واطي ياا عديم الضمير .... مقبور متزوج شوووبدك منييي
هشام : الاء اهدي .. واسمعيني
الاء : تهدي عليك شي عقربة ... اسمعكك .. شووو بدي اسمع ... شو المبرر يلي بدك تبررلو .. .. وبكل عين وقحة بدك اسمعك ... طلقنيييي.....
حاول يقرب منها يهديها رجعت لورا وقالت : اذا بتقرب خطوة ماتلوم الا حاالللك عم تفهم .... طلقننني عم تفهم
رجع لورا ومسح على وجهو بقلة حيلة
الاء : ولا قلك لا تطلق انا برجع وبرفع على قضية خلع ... اجت بدا تطلع من الباب وقفها
هشام : ع وين
الاء : ع المطار من مكان ما جيت ... كانت باطلة ومحولة هالجازة النحس ... قال منزلني على ضراير تنين ياريت على ضرة وحدة
هشام : من هالبيت مالك طلعة
الاء : لأنو الشغلة عكيفك
هشام: اي عكيفي .. باسبورك واوراقك كلها معي وطلعة من هالبيت لا تحلمي
الاء : لك شوووبدك مني .. ليش جبتني وغربتني عن اهلي كرمال شووو ... في الك عندي شي تار وبدك تاخدو ... لا بعرفك ولا بتعرفني ... ضحكت علي وخليتني اقطع بحور لاوصل لعندك كرمال اتفاجئ بوساختك
لف هشام وسكر الباب وراه ركضت تحاول تفتحو لقتو مقفول
الاء : افتحوووو ... افتحوووو ... يا حقييير
هشام : لترضي نحكي بهدوء بفتحو
الاء : مافي بينا لا حكي ولا غييرو مافي غيرر الطلاق .. عم تسمعععع
مارد عليها وراح
~~~~~~~~~~~~~•
تركها عم تصرخ وتعيط ونزل ع الصالون ... حلا ونور كانو قاعدين ولما اجا وقفو
وقف قدامن وقال : يلا احكولي شو القصة
نور : انا والله مابعرف شي
حلا بتوتر : اتصلت ع موبايلك كان مغلق .. اتصلت بالشركة وقالولي اخدوك الشرطة
هشام : قام انت بسرعة بديهتك عرفتي انو الاء لحالا بالمطار ورحتي جبتيها
حلا : والله هيك صار
هشام : مين طلب منك ااااه
حلا :.....
هشام: اي سكتي
حلا : طيب انت ليش ما مخبرها انك متزوج .. حرام البنت انصدمت صدمة عمرها
هشام : تعي عيشي حيااتي
حلا ؛ انا اسفة ...
هشام : اسفك مابيمشي معي ... من اليوم ورايح محبوسة متلها بالبيت مافي لا طلعة ولا فوتة وبطاقة البنك رح تتوقف ... مصروف لأهلك مافي .. واذا بتخالفي اوامري بتعتبري حالك (وسكت ) اي متل مافهمتيها لحتى انا اعفي عنك
حلا : يا ابن عمي والله مابقصديي .. حبيت ساااعد
هشام :اااه حبيتي تساعدي .. طيب ماخبروكي اخدوني الشرطة ليش ماحاولتي تعرفي شبو جوزك .. اهكلتي هم ضرتك ومااهكلتي هم جوزك
حلا ؛ قالولي راح معك رياض
هشام : انا حكيت يلي عندي ... سمعتيي حلاا .. وانت نور سمعتي
تركهن وطلع من البيت كلو
حلا ضربت رجلها بالارض بقهر وطلعت على غرفتها ونور قعدت بدون اي شعور
~~~~~~~~~~~~~~•
بعد مدة
انفتح الباب على الاء .. كانت متكورة على التخت ورفعت راسها مع فتحت الباب وكانو عيونها حمر كتير من كتر البكي دخلت نور ومعها الخادمة حاملة الشناتي تبعون الاء
قامت الاء بسرعة واخدت جزدانها فتحتو وبلشت تفتش فيه .. مالقت لا مصاري ولا هويتها ولاحتى الباسبور .. بس موبايلها كان موجود
نور : اخدهن هشام
الاء : الله يكسر اديه ... الله لايوفقو
نور : طولي بالك واقعدي
الاء : حلي عني انت التانية ايوو طووولة وانا جيت وانحبست عند ناس مابعرفن والله اعلم شو ممكن يعملو فيني
نور : هههه مو لهل الدرجة
الاء : لأيو درجة لكن ... شو بتفسري تصرفي انكن حبستوني بهي الغرفة
نور : هشام قفلها وراح بس اكيد مارح ترجع تنقفل فيكي تطلعي منها
الاء : على حبس اكبر
نور ؛ لا .. بس انو انت بشكل عام الك مكان تروحي عليه ؟
الاء : وحياتك رح اطلع واشتكي عليه وارجع ع البلد
نور : هلق مافي شي بصير غصب عنك .. بس هشام ليش عمل هيك مابعرف ... كان ناوي يكذب عليكي بالفترة الأولى وبعد ماتصيري مرتو عنجد يعترفلك بالحقيقة .. بس سبحان الله انكشف قبل ما يكمل
الاء ؛ الله كبير ... الله فرجاني اياه لهل الخاين النسونجي .. بس انتووو كيف بتقبلووو .. الحق عليكن انتو يلي راخيين الو الحبل .. والله لونو جوزي بدبحو قبل مايفكر يعملها
نور : وجهة نظرك ..
