رواية احلامي البريئه الفصل الرابع والعشرون24الاخير بقلم ملك روحي
مراد والعصبيه اتمكنت منه وقال بزعيق.. احلاااام.
احلام وعبدالله لحظوا انهم زودوها شويه وخلوا مراد اتعصب.
احلام؛ بزعل انا عايزه امشي عشان حاجتي كلها في الشقه وكتبي.
مراد؛ تمشي تروحي فين انتي هتفضلي هنا وانا هبعت ناس تجيب كل حاجتك انتي وعم محمد.
احلاااام؛ بس انااا.
مراد؛ مفيش بسس انا مضمنش تروحي هناك وترجعيلي تاني كفايه اللي حصل.انتي وعم محمد هتفضلوا هنا لغايه يوم كتب الكتاب وهنعيش كلنا مع بعض.
عبدالله؛ طيب انا هطلع اشوف الحرس اللي بره.
مراد :بص لأحلام بحب انا أمرت الخدم انهم يجهزولك اوضتك فوق اللي هتبقى فيما بعد اوضتنا.وعم محمد اوضه موجوده ومرتاح فيها ونده على واحده من الخدم وقالها تطلع مع احلام فوق عشان توريها اوضتها وابتسمت احلام وطلعت عشان تغير هدومها وتاخد دوش.
فتحت الباب ودخلت.
الخادمه؛ الحمام جاهز ياست هانم وهدومك موجوده في الدولاب.
احلام قربت من الدولاب وفتحته لقت هدوم وفساتين كلها على مقاسها استغربت من مراد ازاي جاب كل ده وامتا وعرف مقاسها ازاي. اخدت بجامه مريحه ودخلت الحمام اخدت شاور وخرجت عشان تنام. وفجأه الباب خبط احلام قالت يمكن الشغاله.قامت تفتح وكان مراد وشايل في ايده صينيه اكل.
احلام؛ بتوتر ايه ده يامراد.
مراد؛ طيب ادخل الأول. واحلام سمحتله يدخل وحط الاكل عالسرير
مراد؛ انا عارف انك مأكلتيش حاجه ومعرفش كمان الحيوان ده كان بيأكلك ولا لأ. وقرب منها ومسك ايدها وبص في عيونها بحب.. انا اسف يااحلام سامحيني ياحبيبتي انا اتسببتلك في اذيه كتيره وكله بسببي.
احلام؛ والدموع في عينيها ومش مصدقه اللي بيحصل.. متعتذرش يامراد انا عارفه انك ملكش زنب في كل ده.
مراد؛ وهوه بيقربها ليه وبيهمس جنب خدها.. نفسي اسمعها.
احلام؛ بصتله وهيا مكسوفه.. هيا ايه دي.
مراد؛ قوليلي الكلمه اللي نفسي اسمعها منك.
احلام؛ حطت ايدها على بطنها. وقالت يااه انا جعانه اوي انت جايب الاكل ومش عايزني اكل.
مراد؛ رفع حاجبه وقال مااشي ياستي تعالي يلاا كلي وانا هأكلك بنفسي.. وفضلوا يتكلموا ويهزروا واحلام اكلت بشهيه مفتوحه لأول مره لغايه ماعيونها غمضت ونامت
مراد بصلها بحب وباس جبينها وغطاها وخرج ومعاه صينيه الاكل.
في الصباح..
صحيت احلام على صوت زعيق وكانت غاده صحبتها وهيا بتتخانق مع عبدالله في الجنينه ومراد طلع على صوتها.
مراد؛ انتي مين وبتزعقي ليه.
غاده؛ انا غاده صاحبه احلام وجايه هنا عشان اشوف احلام صحبتي انا بقالي اسبوع معرفش حاجه عنها وجيت هنا كذا مره ومفيش حد بيقولي عنها حاجه انت عملت فيها ايه رد عليه احلام فين.
عبدالله؛ وهوه ماسك ايدها بغضب.. ماقلتلك احلام بخير انتي مبتفهميش.
مراد؛ سيبها ياعبدالله اتفضلي ياانسه غاده احلام موجوده جوه وهيا بس نايمه دلوقتي هخلي الشغاله تطلع تنادي عليها.
غاده؛ وهيا مش مستوعبه كلام مراد وقالت انت مراد صح وبعدين احلام نايمه عندك ليه وفي بيتك بتعمل ايه وهيا كانت فين تليفونها مقفول ليه.
