رواية لأنها توسل
الفصل العاشر 10
بقلم سوسو تويكس
فتح المكالمه وشغل الاسبيكر وجا صوت احمد :وااضح انك اشتقتي لي، لي ما جيتي تستقبليني ي.. ما تمه كلامو قفل الخط َجدع التلفون وقال بي هدوء مخيف وصوت مبحوح من الغضب:ده منو ال***، البتصل ليك بليل يا***،،، بقيت ارجف وانا شايفه ح يضق من الغضب صدمني بي كف شدة نا كان قوي لمن وقعتا في الأرض بقيت ما سامعه شي وشايفه طشاش جراني من شعري و بالكم بي غضب بس برضو ما سامعه بقول شنو، وقت شافني واقفه زي الجثه ما بتحرك، ضرب الحيطه بي يدو وطلع من الشقه وانا انفقعتا في البكا لي حظي كعب كده تعتبا وزهجتا من الحياه بكا ما عندي طاقه عشان أقاوم ونمتا في مكاني، صحيت الصباح استحميت ولبستا مشيت الشغل طول الوقت كنت شارده فطوم لاحظت لي ووقت استراحة الفطور سالتني حكيت ليها كل شي وانا بشهق من البكا، فطوم:توتا الزول ده بغار عليك😳،، توسل: مزاجي ما رايق لي هظارك ده،، فطوم:ورب الكعبه، العمل ده كلو بيثبت غيرت الشديده عليك في ناس لمن يغيرو بفقدو السيطرة في غضبهم وهو من النوع ده والدليل الحصل معاك امبارح، وحتى طلع ببيت في عربيتو تحت الشقه وده دليل برضو،، توسل:دي ما روايه يا فطوم ده واقع عايشه وعارفه نهايتو،، فطوم:وحتى لو رجع ليك القروش ما ح يطلقك ص.... اوبااا شوفي الجا منو،، قبلتا لقيتو احمد ما حسيت على نفسي الا وانا بحضنو وببكي بي فرح وبعاتب فيهو،، فطوم قالت لي امشي معاهو انا بسد محلك،، طلعنا على كافي فاتح على الشركة،، سالني بي زعل:لي اتزوجتي وعمو آدم ما كان راضي،، جبتا ليهو أعذار وهميه وغيرتها الموضوع، بعدساعه من العولاق طلع لي كيس هديه في علبه كبيرة وكيس تاني بالاسود، شلتهم وانا بشتغل فيهو وبلعب ليهو بي شعرو عشان اغضبو، واقفين قدام الكافي وانا لسه بغيزو بخرب ليهو في شعرو وبضحك، بس غيث جا وهو بنادي بي اسمي و اتخيل شكلو كان كيف ما اتكلم معااي طوالي نزل في احمد ضرب واحمد المسكين ما فاهم شي الناس اتلمو وكلو ما اطلب منو يوقف ضرب بضربو زياده وبقول :خايفه عليهو ده هو الاتصل امبارح صاح،، لحدي ما صرختا ليهو :ده اخووي،،حتى وقف ضرب واعتذر ليهو وقال انو سوء تفاهم واحمد اتعرف عليهو وقال لي:بي سببك وشي بقى زي طريق الدميه الله يجازيك🙂،، فكيت الضحكة وانا بمسح دموعي، غيث حمر لي وهمس :اصبري لينا شقه تلمنا،، من الخوف حيلي مات احمد ودعنا وجا وقت الحساب