رواية حلم واقع الفصل التاسع والعشرون29والثلاثون30الاخير بقلم رانيا عماره
ماجده(بتعيط) :بنتي مالها يادكتور؟
الدكتور
ماجده(بـ زعيق) :بنتي مالها؟؟؟؟... حد يرد عليا
الدكتور:البقاء لله
ماجده(بـ صويت) :لااااا انت كداااب حنان مماتتش حنان عايشه... اهي بص بص واقفه قدامي وبتضحكلي.. بت ياحنان انتي يابت
*وماشيه لواحدها كأنها ماشيه وراها*
هبه(بصويت) :اااااه ياماماااا.. يامامااا استني
*وفضلت تجري ورا ماجده وتشدها وماجده مصممه ان حنان عايشه*
هبه(بتعيط وبتشدها) :ياماما... استني متمشيش.. حنان ماتت... مااااتت افهمي بقي!
ماجده(بتزقها وبتصوت) :شششش اختك مماتتش فاهمه ولالا!! اختك مماتتش اختك عايشه فاهمه!! بقولك اختك عايشه وبتكلمني اهو بتقولي كلهم كدابين كلهم بيضحكوا عليكي
هبه(منهاره) :حنان ماتت والله ماتت افهمي بقى
ماجده(بتضربها وتصوت) :بقولك اختك مماتتش حنان اهي.. ياحنان.. اوعي ايدك.. ياحنان تعالي
*وماشيه ورا حاجه مش موجوده *
تيم:كل واحد هياخد حقه تعالوا معايا نصفي حساباتنا
ياسر:قومي ياساره
وراحوا مكان ياسر السري وتيم طلع شنطه الفلوس بعد ماسحبها من الفيزا طبعا
تيم:دول 2 مليون جنيه..انت يا ياسر ليك ربع مليون وساره ليها ربع مليون.. وانت ياصبري ليك 100الف جنيه
صبري:اشمعنا انا مانا اتمرمطت مع فتحي وعرضت نفسي للخطر انا الـ 100 الف ميكفونيش انا عاوز ربع مليون زيهم
ياسر:ربع مليون قليل ياتيم
ساره:هو من ناحيه قليل فـ هو قليل اوي احنا عايزين اكتر من كده ده احنا عرضنا حياتنا للخطر علشانك انت ولين
تيم:خلااص كل واحد فيكم له 300 الف اعتقد كده حلو اووي ليكم!
صبري:ايه 300 الف!!!!
ياسر:وانا موافق ياتيم وعامل حساب ان الفلوس الـ معاك مش كتير
ساره:بس....
ياسر:خلاص يا ساره 300 الف احسن من مفيش
ساره:انت اول مره تكون متساهل كده يا ياسر ومن امتي واحنا بناخد المبالغ دي؟
تيم:ومين قالكم ان كده قليل.. ياسر انا مش معايا غير 2 مليون..مليون ليكم ومليون ليا انا ولين ايه كلامكم؟
ياسر(بـ تردد) :وانا موافق
ساره:في ايه يا ياسر انت عمرك ماكنت كده؟
ياسر:ساره خلاص وبعدين احنا معانا 600 الف مش وحشين
ساره:متقولش معانا... انا معايا300 وانت 300 ودول ميكفوش ولا ينفعوا
ياسر:لما نضمهم لـ بعض هيبقوا اكتر
ساره:واحنا نضمهم لـ بعض ليه ان شاء الله
ياسر:هتعرفي بعدين
وكان تيم عمال يقسم الفلوس وادي لكل واحد نصيبه
تيم:وانت ياصبري افتح مشروع بلاش تضيع فلوسك وتقعد عاطل زي زمان
صبري:لا ياباشا دي كانت غلطتي الـ عمري ماهكررها انا خلاص قررت افتح مشروع واستثمره ويكبر يكبر نفسي ابقي شخص ناجح انا حنان فشلتني ورجعتني لـ ورا لكن انا فوقت ومش هكرر غلطتي
تيم:ده الـ يعجبني فيك انك غيرت من طريقتك
ياسر:كان وقت سعيد معاك ياتيم واستمتعنا اه اتعرضنا للخطر بس كانت أحسن فتره
تيم:انا الـ سعيد بمعرفتي بيكم.. ومبسوط اني طلعت بـ اخ جدع زيك انت أجدع انسان شوفته
ياسر(بيحضنه) :حبيبي المهم فتحي خلاص النطق بالحكم بكرا لازم من نجمه نكون هناك
تيم:انت هتيجي؟
ياسر:هو انت فكرك علشان كل واحد خد حقه يبقي خلاص كده احنا بقينا صحاب بعد ماكنا أصحاب مصلحه واحده
تيم:مش عارف اقولك ايه يا ياسر ربنا يحفظك
ياسر:يارب يلا هاخد ساره ونروح ونتقابل بكرا في المحكمه ان شاء الله.. سلام ياصبري خد بالك من نفسك
صبري:حاضر من عينيا يااستاذ ياسر
تيم:مع الف سلامه ياصاحبي
ياسر:حبيبي
وسلم عليه ومشي هو وساره
________تاني يوم______
عند لين في المحكمه المحامي قدم ورقه للمحكمه وبعد 10 ايام مكنش في اي جديد وكانوا مستنين النطق بالحكم
فتحي:عملت ايه؟
