رواية مزاولة حب الفصل السابع والثلاثون37والثامن والثلاثون38بقلم دودو محمد
اشرقت شمس صباح يوم جديد بنورها الساطع فى سماء الاسكندريه لتبدء تمارا بفتح عيونها شمت ريحة يوسف اتنهدت بحب وابتسمت ورفعت راسها لفوق بصت عليه وهو نايم بحب ومشيت ايديها على خده وقعدت تبص ليه وهو نايم وفى الوقت ده يوسف فتح عينيه وبص على تمارا بحب وابتسم وقرب من طرف مناخيرها وباسها وقال
يوسف :- صباح الورد والفل والياسمين صباحيه مباركه يا عروسه
تمارا :- ابتسمت وقالت صباح النور يا قلبى
يوسف :- صاحيه من بدرى
تمارا :- من شويه صغيرين
يوسف :- وكنتى بتعملى ايه
تمارا :- كنت ببص عليك وانت نايم اصل شكلك حلو اوى وانت نايم
يوسف :- وانا نايم بس
تمارا :- لاء طبعآ انت شكلك حلو فى كل الاوقات
يوسف :- باسها فى خدها وقال انتى اللى عيونك حلوين علشان كده شيفانى حلو
تمارا :- انا لحد دلوقتى مش قادره اصدق نفسى أن انا فعلا معاك وفى حضنك حاسه ان انا بحلم
يوسف :- قرب من شفايفها وباسها وبعد وقت بعد عنها وقال دى علشان تأكد ليكى انك صاحيه مش بتحلمى
تمارا :- ابتسمت ليه بحب وقربت من خده وباسته بوسه رقيقه وقامت
يوسف :- رايحه فين
تمارا :- هاخد شاور بسرعه
يوسف :- ماشى ومسك تليفون الاوضه وطلب فطار ليهم هما الاتنين وقفل السكه وبعد وقت خرجت تمارا من الحمام وبصت على الاكل وقالت
تمارا :- كويس انك طلبت الفطار ده انا كنت هموت من الجوع
يوسف :- قام وقف وراح عندها ولف دراعه حاولين وسطها وقال انتى ما عليكى غير انك تتمنى وقبل ما تطلبى طلبك يكون اتنفذ
تمارا :- حضنته وقالت ربنا يخليك ليا يا حبيبى
يوسف :- باس راسها وقال وميحرمنيش من وجودك فى حياتى يا احلى واحده فى الدنيا دى كلها
تمارا:- ابتسمت بحب وبعدت عنه وقالت ادخل يلا خد شاور علشان نفطر
يوسف :- طيب بقولك
تمارا :- نعم
يوسف :- مد أيده على حزام البورنص وقال ما تيجى
تمارا :- مسكت أيده تمنعه يفتح حزام البورنص وقالت انا جعانه يا يوسف مش دلوقتى
يوسف :- صدقينى هنسيكى الجوع
تمارا :- لاء
يوسف :- اسمعى الكلام بس
تمارا :- بعدت عنه وقالت قولتلك لاء
يوسف :- بزعل مزيف خلاص براحتك يا تمارا ولسه هيمشى
تمارا :- طلعت تجرى اترمت فى حضنه وقربت من شفايفه وباسته
يوسف :- ابتسم بحب وعمق البوسه وشالها حطها على السرير و(سكتت شهرزاد عن الكلام الغير مباح)
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
عند انس ويارا
فتحت يارا عينينها وبصت على انس وهو نايم بحب وباست صدره العريان ومشيت ايديها على خده وقعدت تبص عليه وهو نايم وشويه وانس بدء يتحرك ويفتح عيونه لاقه يارا بتبص عليه وهو نايم ابتسم ليه وقرب من شفايفها وباسها وقال
انس :- صباح الخير
يارا :- بحب صباح النور
انس :- قرب من شفايفها وباسها برقه وقال بحبك
يارا :- وانا بحبك وبعشقك وبموت فيك وعمرى كله قليل عليك
انس :- ضمها فى حضنه وقال ربنا ميحرمنيش منك
يارا :- ولا منك يا عمرى ومسكت كف ايديه باسته وقالت انت كل حاجه حلوه فى حياتى يا انس انت حلم عمرى وفرحت ايامى انت الحب الاول والاخير انت معانى كتيررررر اوى مهما اتكلمت وقولت هبقى محتاجه سنيييين كتير اوى علشان اخلص فيك الكلام
انس :- ضمها جامد فى حضنه وقال ربنا يقدرنى واقدر اخليكى سعيده علطول يا يارا
يارا :- انا طول ما انت جمبى ببقى سعيده اوى يا انس انا مش محتاجه حاجه خالص غير أن أفضل جمبك وفى حضنك علطول
انس :- مسك وشها ما بين ايديه وقرب من شفايفها وباسها و(سكتت شهرزاد عن الكلام الغير مباح)
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
عند رحمه
خرجت رحمه من الشاليه وقفت على الشط واخدت نفس عميق وغمضت عينيها وبعد وقت فتحت عينيها لاقت قصادها بدر ابتسمت ليه وقالت
رحمه :- انت هنا من امته
بدر :- من شويه كنت بتفرج عليكى وانتى مغمضه عينيكى اصلك بتبقى حلوه اوى
رحمه :- ابتسمت بكسوف وقالت اصل كنت بفكر فيك مع صوت البحر وريحته شعور حلو اوى مش قادره اوصفه ليك
بدر :- مسك ايديها وقال بحبك اوى يا رحمه انتى احلى واجمل حاجه حصلت فى حياتى كلها
رحمه :- وانا بموت فيك يا بدر حبك ده حاجه صعب تتوصف حاجه كده شبه الاساطير القديمه انت كلك على بعضك صعب تتوصف
بدر :- ربنا يخليكى ليا ويقرب لينا البعيد
رحمه :- يارب يا حبيبى يارب بقولك ايه انا عايزه ازور قبر مامتك
بدر :- بأستغراب ليه
رحمه :- عايزه ازورها وخلاص هو لازم يكون فيه سبب يعنى
