رواية حلم واقع الفصل التاسع9والعاشر10بقلم رانيا عماره
ماجده:ماشاء الله وانت شكلك واد جدع علي العموم انا موافقه لولولولولوي
هبه:مبروك ياعبير
عبير(بإبتسامه) :الله يبارك فيكي
تدخل حنان وشها عليه غضب ربنا
حنان(بتريقه) :يااهلا يااهلا
ماجده:تعالي سَلميِ على عريس بنت خالتك
حنان(بغيظ) :اهلا
علي(بإبتسامه) :اهلا
عبير:ممم مش هتجيبي الشربات ولا ايه ياخالتي
ماجده :طبعا هجيبهولك قوام
وقامت تجيبه
حنان(بقرف) :مبروك
عبير:الله يبارك فيكي
نرجع لـ تيم و جوز حنان في الشركه
جوز حنان:انما عدم اللمؤاخذه انا مش شايف حد في الشركه دي غيركم ياأستاذ
تيم: ااه اصل احنا الـ 4 بـ 50 موظف من الـ في الشركات التانيه وهتلاقينا دايما عندنا سرعه في كل حاجه المهم انك تاخد مرتبك كامل
جوز حنان:اه عدم اللمؤاخذه اصل استغربت مع اني مشتغلتش في شركات قبل كده
تيم:احنا بنعرفك كل حاجه
جوز حنان:طب مانا مبفهمش في الصحافه والكلام ده انا معايا دبلوم ياأستاذ
تيم:ماهو ده السر في شغلنا عمرك شوفت موظف عادي بياخد مبالغ كبيره؟ وخد بالك الـ5000 جنيه شهريا بيزيدوا بس انت وشطارتك
جوز حنان:لا ده انا هعجبك اوي اما الشغل عباره عن ايه مفهمتش برضه
تيم:انت هتجيبلنا معلومات عن فتحي بس لو السر طلع مابينا احنا هنطير رقبتك دي
جوز حنان: لا ماهو مش انا الـ يتعمل معايا كده سرك في بير مالوش آخر
تيم:ايوه كده شاطر كده انا احبك نبدأ الشغل؟
جوز حنان:نبدأ
وكان بيبص لـ لين وهي عامله نفسها بتشتغل
راح جوز حنان علي بيت حماته ومعاه بوكيه ورد.. ياسر هو الـ جابهوله وعلبه حلويات وخبط علي الباب فتحتله هبه أخت حنان
جوز حنان:السلامو عليكو
ماجده:يخيبك انت ايه الـ جابك يامخفي هو مفيش فايده فيك؟؟
علي:طب انا هستأذن بقي ونبقي نحدد مع بعض
عبير:خدني معاك
ماجده:يلا مع الف سلامه
وعلى خارج من عندهم فضل جوز حنان متنح فيه لحد ماجاب قراره
حنان(بزعيق) :جاي تهبب ايه مش قولتلك لو جيت هنا تاني هنكسر عضمك؟؟
جوز حنان: مابراحه عليا ياحلوه ماتقولي حاجه ياحماتي ده انا صارف ومكلف وجايبلها ورد وعلبه شوكولاطِه وراكبني الندم من فوقي لـ تحتي
حنان:مابقاش بينا حاجه ياخويا كان في وخلص
في دخل وقعد علي الكنبه
جوز حنان:ده انا لقيت حته شغلانه ياحنان انما ايه هشتغل في شركه يابت وهيبقي معايا فلوس زي الرز وهروح اعمل نيولوك وهخس وهعجبك اووي
ماجده:اتصرفي معاه انتي
وراحت مشوحه ب ايديها وماشيه تبرطم
ف تقعد حنان قصاد جوزها
حنان(رافعه حواجبها) :ااه وبعدين
وحاطه ايديها عـ خدها
جوز حنان:هعيشك ملكه وهجيبلك كل طلباتك هو انا هلاقي زيك ده انتي زي النجمه كده ياحنان حتى اسم على مسمى حنيه الدنيا فيكي
حنان(بتضعف) :طيب ياخويا هرجع معاك بس بشرط
جوز حنان:قولي ده انا رقبتي سداده
حنان:تسلم تجيبلي سلسله دهب
جوز حنان :بس كده ده انتي تؤمري ده مفيش حاجة تغلي علي عيونك ياحنان
حنان(انبسطت) :ايه الكلام ده حاجه غريبه كلام حلو وورد وشوكولاته ده انت عمرك ماعملتها
جوز حنان:حسيت بقيمتك انتي طلعتي غاليه اووي
حنان:تعيش ياخويا وتقول كلام حلو انا هقوم اعملك كوبايه شاي
جوز حنان:وماله وسلميلي ع حماتي وهي معديه جنبك
*ف تبصله حنان بقرف وتدخل جوا يجي جوزها مطلع جهاز التصنت ولازقه في الكنبه من تحت ويُستحيل حد يشوفه واول مالقي حماته جايه راح عادل نفسه بسرعه*
