رواية جوازة ميراث الفصل الثالث عشر13والرابع عشر14بقلم رانيا عماره
••بعد ما داليدا بصيت من العين السحريه..لقيته الولد اللي شافته في أول حلقه!..زادت نبضات قلبها وخافت!••
فريده:مين ياداليدا؟
داليدا(بخوف) :الولد ده وراه حاجه مريبه!..انا نفسي افهم عرف مكاني منين؟
فريده:ولد مين؟
داليدا:تعالي بصي وانتي تشوفي
••راحت فريده تبص ولكن ملقتش حاجه!••
فريده:مفيش حد!
داليدا:ازاي؟..وسعي كده!
••وراحت داليدا تبص لتاني مره ولكن ملقتش حد..خدت نفس عميق..وكملت كلام مع رشاد••
داليدا:معلش لو عطلتك..كان في حد بيرن الجرس
رشاد:ياريت متفتحيش لحد ياداليدا خصوصاً في الوقت ده
داليدا:اكيد..هو مين يدي الأمان بعد اللي بيحصل؟
رشاد:خدي بالك من نفسك انتي واختك
داليدا:اكيد وانت كمان
رشاد:ماشي اشوفك بكرا...تصبحي على خير
داليدا:وانت من اهله
••قفلت داليدا مع رشاد..وكملت في المطبخ••
<تـانـي يـوم>
••صحى سامي من النوم..وخد أبوه وراحوا يدوروا على داليدا في المنطقه اللي شافها فيها••
سامي:بقولك يااستاذ متعرفش واحده هنا اسمها داليدا طاهر؟
_لا معرفش
••راح سامي مطلع الموبايل ووراله الصوره••
سامي:طب مشوفتش البنتين دول؟
_لا مشوفتهمش
ماهر:طيب يااستاذ متشكرين
_العفو
••ومشوا..والراجل مشى••
ماهر:طب وبعدين يا سامي..هنفضل نلف كده كتير؟
سامي:اصبر بس..ولا انت وراك حاجه؟
ماهر:اه ورايا شغل
سامي:خلاص ارجع انت..وانا هكمل
ماهر:لا رجلي على رجلك
سامي:يبقى متتكلمش..وتقعد تقولي وراك شغل وكلام من ده
ماهر:إحترم نفسك متخلنيش اقلب عليك..يعني انا سايب شغلي وجاي معاك وفي الآخر تتكلم كده؟
سامي:خلااص..خلينا نخلص من المشوار ده
••وقابلهم واحد فا سألوه••
سامي:بقولك يااستاذ..متعرفش البنتين دول ساكنين فين؟
<عـنـد لـمـيس>
••رجليها اتشلت من الرصاصه!..وكانت مغم عليها لحد ما ضياء جه ووراه 5 بودي جاردات••
ضياء(بشماته) :شوفتي اللي بيجي عليا بيحصله ايه؟..بيموت بالحياه..بقى تغفليني وتطلعي بتكلمي عليا تلاته مره واحده؟..ده انتي غلبتي الرجاله..مش يمكن كان نفسك تطلعي راجل وجو الستات ده مش جاي معاكي سكه؟..اصل اللي زيك عايزه تؤمر وتتأمر ولا كأنها راجل البيت!..وفوق ده كله خاينه وزباااله!
شادي:نشيلها يا ضياء بيه؟
ضياء(ببرود) :اه شيلوها..عايزكم تودوها أحسن المستشفيات اللي تليق بمقامها..يلا شيلوها من هنا
شادي:اوامر حضرتك ياضياء بيه
••وشالوها..واتنين منهم ودوها المستشفى..وللصدفه العجيبه..كان في نفس المستشفى اللي فيها مصطفى..وهناك كانت داليدا بتزور مصطفى في وجود رشاد وأهله••
عائشه:يااهلاً وسهلاً ياحبيبتي اتفضلي
••قربت منها داليدا وحضنتها، وسلمت على والد رشاد••
داليدا:متشكره ياطنط.. الف مليون سلامه على أستاذ مصطفى يااونكل
والد رشاد:الله يسلمك يااستاذه داليدا
داليدا:ان شاء الله تقوم لـ أسرتك بألف سلامه
مصطفى:ان شاء الله
عائشه:اتفضلي ياحبيبتي اقعدي
داليدا:شكراً
••وقعدت داليدا جنب عائشه••
عائشه:كلفتي نفسك ليه ياحبيبتي؟
داليدا:لا ياطنط دي ولا أي حاجه.. دي حاجه بسيطه
رشاد:نورتي الدنيا ياداليدا
داليدا:بنوركم
عائشه:اخبارك ايه انتي واختك؟
داليدا:الحمدلله بخير
عائشه:الحمدلله
مصطفى(بتعب) :انا عايز امشي من هنا!
رشاد:تمشي ايه؟..انت لسه جاي امبارح!
عائشه:تمشي ليه ياحبيبي؟
مصطفى:مبحبش قعدة المستشفيات!
والد رشاد:يومين وهترجع البيت ان شاء الله
رشاد:قوملنا بألف سلامه بس وهترجع وسطنا من تاني
مصطفى(بحزن) :يارب
<عـنـد مـايـا>
••كانت قاعده مع صاحبتها لقيت شادي جاي••
صاحبتها:مانا محبتش اضغط عليكي اكتر من كده
مايا:خلاص اللي حصل حصل
صاحبتها:مش ده شادي؟
مايا:ايوه هو
شادي:ازيكم عاملين ايه؟
مايا وصاحبتها: الحمدلله
••راح شادي قاعد قصادهم..وصاحبتها قامت••
صاحبتها:طيب هبقى أكلمك بعدين
مايا:اوكي
صاحبتها:باي يا مايا...باي ياشادي
مايا:باي
••وبعد ما صاحبتها مشيت..كان باين على شادي انه مدايق••
مايا(مستغربه) :مالك في حاجه؟
شادي(بتنهيده) :لا مفيش
مايا:لا مفيش ازاي؟...ده باين جداً!..ممكن تتكلم؟
شادي(بتردد) :انا بصراحه متردد شويه...مش عارف
مايا:لا اتكلم..في حاجه صح؟
شادي:الراجل اللي انا شغال معاه..حاسه مش تمام وممكن يقلب عليا في أي وقت
••وأول ما مايا سمعت الكلام ده قلبها كان بيرقص من الفرحه انها اخيراً هتوصل للمعلومات المطلوبه!..عملت نفسها ماسكه الموبايل عادي وفتحت التسجيل••
مايا(مستغربه) :راجل ايه؟..انت مش قولت انك شغال مع باباك؟
شادي:انا شغال معاه فعلاً بس لما برجع أجازه..لكن شغلي الاساسي مش معاه..انا شغال مع حد تاني
مايا:طب وليه مقولتش؟
شادي:بصراحه خوفت اتكلم...وساعتها الكلام يوصله وأروح في داهيه
مايا:بس انت كده كدبت عليا!
