رواية خادمة بيتي وملكة قلبي الفصل السابع عشر17الاخير بقلم سعيده عكاشه
تسابيح=منجدة باقي يومين للخطوبة و م ف شي من اتجاه رهف انا ابتديت اخاف
منجدة=م تخافي خلينا نمشي الجامعة ونستفسر منها اكتر
*ف الجامعة*
تسابيح=وين طاقم الاستقبال
منجدة=🐸🐸🐸
تسابيح=ي زولة مالك بقيتي بومة م بتفهمي الحاجة الا يفسروها ليك🐦
منجدة=انتي لو بتتكلمي زي الناس كان الزول فهمك🥲(كلنا فهمناها الا انتي🐦😂)
تسابيح=اقصد رهف ومؤمن
رهف=حاسة بيكم جيبتو سيرتي🌚
منجدة=ابن الحلال عند ذكرو بيبان
رهف=يعني يسموني رهف واطلع كيوتة وحلوة وبعد د كلو تقولي لي ابن الحلال🥲
تسابيح=خلاص عشان خاطرك بقيناها بنت الحلال🐦
منجدة=خليكم من د طبعا انتي ي رهف من الليلة هتمشي معانا
رهف=ليه
تسابيح=عشان خطوبتي
رهف=المشكلة انو ابوي مسافر وانا م هقدر اخلي امي براها عشان كدة هجيكم يوم الخطوبة من الدغش🐦
تسابيح=م ف كلام زي د لو م جيتينا من الليلة م تعتبريني صحبتك
منجدة=رهف طيّبي خاطرها وتعالي
رهف=طيب انا هكلم خالتي تجي عند امي وهرتب اموري واجيكم
تسابيح=تمام
*ف البيت*
منجدة=تسابيح امك تعبانة ليها اسبوع خلينا ندخل ونتطمن عليها
تسابيح=اتطمني عليها براك انا م عاوزة
منجدة=عشان خاطري
تسابيح=طيب دقيقتين بس
*ف غرفة صبا*
تسابيح=انتي حالتك كدة ليه رافضة تمشي الدكتور
صبا=دكتوري مسافر
تسابيح=حتى ولو د م عذر المفروض تمشي تتعالجي قبل حالتك تتدهور اكتر
*منجدة وتسابيح حاولو يقنعوها بس م قدرو*
تسابيح=حنيت عليها لمن شوفت حالتها. تفتكري اللي بنعملو انا و يامن غلط؟
منجدة=اكيد غلط لان مهما هي كانت مقصرة معاكم ف النهاية هي امكم مهما حصل
تسابيح=م ف زول هيقدر يقنعها غير يامن هي هتسمع كلامو
منجدة=طيب امشي كلميه
تسابيح=ي زولة انتي امشي
منجدة=هي امك وهو اخوك انا اللي دخلني شنو
تسابيح=ضحي عشاني🌚
منجدة=انتي ملاحظة انو الايامات دي بقيت اضحي كتير🥲😂؟
تسابيح=تكبري تنسي😂
منجدة=امري لله
*عند يامن كان بيتكلم مكالمة منجدة انتظرتو لحدي م يخلص*
يامن=م كنت بتكلم مع بت م تتصنتي علي
منجدة=وانا شنو الدخلني لو بتتكلم مع بت او لأ بالاضافة لاني م كنت بتصنت عليك جيت عشان عاوزاك ف موضوع
يامن=اصلا م بتجيني الا لو عاوزاني ف موضوع اها احكي
منجدة=امك تعبانة شديد وحالتها كلما ليها بتسوء خلينا نوديها المستشفى
يامن=خلي ناسها اللي كانت بتخلينا عشان تمشي تساهر معاهم يودوها
منجدة=يامن عمو مشغول وانت لو رفضت منو هيوديها
يامن=هوديها بس بشرط
منجدة=اللي هو
يامن=تسمعي كلامي وتنفذيه بالحرف
منجدة=بتساوم ع صحة امك؟
يامن=انا اديتك كلمتي وانتي حرة
