رواية لأنها توسل
الفصل العشرون 20
بقلم سوسو تويكس
* ركبي ساحو عديل لمن باب بيتنا فتح غيث ده ما عارف انو ابوي ما قبلان بالزواج، دوختا عديل وقت شفتا ابوي ظهر وسلم على غيث بالاحضان وكان مبسوط وكذلك غيث ابوي قال ليهو:مالكم اتاخرتو كده،، غيث:دي بتك الكسلانه دي اخرتنا من قبيل نايمه😂،، ابوي عاين لي ومن غير مقدمات دخلني حضنو اخخ الأمان بحد زاتو❤️ وانا من صدمة الفرحه بكيت عديل وهو شغال لي:خلاص ما تبكي الفات كلو سوء تفاهم اعفي لي يا بتي،،، بس بقيت ابكي زياده جات امي قلعتني من حضنو وهي بتقش دموعها بي توبها وحضنتني وبتقول ببكا وعتاب: خلاص نسيتينا غير بالتلفونات ما بنلقاك،،، بعد ربع ساعه من دموع الفرح والشوق بقيت واقفه في نصهم زي الأطرش في الزفه، مشيت مع امي المطبخ نخد الغدا وسامعين صوت ضحكات ابوي وغيث ، سالت امي قالت لي:غيشانا قبل اسبوع وقت سالنا عنك قال انتي في البيت وما عارفه انو جانا وبجيبك يوم تتغدو معانا،، ختينا الغدا وانا بفكر غيث اقنع ابوي كيف لانو ابوي ممن النوع البغير رايو، ما حسينا بالوقت من الونسه وطلعنا منهم بعد تعب ابوي قال الا نبيت بس غيث رفض... والخ، ركبنا العربيه وانا حاسه بكمية راحه كبيرة واخيرا مشكلةابوي الكان شاغل بالي اصالحو كيف اتحلت والسبب برجع لي غيث شردتا فيهو وهو سايق بي هدوء كيف عانيت معاهو الفترة الفاتت وكيف عوضني معاناتي بحاجات مذهلة ابتسم لي والحفر ديلك ظهرو🤤 وهو بقول:عارف نفسي قرضه بس اذا فضلتي تعايني لي كده بعمل حاجات عيب في الشارع🙂،،بقى تافه خلاص سكت مسافه وقلتا:غيث،، غيث:عيونو من جوا،، اتلبكت قلتا ليكم فاقده حنان ما متعوده ع الحاجات دي🙂،، توسل:شكرا انا بالجد ما عارفه اقول شنو بالجد شكرا ليك،، قالي بجديه فيها زعل:لو شكرتيني تاني بحصل شي ما طيب،،، وصلنا الجناح ودخلتا استحميت غيرتا بعد دخل استحم شال مخده ولحاف عايز يرقد في الاريكه، قلتا ليهو بتردد:ل.لو عايز.. ممكن ترقد في ال.. سرير،،، غيث:واخيرا حنيتي علي يا سجمانه ضهري لمن انوعج😂،، توسل:انا سجمانه طيب ما ترقد معاي 😒،، قال وهو رقد في السرير:ماف شي بحلك مني تاني 🙂،،، ما كان جايينا نوم فجريناها ونسه لي الساعه ٢ص،، غيث:خلاص يا معاطه الساعه ٢ نومي بعده،، اصلا كنت نعسانه رقدتا ومن غير مقدمات جراني ع حضنو وهو محاوطني شكلو نام، وابقى كلبه لو قلت ليكم ما وقعت بحبو ♥️