شادي:لا مكدبتش!..في فرق بين إني مقولش وإني أكدب!
مايا:اهاا..طب وانت ليه حاسس انه مش كويس؟
شادي(بتردد) :علشان...
مايا:علشان ايه؟
شادي:ضرب مراته بالنار وعجزها..إذا كان عمل كده مع أقرب الناس له..يبقى مش ممكن يقلب عليا في يوم من الايام؟
مايا:وهو ليه ضرب مراته بالنار اصلاً؟
شادي:بتخونه مع ٣..منهم واحد صاحبه
مايا:اهاا..طيب ايه اللي مانعك تسيب الشغل؟
شادي:المرتب..اصل هو بيديني مرتب كبير..مستحيل آخد المرتب ده في مكان تاني
مايا:هو الراجل ده شغال ايه اصلاً؟
شادي:وانتي بتسألي ليه؟
مايا:عادي مجرد سؤال..لو مش عايز تقول متقولش!
شادي:انتي من رأيك اكمل ولا امشي؟
مايا:كمل طبعاً مادام بتاخد مرتب حلو!
شادي:انا بفكر في كده برضه..اصل لو سيبته..مش هعرف اصرف على أهلي..ولا اجيب مصاريف الكليه
مايا:خليك كويس معاه وهو مش هيعملك اي حاجه.. بسيطه يعني!
شادي:صح
مايا(بإبتسامه) :Trust good
••بصلها شادي وابتسم ابتسامه خفيفه••
<عـنـد سـامـي>
••لف كتير جداً هو وماهر...وسألوا في كل حته..لحد ما قابلوا عماره وسألوا البواب اللي فيها••
سامي:بقولك ياعم الحاج..متعرفش واحده هنا اسمها داليدا طاهر؟
البواب:لا معرفش..انتوا عايزينها في ايه؟
ماهر:عايزينها في كل خير
••راح سامي مطلع الموبايل ووراه صورتها هى وأختها••
سامي:طب وكده؟
البواب:ااه انت قصدك على دي؟..دي لسه جايه من اسبوع هى وأختها
سامي(فرحان) :طب هى فين؟؟
ماهر:داليدا في انهي دور؟
البواب:في الدور التالت..انتوا تبقولها ايه؟
ماهر:انا عمها..وده ابني..ويبقى جوزها..اصلهم كانوا متشاكلين وسابت البيت وغضبت..وابني جاي يرجعها
البواب:ليه كده طيب؟...دي باين عليها بنت حلال
ماهر:طبعاً مانا بقولك دي بنت اخويا..وتربيتي..دي بنت جدعه..انا ابني مش طايق البيت من غيرها..وجاي يصالحها
البواب:ربنا مايجيب مشاكل
ماهر:يارب
سامي:هى موجوده دلوقتي؟
البواب:لا مشيت من ساعه ولا أكتر
سامي:طب متعرفش هترجع امتى؟
البواب:لا العلم علم الله
ماهر:تشكر ياعم الحاج
البواب:اتفضلوا اشربوا شاي
ماهر:لا شكراً شاربين في البيت
••وخد سامي ومشوا..وكان سامي فرحان انه لقاها••
سامي:الحمدلله..اصل احنا نيتنا سالكه..فا تلاقيها متيسره
ماهر:بص بقى ياسامي
سامي:اتفضل
ماهر:داليدا عشان ترجع.. مش هترجع لا بالزعيق ولا الضرب ولا الحركات التعبانه دي..داليدا دماغها ناشفه وبتيجي بالعكس..كل بعقلها حلاوه
سامي:يعني ايه؟
ماهر:يعني ادخلها بجو الصعبانيات...انا بحبك انا مليش غيرك..انا...انا
سامي:ونفترض ان انا قولت كده وبرضه مرجعتش؟
ماهر:يبقى ساعتها نفكر في خطه جديده..المهم انك تحسسها انك اتغيرت ومابقتش بتاع زمان
سامي:انا خايف امشي وراك اغرق!
ماهر:جرب انت خسران ايه؟.. هى التجربه بفلوس؟
سامي:نجرب.. منجربش ليه؟
ماهر:يبقى على بركة الله
<عـنـد دالـيـدا>
••كانت لسه قاعده مع رشاد وأهله..وقامت من مكانها••
داليدا:طيب انا هضطر امشي..ورانا شغل انا وأستاذ رشاد
عائشه:نورتي الدنيا ياحبيبتي
داليدا:بنور حضرتك...والف سلامه عليك يااستاذ مصطفى
مصطفى:الله يسلمك
داليدا:عن اذنكم
عائشه:اتفضلي
••وسلمت عليهم وخرجت من الأوضه هى ورشاد..وأثناء ماهما كانوا خارجين لقوا الممرضين جايبين واحده في الأوضه اللي جنبهم..ولما رشاد ركز في وشها اكتشف انها مرات ضياء لاشين ألد اعدائهم..ودي حاجه خليته يتنح ويقف في مكانه يتابعهم لحد مادخلوا بيها الأوضه••
داليدا:رشاد!!.. يلا؟..رشاد!
رشاد(بيفوق) :ايوه انا معاكي اهو..اتفضلي
••ابتسمتله داليدا ومشوا..وراحوا الشغل••
<عـنـد صـفـاء>
••كانت قاعده في اوضتها بتفكر في رجب.. اللي اتصاحبت عليه من يوم المركب••
صفاء:يادي الوكسه المنيله بستين نيله..هو انا من كل خرابه يطلعلي منها عفريت؟..ده انا قولت الولد كويس وحلو ورسمت سيناريو جوا دماغي..يجي سامي يبوظلي كل ده؟..ماهو يفرح لكن انا انشالله عني مافرحت...لا اوعي تديله الفرصه اشمعنا هو يتجوز اللي يحبها وانتي لا؟..هى جات عليكي ووقفت خلاص؟..انا هتجوز رجب يعني هتجوزه واهي كبرت في دماغي أكتر من الأول
••جات حسناء ووقفت قدام باب الأوضه..لقيت صفاء قاعده لواحدها وساكته••
حسناء:بتفكري في ايه؟
صفاء:ولا حاجه
حسناء:بالك مشغول في ايه ياصفاء؟
صفاء:مانا قولت مفيش حاجه هو بالعافيه؟
••راحت حسناء قاعده جنبها••
حسناء:بس انا قلبي حاسس انه في..وقلب الأم مبيكدبش
صفاء(بتردد) :عادي ياماما..هيكون في ايه يعني؟
حسناء:بتفكري فيه مش كده؟
صفاء(بتردد) :هو مين؟
حسناء:الواد اللي اخوكي شافك معاه وعملكم حوار وقتها
صفاء:لا عادي مش في دماغي
حسناء:بذمتك؟
صفاء:بصراحه اه...داخل دماغي اوي ياماما..بس سامي واقفلي زي الخازوق..واهو الاتنين دلوقتي بقوا شايلين من بعض
حسناء:وهو انتي لحقتي تتعرفي عليه؟.. ده انتي لسه عارفاه من يومين!