منجدة=طيب تمام بس يلا نمشي
*ف المستشفى*
عمار=حالتها اتدهورت ولة جبتوها ليه مشيت البيت و م لقيتكم والسائق قال انو جبتو صبا المستشفى
تسابيح=خفنا انو تتعب اكتر عشان كدة جبناها
يامن=الدكتور قال عاوزنا كلنا
*عند الدكتور*
الدكتور=المريضة عندها سرطان ف المعدة المستوى م قبل الاخير والمرض اتطور لان هي وقّفت العلاج لفترة
يامن=وقّفت العلاج؟يعني هي كانت عارفة انو هي عندها سرطان
تسابيح=بابا انت كنت عارف
عمار=ايوة كنت عارف وانا هحكي ليكم كل شي. امكم اكتشفنا انو عندها سرطان لمن كانت تسابيح عمرها سنتين وهي عشان لمن تموت م تزعلو عليها وتحسو بفراقها وفراغ ف حياتكم بقت تحاول تبعد عنكم وجابت ليكم سماهر عشان تربيكم وبعدين دكتورها مرتو ماتت وهو اضطر يسافر عشان كدة حالتها اتدهورت
يامن=افهم انو نحنا كنا كارهنها ف حين انو هي كانت بتضحي عشاننا
عمار=ايوة وعشان كدة انا م كنت برضى انكم تتكلمو معاها بطريقة كعبة
الممرضة=المريضة صحت لو عاوزين تشوفوها
*كلهم مشو ف غرفة صبا واعتذرو منها*
صبا=عرفتو الحقيقة؟
عمار=عاجلا ام آجلا كانو هيعرفو
صبا=انا كمان اسفة لان انا المفروض كان اقضي الباقي من عمري جنبكم واحتويكم بدل ابعدكم عني
تسابيح=اسي كمان م فات شي هنعوض كل الوقت الفات
صبا=منجدة عارفة اني عاملتك بطريقة كعبة بس لاني عارفة تربية سماهر وشوفت فيك الخير خفت تقرّبيني من اولادي عشان كدة بعّدتك عني
منجدة=لأ ولا يهمك المهم انو كل شي رجع طبيعي
يامن=كلو بسببها لان هي اللي اقنعتني اجيبك هنا لولاها م كنا هنعرف
*ف اليوم التاني ودوها البيت وعائلتهم رجعت طبيعية وحلوة*
منجدة=مالك واقف براك بتفكر ف شنو؟
يامن=دي كانت اول وجبة ف حياتي اكلها مع ناس البيت م حصل قعدت واكلت معاهم حتى كباية عصير م شربتها معاهم
منجدة=م ف داعي نتذكر الفات طالما كل الامور اتحسنت
يامن=كلو بفضلك م ف زول فينا هيقدر ينسى اللي عملتيه
منجدة=طيب كفاية لان انا م متعودة ع يامن المحترم د🐦
يامن=انا اكتر زول جنتل ومحترم😌
منجدة=واللي كان بيتكلم معاي امس كان شبحك صح
يامن=اسي زاتو طيري سوي ليكي حاجة ف وشك عشان تشبهي البنات اخير من ف الخطوبة م يعرفو منو يامن ومنو منجدة
منجدة=لا يضر السحاب نبح الكلام اصلا م بيهمني رأيك😌
يامن=لعلو الكلب د انا🐦
منجدة=سلامتك😂
*يوم الخطوبة*
تسابيح=منجدة انا ههرب
منجدة=ستين مرة بقول ليك م تتابعي الهنود ديل
تسابيح=يعني انتي م شايفة الحاصل د اسوي شنو خلاص م باقي شي ورهف لسه م سوت شي
رهف=اسوي شنو؟
منجدة=انتي جيتي متين
رهف=من بداية الحوار
*تسابيح حكت لرهف كل شي*
رهف=دقيقة يعني كلو تمثيل