جوز حنان(بإبتسامه مصطنعه) :منوره ياحماتي
ماجده(بقرف) :بضلمتك ياخويا
عند لين وتيم وياسر وساره في الشركه
تيم:ها يا ياسر.. الأخ ده عمل ايه؟
ياسر:انا بحاول اشغل الجهاز علي الكمبيوتر اهو
تيم:ده احنا هنسمع بلاوي
لين:انا خايفه لـ نتكشف الموضوع مش سهل ده لو فتحي عرف ان انا لسه عايشه حياتنا هتتقلب
ساره:وانتي عرفتي منين ان فتحي عايز يموتك
ياسر:قصدك عرفتوا مانا كنت مشارك في كل حاجه
ساره:ازاي؟
\\\\\فلاش باك لين وهي بتحكي //////
أنا في يوم روحت ازور عمتو ماجده بعد ماخلصت محاضراتي كانت ممثله عليا انها الحضن الحنين وماخفي كان اعظم
ماجده:ايه ده لين ازيك ياحبيبتي
وبتحضنها
لين:ازيك ياعمتو انا خلصت محاضرات قولت اعدي عليكي اقعد معاكي شويه
ماجده:ياسلام ده انتي تنوري
لين:ممكن بس ادخل التويلت
ماجده:طبعا ده بيتك انتي غريبه
وبعدين دخلت وبعدها ب 5 دقايق سمعت ماجده وهي بتسلم علي فتحي ومكنش يعرف ان انا هنا فضلت اتسحب لحد مادخلت أوضه قريبه من الصاله وسمعت كل ده وكانوا بيتكلموا بصوت واطي أوي بس سمعتهم
ماجده:عامل ايه يافتحي ياخويا
فتحي: الحمدلله نشكر ربنا
ماجده :يستاهل الشكر اما عملت ايه
فتحي:انا اتفقت مع الرجاله وكله تحت السيطره وعلي بكرا ولا بعده هننفذ هبعت الواد محمود يروح يخلص
ماجده :مش الواد ده سابك وجيبت غيره؟
فتحي:لا ده نقل في اكتوبر
ماجده: ااه طيب اوعي حد يحس بحاجه
فتحي:عيب عليكي ده انا فتحي بيني وبينك مدايق اوي من منال بقي انا اتساب بذمتك؟؟ ماايه يعني خونتها تقوم تطلق مني انا لازم احرق قلبها ع البت واخليها تقول حقي برقبتي
ماجده:يخيبك وطي صوتك لـ حد يسمع حاجه لين موجوده هنا
فتحي (بعصبيه) :وانتي مقولتيش ليه سايباني اتكلم مااحنا كده هنروح ف داهيه
ف انا علشان اثبتلهم اني مسمعتش حاجه خرجت بإبتسامه مع ان قلبي كان بيتقطع
لين:ايه ده بابا ازيك؟
فتحي (بمكر) :ازيك عامله ايه وامك أخبارها ايه محدش بيسمع عنكم حاجه يعني
لين:معلش يابابا اصل ماما مشغوله اوي في الشغل اليومين دول
فتحي : اه وماله الله يسهل////////////
ساره :معقول كل ده حصل انتي ازاي تمالكتي اعصابك
لين:لو كان بان عليا كان هيتعرف اني عرفت
المهم بعد ماقابلت ياسر في الكافيه طلبته في خدمه وهو كان قدها بعت حد يمشي ورا فتحي ولما راح يقابل محمود الـ اتفق معاه يقتلني اتأكدنا من مكانه وبعد مافتحي مشي طلع ياسر
ياسر: ده حصل فعلا وانا لما روحتله كان متلبش مني وحاسس ان ده كمين
\\\\\فلاش باك///////
ياسر:انت محمود؟
محمود:ايوه انت مين ؟
ياسر:انا عايزك في خدمه
محمود :خدمه ايه ده وبعدين انت مين؟
ياسر:مابراحه علينا ياعم دخلني بس هتكلم معاك كلمتين مش هطول
محمود(بيبصله من فوق ل تحت) :طيب ادخل
وبعدين دخلت وقعدت وكان وشه غلط
ياسر:انا عارف ان فتحي اداك فلوس وقالك نفذ بس انا طالبك في خدمه
قام محمود وهو قلقان لـ يروح ف داهيه
محمود :انت جاي تقعدني ع كرسي الاعتراف وتوديني ف داهيه؟
ياسر:ياعم اقعد بس مفيش الكلام ده فتحي اداك كام؟
محمود:ممم
ياسر:قول وانا هديك اكتر متخافش محدش هيعرف حاجه
محمود :متأكد؟
ياسر:ثق فيا
محمود:اداني 100 الف
ياسر: انا هديك نص مليون بس متقربش من لين ولا تعملها اي حاجه
محمود:وانا ايه ضمني ان كلامك ده بجد مانت ممكن تكون بتوقعني علي مفيش
ياسر:ياعم والله هديهملك وقبل اي حاجه كمان بس وافق!!