المحامي:متقلقش انا عملت الـ اقدر عليه بـ قصاري جهدي دلوقت القاضي يخرج وينطق بالحكم
فتحي:انا خايف لـ يعملوها معايا
المحامي:متقلقش كله تحت السيطره وبعدين انت لا اول ولا اخر حد اشتغل معاه
فتحي:انا رامي ثقتي فيك المهم اخرج من هنا
القاضي:بعد النظر في اوراق الدعوه حكمت المحكمه حضوريا وبإجماع الآراء علي المتهم فتحي هشام محمد رؤوف بإحاله اوراقه الي فضيله مفتي الجمهوريه
فتحي(بزعيق) :انا معملتش حاجه ده ظلم انتوا ناس ظلمه انا مظلوم انا معملتش حاجه خرجووووني من هنا خرجوني
منال(بـ فرح) :تستاهلها يافتحي تستاهلها حلال فيك
تيم(بصوت عالي) :الله اكبررررر الله اكبررررر
ساره(بصوت عالي) :لولولولولولوي
ياسر:الف الف مبروك ياتيم انا مستني اليوم ده من زمان خلاص فتحي فاضله تكه ويلف حوالين رقبته حبل المشنقه
تيم(بصوت عالي) :تستاهلها اصل الـ يجي عليا مبيكسبش
فتحي(بصوت عالي) :انا معملتش حاجه معملتش حاجه خرجوني من هنا مش عايز اموت انا عايز اعيش
راح تيم مقرب منه وقاله
تيم:تستاهلها ياما ظلمت ناس ودوست علي ناس وحرقت قلوب ناس بدون وجه حق ومن غير رحمه ده حق امي وحق منال وحق كل الناس الـ انت ظلمتهم
فتحي(بـ زعيق) :ده ظلم.. ظلم.. منك لله ودتني في ستين داهيه ياريتني جيبت محامي غيرك ياخي منك لله
القاضي(بيخبط علي الخشب) :من فضلكم مش عاوزين دوشه يااساتذه
*وخدوا نفسهم ودخلوا جوا وفتحي خدوه ورحلوه علي الاحداث ولبسوه البدله الحمرا*
منال(بـ عياط) :اللهم لك الحمد والشكر الحمدلله... فتحي هيتعدم ياناااس فتحي هيموت وحقي هيرجع وحق بنتي... حقي ياناس حقي اللهم لك الحمد والشكر شكراا يارب شكرا
جده تيم(بـ عياط) :الحمدلله بنتي.. تعالي في حضني
*وحضنت منال وباستها*
منال(بتضحك) :متعيطيش.. خلاص!! خلاص فتحي هيتعدم قريب انا مش قادره اوصفلك كميه السعاده الـ انا فيها دلوقت
جده تيم:اللهم لك الحمد والشكر
ياسر(بيحضن تيم) :الف مبروك ياتيم
تيم(بيحضنه) :الله يبارك فيك
ياسر:عقبال ما لين تخرج
تيم:انا قلقان عليها اوي يا ياسر خايف متخرجش والقاضي يحكم بـ حاجه غير كده
ياسر:متقلقش انا واثق انها هتخرج
*فـ لقوا لين جايبينها ورا الحديد علشان جلستها جه الدور عليها*
لين(بتنده) :تييم!!!
تيم(بيجري عليها) :لين انتي كويسه؟ طمنيني عليكي عامله ايه؟
منال(بتجري عليها) :لين حبيبتي وحشتيني وحشتيني اووي
لين(بـ عياط) :وانتي كمان ياماما اووي وحشتيني كلكم وحشتوني انا عايزه اخرج انا كل حاجه حصلتلي مكنتش بمزاجي فتحي هو الـ وصلني لكل ده
ساره:هتخرجي يا لين كلنا واثقين في ربنا
لين(بـ عياط) :ياريت.. تيم انت عامل ايه طمني كويس؟
تيم(بـ نظرات حب وخوف) :انا مش كويس من غيرك يا لين وفيا مليون حاجه تاعباني بس علاجي انك تخرجي وترجعيلنا بـ الف سلامه
لين(بـ عياط) :متسيبنيش ياتيم ... متسيبنيش ياماما خليكم جنبي
منال(بـ عياط) :احنا جنبك ياقلب ماما اوعي تعيطي انا حاسه انك هتخرجي منها وقلب الام مبيكدبش
*فـ القاضي طلع من جوا وقعد وكلهم قعدوا*
تيم:يلا ياطنط اقعدي
منال:متخافيش يالين خير يارب
*والمحامي دخل وقدم الاوراق والادله وكلهم كانوا قاعدين علي اعصابهم*
القاضي:دي كل الأوراق؟
المحامي:ايوه يافندم
القاضي:اتفضل اتكلم
المحامي :سيدي القاضي.. سياده القاده المستشارين إن تلك الفتاه التي تدُعي لين جمال محمود ناجي تعرضت لـ ضغط شديد من فتحي هشام محمد رؤوف بعد ان قام بتهديدها في العلن في اي قانون دولي يسمح بتهديد تلك الفتاه التي تبلغ من العمر 21 عاما ماذا تفعل؟ كيف تتصرف؟ هل المجتمع يسمح بتلك الضحايا ان تقع في الظلم مره واحده؟ هذه الفتاه التي امامكم تعرضت لـ تهديد شديد من فتحي طليق والدتها ولم تستطيع التصرف...