صفاء:ماهي الحاجات دي ملهاش علاقه بـ وقت..ده في ناس تعرفيهم من سنين وميهزوش سم واحد من مشاعرك..وفي ناس من أول ماتشوفيهم تقعي وتتكفي على وشك في ساعتها زي مابيقولوا كده الحب من أول نظره
حسناء:ادي لنفسك فرصه تعرفيه اكتر
صفاء:ويفرض اديت لنفسي فرصه اعرفه..هل بقى سامي هيسيبني في حالي ولا هيقفلي في طريق سعادتي؟
حسناء:لو الولد ده عايزك وبيحبك..ساعتها يحلها ألف حلال..المهم انتي بس متعلقيش نفسك على الفاضي
صفاء:انتي بتخوفيني ليه طيب؟
حسناء:مش بخوفك ياصفاء..انا بعرفك اللي فيها مانا مش عايزاكي تتعلقي بواحد وانتي مش في دماغه
صفاء:بس انا حاسه انه بيحبني
حسناء:يبقي اتأكدي وبعدين شوفي انتي عايزه ايه... واستني الا ابوكي واخوكي جم
••دخل ماهر ووراه سامي..وكان سامي بيتنك على أخته صفاء ومش عايز يكلمها ولا يبص في وشها••
ماهر:السلام عليكم
حسناء:وعليكم السلام ورحمة الله وبركاته..عملتوا ايه؟
ماهر:لقينا ست داليدا وعرفنا مكانها..بس مطلعتش موجوده
حسناء:مش موجوده؟. امال هى فين؟
سامي:احنا ايه عرفنا؟..انا هروح بالليل تاني بحيث اكون ضامن انها موجوده
حسناء:وبعد ماتروح هتعمل ايه؟..هتجرها من شعرها ولا هتضربها؟
ماهر:لا احنا اتفقنا اتفاق..البت دي عنيده ودماغها ناشفه..ومش هتيجي بحركات ابنك دي
حسناء:دماغها ناشفه نكسرهالها
ماهر:طب قومي حضريلنا لقمتين على السريع
حسناء:ماشي
<عـنـد مـصـطـفـى>
••كانت عائشه قاعده جنب منه بتحاول تخليه ياكل وهو رافض••
عائشه:يلا يابني كل..عشان جسمك يقوى وتخف
مصطفى(بحزن) :مليش نفس
عائشه:علشان خاطري يامصطفى..اسمع كلامي ياحبيبي محدش هيخاف عليك اكتر مني...يلا كل
مصطفى(بحزن) :ياماما متضغطيش عليا اكتر من كده!
••تدخل هدى..مامت مروه..وهى على وشها الحزن••
هدى:ازيك ياعائشه؟
••وقربت منها تبوسها••
عائشه:الحمدلله
هدى:الف سلامه عليك يامصطفى..انا لما سمعت اللي حصلك قلبي وجعني وزعلت عليك!
عائشه:الله يسلمك ياهدى..اتفضلي اقعدي
••قعدت هدى..وكانت متردده تتكلم••
هدى:متفكرش انك لواحدك اللي تعبان..لا انا كمان زيك..انا معرفش حاجه عن بنتي لحد الآن!..معرفش راحت فين وبتعمل ايه!
مصطفى(بحزن) :ولسه لما اتأكد من اللي في دماغي وقتها مروه هيكون ليها حساب عسير معايا!
هدى:مهما كان متجيش عليها..مروه بتحبك وانت عارف كده كويس!
مصطفى:هى لو بتحبني كانت مشيت من البيت؟..ده احنا كنا متصالحين وكويسين مع بعض ومفيش اي حاجه!..فجأه كده قررت تمشي؟..انا اللي هموت واعرفه ليه مشيت؟
عائشه:مالوش لازمه الكلام ده دلوقت..انا كل اللي يهمني ان مصطفى يقوملنا بألف سلامه
هدى:خير بإذن الله..مصطفى انا بعتبره ابني وبتمناله كل خير
عائشه:حبيبتي احنا عارفين اللي عندك
••وبرا كان والد رشاد واقف قدام الأوضه..وجاتله مكالمه من مايا••
والد رشاد:عملتي ايه؟
مايا:عرفت كام معلومه على الماشي..شادي اعترف بنفسه انه شغال مع ضياء لاشين
والد رشاد:حلو اوي وعرفتي ايه تاني؟
مايا:وعرفت ان ضياء ضرب مراته بالنار علشان كانت بتخونه
والد رشاد:اوعي يكون حد عرف انك...
••ولسه بيكمل كلامه..كان باب الأوضه اللي جنبه مفتوح والممرضه خارجه ولمح وش لميس..وشك انها مراته••
مايا:الووو..اونكل ساهر انت روحت فين؟
والد رشاد:انا معاكي..خدي بالك وبلاش حد يعرف ان انا ورا الموضوع ده.. عايزك تاخدي متديش!
مايا:لا يااونكل متقلقش
والد رشاد:لو عرفتي حاجه تاني بلغيني
مايا:حاضر
والد رشاد:مع السلامه
مايا:باي
••وقفل معاها..وبص يمين وشمال..ولما لقى مفيش حد راح متسحب وداخل الأوضه اللي جنبه..ولما دخل كان مركز في وشها اوي..ووقتها اتأكد انها لميس مرات ضياء وإن كلام مايا طلع صح والخطه ماشيه تمام••
والد رشاد(مبتسم) :لا دي كده ماشيه تمام اوووي
••وخد نفسه ورجع أوضة مصطفى••
<عـنـد دالـيـدا>
••وصلت الشغل هى ورشاد..وكانت قاعده تتابع على اللابتوب..ورشاد قاعد على المكتب بيشرب نسكافيه••
رشاد(بيفكر) :مش عارف يمكن انا بيتهيئلي؟
داليدا(بإستغراب) :بتتكلم عن ايه؟
رشاد:ماهي مش صدفه..والغريبه الأكبر ان ضياء مجاش لو المفروض دي مراته يعني
داليدا(بإستغراب) :انا مش فاهمه حاجه!