محمود :ممم عاوز ايه
واتفقت معاه اننا نعمل انه قتل لين واهو قدام فتحي هو كده انتصر وقتلها ونفذ والواد ده لحد دلوقت مسجون وفتحي بيماطل معاه بعد مااداله علي قفاه وسحب منه الـ 100الف ال خدهم منه///////////////
تيم: طيب وانتي يا لين قولتي ان المحامي قال لـ نور قبل ماتتخطف بـ دقايق ان فتحي كان متجوز واحده في السر وخلف منها ولد ورماها
لين:ده حصل فعلا بس احنا منعرفش مكانها فين؟
تيم:الطريقه الوحيده الـ هتعرفنا مكانها هو المحامي بس تبقي مصيبه لو فتحي بيلعب خطه جديده وعايز يخلص عليه قبل مايفتش كل اسراره المستخبيه
ياسر :ده حقيقي هو مش ضربه 15 رصاصه؟ يعني كان في نيته يقضي عليه للابد بس ربنا كتبله عمر جديد
تيم:علي كده ممكن يعمل فيه اي حاجه وف اي وقت يبقي احنا لازم نروح القسم ونطلب منهم حراسه مشدده
ساره:ده المفروض يتعمل والا طريق وصولنا لـ فتحي هيتقطع وكل ده هيروح ع الارض
لين:طيب خلونا نركز الاول في جوز حنان عايزين نسمع اي حاجه
عند حنان وجوزها
جوزها:بقولك ايه هنزل مشوار علي السريع وهاجي اخدك نجيب السلسله الدهب
حنان:طيب متتأخرش
جوزها:مشوار صد رد مش هتأخر
ونزل راح محل الصايغ
جوز حنان:بقولك ايه انا عايز دهب قشره
الصايغ:يااهلا نورتنا.. في كده... وفي كده
وبيطلعله كل الدهب القشره
جوز حنان:ورينا سلاسل كده
الصايغ:اتفضل
جوز حنان:حلوه اوي دي بقولك انا هديك بقشيش بس انا هجيب مراتي كمان شويه وقولها انه دهب حقيقي
الصايغ:مقدرش للاسف
جوز حنان :اسمع بس هتاخد نسبه ليك
الصايغ (بيفكر) :طيب بس الموضوع ده لو اتعرف انا هروح في داهيه
جوز حنان :لا متقلقش يلا هجيبها واجيلك
نرجع لـ لين وتيم في الشركه الوهميه
ياسر:الجهاز مش راضي يشتغل
تيم :وسع كده
وقعد مكانه وحاول يشغله مرضاش يشتغل
لين:هنعمل ايه دلوقت
تيم:خلينا نجرب تاني
وفضلوا يجربوا وبرضه مشتغلش
تيم:انا هروح للمحامي في المستشفي يمكن اعرف منه اي حاجه
لين:استني انا هاجي معاك
تيم :هتيجي كده؟
لين:محدش هيعرفني
ياسر:يستحيل حد يشك ان دي انتي
تيم(بيبصلهم) :طب يلا
وخد لين ومشوا وطبعا محدش هيعرف انهم هما لان شكلهم متغير
نروح لـ منال كانت قاعده قدام التلفزيون بتتفرج علي مسلسل والكلب بتاع لين قاعد جنبها فـ لقيت الموبايل بيرن فـ ردت
منال:ايوه ازيك ياحبيبتي
جده تيم:عامله ايه يابنتي ليكي واحشه
منال:وانتي كمان والله ها طمنيني عليكي
جده تيم:انا بخير انا لقيت نفسي قاعده فاضيه ومفيش حد معايا قولت اتصل بيكي
منال:كتر الف خيرك ياماما ياحبيبتي متحرمش منك ولا من سؤالك
جده تيم: ماتيجي يابنتي تقعدي معايا شويه تونسيني انا مليت من قعدتي لواحدي
منال:طيب ماتيجي انتي ايه رايك
جده تيم:انا ست كبيره وحركتي علي قدي انتي لسه في عز شبابك واخف مني تعالي ونعمل احلي اكل ونتغدا سوا
منال:خلاص ياحبيبتي حاضر هلبس واجيلك
جده تيم :تيجي بألف سلامه يابنتي في رعايه الله
نروح لـ عبير كانت قاعده لواحدها وعماله تفكر ومستغربه رد فعل حنان بنت خالتها وكانت مقلقه منها لـ تكشف سرها قدام علي
عبير:ااه ياخوفي منك لـ تعمليلي مشكله بس لو جيتي على طريقي انا مش هرحمك هو انتي فاكره انك هتعملي راسك بـ راسي ده انا الكل بيتمني يبقى زي ومش عارفين مش زيك وقعتي مع واحد مش نافع في حاجه انما على مين مش عليا انا
رجع جوز حنان وخدها وراحوا لمحل الدهب
جوز حنان:جيبتك في افخم واحلي المحلات ماهو اصل مفيش حاجة تغلي عليكي
حنان(مستغربه) :سبحان من غير احوالك
حنان(في سرها) :مع انه مدته انتهت حاجه غريبه انا هتجنن
جوز حنان:سرحتي في ايه ياحنون
حنان:هاا؟ لا ده افتكرت ابويا الله يرحمه
جوز حنان :الله يرحمه طب مش هتنقي الدهب
حنان:هنقي اهو وريني كده
لحد ماعجبتها واحده
حنان :حلوه اوي دي
جوز حنان:بكام ياأخينا
الصايغ(بإبتسامه) :ببلاش
جوز حنان:الله يخليك كام بقي
الصايغ :بـ 5000
جوز حنان:طب خديها انتي ياحنان واطلعي استنيني عشان هجيبلك مفاجأه
حنان:طيب
جوز حنان (بصوت واطي) :كام؟
الصايغ :200 جنيه بس خد بالك لو جه عليها مايه كله هيتكشف
جوز حنان:لا انا هاخد بالي كويس
وطلع الفلوس من جيبه وادهاله وطلعلها
حنان:فين الهديه ياخويا؟
جوز حنان:كنت بسأله علي حاجه بس طلعت مش موجوده هنا هبقي اشوفهالك من مكان تاني
حنان:حاجه ايه
جوز حنان: لا دي مفاجأه يلا مبروك عليكي السلسله
حنان (بقرف) :الله يبارك فيك
نرجع لـ لين وتيم في المستشفى دخلوا وراحوا أوضه المحامي
المحامي(بتعب) :ازيكم
تيم:ازي حضرتك جينا نتطمن عليك
لين:حضرتك عامل ايه دلوقتي
المحامي:متبهدل اوي لا عارف اكل ولا عارف اشرب ولا عارف انام
لين:حضرتك هتبقي كويس ان شاء الله
تيم:ربنا يقومك بالسلامة ممم كنا عايزينها نعرف منك في اخبار جديده عن فتحي؟
المحامي:مش فاكر حاجه
تيم:حاول تفتكر اي حاجه؟
المحامي(بيحاول) :ااه افتكرت.. فتحي نقطه ضعفه حاجه واحده!