*وبعد ماقعد يتكلم كتير والقاضي والمستشارين دخلوا يتشاوروا في الموضوع *
تيم:متقلقيش يالين هتخرجي
منال:حبيبتي متخافيش ربنا هيسترها معانا احنا مأذيناش حد في حاجه وهو العالم بينا
لين:وحتي لو حكموا عليا انا مستعده اتحمل نتيجه غلطي انا غلطت ولازم اتعاقب
تيم:لو انتي مستعده تتحمليها انا مش مستعد لين كفايه كده انا محتاجك جنبي
منال:لا انا ولا تيم مستعدين نشوفك في الحاله دي ارحمينا احنا يابنتي تعبنا كتير مش هنستحمل اكتر من كده
*لحد ماالقاضي والمستشارين خرجوا وقعدوا*
منال:متخافيش هاا متخافيش
تيم:اقعدي ياطنط خلينا نسمع
*وقعدوا يسمعوا*
القاضي:القاضي:بعد النظر في اوراق الدعوه حكمت المحكمه حضوريا وبإجماع الآراء علي المتهمه لين جمال محمود ناجي بإلافراج
*وبعد ماخلص *
منال:لولولولولولوي الله اكبر اللهم لك الحمد والشكر اللهم لك الحمد
وسجدت لله شكر وجده تيم كانت عماله تعيط وتيم جري علي لين
لين(بتعيط) :مش مصدقه ياتيم اني خدت براءه الحمدلله يارب الحمدلله
ياسر:مش قولنالك هتاخدي براءه
ساره:الف مبروك يالين الحمدلله الكابوس انتهي
لين:الحمدلله يااارب الحمدلله
منال:ياحبيبه قلب امك انا هموت عليكي مستنياكي تخرجي علشان اخدك في حضني خلااص الكابوس الـ كان في حياتنا انتهي
*وبصيت لـ تيم وياسر*
منال(بعياط) :شكرا ياتيم يابني شكرا يااستاذ ياسر انكم خرجتونا من كل ده انا لو فضلت اشكركم طول عمري مش هيكفي
ياسر:متقوليش كده خلاص احنا بقينا اهل الف مبروك ياطنط عقبال يوم اعدام فتحي
منال:الله يبارك فيكم ياولاد
جده تيم:الحمدلله حق بنتي وحقك رجع الحمدلله
منال:ولو ان اعدامه مش مكفيني برضه
جده تيم(بتضحك) :متبقيش طماعه
منال(بتضحك) :انا مش طماعه بس نفسي اشوفه متقطع حتت علي الـ عمله فيا
تيم:حقك تعملي اكتر من كده
-------------بعد شهر---------
عند ماجده وبنتها هبه كانت ماجده اتجننت وعماله تكلم نفسها طول الوقت
ماجده(بتنده) :حناااان... حناااان... تعالي ياقلب امك انا واقفالك اهو يلا اطلعي
*خرجت هبه لقيت ماجده واقفه علي السلم وبتبص تحت وبتنده جريت شدتها*
هبه(بصويت) :انتي بتعملي ايه؟؟
ماجده(بتضحك) :ابوكي واختك حنان واقفينلي تحت عايزين يطلعوا بس... بس خايفين
هبه(بصويت) :فووووقي.. حنان وبابا ميتين.. حنان اختي ماتت
ماجده(بتضحك) :هو.. هو فين ابوكي مش هو قاعد قدامك اهو
هبه(بتبص حواليها) :ياماما مفيش حد ياحول الله يارب... يارب صبرني علي الـ انا فيه
*لقيت ماجده عايزه ترمي نفسها من بير السلم*
ماجده(بصويت) :اوعي سيبيني بقولك سيبيني انا لازم انط اختك متاخره علي ميعادها انا كده هأخرها اووعي بقولك
هبه(بعياط وصويت) :مفييش حد.. مفيش حد!
ماجده(بـ زعيق) :اوعي بقولك.. انتي مين
هبه(بعياط) :انا بنتك ياماما والله بنتك
ماجده(بـ تفكير) :انا.. انا معنديش عيال انا مش متجوزه انا عندي ابن كبير لا انا معنديش
هبه(بعياط) :يااااارب ياااارب
*لقيت ماجده جايبه سكينه وبتقرب منها
ف اتصلت بمستشفي الأمراض النفسيه جم خدوها*
هبه(في الموبايل) :الحقوووني ماما اتجننت عايزه تموتني انا في البيت لواحدي ومش عارفه اتصرف
*بتبص لقيتها ماسكه السكينه وعايزه تموت نفسها وعماله تضحك وتعمل حركات غريبه*
عند فتحي كان خلاص اتحكم عليه في اخر جلسه بالإعدام وملبسينه البدله الحمرا وبقي يعيط ووشه اتلون من كتر الرعب
فتحي(بـ صويت) :مش عايز اموووت مش عايز انا عاوز اعيش
*وكانوا ساحبينه ورايحين يعدموه*
فتحي(بـ صويت) :سيبوووني بقولكم معملتش حاجه انا مظلوم
_متعملش صوت
*لحد مادخل الاوضه وشاف حبل المشنقه كان مبرق ومصدوم ومرعوب*
الشيخ:قول ورايا
فتحي(بـ عياط) :مش عاوز امووت سيبوني
*وبيرجع بـ ضهره وخايف بس كانوا بيشدوه تاني*
فتحي:انا..انا عاوز اخرج
الشيخ:قول ورايا أشهد أن لا إله إلا الله
فتحي(بخوف شديد) :اشهد ان....