مراد؛ السؤال اللي اقدر اجاوبك عليه اني انا فعلا مراد اما باقي الاسئله صاحبتك هيا اللي هتجاوبك عليها. اتفضلي.
غاده دخلت القصر ومراد نده الشغاله وقالها تطلع غاده اوضه احلام وكل ده وغاده مش فاهمه حاجه مستغربه من اللي بيحصل.
غاده طلعت والشغاله خبطت على احلام وكانت احلام صحيت وبتغير هدومها وفتحت الباب لقت غاده في وشها.. غاده اول ماشافتها خدتها في حضنها بخوف..وقالت انتي كويسه يااحلام انتي بخير طمنيني عليكي كنتي فين كل ده وتليفونك مقفول ليه ردي انطقي ردي عليا.
احلام؛ ابتسمت وقالت اهدي ياغاده وانا هفهمك كل حاجه انا بخير ياحبيبتي بس حصل شويه حاجات كده هحكيلك عليهم.
عند مراد كان بيتكلم في التليفون.
مراد؛ ايوه انا عايز كل حاجه جاهزه مش عايز غلطه واحده.
احلام؛ ودلوقتي مراد مش عايزني امشي من هنا وخايف يحصل حاجه تاني.
غاده؛ ياحبيبتي يااحلام كل ده يحصل وانا معرفش بس الحمد لله انك بخير انا كنت هموت من الخوف عليكي
احلام؛ حضنتها جامد وقالتلها انتي بجد صديقه عمري ولو كان ليا اخت مكانتش هتخاف عليا كده وتحبني زيك.
غاده؛ انتي اختي يااحلام.وفجأه الباب خبط ودخل مراد.
مراد؛ اظن عرفتي كل حاجه من صاحبتك.
غاده؛ انا اسفه يااستاذ مراد انا كنت قلقانه على احلام جدا.
مراد؛ انا مقدر بس انا ليا طلب عند حضرتك.
غاده؛ بصتله باستغراب.. اتفضل.
مراد؛ انا اليومين دول مش عايز احلام تخرج من القصر وخايف يحصل حاجه تاني وانا مضمنش كنت عايزك تبقى تجيبلها المحاضرات اللي ناقصه كلها لو مفيش تعب.
غاده؛ لا ابدا مفيش تعب من غير ماتقول.. وبصت لأحلام بحب. دي احلام اختي.
احلام؛ قربت عليها و حضنتها.. ربنا مايحرمني منك ياحبيبتي.
وخرجت غاده عشان تروح الكليه واحلام مكانتش عايزاها تمشي.
وهيا خارجه قابلت عبدالله اللي كان متعصب منها.
عبدالله؛ مكانش ليه لزوم اللي عملتيه دي كله احنا مش خاطفين احلام.
غاده؛ بصتله بغرور.. وانا كنت هعرف منين وبعدين احلام قايلالي ان صاحبك مالوش امان ولا نسيت اللي عمله معاها.
عبدالله؛ لا منسيتش اتمنى تكوني اطمنتي.
غاده؛ وهيا ماشيه. الحمد لله اطمنت سلااام.
وفات كام يوم. وغاده كانت بتجيب المحاضرات لأحلام كل يوم وحاله احلام اتحسنت وبقت تمام.
احلام صحيت من النوم ونزلت عشان تفطر مع باباها ومراد.
نزلت لقت مراد قاعد في الصالون هوه وباباها. وكانوا بيتكلموا.
عم محمد؛ ربنا يتمم لكم بخير يابني انا مش عايز من الدنيا غير اني اشوف احلام مبسوطه وسعيده ومتهنيه في بيت جوزها وأنه يحافظ عليها ويتقي ربنا فيها.
مراد؛ اوعدك ياعمي انها هتكون معايا اسعد انسانه في الدنيا بس مش عايزك تقولها حاجه خالص.
احلام؛ دخلت على صوتهم وقعدت جنب باباها.. ايه هوه ده اللي مش عايزني اعرفه..بقلمي #ملك روحي
عم محمد؛ بصلها وقال صباح الخير يااحلام يابنتي.
مراد؛ انتي بتسنطي علينا بقاا ولا ايه.
احلام :صباح الخير يابابا وباست ايده وبصت لمراد بغضب.. انا هتسنط عليكم ليه انا سمعتكم وانا داخله.