لين وتيم :ايه هي؟
المحامي(بتعب) :بنته الصغيره منار
لين:حضرتك عارف عنوانهم؟؟
المحامي:اعرف عنوان الست الـ اتجوزها في السر
تيم:عرفني بسرعه؟؟؟
عرفوا العنوان منها والمحامي دخل في غيبوبه تاني فـ لين وتيم طلعوا يجروا علي الدكاتره والممرضين
تيم:الحقوا استاذ رامي دخل غيبوبه
الدكتور:انتوا دخلتوا ازاي احنا مانعين الزياره
ودخلوله وفضلوا يحاولوا معاه بس مفيش!! وخرج الدكتور وهو كله بؤس
تيم(بقلق) :استاذ رامي ماله؟؟
الدكتور(موطي راسه) :للاسف مقدرناش نسيطر على الحاله اكتر من كده البقاء لله
ومشي
لين(بدموع) :كنت حاسه والله كنت حاسه
تيم(بحزن) :فتحي ده لازم يتشال من علي وش الارض لازم
نروح لـ منال كانت راحت ل جده تيم
جده تيم:منوره الدنيا يامنال يابنتي
منال:ده بنورك
جده:اشربي هو انتي غريبه
منال:حاضر...ايه ده لين بتتصل.. ايوه يالين
لين(بصوت مهزوز) :ماما
منال:مالك فيكي ايه انتي كويسه؟
لين(بعياط) :المحامي مات ياماما مات
منال (بدموع) :لا اله الا الله ولا حول ولا قوة الا بالله
جده تيم:في ايه يابنتي ماتطمنيني؟
منال(بعياط) :استاذ رامي اتوفي
جده تيم(بإستغراب) :مين استاذ رامي ده؟
منال(بعياط) :المحامي الـ كنت بروحله.. طيب يالين انتوا فين؟
جده تيم:لاحول ولا قوة الا بالله
لين:انا في المستشفى
منال:عنوانك فين
لين:مينفعش تيجي ياماما هنتكشف خليكي زي مانتي واحنا هنتصرف
وراحوا يدفنوه مع اهله وبعد ماالناس مامشيت لقوا شيخ واقف بعيد في المقابر وبيبصلهم جامد اوي
تيم:ماله ده؟
لين(بحزن) :مش عارفه
فـ الشيخ بدأ يقرب منهم وقالهم
الشيخ :مسحورين
وخد بعضه ومشي
لين:استني هنا فهمنا ايه الـ قولته ده؟؟
تيم(بزعيق) :استني عندك ماتفهمنا؟؟
وفضلوا ماشيين وراه
الشيخ (بنظره حاده) :ماجده
ومشي وبقي تيم ولين دماغهم عماله تلف وهيتجننوا لحد ما لين فقدت اعصابها واغم عليها
تيم:لين!!!!!!
الفصل العاشر
تيم(بزعيق) :استني عندك ماتفهمنا؟؟
وفضلوا ماشيين وراه
الشيخ (بنظره حاده) :ماجده
ومشي وبقي تيم ولين دماغهم عماله تلف وهيتجننوا لحد ما لين فقدت اعصابها واغم عليها
تيم:لين!!... لين فوقي...لين
ولين مغم عليها ومش حاسه ب اي حاجه لحد ماتيم شالها وطلعوا علي اول الشارع ووقف تاكسي وخدها وراحوا المستشفى
تيم:الحقوها بسرعه
فـ الممرضين جابولها سرير ودخلوها اوضتها والدكتور خد منها عينه دم وعملها تحليل وكان تيم قاعد مخضوض وخايف علي لين فـ جده تيم اتصلت بيه
جده تيم:ازيك ياحبيبي
تيم:الحمدلله
جده تيم:مالك صوتك متغير ليه؟
تيم:لين وقعت مني ووديتها المستشفى
جده تيم:طب هي كويسه؟
تيم:لسه نتيجه التحليل مطلعتش
جده تيم:اصل طنط منال عندنا
تيم:طيب متقوليلهاش اي حاجه
منال:في ايه ياماما؟
جده تيم:ها لا يابنتي صاحبه تيم حفيدي تعبت منهم
منال:ااه ربنا يشفيها يارب
جده تيم :يارب طيب يابني طمنا
تيم:حاضر سلام
تيم(بخوف) :ها يادكتور النتيجه ايه؟
الدكتور :متقلقش هي عندها هبوط حاد وهنضطر نركبلها محلول
تيم(بخوف) :طيب دي حاجه خطر؟
الدكتور:لا حاجه بسيطه وليها علاجها ان شاء الله
وركبولها المحلول وجابولها عصير وأكل
لين :مش عايزه أكل
تيم:ارجوكي يا لين حاولي حتي اي حاجه
لين:الموت اهونلي من كل الـ انا فيه
تيم(بخوف) :مفيش حاجة هتبعدك عني
وكانت ماسك ايديها وبيطبطب عليها بس لين علشان مكنتش حاسه اوي ولا مركزه فـ الكلمه مهتمتش بيها بس كان تيم نظراته كلها خوف
الدكتور:الانسه لين هتفضل لحد بكرا
تيم:مفيش مشكله
الدكتور:نتمني لها الشفاء العاجل
تيم(بحزن) :يارب
ورجع يحاول مع لين انها تاكل