الاء :بدي احكي مع اهلي
نور : وينو موبايلك
الاء : خطي مابيشتغل برا
نور : حكيهن نت
الاء ؛ كيف
نور : في انترنت مفتوح بالقصر .. فيكي تشبكي عليه
تناولت موبايلها وهية عم تفتحو قالت : شو الباسورد
نور : هههه لمين بدنا نحط الباسورد .. الشبكة مفتوحة
نور : بدك تخبري اهلك
الاء : اكيد وبدي افضحوا وخليهن يلاقو طريقة يخلصوني منو
نور : اهلك بيتحملو هيك خبر
صفنت فيها واتذكرت ابوها
نور : انا برأيي شوي شوي ... ع القليلة مشان مايهكلوا همك
قامت وتركتها وطلعت
فتحت الموبايل وشبكتو بالنت ... كان واصلها رسائل من اهلها .. بس لما شافت اسم اسماء زاد غضبها اكتر كانت بدا تفوت تبهدلها بس مافي اي شي رح يبرد قلبها وكأنها مقهورة من كل هالدنيا ...
بس بدا تطمن اهلها .. بعتتلن مقطع صوتي : مرحبا يا غوالي .. كيفكن .. انا وصلت الحمد لله ... وهشام استقبلني احلا استقبال (غصت) واشتقتلكن كتتتير وتمنيت تكونوا معي ... انا كتير مبسوطة.. بدي تطمنو علي انا كتير منيحة.. يمكن هاليومين ما اقدر اتواصل معكن لأنو النت مو ظابط ولسه ما اشتريت خط جديد .. بس يظبط الخط رح ابعتلكن منو ونصير نتواصل على طوول ... ايه صح هشام بسلم عليكن كتير السلام
طلعت من رقم امها وانتبهت لرفيقتها ميساء اون لاين .. دخلت ع الشات وهالشات هاد كان مكان عزلتها والمكان يلي بتحكي فيه كلشي بقلبها بدون اي تردد
بعتتلها : 😭😭
ميساء : اهلا بالعروس .. ليش عم تبكي شو اشتاقتيلي
الاء : ميساء انا وقعت باكبر كذبة
ميساء : شو القصة .. طمنيني شو صاير
الاء : هشام
ميساء: شبوو
الاء : كذاب وحقير وغشاش ... طلع متزوج ومو وحدة تنيتن
_:شوووو ... كيف هيك صار
وبلشت تسردلها الاء كلشي صار معها من اول ماوصلت لهل اللحظة
ميساء : شو حقير
الاء : قوليلي شو اعمل ... اخد جوازي السفر وخباه .. ومافيني اطلع خطوة برات البيت ...
ميساء : ترجعي بهل البساطة بدون ماتاخدي حقك منو لهل الكلب
الاء : مابدي شي الا انو اطلع من هالكابوس .. بدي ارجع لعند اهلي وبس
ميساء : لا لازم تنتقني منو
الاء : مابدي انتقم من حدا ... الله بياخدلي حقي منو المهم لاقيلي طريقة ارجع
ميساء : اكيد ما اخدك ودفع كل هالمصاري مشان يخليكي ترجعي بهل البساطة
الاء ؛ شوبدو يكون مني
ميساء : قصدي اكيد مارح يرجعك متل ماجابك من عند اهلك ع القليلة تصيري مرتو قول وفعل
الاء : فشررر يلمس شعرة مني
ميساء ؛ اي خليكي هيك قوية ولاتخليه يضغط عليكي بأي شي ... والا مانلاقي طريقة ترجعي فيها
الاء : يعني شو اعمل هلق مافيني ضل بهل المكان عم يخنقني ... بس بدي افهم ليش تزوجني .. شو يلي عجبو فيني قدام هالحوريتين يلي عندو
ميساء : والله انك بتجنني وحتى انك مجذبة
الاء : ماني عم قول بشعة .. بس لو شفتي نسوانو كنتي فهمتي علي .. لك الجمال كلو مجتمع فيهن ... انا جنبن ولا شي
ميساء : اوثقي بحالك ولا تستقلي بحالك .. وانا لو محلك لانتقم من الكل منو ومن نسوانو علي وعلى اعدائي
الاء : مبين عنن حبابين
ميساء : حتى ولو هنن يلي مفلتين جوزهن
الاء : انا بقول مسكتهن بالمصاري
ميساء : معو مصاري كتير
الاء : حسب ماني شايفة كتير كتير ... والشخصية يلي رسملي اياها بوقت الخطبة ما بتتجاوز ١ ٪ من يلي شايفتو .. فكرتو موظف بشركة محترمة وراتب محترم ... بشقة وسيارة
ميساء : وشو طلع معك هلق
الاء : بحكيلك بعدين مو حابة فوت بهل التفاصيل كلو عم يقهرني .. بس بدي اطلع من هون .. انا مابنتمي لهون
ميساء : استهدي بالله ووكلي امرك لرب العالمين هو بياخدلك حقك
الاء : يااارب
سكرت الموبايل ورمتو على التخت ... وبلشت تتمعن بالمكان بعيون دامعة .. بس المكان كان فخم فخم... غرفة نوم باللون الرمادي ببضع اللون الاسود وحتى فرش التخت كان من هاللون .. كاان في بابين جنب بعض .. فتحت اول واحد وكان عبارة عن غرفة ملابس صغيرة وفيها تياب رجالية .. والباب التاني كان حمام كبير
~~~~~~~~~~
الخدم عم يفرشو سفرة العشا بغرفة الطعام ونور بصالون يلي اغلب قعدتهن فيه .. متمددة على كنبة وحاضنة مخدة وعم تقلب بموبايلها .. لتسمع صوت الباب انفتح .. وتتجلس بسرعة وقامت لتستقبل جوزها لأنو مافي غيرو يلي فتح الباب
مبين عليه الانزعاج
هشام : مساء الخير
نور : مساء النور ابن عمي
ضل مكمل على الدرج وهية جنبو
هشام : شو الوضع
نور : هدوء
هشام ؛ والاء
نور : دخلتلها اغراضها وقعدت معها شوي حاولت هديها
هشام : ايي؟
نور : كانت بدا تخبر اهلها وانا قلتلا بلاها حاليا لاينشغل بالن عليها
هز براسو وكمل
نور : مابدك تتعشى
هشام : بس لبدل تيابي خليهن ينزلو
نور : ماشي
وكمل على غرفة نور
~~~~~~~~~~~•
نزل ع سفرة العشا مالقى غير نور كان لابس كنزة بيضا من القطن ورافع كمامها شوي لفوق يلي قد الجسم وبنطلون بجامة سودة .. صح الو شوية كرش بس كان مهيوب ..