بدر :- لاء مش لازم يكون فيه سبب انا استغربت بس خلاص يا ستى اول ما نرجع القاهره هخدك عندها
رحمه :- اوك مش ناوى تأكلنى ولا ايه انا جعانه اوى ومفطرتش
بدر :- عينيا يا قلبى عايزه تاكلى ايه
رحمه :- فول وطعميه
بدر :- بصلها بأستغراب
رحمه :- ايه غريبه دى عايزه فول وطعميه
بدر :- ابتسم ليها وقال لاء مش غريبه امشى يلا
رحمه :- بصت لايده وقربت ايديها من أيده وشبكت صوابعها فى صوابعه وبصت فى عينه بحب
بدر :- ابتسم ليها وقرب ايديها عند شفايفه وباسها ومشوا الاتنين مع بعض
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
عند مالك وندى
كانوا فى الطياره وقاعدين جمب بعض وندى كانت فرحانه اوى وهى بتبص من وراه الشباك على السما وبصت لمالك وقالت
ندى :- الله يا مالك شكل السما حلو اوى من هنا
مالك :- انتى اول مره تركبى طياره
ندى :- اه مع أن خوفت اول ما بدأت تتحرك بس بعد كده فرحت اوى وانا طايره فى السما
مالك :- ربنا يقدرنى واعيشك كل اللى بتحلمى بي يا قلبى
ندى :- مسكت أيده باستها وقالت بحبك اوى يا موكه
مالك :- باس ايديها وقال وانا بعشقك يا روح موكه
ندى :- انا هموت وانام خلاص مش قادره بسببك منمتش طول الليل
مالك :- يا بت عينى فى عينك كده بسببى انا برضه
ندى :- ضربته على كتفه بكسوف وقالت اتلم بقى
مالك :- انا اللى اتلم ما علينا اتهدى بقى احنا فى الطياره احسن خدودك الحمرا دى هتخلى الواحد ينهار
ندى :- مالك هو انت ليه قليل الادب
مالك :- علشان متجوزك يا روح مالك
ندى :- ضربته على كتفه وقالت غلس
مالك :- ضحك وقرب ايديها من شفايفه وباسها وقال بعشقك يا مجنونه
ندى :- مسكت فى دراعه ونامت على كتفه وقالت وانا بحبك
مالك :- قرب من راسها وباسها وحسس على دراعها بحب وقال نامى شويه
ندى :- ماشى وغمضت عينيها وبعد وقت نامت فى حضن مالك
مالك :- بص عليها لاقها نامت باسها فى راسها بحب وحط راسه على راسها ونام هو كمان
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
بعد مرور سبع شهور
فى فيلا حسام .... فى اوضت يوسف
صحى يوسف من نومه على صوت ترجيع تمارا قام يجرى ودخل الحمام وقال بقلق
يوسف :- مالك يا قلبى
تمارا :- مش عارفه معدتى تعبانى اوى يا يوسف
يوسف :- طيب اتصل بالدكتور
تمارا :- لالالا ممكن تكون من البريود علشان عندى مغصها هى متأخره اصلا بقالها فتره علشان كده جايه بتعب شويه
يوسف :- طيب اجيب ليكى اى حاجه من الصيدليه
تمارا :- لالالا انا هشرب اى حاجه سخنه وهبقى احسن
يوسف :- طيب ارتاحى وانا هنزل اعملك اى حاجه تشربيها
تمارا :- ماشى يا قلبى ودخلت نامت على السرير
يوسف :- نزل تحت وقال ماما اعملى اى حاجه سخنه لتمارا علشان تعبانه بترجع كتير
سميحه :- ليه خير يا ابنى مالها
يوسف :- بتقول شكل البريود هتيجى ليها علشان كده تعبانه
سميحه :- بزعل برضه يا ابنى ده سابع شهر ومحصلش حمل عايزين نعرف سبب التأخير ده من ايه العيب مش منك اكيد انت متجوز قبل كده وحصل حمل يبقى فيه مشكله عندها خدها الدكتور واعرف السبب ايه
يوسف :- مش وقته الكلام ده يا ماما اعملى بسرعه ليها حاجه تشربها
سميحه :- ماشى يا ابنى ولسه هتمشى دخلت سميه وقالت
سميه :- صباح الخير
يوسف وسميحه :- صباح النور
سميه:- فيه ايه مالكم
يوسف :- تمارا تعبانه شويه
سميه :- بقلق تعبانه مالها
يوسف :- بترجع وعندها شوية مغص
سميه :- طيب من ايه
سميحه :- بتقول البريود هتيجى ليها
سميه :- هتيجى ولا جات
يوسف :- لاء لسه مجاتش بس حاسه بالمغص بتاعها وبص لامه وقال يلا يا ماما اعملى حاجه سخنه بسرعه
سميه :- لاء استنوا ممكن تكون حامل ولا حاجه
يوسف :- بأستغراب حامل ازاى دى بتقول عندها مغص
سميه :- ما هى بتحس مغص عادى وبترجع كتير هى ميعادها ايه
يوسف :- بتقول متأخره عليها
سميه :- يبقى حمل أن شاءالله روح هات ليها شريط اختبار حمل بسرعه وتعال
يوسف :- بفرحه حاضر وخرج يجرى
سميحه :- يسمع من بؤقك ربنا يا سميه وتمارا تطلع حامل
سميه :- بقلق أن شاءالله يا حبيبتى هطلع اطمن عليها
سميحه :- اطلعى يا حبيبتى اطمنى عليها
سميه :- طلعت عند اوضت بنتها وخبطت على الباب ودخلت قعدت جمبها على السرير ومسكت ايديها وقالت عامله ايه دلوقتى يا حبيبتى
تمارا :- تعبانه اوى يا ماما ومش عارفه يوسف أتأخر كده ليه
سميه :- بعته يجيب ليكى اختبار حمل
تمارا :- اختبار حمل ازاى بس يا ماما ده انا عندى مغص جامد بتاع البريود