تسابيح=ايوة
رهف=انا اول واحدة تنبسط بفسخ خطوبة صحبتها
منجدة=ليه
رهف=انا بحب يامن بس م كلمتكم عشان خاطر تسابيح
تسابيح=كان تتكلمي وتريحي تسابيح دي🥲😂
ايهم=اللي سمعتو صح
منجدة=سلام قول من رب رحيم وانت جيت متين
ايهم=من اول م المدام اعترفت
تسابيح=لايقين ع بعض تتجسسو ع بعض وتكتشفو خيانات بعض بعدين😂
ايهم=رهف اللي سمعتو جد
رهف=لا كذب
ايهم=ع فكرة م ظريفة
رهف=ع الاقل احسن منك
يامن=انتو لسه هتتناقرو؟كفاية مجرجرننا معاكم شهر كامل قومو امشو اخطبو وريحونا
منجدة=وانت كمان جيت متين ي جماعة انا بديت اخاف منكم🥲(منجدة دورها ف البارت د بس تسأل انت جيت متين🐦😂)
تسابيح=بس باقي مؤمن يجي ويخلعنا😂
رهف=م هيجي
تسابيح=ليه
رهف=هو كمان بيحبك بس م كان عارف انو دي كلها خطة عشان كدة قرر يسافر مع ابوي وسافرو من عشرين دقيقة
تسابيح=كيف م عارف الخطة وهو اللي جاب الفكرة يعني اسي كل شي خلاص؟
ايهم=انا م هبني حياتي ع دمار حياتك يلا تعالي كلنا هنمشي المطار احتمال طيارتهم لسه
*كلهم نزلو تحت وفجأة لقو مؤمن*
رهف=مؤمن😳
منجدة=انت م سافرت؟
مؤمن=بعد وصلت المطار قررت انو انا هوري تسابيح الحقيقة واللي يحصل يحصل
ايهم=اللي يحصل يحصل شنو ي زول دي فكرتك وطبقوها فيك
منجدة=طبقوها؟🤨
ايهم=اقصد طبقناها😅(عاوز يسحب روحو😂)
*(انتو عارفين انو م لي ف اجواء المشاعر دي😂)ايهم ورهف وتسابيح ومؤمن اتخطبو*
*امتحاناتهم بدت وانتهت وكلهم نجحو عشان كدة قررو يحتفلو*
تسابيح=انا م مصدقة انو انا نجحت والله
رهف=انا زاتي م مصدقة انتو الجوز ديل نجحتو كيف🐦
ايهم=غايتو طيارة انتو كابتنها انا م بركبها انا م بضمنكم زاتو😂
منجدة=وين يامن (الشاغل بالك🌚😂)
تسابيح=قال جاي ورانا
ايهم=دقيقة انا هتصل ليه
تسابيح=انتظر ابوي متصل. شنو. متين.وين. طيب نحنا جايين
منجدة=مالك
تسابيح=يامن عمل حادث
*كلهم مشو المستشفى ويامن طلع من العملية واتشلل من قوة الضربة*
يامن=يعني انا تاني م هعرف اتحرك؟
الدكتور=اكيد هتتحرك بس الحكاية عاوزة وقت
يامن=افهم انو حياتي ضاعت
صبا=لأ ي ولدي كلها كم يوم وهتتعافى
يامن بصراخ=اطلعو من جنبي انا م عاوز زول هنا
*الدكتور اداه حقنة مهدئ وطلع ليهم*
الدكتور=حالتو النفسية متدهورة وهتتدهور اكتر كمان لو انتو م ساعدتوه ووقفتو جنبو
ايهم=اكيد نحنا معاه
*خرّجوه من المستشفى بعد يومين وايهم سفّر اهلو وجا قعد معاهم وكلهم بقو يزوروه و ف الفترة دي منجدة بقت مسئولة منو*
صبا=وين منجدة
عمار=مشت تجيب يامن للاكل
*عند يامن*
يامن=كلمتك ستين مرة م عاوز اكل اطلعي برة
منجدة=وبرضو هتاكل
يامن=م تخليني افقد اعصابي