هشام : وينن
نور : الاء مابدها .. وحلا حردانة
قعد على راس الطاولة وفتح موبايلو ... فتح فويس وحكا : اذا مابتنزلي على العشا رح تكبر العقوبة
ومافي دقائق دخلت عليهن حلا
حلا بوجه حزين: مساء الخير
هشام : مساء النور ... انا ماحكيت محدا بغيب عن السفرة
حلا : اسفة معد عيدها
هشام : اطلعي اندهي لالاء
حلا : مارح تجي ليش لعذب حالي
قربت لتقعد وحطت موبايلها قدامها .. وهشام مد ايدو وسحبو لقدامو
هشام : اطلعي نزليها بيرجعلك غير هيك لاتحلمي
حلا : بس يا هشام ..
هشام : هاد يلي عندي .. كمان لازم تصلحي الوضع مشان تنعفى العقوبة عنك
حلا : امرك
~~~~~~~~~~~•
اندق الباب عليها وحكت بصوت عالي مابديي اكلل
فتحت الباب حلا وحكت بشوية فوقية : مساء الخير
الاء : مساء النور
حلا : من الصبح ما اكلتي
الاء : ان شاء الله موت وبرتاح
حلا : لساتك صغيرة
الاء : خير شوبدك
حلا : تنزلي تتعشي هيك الاوامر
الاء : هي الاوامر عليكن مو علي ... هيك قولي للسلطان سليمان تبعكن .. ياحريم السلطان
ضحكت حلا
الاء : قوليلو خليه يرجعني لعند اهلي وبسامحو
حلا ؛ متخيلة يرجعك بهل السهولة
الاء : لك رح جن شوو بدو مني .. انت بتعرفي شي
حلا : لا لو بعرف كنت اقنعت حالي لانو مو شايفي قدامي شي مهم
الاء : تساعديني ارجع لعند اهلي
حلا ؛ لأنو جبتك من المطار عاقبني بدك ساعدك مشان الله اعلم شو يعمل فيني
الاء : ضربك ؟؟؟؟
حلا بحزن : لا ... بس اخد مني الكريدت كارد ومنعني اطلع او فوت
الاء : اييي؟؟
حلا: مو عاجبك
الاء : عم تحكي جد
حلا : والله .. مو مصدقة ماهيك ... شايفة شو ظالم
الاء : لاء كتيير ظالم الصراحة
حلا ؛ وهلق انزلي على العشا لانو اخد مني موبايلي وقال اذا مابتنزلي مارح يرجعلي اياه
الاء : واذا مابدي
نفخت حلا وقالت : بليييز .. مابقدر بلا الموبايل
الاء مستغربة من هالشخصية يلي قدامها متعجرفة مع شوية دلال وشوية مكر
الاء : بنزل بس بشرط بدي طريقة اقنع فيها هشام تبعكن يرجعني لعند اهلي
حلا : اممم ... طيب انا ممكن قلك شو بيكره وشو بحب وانت حاولي تستفزيه هو بحب المرى المطيعة ومابحب الاستفزازية وهيك هو رح يقلك الله يوفقك حلي عنك
الاء : عنجد .. طيب قوليلي
حلا : خلينا ننزل ع العشا بالاول
الاء : مع انو ماعبالي ... بس رح انزل
حلا: يلا لكن
طلعو من الغرفة وحكت حلا : شايفتك روقتي
الاء : بعد مابكيت حسيت حالي ارتحت .. وقلت لازم قوي حالي ماوقت الضعف .. بدي اطلع من هالمكان وارجع لعند اهلي
حلا مع ابتسامة جانبية : عملتي منيح
~~~~~~~~~~~~~
وصلو ع السفرة .. وهشام التفت عليهن وشافهن جاين مع بعض والاء عم تحاول تتجاهلو .. وبعدها بتيابها يلي اجت فيهن
هشام : كنت عارف رح تقنعيها تنزل
حلا بثقة ؛ انا مابحط شي براسي ومابنفزو
قربو قعدو جنب بعض مقبال نور .. حلا قريبة من هشام والاء جنبها
هشام شبك ايديه وحطن فوق الطاولة وقال : اهلين فيكي بيناتنا الاء
الاء ؛ واثق من حالك كتيير ... اسمع لا اهلين ولا سهلين لا فيك ولا ببيتك ... ولاتفكر انو قعدت معكن انو اقتنعت بالوضع .. لا والف لا ... ومافي بينا غير الانفصال
هشام اختصر الحديث وقال : سمو بالله
نور : شو اسكبلك ابن عمي
الاء : ابن عمييي؟؟ ... انتو من جماعة ابن عمي وبنت عميي... كنت عم شبهك لسلطان سليمان ههه عصام وبباب الحارة وكتير عليك .. مسخرررة
وقفت لتتركهم
هشام بتهديد : الاااء ..ارجعي اقعدي
الاء : ماني راجعة .. واوامرك هي مابتمشي علي .. ماشي يا ابني عميييي
تركتو ورجعت ع الغرفة يلي كانت فيها
ضل صافن شوي قدامو بقهر وبعدها خبط على الطاولة وقام
نور : هشاام ما اكلت شي
هشام : كلوو انتو .. صحة وهنا
~~~~~~~~~~~•
طلع لعندها على الغرفة دق الباب
الاء : ماااني نازلة واكلكن مابدي اياااه
هشام : بدي احكي معك
الاء : مافي حكي معك الا الموضوع يلي بتعرفو وغير هيك لا تحااوول .. سمعت يا ابو شووكتت ... يا ابن عمييي
فتح الباب وفات بعصبية
هشام : تاني مرة اذا بتتمسخري بهل الطريقة ماتلومي الا حالك
الاء : لا كل شوي عم تبين على حقيقتك
هشام : مافي لا حقيقة ولا غيرها .. بس لا تتمسخري احسنلك
الاء : ادايقت؟؟ ... هه لكن رح ضل اتمسخر ... مشان تعرف انو انا مابناسبك يا ختيار يا ابو كرش
هشام : عجب بالاول كان عاجبك الختيار ابو كرش
الاء : ختيار و ابو كرش اعزب احسن من ختيار وابو كرش ومتزوج ..