سميه :- ما هو أول الحمل بيبقى عندك مغص كده يا حبيبتى
تمارا :- بفرحه يعنى ممكن اكون حامل
سميه :- أن شاءالله يا بنتى
تمارا :- يارب يا ماما انا نفسى يكون عندى حته من يوسف اوى
سميه :- أن شاءالله ولو لا قدر الله مطلعش حمل يبقى لسه ربنا مأردش متزعليش محدش عارف الخير فين
تمارا :- أن شاءالله يكون حمل يا ماما أن شاءالله
سميه :- أن شاءالله يا بنتى وفى الوقت ده فتح يوسف الباب وقال
يوسف :- الاختبار اهو
سميه :- ادخلى يا بنتى الحمام واعمليه مكتوب عليه من وراه ازاى تستعمليه
تمارا :- ح.ح.حاضر وقامت وقفت واخدت الاختبار من ايد يوسف وبصت عليه بقلق
يوسف :- أن شاءالله خير يا قلبى ادخلى يلا
تمارا :- ابتسمت ليه بقلق ودخلت الحمام وقفلت الباب وراها
سميه :- أن شاءالله خير يا ابنى سيبها على ربنا
يوسف :- ونعم بالله
وبعد وقت خرجت تمارا وهى زعلانه
يوسف :- لما شافها كده عرف النتيجه وراح عندها وباس راسها واخدها فى حضنه وقال مش مشكله يا قلبى أن شاءالله تتعوض مره تانيه انا مش مستعجل والله متزعليش
سميه :- ابتسمت وقالت كدابه انتى طلعتى حامل صح
تمارا :- بصت ليهم هما الاتنين وضحكت وقال طلعت حامل
يوسف :- بفرحه شالها ولف بيها وقال يا غلسه وقعتى قلبى مبروك يا قلبى مبروك يا احلى واجمل ماما فى الدنيا
تمارا :- بفرحه الله يبارك فيك يا حبيبى
سميه :- راحت حضنتها بفرحه وقالت مبروك يا بنتى ربنا يكملك على خير يارب كبرتينى خلاص وهتخلينى تيته يا بت
تمارا :- بفرحه هتبقى احلى تيته والله العظيم انا فرحانه اوى يا ماما اوى
سميه :- اقعدى بقى ريحى مفيش نزول شغل فاهمه على الأقل اول تلت شهور
يوسف :- لاء تلت شهور ايه هى هتريح التسع شهور مش هتتحرك من السرير اصلا
تمارا :- لا والله مين دى اللى تقعد على السرير تسع شهور انا مبحبش قعدت البيت انا
يوسف :- تسمعى الكلام فاهمه
سميه :- تابعى بقى مع دكتور نسا
يوسف :- أن شاءالله من بكره هشوف دكتور كويس واخدها ليه
سميه :- أن شاءالله ربنا يكملها على خير يا حبيبى هنزل بقى ابلغ امك وأبلغ ابوها وسابتهم ونزلت
يوسف :- تعالى كده ومسك ايديها نيمها على السرير وقال حسك عينك تتحركى من هنا فاهمه
تمارا :- لاء يا يوسف مش بحب قعدت البيت سيبنى انزل الشغل واوعدك مش هتعب نفسى نهائى والله
يوسف :- كلمه واحده انا قولت مش هتتحركى من على السرير يعنى مش هتتحركى اسمعى الكلام يا تمارا وبلاش عندك ده
تمارا :- يوووه بقى
يوسف :- انا عايز بناااات كتير وكلهم شبهك يا تيمو
تمارا :- لاء انا عايزاهم شبهك انت مليش دعوه خليك قاعد قصاد عينى بقى طول شهور الوحم علشان افضل ابص ليك
يوسف :- شبهى ولا شبهك المهم ان هو هيبقى حته منى ومنك
تمارا :- حضنته بفرحه وقالت بحبك اوى يا يوسف
يوسف :- باس راسها وقال وانا بعشقك يا روح يوسف ريحى بقى وانا هجهز وانزل الشغل واى حاجه عايزاها اتصلى بماما أو امك تجيبها ليكى لحد عندك فاهمه
تمارا :- حاضر
يوسف :- باس خدها وقام جهز نفسه ونزل وقال ماما خلى بالك من تمارا ومتخلهاش تتحرك كتير
سميحه :- متقلقش يا ابنى ربنا يكملها على خير يارب
يوسف :- يارب يا ماما يارب وباس ايديها وخرج وراح على الشركه
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
فى فيلا مالك
صحيت ندى من نومها وقامت قعدت وحطت ايديها على بطنها وقالت
ندى :- كرشى بقى شكله وحش اوى بقيت عامله شبه الكوره اوى
مالك :- قعد يضحك وقال مجنونه والله
ندى :- ايه ده انت صاحى
مالك :- قام قعد وقال ايوه
ندى :- هو انا لسه هقعد اربع شهور على المنظر ده انا عايزه أولد مليش دعوه
مالك :- الصبر من عندك يارب تولدى ازاى فى الخامس يا متخلفه
ندى :- شكلى بقى وحش اوى يا مالك
مالك :- اقسم بالله زى القمر بالعكس بقى وانتى حامل احلى بكتير من الاول
ندى :- بصت على بطنها ورجعت بصت لمالك وقالت بجد
مالك :- حضنها وقال وحياتك عندى
ندى :- مسكت فيه اكتر وقالت بعشقك يا موكه
مالك :- بموت فيكى يا ام العيال
ندى :- ضربته على كتفه وقالت ايه ام العيال دى يا مالك
مالك :- ضحك وقال خلاص خلاص انا بستفزك علشان عارف انها بتغيظك
ندى :- غلس
مالك :- عسل وربنا
ندى :- بصت ليه
مالك :- خير بتبصى ليا كده ليه
ندى :- ما تجيب بوسه
مالك :- بوسه حاف ولا وغمز ليها
ندى :- قربت منه ورفعت ليه التيشيرت
مالك :- ايوه بقى تبقى مش حاف وقرب من شفايفها وباسها
