رواية مزاولة حب الفصل الثالث3والرابع4بقلم دودو محمد
وصلت تمارا الشركه ودخلت تجرى على المكتب بتاعها وقالت
تمارا :- صباح الخير يا بنات
يارا :- صباح النور يا تيمو عامله ايه النهارده
تمارا :- زفت
ندي :- ليه كل ده لسه زعلانه من اللى حصل امبارح
تمارا :- ما انتو متعرفوش اللى حصل
يارا :- ايه تانى
تمارا :- انتو عارفين اللى من امبارح انا وهو ناقر ونقير مع بعض ده طلع مين
ندي :- مين
تمارا :- يوسف
يارا :- يوسف مين
ندي :- بصدمه اوعى تقولى يوسف جاركم
تمارا :- ااااايوه هو
يارا :- لاء بتهزرى صح
تمارا :- والله مش بهزر انا اتصدمت زيكم كده امبارح رجع خلاص مصر ومش هيسافر تانى
ندي :- يعنى تعيشى عمرك كله تحلمى باليوم اللى هو هيرجع فيه مصر ويوم ما يرجع يحصل ما بينكم كده
تمارا :- اه شوفتى محاسن الصدف يا اختى
يارا :- بس اكيد هو هيفهم أن اللى حصل ده سوء تفاهم مش اكتر وتعيشوا بقى مع بعض قصة الحب اللى بتحلمى بيها معاه
تمارا :- حتى دى بح
ندي :- يعنى ايه
تمارا :- بزعل طلعت كنت عبيطه وموهومه وان اللى كان بينا ده لعب عيال وانا بالنسبه ليه ولا حاجه ولا فى دماغه اصلا
يارا :- يعنى طلع مش بيحبك زى ما انتى بتحبيه
تمارا :- ايوه وبيحب واحده من ايطاليا وخطبها كمان وجات معاهم هنا وعايشين قصة حب مشعلله نار وفتحنها مبوسه طول النهار يا اختى
ندي :- صعبه اوى عليكى صح
تمارا :- وقفت بوجع وقالت هى صعبه بعقل انا بتقطع من جوايا يا ندي انتى عارفه يعنى ايه تعيشى عمرك كله بتحبيه وتحلمى باليوم اللى هيرجع ليكى فيه ويعترفلك بحبه وتصحى من حلمك ده على كابوس فظيع احساس صعب اوى الموت اهون مليون مره منه انتى عارفه يعنى ايه تحلمى باللحظه اللى هتشوفيه فيه وترمى نفسك ما بين أحضانه وتحلمى أن هو يقابلك بحراره واشتياق ويعترف ليكى قد ايه هو مشتاق ليكى ولحبك وتلاقى كل دى اوهام وضحكة بوجع وقالت ا.ا.انا مستغربه ردت فعله لما عرف أن انا تمارا الطفله اللى كانت هتموت عليه وهو ماشي لاقيت عنده فتور رهيب اتجاهى لاقيته بيتعامل معايا كأنى واحده غريبه انا مستغربه ازاى قدر ينسى وعده ليا أنه عمره ما هيبص لواحده غيرى ازاى قدر يحب ويعشق ارين انا مش عارفه المشكله فيا انا أن اتعشمت زياده عن اللزوم وعيشت وهم حب الطفوله ولا هو اللى قليل الاصل ومعندهوش انتماء لقلب عاش على وعد الطفوله ده انا بحاول أظهر طبيعيه قدام الكل بس انا بتقطع من جوايا والله
يارا :- يا لهوى يا تمارا لدرجاتى بتتعذبى
تمارا :- بدموع عمرى كله راح على اوهام يا يارا عايزانى اكون ازاى برقص يعنى
ندي :- معلش يا حبيبتى بكره ربنا يرزقك بأحسن منه
تمارا :- انا بقيت لا عايزاه ولا عايزه غيره انا هعيش لوحدى
يارا :- مش هتقدرى
تمارا :- هقدر وزى ما عيشت عمرى اللى فات لوحدى هعيش عمرى الجاى لوحدى برضه وفى الوقت ده دخل يوسف وقال
يوسف :- احم انتى بتعملى ايه هنا
تمارا :- مسحت دموعها بسرعه وقالت هكون بعمل ايه قاعده فى مكتبى علشان اشوف شغلى
يوسف :- بس مكتبك مش هنا
تمارا :- والله امال فين حضرتك
يوسف :- مش انتى المساعده بتاعتى يبقى فى مكتبى
تمارا :- اااااه ده انت بتحلم انا مش متحركه من هنا واللى عندك اعمله وقعدت على مكتبها وقالت يلا يا بنات كل واحده تشوف شغلها
يوسف :- تعالى معايا بالذوق بدل ما اخليكى تيجى غصب عنك
تمارا :- مش جايه واعلى ما فى خيلك اركبه
يوسف :- ماشى انتى اللى جبتيه لنفسك وخرج وسابهم
تمارا :- بغيظ مستفز
ندي :- أهدى يا تيمو
تمارا :- بلا أهدى بلا زفت ياريته ما رجع مصر
يارا :- اه والله عندك حق رجوعه وجعك اوى غير ضغط الأعصاب اللى انتى بقيتى فيها دى
تمارا :- بس انتو عارفين تمارا مش بتسلم بسهوله ويا انا يا هو
وفى الوقت ده جه السكرتير وقال
السكرتير :- انسه تمارا كلمى المدير
تمارا :- بعصبيه وده عايز ايه ده كمان
السكرتير :- معرفش وسابها ومشى
تمارا :- مش نقصه ده كمان وقامت وقفت وقالت هروح اشوفه عايز ايه ومشيت وسابتهم
يارا :- اللى انتى بتفكرى فيه نفس اللى انا بفكر فيه صح
ندي :- اممممم المدير عايز تمارا علشان يقولها تنقل المكتب بتاعها فى مكتب يوسف صح
يارا :- بالظبط كده ربنا يستر تمارا داخله على ايام ما يعلم بيها الا ربنا
ندي :- بس دى تمارا برضه محدش يقدر عليها
يارا :- بس روجع يوسف وهو خاطب ده كسرها اوى
ندي :- متقلقيش شويه وهتفوق من صدمتها وهترجع اقوى من الاول
يارا :- يارب
ندي :- يلا نشوف شغلنا بقى وبدأوا يشتغلوا
عند تمارا
راحت خبطت على باب المدير ودخلت وقالت
تمارا :- نعم يا فندم
المدير :- بقرف انقلى مكتبك فى مكتب استاذ يوسف
تمارا :- نعم وده ليه أن شاءالله
المدير :- علشان انتى المساعده بتاعته ولازم تبقى معاه فى مكتبه علشان تشوفوا شغلكم مع بعض
تمارا :- مش هنقل فى مكاتب حد انا وقت ما يكون فيه شغل هروح اخلصه معاه وارجع تانى على مكتبى
المدير :- بعصبيه انتى بترفضى اومرى
تمارا :- مش لما تكون أوامر حضرتك مش أمر من اللى اسمه يوسف ده
المدير :- انتى ازاى تتكلمى معايا بالطريقه دى
تمارا:- انا اسفه يا فندم بس وجودى مع اللى اسمه يوسف ده فى الشركه بيعصبنى
المدير :- بعصبيه طيب اعتبرى نفسك مرفوده لو منفذتيش كلامى
تمارا :- ده اخر كلام عند حضرتك
المدير :- ايوه
تمارا :- يبقى تمام انا مش هنفذ كلام حضرتك وهقدم استقالتى عن اذنك وخرجت وراحت على مكتبها اخدت شنتطها ولسه هتمشى
يارا :- ايه ده رايحه فين
تمارا :- هقدم استقالتى
ندي :- انتى مجنونه
تمارا :- انا ابقى مجنونه لو قعد هنا ثانيه واحده انا ماشيه وخرجت راحت عند مكتب يوسف ودخلت وقالت بعصبيه سيباها ليك اشبع بيها بقى