هشام : هه ... الظاهر التفاهم رح يكون بيناتنا صعب
الاء : قلي ليش ضحكت علي
هشام : عجبتيني
الاء : ايمت لحقت تشوفني وتنعجب فيني ... عفكرة انا تذكرتك وتذكرت الموقف يلي جمعني فيك .. وكان عابر لدرجة انو مابتذكرو لهلق .. رفضتك اول مرة ليش صرت تلف وتدور ... بدك تثبتلي وجهة نظرك صح ... ولا مافي حدا بيرفضك ولانو رفضتك صار بدك تاخدني غصب وانت من النوع يلي محدا بقلك لأ
هشام بغرور : هيك شي
الاء : انت واحد نرجسي ... مغرور ... شايف حالك فوق والناس تحت ... وفوق كل هاد نسونجي مرى وحدة مابتعبي راسك .. عنجد يلي قال انتو الرجال مابعبي عيونكن غير التراب
هشام : خلصتي ؟
الاء : مافي اي كلام بعبر او يوصف نقطة من يلي عم حسو او الخذلان يلي انا فيه... كنت عم حبك وعم ارسم لحياة سعيدة
هشام ؛ كمليها رسم انا موجود وانتي موجودة ومع بعض
الاء : فشرررت ... اذا بلشتها بكذب شو خليت لقدام
هشام : اعتبريها اول كذب واخر كذب
الاء : كنت ممكن مرقها لو غير هي الكذبة .. بس هيي ... مستحيييل مو انا يلي بتشارك مع مرى تانية عزلمة ... كنت استحقر كل مرة بتاخد واحد متزوج .. اجي انا و اخد واحد متزوج وتنتين
هشام : ليش مكبرتيها اذا هنن مبسوطين وماعندن اي مانع
الاء : اكيد في شي بعقلهن متلك .. مستحيل تكونو طبيعيين انتو .. ابن عميي قال ... يلا طلاااع من هون مابدي شوفك ... لحتى تنوي تطلقني وترجعني لاهلي
هشام : لا تحلمي
الاء : لا تتحداني بنصحك
هشام ؛ وانا قبلت التحدي تصبحي على خير
الاء : ان شاء الله مابتشوفو
طلع وبعد شوي رجع اندق الباب وانفتح ودخلت الخادمة ومعها صينة اكل
الاء : مابدي اتسمم شي رجعيه
الخادمة ؛ من وقت جيتي ما اكلتي شي كلي شي كرمال تضلي قوية
حطتلها الصينية وطلعت
~~~~~~~~~~~~~~~•
الصبح
انفتح الباب على الاء يلي فزعت من نومها وشافتو هشام
الاء : انت كيف بتفوت هيك علي
هشام : ليش فايت عمكان غريب .. ع غرفتي وع مرتي
الاء : لك انت مابتستوعب
هشام : قومي ضبي غراضك
الاء : بدك ترجعني عبيت اهلي مو هيك
هشام : اي .. يلا انا ناطرك بالسيارة
الاء : خمس دقايق وبكون جاهزة
تركها وطلع وابتسامة عطرف تمو
طلعت حلا من جناحها وتلاقت فيه
حلا ؛ صباح الخير
هشام ببرود : صباح النور
نزل على الدرج وهية مشت وراه
حلا ؛ بعدك زعلان مني حبيبي
هشام ؛ مو زعلان من حدا
حلا ؛ طيب بدك ترجعلي الكريديت كارد والسيارة
زورها وضل مكمل
حلا : مو بقصدي انا اسفة .. انت ع وين رايح عند الصبح
هشام ؛ شهر عسل شو نسيتي انو مبارح تزوجت
حلا : يعني الاء وافقت ؟
هشام ؛ غصب عنها
حلا : ايمت راجع
هشام ؛ مابعرف
حلا : طيب وانا شو مشاني
هشام : والله ليشفى صدري برجع بفكر بموضوعك
حلا : طيب شو اعمل لتسامحني
هشام ؛ لا تعملي شي والتزمي جناحك ويلي بدك اياه اطليبه من نور
حلا : ماشيي
ركب بالسيارة وقعد ينطر الاء لتنزل .. واول ماطلعت الباب اجا الحارس اخد منها الشنتة وحطها بسيارة هشام وهية ركبت جنبو
وهو مشي ...
الاء : اول ما اوصل رح رجعلك كلشي دفعتو .. مع انو ما بتستاهل رجعلك شي لانو بالاصل انت كذبت علي
هشام ؛ لاترجعي شي مسامحة
الاء : مابدي منيتك .. ولا بدي شي من اثرك
هشام : طيب ماشي
طال الطريق
والاء صارت تتلفت حواليها عم تحاول تتذكر اذا نفسو الطريق يلي اجت منو .. بس الطريق اغلبو فاضي مافيه عمارات سكنية وهيك اغلب طرقات المطارات وهية ظنت انو اخدها من طريق تاني ...