مراد؛ طيب لو عايزه تعرفي يبقى تقومي تفطري وتغيري هدومك عشان هننزل دلوقتي مشوار صغير وهنرجع تاني.
احلام؛ بصتله باستغراب.. مشوار ايه.
مراد؛ مش قبل ماتجهزي الأول ده مفاجأه.
عم محمد؛ كان بيبص لأحلام بحب.. قومي ياحبيبتي روحي مع مراد ربنا يفرح قلبك يابنتي.
احلام؛ باسته من جبينه.. وقامت عشان تجهز. وطلعت اوضتها ولبست فستان جميل وكان مراد منتظرها تحت وهوه بيتكلم في التليفون وفجأه التفت وكانت احلام نازله عالسلم وهيا جميله جدا ملامحها رقيقه.. قرب منها ومسك ايديها وباسها وقال.. ايه الجمال ده كله انا مش هقدر على كده.
احلام؛ اتكسفت وبصت في الأرض.. وقالت انا جاهزه.
مراد؛ غمز لها وقال.. يلااا بينا ياملكه.
و انطلقوا علي وجهتهم وكان مراد محضرلها مفاجأت كتير..
وصلت العربيه قدام محل فساتين أفراح فخم جدا وشيك واول مالعربيه وقفت احلام عيونها دمعت وبصت لمراد.. انت وقفت هنا ليه يامراد.
مراد؛ هوه ينفع عريس يتجوز عروسته من غير فستان فرح.
احلام؛ وكان قلبها طاير من الفرحه وبصتله بحب..
مراد؛ نزل وفتح الباب لأحلام ومسك ايديها ودخلوا المحل وكانوا كل الموجودين منتظرين احلام.
دخلت احلام عشان تشوف الفستان وتختار وكان موجود فساتين كتيره اووي وكلها جميله. ووقفت احلام عند فستان مقفول لحد الرقبه وكان شكله جميل جدا وهيا اختارته عشان محجبه دخلت لبست الفستان وكان مراد في انتظارها بره. وخرجت احلام عشان مراد يشوفها.
مراد؛ اول مانظره وقع على احلام. قلبه انخطف من جمالها واحلام كانت مكسوفه مراد قرب منها ومسك ايديها.. ايه الجمال ده انتي زي الملاك يااحلام بجد انا محظوظ.
احلام؛ بصت في الأرض وقالت بكسوف.. الناس اللي هنا بيقولولي انهم عايزين يجهزوني وكل شويه يقولولي ياعروسه.
مراد؛ ماهوو انهارده فرحنا ياأجمل عروسه.
احلام؛ برقت بعينيها.وكان قلبها هيخرج من صدرها من شده الفرحه... انت بتقول ايه يامراد وليه مقولتليش.
مراد؛ عشان تبقى مفاجأه وغمز لها.
احلام؛ بحب حضنت مراد.. اجمل مفاجأه واجمل يوم في عمري..... بقلمي #ملك روحي
وخلصوا كل التجهيزات وكان عبدالله بيجهز القصر عشان الفرح وبدأت المعازيم تيجي ووصلوا العرسان تحت نظرات المعازيم وكانت احلام جميله اووي ومراد كان في منتهى الوسامه.
غاده قربت من احلام حضنتها جامد.. الف مبروك يااحلام انتي طالعه عروسه تجنني ايه الجمال ده.
احلام؛ يعني انتي كنتي عارفه ومقولتليش.
غاده؛ ابتسمت بخبث.. معلش بقاا ياحبيبتي كنا حابين نفرحك كلنا ومراد أكد عليا مقولكيش.وقالي هديتي ليكي فستان جميل احضر بيه فرحكم ايه رأيك. وهيا بتلف بالفستان قدام احلام وكانت في منتهى الجمال.. تحت نظرات عبدالله اللي لفتت انتباهه واعجب بيها.
احلام؛ جميله اووي ياغاده الفستان يجنن عليكي.
غاده؛ مش أجمل منك ياحبيبتي.
ودخلوا العرسان وقرب عم محمد من احلاام واخدها في حضنه تحت بكاء احلام اللي فضلت حضناه اووي وباست ايده وراسه.
عم محمد؛ الف مبروك يااحلااام ربنا يفرحك دايما ياحبيبتي.
ومراد حضنه جامد وباس ايده.