الشيخ:لا اله الا الله
فتحي(بخوف شديد) :لا اله الا... الله
الشيخ:وأن محمد رسول الله
فتحي(بخوف شديد) :وأن محمد.. رسول الله
الشيخ:توكلوا على الله
وكان فتحي مبرق وخايف وهيموت من الرعب لحد ما لبسوه الكيس الاسود في دماغه وربطوله ايديه ورا ضهره وعدموه ومات
عند ماجده خدوها مستشفى الأمراض العقليه
ماجده:ياحنان ياحنان انتي فين
الدكتور:واضح ان حالتها وحشه جدا ممكن تهدي
ماجده:انت مين؟وعايز ايه
الدكتور:انا الدكتور بتاعك ممكن تهدي شويه وتقوليلي مالك بتشتكي من ايه؟
ماجده:دكتور؟ دكتور ايه؟ هو انا تعبانه؟
الدكتور:لا انتي زي الفل بس احكيلي الـ تاعبك
ماجده:انا معرفكش انا عايزه حنان بنتي
*وقايمه من علي السرير تدور عليها فـ الدكتور شاور لـ الممرضين ياخدوها يرجعوها سريرها*
ماجده(بـ صويت) :انا سليمه..انتوا بتعملوا معايا كده ليه انا عايزه حنان بنتي كنتوا سيبوني اروحلها البت عايزاني ياحناان انتي فين حناان
الدكتور:امسكي بسرعه
الممرضه:حاضر
وادوها الحقنه المهدئه وكانت نهايتها ان عقلها طار وفتحي اتعدم وحنان ماتت
عند عبير كانت بتصلي وقريبه من ربنا وحسيت بـ غلطها بس هيفيد بـ ايه؟ وعلي مات! يعني فيها إعدام بس ربنا كتبلها عُمر جديد في عربيه الترحيلات اتقلبت بيهم والعسكري قام فتحتلهم بعد ماالظابط اتوفي
عبير:انا مش عايزه امووت مش عايزه
وعمالين يخبطوا لحد مالعسكري فتحلهم ولما العساكر اتشغلوا في الظابط الـ مات كانت عبير من ضمن الـ هربوا.. عبير راحت فين؟ سافرت برا في هجره غير شرعيه وبدأت حياه جديده برا وهناك اتعرفت على ناس جديده وصبري فتح مشروع
عند منال وجده تيم
منال:يعني فتحي اتعدم؟؟ اللهم لك الحمد والشكر اللهم لك الحمد.. شكرا يااارب شكرا علي كرمك وعلي حقي الـ رجع
جده تيم:دلوقت تقدري تنامي وانتي قلبك مرتاح واوعى تخافي من حاجه ده ربنا اكرمنا بـ عوضه لينا ومش انتي بس الـ هاتنامي مرتاحه لا انا كمان كفايه ان حق بنتي رجع
منال:اللهم لا شماته بس دي نهايه اي حد زي ماجده وفتحي
جده تيم:يابنتي الناس دي اذيتنا بس ربنا ردلهم اذيتهم وولادنا كان ليهم دور كبير
منال:عندك حق خصوصا تيم وياسر صاحبه رجعوا حقوقنا كامله واحنا مش عايزين غير كده
جده تيم:الحمدلله يابنتي بمناسبه الخبر الحلو ده انا هدخل ابدع زي زمان هعملكم كيكه انما ايه هتاكلوا ايديكم وراها مش صوابعكم بس
منال:حبيبتي ربنا يخليكي لينا
جده تيم:ويخليكوا ليا ياحبيبتي يلا هتيجي تساعديني ولا هتندلي؟
منال(بتضحك) :وانا اقدر برضه
*وقامت تساعدها*
عند تيم وياسر في الكافيه كانوا مستنين ساره و لين
تيم:هما اتأخروا كده ليه؟
*وبيبص في الساعه*
ياسر:زمانهم على وصول المهم انت بس عايزك تقوم بكل ثقه واتكلم بـ قلب جامد متخافش
تيم:اوعي تكون عرفت ساره حاجه الا تقولها!
ياسر:عيب عليك ساره متعرفش حاجه وحتى لو عارفه هتحفظ سرها
تيم:اما نشوف شكلكم كلام علي الفاضي وبس
ياسر:هتشوف ياعم وقول ياسر قال
*عند لين وساره كانوا وصلوا*
لين:غريبه انهم جايين بدري عننا هو في حاجه؟
ساره:لا انا مش عارفه بصراحه بس هما بيقولوا خبر حلو
لين:طب ماتقولي لـ لين حبيبتك
ساره:صدقيني معرفش لو اعرف هقولك وبعدين احنا قربنا اهو
لين:اهو قاعدين هناك متجمعين في الخير
*لحد ماوصلوا للترابيزه وكانت لين بتبص حواليها لقيت ورد وبلالين وشموع وهدايا وليله كبيره اوي ولما تيم وياسر شافوهم وقفوا*
لين:ايه ده؟ هو في ايه انا مش فاهمه حاجه
ياسر:تيم عايز يقولك خبرين حلوين
لين:خبرين؟ خبرين ايه ؟
تيم:اول خبر فتحي اتعدم
لين(بـ فرحه) :ده بجد؟؟؟
تيم(بيبتسم) :ايوه بجد وحقوقنا رجعت ولسه مبلغ طنط منال وفرحت جدا ومتتخيليش هي وتيته بيحضروا لإحتفاليه كبيره ازاي
لين(مبسوطه) :الحمدلله يااارب الحمدلله اخيراااا
لين:طيب وتاني خبر؟؟
تيم:تاني خبر هقولهولك بس واحنا لواحدنا
*وطبعا لين كانت مستغربه ومش فاهمه حاجه لحد ماتيم خدها ووقفوا بعيد وياسر وساره كانوا واقفين يتفرجوا من بعيد*
لين:ايه هو تاني خبر ياتيم؟
تيم(بـ تردد) :لين انا ..لين انا بحبك♥️
الفصل الاخير
تيم(بـ تردد) :لين انا... لين انا بحبك
لين(بـ فرحه) :تيم انت بتهزر! انا بحلم؟ احنا في حلم
تيم:بالعكس احنا في واقع.. لين انا بحبك وعايز اكمل حياتي معاكي! عايز نبدأ حياه جديده مع بعض ومن اول وجديد نعوض كل الـ فاتنا ننسي كل الـ فاتت
لين(بـ فرحه) :تيم انا كمان كنت عايزه اقولك حاجه مهمه
تيم(بـ فرحه) :ايه هي؟
لين(بـ فرحه) :الحقيقه ان الحاجه المهمه دي ان انا كمان بحبك وعايزه اكمل بقيت عمري معاك عايزه اكون طول حياتي قصادك.. قصادك انت وبس ونعيش مع بعض من الاول
تيم(بيقعد علي رجليه) :لين، تتجوزيني!♥️
لين بتهز راسها بـ اه وبتضحك راح تيم حضنها وفضلت لين تعيط في حضنه
لين(بـ عياط) :مش مصدقه انك اخيرا اعترفت انا مبسوطه اوي ياتيم طول مانا معاك
تيم(بيبوس ايديها) :انا الـ مبسوط وحظي من السما اني قابلتك انتي غيرتي فيا حاجات كتير اوي من ضمنهم اني اتولدت من اول وجديد من ساعه ماقابلتك.. فاكره يالين لما شوفتيني اول يوم وكنت انا وانتي مستغربين!