تناولت موبايلها وشافت الساعة وعم تحسب ايمت بتصير ببيت اهلها .. لتنتبه انو السيارة وقفت ... رفعت نظرها ولا قدامها بوابة كبيرة واسوارها حجر عالية واوراق الشجر متدلية من فواقها
الاء : وين نحنا
هشام ؛ عباب المطار
انفتح الباب ودخل بالسيارة وكأنو دخلو على جنة على الارض ... وبالنص في بيت كبير
الاء : انت وين جايبني
هشام : انزلي
الاء ؛ مونازلة .. ما طلعت معك على هالاساس .. جيت عأساس توصلني على المطار
هشام ؛ شوفي بالمطار
الاء : لا تستغبي حالك .. بدي روح لعند اهلي مابدي ضل معك عم تفهم
هشام ؛ بس المرى مكانها جنب زوجها
الاء : وانا مابدي اياك لا زوج ولا غيرو .. مستحيل اتقبلك بحياتي ... انت واحد كذاب وخاين
هشام : انزلي وبنتفاهم ع رواق
الاء : حااج تقلي روواق .. لك كنت مستعدة سامحك .... بس واحد كذاب شو بدو يطلع منك .. انا كيف وثقت فيك وجيت معك
هشام : طيب مافكرتي بسمعتك وقت ترجعي لعند اهلك تاني يوم تزوجتي فيه
الاء : بقلن طلع كذاب ومتزوج
هشام : بس الناس مارح تصدق .. او لو صدقو رح يقولوا ليش ما سألتوا عنو قبل ما تعطوه ... يعني الناس رح تلومكن .. وهي اذا صدقوا .. ورح يطلع حكي طالع نازل عليكي
الاء : الناس وحكيها اخر همي
هشام : وبركي اهلك بهمن حكي الناس .. الحكي ما بس رح يلحقك ويلحق اهلك ... خلينا نعيش فترة مع بعض وبعدها بوعدك اذا ضليتي مصممة على قرارك برجعك لعندن
الاء : بكون مجنونة اذا بوثق فيك مرة تانية ... انت ماعليك نحنا بندبر حالنا .. بس طلقني وخليني ارجع لعند اهلي ... مكاني مو معك .. مستحيل عيش بهيك جو
هشام : واذا قلتلك لا تحلمي
الاء : لييششش.... شوبدك مني ... عندك تنتين كل وحدة احلى من التانية .. وانا وحدة عادية جنبن قلي شو عجبك فيني
هشام ؛ نفس السؤال يلي عم اسألو لحالي
الاء ؛ حبيتني ؟؟
هشام : اكيد حبيتك
الاء : حب حب
هشام : عجبتيني وخلصنا
الاء : شايف ماحبيتني اصبح سهل تتخلى عني ... حرام عليك اتركني ارجع لحياتي لاتجبرني على شي مابدي اياه
هشام : طيب خلينا نحكي بالمشرمحي
الاء : ياريت
هشام : انا ما تزوجتك وجبتك لهون لاتركك ترجعي متل ماجيتي
الاء : مافهمت
هشام ؛ بدي اياكي ... بدي تكوني مرتي قول وفعل وبعدها بفكر بموضوع الطلاق .. اما ترجعي متل ماجيتي ماحزرتي
هجمت عليه وصارت تضربو بايدها التنتين على كتفو القريب منها بس هو حتى ماقاومها
الاء : كلب ... حقييير ... واااطي.... لا تحلم تلمس شعرة مني يا كلب عم تفهم .. نجوووم السما اقربلك عم تسمععع ... نجوم السما اقربللك
فتح السيارة ونزل وبرم لعندها وفتح الباب عليها وقال ؛ بدك ترجعي اسمعي الكلمة .. ولاتفكري انك اذا عاندتيني رح تخلصي مني بهل السهولة ...
نزلت ووقفت بوجهو : مفكر رح تقدر تخليني اضعف وحياتك لاا .. رح اهرب منك وروح ع السفارة واشكتي عليك
هشام ؛ السفارة السورية ؟؟ هههههه ... عأساس الحكومة السورية دايرة على شعبها يلي بسوريا لتدير بالها على الي برا ههههههه
الاء : رح لاقي مية طريقة
هشام : خلصنا ولووو ... حاج حكي ... خلينا نستمتع بوقتنا ... من مبارح كان لازم تكون دخلتنا بس خربتها حلا ... بس ولا يهمك اليوم ان شاء الله رح نعوض كلشي
الاء : مااارح فوت
هشام : اووف من هالشغلة ..
نزل شوي وحملها على كتافو وهية جنت وصارت تصرخ وتضربو على ضهرو وتحرك رجليها بس هو مشي بخطوات سريعة ودخلو ومشي بالبيت لوصل على الغرفة المطلوبة .. دخل على غرفة النوم ورماها على التخت
كانت عم تلقط نفسها وتقول : هشاام عم حذرك ... عم تفهممم
قرب وقعد جنبها وقال: يا عمري ... ليش معصبة خلينا نعيش اللحظة ماعم نعمل شي حرام انا جوزك وانت مرتي
الاء : لااا انا مابدي اياااك عم تفهم واصحك تقرب
صار يقرب منها وهية ترجع لورا بخوف
هشام : امنعيني لشوف
غمضت عيونها وكورت حالها
وقف وحكى :مو انا الي بقرب ع وحدة غصب عنها
فتحت عيونها واتطلعت فيه وحكت : لييش اخدت وحدة غصب عنها لكن .. قلييي ... كان في مية وحدة قبلانة فيك وبتتمناك ليش انااا
هشام ؛ مية وحدة ... ووحدة رفضتني ليش
الاء : هيييك ... هيييك ماباخد واحد متزوج
هشام : وحطيتك براسي وخليتك تتزوجي واحد متزوج
الاء : هادهو السبب ؟
هشام : انت هاااد يلي حابة تعرفيه ... خلص هاد هو السبب ... مع انو مو سببي قلتلك عجبتيني فيكي شي خاص ماعم تصدقي
الاء : مستحيل اوثق فيك انت واحد كذاب وغشاش بس خلص وصلت الفكرة .. انت بدك ترضي غرورك ما اكتر انك تتزوج البنت يلي رفضتك ... بس وحياتك مارح خليك تتهنى ولا لحظة معي
هشام : واضح انو مارح اتنهى
الاء : اذا مابدك ترجعني لعند اهلي ع القليلة رجعني عهداك البيت مابدي ضل معك بنفس البيت
نفخ بقهر وقرب من الباب وقفلو وقال انا طول الليل مو نايم مشان هيك لا تزعجيني بدي نام شوي