ندى :- زقته وقالت ابعد عنى بقى
مالك :- بصلها بصدمه وقال نعم يا اختى
ندى :- متلمسنيش فاهم
مالك :- امممم الجنان اشتغل انا احسن حاجه اقوم البس وانزل الشغل وانتى جهزى نفسك يا حبيبتى ولسه هيقوم من على السرير
ندى :- عااااا انت مش عايز تلمسنى علشان قرفان من شكلى عاااااا
مالك :- بصلها وقال احلفى انتى متأكده من الكلام ده
ندى :- اكيد هتروح تبص بره علشان بقى شكلى وحش انت هتخنى يا مالك انا بكرهك علشان انت خاين عااااااا
مالك :- يا مثبت العقل يارب بقيت خاين مره واحده ها وبعدين مفكرتيش فى موضوع الطلاق بالمره
ندى :- عااااا وكمان عايز تطلقنى علشان تروح ليها ما هى احلى منى عاااا
مالك :- اللى هى مين بقى
ندى :- معرفهاش بس اكيد عامله شبه عفريت العلبه انت كرهتنى بعد ما اخدنى لحم ورمتنى عضم اه يا واطى يا خاين
مالك :- يعنى انتى عايزه ايه بقى
ندى :- مش عايزه منك حاجه انا بكررررررهك عاااااااا
مالك :- قرب منها وباسها بوسه طويله وبعد وقت بعد عنها وقال بعشقك يا بنت المجنونه
ندى :- ابتسمت وقالت بجد يعنى مش هتسبنى وتروح ليها
مالك :- يا دين النبى يا بنت الناس انا وربنا ما اعرف حد غيرك هو اللى يتجوزك يفكر يبص لواحده تانيه انتى توبتينى عن نوع حوا كله اقسم بالله
ندى :- قامت وقفت وقالت بحبك اوى اوى يا موكه ودخلت الحمام
مالك :- انا خلاص فاضل تكه وامشى مجنون فى الشارع وقام نزل يحضر الفطار وبعد وقت خرجت ندى وفطروا مع بعض ونزلوا على الشركه
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
فى شقة انس
صحى انس من نومه بص جمبه ملاقاش يارا نايمه قام من على السرير وخرج من الاوضه ودخل المطبخ لاقه يارا واقفه فى المطبخ بتحضر الاكل حضنها من ضهرها وباس رقابتها وقال
انس :- صباح الخير
يارا :- بحب صباح النور يا قلبى
انس :- بتعملى ايه
يارا :- نفسى فى كب كيك قومت اعمله قبل ما انت تصحه
انس :- ابتسم وقال وده ليا فيه ولا علشانه هو بس ومشى أيده على بطنها
يارا :- هو علشانك وعلشانه برضه
انس :- لفها ليه ولسه هيبوسها
يارا :- حطت حته فى بؤقه وقعدت تضحك
انس :- ابتسم ليها وقرب منها تانى وباسها
يارا :- بحبك
انس :- وانا بموت فيكى
يارا :- اكلت باقى الحته من الكب كيك
انس :- قرب منها واخد حته واقعه منها جمب شفايفها وقال دى طعمها احلى بكتير
يارا :- اترمت فى حضنه ومسكت فيه جامد
انس :- باس راسها وميل عليها وشالها
يارا :- بصدمه هتعمل ايه
انس :- ابتسم ليها ومردش عليها ودخل الاوضه وقفل الباب برجله وحطها على السرير
يارا :- انس
انس :- قرب منها وحط صوابعه على شفايفها وقال ششش و(سكتت شهرزاد عن الكلام الغير مباح)
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
فى الشركه..... فى مكتب رحمه
دخل بدر المكتب عندها وقال
بدر :- خير يا رحمه بعتى ليا ليه
رحمه :- قامت عنده وقالت واحشتنى اوى الله
بدر :- يا مجنونه ده وقته
رحمه :- اه وقته واى وقت توحشنى فيه لازم اقولك علطول
بدر :- مسك ايديها وقال بعشقك يا مجنونه
رحمه :- احنا هنتجوز امته بقى عايز اتباس يا جدعان
بدر :- بكسوف يا بت اتلمى
رحمه :- الله احنا مش مكتوب كتابنا يعنى انت جوزى وانا مراتك اتكلم براحتى بقى
بدر :- اه مكتوب كتابنا بس لسه فى حكم المخطوبين
رحمه :- يا خراشى يا ناس على جوزى اللى بيتكسف ده بموت فيك وربنا
بدر :- وانا بعشقك بس انا بقول كفايه كده احسن الشيطان شاطر انا لازم امشى اشوف شغلى وسابها ولسه هيمشى
رحمه :- بدر
بدر :- بصلها وقال اممممم
رحمه :- بعتت ليه بوسه فى الهوا
بدر :- هز راسه يمين وشمال وقال مجنونه وربنا وضحك عليها وخرج وسابها
رحمه :- هيييييح امته نتجوز بقى ورجعت قعدت على الكرسى بتاعها وبدأت تشوف شغلها
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
فى مكتب يوسف
كان قاعد وهو سعيد ودخل السكرتير وقال
السكرتير :- فيه واحده بره عايزه تقابل حضرتك
يوسف :- بأستغراب واحده مقالتش ليك هى مين
السكرتير :- لاء مش راضيه
يوسف :- ماشى دخلها
السكرتير :- خرج وشويه فتح الباب ودخلها
يوسف :- قام وقف وقال بصدمه انتى
🦋مزاولة حب 🦋 38
🐝الفصل الثامن وثلاثون 🐝
دخل السكرتير المكتب عند يوسف وبلغه أن فيه واحده طالبه تشوفه ومش راضيه تقول اسمها أمره يوسف أنه يدخلها خرج السكرتير وبعد شويه فتح الباب ودخلها وقفل الباب وراه بص يوسف ليها بصدمه وقام وقف وقال
