رواية حلم واقع الفصل الخامس عشر15والسادس عشر16بقلم رانيا عماره
فتحي:الوو يادكتوره كارولين اخبارك ايه
ساره:هاي استاذ فتحي انا منيحه
فتحي:الحمدلله انا كنت عايز اجي المستشفى عندك قوليلي مكانك فين
ساره(بتكتم الصوت) :يانهار اسود
ياسر:في ايه؟؟
ساره:فتحي عايز يجي المستشفى!!!!
ياسر:قوليله انك مسافره ومش هترجعي غير بكرا
ساره(بتفتح الصوت) :مو بعرف شو أقِلك بس انا مسافره وراح ارجع عـ الصُبَح
فتحي:ياخساره كان نفسي اجي واشوف المشكله الـ عندي هتوصل لـ ايه خلاص يامزه تتعوض مره تانيه
ساره:اكيد انشالله
فتحي:يلا سلامو عليكو سلام
ساره:باي
ساره(بتنهيده) :اوف انا مش طايقه اكلمه بحس اني هرجع انا مش عارفه مراته طايقاه ازاي
ياسر :وانتي تعرفي ليه؟خلينا في نفسنا المهم نرجع الحقوق الـ ضاعت
ساره:وهتديني كام بعد كل ده؟
ياسر:انا هديكي حاجه لا تقدر بـ ثمن
ساره(بتفكير) :حاجه ايه دي؟
ياسر: لا دي مفاجأه كبيره لما يجي وقتها
عند عبير وعلي
كانوا كتبوا الكتاب
عبير:لولولولولولولولولولوي
المأذون:بارك الله لكما وجمع بينكما في خير ان شاء الله
علي:مبروك
عبير:الله يبارك فيك
بتبص لقيت عمتها ماجده وبناتها جم!!
عبير :ايه ده؟
علي :ايه؟
عبير:انا معزمتهمش ايه الـ جابهم
علي:هو انا مقولتلكيش
عبير(مدايقه) :لا مقولتليش
علي:انا الـ عزمتهم اصل مش معقول تبقي الدنيا هوس هوس كده لازم اهلك يبقوا جنبك
عبير:وانت مقولتليش ليه؟؟؟
ماجده :لولولولوي الف الف مبروك يابنت اختي
عبير (بصدمه) :الله يبارك فيكي ياخالتي
حنان:لولولوي يادي الهنا معقول اخيرا اتجوزتي وخلصنا منك
هبه:الف مبروك ياعبير
عبير(بقرف) :الله يبارك فيكم
وبتبص لـ علي ومدايقه
عبير:وبعدين فين الشهود؟
علي: لا سيبك من الشهود والكلام الفارغ ده ماهي خالتك وبناتها عرفوا ومادام الجواز اشهار يبقي احنا في السليم وبعدين الشيخ الـ قدامك ده مش مالي عينك ده راجل ملو هدومه ماشي علي كتاب الله وسنه رسوله امال فكرك ايه؟
عبير(بتفكر) :اه طيب
ماجده:ده احنا يابت ياعبير هنجيلك بكرا من صباحيه ربنا اصل علي قالنا انه هيسفرك بدل الفرح
عبير(بقرف) :ااه طيب تنوروا
عبير(بصوت واطي) :ماهي باينه من اولها اهو
عند تيم ولين
تيم:احنا خلاص هنرجع مصر بكرا
منال:خدوا بالكم من نفسكم
لين:حاضر ياماما
تيم:طيب يلا اجهزوا علشان هنروح نعمل شويه شوبينج للبيت تكفيكم فتره
منال:انا هقوم اجهز
تيم:بلغي تيته ياطنط
منال:حاضر هقولها
ودخلت لـ جده تيم
منال:انتي نايمه ياماما؟
جده تيم:لا يابنتي كنت بريح شويه
منال:طيب ياحبيبتي تيم بيقولك اجهزي علشان هنروح نعمل شويه شوبينج للبيت
جده تيم:هتروحوا دلوقت؟
منال:ايوه هنروح كلنا دلوقت انا هدخل اجهز
جده تيم:ماشي يامنال
لين:انا هقوم اجهز
لسه بتقوم لقيت تيم شدها من ايديها راحت واقعه في حضنه فضلوا يبصوا لـ بعض شويه ولين قامت بسرعه دخلت الاوضه تجهز وطول ماهي بتجهز كانت بتفكر فيه لحد ماخلصوا
تيم:يلا بينا
منال: يلا يا لين
وراحوا يعملوا شوبينج للبيت في مول كبير
وكانت منال ماشيه مع جده تيم وبيتكلموا
جده تيم:ياه بقالي سنين مخرجتش تعرفي يامنال انا سافرت نيورك في شهر العسل كان احلي شهر عسل في حياتي لفيتها كلها حته حته انا وجد تيم يااه كانت فرحتي مش سيعاني اصل انا وجد تيم اتفقنا اننا نعيش سننا الاول وبعدين جات بنتي مني والده تيم