الاء : ليش قفلت الباب .. اطلع نام بغير مكان او خليني اطلع لبرا
هشام : بدي خليكي قريبة مني مشان كون مطمن
قرب وتمدد جنبها وحط ايدو على جبينو وغمض عيونو
والاء عم تراقبو بقهر .. قربت منو وعضتو على ايدو
هشاام : ااااخ يا مجنونة
الاء : اتحمل جنوني لكن من هون ورايح
هشام : ومافي اطول من بالي
الاء : لشوف مين بفوز انا ولا طولة بالك
ابتسم ورجع غمض عيونو
قربت لتعضو مرة تانية بس بحركة سريعة قام ومسكها وقلبها وصار فوقها
هشام : شو متزوج كلبةة انا
الاء ؛ بعدد عني
هشام : انت يلي عم تتحركشيني
الاء: خلص معد قرب بعد
هشام : وشو يلي بيضمنلي انك معد تقربي
الاء: خلصص بعد
صار يقرب منها وهية غمضت عيونها وصارت تلفو بشكل سريع يمين شمال
باسها على خدها بوسة وقال : كل عضة مقابيلها بوسة
الاء ؛مقرررف بعد عنييي
ضحك وقام ورجع تمدد مكانو
قامت عم تمسح خدها بكمها بقرف
الاء : افتحلي الباب
رمالها المفتاح وقال : اعمليلنا شي ناكلو
الاء ؛ هاد الناقص ... هي اذا لقيتني
هشام : مافيكي تهربي الباب براني مقفول وفي حارس .. واصلا انتي عاقلة ماهيك
ماردت عليه فتحت الباب وطلعت .. هو تقلب شوي وماقدر ينام .. تجلس وقام لحقها
كانت هية عم تتمشى بالبيت وتتفقدو وقربت من الشباك فتحت البرداية وصارت تتفرج الخضار والشجر يلي برا
هشام : منظر بيفتح النفس ماهيك
الاء : عأساس بدك تنام
هشام : ليش عم تخليني نام
الاء ؛ وشو عم اعملك هي تركتلك الغرفة وطلعت
هشام : مانك عم تريحيني
الاء : ترتاح بشي مقبرة ان شاء الله
هشام : هيك عم تدعي على جوزك
الاء : فشرت تكون زوجي
هشام : مابدنا نقضيها خناق ومشاحنات
الاء : هاد يلي عندي ... الكذاب مالو اي مكان بحياتي
سحبها من ايدها وقعدها على الكنبة القريبة منهن
وهو قعد جنبها وفتل لعندها ولسه ايدها بأيدو حاولت تسحبها بس كان محكم عليها .. ومسكها بأديه التنتين بترجي
هشام : انا مستعد اعملك اي شي .. انت بس اطلبي ... شوبدك لتكوني رضيانة
الاء: بدي..
هشام قاطعها : غير الطلاق ورجعة لعند اهلك
الاء : مابدي شييي .. لاتفكر انو مصاريك واملاكك بتعنيلي .. جايبني لهون مشان تستعرض شوفي عندك مفكر انك تطمعني بس لأ .. صح الوضع بسوريا بهوي بس الحمد لله عيونا شبعانة ... وانا ما اخدتك لأنو حالتك عأساس شوي منيحة .. بس اجاني شخص بقلة الرجال يلي بالبلد وحكيت معك وحديثك عجبني وانت شخص مافيك شي ينرفض وهيك صار ... قال شو صار يضربلي امثلة من القرآن الكريم عن النساء واستوصوا بالنساء خيراً
هشام : ليش شو شفتي شي مني .. مديت ايدي عليك شي .. او شفتي حلا ونور منقص عليهن شي
الاء : هاد الناقص تمدي ايدك علي
هشام : عسيرة الحديث والقرآن ... ما انت قلت لازم المرى تطيع زوجها ... انت شايفة حالك كيف عم تحكيني لا ادب ولا احترام وانا ساكتلك ... بس ابدا عصبيتك وقهرك بخلكي تقللي من احترام الشخص يلي قدامك وخصوصا اذا كان جوزك واكبر منك
سكتت وماعرفت شو ترد .. بهي معو حق ..
هشام : المهم طلاق مابطلق وسكري ع السيري نهائياً وحاولي تتقبلي حياتك الجديدة ... وهلق قومي لنرجع ع الفيلا
الاء : إمساكن بمعروف او تسريح بإحسان
هشام : وانا متمسك فيكي بمعروف وبعيوني كمان بس انت ماعم تعطيني مجال ... وهلق اطلبي يلي بدك اياه وبيحضر انت بس اتدللي
الاء : ماعم افهمك ... ليش متمسك فيني لهل الدرجة اذا لا بتحبني .. وماني بجمال نسوانك وماعندي شي مميز اصلا
هشام : ليش ماعندك ثقة بحالك
كمان سكتها
هشام : قعدتنا هون مالها لزوم ...قومي نرجع على القصر ...
~~~~~~~~~~~•
وصلو ع القصر ع الباب الخارجي وقبل مايدخل وقلها : ماغيرتي رأيك نروح نقضي اسبوع زمان لحالنا نسيكي العالم فيه
الاء : باحلامك
هشام : ايه انت الخسرانة
زمر وانفتح الباب ودخلو
هية نزلت والخدم نزلو الشناتي وهو لف السيارة وراح
الاء : الله لايردك
اول مادخلت كانت حلا ونور قاعدين .. وكان عند وحدة عم تظبطلن اضافيرهن
حلا : هههه شو ماطولت روحتكن
الاء : مادخلك
حلا : والله مانك قليلة يا بنت
الاء : اي لسه ماشفتو شي
نور : اقعدي معنا .. تعي ظبطي اضافيرك
الاء : مابدي اي شي لا منكن ولا منو ولا من هالبيت ... بدي ارجع لعند اهلييي
تركتن وطلعت بس ماعرفت ايو غرفة كانت فيها من كترت الغرف والابواب قدامها
لحتى لمحت الخادمة
الاء : وين الغرفة يلي كنت فيها
الخادمة : قصدك غرفة هشام بيك
الاء : اكيد غرفتو بس الغرفة يلي كنت فيها انا
الخادمة : اي غرفة هشام بيك الخاصة
الاء : كيف يعني
الخادمة: انو هي لهشام بيك لحالو مادخلها بغرف نور خانوم وحلا خانم
الاء : وانا
الخادمة : جناحك لسه ماخلص .. عأساس بشهر العسل يتظبط الجناح بتكونو جيتو ..