نروح لـ ياسر في الشركه كان الوقت متأخر اوي
بدأ يشغل التسجيل وسمع كل حاجه لما روح
(ماجده: انا داخله انام ياهبه
هبه:تصبحي على خير
ماجده :وانتي من اهله)
ياسر :كده تمام اوي ننام بقي ونصحي بكرا نسمع كل المستخبي
منال:انا لازم امشي بقي ياماما الوقت اتأخر
جده تيم:لا باتي معايا تيم قالي انهم عندهم شغل لحد بكرا ومش هيرجعوا دلوقت
منال:والله انا ماعارفه الشغل ده اخرته ايه
جده تيم:معلش باتي معايا النهارده وبكرا ارجعي بيتك
منال:امري لله
_______تاني يوم_______
صحيت لين وبدأت تفوق لقيت تيم نايم علي الكنبه الـ ف الأوضه
لين:تيم... تيم... تيم
تيم(بيصحي) :هاا ايه في ايه
وبيبص حواليه ومش مركز
لين:حرام نومتك دي انت متبهدل معايا تقدر تروح وتكمل نومك في البيت
تيم(بيقوم ويمسك ايديها) :عامله ايه يا لين دلوقت
لين(بإبتسامه) :الحمدلله أحسن
تيم(بنظرات حب) :هنخرج النهارده ولازم تروحي وترتاحي وانا هكمل اي شغل مكانك
لين:مقدرش ده اتفاقنا
تيم:مش مهم الاتفاق وانا مش هسيبك الا لما تقومي بالسلامة وتقفي علي رجلك
*طبعا لين عجبها الكلام وبدأ قلبها يميل اكتر*
عند ياسر صحي ودخل المطبخ يجهز كوبايه شاي وعيش توست وخده وقعد قدام الجهاز يسمع بس مكنتش ماجده ولا بناتها لسه صحوا
ياسر:اوف ده محدش صحي ماهو احنا الصبح برضه مين هيصحي دلوقت
وبيبص في الساعه كانت 9:00am
ياسر:ده يادوب افطر واخد الشاور وانزل الشركه
وبعد مانزل وراح الشركه ملقاش الا ساره
ياسر:صباح الخير
ساره:صباح النور ايه فطرت ولا اعملك معايا كوبايه شاي باللبن
ياسر: لا انا كلت فـ البيت عايزين نشتغل علي مهمه النهارده هنبعت تيم ولين لـ الست الـ فتحي كان متجوزها دي
ساره:طيب لما يجوا؟
ياسر:ليه هما مجوش ولا ايه
ساره :لا لسه
ياسر:ده الساعه 1 دلوقت ودي مواعيد شغل
*وراح يتصل ب تيم*
ياسر:صباح الخير ايه ياعم كل ده تأخير
تيم:لا مانا مش هاجي النهارده
ياسر(بإستغراب) :ليه في حاجه ؟
تيم:امبارح واحنا بندفن المحامي جه راجل غريب كده وقعد يقول كلام غريب لحد ما لين اغم عليها
ياسر:المحامي مات؟
تيم:ايوه بس مكنش في وقت اتصل واتكلم وبعد مالين وديتها المستشفى مابقتش عارف اتصرف
ياسر:الف سلامه يالين طب والشغل؟
تيم:مايتحرق الشغل هعملك ايه يعني بقولك لين تعبانه
ياسر:يعني ايه يتحرق الشغل واحنا تاعبين نفسنا وعاملين كل الليله دي علشان يوم يضيع علينا اليوم الـ بيعدي علينا بيجي بـ خساره
تيم (بزعيق) :بقولك لين تعبانه ماتفهم يااخي
فـ لين سمعت كل الكلام ده
لين:تيم.. انا هروح الشغل
تيم :مينفعش انتي تعبانه عادي نأجل الشغل ايه المشكله
ياسر(بزعيق) :وانت خاسس ايه ولا خسران ايه ان مجيتوش النهارده انا هفض الشركه دي
تيم(بزعيق) :فضها وماله اتفضل مفيش مشكله
لين(بتشد الموبايل من تيم) :ايوه يا ياسر ممكن تهدوا شويه انا هاجي ومفيش حاجه هتتأجل
ياسر:أخر كلام يا لين؟
لين (بثقه) :أخر كلام
ياسر:مستنيكم سلام
وقفل معاها وطبعا تيم اتدايق من لين لانها سمعت كلام ياسر ومسمعتش كلامه وملامحه اتغيرت وبان عليه حتى في طريقه كلامه
تيم(مدايق) :هروح امضي خروج برا خليكي هنا
*وراح مضى وخد لين ورجع الشركه *
ياسر:نورتوا الشركه هو ده الكلام هو ده الصح احنا مش عايزين تأجيل ولا حاجه تعطلنا
فـ تيم خد بعضه ووقف برا الشركه وكان مدايق
ساره(تغمزلها) :روحيله شكله مدايق
وبالفعل راحتله لين وحطت ايديها علي كتفه ف اتديرلها
فـ لين بصتله بنظرات حب معناها متزعلش
فـ تيم فهم ومسك ايديها بـ حب وابتسملها وكل ده من غير ولا كلمه ورجع معاها جوا