منال:يااه ايه الذكريات الحلوه دي انتي فكرتيني بنفسي اول مااتجوزت وجيبت لين كنت واخداها معانا في كل حته لدرجه ان اهلي كانوا بيقولولي مش هتعرفي تتهني بخروجه بس انا كنت برتاح وهي معانا
جده تيم:ومعندكيش غيرها؟
منال:انا كنت حامل في توأم الولد مات والبنت عاشت ربنا كاتبلها تعيش وتكبر واشوفها عروسه
جده تيم:ماشاء الله احتسبيه عند ربنا في الجنه بس بصراحه بنتك لين زي السكر
منال:حبيبتي ياماما ربنا ميحرمناش منك
جده تيم(بتضحك) :يارب تعالي بقي نهرب منهم ونشوف قسم الخضار الـ هناك ده الا شكل الخضار مغري اوي
منال(بتضحك) :يلا بينا
ورا كانت لين ماشيه مع تيم وكانت متوتره بعد الموقف الـ حصل بينهم ومش عارفه ليه تيم عمل كده؟
تيم:متغيره ليه يا لين
لين:ابدا مفيش
تيم:لو مدايقه مني يا لين عرفيني
لين(بثقه نفس) :ليه عملت كده؟
تيم:اسف يالين انا ذات نفسي معرفش ليه عملت كده، لين انا برتاحلك وبرتاح لوجودك! ♥️
وكل ده ولين عماله تفكر لو هو بيحبها ليه مقالش لحد دلوقت وساكت متكلمش أفعاله بتثبت حبه ليها لكن مش بيتكلم فـ سكتت ومقالتش حاجه غير انها ابتسمت وبس
عند جوز حنان في المخزن
جوز حنان:اما بقولك ياسي حماده
حماده :عاوز ايه
جوز حنان:مبسوط مع المعلم فتحي ولالا
حماده :بتسأل ليه
جوز حنان :اصل شايفك غلبان وعلي قد حالك المفروض الـ زيك يكون معاه شوله رز
حماده:لا انا مباخدش غير فلوس تكفي اكلي وشربي
جوز حنان:ده المعلم فتحي شكله بخلان عليك
حماده:عادي يبخل زي ماهو عايز كفايه اني شغال معاه هو انت فاكر اي حد يشتغل عنده ولا ايه
جوز حنان :انت فاكر ان الكلام ده بجد ده بيضحك عليك وانت شكلك عيل اهبل
حماده:ماتحترم نفسك ياجدع ولازمته ايه الغلط
جوز حنان :ياعم مقصدش الـ اقصده ان فتحي ادي الـ قبلك صابونه وكان معاه سره كله برضه الـ زي فتحي ميطمرش فيه العيش والملح
حماده:اه وانت عايز ايه يعني
جوز حنان :وانا هعوز ايه غير اننا نبقي ايد واحده الا يفتحي يغدر بحد فينا وبعدين يااخ حماده ده الحال من بعضه
حماده:بس المعلم فتحي لو عرف هيطير رقابينا
جوز حنان :وايه الـ هيعرفه بس انت خليك معايا وهو مش هيعرف
________تـاني يـوم________
تيم:انا جهزت كل حاجه خلاص
جده تيم:خد بالك من نفسك يابني وخد بالك من لين
تيم:حاضر ياتيته
وبيبوس ايديها وبيحضنها
منال :خدي بالك من نفسك ياحبيبتي
لين :حاضر ياماما
منال(بعياط) :هتوحشيني اوي
لين:بتعيطي ليه ياماما بس؟
منال :لا انا بس مش عايزاكي تبعدي عني
لين(بتحضنها) :لا ياحبيبتي متعيطيش انا هجيلك تاني وهفضل معاكي عالطول
منال (بعياط) :نفسي اشوفك في بيتك واشيل عيالك
لين(بتمسح دموعها) :لو الفرصه جاتلي صدقيني هفرحك
منال(بتضحك) :خدي بالك من نفسك يا لين وابقي طمنيني عليكي
لين:حاضر خدي بالك من نفسك انتي
منال :حاضر تروحي وترجعي بألف سلامه
لين:الله يسلمك
وخرجت من الأوضه
لين:انا جاهزه ياتيم
تيم: يلا بينا، عايزين حاجه؟
جده تيم : لا يابني عايزين سلامتكم خدوا بالكم من نفسكم
تيم ولين:حاضر
منال :باي يالين
لين:باي ياحبيبتي
وحضنتنها ومشوا وراحوا المطار
عند حنان كانت بتجهز علشان تروح فرح عبير ودخلت الحمام تاخد شاور بالسلسله الـ جوزها جابهالها وبعد ماخلصت وخرجت بتبص علي السلسله لقيتها قشرت
حنان:يانهار اسود دي قشره!!!