الاء : وينو الجناح يلي عاساس الي
الخادمة : حابة تشوفيه
الاء : اي
الخادمة تفضلي معي
مشت معها لاخر الكريدور وفتحت الباب ..
كان الجناح عبارة عن غرفتين مع غرفة النون ... وغرفة صغيرة كلها رفوف خشبة ومرايا
حكت الخادمة : غرفة الملابس .. وهون الحمام
فتحت الحمام وكان كبير كتير .. تواليت عجنب .. وفيه دووش .. وبانيو كبيرة ومدور وفيه جاكوزي ... البروسلان يلي فيه والمرايا كلو كان بياخد العقل .. حتى المغسلة حستها منحوتة فنية
الاء ؛ وليش هشام بيك الو غرفة لحالو
الخادمة : اوقات بيطفش من نسوانو التنتين ههه
اتطلعت فيها الاء وهديك خجلت وقال : بعتذر مو قصدي بترجاكي ماتخبري حدا انو احكيت هيك
الاء : ولا يهمك .. خديني ع الغرفة يلي كنت فيها
: تفضلي
وصلتها على الغرفة وقالت : هلق بجبلك غراضك
الاء : شو اسمك
: نجود
الاء : ماشي
قعدت واخدت موبايلها من جزدانها وفتحتو .. كان في رسائل كتير تهنئة بزواجها ..
وفتحت على اسم اختها اسماء : مبرووك يا حلوة .. شو مين شاف حبابو نسي اخواتو ... خبريني كيف الاجواء عندك وشو عم تعملوا وين رحتوا وين جيتوا
ردت عليها : معقول الواحد ينسى اخواتو
اسماء : الووئة ... كيفك
الاء : داعيتلك بالخير على هالاستفقادة
اسماء : شو قصدك
الاء : ليش عملتي فيني هيك
اسماء يتصل بك
فتحت خط وحكت : اهلين باختي .
اهلين باختي بنت امي وابي ويلي من لحمي ودمي ... ليش رميتني هالرمية لييش
اسماء : الاء شوو صاير
الاء : اي غشمي حالك ... انا عرفت كلشيي .. هشام هو خالها لملك المتزوج تنين وبفضلك صرت انا التالتة .
اسماء : انا والله ماعملت شي
الاء : كيف ماعملتي شي ... انت بتعرفيه لهشام ليش ماقلتيلي انو هاد هو .. ليش مشيتي معو بكذبتو ووقعتوني هالوقعة
اسماء : والله حسيتو حابك
الاء : حاببني ... حبيبتي هاد بحب كل جنس حوا ... لا بحبني ولا شي واحد كذاب نسونجي ... مفكري بيشتري الناس بمصاريه
اسماء : مشان الله سامحيني والله مابقصدي كان بدي اياكي تعيشي يومين حلوين
الاء : عيش يومين حلوين ؟؟ .. شو شايفتيني بلا كرامة بالمرة لعيش يومين حلوين ع حسابي وحساب كرامتي ... مو انا يلي ببيع حالي كرمال المصاري
اسماء : والله ماعارفة الموضوع هيك .. امانة سامحيني ... وشو مابدك انا جاهزة اعمل
الاء : ماعد ينفع شي ... بس انا مستحيل ضل عندو ورح حكي اهلي وارجع مستحيل كمل بهيك وضع انا
اسماء : امانة طمنيني عنك انت منيحة .. عملك شي
الاء : لا ماعملي شي والحمد لله الله كشفلي اياه اول ماوصلت ... بس ماراضي يرجعني لعند اهلي
اسماء : الاء سامحيني
الاء : سكري هلق لانو مخنوقة وماطايقة حدا
سكرت من اسماء وقالت انا مو لازم ضل ساكتة ومخبية عن اهلي رح خبرهن وحطهن بالصورة ع القليلة بحكي حمزة بركي بيحكي معو
~~~~~~~~~~~~~~~•
كان قاعد بمكتبو وملتهي بشغلو ... بين الوراق واللابتوب ... وقدامو رياض عم يشرب قهوة
رياض : شيل هالشغل من ايدك يازلمة
هشام : قوم على شغلك وحل عني
رياض : ماعندي شي .. كنت عم اشتغل عهدول يلي بايدك ولما جيت انت اخدتهن
هشام : شفلك شي شغلة تانية واشتغلها وحل عني لانو ماني ناقصك
رياض : طيب بس احكيلي شو صار .. عأساس بدك تغيب كم يوم ...
هشام : ماصار شي .. وتفركشت كل القصة ... والاء عرفت الحقيقة
رياض ؛ وشو عملت
هشام : شو شو عملت .... بدا ترجع لعند اهلها
رياض : من الاول ماكان لازم تكذب عليها
هشام : تعا عيش حياتي انت التاني
رياض : مو هيك .. بس حبل الكذب قصير ياصاحبي
هشام ؛ على حظي صار قصير
رن موبايلو وانتبه رقم حمزة
اتطلع برياض بأستغراب
رياض : مين
هشان : اخوها
رياض : اكيد خبرتهن
هشام : ااااخ من هالقصة يلي بليت حالي فيها
رياض : طيب خلص رجعها لعند اهلها وشوبدك بوجعة هالراس
هشام : بالله شوو ... قوم قوم من خلقتي
رياض : اي قايم وحاج تقلع
فتح خط من حمزة
حمزة : مرحبا
هشام : يا هلا
حمزة : انا حكيت مع الاء وخبرتني كلشي ... انت كيف هيك بتكدب علينا وعلى اختي وبتورطها بهيك جازة
هشام ببرود ؛ صار يلي صار
حمزة : انت عم تحكي جد؟!!
