رواية غرام الفارس
الفصل العاشر10
بقلم هبة ابو بكر
كان مراد في سيارته ينتظر فارس بتافف و ظل يتصل عليه و لكنه لم يجيب عليه
راه يخرج من الدوار و لكن ليس بمفرده فظنها اميمه اخته
فنزل من السياره و هو ينادي علي صديقه
مراد : فارس
فانتبه فارس له
و وجد مراد امامه و هو يقترب منه
مراد : ايه يا اخي كل ده لطعني حرام عليك و بعدين مش بترد علي موبايلك ليه
كل هذا و غرام خلف فارس لم يراها مراد بعد ففارس ببنيته العريضه كان يغطي عليها
فارس : مراد معلش امشي انت دلوقتي و انا هقابلك بليل
مراد و هو يلاحظ انزعاج صديقه : مالك يا فارس ايه اللي حصل
فارس : هحكيلك بعدين سلام دلوقتي
مراد : استني طيب انت رايح فين
فارس : رايح اسطبل الخيل
مراد : طب تعالو اوصلكو
نظر فارس لغرام و بعدها مراد : توصلنا اليه ده هي ١٠ دقايق مشي
انتبه مراد ل غرام فأبتلع ريقه و هو يهتف متسائلا
مراد : مين دي يا فارس
فارس : دي غرام مراتي
مراد بصدمه : مراتك ازاي يعني و فرح
فارس : هحكيلك بليل يا مراد قولت يلا سلام
أؤما له مراد و ابتسم له وتحرك فارس و غرام من امامه
فتحولت ملامح مراد الي الغضب و الغل
مراد : اتجوزتها يا فارس اتجوزت البني الادمه الوحيده اللي انا حبيبتها بس انا مش هسبهالك يا فارس مش هسيبها غرام دي ملكي انا
ثم كز علي اسنانه : ملكي انا لوحدي
.................................................................
في الدوار
فاطمه : هو انتي ايه مفيش فايده فيكي هتفضلي غلاويه اكده علطول
وفاء : لمي لسانك يا فاطمه و أنتى بتكلمي معايا
فاطمه بغضب : لا ده انتي اللي تحترمي نفسك و متنسيش اني اختك الكبيره ايه فاكره انك هتفضلي تضايقي في ابني و انا هسكتلك
خرج كل من بالمنزل علي اصواتهم
اميمه : في ايه يا ماما مالك
وفاء بغل : لا متسكتيش يا فاطمه و انا كمان مش هسكت انا مش موافقه علي المسخره اللي بتحصل دي يعني هو يبقا متجوز بنت عمه اللي هي في نفس الوقت بنت خالته و يروح يتجوز واحده غريبه و من مين من عيله المنشاويه اللي البلد كلاتها عارفين العيله دي كانت بتشتغل في ايه
فاطمه : غرام بقت من العيله يا وفاء خلاص و لازم تتقبلي الموضوع
فرح ببكاء و حزن مزيف : حرام عليكي يا ماما اللي انتي بتعمليه ده حرام
اقتربت اميمه من فرح و هي تحاول تهدئتها
فاطمه : شهد اميمه خدو فرح اوضتها
شهد و اميمه : حاضر
اقتربت فاطمه من وفاء هاتفه بتحذير : وفاء لاخر مره هحذرك ملكيش دعوه بفارس و مراته فاهمه و لا لا
.................................................................
