رواية ضحايا ورث الديب
الفصل السادس6
بقلم حور طه
ايشان ::ايه اللي جابك هنا مش
كفايه البيت اللي حرقته
ديب بيدخل الشقه:: ايه يا ابن عمي
مش تقول لي اتفضل هي دي
المقابله انا بقول عليك كريم
ايشان::لو كنت فاكر ان انا عديت لك
حريق الشقه علشان انا خايف منك
تبقى غلطان انا بس اعمل خاطر للدم اللي بينا
ديب:: انا عايزك تفكك من حوار الدم
اللي بينا ده عشان خلاص شربته
ايشان ::يا ريت تقول انت جاي
عايز ايه من غير لف ودوره
ديب يقعد ويحط رجل على رجل ::
حقي اللي انتم اخذتوه يرجع لي
ايشان بتعجب ::مش فاهم حقي ايه اللي بتتكلم عنه
ديب يقف في وشه ::حقي اللي انتم
عايزين تنهبوه تعبي وشقايه السنين
اللي فاتت وجاي دلوقتي راجل عجوز
خرف عايز يشيلكم الجمل بما حمل
ايشان:: انا ما اعرفش انت بتتكلم
عن ايه ده اولا ثانيا الراجل اللي
انت بتغلط فيه ده يبقى ابوك حاول تحترمه شويه
ديب يبص له ويقول في داخله ::
يعني العجوز ده لسه ما قالهمش
ان هو رجع لهم حقهم في الورث
ايشان بتنبيه:: تحب تشرب حاجه ولا
تمشي خفيف يا ابن عمي
ديب بتوعد:: هنقعد وهنشرب بس مش دلوقتي
ايشان:: نورت بيتنا المتواضع يا ديب بيه
ديب بيمشي وايشان يقفل الباب ::
استغفر الله العظيم يا رب؟؟ ربنا يهديك
مروان ::ده كان عايز ايه ده مش كفايه
ما بلغناش عنه ان هو اللي حرق لنا الشقه
ايشان:: احنا ما بلغناش عنه علشان
خاطر عمك انا جهزت العشا يلا عشان نتعشى مع بعض
مروان ::لا انا نازل بالف هنا انت
ايشان ::انت لسه راجع من بره
ما بقالكش ساعه نازل رايح فين تاني
مروان بضيق ::في ايه يا ايشان هو انا طفل
صغير ولا ايه قلت لك خارج مع اصحابي
ايشان ::اه قولتلي اصحابك؟ اصحابك دول
اللي علموك تشرب سجاير وتسكر
وتسهر معاهم للفجر ونعم الصحبه اللي تشرف
مروان::قلت لك هي كانت مره اللي
شربت فيها وما شربتش تاني
ايشان بتريقه::والكلام ده بقى
بالنسبه للخمره ولا للسجاير
مروان بضيق::الاثنين يا ايشان سلام
ايشان يمسكوه بهدوء::مروان انا مش
بضغط عليك بس انا عايزك تاخد
بالك من نفسك ومن مستقبلك
مروان:: ما تقلقش عليا انا واخد بالي من نفسي كويس
ايشان بتفحص:: مروان انت بتشرب مخدرات
مروان ::مخدرات ايه اللي انت
بتقول عليها دي لا طبعا
مش انا اللي يضيع نفسه في دوامه الادمان
ايشان :: اتمنى ان كلامك يبقي صح
وعايزك لو في اي حاجه
حصلت معاك تيجي وتحكي لي
انا اخوك الكبير ما حدش هيخاف عليك قدي
مروان ::قلت لك انا ما بعملش
حاجه غلط ما لوش لازمه بقى الكلام ده
انا كمان كبرت ما بقتش الطفل الصغير
ايشان الابتسامه :: علشان انت ما بقتش
طفل صغير بقول لك خلي بالك من نفسك
مروان ::حاضر سلام
اريام تقابله على الباب بابتسامه ::عامل ايه يا مروان
مروان:: الحمد لله بخير يلا هسيبكم بقى
تخلصوا انتم شغلكم عشان انا مستعجل
ايشان:: ما تتاخرش
اريام:: بلاش تضايق على الولد
بالشكل ده لا يطفش منك
ايشان ::سيبك من الكلام ده انا كتبت
المرافعه ان شاء الله نكسب القضيه
اريام::ان شاء الله ؟انا عن نفسي ما فيش قضيه خسرتها
ايشان يرفع ايديا بالدعاء::
يا رب ادينا ربع تواضعها
اريام بضحك ::طيب امسك بقى قبل ما انسى
ايشان ياخذ منها الطبق بتعجب::
ده في ايه الطبق ده
اريام ::ده بقى طبق مهلبيه
من ايدين البت عيشه بس جامد
قلت اجيب لك طبقين انت ومروان
ايشان بابتسامه :: ماشي يا ستي ميرسي
اريام:: لا انا ما عنديش حاجه
ببلاش انا عرفت ان مصنع
الرفاعي يبقى بتاع عمك
ايشان وهو يضع الاطباق:: اه يا ستي
يبقى عمي ايه نويت تسيبي
المحاماه وتروحي تشتغلي هناك