يوسف :- بأستغراب هى مين
تمارا :- الشركه انا هقدم استقالتى خلاص افرح بقى براحتك وبصت ليه بقرف ومشيت
يوسف :- قام يجرى وراها وقال استنى هنا يعنى ايه تقدمى استقالتك
تمارا :- يعنى مش انا اللى يتلوى دراعها وتمشى على مزاج حد ومليون شركه موجوده من الصبح هروح اقدم فى اى واحده منهم
يوسف :- انتى مجنونه وبعدين فين روح التحدي اللى عندك من اولها كده بتنسحبى ده انتى طلعتى نفسك قصير اوى
تمارا :- بعصبيه انت مين اصلا علشان تتحدانى لا عاش ولا كان اللى يهزمنى وينتصر عليا
يوسف :- انا اهو هزمتك ومن اول جوله كمان
تمارا :- انت ولا حاجه ومش وتمارا اللى هتدخل تحدى مع واحد زيك وشدت دراعها من أيده ومشيت وسابته
يوسف :- بص عليها وهى ماشيه ونفخ وراح اخد مفاتيحه والفون بتاعه ونزل ركب العربيه ورجع على الفيلا بتاعتهم
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
فى فيلا عماد
دخلت تمارا الفيلا وقعدت على الكنبه وقالت
تمارا :- السلام عليكم
سميه :- وعليكم السلام ايه رجعك بدرى من الشغل النهارده
تمارا :- انا سيبت الشغل يا ماما
سميه :- ليه حد ضيقك هناك
تمارا :- هو فيه غيره اللى طلع ليا فى المقدر جديد
سميه :- قصدك مين
تمارا :- يوسف معرفش ايه رجعه مصر ده من ساعة ما شوفته وانا كل شويه يحصلى مصيبه بسببه
سميه :- مش ده يوسف اللى كنتى هتموتى عليه وهو مسافر وانتو صغيرين
تمارا :- كنا عيال يا ماما لكن دلوقتى بقينا كبار ومبقناش بالبراءه بتاعت زمان
سميه :- طيب أهدى وانا هكلم سميحه تخليه يبعد عن طريقك
تمارا :- ياريت يا ماما علشان شكلها كده الايام الجايه هرتكب جريمه لو مبعدش عنى وبطل يستفزنى
سميه :- ماشى يا حبيبتى يلا اطلعى غيرى هدومك علشان عمك حسام وسميحه ورحمه وارين جاين يتغدوا معانا
تمارا :- وطبعآ اللى اسمه يوسف جاى معاهم
سميه:- اكيد طبعآ يا حبيبتى
تمارا :- يارب الصبر من عندك وقامت طلعت على اوضتها غيرت هدومها ولبست بجامه مرسوم عليها ارنوب وشكلها اطفالى خالص وعملت شعرها فى كل جنب كحكه وشكلها كانت شبه الاطفال ونزلت وقعدت على كرسي السفره من غير ولا كلمه
يوسف :- ايه ده يا عمى انتو جبتوا بنت تانيه
عماد :- بضحك لاء يا ابنى ليه بتقول كده
يوسف :- وهو بيكتم ضحكته قال امال مين الشاطره دى اللى قعدت معانا على السفره
تمارا :- ههه خفه دمك يلطش
يوسف :- هو الصوت مش غريب عليا بس الشكل
كريم :- خلى بالك انت كده بتلعب فى عداد عمرك بلاش تلعب مع القطه دى احسن بتخربش
رحمه :- بضحك شكلك بيضحك اوى يا تيمو ايه اللى انتى عامله فى نفسك ده
تمارا :- عامله ايه لابسه بجامه ولفه شعرى كحكه ايه الغريب فى كده يعنى مش فاهمه
يوسف :- انتى مستصغره نفسك يا بنتى ده اللى فى سنك اتجوزوا ومعاهم عيال
تمارا :- وانت مالك يا اخى ده انت عليك رذاله مشوفتهاش على حد
سميه :- يا بنتى عيب لمى لسانك شويه
تمارا :- الله انتى مسمعتيش بيقول ايه هو ماله لبسه ايه ولا عامله شعرى ازاى وبعدين اه مستصغره نفسى طيب ما اختك قدى اهى ولا اتجوزت ولا معاها اطفال
رحمه :- بضحك والأكل فى بؤقها قالت شكرآ يا ذوق
تمارا :- واللى جنبك دى قدك فى السن يعنى اكبر منى بتلت سنين وشويه ولا اتجوزت ولا معاها عيال ولسه مخطوبه ليك يعنى فيه اكبر منى ولسه متجوزوش اهو
يوسف :- سد يخربيتك انتى ايه راديو واتفتح
تمارا :- اه راديو واتفتح علشان تبقى تفكر فى كلامك بعد كده قبل ما تقوله
حسام :- ايه اللى حصل ليكم يا ولاد اتغيرتوا خالص عن وانتوا صغيرين
تمارا :- كنا لسه عيال يا عمو انما دلوقتى
كريم :- قطعها وقال إنما دلوقتى بقيتوا اعيل من الاول
تمارا :- والله بتدخل ليه فى الكلام انت
كريم :- صح انا متربتش كملى كلامك
عماد :- خلاص مفيش كلام هيتكمل كلوا بقى وانتو ساكتين
تمارا :- احسن برضه وقعدوا ياكلوا
ارين :- حطت الاكل فى بؤق يوسف وقالت كل يا حبيبى مش بتاكل ليه
تمارا :- هو مين ده اللى مش بياكل ده نازل على الاكل كأنه بياكل فى اخر ذاته
يوسف :- انتى بتبصيلى فى الأكل كمان
سميه :- كل يا حبيبى بألف هنا وشفا علي بدنك وبصت لتمارا وقالت كفايه بقى يا بنتى كده عيب الناس فى بيتنا
تمارا :- هوف حاضر سكت اهو
يوسف :- احسن برضه صوتك بيعمل ازعاج
تمارا :- وانت كلك على بعضك مزعج وبصت ليه بقرف وكملت اكل وبعد وقت خلص يوسف وقام وقف
سميه :- كمل أكلك يا حبيبى
يوسف :- الحمدالله يا طنط شبعت
تمارا :- يقعد ياكل ايه بس يا ماما هو خلى حاجه على السفره تتآكل ده ناقص ياكلنا احنا
يوسف :- بصلها بقرف وقال سمى فى سرك بس احسن عنيكى ترشق فيا وتجبنى الارض
تمارا :- هههه خفه
رحمه :- باااااس انتو ايه مش بتتعبوا يخربيت كده
ارين :- هدى اعصابك يا حبيبى وقامت وقفت ومسكت أيده وقالت تعال معايا يا حبيبى
تمارا :- روح مع مبوسه هانم عايزاك
يوسف :- لمى نفسك ومتغلطيش فيها
تمارا :- يعنى غلط فى البخارى يا خويا روح يا حلو روح يا ننوس عين امك
كريم :- بصوت واطي لنفسه انصرف ابوس ايدك فاضل تكه و تمارا هتنفجر فيك
يوسف :- تعالى يا حبيبتى يلا وخرجوا من الفيلا
كريم :- الحمدالله انكتب ليهم عمر جديد والله
تمارا :- بصت بغيظ عليهم وطلعت تجرى على اوضتها
سميحه :- وضع العيال صعب اوى مع بعض معرفش ايه اللى غيرهم اوى كده
سميه :- مش عارفه دول كأنهم اتبدلوا اللى كانوا هيموتوا على بعض وهما صغيرين محدش فيهم طايق التانى وهما كبار
رحمه :- بيتهيألى كده أن الأيام الجايه هتكون مرار طافح اقسم بالله