رشاد:الراجل الزباله اللي حكيتلك عليه
داليدا:ماله؟
رشاد:شوفت مراته
داليدا:شوفتها فين؟
رشاد:الأوضه اللي جنب أوضة مصطفى بالظبط..بس انا بكدب نفسي وبقول يمكن مش هى
داليدا:يمكن مش هى فعلاً
رشاد:ممكن..بس قلبي حاسس انها هى
داليدا:ولو طلعت هى هتعمل ايه؟
رشاد:مش عارف..كل حاجه بقيت محتاجه تخطيط وانا مش قادر اخطط ولا افكر..كأني متقيد مكاني
داليدا:ربنا يرجعلك حقك
رشاد:يارب..بس مش غريبه ان ابن عمك يشوفك صدفه؟
داليدا:انا مكنتش اعرف انه هو..انا لقيت خناقه قربت أشوف في ايه اكتشفت انهم ولاد عمي!
رشاد:هو ليه حاطك في دماغه اوي كده؟
داليدا:هقولك
••وسابت اللابتوب وقعدت تتكلم••
داليدا:سامي ابن عمي من صغره وهو اي حاجه يشاور عليها لازم تيجيله لحد عنده..محدش يقدر يقوله لأ!..كبر وبقى شايف انه من حقه ياخد اي حاجه هو عايزها..ده غير انه شايف انه فرصه حلوه لأي بنت ومينفعش يترفض
رشاد:انا عن نفسي لو لقيت واحده مش عايزانى هبعد وهطلع الموضوع من دماغي..الانسان لازم يكون عنده دم!.. حد مش عايزني يبقى ليه أجبره على وجودي في حياته؟
داليدا:هو بقى مش كده خالص.. هو العكس!..بياخد اللي هو عايزوا بالعند والإجبار..انا ياما قولتله مش عايزاه وهو اللي مصمم!..لان ببساطه سامي ده مينفعش يكون اي حاجه غير انه ابن عمي..اصل الحب الحقيقي فيه تجاذب من الطرفين..لو الاتنين متشدوش لبعض يبقى ده مش حب وانا عمري مااتشديت ليه!
رشاد(بتنهيده) :انا كنت كده..عمري ماحسيت ان دينا الله يرحمها.. نصي التاني.. هى اتفرضت عليا بالعافيه.. وكله كان بيضغط عليا وقتها..ولما قولت مش موافق..الدنيا قامت مقعدتش..وازاي و ليه انت هتصغرنا قصاد الناس؟ انت ازاي تضيع فرصه زي دي؟..دي فرصه متتعوضش..اتجوزتها وعيشت معاها في مشاكل..لا هى فاهماني ولا انا فاهمها..حتى مشاكلنا كانت بتوصل لأهلها بالتفصيل الممل والمشكله محدش كان بيغلطها.. لا هى دايماً الصح أكيد المشكله من عندك انت
داليدا:يمكن ربنا يعوضك باللي شبهك..اكيد وقتها هتكون مرتاح
رشاد:ياريت..ويعوضك ياداليدا
داليدا:ان شاء الله
رشاد:المهم كملي شغل..احنا نسينا اللي ورانا
داليدا:حاضر
<عـنـد ضـيـاء>
••كان قاعد في مكتبه..لقى شادي داخل••
ضياء:مش تخبط قبل ماتدخل؟
شادي:اسف بس الباب كان مفتوح
••راح ضياء قايم ووشه عليه غضب ربنا! ••
ضياء(بصوت حاد) :يعني ايه الباب كان مفتوح؟...ده مبرر يخليك تدخل من غير استئذان؟...هى سايبه ولا ايه؟
شادي:انا اسف
ضياء(بزعيق) :متردش غير لما أخلص كلامي!..انا محدش يقاطعني وانا بتكلم مفهوم؟
شادي:مفهوم..طيب ممكن اتكلم؟
ضياء:مليش مزاج اسمعك..ارجع مكان ما جيت..لما اكون رايق أبقى تعالالي
شادي:حاضر..عن اذن حضرتك
••قعد ضياء على المكتب بكل تناكه..وسحب صورة مراته من على المكتب وهو قرفان وبعدين تف عليها!!••
ضياء:ندم عمري كله لما اتجوزتك يا لميس..خسيسه طالعه من بيت جعان..الله يرحم أبوكي كان مرتبه في الشهر ٣٠٠ جنيه..واخدك من وسط ناس كحيانه..انا اللي نضفتك وغيرتلك حياتك وفي الآخر تعضي الايد اللي اتمدتلك؟..هاهاها ده في خيالك..بكرا تحفي ورايا عشان ارحمك ومش هتطولي..انا هعرفك مين هو ضياء لاشين
••وقام من على الكرسي ووقف قدام المرايا بكل غرور••
ضياء:ماله وشي؟..مش عاجبك في ايه؟..هتعترضي على خلقة ربنا؟..ولا اللي يعجبك عيل من سنك..انتي عايزه عيل.. مش راجل ملو هدومه..عايزه واحد يتنطط عليكي كل يوم ويوريكي الوش الخشب..انا اللي كنت طيب معاكي حبتين..بس خلاص ده كان زمان..ضياء يإذي ميتأذيش
••وخد صورتها من على المكتب وكسرها تحت رجله••
ضياء(بزعيق) :حقيررره....خااااينه
<عـنـد مـروه>
••الشرطه وصلت المبنى..و البودي جاردات خرجوا بالمسدسات..وابتدوا يضربوا نار على الشرطه..لحد ماالشرطه خلصوا عليهم والباقي هربوا..ولما الشرطه دخلوا المبنى كانوا بيتفحصوا كل الاماكن فيه..وشويه ووالد رشاد وصل ودخل وراهم..ولما الشرطه طلعت..لقوا مروه وخرجوا بيها قصاد والد رشاد واللي اتصدم لما شافها! ••
والد رشاد(مصدوم) :مروه؟؟
الفصل الرابع عشر
والد رشاد(بإستغراب) :انتي بتعملي ايه هنا؟؟
الظابط:ده اللي احنا هنعرفه هناك في القسم...يلا
••وخدوها وكل ده وساهر مصدوم من مرات ابنه..وأول ماوصلوا هناك..بدأوا تحقيق معاها••
الظابط:جوزك الأستاذ مصطفى ساهر قدم بلاغ بخطفك يوم 5/6..واللي عرفناه مؤخراً منه انك متخطفتيش ولا اي حاجه وكنا حابين نتأكد والحمدالله اتأكدنا وطلع كلامه صح...انتي ليه عملتي كده؟
مروه(بعياط) :مش هتكلم غير في موجود المحامي بتاعي
الظابط:جو المسلسلات ده تنسيه خالص..انتي اللي وقع منك كل ده ومحتاجين نعرف منك انتي مش من المحامي!