منجدة=انت اكتر انسان اناني عرفتو ف حياتي انت م بتفكر ف امك وحالتها و بس عايش ف اكتئاب عشان شلل ممكن يروح ف اي لحظة م اهتميت لاصحابك اللي ليهم اسبوع م فارقوك ولا لحظة حتى تمارينك م عاوز تعملها
يامن=ايوة انا اناني و م بفكر ف زول غير نفسي يلا اطلعي
منجدة=م هطلع الا وانت معاي
يامن=انا م محتاج شفقة من زول
منجدة=ومين قال اني بشفق عليك انا تعاملي معاك زي م هو
يامن=من متين وانتي بتجي تناديني للاكل ولة بتهتمي بي للدرجة دي
منجدة=دي م شفقة امك م هتقدر تعتني بيك وتسابيح بتعتني بي امك يعني منو الهيعتني بيك غيري
*يامن اقتنع انو ياكل*
عمار=واخيرا رجع يامن زي م كان
يامن=كيف زي م كان وانا ع كرسي متحرك
صبا=نحنا اهلك م بيهمنا كيف م تكون
يامن=انتو اهلي بس البقية هيفكرو شنو
منجدة=وانت ليه تفكر برأيهم وهم اصلا م فكرو يزوروك حتى
تسابيح=منجدة معاها حق اهتم باللي بيهتم فيك الباقي م مهم
*مرت الايام وعلاقة يامن ومنجدة اتحسنت*
يامن=امي انا عاوز اتكلم معاك
صبا=اكيد اتفضل بس وين منجدة
يامن=هي نايمة عشان كدة خليت فاطمة تجيبني
صبا=طيب اتكلم
يامن=كلكم ملاحظين تغير تصرفات منجدة معاي وانا اتعودت ع الوضع د اكتر من اللازم عشان كدة انا عاوز ابعد عنها
صبا=عشان اتعودت ولة ف شي تاني؟
يامن=اكيد عشان اتعودت
صبا=والمطلوب مني شنو
يامن=خلي تسابيح تهتم بي وخلي منجدة تهتم بيك
صبا=انت هترتاح كدة؟
يامن=اكيد
*ف الصباح*
منجدة=صباح الخير
يامن=وين تسابيح
منجدة=اكيد بتكون عند امك
يامن=لأ انا امس كلمت امي انو انا عاوز تسابيح هي اللي تكون معاي م انتي
منجدة=السبب شنو
يامن=انتي صح خادمة بس م خادمة شخصية عشان تقعدي تهتمي بي انا وبس
(الكلام د نزل ع منجدة زي الموية الباردة.منجدة=يعني بعد كل التعب وكل السويتو ليهو هو معتبرني بس مجرد خادمة وانو د واجب؟)منجدة=خادمة؟
يامن=ايوة خادمة انتي نسيتي نفسك ولة شنو
منجدة=اصلا هتوقع شنو من واحد زيك بيساوم ع صحة امو غير كلام زي د بس شكرا ي يامن لانك ذكرتني انا منو*وطلعت*
يامن=انا عارف اني جرحتك بس مجبور انا م بقدر اتقرب منك اكتر واخليك تتقربي من واحد مُعاق زيي وانا عارف انو احاسيسي ناحيتك قاعدة تتغير
*تسابيح كانت جاية ع غرفة يامن وسمعت حوارو مع نفسو*
منجدة=عمو ممكن نتكلم
عمار=اكيد
منجدة=انا عاوزة امشي بيتنا كم يوم لان اشتقت لامي ولبيتنا
عمار=طيب انا هرسل معاك تسابيح
منجدة=لا م ف داعي خليها هنا عشان تهتم بي يامن
عمار=هتقعدي براكِ؟
منجدة=هكلم رهف تجيني
عمار=طيب انا هوصلك
منجدة=لا هكلم السائق
عمار=متأكدة؟
منجدة=اكيد
*وسلمت عليه ومشت تسلم ع تسابيح وصبا*