لين(بتضحك) :طبعا فاكره وهو ده يوم يتنسي ووقتها الكل كان مكدبني وبيقولي انه حلم بس الحقيقه انه طلع حلم واقع
_________يوم الفرح في الفندق______
صحيت لين الصبح وهي قلبها بيرقص من كتر الفرحه لقيت ساره بتخبط عليها
منال:تلاقيها الكوافيره هقوم افتح.. حاضر جايه
*ولما فتحت ولقيتها ساره*
منال(بإبتسامه) :ساره! ادخلي ياحبيبتي تعالي حظك ان لين نايمه ولسه مصحيتش
ساره:انا بصراحه اول مره ياطنط اشوف عروسه نايمه يوم فرحها انا لو مكانها مش هانام من كتر الفرحه الـ انا فيها
منال:ياحبيبه قلبي عقبالك كده يارب وانا ولين نكون بنعدلك فستانك
ساره:يسمع من بؤك ربنا الا ياسر مش راضي يتكلم ومجنني معاه
منال:اصبري علي الواد شويه مش كده وهو مسيره هيقولك بس كل حاجه وليها وقتها
ساره:الله ماهو تيم اعترف لـ لين اشمعنا بقي
منال:يمكن مش مظبط اموره دلوقت مش عايزاكي تاخدي الامور علي اعصابك ده بكرا هتروق وتحلي وهتقولي منال قالت
ساره:يااارب يااارب.. طب ايه لين مش هتصحي؟
منال:لا ازاي ده الساعه بقيت 1 يادوب تقوم علشان ورانا مليون حاجه النهارده
*لسه بيكملوا كلامهم لقوا الباب بيخبط*
منال:افتحي انتي ياساره
ساره:حاضر
*وراحت فتحت لقيتها علياء نزلت مصر بعد ما لين عزمتها طبعا*
علياء(بتضحك) :سربرايز
منال:علياء؟؟ مش معقول تعالي وحشاني اوي
*وحضنتها وسلمت عليها*
علياء:حبيبتي ياطنط لولولولولولوي
منال:حبيبتي.. دي علياء كانت زميله لين في تركيا وهي مصريه واول ماعرفت ان لين فرحها النهارده نزلت مخصوص علشان تحضره
ساره:اهلا بيكي ياعلياء
علياء:اهلا بيكي
منال:اما نصحى البنت دي مش معقول كل ده نايمه.. لين اصحى يابنتي حرام عليكي زمان تيم اتصل فوق الالف مره لحد دلوقت
لين(بتصحي) :ماما الساعه كام
وبتبص جنب منال لقيت علياء فـ نطت من فوق السرير وحضنتها
لين(مصدومه وفرحانه) :علياء!!!! وحشتيني اوووي
علياء(بتحضنها) :وانتي كمان اووي اخيراا شوفتك بعد كل المده الطويله دي هو كان لازم تتجوزي علشان اجي واشوفك
لين:سامحيني يا لولو غصب عني زي مانتي شايفه اتحطيت في مليون حاجه الفتره الـ فاتت
علياء:مش مهم انا المهم بالنسبالي ان النهارده يوم فرحك بجد متتصوريش فرحتي بيكي عامله ازاي
منال:عقبالكم يابنات نجيلكم في الافراح والمناسبات السعيده
*وهوب لقوا الباب بيخبط كمان مره*
ساره:مين؟
جده تيم:امانه عليكم ماتكسروا بـ خاطري ولا خاطر الـ معايا عايزاكم النهارده تنسوا اي حاجه زعلتكم وافرحوا
لين:ليه بتقولي كده ياتيته هو في حاجه حصلت
جده تيم:صراحةً اه مش هكدب انا معايا حد طالب منك السماح
وراحت شاده نور!
لين(بـ عياط) :نور!!