مروه(بعياط) :قولت مش هتكلم غير في وجود المحامي بتاعي!!
الظابط:تمام..ابعتيلنا المحامي بتاعك..احنا في انتظاره
مروه(بعياط) :طيب ممكن اتصل بيه من عندك؟
الظابط:اتفضلي
••وادالها الموبايل تتصل بيه..وبرا كان والد رشاد واقف وفي حالة صدمه..وشويه ولقى مصطفى بيتصل••
مصطفى(بتعب) :عملتوا ايه؟
والد رشاد(بحسره) :لقينا مروه
مصطفى(مصدوم) :لقيتوها فين؟؟
والد رشاد:في المكان اللي انت اتصابت فيه
مصطفى:كان قلبي حاسس..طيب...طب هى ايه اللي وداها هناك؟
والد رشاد:دلوقتي هنعرف..متتعبش اعصابك واهدى
مصطفى(بحزن) :انا خايف!!..خايف اللي في دماغي يطلع صح
والد رشاد:متخافش..ادينا هنفهم..خير
••بص مصطفى لـ عائشه بخوف فا ابتسمتله تطمنه! ••
<عـنـد مـايـا>
••بعد ماخلصت محاضرات..كانت مستنيه شادي في الشارع..ولما اتأخر مشيت شويه لـ قدام..جات صاحبتها من الناحيه التانيه كانت بتكلمها••
صاحبتها:مايااا..تعالي عايزاكي
مايا:ايه يابنتي؟
صاحبتها:عايزاكي في موضوع مهم.. تعالي
مايا:اوكي جايه
••عدت مايا من غير ماتبص في الطريق،وبعيد كانت جايه عربيه بسرعه جامده..وللصدفه كان شادي خرج من الجامعه..وأول ما لقى العربيه جايه عليها..طلع يجري وكان هيفديها بنفسه لحد ماوقعوا على الأرض الناحيه التانيه..ومن الخوف كانت مايا بتعيط..وصاحبتها جات تقومها••
صاحبتها(بخوف) :مايا انتي كويسه؟
مايا(بعياط) :لالا.... لا...مش كويسه
شادي(بيقوم) :قومي
••ومدلها ايده وشدها لحد ما قامت..وهى بتعيط!..وصاحبتها قربت تحضنها••
صاحبتها:خلاص اهدي..الحمدلله محصلش حاجه!
مايا(بعياط) :انا كنت هموت
صاحبتها:الاستاذ ده فداكي..هو اللي كان هيموت بسببك..إحمدي ربنا انها جات سليمه
شادي:خلاص يا مايا قولي الحمدلله
مايا(بعياط) :الحمدلله
شادي:تعالي معايا نقعد في اي حته
مايا(بعياط) :انا كنت هموت بجد!
شادي:بعد الشر مفيش حاجه الحمدلله..المهم انك كويسه
مايا(بعياط) :الحمدلله
صاحبتها:خدي بالك من نفسك..هكلمك لما تروحي البيت
مايا(بعياط) :اوكي
••خدها شادي وراحوا قعدوا في مكان هادي••
شادي:خلاص بقى يامايا محصلش حاجه
مايا:انت كنت هتموت بسببي!
شادي:ولو كنت مت كان أريحلي..المهم انك كويسه..خلاص اهدي يا مايا..كويس انها جات على قد كده
مايا(بعياط) :ميرسي بجد ياشادي انت ضحيت بنفسك علشاني
شادي:متشكرنيش..انا كان لازم اعمل كده وأكتر..انتي بقيتي غاليه عندي..ومقامك من مقام أختي
مايا(بعياط) :الحمدلله...الحمدلله يارب
<عـنـد رشـاد>
••كان في الشغل..لقى باباه بيتصل بيه••
رشاد:الو يا بابا
والد رشاد:احنا لقينا مروه..وانا في القسم دلوقتي
رشاد:طيب انت فين؟
••وقام من مكانه وخد المفاتيح وموبايله وخرج من المكتب••
داليدا:ربنا معاه
••وطلعت موبايلها واتصلت بـ أختها فريده••
داليدا:عامله ايه يا فريده؟
فريده:الحمدلله
داليدا:فاضلك كام درس؟
فريده:فاضل اتنين
داليدا:طيب لما تخلصي عدي عليا
فريده:حاضر
داليدا:خدي بالك من نفسك
فريده:وانتي كمان
داليدا:باي
فريده:باي
••وقامت داليدا تتابع الشغل برا..وتسأل الناس••
داليدا(بإبتسامه) :ايه رأي حضرتك يافندم..الخدمه كويسه؟
_اه 5 نجوم ماشاء الله..انا مبرتاحش غير هنا..بجد المكان حلو من كل ناحيه.. أكل ومعامله وكله..بجد That's great
داليدا(بإبتسامه) :حضرتك شرفتنا يافندم واحنا سعداء بوجود حضرتك هنا
_متشكر ده من زوق حضرتك
داليدا(بإبتسامه) : Have fun time
_Thank you
••ودخلت المطبخ تتابع شغل الشيفات••
داليدا:برافو يا مستر كاظم
=اهلاً بيكي يااستاذه داليدا
داليدا:برافو...اهتم بالديزاين عن كده
_حاضر
داليدا:ظبطوا الشغل ياجماعه..مش عايزين أي غلطه..احنا الحمدلله ثمعتنا حلوه والناس بتشكر فينا..وعايزين نفضل في المستوى ده عالطول
=حاضر يااستاذه داليدا انتي تؤمري
داليدا(بإبتسامه) :ربنا معاكم
••وخرجت من المطبخ..رجعت المكتب تاني••
<عـنـد رشـاد>
••أول ما وصل..نزل من عربيته..ودخل القسم••
رشاد:ها وصلتوا لـ ايه؟
والد رشاد:لسه..انا مش عارف ايه اللي هيحصل..واخوك هناك هيتجنن عايز يعرف هى كانت بتعمل ايه!