هشام : جد الجد .. وهلق شو بدك
حمزة : بدي اختي انا مستحيل خليها عندك
هشام : اي تعا خدها
وسكر الخط بوجهو
انتبه للساعة والوقت كان ٨المسا طلع ومالقى حدا بالشركة الا رياض لمحو من خلال الحيط الزجاجي لمكتبو ... وراح لعندو
هشام : ماتقلي اتاخر الوقت
رياض : شفتك متحمس على الشغل قلت ياولد خليه بوجهو
هشام : وانت ليش لساتك هون
رياض :معقول اتركك يا صاحبي
هشام : اي قوم قوم .. انا فايت جيب غراضي ونطلع
رياض : نطلع عشي مكان
هشام :لا حبيبي .. انا عندي مين ناطريني
رياض : وانا عندي .. بس انا طافش
هشام : وانا طافش لعند نسواني .. يلي بقعد مع نسوانو بدو يقعد معك
رياض : ايامك يا عمي .... لك صحي شوبدو ابن حماك
هشام : ع الطريق بخبرك ...
~~~~~~~~~~~~•
ملت الاء وهية قاعدة بغرفتها ... حكت مع حمزة ونبهتو مايجيب سيرة لاهلها بركي بتنحل ... من مبارح بنفس التياب .. بس كانت راخية الشال شوي عن راسها ... قامت وقالت لقوم صلي العشا احسن مايروح علي .. دخلت على الحمام وانتبهت على حالها وكأنها جاي من شي معركة تيابها وشكلها التعبان
رجعت على شنتة التياب فتحتها بالارض وبلشت تنكت على شي تلبسو .. واخدت بجامة جديدة .. وتركتها منكوتة ودخلت على الحمام واتأكدت انو قفلتو منيح
وبهل الاثناء دخل هشام على الغرفة وشاف كيف التياب معفوشين بالارض ... اتلفت حواليه ليدور عليها وانفتح باب الحمام وطلعت ... كانت فاردة شعرها الكيرلي ومع بجامة بيتية .. والمنشفة كانت على وجها عم تنشف ولما نزلتها شهقت
الاء : انت ماعندك لا حس الزوق ولا الدم .. الناس بتدق الباب قبل ماتفوت
هشام : الناس مو جوزك
الاء : شو قرفتا لهل كلمة
هشام : قعد عطرف التخت وعم يتمعنها من فوق لتحت
الاء : عشو عم تطلع
هشام : عجبني الشعر الكيرلي
انتبهت انها من دون حجاب .. وقربت لتاخد الشال من جنبو بس هو كان اسرع منها واخدو
هشام : بدك تتخبي من جوزك
الاء : مالك اي حق تشوف شي ... لأنو انا رافضة هاد الزواج عم تفهم
هشام : هئ ماعم افهم ... ليش هيك عاملة هالفوضى في خزانة رتبي التياب فيها او اندهي للخادمة هية بترتبن
الاء : والله انا هيك الله خالقتني بحب الفوضى عجبك اهلا وسهلا .. ماعجبك رجعني من مكان ماجبتني
هشام : ماعجبني ومارح رجعك .. ومشان الفوضى انا جايب ناس خصوصي الها انت ماتعذبي حالك يا حبي
الاء : حبك برص وعشرة خرس
قرب من سماعة التلفون كبس على زر وحكى بس تخلصي اطلعي نضفيلي غرفتي
الاء : هيك لكن
راحت على غرفة الملابس وهو قام لحقها وبلشت تشيل بهل الطقومة والقمصان وترميهن على الارض
هشام : شووو هاد يا مجنونة ...
ماردت عليه وتابعت نكت التياب
هشام ؛ بكفييي
ماترد
قرب ومسكها من ايديها لتوقف
الاء : اتركنيي ... بدي اعفسلك اياهن عفس
هشام : هدوول غاليين ومكوويين ومرتبين ليش هيك
الاء : هييك
هشام : انا شو بليت حالي هالبلوة
الاء : قلت بلوة .. اتخلص منها
هشام : ماحزرتي
ماردت عليه بس كانت عم تنفخ وتلهت .. وهو كمان ماحكي لما مالقها جاوبت ... صفنو ببعض عن قرب وهو حاول يستغل هي اللحظة ويقرب يبوسها بس اندق الباب وهية نترت ايده وبعدت عنو
الاء : والله لاخربلك حياتك ما بس تيابك متل ماخربتلي حياتي
هشام : لا تقصري
وراح فتح الباب وكانت الخادمة
هشام : ضبي تياب المدام جوا .. وتيابي يلي على الارض كلها بتبعتيها ع الكوي
الاء : تيابي خليهن بالشنتة .. لأنو ماني مطولة هون
هشام ؛ اي صح ... خليهن بالشنتة ... بكرا جاي عفش جناحها بتنقليهن للهنيك .. وانت تعي انزلي معي على العشا ضرايرك ناطرينا
الاء: مابدي
هشام : انا عندي بالبيت قواعد مستحيل حدا يكسرها
الاء : ااه عنجد منيح خبرتني مشان اطحنها
هشام ؛ نازلة ولابنزلك غصب عنك
الاء : مو نازلة
قرب منها وحملها
هشام : شو بتنزلي ولانزلك بحضني يا عمري
الاء : نزلنيي
هشام ؛ مارديتي تنزلي هيك وتجاكري ضرايرك ولا بتنزلي على رجليكي
الاء : خلص بنزل نزلني
نزلها ومسكها من ايدها وسحبها
الاء : بعرف امشي لحالي
هشام : هيك اضمن