رواية لأنها توسل
الفصل الرابع 4
بقلم سوسو تويكس
مضت 3ايام من آخر موقف حصل وتاني ما تلاقيت معاهو ولا بالصدفه وكلو ما يطلب شي يقول فطوم تجيبو، وابوي صحا ووضع مستقر الحمد لله واليله و فضل ليهو يومين ويخرجو وكلو مرة يسالني القروش من وين بهرب من السؤال ماعايزه يتوتر خصوصا انو الدكتور قال لازم يبعد عن التوتر والانفعال بعد ما خلصت دوامي بعد العصر كده وجيت طالعه لقيت غيث متحرك بالعربيه ومعاهو بت راكبه جمبو ما اشتغلت بالموضوع كتير ومشيت المستشفى دخلتا سلمتا على ابوي طلعتا لقيت امي وعمي محمد قاعدين قعدتا معاهم بدا مواال كل يوم،، محمد:حسي لو كان سمعتي الكلام وعرستي كان لقيتي البساعدك حسي القروش دي ح ترجعينها كيف،،، امي: اسالها بس عليك الله،،،محمد: والله الا كان نعرسك لي ولد اخوه ده بدل القروش،،، هنا خلاص فاض بي حسسوني اني سلعه+اتذكرتا غيث واهاناتو لي فاتكلمتا بي انفعال وعصبيه : انا ما محتاجه البسندني، وبعدين منو الانا بعرسو ده واحد متخلف ومغرور وشايف نفسو ولو انعدم الرجال من الدنيا وفضل اخر واحد هو انا م بعرسو، واحد تافه و... ،،، بس قاطعني صوتو الما بغباني وهو بقول:فكرة حلوة يالعم خلاص يوكن عقد بالمرة وخلال الاسبوع ده.....
لحظاات صمت مرت اتلفتا عليهو وكان شويه كده وعروقو تطق من الغضب بقا يحمر لي وبقول :ما تخافو بتكم بشيلها في عيوني،، يادوب الخوف زحا مني واتذكرت كلامو وقلت ليهو: تشيل منو يشيلك سد مروي بي كهربتو، افهمني لو بقيت اخر واحد في الدنيا مستحيل اوافق،،، وطلعت وانا بمسح دموعي سامعه بقول ليهم: انا بمشي اقنعا وبجي،،، طلعتا برا المستشفى وانا بمسح دموعي احساس اني سلعه رخيصه بالنسبه ليهم، ابوي لو كان سمع اكيد ما كان ح يرضى، وقفني وهو بقول: ح توافقي على الزواج ده ومن تلقاء نفسك،، توسل:نجوم السما أقرب ليك من اني اوافق كان اموت ما بعملها،،، اتكلم لي بي برود:معناها موتى وانا بمشي اوري ابوك بالدين العليكم ياا حراام هو ما لازم يتعرض لي اي توتر او ضغط، مش قلتي انا مختل عقليا عارفه اني بعملها،،، بالجد انصدمت ما كنت متخيلاهو بالمستوى ده، اتكلمت وانا بمسح دموعي الماراضيه تقيف :لي انت بتعمل كده لو عايزني اعتذر بعتذر ليك بس ما تضغطني كده، ح تستفيد شنو مش قلتا انا شحاده وخدامه وما من مستواك لي مصر على الزواج انت قايلو لعبه،،، غيث:عايز ازلك واضوقك العذاب الوان اخليك تندمي على اليوم الاتودلتي فيهو قلتا ليك قبل كده انت بتلعب مع الزول الغلط،،، وقت شافني ببكي وبشهق قال:وبطلقك وقت ترجعي لي القروش عشان اضمن حقي ما يتسرق،،، سكتا مسافه ماف حل غير اني اوافق،،، توسل: انا.. موافقه بس وربي إذا فكرتا يوم تقرب مني بطلع بطلع روحك،،، اكتفى بي انو حمر لي بس ودخل جوة لي ناس عمي وانا لحقتو بعد مسافه لقيتهم بتكلمو عن العقد وانو بعد يومين بعداك طلع وعمي دخل كلم ابوي بالموضوع وطلع قال لي ابوك عايزك، دخلتا لي ابوي وانا بحاول ابين اني مبسوطه قال لي: صحي الكلام القالو عمك ده، ما يكون جبروك يا بتي،،، ابتسمت ليهو وانا بقول :لا يا ابوي انا ما مجبورة،،، ادم: لكن انا ما موافق، ده عرس كلفته ياخ حتى اهلو ما جابهم،،،توسل:لا يا ابوي هو مستعجل بس وانا مصرة على قراري،،، زعل مني وقال: خير يا زوله بس انسى انو عندك اب،، قلبي اتكسر حته حته بس انا مضطرة اعمل كده عشانك يا ابوي مرقتا وانا منهارة مقهورة ودموعي شلال بي دربي داك مشيت على البيت وطول الطريق ببكي على حياتي الاتغيرت فجأءه وسلكت مسااار مجهول والله ندمت على اليوم اللقيتو فيهو يخ بي سببو خسرت ابوي حسي، غمضتا عيوني بي حسرة على مصيري المجهول