جوز حنان :ايه ياحنون مجهزتيش ليه
حنان:انت بتغشني ياعره الرجاله؟؟
جوز حنان :بغشك فـ ايه ماتصلي علي النبي فـ قلبك كده
حنان:ده انا هوديك ف داهيه
وراحت ماسكاه من رقبته
جوز حنان :اوعي ايدك ياحنان
حنان:بتغشني وجايبلي سلسله قشره علي انها دهب؟؟
جوز حنان (بتوتر) :ممم ده.. ده اصل هقولك الراجل قالي الدهب الجديد بيقشر فـ متقربش مايه منه وبعدين في حد يستحمي بالدهب
حنان:ده انا هوديك فـ داهيه ياغشاش ياحرامي
جوز حنان:لا انتي تتعدلي معايا ياحنان هو انتي فكرك انك انتصرتي عليا يابت
وراح ماسكها من ايديها جامد
حنان:ااه
جوز حنان :ده انا جيبت قرارك انتي وامك هاا امك الـ بتوديكي للدجالين عشان تدسيلي عملك في الاكل واحبك واموت فيكي واقولك حاضر و نعم لا اصحي ده انا عارف كل حاجه ويلا قدامي لا دهب قشره ولا دهب اسود انتي ملكيش عين تتكلمي بعد الـ عملتيه ده
حنان(بصويت) :انت كدااااب الكلام ده محصلش
جوز حنان : لا حصل وانتي عارفه انه حصل ويلا اتكلي من وشي بدل مااتجنن وامد ايدي عليكي زي زمان
حنان(بصويت) :طب اعملها وانا هخلي خالي يجيبلي حقي منك
جوز حنان :لا خالك فتحي مش فاضيلك
*وساب ايدها ومشي فـ قعدت علي السرير وفضلت تلطم*
حنان:يامصيبتي يامصيبتي عرف منين وازاي؟؟
عند ياسر راح جاب اليفط من عند المحل
ياسر :اليفط خلصت؟
_ايوه حضرتك فكرني بالاسم
ياسر :دكتوره كارولين
_ثواني هشوفه... تمام لقيته..اتفضل
ياسر:متشكر
وخده ومشي ورجع الشركه واتصل بـ تيم
ياسر:ااه صح انا نسيت زمانه في الجو دلوقت
ساره:صباح الخير
ياسر:صباح النور روحتي امبارح ولا روحتي فين
ساره :اه روحت كنت خايفه فتحي يشوفني بس مشافنيش الحمدلله
ياسر:كويس انا جيبت الحاجاات اهي وضربتلك شهاده وبطاقه علي الكمبيوتر محدش هيحس بـ انهم مش حقيقين
ساره:خايفه نتكشف قدام فتحي
ياسر:لا متقلقيش كله تحت السيطره
عند تيم ولين كانوا وصلوا مصر خلاص وراحوا اوتيل يحجزوا اوضتين
تيم:لو سمحت كنت عايز احجز اوضتين
_اهلا بيك يافندم نورتنا
تيم:شكرا
_اوضه single ولا double؟
تيم:لا كل اوضه سنجل
_كام ليله يافندم؟
تيم:في أقامه مستمره؟
_ في افندم
تيم:عايز اوضتين شهر
_اوكي ممكن تملي البيانات
تيم:تعالي يالين املي بياناتك
وبدأت كل واحد فيهم يملي بياناته وخدوا اوضتين جنب بعض حتي البلاكونتين جنب بعض وشايفين بعض وده كان مناسب جدا ليهم
وبعدوا ماخلصوا طلعوا
لين(بإبتسامه) : هدخل ارتب حاجتي
تيم(بإبتسامه) :ماشي وانا كمان
وكل واحد فيهم دخل اوضته ولما غيروا خرجوا
تيم:بينا علي شقه جدتي
وراحوا شقه جدته بعد ماكانت فاضيه واتصل بـ ياسر
تيم:ايه يا ياسر عامل ايه؟
ياسر:الحمدلله حمدالله على السلامه انا كنت عايز اتصل بيكم بس افتكرت انكم ممكن تكونوا لسه موصلتوش
تيم :لا وصلنا الحمدلله
فـ لين خدت الموبايل من تيم وكلمت ياسر
لين:عامل ايه يا ياسر
ياسر:الحمدلله انتي عامله ايه
لين:بخير
ياسر:طيب ايه هتيجوا امتي؟
لين:احنا في شقه جده تيم هتبعت الحاجه امتي؟
ياسر:عربيه هتيجي لحد عندكم فيها كل حاجه بس نص ساعه كده اكون بلغتهم
لين:تمام احنا مستنين
ياسر:تمام يلا باي
لين:باي
تيم(بياخد الموبايل) :وكان لازمته ايه تكلميه
لين:عادي ياتيم انت نسيت ان كل واحد فينا له دور في الموضوع
تيم:كنتي عرفيني وانا هعرفه
لين(بإستغراب) :ليه؟
تيم:مممم يعني عادي مفيهاش حاجه
لين(بتضحك) :ماشي
عند عبير
كانت لبست الفستان ومعاها المساعده بتاعتها
عبير(ف سرها) :غريبه يعني خالتي وبناتها محدش جه منهم هما دول بيفوتوا مناسبه
فـ لقيت علي بيتصل بيها
علي:ايه خلصتي ولا لسه
عبير:اه خلصت انت فين
علي:انا واقف تحت بصيلي
عبير: لا ابصلك ايه انت مش هتشوفني الا وانا نازله
علي(بيضحك) :طيب مستني
عند ماجده كانت لابسه وجاهزه بس حنان بنتها مجاتش فـ اتصلت بيها
ماجده:الو ايوه ياحنان جهزتي ولا لسه
حنان (بصوت حزين) :المخفي اكتشف المصيبه الـ احنا فيها
ماجده(بصدمه) :مصيبه ايه يابت انطقي؟؟
حنان(بعياط) :عرف اني بحطله حاجات ف الاكل
ماجده(بصدمه) :يانهار اسود وده عرف منين وازاي؟؟
حنان(بعياط) :انا هتجنن ده من ساعه الخناقه وهو نزل ومعرفش راح فين
ماجده (بصدمه) :يادي المصيبه السوده لـ يقول لـ خطيب اختك هبه ونبقي اتفضحنا من الناحيتين
حنان(بعياط) :طب اعمل ايه قوليلي اتصرف ازاي
ماجده: قومي البسي يابت وانسي اوعي تحسسيه انه أثر عليكي يلا البسي يابت ربنا يهديكي انا مستنياكي
حنان :ماشي ياماما
وبعد مالبسوا وراحوا كانت عبير نزلت لـ علي
علي:ايه ده ايه ده ايه الجمال ده
عبير:شكرا ياعلي
علي(بخبث) :لا انا مش مصدق
عبير(بتضحك) :خلاص بقي الناس واقفه
علي:طيب يلا نطلع ع المطار😉
ولما وصلوا المطار لقوا ماجده وبناتها