رشاد:دلوقتي هنعرف كل حاجه
••جه محامي مروه من بعيد هو وهدى مامت مروه..وأول ماوصلوا منطقتش بـ كلمه والمحامي دخل للظابط••
الظابط:انت محامي مروه؟
المحامي:ايوه انا
الظابط:اتفضل
••وقعدوا على الكرسي••
الظابط:قوليلي بقى..انتي كنتي بتعملي ايه في مبنى تجارة الأعضاء البشريه اللي تم تأسيسها بواسطة زعيم المافيا الكبير ضياء لاشين؟
مروه(بعياط) :انا....كنت...انا مليش علاقه بيه...هو في واحده صاحبتي اتصلت بيا وقالتلي عايزه تقابلني في مكان فاتح جديد وانا روحتلها ومعرفش أي حاجه عن اللي بتقولها
الظابط:صاحبتك مين؟
مروه:اسمها چايده
الظابط:چايده ايه؟..انا عايز الاسم رباعي!!
مروه(بعياط) :چايده رؤوف متولي كارم
الظابط:وصاحبتك دي عنوانها فين؟
مروه(بعياط) :هقول لـ حضرتك
••وبرا كان رشاد متغاظ من هدى مامت مروه! ••
هدى(بعياط) :بجد خايفه عليها اوي..دي بنتي الوحيده..انا مليش غيرها.. هى كل حاجه ليا!
والد رشاد:بنتك بتلعب ألعوبه كبيره..ودلوقتي هنعرف ايه اللي وراها
هدى(بعياط) :اوعي تصغريني يامروه!..انا طول عمري كبيره والناس بتعملي ألف حساب!
••رن موبايل والد رشاد فا رد••
والد رشاد:الو يا عائشه
عائشه:ايه اللي حصل طمني!
والد رشاد:احنا لسه برا منعرفش حاجه
عائشه:اول ماتعرف حاجه جديده.. بلغني..مصطفى هنا على أعصابه ومش عايز يهدى!
والد رشاد:حاولي تطمنيه..لحد مانفهم في ايه
عائشه:حاضر هعمل كده
<عـنـد سـامـي>
••كانوا قاعدين على السفره بياكلوا..وفجأه جات مكالمه لـ حسناء••
ماهر:شوفي مين ياصفاء
صفاء:حاضر
••قامت صفاء وجابت الموبايل واديته لـ حسناء••
صفاء:ده موبايلك انتي
حسناء:مين اللي بيتصل ده
••قعدت صفاء..وحسناء ردت••
حسناء:الو...ايوه مين؟
جليله:الو يا حسناء انا جليله
حسناء(بإبتسامه) :ازيك يا جليله ياحبيبتي عامله ايه؟
جليله:الحمدلله..انتي عامله ايه..والحاج ماهر.. والولاد؟
حسناء:الحمدلله كلنا كويسين..انتي اللي اخبارك ايه والحاج سعد عامل ايه وولادك زينه وجمال؟
جليله:كلنا بألف خير..انتوا فاضين النهارده؟
حسناء:اه طبعاً ولو مش فاضين نفضى علشانكم
جليله:طيب خلاص هنعدي عليكم كمان شويه
حسناء:ده انتوا تيجوا تنوروني
جليله:الله يخليكي
حسناء:احنا مستنينكم اهو
جليله:ماشي مسافة السكه
حسناء: يلا السلام عليكم
جليله:وعليكم السلام ورحمة الله وبركاته
ماهر:هو في ايه؟
حسناء:جليله بنت خالي وجوزها الحاج سعد..جاين يزورونا دول بقالهم سنتين منعرفش عنهم حاجه
صفاء:وايه اللي فكرهم بينا دلوقتي؟
حسناء:مش عارفه بس ليهم واحشه
ماهر:طيب مش كانوا قالوا قبلها بـ ساعتين تلاته؟.. حد يطب على حد زي القضا المستعجل كده؟
حسناء:معلش دول مجوش بقالهم كتير..تلاقيهم كانوا جايين قريب مننا وقالوا يعدوا يقعدوا معانا شويه
سامي:نجري نخبط في بعض علشانهم يعني ولا ايه؟
حسناء:في ايه ياسامي مالك؟.. انت نسيت خالتك جليله.. دي كانت بتشيلك على ايديها وانت صغير
سامي:جليله متبقاش خالتي دي بنت خالك
حسناء:بقولك ايه متكسفناش قصاد الناس!.. وخلي اليوم يعدي على خير!
سامي:اه ان شاء الله.. لما اخلص أكلي واشبع واشرب الشاي واعمل المزاج نبقى نستقبلهم
ماهر:كلوا بسرعه قبل مايجوا..بس تصدقي يا حسناء ليهم واحشه..هما ليه قطعوا عننا فجأه كده؟
حسناء:الدنيا مشاغل.. ربنا يعين الكل..المهم اننا هنشوفهم..عايزاكي يابت ياصفاء بعد ماتخلصي أكل..تدخلي معايا نجهزلهم حاجات حلوه نقدمهالهم
صفاء:ربنا يسهل
حسناء(فرحانه) :ياه ياجليله وحشتيني اوي!
<عـنـد رشـاد>
••بعد نص ساعه..لقوا الشرطه داخلين بـ چايده..والمفاجأه هنا انها البنت اللي رشاد كان بيحبها وأهله رفضوها وجوزوه دينا..ودي حاجه خليته مصدوم••
والد رشاد:مش دي الزباله اللي كنت عايز تتجوزها زمان؟؟؟
رشاد:__________
والد رشاد(بعصبيه) :هى مش كده؟..ايه اللي جابها هنا وايه علاقتها بكل اللي بيحصل ده!!
رشاد(بعصبيه) :مش عااارف!!!.. انا زي زيك معرفش حاجه!!
هدى(بعياط) :يااارب انا مليش غيرها!
••وجوا دخلت جايده..وكانت بتبص لـ مروه••
الظابط:انتي چايده ؟
جايده:ايوه انا
الظابط:ايه علاقتك بـ تجارة الأعضاء البشريه..وعلاقتك بـ ضياء لاشين؟
جايده(بخوف) :انا معرفوش..ومعرفش الكلام اللي بتقولوه ده ايه!
الظابط:بتنكري ليه؟..انتي لو معترفتيش هتفضلي هنا لحد ماتعترفي انشالله بعد 100 سنه!!
جايده(بخوف) :انا مليش علاقه بأي حاجه من اللي حضرتك بتقولها
مروه(بعياط) :لأ..جايده هى سبب كل حاجه حصلت!