وعبدالله قرب من مراد وحضنه جامد وكان فرحان جدا لصاحب عمره واتمناله السعاده.
مراد قرب من احلام وقالها تسمحيلي بالرقصه دي احلام ابتسمت ومسكت ايده وبدأوا يرقصووا.
مراد؛ مبروك ياأجمل عروسه في الدنيا.
احلام؛ الله يبارك فيك.
مراد؛ بحبك بحبك يااحلام.
احلام؛ وانا كمان بحبك.
مراد؛ قلتي اييه قولي تاني مسمعتش.
احلام؛ بصتله بحب وهيام.. بحبك يامراد انت حب عمري كله انت العمر الجميل اللي فات ولسه عمري اللي جاي انا بطلب من ربنا كل يوم يطول في عمري عشان اعيشه كله معاك.
مراد؛ وهوه بيبوس جبينها ربنا يخليكي ليا ياقلب مراد وميحرمنيش منك ابدا ونعيش أجمل أيامنا مع بعض.
احلام؛ يارب ياحبيبي.
مراد؛ ايه حبيبك انتي اتغيرتي اوي يااحلام بقاا انا كل شويه هسمع منك الكلام الحلوو ده.
احلام؛ بس متزهقش بقاا
مراد؛ ازهق ده انا مصدقت وحضنها جامد ولف بيها تحت نظرات الموجودين وكلهم سقفوا ليهم واتمنولهم السعاده.
غاده؛ بتسقف بفرحه وهيا سعيده عشان صاحبتها وبتدعي ربنا يرزقها بعريس يحبها وتحبه زي احلام.
عبدالله؛ قرب منها.. ازيك ياانسه غاده عقبالك.
غاده؛ بجديه.. الحمد لله متشكره أووي.
عبدالله؛ انا متأسف لو كنت زعقتلك قبل كده مكنتش اقصد.
غاده؛ لا ابدا مفيش حاجه.
عبدالله؛ طيب تسمحيلي بالرقصه دي.
غاده؛ بصتله ولأول مره تدقق في ملامحه وكانت جميله جدا. وعبدالله كان مركز مع كل تفاصيل وشها وبيبصلها بأعجاب.وهوه مادد ايده لغاده..غاده مسكت ايده وقربت منه ورقصوا سواا.
عبدالله؛ وهوه بيبص في عينيها انتي مرتبطه ياانسه غاده.
غاده؛ بكسوف. لأ انا بكمل دراستي ومبفكرش في الجواز دلوقتي.
عبدالله؛ طيب مش ناويه تفكري.
غاده؛ مش لما الاقي أبن الحلال الأول.
عبدالله؛ بابتسامه ظهرت وسامته.. موجود وبيرقص معاكي اهوو.
غاده؛ استغربت من جرأته.. افهم من كده انك بتطلب أيدي.
عبدالله؛ ايوه واكون اسعد انسان لو وافقتي.
غاده؛ بصتله بثقه.. خلاص سيبني افكر.
عبدالله؛ ابتسم علي تصرفاتها اللي خطفت قلبه.. وانا منتظر على نار.
احلام ومراد كانوا بيرقصوا وملاحظين اندماج غاده وعبدالله.
احلام؛ صاحبك شكله بيصطاد.
مراد؛ باستغراب بيصطاد ايه.
احلام؛ ضحكت. بيصطاد غاده صحبتي.
مراد؛ فهم وضحك.. بس هما لايقين على بعض خالص..
و قربوا منهم ومراد حب يغلس على عبدالله.
مراد؛ احممم وهوه بيبص لأحلام واضح كده ان في حد هيجوز بعدنا علطول.
احلام؛ وهيا بتبص لغاده. وبتضحك ااه فعلا هنفرح فيهم قريب.
غاده اتكسفت وراحت عند احلام. بس يااحلام متكسفنيش.
عبدالله؛ احنا لسه بنتعرف.
مراد؛ بس شكل السناره غمزت وغمز ل عبدالله. اللي كان واقف مرتبك من كلامهم ومحرج.
احلام؛ انا مش هلاقي حد اأتمنه عليكي احسن من عبدالله.
غاده؛ حيلك ياست احلام انتي بتقولي ايه احنا لسه بنتعرف مفيش حاجه..
احلام حضنتها جامد وكل واحد اخد محبوبته واتجهوا للرقص.. وعاشوا بسلام..
تمت بحمد الله