ماجده :لولولولوي ياالف مليون مبروك
عبير:الله يبارك فيكي ياخالتي
ماجده:عقبال مانشيل عيالك
عبير:الله يخليكي عقبال هبه بنتك
حنان:مبروك ياختي
عبير:الله يبارك فيكي
حنان:مبروك ياعريس
علي:الله يبارك فيكي
وسلموا عليهم وبعدين سافروا وكله رجع على بيته
عند تيم ولين كانت الحاجه وصلت وبدأوا يعلقوا اليفط وحطوا الكراسي علي اساس انها عياده والموضوع كان متعب جدا بالنسبالهم
تيم:ااه تعبت
واترمي ع الارض
لين(بتقعد علي الكرسي) :انا مابقتش قادره
تيم:يادوب ناخد نفسنا ونروح احنا كده عملنا الـ علينا
لين:ياريت الا هموت وانام
تيم:لما ساره تيجي الاول
لين:اهي جات
ساره:معلش الطريق كان زحمه انتوا قاعدين كده ليه
لين:مانتي ولا همك احنا الـ نضفنا ورتبنا وعملنا كل الـ انتي شايفاه ده
ساره:هاتيها فيا المره دي
تيم:طيب ادي المفتاح اهو خدي بالك من الشقه
ساره:الشقه فـ عنيا
تيم:يلا انا هروح انا ولين عايزه حاجه
ساره:سلامتكم
لين:باي
ساره:باي
ولين وتيم مشوا وساره قعدت علي المكتب
______بالليل_____
كان تيم ولين روحوا
تيم(بيبعت مسدج) :اطلعي اشوفك
كانت لين نايمه على السرير في سمعت صوت المسدج فـ ردت
لين:في حاجه؟
تيم: لا ابدا اطلعي بس
لين:حاضر
ف طلعتله وكان واقف في البلكونه وشايفاه
لين:ها خير؟
تيم(بنظرات حب) :كنت قاعد زهقان قولت نتكلم شويه
لين:ميرسي انك اختارت تتكلم معايا
تيم:انتي الوحيده يا لين الـ لما بتكلم معاكي برتاح زي ماكنت برتاح مع ماما الله يرحمها
لين:الله يرحمها، قولي ياتيم عمرك حبيت
تيم:لا الحقيقه محبتش ولا كان ليا في الحب وعمري مااقتنعت بيه زي دلوقت
لين(بإستغراب) :زي دلوقت؟
تيم:ايوه يا لين في حاجات كتير مكنتش مقتنع بيها زمان بدأت اقتنع بيها دلوقت
لين:وايه الـ مخليك تقتنع في الوقت ده؟
تيم:لاني حبيت وحبيت اوي كمان، وصلت للحب ال مخليني عارف انا عايز ايه وعايز اعيش ازاي الفتره الجايه
لين(مدايقه) :والحد ده انا اعرفه؟
تيم:لا متعرفيهوش
لين:طيب انا هدخل انام تصبح على خير ياتيم
تيم :لين استني
لين(بحزن) :عايز ايه ياتيم
تيم: خليكي معايا شويه
فـ لين قربت منه تاني وابتسمت
عند ساره كانت قاعده فـ لقيت فتحي بيتصل
فتحي:السلامو عليكو ياانسه كارولين
ساره:ياهلا شو اخبارك فتحي؟
فتحي:بخير اما قوليلي انتي امبارح قولتيلي انك مسافره ف انا قولت اتصل النهارده زمانك رجعتي
ساره:اها انا رجعت
فتحي:طيب قوليلي عنوان المستشفى اجيلك
ساره:لالا انا عندي عياده لان المستشفى كتير زحمه وضوضاء وانت محتاج راحه نفسيه
فتحي:اه عندك حق امال اجيلك فين
ساره:هديك عنوان العياده تبعي
فتحي:علي بركه الله
وقالتله علي العنوان
ياسر(في التليفون) :متنسيش تحطي جهاز التصنت عايز اسمع كل كلمه
ساره :تمام متقلقش زمان فتحي جاي دلوقت
فتحي(برا) :السلامو عليكو يالي هنا
ساره(بصوت واطي) :طب اقفل بسرعه فتحي جه
ياسر:ابقي طمنيني سلام
ساره :طيب سلام
وراحت طالعه لـ فتحي
ساره:مو معقول استاذ فتحي بنفسك جاي ل هون
فتحي:اه ده انا اتلغبطت في العنوان حتي
ساره:ليش العنوان سهل
فتحي :لمؤاخذه دماغي فيها مليون حاجه
ساره:اوكي اتفضل
فتحي:متشكر
ودخل الأوضه وقعد معاها
ساره:شو تحب تشرب؟
فتحي :لا شكرا انا شارب شيشه قبل مااجي اما قوليلي لعدم اللمؤاخذه هي العياده مفيهاش حد ليه؟
ساره :ممم البنت الـ شغاله هون لسه مروحه
فتحي :ااه اصل مفيش حد غيري المهم انا جايلك في كلمتين انا المرض الـ عندي لفيت الدنيا علشان اتعالج ملقتش كله بيقولي هتموت وبيعقدوني بس انا ردت فيا الروح اول ماشوفتك
ساره:اهاا لا كِل شيء وله علاج واحنا العلاج عندنا انشالله
فتحي:ياريت الا متبهدل اوي
ساره:اوكي راح اتصل بـ الممرضه تبعي تأخذ منك العينه
فتحي:ياريت
ساره :مني انا هون مستنيه تعي
فتحي:لو هتتأخر نيجي يوم تاني
ساره:لا يوم تاني ايش لازم نعالجك انت كتير غالي علينا
فتحي:الله يخليكي ياانسه كارولين
وبعد ربع ساعه الممرضه جات وخدت منه العينه
ساره:انشالله لما تطلع نتيجه العينه راح نكلمك
فتحي:خلاص يلا عايزه حاجه ياانسه
ساره: نورتنا
فتحي:ده نور اصحاب المكان يلا بالاذن
ومشي ولما اتأكدت انه مشي
ساره:بقولك ايه النتيجه بتظهر ف قد ايه؟
الممرضه :نص ساعه هاخد العينه واروح المعمل وتجيلي تاخدي التحليل
ساره:تمام نص ساعه واجيلك
وعدت ساره علي ياسر وراحوا المستشفى بعد نص ساعه علشان يشوفوا الدنيا وصلت لـ فين وطبعا تيم كان سايب معاه نتيجه تحليل الولد الـ هو المفروض ابنه
ساره:النتيجه ظهرت؟
الممرضه :ايوه خديها واطلعي علي الدكتور
ياسر :فين هو
الممرضه:اخر الطرقه دي يمين
ف ياسر خد ساره ودخلوا للدكتور ووروله النتيجتين بتاعت الاب والابن
الدكتور:مش عارف اقولكم ايه بصراحه
ياسر وساره :ماتقول!!