اريام بتلقائيه :لا انا ما بشتغلش
مع عالم بتاكل حقوق الناس وتنهبهم
ايشان يرفع حاجبه:: طيب خفي لسانك
شويه بقول لك عمي ؟؟ احكي لي ايه الموضوع
اريام ::مش قصدي طبعا
بس مدير المصنع اللي اسمه ديب الرفاعي
ده في حالات غريبه بتحصل عنده
في المصنع ده واخرها العامل
اللي مات وانا رافعه القضيه عليهم
علشان يدوا لمراته واولاده حقهم
بس للاسف القضيه اتسحبت مني
ايشان:: قصدك يعني ان هو
مات باصابه عمل في المصنع
اريام:: ده موضوع يطول شرحه
اللي انا عايزاه منك انك تكلمني
شويه عن ديب الرفاعي ده لان
بجد اللي سمعته عنه ما يطمنش
استغربت اكثر لما عرفت انه ابن عمك
ايشان:: تمام يا ستي نعمل كوبايتين
شاي واحكي لك على اللي انت عايزاه
_________🖤🥀🖤🥀وبعد مرور 3ايام _____🖤🥀
كانوا مرقدينها على سرير
ورابطين ايديها ورجليها دخل عندها
كانت نايمه قاعده على طرف السرير
يتامل وشها ويماشيه ايده على شعرها
لحد ما تفتح عينيها بخضه::
انت بتعمل ايه حرام عليك سيبني بقى
ديب يبص لها ويتفحص ملامحها::
ليه واحده جميله زيك تتجوز المتر رامي
صفا::لانه انضف واشرف منك مليون مره وانا بحبه
ديب بضحكه::ما ليش انا في قصص الحب دي
اللي انا عايزه بخده وبس
صفا تبزق على وشه ::انت واحد خسيس وواطي
ديب يمسحه وشه ويحت لزقه على بقها::
طيب احب اقول لك ان الواطي اشتهاكي
صفا بانفعال تهز في رجليها وايديها
ولكن لا تعرف تفك نفسها اقترب منها
وقام بالاعتداء عليها
وبعد مرور وقت خرج من عندها وقابله نوح ::
بالف هنا البونبونايه اللي جوا يا باشا
ديب كان يضبط ملابسه::رامي جاب الملف
نوح:: جاب لنا نسخه منه وزي ما توقعنا
الباشا الكبير كاتب كل حاجه باسم ايشان ومروان
ديب بغضب::و رحمه امي اللي عمله ده
ما هيعدي وانا هعرفهم ازاي يجوا على
حق ديب واولهم اللي كبروا وخرف ده
نوح:: انا كنت متاكد من الاول
ان الباشا كاتب لهم كل حاجه بس انا حبيت اؤكد لك
ديب ::عايزك تنفذ اللي قلت لك
عليه بالحرف الواحد فاهمني
نوح ::وانا بدات التنفيذ ويومين وهسمعك اخبار حلوه
ديب:: تخش تخلص على اللي جوه دي
وتبعتها لجوزها في اقرب صندوق زباله
نوح::تحت امرك بس هنعمل ايه مع
رامي مش هيسكت لما يعرف ان مراته اتقتلت
ديب ::هيقفل بقه مش هيفتحه هيخاف على بنته
نوح:: امرك يا باشا ولو عمل لنا قلق نتصرف معاه
__________🖤🥀🖤🥀بقلمي حور طه🖋____🖤🥀
رامي بانهيار::: انت بتقول ايه دي
مستحيل تكون صفا مستحيل
الضابط ::انا عارف ان الموضوع
صعب عليك بس حاول تتعرف على الجثه
رامي يتقدم رجل ويرجع بالاخره
لحد ما يقترب منها ويسحب الغطاء
من عليها ببطء واول ما يشوفها
بالمنظر ده يلف وشه عنها ويرجع
يحضنها:::اهاااااااااااااااااا؟؟ انا السبب؟؟؟
انا السبب ؟؟؟؟ما قدرتش احميكي
الضابط يحاول يقومه:: اهدى يا استاذ
رامي اتفضل معايا بره
رامي كان حضنها ومش عايز يسيبها ::
سبتينا ليه يا صفا هقول لبنتنا ايه
هقول لها ايه لما تسال عليك بس
هاخد حقك هاخد حقك من اللي عمل فيك كده
الضابط ::هتاخد حقك من مين يا
استاذ رامي لو تعرف حاجه احكي لنا دي جريمه قتل
رامي يمسح دموعه:: انتوا اللي هتجيبوا لي
حقي للي عمل فيها كده ده شغلكم
الضابط بتفهم وجعه ::اكيد طبعا واحنا
هنشوف شغلنا وهنعرف مين اللي عمل
فيها كده بس انت لو عندك اي
معلومه يا ريت تبلغني بيها
رامي:: انا ما عنديش حاجه اقولها يا
ريت تعرفوا تجيبوا اللي عمل فيها كده
ينهي كلامه مع الظابط ويسيبه
ويمشي وهو في حاله من الانهيار
يركب عربيته ويتجه الي ديب
فهو يعرف حق المعرفه انه من فعل بها هذا؟؟