يوسف :- انتى وقام راح عندها ومسكها من دراعها وقال انتى اختفيتى فين بعد ما ولدى ردى عليا
ارين :- طيب مش تاخد بنتك منى الاول ومدت ايديها بيها
يوسف :- بص على البنت وبص لارين ومد أيده وشالها وبص عليها وهى نايمه بحب
ارين :- قعدت وقالت اوعى تكون مفكر أن انا مكنتش اعرف انك باعت ورايا ناس تراقبنى هناك انا من اول دقيقه وصلت هناك انا اخد بالى منهم وكنت سيباهم ينقلوا ليك اخبارى اول بأول ولما ولد اخد بنتى وهربت منهم من غير ما هما يحسوا ورجعت مصر ومن ساعتها وانا هنا يا يوسف مفاجئه صح
يوسف :- أتأكد بس انها بنتى واوعدك مش هخليكى تشوفيها عمرك
ارين :- ضحكت وقالت ده انت اللى بتحلم البنت من حقى انا وده القانون المصرى بتاعكم انا سألت المحامى وأكد ليا الكلام ده يعني لو فكرت تخدها منى هتروح فى ستين داهيه يا حبيبى
يوسف :- مسكها من رقابتها وقال انتى بتلعبى بالنار يا ارين
ارين :- ضحكت وقالت من حقى ما انا معايا الورقه الرابحه برضه
يوسف :- قعد على الكرسى وقال تخدى كام وتسيبى البنت ليا يا ارين
ارين :- قامت وقفت وراحت عنده وقربت منه ومشيت ايديها على صدره وقالت انا عايزاك انت
يوسف :- قام وقف وبعد عنها وقال بتحلمى يا ارين انا دلوقتى راجل متجوز وبحب مراتى وعمرى ما هبص لواحده رخيصه زيك
ارين :- هتكون ليا اوعدك
يوسف :- انا لتمارا وبس يا ارين
ارين :- قربت منه اوى ومشيت ايديها على شفايفه وقالت انت عمرك ما كنت ليها انت من زمان ليا انا وبس يا يوسف وقربت من شفايفه ولسه هتبوسه
يوسف :- زقها بعيد عنه وقال غلطانه يا ارين انتى كنتى مجرد فتره فى حياتى مجرد شهوه شيطانى ضحك عليا وحلاها فى عينيا بس رجعت لتمارا وفؤقت رجعت لحبى القديم حب الطفوله الحب اللى سكن قلب ومحدش قدر ياخد مكانها طول عمرى تمارا هى الأساس إنما انتى ولا حاجه
ارين :- غمضت عينيها بغيظ وقالت متحاولش تستفزنى يا يوسف علشان هتندم على اللى بتعمله معايا ده وقربت منه واخدت البنت
يوسف :- انا لازم اتأكد انها بنتى الاول
ارين :- وانا جاهزه اتفضل نروح نعمل التحليل بس اعمل حسابك بنتى هتفضل معايا
يوسف :- هقعدك فى شقه بتاعتى بالبنت لحد ما أتأكد من النتيجه بس حسك عينك تعملى اى حركة نداله فاهمه
ارين :- ضحكت بشر وقالت فاهمه
يوسف :- اتفضلى امشى وخرجوا الاتنين من المكتب شافهم مالك بصلهم بصدمه وقال
مالك :- ارين طيب ازاى
يوسف :- هبقى اقولك على كل حاجه لما ارجع خلى بالك من الشركه ونزل هو وارين وركبوا العربيه وراحوا على المعمل
مالك :- دخل قعد على المكتب بأستغراب وقال ايه جمع الاتنين مع بعض تانى
ندى :- مالك يا حبيبى انت اتجننت ولا ايه انت بتكلم نفسك
مالك :- هو اللى يتجوزك يا قلبى يبقى عنده عقل برضه
ندى :- اخس عليك يا موكه هزعل منك
مالك :- مقدرش على زعلك يا روح موكه تعالى اقعدى على رجلى
ندى :- راحت قعدت على رجله وقالت قولى بقى كنت بتكلم نفسك ليه
مالك :- يوسف لسه شايفه معاه ارين ومعاهم بيبى وماشين مع بعض
ندى :- بصدمه ارين وايه رجعها تانى بنت الفقريه دى
مالك :- مش عارف
ندى :- دى لو تمارا عرفت هتروح فيها
مالك :- هى مجاتش النهارده ولا ايه
ندى :- مش هتيجى خالص الفتره دى
مالك :- بأستغراب ليه كده
ندى :- علشان حامل
مالك :- بفرحه بجد ربنا يكملها على خير يارب
ندى :- يارب يا موكه يارب
مالك :- بلاش تقوليلها بقى أن انا شوفت ارين مع يوسف
ندى :- لاء طبعا وانا مجنونه علشان اقولها
مالك :- احم لا مجنونه ايه ده انتى ست العاقلين يا حبيبتى
ندى :- بتتريق عليا صح
مالك :- هو انا اقدر برضه بس فيه سؤال مجننى يا ندى
ندى :- ايه هو
مالك :- انتى تقلتى اوى كده ليه انا حاسس ان رجلى هتتكسر من تقلك
ندى :- ضربته على كتفه بزعل وقالت كده خلاص مبقتش عجباك مش انت اللى عملت فيا كده وشاورت على بطنها
مالك :- ويعنى انا عملت كده اغتصبتك مثلا يعنى مكانش بمزاجك انتى وكل شويه تقلعينى التيشيرت وتتغرغرى بيا
ندى :- تصدق بقى انك بارد ودمك تقيل ولسه هتقوم
مالك :- مسكها وقعد يضحك وقال بهزر معاكى يا مجنونه ده انتى زى العسل ريشه مش حاسس بيها
ندى :- لاء اوعى كده انا زعلانه منك
مالك :- خلاص بقى يا ندوش بهزر معاكى
ندى :- لاء اوعى كده ما انا خلاص مبقتش اعجب زى زمان تلاقي عينك شايفه واحده احلى منى روح ليها يا اخويه وانا هعيش لابنى واربيه لوحدى
مالك :- اوفر اوى الأداء بتاعك ده يا روحى
ندى :- وكمان مش عجبك طريقة كلامى اه من انت خلاص مبقتش تحبنى زى الاول