الفصل السادس عشر
ساره:النتيجه ظهرت؟
الممرضه :ايوه خديها واطلعي علي الدكتور
ياسر :فين هو
الممرضه:اخر الطرقه دي يمين
ف ياسر خد ساره ودخلوا للدكتور ووروله النتيجتين بتاعت الاب والابن
الدكتور:مش عارف اقولكم ايه بصراحه
ياسر وساره :ماتقول!!
الدكتور:الحقيقه ان النتيجتين غير متطابقين
ياسر:يعني الولد ده مطلعش ابنه؟
الدكتور:فتحي مش بيخلف
ساره:ايه؟؟
ياسر(بإهتمام) :ازاي فهمني اكتر؟؟
الدكتور:فتحي عنده عقم من سنين وغير قادر على الانجاب
ياسر :ازاي بس ده متجوز وعنده عيال؟؟
الدكتور :انا بقولك الـ لقيته قصادي في التحاليل فعلا فتحي مش بيخلف وعنده عقم
ياسر:يعني دول مش عياله؟
الدكتور:انا متأكد انك لو جيبت اولاده وعملتلهم تحاليل مش هيطلعوا اولاده
ياسر(بصدمه) :انت متأكد يادكتور من الكلام ده؟
الدكتور:طبعا متأكد جدا، وودي النتيجتين دول لأي دكتور وهيقولك نفس الكلام
ياسر:تمام متشكر عن اذنك
وخرجوا
ساره:يعني فتحي مبيخلفش ودول مش عياله
ياسر:للاسف ايوه انا هتصل بـ تيم اعرفه
وكان تيم في الوقت ده قاعد مع لين بيتكلموا
تيم:اكتر حاجه حبيتها هنا اني هعرف اشوفك
.. ايه ده ياسر بيتصل
لين:عايز ايه
تيم:مش عارف هرد.. ايوه يا ياسر
ياسر:احنا خدنا عينه من فتحي والنتيجه طلعت
تيم:تمام والنتيجه ايه؟؟
ياسر:فتحي مبيخلفش
تيم:مبيخلفش؟؟ امال دول عيال مين؟
ياسر:معرفش واتأكدت من الدكتور اكتر من مره قالي لو روحت لأي دكتور تاني هيقولك نفس الكلام
تيم:يستاهلها ماهو الـ ماشيه حرام هيقع في الحرام وهو مش حاسس
ياسر:بيني وبينك يستاهلها فعلا وانا شمتان فيه مع اني معرفهوش
تيم:مش هيبقي اكتر مني طيب انا هقفل وهبلغ لين بالموضوع سلام
لين:في ايه ياتيم طمني؟
تيم:عملوا تحليل لـ فتحي وطلع مابيخلفش
لين(بصدمه) :ده بجد؟
تيم:للاسف ايوه ولا للاسف ليه ماهو يستاهلها
لين:حلال فيه بعد الـ عمله في ماما وفينا حلال فيه محدش فينا هيسامحه مهما عدي الزمن
تيم:ونسامحه ليه ده دمرلنا حياتنا ربنا ينتقم منه
لين(بإبتسامه) :يارب ياتيم يلا انا هدخل انام تصبح على خير
تيم(بإبتسامه) :وانتي من اهله
ودخلت تنام وهو دخل ينام
_____تاني يوم____
عند عبير وعلى في الصباحيه في امريكا
عبير(بسهوكه) :صباح الخير ياحبيبي
علي:ياصباح النور علي احلي عيون في الكون كله
عبير(بسهوكه) :ايه شكلك لسه صاحي
علي:اه انا لسه صاحي من شويه
عبير(بسهوكه) :طيب مش هتفطر
علي:هنفطر قدام البحر
عبير(بسهوكه) :طيب انا كنت عايزه اكلمك في موضوع مهم
علي:ايه هو
عبير(بسهوكه) :اكتبلي البيت والعربيه بإسمي
علي:عالطول كده ده احنا فرحنا كان امبارح؟
عبير:طبعا ياحبيبي عالطول
علي:بس كده نرجع من شهر العسل واكتبهملك
عبير:لا انا عايزاك تكتبهم النهارده
علي:وانا هجيبلك العقود منين
عبير :نرجع النهارده
علي:وهو احنا لحقنا نقعد؟
عبير:نكمل شهر العسل في البيت
علي:زي ماتحبي
عبير:خلاص هدخل اغير علشان نروح نفطر قصاد البحر 😉
عند تيم و لين كان تيم صحي الاول قبل منها وخد شاور وجهز وكان بيتصل بيها مش بترد قـ طلع وفضل يخبط بس هي مكنتش بترد ف قلق
تيم(بيخبط) :لين!! لين!! لين انتي كويسه؟
لين(بتفتح) :صباح الخير
تيم(بقلق) :كده تخوفيني عليكي يا لين شوفي اتصلت بيكي كام مره لحد دلوقت ولا خبطت قد ايه؟
لين:اعملك ايه ياتيم بس انا كنت باخد شاور سوري متزعلش
تيم: ماهو مينفعش.. خلاص انتي كده جهزتي؟
لين بتهز راسها بـ اه مع ابتسامه
تيم(بإبتسامه) :طيب يلا بينا
لين(بإبتسامه) :يلا.. قولي نمت امبارح كويس؟
تيم :طبعاا ده انا نمت نوم اول مره في حياتي انام كده
لين(بتضحك) :اشمعنا
تيم(بيضحك) :علشان شوفت عيونك دول
فـ لين ضحكت وبصت الناحيه التانيه وراحوا الشركه عند ياسر
لين:صباح الخير
ياسر:صباح النور ها مبسوطين من خبر امبارح؟