نور(بتحضنها وتعيط) :حقك عليا يالين انا عارفه اني جرحتك اوي سامحيني والله انتي اغلي صاحبه قابلتها في حياتي حقك عليا انا اسفه ليكي يا لين سامحيني
منال:خلاص يا لين كفايه انها قدرتك وعرفت غلطها مش عايزين زعل تاني النهارده فرح فـ نركن الزعل علي جنب
لين(بتعيط) :انا مسامحاكي خلاص متعيطيش
نور(بتبوسها) :متزعليش يالين بجد سوري
لين(بتعيط) :خلاص يانور محصلش حاجه
منال:خلاص بقي يابنات يلا انا هروح اوضتي اجهز ورانا مليون حاجه النهارده
جده تيم(بتهزر) :خديني معاكي دي قعده بنات لكن انا ست كبيره راحت عليا
ساره:متقوليش كده ياطنط ده انتي زي القمر
جده تيم:يابت يابكاشه بتجامليني
لين(بتضحك) :لا ياتيته ساره مش بتجاملك دي بتقول الحقيقه حتي
ساره:ايوه ياتيته والله
جده تيم(بتضحك) :ماشي يابنات ياحلوين يلا انا هروح اجهز علشان ابقى احلي منك النهارده يالين
*وكلهم بقوا يضحكوا علي كلامها *
لحد ماجات الميك اب ارتيست وكانوا مشغلين اغاني في الاوضه
لين:تعالي اتفضلي
الميك اب أرتيست:مساء الخير ياعروسه
لين:مساء النور اتفضلي
الميك اب ارتيست:اتأخرت عليكي؟
لين:لا خالص انا لسه صاحيه من شويه
الميك اب ارتيست:طيب يادوب نلحق نجهز
*وبدأت تطلع الادوات من الشنطه*
عند تيم دخل خد شاور وياسر كان معلق البدله بتاعته جنب بدله تيم ووقف قدام المرايا يسرح شعره ومبتسم لحد ماتيم خرج بالفوطه
تيم:ايه ياعم هو انت العريس ولا انا
ياسر:هههههه الله هو لازم اكون العريس مش لازم صاحب العريس يظبط نفسه علشان يشرف
تيم:طب والله انت تشرف من غير اي حاجه
ياسر(بيضحك) :ايوه ايوه مانا عارف
فـ تيم طلع الموبايل وبعت المسدج دي لـ لين
تيم:النهارده، اليوم الـ انا استنيته من زمان كنت عارف انه مسيره هيجي، بس كان قلبي مستعجل علي انه يقابلك ويشوفك قصاده كل يوم، يصحي وينام على صوتك، ساعات بسيطه وهتبقي مراتي حلالي بعد ماكنا اقرب صحاب لـ بعض، احب اشكر ربنا اولا.. ثانيا اشكر ماجده انها كان في نيتها تإذينا بس عملت فيا اكبر معروف وهو اني قابلتك وحبيتك، انا في قمه فرحتي بيكي النهارده، ومش متخيل احساسي لما اشوفك بالفستان، بحبك يا لين♥️💍
ياسر:ايه ياعريس مشغول في ايه
تيم:كنت ببعت مسدج لـ لين، متتصورش انا مبسوط قد ايه النهارده بجد احساس مش سهل لغبطه مابين توتر وفرحه وحاجات كتير
ياسر:ايه ده.. ايه ده انت كده شوقتني اجرب الأحساس ده وانا بصراحه هموت واجربه
تيم:وايه الـ مانعك
ياسر:الـ مانعني شهور عده ساره واول ماتعدي هتلاقيني زي الصاروخ قرايه فاتحه هوب خطوبه هوب كتب كتاب هوب فرح
تيم(بيهزر معاه) :مش يمكن ساره متوافقش؟
ياسر:لا هتوافق ياخويا علشان هي بتحبني زي مانا بحبها وهتشوف ياتيم
*راح تيم واقف قصاد المرايا وفضل يبص لـ نفسه*
تيم(بيضحك) :الله يسهله.. اما قولي أنفع عريس صح؟
ياسر:تنفع ومتنفعش ليه ده انت حتى عريس زي القمر زي كده يعني
تيم:ابتدينا نتغر.. روح افتح الباب شوف مين
ياسر:حاضر جاي
وراح فتح الباب لقاه الحلاق
نرجع لـ لين كانت مَسلمه نفسها للميك اب ارتيست
لين:ايه رايكم في اللون ده؟
ساره:حلوه اووي
نور:انا حاسه ان اللون الدهبي احلي عليكي
علياء:لا انا حاسه ان الـ عليكي احلي
لين:ايه رايك
الميك اب ارتيست:ممكن نغير حاجات بسيطه
لين:وانا معاكي شوفي ايه يليق عليا واعمليه
نور(قدام المرايا) :انا هحط روج احمر
علياء:وانا عايزه اظبط شعري عن كده
وكانت ساره بتجهز
______وبعد 4 ساعات_____
كان كله جاهز والبنات كلهم لبسوا وجهزوا وكانوا بيساعدوا لين في الفستان
لين:شدوا اكتر
علياء:حاضر من هنا صح
لين:ايوه
ساره:لين ايه رايك فيا؟
لين:تحفه اوووي بجد
ساره:ميرسي انا جيبت الفستان ده مخصوص علشانك
لين:ربنا يخليكي ليا ياساره ويخليكوا ليا كلكم وافرح بيكم قريب
نور:يااارب يا لين
فـ لين فتحت الموبايل وشافت المسدج بتاعت تيم وردت عليها
لين:انا الـ حظي حلو اني قابلتك كانت احلي صدفه يوم ماقابلتك ياتيم وبنتمني نكمل حياتنا الجايه مع بعض في خير وسعاده♥️💍
علياء:لين.. تيم جاي دلوقت استعدي
ساره:اقفي بـ ضهرك علشان الفيرست لوك
تيم:ايه رايك يا ياسر فيا
ياسر:عريس زي القمر ربنا يتمملك بخير ياحبيبي
تيم:يااارب وعقبالك انت وساره.. انا بجد مش مصدق نفسي معقول خلاص لين هتبقي مراتي!