جايده:انتي كدابه!..محصلش
الظابط(بصوت حاد) :مانتي لو معترفتيش..هتفضلي هنا ومش هتخرجي ولا حد هيسأل فيكي!
جايده(بخوف) :خلاص...انا هعترف بكل حاجه!
<فـلاش بـاك>
••كانت مروه دايماً بتسمع رشاد وهو بيكلم مصطفى عن جايده وقد ايه نفسه يخطبها وكل ده في فترة الخطوبه..جالها فضول تعرف مين دي وايه اللي حصلها..و ليه رشاد اتجوز دينا ومتجوزهاش وبالفعل عملت سيرش عنها وجابتها على الفيسبوك وبعتتلها ادد••
مروه:انا مروه مرات مصطفى أخو رشاد..عامله ايه يا جايده؟
••ولما جايده فتحت ردت عليها••
جايده:الحمدلله...انتي جيبتي الاكاونت بتاعي منين؟
مروه:عملت سيرش ولقيتك..انا كنت حابه اتعرف عليكي
جايده:اشمعنا؟
مروه:رشاد موراهوش سيره إلا انتي..وانا نفسي اعرف ليه بعدتوا واتجوز دينا!
جايده:انتي جايه تكلميني مخصوص علشان تعرفي؟؟
••والدافع اللي خلى مروه تكلم جايده هو إن حصل خلاف مابينهم في يوم..لما كانوا رايحين يزوروهم••
دينا:انا خارجه يا رشاد..ورايا حاجات كتير لازم اعملها
رشاد:يعني ايه خارجه؟
••وقام وقف وهو مستغرب خصوصاً ان مصطفى ومروه عندهم••
رشاد:هو مفيش احترام للناس اللي قاعده؟
مصطفى:سيبها على راحتها يا رشاد
دينا:مصطفى ومروه مش أغراب..دول صحاب البيت...وانت عارف كويس ان انا كنت مرتبه كل حاجه النهارده
مروه:خلاص يامصطفى يلا نمشي
••وقامت مروه وبعدها مصطفى••
مصطفى:لو عايز تشوفنا ابقي تعالالنا في البيت عند بابا ..انت عارف كويس ان بيتنا مفتوحلك 24 ساعه
رشاد(بعصبيه) :استنى بس يامصطفى...استني يامروه ده انتوا لسه جايين
مروه:احنا كده كده ورانا مشاوير مهمه
مصطفى:سلام يارشاد
••وفتحوا باب الشقه ومشوا..ولسه دينا هتخرج من القلب راح رشاد شاددها••
رشاد(بزعيق) :ايه البرود اللي انتي فيه ده!..انتي ازاي قليلة الذوق كده!...يعني ايه يبقى عندنا ناس وتسيبيهم وتمشي؟
دينا(بزعيق) :انا معملتش حاجه من وراك.. واحنا متفقين من الصبح ان انا خارجه..ولا هو مطلوب مني ابوظ كل ده علشان خاطر مصطفى ومروه؟
رشاد(بزعيق) :انتي قليلة الذوق..ومعندكيش نقطة دم..وانا سايبهالك وماشي
••وسابها ومشى..ومن وقتها و مروه ودينا مفيش كيميا مابينهم وده اللي خلى مروه عايزه تتعرف على جايده..ومن بعد مااتعرفت عليها..كانوا اتصاحبوا..وفي يوم اتقابلوا جوا كافيه••
مروه:مالك متغيره ليه؟
جايده:انا مقهوره من رشاد وعايزه أحرقله قلبه
مروه:طيب مانا كمان مقهوره من دينا خصوصاً بعد الحركه الزباله اللي عملتها..دي مش أول مره تعمل كده!.. من يومها وهى شايفه نفسها زياده عن اللزوم!
جايده:يبقى حطي ايدك في ايدي!..وفي ايد ضياء لاشين
مروه(مصدومه) :ضياء؟...انتي وصلتيله ازاي اصلاً!
جايده:مش مهم وصلتله ازاي..ولعلمك هو كلفني بالمهمه دي قصاد 10 مليون جنيه
مروه(مصدومه) :10 مليون جنيه؟..ومهمة ايه دي اصلاً؟
جايده:نخطف يوسف ونوجع قلبه وقلب مراته..عارفه انا والمفروض اللي كنت اكون بدالها!..اكون انا اللي مراته مش هى!!..حتى يوسف ده المفروض كان يبقى ابني انا مش ابنها!!..سرقت مني أحلامي وطموحاتي اللي عيشت سنين بخططلها..هى بتنام متهنيه وانا بانام الدمعه في عينيا.. محدش حاسس بالنار اللي جوايا كل يوم!..يبقى حقي ولا مش حقي؟
مروه:حقك طبعاً..وياريتها خطفته وعدلت نفسها معانا..لأ...بتتعامل دايماً انها أحسن من الكل.. مع ان انا مش قليله!... انا مش محتاجه أقولك انا مين واهلي ايه!..بس هما اللي شجعوها على كده يوم ماادوها حجم أكبر من حجمها
جايده:يبقى تحطي ايدك في ايدي يامروه وليكي النص
مروه(بصدمه) :النص؟..قصدك ان انا ليا ٥ مليون جنيه من الحوار ده؟
جايده:بالظبط
••وبعد مااتفقوا هيعملوا ايه..راحت مروه تزور دينا..وطبعاً كان رشاد في الشغل..وقبل ماتدخلها..بوظت كاوتش العربيه في ميعاد سباحة يوسف…ودخلت تخبط عليها..فتحتلها دينا••
دينا(بإبتسامه) :هاي يا مروه ازيك ياحبيبتي؟
مروه:الحمدلله انتي عامله ايه؟
••وحضنتها••
دينا:الحمدلله.. تعالي اتفضلي
مروه:انا كنت معديه من قصاد الفيلا قولت اقعد معاكي شويه
دينا:انا كنت لسه خارجه بـ يوسف اوديه النادي.. أصل ده ميعاد الـ Swimming pool بتاعه!
مروه:ياه يعني انا جيت في وقت مش مناسب!
دينا:لا يامروه انتي تنوريني في أي وقت
مروه:خلاص هجيلك وقت تاني تكوني فاضيه فيه
دينا:سوري بجد يامروه
مروه:لا ياروحي ولا يهمك عادي
••وخرجوا هما الاتنين سوا من الفيلا..وأثناء ماهما خارجين..بعتت مروه لـ جايده على الواتساب••
مروه:رني
••وبالفعل جايده رنيت على دينا من رقم مجهول••
دينا:لا بجد مش وقته خالص
••وكنسلت عليها ولما جات تركب العربيه اكتشفت ان الكاوتش بايظ..راحت نازله تاني••
دينا:بقولك يا مروه ممكن تبصي معايا على الكاوتش..بجد حاسه انه فيه حاجه
مروه:اه اوكي
••وقربت تبص واكتشفوا انه مقطوع••
مروه:ده مقطوع!!