مالك :- يا مرارى يا اختى متجوز واحده تموت فى النكد كملى وصلة النكد يا روحى كملى
ندى :- على العموم روح ليها ربنا يسعدك معاها وانا ليا رب كريم يتولانى انا وابنك
مالك :- ومش عايزه تقولى انك هتسرحى الولا على إشارات المرور بالمره منك له يا بعيده منك له
ندى :- وكمان بتدعى عليا خلاص عايز تخلص منى يا مالك
مالك :- امممم وايه تانى
ندى :- اوعى كده سبنى اقوم ما هو اصل الاهتمام مبيطلبش
مالك :- الطم هو الحمل ده هرموناته هتخلص امته احسن شكلها ناويه تختم على جنانى
ندى :- دى مش هرمونات يا مالك ده احساس ومشاعر وانت جرحتنى فى مشاعرى
مالك :- طيب اجبلك مطهر تطهرى بيه الجرح
ندى :- هه خفه اوعى كده سبنى اقوم
مالك :- استعنا على الشقه بالله وقرب من شفايفها وباسها بوسه طويله وبعد وقت بعد عنها
ندى :- انت مجنون ايه اللى عملتوا ده احنا فى الشركه
مالك :- بهتم بيكى اصل الاهتمام مبيطلبش
ندى :- قعدت تضحك
مالك :- وربنا مجنونه وهتجننى امى وشدها فى حضنه
ندى :- لفت دراعها حاولين رقبة مالك وقالت بحبك اوى اوى يا موكه
مالك :- بموت فيكى يا مجننه موكه معاكى وضمها اكتر فى حضنه وبعد وقت بعد عنها وقال يلا روحى شغلك بدل ما نتقفش دلوقتى فى وضع فاضح قدام الموظفين كلها
ندى :- بعدت عن حضنه وقامت وقفت وقالت والله العظيم قليل الادب
مالك :- احب اوضحلك معلومه صغننه قد كدهون أن انا كنت قطه مغمضه وفتحت على ايديكى يا روحى فبلاش انتى تتكلمى عن قلة الأدب
ندى :- عااااا غلس وخرجت من المكتب وسابته
مالك :- قعد يضحك على منظر ندى وهى متعصبه وبدء يشوف شغله
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
فى فيلا حسام
تمارا كانت قاعده على سريرها وزهقانه مسكت تليفونها واتصلت على يارا وانتظرت الرد
يارا :- حبيبت قلبى يا تيمو عامله ايه
تمارا :- الحمدالله كويسه بس هطق من الزهق
يارا :- ليه منزلتيش الشغل النهارده
تمارا :- لاء ومش هنزل الفتره دى
يارا :- بأستغراب ليه هو انتى تعبانه ولا ايه
تمارا :- لاء اصل انا حامل
يارا :- بفرحه بجد مبروك يا قلبى والله العظيم فرحتينى كده احنا التلاته عقبال رحمه هى كمان يارب
تمارا :- يارب بقولك عامله ايه مع ابو الانانيس
يارا :- بحب الحمدالله ربنا هداه ليا وبقى حاجه تانيه خالص يا تيمو انا فرحانه اوى وانا معاه بحس أن الدنيا كلها مش سيعانى وانا فى حضنه بصى من الاخر كده انس طلع حنين اوى رومانسى اوى اوى انا كنت بحبه الاول دلوقتى بحبه اكتر بكتير بموت فيه بعشقه
تمارا :- بفرحه ربنا يسعدكم يارب
يارا :- وانتى عامله ايه مع يوسف
تمارا :- سعيده معاه اوى كنت زعلانه اوى أن محملتش لحد دلوقتى بس الحمدالله ربنا كرمنا وكمل فرحتنا بالحمل ده
يارا :- ربنا يكملك على خير يا حبيبتى ويسعدك كمان وكمان
تمارا :- مش عارفه ليه حاسه انا السعاده دى مش هتكمل للاخر يا يارا
يارا :- بإستغراب ليه بتقولى كده يا بنتى
تمارا :- مش عارفه بس انا طول عمرى لما اكون سعيده اوى تيجى حاجه تكسر فرحتى دى وانا عندى احساس بكده
يارا :- بطلى هبل يوسف بيحبك وانتى بتحبيه وان شاءالله هتفرحوا بالبيبى لما يجى سوا مع بعض
تمارا :- يارب يا يارا يسمع من بؤقك ربنا
يارا :- أن شاءالله يا حبيبتى
تمارا :- يلا اسيبك بقى تقومى تعملى الاكل لجوزك يلا باى
يارا :- باى يا روحى
تمارا :- قفلت السكه وقالت هو يوسف متصلش بيا النهارده خالص كده ليه وطلبت رقمه وانتظرت الرد
يوسف :- حبيبت قلبى واحشتينى
تمارا :- وانت اكتر بس متصلتش بيا النهارده خالص زى كل يوم
يوسف :- م.م.معلش يا حبيبتى عندى شغل كتير النهارده
تمارا:- ربنا يقويك يا حبيبى وفى الوقت ده بنت يوسف عيطت وارين قالت
ارين :- بس يا روح مامى بس
تمارا :- بصدمه هو انت فيه حد معاك
يوسف :- بس لارين بصدمه وقال ها ل.ل.لاء د.د.ده انا فى المطعم اللى قصاد الشركه بتغدا بس
تمارا :- ااااه صح ده وقت غدا بألف هنا وشفا يا روحى خلاص اسيبك تاكل براحتك ولما تخلص كلمنى
يوسف :- م.م.ماشى يا حبيبتى باى
تمارا :- قفلت السكه وحطت التليفون جمبه ونزلت راسها وغمضت عينيها ونامت
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
عند رحمه وبدر
نزلوا الاتنين المطعم وطلبوا اكل وقعدوا ينتظروا بص ليها بدر وقال
بدر :- رحمه
رحمه :- نعم يا قلبى
بدر :- انا قررت اكلم ابوكى واقدم الفرح واخليه الشهر ده
رحمه :- بفرحه بجد