وصل كلا من فارس و غرام اسطبل الخيل المنفصل عن منزلهم فعائله العمري معروفين بحبهم للخيل لذلك كان هذا الاسطبل كبير و ملئ بالاحصنه بجميع انواعها لذلك هو منفصل عن منزلهم
اخذ فارس يسير مع غرام و هو صامت فهو مازال غاضبا و لكنه يعلم بانه سيهدء بعد قليل فهذا المكان يريحه كثيرا ففارس عندما يكون منزعجا او غاضب من شى ما ياتي الي هنا لذلك طلبت منه والدته ان ياتي الي هنا بصحبه غرام
قطعت غرام هذا الصمت
غرام بهدوء : انت هتفضل ساكت كتير
فارس ببرود : هكلم اقول ايه يعني
غرام و هي تقترب : متقولش حاجه انا اللي المفروض اقول
وقف فارس بمقابلتها و نظر بعيونها : تقولي ايه
غرام : المفروض اشكرك يا فارس انت بتعمل معايا حاجات انت مش المفروض تعملها اولهم لما ساعدتني و انقذتني من رجال عمي و خدتني الدوار عندكم و قعدتني مع عيلتك وفوق كل ده وافقت تتجوزني و انهارده وقفت قدام خالتك عشاني انا بجد مش عارفه اقولك ايه بس انت شهم اووي يا فارس
كل هذا و فارس ينظر في عينيها و يتابع حركة ثغرها
لاحظت غرام صمته فرفعت عينيها لتجده ينظر اليها بطريقه اربكتها كثيرا
نظرت حولها تحاول ان تلهي نفسها باي شئ فلاحظت حصان ابيض شديد الجمال لتتجهه ناحيته و تلمس علي راسه
غرام بانبهار من جماله : الله يا فارس حلو اووي الحصان ده
فارس و هو ينظر لها : عجبك
غرام بتلقائيه و سعاده : اوووي
فارس و هو يحرر الحصان و يخرجه من مكانه : طب يلا
غرام : يلا ايه انت فكيته ليه
فارس : عشان تركبيه يلا
غرام بخوف : بس انا اخاف اركبه انا مركبتش احصنه قبل كدا و بعظين اخاف اققع
فارس بنبره هادئه : متخافيش انا معاكي
شردت غرام في عينيه
ثم مد فارس يديه لها بحب : يلا
ابتلعت ريقها و وضعت يديها بيده فأمسكها فارس و ساعدها علي ركوب الفرس
غرام بخوف طفولي : لا لا لا نزلني انا خايفه نزلني يا فارس الله يخليك
فارس : هششش اهدي خالص و متخافيش قولتلك
و بالفعل استمعت غرام لحديثه و بعد مرور القليل من الوقت وجدت نفسها اخذت عليه و احبته كثيراا و لاحظ فارس اختفاء الخوف و حل محله السعاده و الانسجام مع الفرس
غرام و هي فوق الفرس و يمشي بها و فارس بجانبهم : هو اسمه ايه الفرس ده
فارس : اولا ده مش فرس ده فرسه
ثانيا ملهوش اسم
غرام : يعني ايه ملهوش اسم
فارس : يعني فيه كام حصان مسمتهوش و دي واحده منهم
غرام بتسئاول : طب و مسمتهاش ليه
فارس : ملقتش اسم يليق عليها
اؤمات له غرام بتفهم
فارس : يلا بقا نرجع كفايه كدا
غرام : ماشي
رجع فارس و غرام لنفس المكان الذي تحركوا منه مره اخري ليقوم فارس بامساك غرام من خصرها و انزالها من علي الفرس
توترت غرام كثيرا من لمسه لها و اقترابه منها
غرام بعد ان نزلت من علي الفرس : شكرا يا فارس الييوم كان جميل اوووي
أؤما لها فارس و ابتسم لها ابتسامه جانبيه و تحركوا للعودة للدوار مره اخري
وبعد مرور بعض الوقت وصل فارس و غرام الدوار فدخل فارس معها من البوابه
فارس : ادخلي يلا يا غرام
غرام باستغراب : و انت
فارس : هروح اشوف واحد صاحبي
أؤمات له براسها و دخلت المنزل اما هو فاتجه لسيارته و اتصل علي صديق عمره
فارس : ايوه يا مراد انت فين
مراد : في البيت
فارس : طب يلا انزل انا جايلك حصلني علي المكان اللي بنقعد فيه
مراد : تمام انا اصلا عاوزك في موضوع مهم
.................................................................
تقابل كلا من فارس و مراد في مكانهم المعتاد و هو مكان منعزل بعض الشئ امام بحيره
فارس بعد ان قص علي مراد كل شئ
بس يا سيدي هو ده اللي حصل
مراد بغل : بس ازاي فرح وافقت انك تجوز غيرها دي بتعشقك
فارس : اهي وافقت و معملتش مشاكل و ده اللي انا استغربته كنت متوقع انها هتقلب الدنيا بس جدي اقنعها و مش عارف اقنعها ازاي
مراد : جدك ده مش سهل برضو دماغه تتوزن
فارس بضحك : انت هتقر علي جدي و لا ايه
مراد : ابدا والله انا بحسد بس
المهم كنت عاوزك في موضوع مهم
فارس و هو ينتبه له : قول يا مراد ايه هو الموضوع المهم ده
مراد بخبث : فاكر البت اللي كنت قولتلك عليهاا.