تيم:ايه خطه النهارده؟
ياسر :هتروحوا عند الست الـ فتحي كان متجوزها وتعرفوا منها كل حاجه
تيم :انا متأكد اننا هنطلع ببلاوي جديده اكمن فتحي ده مصايبه كترت
لين:ده حقيقي
ياسر:اتكلوا علي الله وانا هكمل هنا مع ساره ولما جوز حنان يجي هنكلمك ونقولك التفاصيل
تيم:تمام يلا يا لين
وخرجوا برا
تيم:اسمعي يالين انا هروحك البيت ارتاحي وانا هروح اعرف من الست دي كل حاجه ولما اخلص هعدي عليكي واخدك وكأننا كنا مع بعض
لين:مقدرش اسيبك تتم المهمه دي لواحدك
تيم:متقلقيش انا هقدر اعملها لواحدي
لين:خد بالك من نفسك ياتيم
تيم(بإبتسامه) :وانتي كمان.. يلا اروحك عند تيته
وخدها وراح لـ جدته
عند حنان وجوزها
حنان:رايح فين علي المسا
جوزها:رايح الشركه الجديده الـ شغال فيها
حنان:تجيبلي فلوس كتير وانت جاي هاا
جوزها:صبرك عليا وهخلي ايديكي كلها متصيغه دهب من اولها لاخرها
حنان:اما نشوف اخرتها معاك ايه
جوزها:اخرتها دهب وفلوس وعربيات يابت
حنان:واديني مستنيه
جوزها :يلا بالإذن عشان متأخرش
وراح الشركه الوهميه
ياسر :يااهلا انت شرفت
جوز حنان: انا ركبتلك جهاز التصنت ياباشا ايه الخطوه الجايه؟
ياسر :وانا مبسوط منك، عايزك بعد ماترجع من الشغل تقول لـ مراتك اننا طردناك وعايز تشتغل مع فتحي خالها
جوز حنان :طب مش ممكن يشك عدم اللمؤاخذه؟
ياسر(بيضحك) :يشك ايه ده رجالته بيقعوا واحد ورا التاني وهو محتاج الـ يسنده ويكون في ضهره
جوز حنان :اشطا يااستاذ ياسر طب مفيش حاجة محتاجها مني بالإذن انا
ولسه بيمشي..
ياسر :استني.. تمشي ايه؟ هو احنا لسه عملنا حاجه؟ انا عايزك تعرفلي عنوان بيته التاني
جوز حنان :ااه ده لسه بدري
ياسر:ايوااان لسه بدري
جوز حنان :وهعرفلك ازاي يااستاذ
ياسر:عادي تسأل مراتك وهي اكيد عارفه مرات خالها قاعده فين هي وعيالها وااه بص مش هتطلع اوعي تودينا في داهيه انا عايزك تراقب البنت الصغيره منار
جوز حنان :طب وانت عاوز البت الصغيره دي فـ ايه دي حته عيله عندها 10سنين
ياسر:ماهو ده المطلوب اصل الضنا بيكون غالي واحنا عايزين نلعب علي الحته دي
جوز حنان :لمؤاخذه ياباشا انا مليش ف قتل
ياسر :قتل؟ قتل ايه ومين قالك انك هتقتل؟ ده احنا هناخدها عندنا بس
عند تيم ولين كان وصلها بيت جدته وفتح الباب كانت منال وجده تيم لسه بيجهزوا الفطار
منال:لين حبيبتي انتي جيتي
وبتحضنها
لين:ايوه ياحبيبتي وحشتيني اوي
منال:وانتي كمان ياحبيبه ماما.. ازيك ياتيم
تيم:ازيك ياطنط منال عامله ايه
منال:الحمدلله ده جدتك عملت معايا الواجب
جده تيم:ده انتي خلاص بقيتي بنتي عارفه لو بعدتي عني هعمل فيكي ايه؟
منال:وانا اقدر برضه
وبتبوس ايديها وبتحضنها
جده تيم(بتضحك) :حبيبتي
تيم :طب انا وصلت لين هضطر ارجع اعمل شويه حاجات وهاجي اخدك تاني
لين(بإبتسامه) :اوكي تمام
جده تيم:طب يابني مش هتاكل ده انت وشك خاسس شكلك مكلتش من امبارح
تيم:لا ياتيته كلت بس ورايا مشوار مهم يلا سلام
ومشي
جده تيم: يلا يامنال انتي ولين اقعدوا كلوا ده انا علفكرا منسيتش ريكو بتاعكم ده وحطتله اكل
لين(بتضحك) :تسلم ايدك ياتيته انا عارفه انك مش هتنسيه
جده تيم:مانا كنت مربيه كلاب وانا ف سنك وكنت بحبهم اووي لدرجه اني في يوم اتطردت من البيت بسببهم يلا الله يرحمك ياابويا
منال:الله يرحمه
لين:الله يرحمه.. تسلم ايدك
جده تيم:الف هنا ياحبايبي
عند ياسر كان قاعد شغال لقي الجهاز اشتغل وكان قاعد مركز
(ماجده:ايوه مين جايه اهو.. ايه ده حنان اتخانقتي مع جوزك ولا ايه
حنان:لا متخانقتش نزل شغله قولت اعدي عليكي نتكلم كلمتين بدل مانا وشي فـ وش الحيطه