بدر :- اممم انا الحمدالله ظبط حالى واقدر افتح بيت دلوقتى
رحمه :- يعنى انا وانت هنتجوز وهنبقى فى بيت واحد وهتبوس براحتك
بدر :- ضحك بكسوف وقال اه هبوس براحتى يا مجنونه
رحمه :- انا فرحانه اوى طيب قوم يلا نروح وكلمه دلوقتى قوم يلا
بدر :- يا بنتى اهدى مينفعش اسيب الشغل بليل هاجى واكلمه
رحمه :- يعنى الشغل هيحصله ايه وبعدين مش هتفرق بليل من الصبح وقامت وقفت ومسكت أيده وقعدت تشد فيه علشان يوقف
بدر :- اقعدى يا مجنونه قولتلك بليل هكلمه
رحمه :- يوووووه بقى لسه هستنى بليل
بدر :- هز راسه يمين وشمال وقال مجنونه وقعد يضحك عليها وشويه والأكل جه وقعدوا الاتنين ياكلوا وبعد وقت خلصوا ورجعوا الشركه
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
عند يوسف
عملوا التحليل واخد ارين ومعاها البنت وراح عند الشقه الخاصه بيه وفتح الباب ودخلوا فيها وقال
يوسف :- حسك عينك تتحركى من هنا فاهمه
ارين :- قربت منه وقالت وهتسبنى هنا لوحدى
يوسف :- بعد عنها وقال فكك من الو**** دى واحترمى نفسك شويه بقى انتى بقيتى ام
ارين :- قربت تانى ليه ومشيت ايديها على صدره وقالت ما انت بقيت بابا برضه ومن حقى انا
يوسف :- متحلميش كتير علشان اخرك معايا النتيجه تطلع وهتترمى بره زى الكلبه وبصلها بقرف وخرج وسابها
ارين :- داست على أسنانها بغيظ وقالت بكره نشوف يا يوسف هتيجى تبوس رجلى علشان اسامحك وفى الوقت ده البنت عيطت وقعدت ترضعها
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
فى شقة انس
يارا كانت قاعده ومشغله التليفزيون وبتتفرج على مسلسل وقطعوا المسلسل على خبر عاجل استغربت وقعدت تشوف فيه وسمعت خبر أن فيه هجوم على الكتيبة الخاصه بأنس وقفت بصدمه ودموعها نزلت منها وهزت راسها يمين وشمال ومسكت تليفونها وهى ايديها بترتعش من الخوف والقلق واتصلت على انس لاقيته مقفول تليفونها وقع من ايديها وقعدت فى الارض وصرخت وقالت
يارا :- اااااااااااانس ومسكت تليفونها واتصلت على بدر بدموع وانتظرت الرد وبعد وقت رد عليها قالت الحقنى يا بدر تعالى بسرعه ارجوك
بدر :- خير يا يارا
يارا :- بدموع انس يا بدر تليفونه مقفول وفيه هجوم عليهم
بدر :- بصدمه ايه طيب انا جاى ليكى حالا
يارا :- قفلت السكه وقعدت تجرب على تليفون انس ويديها مقفول وتعيط بخوف وبعد وقت وصل بدر ورن الجرس عليها قامت جريت وفتحت الباب واترمت فى حضن بدر وقعدت تعيط
بدر :- طبطب عليها وقال اهدى يا يارا أن شاءالله خير
يارا :- بدموع لو انس حصله حاجه انا هموت يا بدر انا مقدرش اعيش من غيره يا بدر
بدر :- أهدى بس وان شاءالله هيكون كويس انا هحاول اتصل بحد يعرف يطمنا عليه
يارا :- لالالا اتصال ايه انا هروح مكان شغله
بدر :- مينفعش يا يارا ممنوع اصلا
يارا :- ابوس ايدك يا بدر انا عايزه اروح هناك ادور عليه بنفسى
بدر :- اتنهد وقال طيب خليكى انتى وانا هروح وابقى اطمنك
يارا :- بدموع لاء انا عايزه اروح بنفسى
بدر :- يا بنتى علشان اللى فى بطنك ده
يارا :- مش مهم اهم حاجه عندى انس يا بدر
بدر :- ادخلى طيب غيرى هدومك
يارا :- دخلت لبست عبايه وقالت يلا بينا بسرعه يا بدر
وخرجوا الاتنين ونزلوا وقفوا تاكسى وراحوا عند شغل انس وطلعت تجرى يارا عند العسكرى اللى واقف وقالت
يارا :- ابوس ايدك طمنى على انس
العسكرى :- ممنوع اتكلم واتفضلى امشى من هنا ممنوع توقفى فى المنطقه دى
بدر :- معلش لو سمحت طمنها دى تبقى مراته
العسكرى :- انا اسف يا فندم بس بجد مقدرش اقول اى حاجه بس هساعدك واقول تعرفى منين
يارا :- بجد ربنا يخليك قول بسرعه
العسكرى :- مستشفى (.....) العسكرى هناك تقدرى تعرفى اذا كان من الوفيات ولا المصابين وربنا يطمنك عليه يارب
بدر :- احنا متشكرين جدآ ليك
العسكرى :- العفو كلنا اهلنا معرضين لموقفكم ده بس متنساش تاخد معاك قسيمة الجواز علشان يتأكدوا أنها المدام علشان يرضوا يقولوا ليكم اى معلومات
يارا :- بجد مش عارفه اقولك ايه متشكرين بجد وبصت لبدر وقالت بسرعه يا بدر ووقفوا تاكسى وراحوا المستشفى ودخلت يارا تجرى على الاستقبال وسألت على انس ومحدش فيهم رضى يقول ليها اى معلومه لحد ما أتأكدوا انها مراته
بدر :- ياريت تقدروا حاله مراته هتتجنن عليه وهى حامل طمنوا قلبها ارجوكم
الاستقبال :- الاسم لو سمحت
يارا :- بدموع قالت ليهم اسمه بالكامل
الاستقبال :- بحث على اسمه ووقف فاجئه وبص ليها وقال ...........