كريم :- هو هيكون طافح بعقل ده احنا داخلين على منعطف تاريخى اسود ومطين بطين وحاسس أن فى الاخر هيكون فيه جثث فى الموضوع
رحمه :- عندك حق والله
حسام :- كان نفسى يوسف ياخد تمارا بس القلب وما يريد بقى
رحمه :- ياخد مين انت عايز تجيب النار جنب البنزين يوسف وتمارا مع بعض طيب تيجى ازاى ده محدش فيهم طايق التانى
حسام :- بقول كان نفسى من زمان يبقوا لبعض بس النصيب بقى
سميحه :- انا عن نفسى كنت متوقعه أن الاتنين هيكونوا لبعض لما يكبروا وخصوصآ أنهم كانوا متعلقين ببعض اوى وهما صغيرين سبحان مغير الاحوال
سميه :- يلا كل شئ قسمه ونصيب وربنا كرم يوسف بنت حلال عقبال ما ربنا يسعد رحمه وتمارا يارب
رحمه :- يارب يا طنط ادعيلى
سميحه :- يا بت عيب ايه اللى انتى بتقوليه ده
رحمه :- ايه بقولها تدعيلى بعريس انا وتمارا
سميه :- بضحك ربنا يسعدكم يا حبيبتى
حسام :- مالك يا عماد ساكت ليه
عماد :- تعال معايا المكتب يا حسام عايز اكلمك فى موضوع
حسام :- اوك ماشى تعال
حسام وعماد دخلوا المكتب وقامت سميه وسميحه يشيلوا الاطباق من على السفره
رحمه :- يعنى جت علينا قوم يالا
كريم :- اقوم اروح فين
رحمه :- تعال نلعب كوتشينه بتعرف
كريم :- اه بعرف اشطا ده انا حريف فيها
رحمه :- لاااااا مش اكتر منى
كريم :- هنشوف مين اللى حريف اكتر من التانى قومى
رحمه :- قامت وراحت مع كريم تلعب كوتشينه
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
فى اوضت تمارا
طلعت تمارا اوضتها وقعدت على سريرها بغيظ وفضلت تهز فى رجليها وتاكل فى ضوافيرها وبصت على الشباك وقامت بصت من الشباك على الفيلا بتاعة يوسف لاقت يوسف قاعد فى الجنينه وارين فى حضنه دموعها نزلت منها بغيظ وقالت
تمارا :- بنى ادمه منحله وهو زيها أن شاءالله هتولعوا فى نار جهنم على اللى انتوا بتعملوا ده
يوسف :- بص على شباك تمارا لاقها واقفه بتبص عليهم ابتسم بلؤم وقرب ارين اكتر فى حضن وقعد يتابع نظرات تمارا ليهم
تمارا :- لااااا الوضع ده ميتسكتش عليه أبدآ احنا فين هنا ونزلت تجرى وقالت بابا يا ماما طنط سميحه عمو حسام
الكل :- جه يجرى بخضه
حسام :- فيه ايه يا بنتى
تمارا :- بغيظ هو ينفع اللى يوسف بيعملوا ده
حسام :- بأستغراب بيعمل ايه
تمارا :- تعالوا معايا اوريكم بيعمل ايه
وراحت على الفيلا التانيه وهما وراها وقالت البيه مفكر نفسه فى إيطاليا وعمال يحضن ويبوس وآخر قرف
يوسف :- بأستغراب ايه ده فيه ايه
تمارا :- فيه أن القرف اللى بتعملوا ده مينفعش احنا هنا فى مصر ولينا عادتنا وتقاليدنا ودينك يا بيه اللى حضرتك متعرفش حاجه عنه بيمنعك تلمس ايديها مش تحضن وتبوس كده عادى! هى تبقى ليك ايه ها مجرد خطيبتك يعنى انت أجنبى بالنسبه ليها يعنى النظره حرام الخلوه حرام شكلك عيشت بره نسيتك دينك وتقاليد بلدك
يوسف :- انتى مالك بتدخلى فى اللى ملكيش فيه ليه مالك محروقه اوى كده ليه يا بنتى ده انتى النار اللى جواكى هتحرقك و هتموتك متفحمه
تمارا :- نار من مين من السنكوحه دى دى تقرف الكلب الجربان
يوسف :- يا لهووووى على الغيظ بقى دى مسنكحه يا بنتى روحى بصى لنفسك فى المرايا
تمارا :- الحلاوه كتير فى السوق وبيهف عليها الدبان إنما التربيه والشرف هما اللى بيصونوا الواحده ويحفظوها بعيد عن اى قرف
حسام :- يوسف تعال انا وعمك عماد عايزينك
يوسف :- خير يا بابا
حسام :- هتعرف كل حاجه
يوسف :- بص لتمارا بقرف ومشى معاهم
تمارا :- قربت من ارين وقالت خلى السهوكه بتاعتك تنفعك بقى يا حلوه ومشيت على الفيلا
رحمه :- تعال يا ابنى نكمل لعب ومشيت هى وكريم
سميه :- بصى يا حبيبتى انا من وجبى انصحك كأم انتى بنت والمفروض تحفظى على نفسك وبلاش اللى بيحصل مع يوسف ده حرام أنه يلمسك وجسمك اللى ظاهر ليه ده هتتعذبى بيه وهيتحرق فى نار جهنم انا عارفه انك عايشه فى إيطاليا ومامتك ايطاليا بس بابك مصرى ومسلم يعنى لازم تحافظى على دينك وعادت بلدك الاصليه وفوق كل ده الشاب لما بيطول اللى هو عايزه البنت بتنزل من عينه ومش بيبقى مأمن ليها وعلطول هيشك فيكى وهتفضلى قصاد عينه رخيصه وسلمتى ليه جسمك من غير ما يكون ليه حق فيه وفى الاخر هيرميكى ويدور على غيرك على واحده جسمها غالى عليها ومحافظه عليه لجوزها بالحلال
ارين :- بس احنا عندنا العلاقات دى عادى ومش شرط جواز وبتحصل ما بين اى اتنين صحاب عادى
سميه :- استغفرالله العظيم ازاى يا بنتى ده كده يبقى زنا
ارين :- لاء عادى
سميه :- هو ايه اللى عادى سميحه انتى ساكته ازاى على الكلام ده
ارين :- عن اذنكم وسابتهم ودخلت
سميحه :- حاولت افهمها كتير بس هى مقتنعه بكلامها
سميه :- وانتوا راضين على المهزاله دى
سميحه :- اتنهدت وقال نعمل ايه يوسف متمسك بيها حاولنا نفهمه أن هى متنفعهوش بس هو مصمم عليها
سميه :- بس انتوا غلطانين جبتوها معاكم ليه
سميحه :- يوسف كان رافض يرجع مصر علشان يبقى جنبها ابوه اقنعه أنه يرجع مصر وهو هيحاول يقنع مامتها ويجيبها معاه مكانش قدامنا حل غير كده وطبعآ بما أن حسام وعد يوسف مكانش ينفع يرجع فى كلمته كلم مامتها واقنعها انها تيجى تقضى معانا الصيف وترجع قبل الفرح بتاعها هى ويوسف بكام يوم
سميه :- الصراحه انتوا غلطانين انكم موافقين على المهزاله دى ارين متنفعش تكون مرات ابنك يا سميحه
سميحه :- ربنا يهديه ويقتنع بكلامنا
سميه :- يارب تعالى يلا نشرب الشاي زمانه برد
سميحه :- يلا ورجعوا تانى على الفيلا
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
فى اوضت تمارا
طلعت على اوضتها وضحكت بأنتصار وقالت