ماجده:طيب اقعدي ياختي.. ماهو لو انتي كان عندك عيل ولا تيل كان زمانك ملهيه فيه
حنان:وانا ابلي نفسي ب عيل ليه وف الاخر اسيب المخفي علي عينه
ماجده:وانتي تسيبيه ليه يامنيله هو انتي يابت كان حد راضي بيكي ده تبوسي ايدك وش وضهر ان لقيتي حد يتجوزك
حنان :جري ايه ياماما ماهو متحسسنيش اني وحشه اوي كده
ماجده:يابت هنكدب على بعض ليه مااحنا عارفين الـ فيها ده حتى المنيل الـ مش عاجبك ده دخلتيله بالاسحار فـ الأكل بقي ياكل من هنا وبعدها يبوس ايدك ويقولك اطلبي وانا انفذ
حنان :الله امال كنت هتجوز ازاي عاجبك رميتي جنبك وانا سني معدي الـ35
ماجده :لا ياختي اما المخفيه بنت خالتك عبير البت نسيت أصلها ده لولا ابو محمد كان زمان الواد مديها الوش الخشب
حنان:في ناس بتكدب الكدبه وبتصدقها
ماجده :ع رايك اما قوليلي اعملك شاي ولا قهوه
حنان:اعملي شاي وقللي السكر
ماجده:من عينيا)
ياسر:تمام كده
جوز حنان:يانهار مهبب بطين!!! كل ده بيتقال عليا ف ضهري!!!! انا المنيل ع عيني؟؟ دي بتحطلي عمل ف الأكل يااستاذ
ياسر:تخاريف وقرف
جوز حنان :بتستغفليني يابنت ماجده طب وديني لأعلمك الادب
ياسر:ادب ايه اهدي علي نفسك احنا هنتكشف لو اتكلمت نص كلمه اي حاجه تسمعها هنا كأنك متعرفهاش واياك تبين اي حاجه
جوز حنان :مانا مولع يااستاذ ياسر بقي انا اخد على قفايا كل المده دي ماشي ياحنان
عند تيم كان وصل المكان وفضل يسأل الناس
تيم:لو سمحت متعرفش بيت ست سُميه
_سُميه مين ياباشا
تيم:ست معندهاش غير ولد واحد
_ااه يبقى قصدك سميه دقمان اصل الحاره هنا أوضه وصاله
تيم:ايه الاسم الغريب ده
_اتكل ع الله بلا اسم غريب بلا اسم عجيب
تيم :براحه ياعم مالك كده
فـ الراجل مشي يشوحله
تيم: لو سمحتي في ست هنا اسمها سميه دقمان
_اه اخر الشارع ده اكسر يمين ف شمال
تيم:متشكر
ومشي لحد ماوصل للبيت وكان جايب مايك وعامل نفسه مذيع وبدأ يخبط علي الباب
سميه:انت مين
تيم(بتوتر) :انا مذيع قناه الحر وكنت جاي اعمل معاكي لقاء عن احوال المعيشه
سميه(بتبصله من فوق لـ تحت) :وعاوز ايه
تيم :ممكن ادخل
سميه:لمؤاخذه مفيش حد غيري انا وابني
تيم(في سره) :يبقي هي
تيم :طيب انا سمعت ان حضرتك اتطلقتي من واحد اسمه فتحي
سميه:سمعت من مين؟
تيم: حضرتك ست مشهوره على السوشيال ميديا والناس بتحبك وكنا عايزين نساعدك
سميه:مين ال شهرني وايه السوشال موديا ده
تيم:سوشيال ميديا.. جيرانك ال شهروكي علشان بيقولوا انك ست جدعه
سميه:تسلم وعاوز ايه
تيم:عايز اعرف فتحي ظلمك فـ ايه؟
سميه:ده راجل عره ضحك عليا واتجوزني في السر ولما قولتله الواد الـ فـ بطني ابنك قالي امك وال جابتها وزحلقني
تيم(بقرف) :طيب يعني هو ضحك عليكي
سميه:اه وظلمني اوي اوي
تيم :وابنك ده عنده قد ايه
سميه:يعني داخل فـ 14 سنه
تيم:طيب انتي لازم ترفعي قضيه نسب
سميه:وهنرفعها ازاي
تيم:ممكن تيجي معايا نروح القسم
سميه:مش مرتاحالك
تيم:صدقيني انا جاي اساعدك
سميه:طيب هصحي الواد وجايه
عند عبير
عبير:ايوه ياخالتي ماجده
ماجده:فينك يابت
عبير:انا ف البيت اما بقولك انا هروح مع علي ننقي الشبكه
ماجده:الف مبروك ياختي عقبال مانشيل عيالك
عبير:الله يخليكي طب مش هتيجي معانا
ماجده (بتتهرب) :ااه يارجلي.. رجلي تعبانه اوي
عبير:سلامتك
ماجده:الله يسلمك طيب هروح ادلكها الا تعباني
عبير:ماشي ياخالتي ربنا يشفيكي سلام
عبير (في سرها) :بتتهربي مني يخالتي طب ماشي انا مرقدالك انتي وبناتك ان مشوفتش حد فيهم رفع سماعه التليفون وقالي مبروك
ف لقيت على بيتصل