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
فى فيلا حسام
دخل يوسف وقعد جمب أمه على الكنبه وحط راسه على كتفها واتنهد بتعب وقال
يوسف :- تمارا عامله ايه يا ماما
سميحه :- كويسه يا حبيبى متحركتش من على السرير وانا اكلتها وامها كانت قاعده معاها ولسه نازله من عندها من شويه
يوسف :- طيب الحمدالله
سميحه :- مالك يا حبيبى شكلك مهموم عكس الصبح كنت فرحان بخبر حمل مراتك
يوسف :- بص لفوق ورجع بص لامه وقال ارين رجعت تانى يا امى
سميحه :- رجعت تانى وايه رجعها العقربه دى
يوسف :- ولدت وجايبه ليا بنتى
سميحه :- بفرحه بنتك طيب فين هى مشتاقه اشوف حفيدى
يوسف :- يا ماما انا لسه متأكدش انها بنتى ولا لاء بس عندى احساس انها بنتى فعلا شبهى خلاص يا امى
سميحه :- ومجبتهاش ليه بس يا يوسف
يوسف :- مينفعش علشان مكسرش فرحة تمارا بالحمل وبعدين أتأكد الاول وبعد كده ابقى امهد الموضوع لتمارا واجبها ليها واحده واحده
سميحه :- طيب وهما قاعدين فين
يوسف :- فى الشقه بتاعتى اللى كان بابا جايبها ليا علشان لو حبيت اتجوز بره الفيلا
سميحه :- ربنا يستر بس ومراتك متعرفش بقاعد ارين فى الشقه وتزعل
يوسف :- يارب انا خايف اوى من الموضوع ده انا ما صدقت الأمور استقرت ما بينا ونسينا كل اللى فات
سميحه :- ربنا يريح قلبك ويسعدك يا ابنى
يوسف :- باس راسها وقام وقف وقال انا طالع اوضى وطلع الاوضه ودخل وقفل الباب وراه لاقه تمارا نايمه قعد جمبها على السرير ومشى أيده على شعرها وباس خدها ومشى أيده براحه على خدها
تمارا :- فتحت عينيها وابتسمت ليه بحب وقالت واحشتنى
يوسف :- ابتسم ليها وقال وانا كنت هموت عليكى ومسك ايديها وباسها وقال عامله ايه دلوقتى
تمارا :- قامت قعدت وقالت الحمدالله احسن من الصبح وحطت ايديها على خده وقالت مالك يا حبيبى فيها حاجه مزعلاك ولا ايه
يوسف :- مسك ايديها وباسها وقال لاء يا قلبى شويه ارهاق بس من ضغط الشغل
تمارا :- ادخل طيب خد شاور علشان تفوق شويه وجسمك يرتاح وانا هنزل احضرك الاكل
يوسف :- لاء متنزليش انا هاخد شاور وانزل اجيب الاكل وناكل مع بعض ماشى وقرب من راسها وباسها ودخل الحمام
تمارا :- بصت عليه بأستغراب وقامت من على السرير اخدت جاكت يوسف علشان تعلقه ولسه هتعلقه ورقه وقعت من الجيب نزلت اخدتها من الأرض وحطتها فى جيبه تانى وعلقت الجاكت وقالت دى ورقة ايه دى ومدت ايديها فى الجيب واخدتها ولسه هتفتحها خرج يوسف من الحمام وشاف الورقه اللى هيستلم بيها التحليل طلع يجرى وحضنها من ضهرها وقال
يوسف :- ايه قومك من على السرير بس
تمارا :- بصت ليه بحب وقالت قولت اعلقك الجاكت بتاعك والورقه دى وقعت من الجيب لسه كنت هشوفها بتاعة ايه
يوسف :- اخدها من ايديها وقال د د.دى ورقه تبع الشغل نسيت وحطتها فى الجيب ورجعها تانى فى جيبه وقال بكره ارجعها المكتب تانى وقفل الدولاب ومسك ايديها وقال تعالى نامى هنا ومتتحركيش من على السرير فاهمه
تمارا :- ابتسمت ليه بحب وقالت حاضر
يوسف :- مسك تليفونه وطلب من امه الاكل وقعد جمب تمارا على السرير واخدها فى حضنه وقال عارفه النهارده الشركه كانت وحشه اوى علشان مكنتيش فيها
تمارا :- ما انت مش راضى تخلينى انزل الشغل ومش هتعب نفسى والله
يوسف :- قولتلك لاء يا تمارا
تمارا :- يوووه بقى ماشى
يوسف :- شاطره بحبك لما تسمعى الكلام
تمارا :- يوسف هو انت معرفتش حاجه عن ابنك لسه
يوسف :- بتوتر ها ل.ل.لاء لسه مش عارفين راحت فين
تمارا :- هتكون راحت فين بس إن شاءالله توصل ليها وتاخد ابنك منها
يوسف :- ا.ا.ان شاءالله وباس راسها وسرح فى أيامه الجايه وازاى هيقول لتمارا أن ارين رجعت مصر ومعاها بنته
تمارا :- يوسف يا يوسف
يوسف :- ها ا.ا.ايوه يا تمارا
تمارا :- الباب بيخبط وعماله انادى عليك مش بترد عليا
يوسف :- قام وقف وقال م.م.معلش يا حبيبتى مأخدش بالى وفتح الباب واخد من أمه الاكل وقفل الباب وحط الاكل على السرير وقال يلا يا حبيبتى وقعد ياكل
تمارا :- بصت ليه بأستغراب وقالت مش عارفه ليه حاسه انك فيه حاجه مش عايز تقولها ليا
يوسف :- م.م.مفيش حاجه يا قلبى بس بفكر فى الشغل شويه
تمارا :- يمكن ،وقعدت تاكل ويوسف كمل اكله
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
فى فيلا مالك
دخلت ندى هى ومالك على اوضتها وقعدت على السرير وحطت ايديها على قلبها وقالت
ندى :- مش عارفه ليه قلبى مقبوض اوى يا مالك خايفه اوى لتحصل حاجه
مالك :- شدها فى حضنه وقال مفيش حاجه يا حبيبتى تلاقى بس هرمونات الحمل اللى عامله معاكى كده
ندى :- لاء يا مالك مش هرمونات بس فعلا قلبى مقبوض جامد وحاسه أن فيه حاجه هتحصل انا خايفه اوى على ماما انا هتصل اطمن عليها
مالك :- براحتك يا حبيبتى انا هدخل الحمام وباس راسها وسابها
ندى :- مسكت تليفونها واتصلت على امها وانتظرت الرد
ام انس :- ازيك يا بنتى عامله ايه
ندى :- انا كويسه يا ماما انتى اللى عامله ايه كويسه
ام انس :- الحمدالله يا بنتى انا بخير طول ما انتى واخوكى بخير
ندى :- ربنا يديكى الصحه ويخليكى لينا يارب
ام انس :- ويقومك بالسلامه يا بنتى
ندى :- مش محتاجه اى حاجه يا ماما
ام انس :- سلامتك يا بنتى الحمدالله مستوره
ندى :- يارب دايمآ يا حبيبتى يلا سلام وقفلت مع امها وقالت الحمدالله أن ماما كويسه بس اللى انا حاسه بي ده سبب ايه احسن حاجه اصلى ركعتين وانا هرتاح شويه
مالك :- خرج من الحمام وقال اطمنتى على امك
ندى :- اه الحمدالله كويسه بس برضه قلبى لسه مقبوض انا هدخل اتوضى واصلى ركعتين
مالك :- باس راسها وقال جدعه يا حبيبتى ادخلى يلا
ندى :- دخلت الحمام
مالك :- تليفونه رن اخده ورد عليه وقال ايوه يا بدر وسكت شويه وقال بصدمه ايه حصل امته ده احنا جاين حالا وقفل السكه ولاقه ندى واقفه وراه بصت ليه بقلق وقالت
ندى :- خير يا مالك
مالك :- انس
ندى :- بدموع ماله
مالك :- انس.............