تيم:ده انا نمت وقلبي مرتاح امال بقي لو رجعنا الحقوق كامله ده علي كده الواحد هيروح في غيبوبه لمده سنه من كتر الفرحه
لين:اهاا يعني مش علشان عيوني زي ماكنت بتقول
تيم (بيضحك) :لا بصراحه الـ انا قولته ده الحقيقه
ياسر:انتوا بتقولوا ايه انا مش فاهم حاجه؟
تيم:سيبك من الـ احنا بنقوله.. انا عايز ساره تحط الترامادول لـ فتحي في العلاج
ياسر:وهو انت يابني جيبت حاجه لما احنا نحطها
تيم:اوف ده انا نسيته بس استني انا كنت هعدي بيه ازاي في المطار ده انا كنت هروح في داهيه كويس اني نسيت
ياسر:هتروح في داهيه وهتودي لين معاك في نفس الداهيه
لين(بتضحك) :انا موافقه اروح معاه
ياسر: الله هو في حاجه انا معرفهاش ولا ايه؟
تيم:بس يا لين علشان شكل ياسر مركز معانا اليومين دول.. بص ياسيدي احنا نجيب ترامادول من اي حد هنا ده هي حته قد كده بس هتعمل شغل مع فتحي
ياسر:وانا هشوفلك ناس يجيبولك الـ انت عايزوا المهم اي حاجه بتحصل مابينا محدش يعرف عنها حاجه الا نروح كلنا في داهيه
تيم:عيب عليك يا ياسر محدش هيضيع نفسه والـ معاه
ياسر:انا كده احبك اديني 5 دقايق اعمل مكالمه نشوف حوار الترامادول ده
تيم:خد وقتك
وخد لين ووقفوا بعيد
ياسر:الو ازيك ياباشا عامل ايه؟... الله يخليك ده انا طالب منك حاجه قد كده.. الله يخليك...انا محتاج ترامادول بس عايز حاجه تجيب من الاخر... ياريت يكون النهارده.... طيب تمام مانت عارف شقتي فين ابعته مع حد... لالا انا في الشقه هتلاقيني بس متتأخرش... خلاص تمام.. يلا عايز حاجه... انا عارف انك صاحب واجب.. مش عارف اقولك ايه ولا اشكرك ازاي.. خلاص تمام سلام
تيم:ها عملت ايه؟
ياسر:انا هرجع علي الشقه هستلم المطلوب وهرجعلكم تاني خليكم هنا
تيم:تمام متتأخرش
ياسر:متقلقش سلام مؤقت
عند منال وجده تيم في تركيا
منال:يلا ياحبيبتي هنتأخر علي الجيم
جده تيم:يابنتي ده انا جتتي نشفت بقالي عُمر ملعبتش رياضه
منال:ماهو بصي واحده واحده وجسمك هيتعود متطلعيش مره واحده فجأه
جده تيم:لو حصلي حاجه تحت مسؤوليتك انتي يامنال
منال(بتضحك) :بعد الشر عليكي ربنا يديكي الصحه وطوله العمر وميحرمنيش منك
جده تيم:حبيبتي يامنال ربنا يحفظك يابنتي ويوقفلك ولاد الحلال في طريقك ويكرمك بكل ماهو خير وسعاده
منال:اللهم أمين ويخليكي لينا.. يلا بقي
جده تيم:يلا بينا
وراحوا الجيم يلعبوا رياضه
عند عبير وعلي قدام البحر
عبير:ايه المكان الجميل ده مش معقول حلاوته
علي :وتقوليلي نرجع النهارده وده كلام يعقل بقي في اتنين متجوزين امبارح بدل مايقعدوا ويستمتعوا بالمنظر ده تقوليلي يرجعوا
عبير(بخبث) :ياحبيبي انا فرحتي في ڨيلتنا مش هنا وبعدين ياعلي انا اي مكان هكون معاك فيه هكون سعيده
علي:طبعا انا عارف وهعملك كل الـ تحبيه
عبير :ميرسي
علي(بإبتسامه) :كملي اكلك
عند جوز حنان كان بايت في المخزن مرضاش يروح فـ لقي فتحي جاي
فتحي:انت يازفت ايه الـ منيمك هنا هو ده كان بيت ابوك ولا مكان أكل عيش
جوز حنان :لامؤاخذه يامعلم اصل اتخانقت مع البت حنان امبارح اقصد هي الـ اتخانقت معايا
فتحي:واتخانقت معاك ليه اكيد انت دايقتها اكمن مخك مقفل وبتفهم بالعافيه
جوز حنان :وليه الغلط بس يامعلم ده انت لو تشيل الفكره دي من دماغك هتعرف اني ذكي اوي
فتحي:الكتاب باين من عنوانه ياض وقوم فِز طولك واتحرك في بضاعه هتتباع النهارده
جوز حنان :ياالف بركه ده انا اتمنالك المخزن كله يتباع يامعلم
فتحي:عرفت انك غبي ولما هو يتباع ياعبيط هناكل عيش منين؟
جوز حنان :اه صح ده انا اتمنالك المخزن كله يجيب فلوس قد كده يامعلم
فتحي:يارب ياخويا امال الواد حماده فين
جوز حنان :راح يجيب فطار يامعلم
فتحي:طيب انا هروح مشوار ع السريع وراجع
جوز حنان :تروح وتيجي بألف سلامه