علي :ها جهزتي
عبير:اه خلاص
علي:طيب انا جاي ف الطريق اهو
عبير:وانا مستنيه
ولما وصل نزلتله وراحوا جابوا الشبكه
علي:اختاري ال يعجبك انا هجيبلك طقم كامل سوليتير
عبير(بفرحه) :بجد ايه الفرحه ال انا فيها دي
علي(بخبث) :مفيش حاجة تغلي عليكي
وبعد ماخلصوا خدها في كافيه
عبير : خير عايزني ف ايه
علي:انا فكرت مع نفسي لقيت ان الخطوبه ملهاش لازمه احنا نكتب الكتاب ونتجوز ونسافر اسبوع في مالديف او هاواي او كناري
عبير(بفرحه مش مصدقه) :انت بتتكلم بجد ياعلي ولا بتهزر؟
علي(بيضحك) :وانا ههزر برضه؟ انا بتكلم بجد
عبير(بتضحك) :وانا موافقه
عند تيم راح القسم
تيم:ازي حضرتك
الظابط:ازيك ياتيم اتفضل
تيم:متشكر.. كنت عايز ارفع قضيه نسب لـ أستاذه سميه
الظابط:خير
تيم:فتحي خرب الدنيا
الظابط:احنا عاملين فرقه بحث وان شاء الله هنلاقيه قريب واضح مصايبه كبرت
تيم:ده حقيقي حتي قضيه مدام منال لسه مفتوحه
الظابط:ولا غير انه متهم في قضيه قتل المحامي رامي ولا قضيه خطف نور واكيد لو دورنا هنلاقيه متهم في قواضي تانيه كتير بس احنا محتاجين محامي يرفع قضيه النسب دي
تيم :ياريت وانا هدور واتمني الاقي
الظابط:طيب مش هتشرب حاجه؟
تيم:لا شكرا يادوب اروح اسأل على محامي يوكل القضيه دي
عند نور وهي مخطوفه
نور(بعياط) :اااه ااااه
يدخل فتحي
فتحي:هتفضلي تصوتيلنا كتير ايه الواحد ميعرفش يشرب الشيشه بمزاج ابدا
نور(بصويت) :منك لله
فتحي:انا كده ازعل وهبدأ اتعفرت وانتي متعرفيش فتحي لما يتعفرت بيبقي عامل ازاي ده انتي تشكريني اني مخلتش الواد حماده يقرب منك لحد دلوقت وقولت سيبها يومين وتهدي وتعرف انها كانت غلط
نور(بصويت) :انت الـ زيك عمره ماهيمشي صح مره انت كلك غلط ف غلط اتفووو عليك
يمسح فتحي البصق من عليه ويقرب منها ويشدها من شعرها
فتحي (ب غل) :انا هوريكي شغلك صح..حماااااده
*يجي حماده *
فتحي :ابدأ
حماده: من عينيا يامعلم
وسابوا ومشي
نور(بصويت) : لاااااا سيبني انا هعملك الـ انت عايزوا بس متقربش مني
حماده : هسيبك تهدي شويه
وقعد ع الارض
نور:فكني فكني وانا هديك كل الفلوس ال انت عايزها
حماده:مقدرش المعلم فتحي يطير رقبتي
عند تيم والست الـ فتحي كان متجوزها كانوا واقفين في الشارع فـ اتصل بـ ياسر
تيم:بقولك ايه انا روحت بس عايزين نرفع قضيه نسب تعرف محامي شاطر؟
ياسر:اعرفلك استني هبعتلك عنوانه واسمه وقوله انه من طرفي
تيم:تمام مستني
وبعتلك لوكيشن المحامي وفعلا راحله
المحامي:يااهلا اتفضل
تيم:انا جايلك من طرف ياسر كدواني
المحامي:يااهلا وسهلا ياسر ده حبيبي
تيم:هو الـ وجهني لـ حضرتك.. الست دي عايزه ترفع قضيه نسب علي واحد اسمه فتحي
المحامي :تمام اول حاجه لازم تحليل الـ DNA
تيم:طيب هنعمل ايه دلوقت؟
المحامي: هتروحوا الطب الشرعي وتطلبوا تعملوا تحليل الـ DNA
واداله اوراق وحاجات ياخدها معاه لانه مش من السهل يتعمل
المحامي:وبعد ماالنتيجه تطلع هتيجوا بس في حاجه لازم احضار الاب واخذ منه عينه علشان نعرف اذا كانوا متطابقين ولالا
تيم:وبعدين في المشكله دي واحنا هنجيبه ازاي ده تحت الارض ومحدش يعرفله مكان
المحامي:دي حاجه لازم مينفعش تعدي
تيم:خلاص تمام هنشوف الموضوع ده وهنرجع ل حضرتك
المحامي(بإبتسامه) :نورتونا
ومشي تيم هو والست وابنها
تيم:بصي ياست انتي ده الكارت بتاعي.. هاتيلي رقمك
سميه:انا مبفهمش ف المحمول والكلام ده
تيم:انا هعمل كل حاجه
وخد رقمها وادالها رقمه ووقفلها تاكسي ودفع فلوسه ومشيت هي وابنها وهو ماشي لقي حته ارض كأنها مهجوره بيبص لقي....؟؟؟
يتبع