تسابيح=مالك بتسلمي كأنك بتودعي فينا كلها كم يوم ووتجي
منجدة=ان شاء الله
*منجدة مشت بيتهم وبدت تلم حاجاتها لان هي كانت مخططة من هناك انها هتسافر لان هي كانت بدت تحب يامن واكتشفت انو هو م اعتبرها غير خادمة فالافضل انهم يبعدو وعشان عمار م هيسمح ليها م كلمت زول ف اخر لحظة كلمت ايهم عشان يجي يوديها المطار*
ايهم=وتسافري كيف بدون توري زول
منجدة=هيزعلو كم يوم وبعدها كل شي هيرجع لطبيعتو
ايهم=كم يوم؟نحنا اتعودنا عليك انتي بقيتي جزء من حياتنا كلنا وبالاخص يامن من مرضو وانتي م سبتيه هو م متعود يسوي شي بدونك وللحظة دي بيقعد يسأل عنك جاية متين
منجدة=يامن اللي بتتكلم عنو د عمرو م اعتبرني غير خادمة
ايهم=انا اسف
منجدة=ع شنو
ايهم=انا م قدرت عشان كدة وريتهم انك مسافرة
*وقبل منجدة تستوعب كلامو لقتهم كلهم عندها*
تسابيح=بعد العيشتيهو معانا واللي عملتيهو لينا د كلو عاوزة تخلينا وتمشي
صبا=انتي بقيتي بالنسبة لي زي تسابيح ويامن كيف افتكرتي انو ممكن نخليك تسافري
منجدة=م لقيت حل غيرو
يامن=بسببي صح
منجدة=انت م ليك دخل
يامن=انا متأكد انو كلامي هو السبب
منجدة=انت عُمرك فكرت ف كلامك قبل توجّهُو لي من يوم عرفتك وانت بتذلني بس ولا مرة اتكلمت بزعل وبراضي نفسي براي و ف النهاية بعد كل الشهور اللي عشتها معاك وكل المواقف اللي جمعتنا لسه معتبرني خادمة؟وانا اللي افتكرت انو ممكن ع الاقل مشاعرك تتغير ناحيتي من الكره وتعتبرني صديقتك
يامن=انا م اعتبرتك صديقتي انا اعتبرتك كل شي و الكلام د م ياداب من موقف المطبخ وانا قاصدك لان انتي الوحيدة اللي ووقفتي ف وشي من يوم عرفتك وانتي مميزة بكل تصرفاتك بس انا م بقدر اظلمك وعشان مشاعري اخليك تبني حياتك مع واحد مُقعَد
منجدة=واحد مُقعَد؟ انا متين حسستك بكدة ولة متين حسستك بإنك اتغيرت و م ياهو يامن تبع زمان انت بس بتفتش ع اعذار عشان تبعدني عنك
تسابيح=هو معاه حق وانا م بقول كدة عشان هو اخوي بس انا سمعتو وهو بيقول كدة وحتى انو هو اتكلم مع امي كمان عشان نتبادل الادوار بعذر انو هو اتعود عليك
يامن=صح انو انا انسان مستفز وعصبي ووممكن تلقي فيني اي صفة تكرهيها بس انا بحبك ورغم اني بقول عنك خادمة بس اعتبرتك ملكة قلبي
منجدة=مع اني م بكره فيك ولا صفة بس وانا كمان بحبك بصفاتك دي كلها
*مرت الشهور ويامن اتعافى وكلهم كانو منتظرنو انو يتعافى عشان يتزوجو واتزوجو زواج اسطوري وامهم حالتها اتحسنت بس لسه مريضة وعادت الامور لمجاريها*
*من قال اننا سنفترق؟من قال اننا ليسنا لبعضنا؟انا لك وانت لي م حُيِيت هي مسألة وقت لا اكثر🫂✨*
تمت بحمد الله