تمارا :- احسن يستاهل عامل فيه سومه الحساس يستحمل بقى وقامت شغلت اغانى وقعدت ترقص عليها والباب اتفتح ودخلت رحمه وقالت
رحمه :- بت انتى مجنونه
تمارا :- وهى بترقص ليه بس
رحمه :- انتى مش لسه كنتى متعصبه تحت ازاى غيرتى مودك فى ثانيه
تمارا :- بضحك اصل انا برج الجدي متقلب المزاج وشدتها وقالت ارقصى معايا
رحمه :- يا بنت المجنونه
تمارا :- بغنى وصوت عالى بهوايا انتى قاعده معايا عينيك ليا مرايا يا جمال مرية العين خليكى لو هتمشى اناديكى انتى ليا انا ليكى احنا الاتنين قاطعين تسبينى اكره حياتى وسنينى بتوه ومش بلاقينى واشرب ******
رحمه :- يا راجل ده بجد الكلام ده
تمارا :- بضحك ايوه صبح يا زميلى
رحمه :- احيه
تمارا :-بضحك وايووووه اسكندرانى ارقصى ارقصى
رحمه :- قعدت على السرير وقالت لالالا مش قادره يخربيت جنانك يا شيخه
تمارا :-ضحكت وهى بترقص وقالت انا بقى لسه متعبتش وقعدت ترقص وتغنى ومره واحده الاغانى وقفت بتبص وراها لاقته يوسف قالت بغيظ انت ازاى تدخل اوضى كده من غير ما تخبط
يوسف :- وهو بيبص ليها بغيظ قال خبط بس الاغانى صوتها عالى ومحدش فيكم سمع الخبط اللى على الباب
تمارا :- يعنى عايز ايه جاي هنا ليه
يوسف :- قرب منها بغيظ وقال انتى فرحانه علشان الهيصه اللى عملتيها من شويه دى صح
تمارا :- امممم حاجه زى كده
يوسف :- بغيظ متفرحيش اوى كده انا راجل وميضرنيش بحاجه الفضيحه اللى عملتيها من شويه دى
تمارا :- اممم النداله هتشتغل اهى هى اه مش هضرك انت بحاجه بس تضر سمعة مبوسه هانم
يوسف :- بغيظ قولتلك متقوليش عليها كده
تمارا :- لاء على فكره انا مش بخاف من الصوت العالى ولا من تبريق العين وقربت منه اكتر وقالت براحه على نفسك شويه احسن يطق ليك عرق ولا حاجه
يوسف :- داس على شفته اللى من تحت بأسنانه بغيظ وقال متزعليش من اللى هيحصل بقى
تمارا :- يلا ورينى عرض كتافك وشغلت الاغانى وبصت ليه لاقته واقف قالت انت لسه واقف اتفضل اطلع بره الاوضه
يوسف :- بصلها بغيظ وقال رحمه انزلى كلمى ماما
رحمه :- اوك وقامت وقفت وخرجت من الاوضه نزلت تحت
تمارا :- امم واقف ليه اتفضل اطلع بره اوضى لو سمحت
يوسف :- قرب منها وقال عايزك مبسوطه كده فى اللى جاي وغمز ليها
تمارا :- بعدم فهم تقصد ايه
يوسف :- قرصها فى خدها وقال انتى لسه صغيره يا بيضه بكره لما تكبرى هتعرفى كل حاجه وسابها وخرج من الاوضه وهو بيضحك
تمارا :- بعدم فهم يقصد ايه ده يووووه بقى مش هخلص من غتاته دى وقعدت على السرير بغيظ وفضلت تهز فى رجليها وقالت عاااااا غلس
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
فى فيلا حسام
دخل يوسف الفيلا عندهم ولسه هيطلع السلم ندهت عليه ارين وقالت
ارين :- يوسف
يوسف :- وقف وقال نعم يا قلبى
ارين :- انا اسفه
يوسف :- راح عندها ومسك وشها بين ايديه وقال بتتأسفى ليه يا حبيبتى
ارين :- علشان سببت ليك مشاكل مع أهلك
يوسف :- متقوليش كده يا عمرى انتى معملتيش حاجه الغلط كان من عندى أنا
ارين :- يعنى مش زعلان منى
يوسف :- قرب من شفايفها وقال مقدرش ازعل منك يا قلبى وباسها وفى الوقت دخلت رحمه واتكسفت لما شافت كده قالت
رحمه :- احم ا.ا.انا اسفه عن اذنكم
يوسف:- بعد عن ارين وقال تعالى يا رحمه
رحمه :- انا كنت طالعه اوضى علشان انام
يوسف :- ليه مش هيجوا يتعشوا هنا زى ما قالوا
رحمه :- اجلوها لبكره علشان اللى حصل من شويه ده
يوسف :- اوك
رحمه :- تصبحوا على خير
يوسف :- وانتى من أهله
رحمه :- طلعت على اوضتها واتنهدت بكسوف وقالت الله يحرقك على رأى تيمو الانسه مبوسه
يوسف :- طيب يلا يا حبيبتى ادخلى اوضك علشان تنامى
ارين :- بس انا مش جاى ليا نوم دلوقتى خليك قاعد معايا شويه
يوسف :- بس انا تعبان اوى يا حبى وعايز انام
ارين :- بزعل اوك تصبح على خير
يوسف :- اتنهد وقال خلاص يا ستى متزعليش هقعد معاكى شويه ودخل الاوضه عندها
ارين :- ابتسمت بحب ودخلت وقفلت الباب وراها وراحت قعدت على رجل يوسف وقالت بحبك
يوسف :- مشى أيده على وشها وابتسم ليها بحب وقال وانا بعشقك
ارين :- مشيت صوابعها على صدره وقالت طيب مش هنكمل اللى كنا بنعملوه قبل ما تيجى اللى اسمها تمارا دى
يوسف :- اتوتر اول ما سمع اسم تمارا وقال م.م.معلش يا حبيبتى مش هينفع بابا اتعصب عليا جامد وقال لو شافنى بعمل كده هيطردنى من الفيلا
ارين :- احسن علشان ترجع معايا تانى إيطاليا
يوسف :- وقف وقال بس بابا تعبان والعصبيه والزعل خطر عليه يا ارين وبعدين كلها كام شهر وتبقى مراتى ونعمل اللى احنا عايزينه براحتنا
ارين :- بس احنا كنا بنعمل كده عادى واحنا فى إيطاليا ايه اللى حصل
يوسف :- ايطاليا غير مصر هناك عادى إنما هنا لاء
ارين :- لاء يا يوسف انا حاسه ان السبب فى بعدك عنى اللى اسمها تمارا دى
يوسف :- قرب منها ومسك وشها بين ايديه وقال تمارا مين دى اللى تبعدنى عنك ما انتى شايفه احنا الاتنين محدش فينا طايق التانى بس مش عايز مشاكل مع بابا
ارين :- اوك يا يوسف خلاص
يوسف :- طيب تعالى اقولك
ارين :- عايز ايه
يوسف :- بحبك
ارين :- وانا كمان
يوسف :- وانتى كمان ايه
ارين:- بحبك
يوسف :- امممم مش بتقوليها بنفس
ارين :- نفخت وبصت الاتجاه التانى
يوسف :- مسك وشها وقرب من شفايفها وباسها
ارين :- قربت اكتر ليه ولفت دراعها حاولين رقابته وعمقت البوسه اكتر
يوسف :- شالها وحطها على السر. ير
🦋مزاولة حب 🦋4
📌الفصل الرابع📌