فارس : اكيد طبعا البت اللي انت بتحبها
مراد : اها انا بقا فكرت اتقدملها ايه رائيك
فارس : عين العقل طبعا مدام بتحبها يبقا لازم تاخد خطوه جد
مراد : و ده اللي انا ناوي عليه
فأكمل حديثه : عشان كدا انا بطلب منك ايد اميمه اختك يا فارس
نظر فارس لمراد بحده
فارس : انت بتقول ايه يا مراد
مراد بتنهيده : بقولك ان انا بحب اميمه يا فارس و كنت ساكت كل ده عشان هي اختك و عشان فرق السن اللي بيني انا و هي انا عارف يا فارس انا اميمه اصغر مني بكتير و بصراحه هو ده اللي كان مخليني ساكت كل ده بس خلاص فاض بيا انا عاوز اتجوزها يا فارس
فارس بعتاب لصديقه : و مقولتش من الاول ليه مراد
مراد بسخرية : اقولك ايه يا فارس هو انت كنت عاوزني اجي اقولك انا بحب اختك فتقوم انت بقا واخدني بالحضن مش كدا
فارس بغضب : ايوه يا مراد المفروض كنت تيجي تقولي مش تعذب نفسك كل ده و بعدين انا ايه اللي هيخليني ارفض
مراد بكذب : يووه يا فارس هو انا بحكيلك عشان تعاتبني و بعدين اللي حصل حصل خلاص
فارس : ماشي يا مراد انا هكلملك جدي
مراد ببراءه مصطنعه : هو يعني ممكن يرفض يا فارس و يحرمني منها
رفع فارس بيديه و مسد علي كتفه : لا متقلقش جدي بيحبك
مراد : طمنتني الله يطمنك يا شيخ
و أكمل في سره : هانت يا حبيبتي هانت وهبقى على جنبك
__________________________________-_-_-
كانت غرام بالغرفه شاردة تتذكر الوقت الذي قضته برفقة فارس فقطع تفكيرها فتح الباب بقوه
غرام وهي تضع يدها على صدرها : بسم الله
و نظرت تجاه الباب تريد ان تري من الذي فتح الباب بتلك الطريقة فوجدتها فرح
غرام و هي تنهض من على الفراش : خير يا فرح في حاجه
فرح باستهزاء وهي تتفحص ملابسها : لا مفيش جيت اشوفك اصلك وحشتيني اوي
غرام بدهشه : انتي بتتريقي صح
فرح بضحكه عاليه : اكيد طبعا
انا جايه عشان اقولك كلمتين تسمعيهم وتحطيهم حلقه في ودانك
غرام : اتفضلي
اقتربت فرح منها و تحدثت بفحيح الأفاعي : فارس ده بتاعي لوحدي و لو كنت سمحت لوحده زيك انها تشاركني فيه فده عشان مصلحه العيله (كانت فرح تتحدث عن الحفيد الذي ستنجبه غرام و لكن غرام ظنت بمصلحة العيله هو سمعتهاا)
غرام بحزن شديد : متقلقيش انا مخدتش فارس منك و لا ناويه اني اخده فارس ليكي لوحدك يا فرح اطمني
فرح و هي ترفع يدها وتمسح علي شعرها : ايوه كده شاطره خليكي كده بقى مطيعه علطول و انا احبك اوووي
اؤمات لها غرام و ابتسمت لها فرح بخبث و تحركت ناحية الباب
فقالت قبل أن تخرج من الغرفة : صحيح فارس لما يجي انهارده عشان يبات عندك اطلبي منه يجي يبات عندي قوليله اني كنت تعبانه النهارده اتفقنا
غرام : اتفقنا
خرجت فرح من الغرفه فتغيرت ملامح غرام من الحزن الي المكر و ابتسمت ابتسامه ماكره فهي تفكي بشئ ما وعزمت علي تنفيذه
.................................................................
كان فارس مازال جالس مع صديقه فأتي إليه أحد الغفر ينادي عليه
الغفير : يا فارس بيه يا فارس بيه
نهض فارس من مكانه : في ايه يا مسعود
مسعود و هو ينهج : ايمن المنشاوي قاعد علي القهوه و بيقلب أهل البلد عليك جنابك و بيقول انك هربت بنت اخوه يوم دخلتها و مقعدها عندك في الدوار و انه هي يعني الصراحه
فارس بغضب : انت هتقعد تتهته كتير قول بيقول ايه كمان
مسعود بتلعثم : لا مؤاخذة يعني أنها عشيقتك