دينا:بتتكلمي بجد!
مروه:ايوه طبعاً ده باين جداً..انتي كنتي راجعه بالعربيه كده؟
دينا:لا طبعاً العربيه كانت سليمه ومفيهاش اي مشكله
مروه:الأربع كاوتشات بايظين!..شكل حد مستقصدك هو اللي عمل الحركه دي!
دينا:تفتكري؟
مروه:ايوه طبعاً..طب بقولك انتي هتتأخري كده على ميعاد الـ Swimming، ممكن اخد يوسف اوديه وهتصلك بأي حد يجي يسحبلك العربيه لحد الورشه
دينا:طيب خدي بالك منه علشان خاطري
مروه:لا متقلقيش يوسف في عينيا
دينا:خدوا بالكم من نفسكم
مروه:حاضر
••وخدت يوسف وركبت عربيتها ومشيت..ودينا اتصلت بـ رشاد••
دينا:الو يارشاد... انا عجلات عربيتي باظت!
رشاد:طيب استني انا هبعتلك حد
••وبعد ما رشاد بعتلها حد يسحبلها العربيه لحد الورشه..بعد ساعه ونص كانت مروه خدت يوسف ورجعوا البيت وسلمته للداده••
مروه:انا مروه..مرات أخو رشاد
الداده:يااهلاً وسهلاً بـ حضرتك..اتفضلي
مروه:لا ميرسي..يوسف خلص تمرين السباحه..ياريت تبلغي مامته انه معاكي لان موبايلي فاصل
الداده:حاضر
مروه:باي
الداده:سلام
••وبعد ما الداده استلمته اتصلت بـ دينا تعرفها••
الداده:الو يا ابله دينا..بقولك..يوسف ابن سعادتك معايا
دينا:مروه رجعته؟
الداده:ايوه معايا اهو
دينا:اوكي خدي بالك منه لحد ماارجع
الداده:حاضر في عينيا
••وقفلت معاها..وبعد نص ساعه بالظبط كان ضياء باعت ناس يخطفوا يوسف..لحد ماكسروا الباب وضربوا الداده••
الداده(بصويت) :انتوا مين؟؟؟... اااه
••ووقعت في الأرض وخطفوا يوسف..ولما دينا رجعت اكتشفت اللي حصل وفضلت تصرخ••
دينا(بصويت) :يوووسف.... يوووسف... مالك ياداده فيكي ايه؟؟؟
الداده(بتموت) :خطفوا.... ابنك
دينا(بصويت) :لاااااا... يووسف لااااااااا
••واتصلت على رشاد وفي الوقت ده كان قاعد مع داليدا ولما عرف طلع يجري عليهم..وبعدها اتقتلوا! قصاد عينه..وبعد ماضياء مهمته نجحت..ادى ٥ مليون لـ جايه و ٥ مليون لـ مروه علشان سهلوا عليه الطريق••
ضياء:كده تمام؟
مروه:تمام
جايده(مبتسمه) :انا مبسوطه وقلبي مرتاح
••بصوا التلاته لـ بعض بإبتسامه شر وخبث!..ومن وقتها وانضموا لـ حزب ضياء لاشين وبقوا تحت جناحه مقابل مبالغ ماديه ضخمه! ••
____________________________________
الظابط:يعني انتوا ليكوا علاقه بـ ضياء لاشين!!..وشاركتوا في جريمة قتل..وشاركتوا في خطف يوسف!!
مروه(بعياط) :انا معملتش حاجه! انا مظلومه!
الظابط(بتريقه) :كل ده ومظلومه؟.. ده انتوا ابليس يتعلم منكم...اكتب يااستاذ اللي هقوله
<عـنـد مـاهـر وسـامـي>
••جالهم بنت خالة حسناء "جليله" وجوزها وعيالها••
حسناء:منورين الدنيا والله..بقى كل دي غيبه؟
سعد:الدنيا مشاغل..وكل ماتيجوا على بالي وآجي اتصل..تيجي حاجه تحصل وانسى
ماهر:مش انت لواحدك اللي كده..انا كمان كل مااقول اتصل واسأل تيجي مشاكل الدنيا فوق دماغي وانسى انا كنت هعمل ايه!
سعد(بيضحك) :متحسسناش اننا وشنا وحش عليك!
حسناء(بتضحك) :لا اوعى تقول كده ياحاج سعد..ده انتوا وش الخير والبركه
ماهر(بيضحك) :لا كله هزار...المهم عامل ايه في الشغل؟
••وفى الأوضه التانيه..كانت حسناء قاعده مع زينه••
زينه:ده انا قولت هرجع الاقيكي متجوزه ومعاك قورطة عيال
حسناء:لا ياحبيبتي انا لسه صغيره..استعجل على الهم ليه؟
زينه:انتي مش عندك 27 سنه برضه ولا انا بيتهيئلي؟
حسناء:وايه المشكله؟..حد قالك انهم 47 سنه..ده يادوب لسه في العشرينات
زينه:بس عامله ايه في حياتك مفيش حاجه كده ولا كده؟
حسناء:لا مفيش وريحي نفسك
••وطبعاً كان سامي قاعد مع أبوه وماسك الموبايل ••
حسناء:ماتسيب الموبايل من ايدك
سامي:اهو
••وسابه من ايده وابتسم ابتسامه صفرا••
ماهر:ابن عمك سعد..بقى دلوقتي شغال في شركة بترول محترمه
سامي:ايوه اعمله ايه يعني؟
جمال:مالك كده في ايه؟
حسناء:ههههه اصل سامي متخانق مع اخته ومش طايق نفسه..ربنا يهديهم عالطول في مشاكل
جليله:عندنا كده برضه..كل البيوت كده وحياتك
حسناء:ايوه مااحنا اتعودنا على كده خلاص... بس منورنا والله
جليله:بنورك
<عـنـد رشـاد>
••بعد ماخدوا أقوالهم خرجت مروه وجايده مع العساكر ومشوا بيهم بعيد..وكل ده رشاد ووالده وهدى مصدومين..لحد ما مادخلوا للظابط••
والد رشاد:هو ايه اللي بيحصل؟
الظابط:مروه وجايده مشتركين في قتل أستاذه دينا وأهلها وخطف يوسف ابن أستاذ رشاد
رشاد:ايه؟؟؟