وراح متصل بـ ياسر
ياسر:ايوه
جوز حنان :فتحي لسه ماشي شكله كده رايح للأنسه ساره بس انتوا مش ناويين تفهموني
ياسر:هتفهم كل حاجه بعدين اقفل دلوقت
جوز حنان :طيب سلام
ياسر:سلام
وراح متصل بـ ساره
ياسر:ساره اعملي حسابك ان فتحي جايلك
ساره:وانت عرفت منين
ياسر:جوز حنان اتصل وبلغني انا دلوقت مستني الطلب يوصل وهبعتهولك
ساره:طيب ماشي
ياسر:يلا خدي بالك من نفسك
ساره:اوكي يا ياسر باي
وبعد شويه كان الولد الـ معاه الترامادول وصل
ياسر:كام؟
_300 جنيه
ياسر:الشويه دول ب300؟
_ايوه
ياسر:طيب خد حلال عليك
وخد منه الحاجه وبعت حد لـ ساره بالـ الترامادول كان فتحي وصل عندها
فتحي:السلامو عليكو يادكتوره ياكارولين
ساره:ياهلا وسهلا كتير نورت العياده
فتحي:الله يخليكي اما النتيجه طلعت ولا لسه
ساره:ايوه طلعت مو بعرف شو أقِلك بس...
فتحي:بس ايه؟ طلع كلام الدكاتره صح؟
ساره:اي بس راح نلاقي علاچ انا مستورده كميه من العلاج المناسب تبعك راح يعالجك تماما
فتحي:ياريت انا واقع في عرضك
ساره :اوكي
ورفعت سماعه التليفون واتصلت بالممرضه
ساره:هالو حبيبتي شو اخبارك
الممرضه:في حاجه ياانسه ساره؟
ساره :تعي لـ مستر فتحي لازم ياخد علاجه
الممرضه:تمام انا جايه اهو مش هتأخر
وقفلت معاها
فتحي:وهي تديني ليه ماتديني انتي؟
ساره :لالا انا مو بقدر اديك مو بقدر اشوفك في هيك الحاله كتير بتصعب عليا
فتحي:ميصعبش عليكي غالي يادكتوره اهو امر واتكتبلنا هنعمل ايه
ساره:انت انسان مؤمن وراضي بقضاء الله
فتحي:طبعا
ساره(في سرها) :انت ابن كلب
وراحت بصتله بإبتسامه فيها قرف فـ لقيت الجرس بيرن
ساره :راح اخرج خليك هون مو بتأخر
فتحي :خدي وقتك
وخرجت للولد الـ معاه الترامادول خدته منه ودخلت
فتحي:الممرضه جات ولا ايه
ساره:أي اكيد چايه ده بواب العماره بعطف عليه كتير غلبان وطيب
فتحي:ااه
الممرضه :سلامو عليكم
ساره:خدي هيك الشنطه وجهزي الحقنه برا
الممرضه (فاهمه) :حاضر
وخدت الشنطه وخرجت
ساره:مو بتقلق هيك موضوع كتير سهل
فتحي :كله علي الله يادكتوره كارولين
والممرضه فضت الترامادول في الحقنه ودخلت ادتهاله
ساره:بالشفا مستر فتحي
فتحي :هي وجعتني المره دي ليه
الممرضه:لا ابدا ده علشان الجرعه تقيله
فتحي :ااه عشان كده
الممرضه:يلا عايزه حاجه يااستاذه سا... كارولين
ساره(اتخضيت) :حبيبتي مع الف سلامه اهم حاجه راحتك مستر فتحي
فتحي:الله يخليكي اما اجي تاني امتي
ساره :انشالله بتصل بيك
فتحي:تمام يلا هستأذن انا سلامو عليكو
ساره :سلام
واول مامشي
ساره:اوف اما نشوف اخرتها ايه.. اما اتصل بـ ياسر احكيله
عند منال وجده تيم في الجيم في تركيا 🇹🇷
جده تيم:خلاص يامنال انا مابقتش قادره
منال:وانتي ياطنط كملتي نص ساعه
جده تيم:العيب مش عليا العيب علي سني ده انا كنت زمان بنت شقيه والشباب بيجروا ورايا
منال(بتضحك) :ان دبلت الورده ريحتها فيها
جده تيم:لا خلاص بقي راحت عليا.. اما اقعد ارتاح
وقعدت
منال:طيب ايه رايك نعدي على اي مطعم ناكل
جده تيم:ياريت يامنال الا انا ميته من الجوع
منال:طيب هدخل اخد الشاور بتاعي ونخرج عالطول
وبعد ماخدت الشاور بتاعها ولبست خرجت
منال:يلا انا خلصت
وخدتها وراحوا مطعم قصاد البحر
جده تيم:القايمه دي غريبه مفيهاش حاجه اعرفها
منال(بتبص في المنيو) :فعلا بس تعالي نجرب الكباب والكبه والمانتي
جده تيم:ايه المانتي ده؟
منال:مش عارفه بس شكله حلو
جده تيم:انا هاكل علي ضمانتك انا ماشيه وراكي ومغمضه
منال (بتضحك) :لا ياحبيبتي متقلقيش.. لو سمحت
_ Ne istiyorsun? (عايزه تاكلي ايه؟)
منال:انا مش فاهمه حاجه.. كان يو سبيك أرابيك؟
_Hayır (لا)
منال: طيب يو كان سبيك انجلش؟
_yes (نعم)
منال: I want kebab and a mante and Kubba (عايزه كباب وكبه ومانتي)