اشرقت شمس صباح يوم جديد بنورها الساطع فى سماء القاهره ليبدء يوسف بفتح عيونه بص جنبه على السرير لاقه ارين نايمه فى حضنه وهى عريانه اتنهد وقام براحه من جنبها ولبس هدومه وبص على ارين وفتح الباب براحه وبص ملاقاش حد خرج وقفل الباب وراه وطلع يجرى على اوضه وراح عند الشباك وبص منه على شباك تمارا لاقها قاعده فى الجنينه وبترسم زى ما هى متعوده من صغرها لما يكون فيه حاجه مزعلها ابتسم وقال
يوسف :- لسه زى ما انتى لما تتعصبى تقعدى ترسمى لحد ما تهدى وفضل يرقبها فتره طويله وهى قاعده وبترسم واتنهد ودخل اخد شاور واتوضه وخرج لبس هدومه وفرش سجادة الصلاه ولسه هيبدء يصلى فرضه افتكر كلام تمارا ليه و اللى بيعملوا مع ارين اتنهد بوجع وتأنيب الضمير وكل ما يجى يبدء يصلى حاجه تمنعه قعد على حرف السرير وحط راسه ما بين ايديه وقال هتصلى ازاى وتقابل ربنا وانت بتغضبه وبتعمل كده مع ارين بأى وش هتقدر تنادى ربنا وانت واحد زانى وضعيف لشهواتك وبتمشى وراه كلام شيطانك قد ايه كلامك فؤقنى يا تمارا ورجع أيده على شعره لوراه واتنهد وقام اده فرضه واستغفر ربنا ونزل تحت لاقهم قاعدين بيفطروا قعد وقال صباح الخير
حسام :- صباح النور يا ابنى
سميحه :- صباح الخير يا حبيبى
يوسف :- ارين لسه نايمه
رحمه :- ايوه دخلت اصحيها مرضتش تقوم
يوسف :- احم دخلتى تصحيها
رحمه :- وهى بتاكل قالت امممم وبصت ليه تطمنه أنها مش هتتكلم
يوسف :- اتنهد براحه وابتسم لرحمه
سميحه :- اعمل حسابك أن عمك عماد ومراته معزومين النهارده عندنا متتأخرش بقى
يوسف :- وقف وقال حاضر
حسام :- رايح فين
يوسف :- الشغل
سميحه :- كمل فطارك طيب
يوسف :- الحمدالله شبعت وباس راسها وخرج بص على فيلا تمارا وفكر شويه وبعدين دخل وقال صباح الخير
سميه :- صباح النور يا ابنى تعال افطر
يوسف :-ربنا يخليكى يا طنط فطرت الحمدالله انا كنت جاى لتمارا عايز اقولها حاجه
سميه :- ادخلها الجنينه قاعده من الصبح فيها
يوسف :- ماشى عن اذنكم ودخل عند تمارا لاقها لسه قاعده بترسم فضل واقف مكانه يبص عليها وهى بترسم وبعد وقت قال احم احم
تمارا :- انتبهت لصوت يوسف رفعت راسها لفوق وقالت نعم
يوسف :- فيه كلمه اسمها صباح الخير بتتقال على الصبح
تمارا :- صباح الخير ؟ هو انا شوفت خير من ساعة ما شوفت وشك
يوسف :- هو انتى متعرفيش تتكلمى شبه الناس العاقله دقيقه واحده بس
تمارا :- والله هى دى طريقتى فى الكلام متخصكش فى حاجه
يوسف :- انا مش هرد عليكى علشان انتى متعصبه دلوقتى
تمارا :- والله وانا ايه هيعصبنى بقى مش متعصبه ولا حاجه
يوسف :- لا متعصبه
تمارا :-يا سلااام وعرفت منين يا ابو العريف بتشم على ضهر ايدك
يوسف :- قعد وقال لاء علشان دى وشاور على اسكتش الرسم اللى فى ايديها وقال لسه زى ما انتى لما تكونى متعصبه تقعدى ترسمى لحد ما تهدى
تمارا :- بهدوء انت لسه فاكر
يوسف :- بأبتسامه انا منستس اى لحظه كانت ما بينا واحنا صغيرين ولسه فاكر انتى بتحبى ايه وبتكرهى ايه
تمارا :- بجد
يوسف :- ايوه
تمارا :- طيب انا بحب ايه
يوسف :- بتحبى الخوخ والبطيخ اوى وعشقك المانجه بتحبى تاكليها مش بتحبيها عصير بتحبى البيتزا بالسي فود وبتحبى المكرونه البشاميل بس بالفراج مش باللحمه
تمارا :- نجرسكو
يوسف :- ايووووه هى دى بتحبى الرسم وبالذات وقت ما تكونى متعصبه بتعشقى اللون الاسود فى كل حاجه وتقريبآ كل هدومك يا اسود يا رمادى بتحبى لعب الاولاد اكتر من لعب البنات وفى الرياضه بتحبى كورة القدم وكنتى بتحبى حازم إمام فى الزمالك وكان نفسك تتجوزى واحد شبه لما تكبرى وبتحبى الرقص جدآ جدآ حلو كده ولا اكمل
تمارا :- كانت مش مصدقه نفسها وفرحانه أن يوسف لسه فاكر كل حاجه تخصها قالت ولما انت فاكر كل حاجه تخصنى ليه محاولتش تسأل عليا طول الفتره اللى فاتت دى انت وعدنى انك هتكلمنى علطول وهتنزل كل اجازه تقضيها معايا ومنفذتش وعدك ليا
يوسف :- بزعل عارف ان انا منفذتش وعدى ليكى بس غصب عنى بابا انشغل اوى وبقى وقته كله لشغل وكل ما نيجى نكلمه علشان ننزل مصر كان بيرفض ويقول مينفعش يسيب الشغل ونرجع مصر وبعد وقت انشغالنا وبطلنا نطلب منه أننا ننزل مصر تانى
تمارا :- انشغلت بأرين صح
يوسف :- اتنهد وقال ايوه
تمارا :- ابتسمت بوجع وقالت طيب كويس انك لاقيت حد يشغل وقتك وينسيك ماضيك
يوسف :- ماضى ايه يا تمارا ده كان لعب عيال تعود طفولى مش اكتر
تمارا :- بصدمه تعود طفولى اممم يمكن كان بالنسبالك انت كده لكن انا كان بالنسبالى حاجه تانيه خااااالص كان حاجه مهمه فى حياتى وعد طفولى كبرت عليه وكبر معايا وسكتت شويه واتنهدت بوجع وقالت مفيش فايده منه الكلام المهم ربنا يسعدك معاها
يوسف :- انتى كنتى مستنيانى يا تمارا
تمارا :- وقفت وقالت ها ل.ل.لاء طبعآ
يوسف :- وقف وقال ولما لاء ليه لحد دلوقتى مش مرتبطه بحد
تمارا :- ها م.م.مين قال كده
يوسف :- مفيش دبله فى ايدك تثبت انك مرتبطه
تمارا :- م.م.ما هو لسه مجاش اتقدم ليا
يوسف :- بزعل يعنى انتى بتحبى حد يا تمارا
تمارا :- ا.ا ايوه
يوسف :- انتى بتكدبى يا تمارا انا عرفك لما بتكدبى
تمارا :- و.و.وانا هكدب عليك ليه
يوسف :-طيب لو انتى مش بتكدبى عليا خلينى أقابله
تمارا :- بصدمه ها
يوسف :- خلينى أقابله
تمارا :- و.و وانت عايز تقابله ليه بقى أن شاءالله وبصفتك ايه
يوسف :- يا ستى بصفتى زى اخوكى وجارك وخايف عليكى
تمارا :- لاء طبعآ مستحيل اخليك تقابله ه.ه.هقوله انت تبقى مين
يوسف :- تمارا يا تخلينى أقابله يا ام هتأكد انك بتكدبى عليا وانا بقى شايف انك فعلا بتكدبى عليا
تمارا :- مش بكدب وهخليك تقابله
يوسف :- امته بقى
تمارا :- م.م.مش عارفه لسه لما أقوله
يوسف :- اوك لما اشوف
تمارا :- ا.ا.انت كنت جاى عايز ايه
يوسف :- عايزك ترجعى الشغل