فـ لقوا صبري جاي
صبري:الف الف مبروك ياتيم انشالله يرزقك بالخير كله
تيم:الله يبارك فيك وعقبالك وعقبال ماتعوض الايام الـ فاتت
صبري:ياارب وعقبالك يااستاذ ياسر
ياسر:ادعيلي بقي
وراحوا عند لين.. وتيم كان متوتر وخايف من احساسه لما يشوف لين بالفستان قدامه
منال:الله اكبر عليكي الله اكبر بسم الله ماشاء الله
جده تيم:ماشاء الله ايه الحلاوه دي مش معقول حلاوتك يا لين يابنتي روحي ربنا يحفظك من العين ويتمملك بخير انتي وتيم
لين:يااارب ياحبيبتي ويخليكي لينا
علياء:تيم وصل استعدي
ساره:متلفيش خليكي واقفه بـ ضهرك
تيم(بيضحك) :ايه ادخل؟
نور:استني.. لفيتي يا لين؟
لين:ايوه يابنتي
نور:ادخل
ساره:لولولولولولولوي
ياسر(بيغمزلها) :انما ايه الحلاوه دي😉
ساره(بـ احراج) :بس يا ياسر
ياسر(بيرخم) :بس يا ياسر؟ ده انتي هتموتي عليا حتي بصي اهو
ساره(بتضحك) :بس يارخم
وبتضربه براحه وفضلوا يضحكوا
ياسر:ماتدخل ياعريس متوتر ليه
تيم(بيضحك) :هدخل اهو
ودخل وقف ورا لين وكانت لين مدياله ضهرها علشان الفيرست لوك
منال وساره:لولولولولولوي
تيم(بيضحك) :لفي يا لين
لين(بترخم) :مش هلف
وكل مايروح اتجاه وشها تيجي متديره الناحيه التانيه بقي يجري وراها لحد ماشافها
تيم(بـ نظرات حب) :ايه الجمال ده؟؟
وحضنها وفضلوا هما الاتنين يعيطوا
منال:بس ياولاد متعيطوش
وكان تيم ماسك فيها اووي كأنه ماصدق لقاها
ياسر:طب ايه ما يلا ياعريس.. المأذون على وصول اهو
تيم(بيعيط) :مش مصدق يا لين انك بقيتي ليا
لين(بتعيط) :صدق انا بقيت معاك خلاص
*وبتطبطب علي ضهره *
ياسر:ياعريس انا بكلمك
فـ تيم ساب لين وبص له
تيم:انت انسان فصيل
ياسر:ياعم انجز المأذون جاي في الطريق
تيم(بنظرات حب) :يلا بينا
منال:لولولولولوي
وراحوا القاعه والمأذون جه
المأذون:قول ورايا يابني
تيم:اتفضل
المأذون(في المايك) :إن الحمدلله نحمده ونستعينه ونستغفره نعوز بالله من شرور أنفسنا وسيئات اعمالنا انه من يهد الله فلا مضل له ومن يضلل فلا هادي له وأشهد ان لا اله الا الله وحده لا شريك له وان محمدا عبده و رسوله
*وبعد ماخلص بقيت الصيغه دي*
المأذون (في المايك) : قول ورايا ياعريس.. اني اتوكلت علي الله تعالي
تيم(في المايك) :اني توكلت على الله تعالي
المأذون:أن اتزوج الانسه البكر لين جمال محمود ناجي
تيم:أن اتزوج الانسه البكر لين جمال محمود ناجي
المأذون:لـ نفسي وبنفسي علي كتاب الله تعالي وسنه رسوله
تيم:لـ نفسي وبنفسي على كتاب الله تعالى وسنه رسوله
المأذون:علي الصداق المسمى بيننا
تيم:علي الصداق المسمي بيننا
المأذون:عاجله وآجله وعلى شهاده الشهود والله خير الشاهدين
تيم:عاجله وآجله وعلى شهاده الشهود والله خير الشاهدين
المأذون:قولي ورايا ياعروسه
*وبعد ما خلصوا*
المأذون(في المايك) :بارك الله لكما وجمع بينكم في خير ان شاء الله
منال وساره:لولولولولوي
وياسر وصبحي قاموا يحضنوا تيم.. وساره ونور وعلياء قاموا يحضنوها
ياسر(بيحضنه) :الف الف مبروك
تيم(بيحضنه) :الله يبارك فيك عقبالك
ياسر:يااارب
نور(بتحضنها) :الف مبروك ياروح قلبي
لين(بتحضنها) :الله يبارك فيكي
علياء(بتحضنها) :الف مبروك يالين
لين(بتحضنها) :الله يبارك فيكي
ساره(بتحضنها) :لولولولوي الف مبروك ياحبيبتي
لين(بتحضنها) :الله يبارك فيكي عقبالكم يابنات
منال(بتحضنها) :بنتي حبيبتي مش مصدقه انك اتجوزتي خلاص
لين:حبيبتي ياماما ربنا يخليكي ليا
منال(بتعيط) :عقبال مااشيل ولادك يارب
لين(بتعيط) :يارب متعيطيش بقي الميك اب هيسيح وهنتبهدل
ساره:لالا بلاش عياط يالين
لين:خلاص بقي ياماما
منال(بعياط) :والله ما مامصدقه يابنتي حاسه اني بحلم
جده تيم(بتحضن تيم) :مبروك ياقلب تيته جه اليوم الـ عيشت فيه وشوفتك عريس
تيم(بيحضنها) :الله يبارك فيكي ياتيته ربنا يخليكي ليا ويبارك في عمرك
جده تيم(بعياط) :ياارب يابني
ياسر:خلاص بقي احنا هنقلبها عياط ياجماعه ده فرح يعني لازم نفرح اركنوا اي حزن علي جنب
منال:دي دموع الفرحه يابني
راح تيم حاضن لين حضن طويل اوي وشالها ولف بيها وباس ايديها
وراحوا عملوا الفوتوسيشن وكانوا هما الاتنين حلوين جدا ولايقين على بعض ولافتين كل الانظار لحد ماوصلوا للقاعه الاوبن اير وكانت منال والبنات بيرموا عليهم ورد ودخلوا علي اغنيه الفستان الأبيض