_You want something else? (تريدي شئ اخر)
منال:No thank you (لا شكرا)
جده تيم:اما الكلام هنا صعب بشكل
منال:انا كنت شغاله في شركه وكل كلامنا انجلش الحمدلله انه فادني شويه اهو كلمتين من هنا علي كلمتين من هنا، المهم انتي مبسوطه؟
جده تيم:طبعا احلي مكان واحلي هوا ومكان يرد الروح يااه انا حاسه اني اتولدت من اول وجديد وخصوصا لما عرفتك
منال:حبيبه قلبي ياماما انا الـ مبسوطه بمعرفتك اوي وخلاص انتي بقيتي امي التانيه
جده تيم:ربنا ميحرمنيش منك ولا من تيم ولين بنتك
منال:يارب اللهم امين
عند فتحي في المخزن كان لسه داخل
جوز حنان :مالك يامعلم جرالك ايه
فتحي:لسه واخد حقنه ياض بس حقنه ناشفه شويتين
جوز حنان :ليه سلامتك
فتحي:تعبان شويه يلا اجري شوف شغلك
جوز حنان :حاضر يامعلم
ودخل المخزن لـ حماده
جوز حنان :المعلم فتحي شكله تعبان
حماده:سلامته
جوز حنان :مالك يااخ مش مهتم ليه
حماده :ابداا اصل فكرت في كلامك لقيته صح وانا صحيح مستفاد ايه من ده كله
جوز حنان :عرفت ان عندي حق؟ ده انا مبتطلعش مني كلمه غلط ابداا ده انا دماغي شغاله ليل نهار وبفكر في مصلحتك
حماده:وانت يهمك في مصلحتي ايه؟
جوز حنان :مانا وانت في نفس المركب ولو المركب غرقت فـ هتغرق بينا كلنا
حماده(بيبصله) :برضه مش فاهمك
جوز حنان :عرفني اسرار المعلم فتحي وهنديك الشهد كله
حماده :مقدرش ابيعه انا مش واطي
جوز حنان :ومين قال انك واطي انت بس هتعرفنا كام معلومه علي الماشي وبعدين بخلان علي صاحبك بكلمتين
حماده:وانت هتستفاد ايه لما تعرف
جوز حنان :نحرص منه اصل ممكن يكون عمل حاجه كده ولا كده ياض شغل دماغك علشان انبهك لـ يكون ناوي يغدر بيك والدور عليك انت
حماده: وليه ميكونش عليك انت؟
جوز حنان :تصدق بالله انت عيل غتت امشي ياض انا غلطان اني بسألك
وخرج للمعلم فتحي
جوز حنان :الليل عتق وانا عايز ارتاح
فتحي:اتكل علي الله وتعالي بكرا بدري
جوز حنان :بس كده من عينيا هتلاقيني من صباحيه ربنا
فتحي :يلا غور
ومشي رجع البيت
عند عبير وعلي
علي:يلا هنتأخر علي ميعاد الطياره
عبير:خلاص اهو يلا
وشالوا الشنط في العربيه وراحوا المطار مضوا ورجعوا مصر
ماجده:لولولولولوي حمدالله على السلامه
عبير:الله يسلمك ياخالتي
ماجده:مبروك ياعرسان
علي:الله يبارك فيكي
ماجده:بس هو انتي ياعبير لحقتي تقعدي ده انتي كان فرحك امبارح ايه سر الاستعجال الـ انتي فيه ده؟
علي:قوليلها انا ذات نفسي مستغرب
عبير:ابدا ياخالتي اصل مبقدرش ابعد عنكم قولت اقعد في ڨيلتي احسن
ماجده:طيب يلا ياعروسه عايزين نشوف الڨيلا
علي:اركبي ياطنط
وركبت معاهم العربيه وراحوا الڨيلا
عند حنان كانت قاعده وحاطه ايديها علي خدها وبتفكر في جوزها الـ مرجعش من امبارح
جوز حنان (بيفتح الباب) :-------
حنان: يااهلا ما لسه بدري
جوز حنان :انتي ايه الـ مقعدك هنا؟؟
حنان:ده بيتي واقعد فيه زي مانا عايزه
جوز حنان :ملكيش حاجه هنا وخدي هدومك وعلي بيت امك الـ مقوياكي وابقي اقعدي انتي وهي اندبوا حظكم ولا اقولك ابقوا سلوا فراغكم وروحي اعمليلي عمل ورشيهولي
حنان(بتقومله) :ماجرا ايه ياخويا ماتقف معوج وتتكلم عدل ايه الكلام الـ بتقوله ده وجايب الكلام ده منين
جوز حنان:ليه ياروح امك فاكراني قرطاس باخد على قفايا لا فوقي
حنان(بزعيق) :لم نفسك ياصبري بدل مااطلع القديم والجديد علي جتتك انت واهلك
جوز حنان :ولا تقدري ده انا هجرصك في الحته كلها هعرفهم حنان السحاره هي وامها ماجده بيعملوا ايه لجوازات بناتها
حنان(بزعيق) :لا ياخويا انت زودتها لـ تكون فاكر نفسك محسوب علي الرجاله راجل لا فوووق
جوز حنان (بزعيق) :انا راجل غصب عنك
وراح ضاربها بالفازه الـ جنبه علي دماغها فـ وقعت وساحت في دمها
جوز حنان(بصدمه) :حنان!!!
يتبع