تمارا :- ربعت ايديها على صدرها وقالت لاء مش راجعه الشغل ده تانى
يوسف :- ليه
تمارا :- والله! انت اللى بتسأل ليه
يوسف :- وانا مالى
تمارا :- ده على اساس مش انت اللى سخنت المدير عليا
يوسف :- انا كل اللى عملته أن قولت ليه عايزك تيجى تشتغلى معايا فى مكتبى
تمارا :- برئ يا عينى طب ما هو طلب منى كده وانا رفض وقال يا انفذ كلامه يا اسيب الشغل وانا مش بحب حد يلوى دراعى
يوسف :- طول عمرك عناديه ودماغك نشفه
تمارا :- ولما انت عارف كده بتستفزنى ليه
يوسف :- انتى اللى استفزتينى الاول
تمارا :- تانى انا مستفزتش حد انت اللى كنت غلطان وانا كنت بطلب منك حقى
يوسف :- انا كنت بعكسك يا مفتريه
تمارا :- لو كنت صلحت ليا العربيه علطول من غير وجع قلب مكنتش هقول لظابط كده
يوسف :- مفتريه
تمارا :- وانت بارد وغلس
يوسف :- لمى لسانك
تمارا :- ولو ملمتش هتعمل ايه يعنى
يوسف :- بصلها بغيظ وداس على اسنانه وقال مستفزه انا غلطان أن انا جيت اقولك تنزلى شغلك انشالله عنك ما نزلتى وسابها ومشى
تمارا :- قعدت على الكرسى وقالت اعمل ايه دلوقتى هجيب منين حبيب لازم يعنى انسحب من لسانى واكدب واقول عندى حبيب هوف بقى وفى الوقت ده دخلت رحمه وقالت
رحمه :- صباح الخير
تمارا :- صباح النور
رحمه :- مالك يا بنتى بتكلمى نفسك ليه
تمارا :- ها م.م.مفيش
رحمه :- طيب
تمارا :- مالك
رحمه :-اتنهدت وقالت مش عارفه اقولك ايه الصراحه
تمارا :- قولى فيه ايه
رحمه :- يوسف
تمارا :- ماله
رحمه :- طول الليل نايم عند ارين فى الاوضه هى مش اول مره ينام معاها بس اول مره يعمل كده فى البيت عندنا ولو بابا ولا ماما شافوا المنظر اللى انا شوفته ده اكيد هيحصل ليهم حاجه
تمارا :- غمضت عينيها بوجع وقالت شوفتيهم مع بعض
رحمه :- لاء كان هو مش معاها فى الاوضه بس التيشيرت بتاع يوسف كان مرمى على الأرض وهى كانت نايمه عريانه وحاجه مقرفه بجد هناك لما كانوا بيعملوا كده بيبقى فى مكان مخصوص ليهم وفى ايطاليا اصلا عادى أن الواحده تعيش مع صحبها فى بيت واحد ويحصل كده ما بينهم انا بجد قرفانه اوى من المنظر اللى شوفته ده انا اول مره اشوف ارين بالوضع ده
تمارا :- الغلط عند عمو حسام لما جابها معاكم تعيش مع خطيبها فى بيت واحد وعلى كلامك بتقولى هما واخدين على الوضع ده فأكيد هيحصل ده هنا وهما كمان قاعدين مع بعض علطول
رحمه :- يارب تمشى وترجع بلدها بقى مش عارفه هقدر ابص فى وشها تانى ازاى
تمارا :- بوجع اخوكى مش صغير وعارف هو بيعمل ايه كويس اوى ادعيله ربنا يهديه
رحمه :- ربنا يهديه يارب
تمارا :- وقفت وقالت أنا هدخل اغير هدومى
رحمه :- رايحه فين
تمارا :- هنزل شغلى
رحمه :- مش امبارح قولتى انك سبتى الشغل
تمارا :- رجعت فى كلامى ومش هخلى واحد زى اخوكى ينتصر عليا عن اذنك وسابتها وطلعت اوضتها غيرت هدومها ونزلت لاقت العربيه بتاعتها جت من عند المكانيكى ركبتها وراحت على الشركه وبعد وقت وصلت ودخلت الشركه ودخلت على مكتب يوسف من غير ما تخبط على الباب
يوسف :- رفع حاجبه بأستغراب وقال وده اسمه ايه أن شاءالله
تمارا :- بص بقى اخرك معايا بعد كده كلام فى الشغل غير كده مش عايزه اسمع صوتك وبرضه مش هقعد معاك فى المكتب وهتروح دلوقتى عند المدير وتقوله يلغى موضوع نقلى معاك فى المكتب فاهم
يوسف :- وقف وقال ولو قولتلك مش هعمل كده ايه اللى هيحصل
تمارا :- قربت منه وقالت هقول لابوك انك كنت نايم طول الليل فى اوضت الانسه مبوسه
يوسف :- بغيظ مين قالك اكيد رحمه صح
تمارا :- قعدت وحطت رجل على رجل وقالت مش هتفرق مين قالى المهم تعمل اللى قولتلك عليه ولا اروح اقول لعمو حسام
يوسف :- بغيظ طيب عند بعند بقى ومش هقول حاجه للمدير
تمارا :- براحتك ومسكت الفون بتاعها وطلبت رقم حسام
يوسف :- هتعملى ايه
تمارا :- بصت ليه بتحدى وقالت ايوه يا عمو حسام كنت عايزه اقول لحضرتك على حاجه
حسام :- قولى يا بنتى
تمارا :- كنت عايزه اقولك أن يوسف كان ناي
يوسف :- شد من ايديها الفون وقفل السكه وقال هتعملى ايه يا مجنونه لو بابا عرف حاجه زى دى ممكن يروح فيها
تمارا :- والله القرار فى ايدك هتروح تعمل زى ما قولتلك ولا أقوله
يوسف :- داس على أسنانه بغيظ وقال ماشى يا تمارا حسابك معايا بعدين وخرج وسابها فى المكتب
تمارا :- رقصت بأنتصار وقالت ايوه بقى يا تيمو يا كيداهم وخرجت من المكتب وراحت عند يارا وندي وقالت صباح الخير يا بنات
يارا :- بفرحه تيمو انتى رجعتى الشغل تانى
تمارا :- بأبتسامه ايوه رجعت وبمزاجى كمان
ندي :- انا عارفه انك هترجعى دماغك يا اما شغاله ومش بتنام
تمارا :- بثقه يا بنتى متخلقش لسه اللى يتحدى تمارا
يارا :- يا واد يا واثق من نفسك انت
تمارا :- المهم يا بنات محتاجه مساعدتكم ضرورى
ندي :- خير اللهم اجعله خير
تمارا :- عايزه حبيب
يارا :- ده اللى هو ازاى
تمارا :- يعنى انا محتاجه حد يمثل دور حبيبى ضرورى
ندي :- ما تتكلمى علطول يا بنتى وفهمينا ايه الموضوع
تمارا :- قعدت وقالت اصل انا قولت ليوسف أن بحب واحد وهو طلب منى أنه يقابله
يارا :- نهار اسوح وعملتى كده ليه
تمارا :- لما سألنى ليه مش مرتبطه لحد دلوقتى قولت ليه كده معرفش بقى عارفه أن اتسرعت بس ايه العمل دلوقتى
ندي :- عندى الحل
تمارا :- بفرحه بجد ايه هو قولى بسرعه
ندي :- بدر اخو يارا
تمارا :- ماله
ندي :- هو ايه اللى ماله بقولك بدر اخو يارا هو الوحيد اللى هيقدر يساعدك ويقوم بالدور ده
تمارا :- نعم يا اختى
ندي :- ايه فيه ايه ما تقولى ليها حاجه يا يارا
يارا :- فعلا ندي عندها حق يا تمارا بدر اخويه مش هيرفض لو طلبنا منه المساعده وهو شاطر اوى فى التمثيل يعنى هيخليه يصدق أنه حبيبك بجد