(انا كل ما اغمض عينى الاقيكى جايه من بعيد
لابسه الفستان الابيض والمزيكا تقول وتعيد
والالقيكى بتضحكيلى وبتقوليلى بقينا لبعض
والاقى دقات قلبى من كتر الفرحه تزيد
الاقى لمه واحلى دمعه من عيون فرحانه
ما خلاص العين هتنام بعد ليالى كتير سهرانه)
منال(بعياط) :ياحبيبتي انتوا الاتنين زي القمر ربنا يحميكم ياارب واشيل عيالكم قريب
جده تيم(بعياط) :ياحبيبي امك لو كانت عايشه كان زمانها طايره من الفرحه عليك الله يرحمها
منال:ياحبيبتي الله يرحمها انا مش مصدقه لحد دلوقت ان لين اتجوزت بصي زي القمر ازاي
ودخلوا قعدوا في الكوشه وصحاب لين راحوا يتصوروا معاهم
نور(بعياط) :زي القمر
لين(بعياط) :متعيطيش يانور
وماسكه ايديها
ساره:لولولولووي
ياسر:انتي تخصص زغاريد تعالي معايا
ساره:ايه في ايه؟
ياسر:تعالي بس
وخدها ووقفوا بعيد وطلعلها خاتم
ياسر:فاكره لما قولتلك هديكي حاجه لا تقدر بـ ثمن
ساره:قصدك على الخاتم يعني
ياسر:لا طبعا.. ساره تتجوزيني؟
ساره:لا
وراحت ماشيه راح شاددها
ياسر:وحياه امك طب ايه رايك انك هتتجوزيني بالعافيه
ساره(بتضحك) :هفكر اديني مهله شهر
ياسر:ولا نص دقيقه خلاص انتي وافقتي
فـ ساره بصتله بـ ابتسامه!راح ياسر ماسك ايديها وباسها وحضنها وراحوا لـ تيم ولين
وقاموا يرقصوا سلو علي اغنيه مابعرف(مابعرف كيف بنظرة بتعمل هيك بتاخدنى ليك وبموت عليك ما بعرف شو اللى عن يسحرنى هيك لمسة ايديك ضحكة عينيك حسيت بقربك بالامان حسيت بقربك بالأمان
صرت بزمان غير اللي كان عم اعشق انا ، عم اخلق من أول و جديد ع اسمك انا عم البس خاتم عمري بالايد عم اعشق انا ، عم اخلق من أول و جديد ع اسمك انا عم البس خاتم عمري بالايد )♥️💍
تيم:بحبك
لين:وانا بعشقك ياتيم
وحضنها ولف بيها وكان شكلهم تحفه♥️
_________بعد شهرين_____
كانت عده ساره خلصت وهيقروا الفاتحه واتفقوا على الميعاد وكان تيم لسه نايم و لين صحيت قبله.. ونور وساره وعلياء اتصاحبوا
ساره(في التليفون) : ايوه يابنتي عايزاكي تيجي النهارده بدري متتأخريش
علياء:هخلص الـ ورايا وهاجي واه هعدي علي نور ونيجي سوا
ساره:تمام مستنياكم وهتصل بـ لين وتيم واتفق معاهم علي الله حد يتأخر النهارده
علياء:انا هخلص الـ ورايا وهاجي عالطول
ساره:ماشي ياستي هنشوف
واتصلت بـ لين
ساره:ها ياستي انتوا هتيجوا امتي
لين: تيم لسه نايم لما يصحى هنلبس ونيجي
ساره:انا مبسوطه اوي يالين مبسوطه اوي اوي
لين:وانا مبسوطه اكتر كفايه ان الحاجه الـ كان نفسك فيها بتحصل دلوقت
ساره:طايره من الفرحه بجد
لين:ده كان احساسي وقتها والـ مازال موجود
ساره:ربنا يفرحك ويفرحني ويجعل حياتنا قلوب
لين:يااااارب يلا هصحي تيم ونيجي
ساره:ماشي مستنياكم باي
وقفلت معاها ولما تيم صحي وجهزوا
تيم(بيحضنها) :خلصتي.. ايه القمر ده
لين(بتحضنه) :طبعاا وانا هطلع حلوه لمين غيرك
تيم(بيحضنها) :لين انتي احسن حاجه حصلتلي في حياتي
لين(بتحضنه) :وانت ياتيم اول اجمل هديه ربنا باعتهالي
تيم(بإستغراب) :وايه تاني هديه؟
لين(بتضحك) :هقولك واحنا هناك
تيم(بإستغراب) :قولي يا لين معقول هتسيبيني مني لـ دماغي كده
لين(بتضحك) :هقولك هناك صدقني
تيم(بيضحك) :مع ان الفضول هيموتني بس ماشي
وراح يلبس الشوز بتاعته بس رجليه مش راضيه تدخل!🤔
تيم(بإستغراب) :هو في ايه جوا
وشدها وطلع الـ جواها كانت شوز بيبي صغير
تيم(مصدوم وفرحان) :دي شوز بيبي صح؟
لين(بتضحك) :ايوه زي مانت شايف
تيم(فرحان ومتلغبط) :انتي...؟؟ انتي...؟
لين بتهز راسها بـ اه مع ابتسامه.. راح حضنها وفضل يعيط وهي تعيط
تيم(بعياط) :مش مصدق نفسي
و لين طلعت اشعه السونار وحطوها في برواز وقصاده شوز البيبي👶🏻
الـ بيحب بيكمل وبيسعي دايما لـ تغيير نفسه للأفضل مش بيتخلي ولا بيخون.. اوقات كتير بنتمني حاجات والـ حوالينا يقولوا صعب ومستحيل لكن الحقيقه هنا ان مفيش حاجه مستحيل كلنا في ايدينا تحقيق احلامنا بـ فضل ربنا اولا.. ثم اجتهاد وسعي مننا.. الانسان الـ بيمشي غلط هيقع في الغلط مهما كان واثق في نفسه مسيره هيقع زي فتحي وهتكون نهايته الهلاك والدمار.. الـ شمت في حد هتلف الايام وهيحصله زي ماحصل لـ غيره.. اننا نفوق من غلطنا ونتعلم منه بيصنع روح جديده عندها استعداد تتغير للاحسن.. الحب عمره ماكان مستحيل ولا صعب بس للـ قده ♥️
تمت بحمد الله