تمارا :- بس ازاى انا عمرى ما اتكلمت معاه وانتو عارفين أن انا مش بعرف اكلم اى راجل يبقى ازاى هتعامل معاه عادى كده
يارا :- انتى مجرد ما تتكلمى معاه مش هتحسى أنه غريب عنك
تمارا :- امممم مش عارفه متوتره اوى من الموضوع ده
ندي :- جمدى قلبك ومتخافيش
تمارا :- ماشى
ندي :- جدعه اتصلى بقى يا يارا بأخوكى وهاتيه هنا نفهمه هيعمل ايه
يارا :- انتى عبيطه يا بت نجيبه هنا ازاى ويوسف اللى فى الشركه ده
ندي :- اه صح عدت عليا الحته دى
يارا :- انا هفهمه الموضوع النهارده ومن بكره هخليه يجى ياخد تمارا من هنا ويروحوا كافيه يتعرفوا على بعض فيه
تمارا :- اروح مع مين
يارا :- مع بدر اخويه
تمارا :- لوحدينا
ندي :- ايوه
تمارا :- مستحيل ده يحصل حد فيكم يجى معايا انتو عارفين اللى فيها انا مش هعرف اخرج معاه لوحدى
ندي :- خلاص يارا تروح معاكم
يارا :- اوك مفيش مشكله بس مش هروح معاهم من هنا هستناهم هناك فى الكافيه
تمارا :- تمام حلو كده
يوسف :- هو مين ده اللى حلو
تمارا :- انت عايز ايه
يوسف :- جيت اقولك أن انا عملتلك اللى انتى عايزاه والمدير سامحك
تمارا :- ربعت ايديها على صدرها وقالت ميرسى
يوسف :- العفو وقرب من ودنها وقال بس لسه اللعب الحقيقى مبدأش وخرج وسابها
تمارا :- اتنهدت ودقات قلبها سرعت من قرب يوسف ليها
يارا :- مالك يا تيمو
تمارا :- قربه منى بيخلى قلبى يدق جامد اوى وببقى مش على بعضى
ندي :- أنه الحب يا ساده هيييييييح هو انا مش بحب ليه يا جدعان واحده بتحب جارها والتانيه بتحب اخويه وانا معنديش حد أحبه عااااااااا
يارا :- يا شيخه اتنيلى يعنى انتى شايفه حد فيهم حاسس بينا
ندي :- لاء بس عايزه احب زيكم مليش دعوووووه
تمارا :- ربنا ما يحرمك من الهبل يا ندي
يارا :- طيب يلا كل واحده تشوف شغلها احسن ما نتنفخ من المدير
تمارا :- عندك حق والمدير اصلا مش طايق حد فينا وكل واحده قعدت على مكتبها تشوف شغلها
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
انتهى وقت العمل ونزلت تمارا مع ندي ويارا ووقفت تحت وقالت
تمارا :- سلام اشوفكم بكره بقى عايزين حاجه
يارا :- سلامتك يا روحى ومتقلقيش هكلم بدر لما اروح وهتصل بيكى
تمارا :- اوك باى وركبت عربيتها ومشيت
ندي :- هتيجى معايا
يارا :- اممم اخوكى واحشنى اوى
ندي :- هييييح على الحب اجدعان يارب انت عارف بقى
يارا :- قوليلى يا ندوش اخوكى هيحس بيا امته
ندي :- البعيد جبله مش بيحس
يارا :- اخر ما هزهق هروح ارشقه بوسه واقوله بحبك يا ابن الورمه
ندي :- بضحك طيب والله جديده دى اعمليها
يارا :- بلا نيله انا اول ما بشوفه بارتبك وببقى مش عارفه اتكلم كلمتين على بعض
ندي :- بضحك والله العظيم بيبقى شكلك مسخره يلا امشى يا اختى ووقفوا تاكسى وراحوا على بيت ندي وطلعوا رنت الجرس ندي وفتح الباب اخوها انس
يارا :- اول ما شافته ارتبكت ومسكت دراع ندي
انس :- بجديه ايه اخرك كده
ندي :- احم السكه كانت زحمه
انس :- اتفضلى ادخلى
ندي :- دخلت هى ويارا وقالت ماما فين
انس :- فى المطبخ وقعد على الكرسى وحط رجل على رجل وقعد يتفرج على التليفزيون
يارا :- بصوت واطى لندي يخربيت تقله يا شيخه
ندي :- بصوت واطى طيب امشى احسن ما يعلقنى ويعلقك ولسه هتمشى
انس :- ندي
ندي :- وقفت مكانها وقالت ن.ن.نعم
انس :- خدي الطقم بتاعى اللى على السرير واكوي
ندي :- دلوقتى
انس :- ايوه عايز انزل الشغل
ندي :- اوك ودخلت اوضت أنس اخدت هدومه ودخلت هى ويارا اوضتها وقالت أكوى يا ندي امسحى الجزمه يا ندى اعملى يا ندي لما زهقت
يارا :- وفيها ايه اخوكى وليه حق عليكى
ندي :- يا شيخه اتنيلى انتى علشان بتحبيه بتقولى كده طيب ما اخوكى بدر اهو مش بيخليكى تعملى ليه حاجه وبيقدر انك شغاله وتعبانه
يارا :- هو مش بيطلب منى علشان انا بعمل ليه كل حاجه من نفسى
وفى الوقت ده سمعت صوت انس بيقول
انس :-من بره بصوت عالى خلصتى
ندي :- ل.ل لسه
انس :- طيب اخلصى هتأخر على الشغل
ندي :- قعدت تبرطم
يارا :- روحى غيرى هدومك انتى وانا هكوى ليه الهدوم
ندي :- هوف ماشى ودخلت الحمام تغير هدومها
يارا :- مسكت قميص انس وقربته من مناخيرها وقعدت تشم فيه بحب وابتسمت وقالت امته هتحس بيا بقى وشغلت المكواه وبدأت تكوى الهدوم لانس وبعد وقت خلصت وخرجت ندى وادتهم لاخوها وبعد وقت خرج انس من اوضه وقال بصوت عالى
انس :- انا ماشى يا ماما وخرج وقفل الباب وراه
ندي :- اتنهدت وقالت هوف اخيرآ مشى
يارا :- والله العظيم انتى ما تستاهلى اخ زى ده بقى حد يزهق من القمر ده
ندي :- انتى بتحبى فيه ايه ده عمره ما بصلك ولا قالك نص حرف حتى
يارا :- ما تقله ده اللى معلقنى فيه تقيل كده وراسى ومش زى شباب اليومين دول
ندي :- هييييح
يارا :- ندوش
ندي :- اممم نعم
يارا :- عايزه ادخل اوضت اخوكى
ندي :- نعم ليه بقى أن شاءالله
يارا :- نفسى اشوف مملكة الأسد
ندي :- مملكة ايه يا اختى أاااااه يا محنى امشى يا اختى قدامى
يارا :- خرجت مع ندي وراحوا عند اوضت أنس ولسه هيدخلوا ام ندي ندهت عليها من جوه المطبخ
ندي :- طيب ادخلى انتى على ما اروح اشوف ماما عايزه ايه وسابتها ومشيت
يارا :- فتحت الباب ودخلت الأوضه وبصت على الاوضه بحب وابتسمت وراحت قعدت على السرير ومشيت ايديها على السرير بحب ومسكت الهدوم اللى كان لابسها وقربتها من مناخيرها وقعدت تشم فيها وقامت وقفت وراحت مسكت البرفان بتاعه وقعدت تشم فيه بحب وفى الوقت ده سمعت صوت انس بيقول
انس :- انتى بتعملى ايه هنا
يارا :-.........
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
فى فيلا عماد
كانت تمارا قاعده فى اوضتها بعد ما غيرت هدومها وماسكه الفون بتاعها بتلعب فيه والباب بتاع اوضتها اتفتح ودخلت رحمه وهى متعصبه وقالت
رحمه :- كده يا تمارا بقى انا احكيلك على حاجه تروحى تقوليها ليوسف انا مصدومه فيكى ازاى تعملى كده انا غلطانه أن قولتلك على حاجه
تمارا :- فيه ايه يا بنتى أهدى
رحمه :- بعصبيه يعنى مش عارفه
تمارا :- لاء عارفه
رحمه :- طيب عملتى كده ليه انتى خليتى يوسف يزعل منى يعنى انا كنت مضيقه وقولت اجى اتكلم معاكى شويه تخدى كلامى وتروحى تهددى يوسف بيه
تمارا :- انا اسفه بجد يا رحمه مش قصدى ازعله منك بس انا كنت متغاظه منه ومصدقت لاقيت حاجه تستفزه
رحمه :- على العموم هى مره وعلمتنى مديش سرى ليكى بعد كده ولسه هتمشى
تمارا :- جريت ومسكتها من دراعها وقالت انا عارفه أن انا غلط لما عملت كده متزعليش منى انا اسفه
رحمه :- مردتش عليها
تمارا :- انا اسفه يا رحمه قولى ايه يرضيكى وانا اعمله علطول
رحمه :- تخلى يوسف يسامحنى علشان هو رافض يكلمنى ومخاصمنى
تمارا :- طيب ودى اعملها ازاى
رحمه :- معرفش زى ما خلتيه يزعل منى خليه يسامحنى
تمارا :- اتنهدت وقالت م.م.ماشى هو فين
رحمه :- فى اوضت الجيم بيعلب رياضه علشان متعصب
تمارا :- م.م.ماشى هروح ليه بس انتى مش زعلانه منى صح
رحمه :- لو خليتى يوسف يسامحنى هسامحك
تمارا :- اوك ونزلوا الاتنين من الاوضه وراحت تمارا عند اوضت الجيم وخبطت على الباب
يوسف :- بص لاقها تمارا قال بعصبيه جايه هنا ليه
تمارا :- دخلت بتوتر وقالت م.م.ممكن تسامح رحمه هى ملهاش ذنب هى كانت زعلانه علشانك وبتتكلم معايا عادى وانا اخد منها الكلام وقولته ليك علشان استفزك
يوسف :- تعرفى متدخليش فى اللى ملكيش فيه انا واختى دى حاجه متخصكيش
تمارا :- لاء تخصنى لما تزعلوا من بعض بسببى يبقى تخصنى
يوسف :- بعصبيه امشى يا تمارا من قدامى علشان مرتكبش جريمه
تمارا :- لاء مش همشى غير لما تسامح رحمه
يوسف :- يوووووه بقولك ايه انا ماسك نفسى عنك بالعافيه امشى من وشى دلوقتى
تمارا :- بدموع علشان خاطرى رحمه زعلانه منى ومش راضيه تسامحنى غير لما انت تسامحها بالله عليك سامحها
يوسف :- صعبت عليه تمارا وهى بتعيط راح عندها وقال طيب خلاص متعيطيش
تمارا :- هتسامح رحمه
يوسف :- قرب منها اكتر وابتسم وقال ايوه
تمارا :- مسحت دموعها بفرحه وحضنته وقالت هيييييييا شكرآ يا يوسف
يوسف :- اتفاجئ بحركة تمارا وابتسم ومشي أيده على ضهرها
تمارا :- اخدت بالها من اللى عملته اتكسفت ووشها احمر وبعدت عنه وقالت بتوتر ا.ا اسفه اندفعت شويه من فرحتى
يوسف :- بأبتسامه طيب ياريت تندفعى كده علطول وغمز ليها
تمارا :- بكسوف ا.ا.انت قليل الادب ا.ا انا عملت كده زى ما بعمل ما اخويه كريم م.م.مكنتش اقصد حاجه
يوسف :- حاجه مش غريبه عليكى ما انتى من صغرك علطول بتندفعى وبتحضنينى فاكره وغمز ليها وضحك على توترها
تمارا :- تصدق ا ا.انا غلطانه أن جيت اتكلمت معاك اصلا وبصت ليه بغيظ ومشيت
يوسف :- قعد يضحك عليها وهى ماشيه ودخل وراها راح عند اوضت رحمه لاقه تمارا عندها
رحمه :- راحت اترمت فى حضن يوسف ودموعها نزلت منها وقالت انا اسفه بجد متزعلش منى يا يوسف
يوسف :- باس راسها وقال خلاص متعيطيش حصل خير ومش زعلان منك
رحمه :- بجد
يوسف :- بص على تمارا وابتسم وقال لازم تشكرى صحبتك عرفت تأثر عليا وتخلينى اسامحك
تمارا :- اتوترت واتكسفت اكتر وقالت ا.ا انا رايحه الفيلا عندنا ولسه هتمشى
يوسف :- مسكها من دراعها وقال مش ناويه تندفعى تانى وغمز ليها
تمارا :- عااااا غلس وزقت أيده ونزلت تجرى
يوسف :- قعد يضحك على تمارا وهى ماشيه
رحمه :- هو فيه ايه
يوسف :- ها ولا حاجه بستفزها بس
رحمه :- انتوا الاتنين عليكم استفزاز لبعض فظيع
يوسف :- ابتسم وقال عارف ولعب فى شعرها وقال يلا ننزل زمانهم حضروا الاكل تحت ونزلوا الاتنين تحت لاقوا ارين وتمارا واقفين مع بعض ضحكت رحمه وقالت
رحمه :- يا لهوى البنزين جنب النار الدنيا هتولع الحق يا يوسف
يوسف :- ضحك وراح عندهم
ارين :- اول ما شافت يوسف حضنته وباسته من خده وقالت وحشتينى
تمارا :- يخربيت سهوكتك يا شيخه يا بنتى انشفى شويه متبقيش خفيفه كده ومدلوقه
يوسف :- ضحك على كلام تمارا وقال وانتى يا قلبى واحشتينى
ارين :-بدلع الفيلا مش بيبقى ليها طعم وانت مش فيها يا حبيبى
تمارا :- ازاى بس يا جدع دى الفيلا بتبقى بطعم الكوكتيل تلاقيكى انتى بس بتصحى لما الكوكتيل بيخلص
ارين :- دمك تقيل اوى على فكره وقربت من يوسف وقالت بص يا حبيبى العلامه اللى فى رقابتى دى
يوسف :- بتوتر احم س.س.سلامتك يا حبيبتى
تمارا :- يا بت استرى على نفسك انتى غاويه تكونى مفضوحه
ارين :- ملكيش فيه وبصت ليوسف وقالت بدلع يلا يا روحى ناكل
تمارا :- لاء كده اوڤر بجد يا بنتى بلاش السهوكه اللى على الفاضى والمليان دى الواحد مرارته مبقتش مستحمله
ارين :- انتى متغاظه ليه بس علشان انتى شبه الغفير كده وراجل فى نفسك
تمارا :- نععععععععم دى مين دى اللى شبه الغفير وراجل فى نفسها
ارين :- انتى
رحمه :- قربت من يوسف وقالت ولعت
يوسف :- بضحك هى ولعت بعقل خلينا نتفرج شويه
تمارا :- بقى انتى يا سنكوحه بتقولى عليا انا غفير ده انتى ليلتك مش معديه معايا
ارين :- انا مش عارفه انتى حطانى فى دماغك ليه
تمارا :- بقى انا تمارا اللى مدوخه نص شباب المنطقه هحط واحده شبهك انتى فى دماغى ليه وهو انا غاويه احط زباله فى دماغى ولا ايه روحى يا حبيبتى استرى نفسك بدل ما جسمك اللى هيولع فى نار جهنم ده أن شاءالله باين للى يسوى واللى ميسواش
ارين :- وانتى ايه فهمك فى الموضه يا جاهله انتى اخرك بنطلون اخوكى وتيشيرت ولا قميص باباكى
رحمه :- اوباااااا دى شعللت كده استهدوا بالله يا جماعه
تمارا :- موضة ايه يا جاهلة دينك تغور الموضه اللى تودى الواحد جهنم الحمدالله انا راضيه بالاستايل بتاعى اوى ومش واحده مصديه شبهك اللى هتعرفنى البس ايه واتكلم ازاى على اخر الزمن
ارين :- بغيظ يوسف قول حاجه انت ساكت ليه
يوسف :- وهو كاتم ضحكته قال خلاص بقى يا جماعه وتعالوا ناكلوا
تمارا :- بصوت ارين يوسف انت ساكت ليه وبعدين قالت بصوتها بقرف كتك القرف فى سهوكتك يا شيخه وبصت ليها بقرف ومشيت وسابتها
ارين :- بغيظ عجبك انت اللى بيحصل ده
يوسف :- ها ل.ل لا طبعآ انا هوريها بس لما ناكل امشى يا حبيبتى ربنا يهديكى وحط أيده على كتفها وراحوا على السفره
رحمه :- لنفسها حلو الواحد يسخنها براحته بقى دى الدنيا هتبقى ولعه الفتره الجايه وراحت وراهم وقعدوا كلهم ياكلوا